གཞོན་སྐྱེས།

རྒྱལ་ཡུམ་ཆེན་མོའི་དྲན་རྟེན་རྐང་རྩེ་པོ་ལོ་རྕེད་འགྲན་ཐེངས་ ༢༩  པ་དབུ་འཛུགས།

ཞི་ཅིན་ཕིང་ France ནང་སླེབ་འཆར་དང་བསྟུན་བོད་མིས་བོད་དོན་འཕྲེད་དར་འཕྱར་ནས་ངོ་རྒོལ།

ཏཱ་ལའི་བླ་མའི་གཙུག་ལག་སློབ་ཡོན་བཞེས་མཁན་གྱི་གཞོན་སྐྱེས་འགོ་ཁྲིད་ཁག་གཅིག་ལ་མཇལ་ཁ་བསྩལ་བ།

བོད་མིའི་ཁྱད་ལས་དྭང་བླངས་ཞབས་ཞུ་གསར་བསྡུའི་གསལ་བསྒྲགས།

ཕྱི་ལོ་ ༢༠༢༤-༢༥ ལོའི་ཏཱ་ལའི་བླ་མའི་གཙུག་ལག་སློབ་གཉེར་བའི་སློབ་ཡོན་གསལ་བསྒྲགས།

བོད་ཀྱི་བེུད་རྐང་སྤོལ་རུ་ཁག་ CONIFA འཛམ་གླིང་རྐང་སྤོལ་རྩེད་འགྲན་ནང་མཉམ་ཞུགས་གནང་གཏན་ཁེལ་བ།

ཧོན་སུར་དང་མོན་གྷོ་རུ་ཁག་གཉིས་དབར་རྒྱ་གར་ལྷོ་ཕྱོགས་ཁུལ་གྱི་རྐང་སྤོལ་རྩེད་འགྲན་མཐའ་མའི་འགྲན་བསྡུར་གནང་རྒྱུ།

རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ Empowering the Vision Project འམ་ན་གཞོན་ནུས་སྤེལ་ལས་གཞི་ཞེས་པའི་ཚོགས་པའི་གོ་སྒྲིག་འོག་ཁ་ཉིན་ཕྱི་ཚེས་ ༢༡ ནས་ཕྱི་ཚེས་ ༢༥ བར་རྒྱ་གར་བྱང་ཤར་འབྲས་ལྗོངས་ཀྱི་རྒྱལ་ས་སྒང་ཏོག་ཁུལ་གྱི་རྣམ་རྒྱལ་བོད་རིག་པའི་ཞིབ་འཇུག་ལྟེ་གནས་ཁང་དུ་ Global vision for  young Tibetans Conference ཞེས་བོད་ཀྱི་གཞོན་སྐྱེས་ནུས་སྤེལ་ལྷན་ཚོགས་ཐེངས་ལྔ་པ་དེ་ཚོགས་ཡོད་པ་དང་། ལྷན་ཚོགས་ཐོག་རྒྱ་གར་དང་བལ་ཡུལ་ནས་བོད་རིགས་གཞོན་སྐྱེས་དྲུག་ཅུ་ཙམ་ལྷན་འཛོམས་བྱུང་འདུག་པ་དང་ཚོགས་བཅར་བ་བརྒྱ་ཆ་ ༥༠ ཙམ་ཀ་རྡོར་སྒང་གསུམ་ཁུལ་གྱི་བོད་རིགས་གཞོན་སྐྱེས་ཆགས་ཀྱི་འདུག དེ་བཞིན་ལྷན་ཚོགས་ཐོག་ཆེད་ལས་མི་སྣ་ཁག་གདན་ཞུ་གནང་ཐོག་བརྗོད་གཞི་མི་འདྲ་བ་གཙོ་བོ་བཞི་སྟེ། བོད་རིགས་གཞོན་སྐྱེས་རྣམས་ཀྱི་འགོ་ཁྲིད་ཀྱི་ནུས་པ་གལ་ཆེན་ཡིན་པ། བོད་མི་རྣམས་ལ་འགྱུར་བ་གཏོང་མཁན་གྱི་སྣེ་ཁྲིད་པ་ཞིག་ཆགས་ཐབས། བོད་ཀྱི་མི་རབས་གསར་བའི་དཔུང་ཁག་ཅིག་འཚར་ལོངས་བྱུང་ཐབས། དེ་བཞིན་རང་ཉིད་བོད་ཀྱི་མ་འོངས་པར་མཁོ་བའི་བོད་མི་རིགས་དེ་ཡིན་ནམ་ཞེས་པ་དེ་དག་གི་ཐོག་གོས་བསྡུར་གནང་དང་གནང་མུས་ཡིན་པ་རེད། རྩ་བའི་ལྷན་ཚོགས་ཀྱི་དབུ་འབྱེད་མཛད་སྒོའི་སྐུ་མགྲོན་གཙོ་བོར་འབྲས་ལྗོངས་མངའ་སྡའི་ཤེས་རིག་བློན་ཆེན་དང་གཞོན་སྐྱེས་ལས་དོན་བློན་ཆེན་སྐུ་ཞབས་ཀུན་དགའ་ཉི་མ་ལེབ་ཆ་མཆོག་གིས་གཙོས་པའི་དམིགས་བསལ་སྐུ་མགྲོན་བོད་མིའི་སྒྲིག་འཛུགས་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་སོགས་གདན་ཞུ་གནང་ཡོད་པ་དང་།...

དེ་རིང་སྔ་དྲོ་བཞུགས་སྒར་ནོར་བུ་མགྲོན་ཁང་དུ་རྒྱལ་སྤྱིའི་བོད་རིགས་སློབ་མའི་ལྷན་ཚོགས་ཀྱིས་གསར་འགོད་གསལ་བསྒྲགས་ཤིག་སྤེལ་ནས་འདི་ལོའི་ཕྱི་ཟླ་ ༨ ཚེས་ ༣ ཉིན་མོར་བོད་པའི་ཤེས་འཇོན་ལྷག་བསམ་ལྡན་པའི་ན་གཞོན་ཞིག་ལ་ཧིན་སྒོར་འབུམ་གཅིག་དང་གཟེངས་བསྟོད་ཀྱི་ཕྱག་འཁྱེར་གནང་རྒྱུ་ཡིན་པ་གསུངས་སོང་།སྐབས་དེར་རྒྱལ་སྤྱིའི་བོད་རིགས་སློབ་མའི་ལྷན་ཚོགས་ཀྱི་ཚོགས་གཙོ་བོད་ཀྱི་མཛངས་པ་ཉི་མ་ལགས་དང་སྤྱི་ཁྱབ་དྲུང་ཆེ་ཉི་འོད་ལགས། དེ་བཞིན་ཚོགས་མི་ཞི་བདེ་ཉི་མ་ལགས་དང་ཐུབ་བསྟན་ཆོས་འཚོ་ལགས་བཅས་དབུ་བཞུགས་ཐོག་ན་གཞོན་གཟེངས་རྟོགས་འབུལ་ཕྱོགས་ཀྱི་གསར་འགོད་གསལ་བསྒྲགས་མ་གནང་གོང་ལ་ཚོགས་གཙོ་ཉི་མ་ལགས་ཀྱིས་རྒྱལ་སྤྱིའི་བོད་རིགས་སློབ་མའི་ལྷན་ཚོགས་ཀྱིས་བོད་རིགས་སློབ་མ་ཁག་གི་སློབ་སྦྱོང་གོང་འཕེལ་དུ་གཏོང་ཕྱོགས་ཀྱི་ལས་འགུལ་སྤེལ་ཕྱོགས་ཐོག་ལ་གཏམ་བཤད་གནང་མཚམས་སུ་རྒྱལ་སྤྱིའི་སློབ་མའི་ལྷན་ཚོགས་ཀྱིས་ཐེངས་འདིའི་བོད་པའི་གཞོན་སྐྱེས་ཤིག་ལ་གཟེངས་རྟགས་འབུལ་དགོས་པའི་རྒྱབ་ལྗོངས་ཀྱི་དམིགས་ཡུལ་འགྲེལ་བརྗོད་གནང་སྟེ་གཟེངས་རྟགས་དེ་བརྒྱུད་ནས་སྤྱི་ཚོགས་ནང་བསམ་བློ་ཡར་སྐྱེད་ཀྱི་ནུས་ཤུགས་གསར་པ་ཞིག་ཡོང་བར་རེ་བ་བྱེད་བཞིན་ཡོད་པ་གསུངས་སོང་། ཐེངས་འདིའི་བོད་པའི་ན་གཞོན་གྱི་གཟེངས་རྟགས་དེ་འབུལ་རྒྱུའི་འོས་མིའི་ཁོངས་སུ་བསླེབ་པར་ཆ་རྐྱེན་མང་དག་ཅིག་ཡོད་པ་ལས་གཙོ་བོ་ཤེས་འཇོན་དང་ལྷག་བསམ་ལྡན་པ་ཟེར་བ་དེ་འཁོད་ཡོད་པར་བརྟེན་གསར་འགོད་པས་དེའི་གོ་བ་གང་འདྲ་ཞིག་ལེན་དགོས་མིན་ཐོག་བཅར་འདྲི་ཞུས་པར་ཉི་མ་ལགས་ཀྱིས་མ་མཐའ་ཡང་གཞི་རིམ་གོང་མའི་ཤེས་ཡོན་གྱི་གནས་ཚད་ཡོད་ཐོག་བོད་པའི་སྤྱི་ཚོགས་ནང་སྤྱི་ཚོགས་ཞབས་ཞུའི་ཁྲོད་མིག་དཔེ་འོས་པ་ཞིག་དགོས་པའི་ལན་འདེབས་གནང་སོང་།རྩ་བའི་རྒྱལ་སྤྱིའི་བོད་ཀྱི་སློབ་མའི་མཐུན་ཚོགས་ནི་ཕྱི་ལོ་ ༢༠༡༦ ལོར་བོད་རིགས་སློབ་མའི་དབར་ཆིག་སྒྲིལ་དང་སྐུལ་སློང་། དེ་བཞིན་ཤེས་ཡོན་སོགས་གོང་མཐོར་གཏོང་ཕྱོགས་ཀྱི་དམིགས་འབེན་གཞིར་བཞག་ནས་གསར་འཛུགས་གནང་བ་ཞིག་ཡིན་པ་དང་། ད་ལྟའི་ཆར་རྒྱལ་ཁབ་ ༤༠ ལྷག་གི་ནང་ཚོགས་ཞུགས་ཀྱི་མི་སྣ་ཡོད་པ་དང་། རྒྱ་གར་ནང་བོད་རིགས་སློབ་མའི་འདུས་སྡོད་ཀྱི་ས་ཁུལ་ཡོངས་སུ་ཡན་ལག་ཚོགས་པ་བཙུགས་ཏེ་ཤེས་ཡོན་རྒྱས་གཏོང་ཕྱོགས་ཀྱི་ཐད་ནས་ལས་འགུལ་འདྲ་མིན་སྤེལ་མུས་རེད་འདུག  ཐེངས་འདིའི་བོད་མི་གཞོན་སྐྱེས་ཀྱི་གཟེངས་རྟགས་དེ་ཐོག་མར་བོད་རིགས་སློབ་མིའི་ཚོགས་སྐྱིད་ཁག་གིས་ངོ་སྦྱོར་བྱས་པ་བརྒྱུད་ནས་མཐའ་མིའི་རྟིང་རྩོད་འགྲན་བསྡུར་དུ་མི་ལྔ་གདམས་གསེས་གནང་རྒྱུ་དང་། མི་ལྔའི་མཐའ་མིའི་གདམ་གསེས་དེ་གོ་སྒྲིག་ཚོགས་ཆུང་གཅིག་པོས་ཐག་གཅོད་གནང་རྒྱུ་མ་ཡིན་པར་དྲྭ་ལམ་བརྒྱུད་མི་མང་ལའང་འོས་འདེམས་ཀྱི་བརྒྱ་ཆ་སུམ་ཅུའི་གོ་སྐབས་སྤྲོད་རྒྱུ་ཡིན་པ་རེད།