མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
Search
VOICE OF TIBET
ནོར་ཝེ་བོད་ཀྱི་རླུང་འཕྲིན་ཁང་།
Pulses PRO
Tibetan Royal Year of 2151 | Year of the Wood Dragon
中文
Facebook
RSS
Soundcloud
Twitter
Youtube
ནོར་ཝེ་བོད་ཀྱི་རླུང་འཕྲིན་ཁང་།
Voice Of Tibet
text
འཚོལ་བཤེར།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
འཚོལ་བཤེར།
- Advertisement -
TAG
ཡང་སྲིད་འོས་འཛིན།
གསར་འགྱུར།
བོད་མིའི་བླ་སྤྲུལ་ཡང་སྲིད་ཀྱི་གནད་དོན་ཐོག་ཐེ་བྱུས་བྱེད་ཤུགས་ཆེ་རུ་གཏོང་བཞིན་པར་མངོན་གསལ།
vot.org
-
16/12/2021
རྒྱ་ནག་གཞུང་གིས་འགོ་ཁྲིད་ཁག་ཅིག་བོད་ཀྱི་ས་ཁུལ་ཁག་ཏུ་ཆེད་མངགས་བཏང་ནས་ས་གནས་ཀྱི་འབྲེལ་ཡོད་འགོ་ཁྲིད་གཙོས་མི་མང་རྣམས་ལ་རྒྱ་ནག་གཞུང་གིས་གཏན་འབེབས་བྱས་པའི་བོད་བརྒྱུད་ནང་བསྟན་གྱི་སྤྲུལ་སྐུའི་ཡང་སྲིད་དོ་དམ་གྱི་སྲིད་བྱུས་ཁྲིམས་སྲོལ་ཟེར་བའི་སྐོར་ལ་གོ་རྟོགས་ཀྱི་ལས་གཞི་སོགས་སྤེལ་ཏེ་བོད་མིའི་བླ་སྤྲུལ་ཡང་སྲིད་ཀྱི་གནད་དོན་ཐོག་ཐེ་བྱུས་བྱེད་ཤུགས་ཆེ་རུ་གཏོང་བཞིན་པར་མངོན་གསལ་གནང་ཡོད། ཁ་སང་ཨ་རི་ནང་རྟེན་གཞི་བྱས་པའི་ Human Rights Watch ཞེས་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་གནས་ཚུལ་སྤེལ་བར་ཉེ་ཆར་ཕྱི་ཟླ་ ༡༡ གི་ཟླ་མཇུག་ཙམ་ལ་རྒྱ་ནག་དམར་ཤོག་སྲིད་གཞུང་གི་འགོ་ཁྲིད་ཁག་ཅིག་བོད་སོག་རྫོང་ཁུལ་གྱི་གཡག་ལ་གྲོང་རྡལ་དང་ཧྲོག་རྟ་ཤང་། ར་བ་ཤང་བཅས་སུ་བསྐྱོད་དེ་གྲོང་རྡལ་དེ་དག་གི་འབྲེལ་ཡོད་འགོ་ཁྲིད་དང་དགོན་སྡེ་ཁག་གི་གནད་ཡོད་མི་སྣ། གྲོང་ཚོའི་ལས་བྱེད་དང་ས་གནས་ཀྱི་ཉེན་རྟོག་པ། སློབ་གྲྭ་ཁག་གི་དགེ་ལས་སོགས་ཁྱོན་མི་སྣ་ ༡༢༠ ལྷག་ཆེད་བསྐོང་གིས་རྒྱ་ནག་གཞུང་གིས་གཏན་འབེབས་བྱས་པའི་བོད་བརྒྱུད་ནང་བསྟན་གྱི་སྤྲུལ་སྐུའི་ཡང་སྲིད་དོ་དམ་གྱི་སྲིད་བྱུས་ཁྲིམས་སྲོལ་ཟེར་བ་དེ་ནི་སྤྱི་དམངས་ཀྱི་ཆོས་དད་རང་མོས་ལ་འགན་ལེན་བྱེད་པ་དང་། བོད་བརྒྱུད་ནང་བསྟན་གྱི་བླ་སྤྲུལ་ཡང་སྲིད་ལས་དོན་ཚད་ལྡན་ཡོང་ཐབས་སོགས་ཀྱི་ཡིག་ཆ་གལ་ཆེ་ཞིག་ཡིན་སྟབས། ས་གནས་ཀྱི་འབྲེལ་ཡོད་འགན་འཁུར་བ་རྣམ་པས་གཙོས་པའི་མང་ཚོགས་ཡོངས་ནས་བླ་སྤྲུལ་ཡང་སྲིད་དོ་དམ་ལ་ཤུགས་སྣོན་རྒྱག་དགོས་པ་སོགས་བཤད་ཡོད་པར་བཀོད་འདུག འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་རྒྱ་ནག་དམར་ཤོག་སྲིད་གཞུང་གི་ངོས་ནས་བོད་བརྒྱུད་ནང་བསྟན་གྱི་སྤྲུལ་སྐུའི་ཡང་སྲིད་དོ་དམ་གྱི་སྲིད་བྱུས་ཁྲིམས་སྲོལ་ཟེར་བའི་སྐོར་ལ་གོ་རྟོགས་སྤེལ་བཞིན་པ་དེ་ནི་ས་གནས་ཀྱི་འབྲེལ་ཡོད་འགོ་ཁྲིད་རྣམས་རྒྱ་ནག་གི་ཁྲིམས་སྲོལ་ཐད་ལ་བློ་ཁ་བསྒྱུར་ཏེ་བོད་མིའི་བླ་སྤྲུལ་ཡང་སྲིད་ཀྱི་གནད་དོན་ཐོག་ཐེ་བྱུས་བྱེད་ཤུགས་ཆེ་རུ་གཏོང་བཞིན་པའི་རྣམ་པ་མངོན་གསལ་རེད་ཅེས་གསུངས་ཡོད། བོད་ཀྱི་ས་ཁུལ་ཁག་ཏུ་ཆོས་ཕྱོགས་ཀྱི་ལས་དོན་ལ་དམ་དྲག་ཤུགས་ཆེར་བྱེད་མཁན་རྒྱ་ནག་སྲིད་གཞུང་གིས་བོད་ཀྱི་ཐུན་མོང་མ་ཡིན་པའི་བླ་སྤྲུལ་ཡང་སྲིད་ངོས་འཛིན་ཞུ་ཕྱོགས་ཀྱི་གནད་དོན་ལ་ཐེ་བྱུས་བྱས་ཏེ། རྒྱ་ནག་རང་ཉིད་ཀྱི་དགོས་མཁོ་དང་འཚམས་པའི་བོད་བརྒྱུད་ནང་བསྟན་གྱི་སྤྲུལ་སྐུའི་ཡང་སྲིད་དོ་དམ་གྱི་སྲིད་བྱུས་ཁྲིམས་སྲོལ་ཟེར་བ་ཞིག་གཏན་འབེབས་བྱས་པ་མ་ཟད། ད་ཆ་སྲིད་བྱུས་ཁྲིམས་སྲོལ་ཟེར་བ་དེ་བོད་ཀྱི་ས་གནས་ཁག་ཏུ་ཡོངས་གྲགས་ཐོག་ཁྱབ་བསྒྲགས་དང་གོ་རྟོགས་ཀྱི་ལས་གཞི་སྤེལ་བཞིན་པ་དེས་རྒྱ་ནག་གཞུང་ནས་མ་འོངས་པར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་ཀྱི་གནད་དོན་ཐོག་ལ་ཐེ་བྱུས་བྱ་རྒྱུ་དང་ལྷག་པར་དུ་༸གོང་ས་མཆོག་༸སྐུ་འཚོ་བཞུགས་མེད་པའི་གནས་སྟངས་ཤིག་གི་སྐབས་སུ་རྒྱ་ནག་གཞུང་གི་ངོས་ནས་བོད་ཐོག་འཛིན་པའི་སྲིད་བྱུས་དང་དེ་བཞིན་འཆར་གཞི་གང་ཡོད་པ་རྣམས་ད་ལྟ་ནས་གྲ་སྒྲིག་བྱེད་བཞིན་ཡོད་པ་ཞིག་མཚོན་གྱི་ཡོད་སྐོར་བཀོད་འདུག རྒྱ་ནག་གཞུང་གིས་ཕྱི་ལོ་ ༢༠༠༧ ལོར་དོན་ཚན་ ༡༤ ཅན་གྱི་བོད་བརྒྱུད་ནང་བསྟན་གྱི་སྤྲུལ་སྐུའི་ཡང་སྲིད་དོ་དམ་གྱི་སྲིད་བྱུས་ཁྲིམས་སྲོལ་ཟེར་བ་ཞིག་གཏན་འབེབས་ཀྱིས་ལག་བསྟར་བྱས་པ་ནས་བཟུང་སྟེ་བོད་མིའི་ཆོས་ཕྱོགས་ཀྱི་ལས་དོན་ཐོག་ལ་ཐེ་བྱུས་བྱེད་ཤུགས་ཇེ་ཆེར་གཏོང་བཞིན་ཡོད་པ་དང་ལྷག་པར་དུ་ཁྲིམས་སྲོལ་ཡིག་ཆར་གསལ་བའི་བླ་སྤྲུལ་ཡང་སྲིད་རྣམས་ནས་རྒྱལ་ཁབ་གཅིག་གྱུར་དང་མི་རིགས་མཐུན་སྒྲིལ་ཐོག་ལ་ནུས་པ་སྤུང་རྒྱུ་དང་། བླ་སྤྲུལ་རྣམ་པའི་ཡང་སྲིད་ངོས་འཛིན་ཞུ་སྐབས་རྒྱ་ནག་སྲིད་གཞུང་གི་ཆོག་མཆན་དགོས་པ་སོགས་ཀྱི་ཆ་རྐྱེན་དོན་ཚན་ཁག་སྤྱོད་དེ་བོད་ཀྱི་དགོན་སྡེ་གྲྭ་ཚང་ཁག་གི་ལས་དོན་ལ་དམ་དྲག་བྱས་པ་ཙམ་མ་ཟད་གཞི་རིམ་མི་མང་གི་སྤྱི་ཚོགས་ཁྲོད་དུའང་ཆོས་ཀྱི་བྱེད་སྒོ་ལ་ཞུགས་མི་ཆོག་པ་སོགས་ཀྱི་བཀོད་ཁྱབ་བཏང་བའི་གནས་སྟངས་བྱུང་ཡོད།
Latest news
Monday 16/09/2024
16/09/2024
བདེ་སྲུང་ལས་ཁུངས་ཀྱི་བདེ་འཇགས་ཐད་འགན་ཁུར་བཞེས་རྒྱུའི་ཞལ་བཞེས་ཁྲོད་སང་ཉིན་གྲོས་ཚོགས་རྒྱུན་ཁྱོངས་བྱ་རྒྱུ་གཏན་ཁེལ།
16/09/2024
རྒྱ་ནག་གི་ལོ་རྒྱུས་བསྐྱར་བྲིས་ཀྱི་བྱ་སྤྱོད་ལ་རམ་འདེགས་བྱེད་མཁན་ France གྱི་འགྲེམ་སྟོན་ཁང་ལ་བོད་མི་ཚོས་ཁ་གཏད་གཅོག་ཐབས་བྱེད་བཞིན་པ།
16/09/2024
རྒྱ་གཞུང་གིས་བོད་ས་གང་སར་སྐབས་ ༢༠ པའི་ཚང་འཛོམས་གྲོས་ཚོགས་ཐེངས་གསུམ་པའི་དགོངས་པ་ཞེས་པ་དྲིལ་བསྒྲགས་ཤུགས་ཆེ་བྱེད་བཞིན་འདུག
16/09/2024
བཞུགས་སྒར་དུ་བརྟན་བཞུགས་ཀྱི་སྒྲུབ་ཞག་འཚོགས་བཞིན་པ།
16/09/2024
- Advertisement -