འདས་ལོའི་ནང་བཙན་བྱོལ་ནང་གི་གལ་ཆེའི་གནས་ཚུལ་ཁག་ཅིག་ཕྱོགས་སྒྲིག

འདས་ལོ་མེ་བྱ་ལོར་བཙན་བྱོལ་བོད་མིའི་སྒྲིག་འཛུགས་ཀྱི་གནང་སྒོ་གཙོ་གྱུར་བཙན་བྱོལ་བོད་མི་དང་དེ་འབྲེལ་གནད་ཆེ་གསར་འགྱུར་ཇི་སྙེད་ཡོད་པ་ལས་གཙོ་གནད་ཁག་ནི་སྲིད་སྐྱོང་བློ་བཟང་སེང་གེ་མཆོག་བསྐྱར་དུ་སྲིད་སྐྱོང་ལ་བདམས་ཐོན་བྱུང་ཡོད། ཁོང་ནས་དབུ་ཁྲིད་པའི་བཀའ་ཤག་སྐབས་ ༡༥ པས་བོད་ཀྱི་བེུད་ནུས་སྟོབས་གོང་སྤེལ་སླད་ཆེས་ཐོག་མའི་ཚོགས་ཆེན་བསྐོང་ཚོགས་གནང་བ་དང་འདི་བཞིན་བཀའ་ཤག་ནས་ཆེས་གནད་ཆེར་ངོས་འཛིན་པའི་བཙན་བྱོལ་བོད་མིའི་ཤེས་ཡོན་ཡིན་པ་ལྟར་སྔ་ལོའི་སྔོན་རྩིས་ལས་མ་དངུལ་འབོར་ཆེན་གྱི་བཀའ་འཁྲོལ་ཞུས་པ་མ་ཟད་བཙན་བྱོལ་བོད་མིའི་ངལ་སེལ་ཆེད་དུ་དཔལ་འབྱོར་ལས་ཁུངས་ཀྱི་ཁྱབ་ཁོངས་སུ་དངུལ་ཁང་ལྟ་བུའི་སྡེ་ཚན་ཞིག་གསར་འཛུགས་གནང་ཡོད།
ལྷག་ཏུ་བོད་གཞིས་བྱེས་གཉིས་སུ་བོད་མི་ཚོས་རྒྱ་གཞུང་གི་དྲག་གནོན་ལ་མ་བཟོད་པར་བོད་མི་སེར་སྐྱ་རྒན་གཞོན་རྣམས་ནས་གཅིག་རྗེས་གཉིས་མཐུད་ཀྱིས་རང་བསྲེགས་གནང་མུས་ཡིན་པ་ལྟར། བྱེས་བཞུགས་བོད་མིའི་ཁྲོད་ནས་ལོ་ན་ཤིན་ཏུ་ཆུང་བའི་གཞོན་སྐྱེས་གཉིས་ཀྱིས་རང་བསྲེགས་གནང་བ་ཡོད།