Tibetan Royal Year of 2151 | Year of the Wood Dragon

༸གོང་ས་མཆོག་གིས་བལ་ཡུལ་དུ་ས་ཡོམ་གྱི་གོད་ཆག་ཕོག་པར་ཐུགས་གསོ་སྩལ་བ།

Tibetan News Headlines

  • ༸གོང་ས་མཆོག་གིས་བོད་མི་ཚོ་སེམས་རྒྱུད་བཟང་པོ་བྱ་དགོས་གལ་ཡིན་པའི་བཀའ་ནན་སྩལ་སོང་།
  • རྒྱ་གར་ཚེའི་རིག་འབྱེད་ཀྱི་གཞུང་ཕྱི་མོར་གྲགས་པ་ཙ་ར་ཀའི་བསྡུ་བའི་སྐོར་བཅར་འདྲི།

Saturday 24/02/2024

  • Being a good human being is our responsibility as a Tibetan: Dalai Lama confers Jataka teaching at Tsuklakhang
  • In conversation with Prof. Rakdo Lobsang Tenzin Rinpoche on Tibetan translation of Charaka Samhita

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གཟའ་འཁོར་གོང་མའི་རེས་གཟའ་པ་སངས་ཉིན་བལ་ཡུལ་གྱི་ Jajarkot མངའ་སྡེར་ས་ཡོམ་ཤུགས་ཚད་ ༦༌༤ ཅན་བརྒྱབ་ནས་སྡོད་ཁང་འགྱལ་རྡིབ་སོགས་ཀྱི་རྐྱེན་ངན་འོག་མི་རྒྱུ་གཉིས་ཀར་གནོད་འཚེ་ཚབས་ཆེ་ཕོག་པར་ཐུགས་གསོ་མཛད་འདུག

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཚེས་ ༦ ཉིན་བལ་ཡུལ་གྱི་སྲིད་བློན་ Pushpa Kamal Dahal མཆོག་གི་མཚན་ཐོག་ཏུ་ཐུགས་གསོའི་གསུང་འཕྲིན་ཞིག་སྩལ་བའི་ནང་། མགོན་པོ་༸གང་ཉིད་མཆོག་གིས་ས་འགུལ་གྱི་གོད་ཆག་ཤུགས་ཆེར་ཕོག་པའི་མང་ཚོགས་རྣམས་ལ་ཐུགས་གསོ་དང་འདས་པོ་ཡོངས་ལ་ཐུགས་སྨོན་མཚམས་སྦྱོར་མཛད་འདུག

དེ་བཞིན་མགོན་པོ་༸གང་ཉིད་མཆོག་གིས་བལ་ཡུལ་གཞུང་དང་འབྲེལ་ཡོད་ཚོགས་སྡེ་ཁག་གིས་ཀྱང་ས་འགུལ་གྱི་གོད་ཆག་ཕོག་ཡུལ་ས་ཚིགས་དངོས་ལ་ཉེར་མཁོའི་ཛ་དྲག་ཉེན་སྐྱོབ་དང་ངལ་སེལ་གྱི་ལས་གཞི་སྤེལ་བཞིན་ཡོད་པར་མཁྱེན་རྟོགས་ཡོད་སྐོར་བཀའ་སྩལ་འདུག་པ་དང་། བལ་ཡུལ་གྱི་ཇ་ཇར་ཀོཊ་མངའ་སྡེའི་གཉུག་མར་གནས་པའི་མང་ཚོགས་རྣམས་ལ་གདུང་སེམས་མཉམ་བསྐྱེད་མཚོན་ཆེད་ཏཱ་ལའི་བླ་མའི་དགེ་རྩ་ནས་ངལ་སེལ་རོགས་དངུལ་གསོལ་སྩལ་མཛད་རྒྱུའི་ཞལ་བཞེས་མཛད་འདུག

རྩ་བའི་ཐེངས་འདིའི་བལ་ཡུལ་གྱི་ Jajarkot མངའ་སྡེར་ས་ཡོམ་གྱི་གོད་ཆག་ཤུགས་ཆེར་ཕོག་པའི་ཁྲོད་བལ་པོ་བ་མང་ཚོགས་ ༡༥༧ འདས་གྲོངས་སུ་གྱུར་བ་དང་དེ་བཞིན་མི་ ༡༩༠ རྨས་སྐྱོན་ཕོག་འདུག་པར་མ་ཟད། བལ་ཡུལ་གྱི་ས་འབྲེལ་ཡོད་པའི་རྒྱ་གར་དང་བོད་ལའང་ས་འགུལ་གྱི་གཡོ་འགུལ་ཐེབས་འདུག ཐེངས་འདིའི་ས་ཡོམ་གྱི་གོད་ཆག་དེ་ནི་དེ་སྔ་ཕྱི་ལོ་ ༢༠༡༥ ལོར་བལ་ཡུལ་དུ་ས་ཡོལ་བྱུང་བའི་རྗེས་ཀྱི་ཆེས་ཛ་དྲག་ཆེ་ཤོས་དེ་ཆགས་ཡོད་པ་རེད། པར་ཁག OHHDL/nytimes

འབྲེལ་ཡོད་གསར་གནས།

གསར་གནས།