Tibetan Royal Year of 2151 | Year of the Wood Dragon

བཀའ་བློན་རྣམས་ཀྱིས་ཉིན་གཅིག་གི་ཕོགས་འབབ་ཨོ་རི་ས་བོད་མའི་གཞིས་སྒར་ལ་ཞལ་འདེབས་གནང་བ།

Tibetan News Headlines

  • སེམས་བཟང་པོ་བྱ་རྒྱུ་ནི་ངོས་ལ་སྒྲུབ་པའི་ཆོས་ཡག་ཤོས་དེ་ཆགས་ཀྱི་ཡོད་ཅེས་བཀའ་སྩལ་བ།
  • རྒྱ་ནག་གིས་ཨ་རུ་ནཱ་ཅལ་གྱི་ས་ཁུལ་ཁག་ལ་མིང་གསར་པ་བཏགས་པའི་ལས་གཞིར་དཔྱད་ཞིབ།

Saturday 20/04/2024

  • Dalai Lama Calls for greater Compassion, Deems Kindness the Best Religious Practice
  • Thread of beads: Analysis of China’s renaming of places in Arunachal

ཟླ་བ་སྔོན་མའི་ཚེས་ ༡༠ ཉིན་ཨོ་རི་ས་ཕུན་ཚོགས་གླིང་བོད་མིའི་གཞིས་ཆགས་སུ་ titli ཞེས་པའི་དྲག་ཆར་རླུང་འཚུབ་དྲག་པོ་རྒྱག་ཏེ་མང་ཚོགས་ཀྱི་འཚོ་གནས་ལ་གནོད་སྐྱོན་ཚབས་ཆེ་བྱུང་ཡོད་པར་བརྟེན་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་དབུས་པའི་བཀའ་བློན་རྣམ་པས་ཉིན་གཅིག་གི་ཕོགས་འབབ་གདུང་སེམས་མཉམ་བསྐྱེད་ཀྱི་ཚུལ་དུ་ཞལ་འདེབས་གནང་བ་དང་ཆབས་ཅིག་ཆབས་ཅིག་ཏུ་སྲི་ཞུ་ལས་བྱེད་རྣམས་ནས་ཀྱང་དེ་ལྟར་དགོངས་བཞེས་གནང་གལ་ཡིན་པར་འབོད་སྐུལ་གནང་འདུག

དེ་ཡང་བཀའ་དྲུང་ཡིག་ཚང་གིས་བོད་མིའི་སྒྲིག་འཛུགས་ཀྱི་ལྷན་ཁང་ཁག་ལ་བཀོད་ཁྱབ་གནང་བའི་ནང་གསལ་ལྟར་ན། བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་གཙོས་པའི་བཀའ་བློན་རྣམས་ནས་གདུང་སེམས་མཉམ་བསྐྱེད་མཚོན་ཕྱིར་ཉིན་གཅིག་གི་ཕོགས་འབབ་ཞལ་འདེབས་གནང་བ་དང་ཆབས་ཅིག་ཏུ་སྲི་ཞུ་ལས་བྱེད་རྣམས་ནས་ཀྱང་དེ་ལྟར་དགོངས་བཞེས་གནང་རྒྱུར་འབོད་སྐུལ་གནང་བ་དང་འབྲེལ། བོད་མིའི་སྒྲིག་འཛུགས་ཀྱི་སྲིད་ཞུའི་ལས་བྱེད་སར་ནས་ཞལ་འདེབས་ཇི་བྱུང་རྣམས་ནང་སྲིད་ལས་ཁུངས་སུ་དབུས་ལས་ཁུངས་ཁག་ནས་ཟླ་བ་འདིའི་ཚེས་ ༡༠ ནང་ཚུད་འབུལ་དགོས་པ་དང་། དེ་བཞིན་ཕྱོགས་མཐའི་ཁྱབ་ཁོངས་སུ་ཡོད་པའི་ལས་བྱེད་རྣམས་ཀྱི་ཞལ་འདེབས་རྣམས་ཟླ་བ་འདིའི་ཚེས་ ༣༠ ནང་ཚུད་འབུལ་ཐབས་གནང་ཟིན་དགོས་པའི་འབོད་སྐུལ་གནང་འདུག

རྩ་བའི་ཨོ་རི་ས་ཕུན་ཚོགས་གླིང་བོད་མིའི་གཞིས་ཆགས་སུ་ཟླ་བ་སྔོན་མའི་ཚེས་ ༡༠ ཉིན་ titli ཞེས་པའི་དྲག་ཆར་རླུང་འཚུབ་ཀྱི་དོན་རྐྱེན་ཞིག་བྱུང་བའི་འོག་ས་ཞིང་ཨེ་ཀར་ ༡༧༠༠ ལྷ་ལ་གནོད་འཚེ་ཕོག་ཡོད་པ་དང་། ཤིང་འབྲས་ཅན་གྱི་སྡོང་པོ་ ༡༥༠༠ ཙམ་ཞིག་རྩ་མེད་དུ་ཕྱིན་ཡོད་པ་རེད། ཁང་ཁྱིམ་ ༦༠ ཡས་མས་ཤིལ་ལ་གནོད་སྐྱོན་བྱུང་ཡོད་སྟབས་ཟླ་བ་སྔོན་མར་བོད་མིའི་སྒྲིག་འཛུགས་ནང་སྲིད་ལས་ཁུངས་ནས་ཛ་དྲག་རོགས་སྐྱོར་ཆེད་ཕྱི་རྒྱ་ཡུལ་གྲུ་ཁག་ཏུ་གནས་སྡོད་གནང་མཁན་གཏོང་ཕོད་ཅན་གྱི་བོད་རིགས་ཀུན་ལ་ཞལ་འདེབས་གང་ཐུབ་གནང་སྐྱོང་ཡོང་བའི་གསལ་བསྒྲགས་ཀྱང་གནང་ཡོད་པ་རེད།

འབྲེལ་ཡོད་གསར་གནས།

གསར་གནས།