Tibetan Royal Year of 2151 | Year of the Wood Dragon

བསྟན་འཛིན་ཆོས་འཛིན་ལགས་ཀྱིས་སྐབས་ ༡༧ བོད་མི་མང་སྤྱི་འཐུས་ཀྱི་ལས་ཁུར་དམ་འབུལ་བཞེས་སོང་། 

Tibetan News Headlines

  • NED honors Sikyong Penpa Tsering and Tibet Action Institute with Democracy awards
  • Dalai Lama congratulates Mexico’s President-Elect Claudia Sheinbaum
  • US lawmakers to meet Dalai Lama on India trip next week
  • Tibetans protest Chinese premiere visit to New Zealand
  • US expands Russia sanctions, targeting entities in China
  • DIASPORA: Geshe Lobsang Gyaltsen, Former TCV Staff and Registrar of Dalai Lama College

རེས་གཟའ་པ་སངས། ༢༠༢༤།༠༦།༡༤

  • སྲིད་སྐྱོང་སྤེན་པ་ཚེ་རིང་མཆོག་དང་བོད་དོན་ལས་འགུལ་ལྟེ་གནས་ཁང་ལ་ཨ་རིའི་མང་གཙོའི་གཟེངས་རྟགས་འབུལ་བཞེས་གནང་བ།
  • ༸གོང་ས་མཆོག་གིས་མེཀ་སི་ཀོའི་བདམས་ཐོན་སྲིད་འཛིན་མཆོག་ལ་འཚམས་འདྲི་མཛད་པ།
  • ཨ་རིའི་གྲོས་ཚོགས་ཀྱི་ཆེས་མཐོའི་སྐུ་ཚབ་ཚོགས་ཆུང་ཞིག་བཞུགས་སྒར་དུ་ཆེད་ཕེབས་ཀྱིས་༸གོང་ས་མཆོག་མཇལ་འཕྲད་གནང་རྒྱུ།
  • རྒྱ་ནག་གི་སྲིད་བློན་ལ་ནིའུ་ཛི་ལེནྜ་བོད་མིས་ཞི་རྒོལ་དང་གྲོས་ཚོགས་འཐུས་མི་གཙོས་གསར་འགོད་པས་དྲི་རྩད།
  • ཨ་རིས་རྒྱ་ནག་དམིགས་འབེན་དུ་བཟུང་ནས་ཨུ་རུ་སུར་བཀག་སྡོམ་བྱེད་ཤུགས་ཆེ་རུ་བཏང་བ།
  • བཙན་བྱོལ་བོད་མིའི་གནས་སྟངས། ཏཱ་ལའི་བླ་མ་མཐོ་རིམ་སློབ་གཉེར་ཁང་གི་འཛིན་སྐྱོང་འགན་འཛིན་ཟུར་པ་དགེ་བཤེས་བློ་བཟང་རྒྱལ་མཚན་ལགས་སུ་བཅར་འདྲི།

ཉེ་ཆར་སྐབས་ ༡༧ པའི་དབུས་གཙང་ཆོལ་ཁའི་སྤྱི་འཐུས་དོན་གྲུབ་བཀྲིས་ལགས་སྤྱི་འཐུས་ཀྱི་ལས་གནས་ནས་དགོངས་པ་ཞུས་ཏེ་ལ་དྭགས་ཀྱི་ལ་སྤྱི་འམ་ས་གནས་འགོ་འཛིན་གྱི་ཐུགས་བཞེས་ཡོད་སྟབས། བོད་མི་མང་སྤྱི་འཐུས་སྐབས་ ༡༧ པའི་དབུས་གཙང་སྤྱི་འཐུས་དངོས་གཞིའི་འོས་བསྡུའི་སྐབས་ཀྱི་སྒུག་ཐོའི་བང་རིམ་དང་པོ་བསྟན་འཛིན་ཆོས་འཛིན་ལགས་ཡིན་པ་ལྟར་དེ་རིང་ཕྱི་ཚེས་ ༢ ཚེས་ ༢ ཉིན་གྱི་སྔ་དྲོའི་ཆུ་ཚོད་ ༡༠ ཐོག་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་ཁང་དུ་ཚོགས་གཙོ་སྦྲེལ་པོས་དབུས་པའི་སྤྱི་འཐུས་རྒྱུན་ལས་རྣམ་པ་ལྷན་ཞུགས་སར་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གི་དྲུང་ནས་སྐབས་ ༡༧ པའི་བོད་མི་མང་སྤྱི་འཐུས་ཀྱི་ལས་འཁུར་དམ་འབུལ་ཞུས་ཡོད།དམ་འབུལ་གྱི་མཛད་རིམ་ཁག་གྲུབ་མཚམས་སུ་བསྟན་འཛིན་ཆོས་འཛིན་ལགས་ཀྱིས་གསར་འགོད་པའི་བཅར་འདྲི་དང་ལེན་དང་སྦྲགས།  གྲོས་ཚོགས་ཀྱི་ལས་དོན་ཁྲོད་ཆབ་སྲིད་ཀྱི་གནད་དོན་དེ་གལ་ཆེན་པོ་ཞིག་ཆགས་ཀྱི་ཡོད་ཀྱང་། སྤྱི་ཚོགས་ཀྱི་ལས་དོན་དེ་ཡང་དེ་མཚུངས་གལ་ཆེན་པོ་ཡིན་སྟབས། འདས་པའི་ལོ་ཤས་ནང་བེུད་ནུས་སྟོབས་གོང་འཕེལ་དང་ན་གཞོན་ནུས་སྟོབས་གོང་འཕེལ་སོགས་ཀྱི་ཐོག་ལས་ཀ་བྱས་པའི་ཉམས་མྱོང་ཁག་སྤྱི་འཐུས་ཀྱི་ལས་ཡུན་རིང་ལག་བསྟར་ཐུབ་པར་འབད་བརྩོན་ཞུ་རྒྱུའི་འདུན་པ་ཆེན་པོ་ཡོད་ཅེས་གསུངས་སོང་།ལྷག་པར་དུ་ཁོ་མོས་སྔར་ལོ་འོས་བསྡུའི་བརྒྱུད་རིམ་ནང་ལ་གཞོན་སྐྱེས་ཀྱི་མཉམ་ཞུགས་གནང་སྟངས་དང་། གཞོན་སྐྱེས་ཚོས་རྒྱལ་སྤྱིའི་ཐོག་བོད་དོན་ལས་འགུལ་སྣ་མང་སྤེལ་བཞིན་པ་དེ་དག་གིས་ད་ཆ་བོད་པའི་གཞོན་སྐྱེས་ཚོས་བོད་དོན་ཐོག་ཕྱག་ལས་གནང་རྒྱུའི་འདུན་པ་ཆེན་པོ་ཡོད་པ་མཚོན་གྱི་ཡོད་སྐོར་འགྲེལ་བརྗོད་དང་སྦྲགས། བོད་ནང་གི་བོད་མི་ཚོས་བོད་པའི་འཐབ་རྩོད་བརླག་པར་བློ་འཚབ་མ་གནང་རོགས་ཞེས་གསུངས་ཡོད།གཞི་རྩའི་བསྟན་འཛིན་ཆོས་འཛིན་ལགས་ ༡༩༩༢ ལོར་བཞུགས་སྒར་དྷརྨ་སཱ་ལཱར་འཁྲུངས་ཤིང་། ད་ཆ་དགུང་ལོ་ ༢༩ ལ་སོན་གྱི་ཡོད་པ་དང་ཁོང་ནི་ད་ལྟའི་གྲོས་ཚོགས་འཐུས་མིའི་ཁོངས་ནས་དགུང་ལོ་ཆུང་ཤོས་དེ་ཆགས་ཀྱི་ཡོད་པ་རེད། གཞི་རིམ་གོང་འོག་གི་སློབ་སྦྱོང་ཁག་དྷ་སྟེང་དང་གོ་པུར་བོད་ཁྱིམ་ནས་གནང་། དེ་རྗེས་མ་དྷ་རཱ་སིའི་ཡི་ཤུའི་མཐོ་སློབ་ནས་ཨིན་ཡིག་རྩོམ་རིག་ཐོག་ཉེ་བའི་གཙུག་ལག་རབ་འབྱམས་པ་དང་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་ནེཧ་རུ་གཙུག་ལག་སློབ་གཉེར་ཁང་ JNU ནས་ཨིན་ཡིག་སློབ་ཚན་ཐོག་གཙུག་ལག་རབ་འབྱམས་པའི་སློབ་མཐར་སོན་ཡོད།ཕྱི་ལོ་ ༢༠༡༦ ནས་ ༢༠༡༧ བར་དབུས་བོད་ཀྱི་བེུད་ལྷན་ཚོགས་ཀྱི་འཆར་འགོད་འགན་འཛིན་དང་། ༢༠༡༧ ནས་ ༢༠༢༠ བར་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ཁྱབ་ཁོངས་བོད་མིའི་མདུན་ལམ་སློབ་སྟོན་ཁང་གི་འགན་འཛིན་གནང་ཡོད་པ་མ་ཟད། ད་ལྟའི་ཆར་དྷ་སར་རྟེན་གཞི་བྱས་པའི་འཚེ་མེད་ཞི་བའི་ལྟ་གྲུབ་སྦྱོང་བརྡར་བསྟི་གནས་ཁང་གི་འགན་འཛིན་གནང་མུས་ཡིན་པ་རེད།

འབྲེལ་ཡོད་གསར་གནས།

གསར་གནས།