Tibetan Royal Year of 2151 | Year of the Wood Dragon

སྲིད་སྐྱོང་མཆོག་གིས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་མཆོག་དང་མཇལ་མོལ་གནང་བ།

Tibetan News Headlines

  • New report highlights risks to Tibet and Asia of rampant construction
  • China announces sanctions on U.S. defence firms
  • US lawmakers request Chinese doping Investigation ahead of Paris Olympics
  • CTA hosts exhibition on biography of self manifested Jowo Wati Sangpo
  • Introduction to Saga Dawa

རེས་གཟའ་ཕུར་བུ། ༢༠༢༤།༠༥།༢༣

  • རྒྱ་གཞུང་གི་ཆུ་མཛོད་ལས་གཞི་བོད་ཙམ་མ་ཟད་ཨེ་ཤེ་ཡ་སྤྱིའི་ཁོར་ཡུག་ལ་དོ་ཕོག་ཤུགས་ཆེ་གཏོང་གི་ཡོད་པ་མངོན་གསལ།
  • རྒྱ་གཞུང་གིས་སླར་ཡང་ཨ་རིའི་ཚོང་ལས་ཁང་དང་གཙོ་འཛིན་ཁག་གཅིག་ལ་སྲིད་དོན་ཉེས་ཆད་བཀལ་འདུག
  • ཡོང་རྒྱུའི་རྒྱལ་སྤྱིའི་དབྱར་དུས་ཨོ་ལོམ་པིག་རྩེད་འགྲན་ནང་རྒྱ་ནག་གིས་རྩེད་འགྲན་པར་རྟོག་ཞིབ་བྱ་དགོས་པ་གསུངས་འདུག
  • རང་བྱོན་འཕགས་མཆོག་ཝ་ཏི་བཟང་པོའི་རྣམ་ཐར་སྐོར་དུས་ཐུང་འགྲེམས་སྟོན་དབུ་འབྱེད།
  • ས་ག་ཟླ་བའི་དུ་ཆེན་ངོ་སྤྲོད།

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ཧི་མཱ་ཅལ་མངའ་སྡེའི་རྒྱལ་ས་སིམ་ལ་གཙོས་པའི་བོད་མིའི་གནས་ཡུལ་ས་གནས་ཁག་གཅིག་ཏུ་གཞུང་འབྲེལ་འཚམས་གཟིགས་གནང་བཞིན་པའི་ཁྲོད་ཁ་སང་སྲིད་སྐྱོང་མཆོག་གིས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Sukhvinder Singh Sukhu མཆོག་དང་མཇལ་འཕྲད་གནང་སྟེ་མངའ་སྡེའི་བོད་མི་ཚོར་འཕྲད་བཞིན་པའི་ས་ཆའི་དཀའ་ངལ་སྙན་སེང་དང་བོད་དོན་སྐོར་ལ་བཀའ་བསྡུར་སོགས་གནང་འདུག

ཁ་སང་ཕྱི་ཚེས་ ༡༡ ཉིན་སྲིད་སྐྱོང་སྤེན་པ་ཚེ་རིང་མཆོག་གིས་སིམ་ལར་རྟེན་གཞི་བྱས་པའི་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་ལས་ཁུངས་སུ་སྤྱི་ཁྱབ་བློབ་ཆེན་སྐུ་ཞབས་ Sukhvinder Singh Sukhu མཆོག་དང་མཇལ་འཕྲད་གནང་སྟེ་ཧི་མཱ་ཅལ་མངའ་སྡེ་ནང་ཡོད་པའི་བོད་མི་ཚོར་འཕྲད་བཞིན་པའི་ས་ཆའི་དཀའ་ངལ་ཁག་སྙན་སེང་དང་སྦྲགས་ཏེ། མངའ་སྡེ་གཞུང་ནས་དཀའ་ངལ་དེ་དག་སེལ་ཐབས་གནང་སྐྱོང་ཡོང་བའི་འབོད་སྐུལ་ཞུས་འདུག་པ་དང་། སྐབས་དེར་སྤྱི་ཁྱབ་བློན་ཆེན་མཆོག་གིས་ཞལ་བཞེས་བཟང་པོ་གནང་འདུག

མཇལ་འཕྲད་ཁྲོད་སྲིད་སྐྱོང་མཆོག་དང་སྤྱི་ཁྱབ་བློན་ཆེན་མཆོག་གི་དབར་ལ་སྤྱི་ཡོངས་ཀྱི་རྒྱ་སྤྱིའི་ཆབ་སྲིད་གནས་སྟངས་དང་ལྷག་པར་དུ་བོད་ཀྱི་གནད་དོན་སྐོར་ལ་བཀའ་བསྡུར་གནང་འདུག་པར་མ་ཟད། སྲིད་སྐྱོང་མཆོག་གིས་སྤྱི་ཁྱབ་བློན་ཆེན་མཆོག་རིང་མིན་ཕྱི་ཟླ་ ༧ ཕྱི་ཚེས་ ༦ ཉིན་བཞུགས་སྒར་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་དུས་ཆེན་གྱི་གཞུང་འབྲེལ་མཛད་སྒོའི་སྐུ་མགྲོན་གཙོ་བོར་གདན་ཞུ་ཕུལ་ཡོད་པ་རེད།

དེ་བཞིན་ཁ་སང་སྲིད་སྐྱོང་མཆོག་གིས་སིམ་ལ་སཾ་བྷོ་ཊ་སློབ་གྲྭར་ས་གནས་བོད་རིགས་མང་ཚོགས་རྣམས་ལ་བོད་པའི་གཞིས་ཆགས་ཁག་རང་ཁ་རང་གསོ་དང་། སྲ་བརྟན་ཡོང་ཐབས། དེ་བཞིན་ཉེ་ཆར་གྲོས་ཚོགས་བརྒྱུད་ཡོངས་གྲགས་གནང་བའི་བཀའ་ཤག་སྐབས་བཅུ་དྲུག་པའི་ཕུགས་དམིགས་ཡིག་ཆ་བོད་ཀྱི་མ་འོངས་འགན་སྲུང་ཞེས་པ་གཙོས་འཛིན་སྐྱོང་གི་ལས་དོན་དང་། བོད་ནང་གི་གནས་སྟངས་སོགས་ཀྱི་ཐོག་གསུང་བཤད་དང་མང་ཚོགས་ཀྱི་དོགས་འདྲིར་བཀའ་ལན་གནང་འདུག

འབྲེལ་ཡོད་གསར་གནས།

གསར་གནས།