ཝཱ་རཱ་ཎ་སཱི་ Heirtage སྨན་ཁང་དུ་མེས་འཚིག་སྐྱོན་ཕོགས་པའི་ནད་པར་སྨན་བཅོས་ཀྱི་ཐུན་རྐྱེན་ཆ་ཚང་བ་ཞིག་མེད་སྟབས། དེ་རིང་ཕྱི་དྲོ་ཝཱ་རཱ་ཎ་སཱི་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་དུ་རང་ལུས་མེར་སྲེག་གནང་མཁན་སློབ་མ་བསྟན་འཛིན་ཆོས་དབྱིངས་ལགས་ནད་པ་བོར་འདྲེན་བྱ་རྒྱུའི་དམིགས་བསལ་མཁའ་ལམ་བརྒྱུད་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ Safdarjung སྨན་ཁང་དུ་འཁྱེར་རྒྱུར་ཐག་གཅོད་གནང་འདུག
རྩ་བའི་བསྟན་འཛིན་ཆོས་དབྱིངས་ལགས་ནས་ཟླ་བ་འདིའི་ཚེས་ ༡༤ ཉིན་ཝཱར་ན་གཙུག་ལག་སློབ་གཉེར་ཁང་དུ་བོད་དོན་ཆེད་རང་ལུས་མེར་སྲེག་གནང་ཡོད་པ་དང་། ཁོང་གི་ལུས་པོ་བརྒྱ་ཆ་ ༦༦ ལྷག་མེས་ཚིགས་རྐྱེན་ད་བར་ཝཱ་རཱ་ཎ་སཱི་གྲོང་ཁྱེར་ནང་དུ་རྟེན་གཞི་བྱས་པའི་ Heritage སྨན་ཁང་དུ་སྨན་བཅོས་གནང་མུས་ཡིན་པ་རེད།