བོད་ཀྱི་བེུད་རྐང་སྤོལ་རུ་ཁག་རིང་མིན་འདི་ལོ་ ༢༠༢༡ ལོའི་ཕྱི་ཟླ་ ༦ པའི་ནང་ཡོ་རོབ་ཀྱི་དཀྱིལ་ཤར་དང་ལྷོ་ཕྱོགས་གཉིས་ཀྱི་མཚམས་སུ་ཆགས་པ་ Romania ཞེས་པའི་རྒྱལ་ཁབ་ཏུ་འཚོགས་གཏན་ཁེལ་བའི་ CONIFA འཛམ་གླིང་བེུད་ཀྱི་རྐང་རྩེད་སྤོ་ལོའི་རྩེད་འགྲན་ཆེས་ཐོག་མར་མཉམ་ཞུགས་གནང་རྒྱུ་རེད་འདུག
གཞི་རྩའི་ CONIFA ཞེས་པའི་རང་དབང་ཅན་གྱི་འཛམ་གླིང་རྐང་རྩེད་སྤོ་ལོའི་ལྷན་ཚོགས་ནས་དུས་རྒྱུན་ FIFA འཛམ་གླིང་རྐང་རྩེད་སྤོ་ལོའི་འགྲན་བསྡུར་ནང་མ་ཚུད་པའི་འཛམ་གླིང་ཁྲོད་ཀྱི་གྲངས་ཉུང་མི་རིགས་དང་སྐྱབས་བཅོལ་བ། རང་མི་རིགས་ཀྱི་རིག་གཞུང་དང་རྒྱལ་ཁབ་མཚོན་ཐུབ་པའི་མི་རིགས་ཁག་ལ་ཆེད་དམིགས་ཀྱིས་རྐང་སྤོལ་རྩེད་འགྲན་ཞིག་གོ་སྒྲིག་གནང་བཞིན་ཡོད་པ་དང་། དེ་སྔ་ཕྱི་ལོ་ ༢༠༡༨ ལོར་དབྱིན་ཡུལ་གྱི་རྒྱལ་ས་ལོན་ཊོན་ནང་ཚོགས་པའི་ CONIFA འཛམ་གླིང་བུའི་རྐང་རྩེད་སྤོ་ལོའི་རྩེད་འགྲན་ནང་བོད་ཀྱི་བུའི་རྐང་སྤོལ་རུ་ཁག་ཀྱང་མཉམ་ཞུགས་གནང་རྒྱུའི་གོ་སྐབས་བྱུང་ཡོད་པ་རེད།
ལྷན་ཚོགས་དེས་ཕྱི་ཟླ་ ༦ ཚེས་ ༢༣ ནས་ ༣༠ བར་བེུད་ཀྱི་རྐང་སྤོལ་རྩེད་འགྲན་ཆེས་ཐོག་མ་དེ་གོ་སྒྲིག་གནང་དོན་ལྟར་རྩེད་འགྲན་ནང་བོད་ཀྱི་བེུད་རྐང་སྤོལ་རུ་ཁག་མཉམ་ཞུགས་གནང་གཏན་ཁེལ་བ་དང་འབྲེལ། བོད་རྒྱལ་ཡོངས་རྩེད་རིགས་ཚོགས་པའི་སྤྱི་ཁྱབ་འགན་འཛིན་བསྟན་འཛིན་རིན་ཆེན་ལགས་སུ་བཅར་འདྲི་ཁག་ཅིག་ཞུས་པར་ཁོང་གིས་ཐེངས་འདིའི་རྩེད་འགྲན་ཐོག་བོད་ཀྱི་བེུད་རྐང་སྤོལ་རུ་ཁག་ནས་རྒྱལ་སྤྱིའི་ཐོག་བོད་ཀྱི་རིག་གཞུང་དང་ངོ་བོ་ཆེད་བཏོན་གནང་ཐུབ་ཀྱི་ཡོད་པར་མ་ཟད་བེུད་ཀྱི་ནུས་སྟོབས་གོང་འཕེལ་ཐད་ལའང་གནད་འགག་ཆེན་པོ་ཆགས་ཀྱི་ཡོད་སྐོར་སོགས་གསུངས་ཡོད།
རྩ་བའི་ཚོགས་ལ་ཉེ་བའི་ CONIFA འཛམ་གླིང་བེུད་ཀྱི་རྐང་རྩེད་སྤོ་ལོའི་རྩེད་འགྲན་ཆེས་ཐོག་མའི་ནང་ བོད་ཀྱི་བེུད་རུ་ཁག་གཙོས་ཡོ་རོབ་ཁུལ་གྱི་ Kernow FA Northern Cyprus Sapmi བྱང་ཨ་རི་ཁུལ་གྱི་ Cascadia དེ་བཞིན་ Romania རྒྱལ་ཁབ་ཀྱི་ Székely Land དང་ཉེ་འཁྲིས་སུ་ཡོད་པའི་ Chameria བཅས་ཁྱོན་རྐང་སྤོལ་རུ་ཁག་དྲུག་ནས་མཉམ་ཞུགས་གནང་གི་ཡོད་པ་རེད།
བོད་ཀྱི་བེུད་རྐང་སྤོལ་རུ་ཁག་ CONIFA འཛམ་གླིང་རྐང་སྤོལ་རྩེད་འགྲན་ནང་མཉམ་ཞུགས་གནང་གཏན་ཁེལ་བ།
Tibetan News Headlines
- US religious freedom watchdog warns of sinicization and assimilation of Tibetan religious and cultural identities
- US sanctions 31 China-based companies over Russia
- Xi Jinping to meet French President Macron and EU Chief in Paris next week
- CTA begins house allocation programmes for Tibetans not facilitated in the refugee settlements
- Dharamshala hosts conference on promotion and preservation of Tibetan language
རེས་གཟའ་ཕུར་བུ། ༢༠༢༤།༠༥།༠༢
- རྒྱ་གཞུང་གིས་བོད་བརྒྱུད་ནང་བསྟན་ལ་དམ་དྲག་བྱེད་ཤུགས་ཆེ་རུ་བཏང་ཡོད་པ་མངོན་གསལ་གནང་འདུག
- ཨ་རིའི་གཞུང་གིས་རྒྱ་ནག་གི་བཟོ་ཚོང་ལས་ཁང་ ༣༡ ལ་སྲིད་དོན་ཉེས་ཆད་བཀལ་བ།
- ཞི་ཅིང་ཕིང་གིས་ཕ་རན་སིའི་སྲིད་འཛིན་དང་ཡོ་རོབ་མཐུན་ཚོགས་ཀྱི་གཙོ་འཛིན་ཐུག་འཕྲད་བྱ་འཆར།
- བོད་མི་སྡོད་ཁང་མེད་པ་རྣམས་ལ་རུབ་སྡོད་གཞིས་སྒར་ནང་སྡོད་ཁང་བགོས་འགྲེམས་ཀྱི་ལས་གཞི་དངོས་སུ་དབུ་འཛུགས།
- བོད་ཀྱི་སྐད་ཡིག་སྲུང་སྐྱོབ་དང་དར་འཕེལ་སྐོར་བགྲོ་གླེང་དབུ་འཛུགས།
