ཕྱི་ལོ་༢༠༡༥དང་༢༠༡༦ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དང་བོད་མི་མང་སྤྱི་འཐུས་སྐབས་༡༦པའི་དངོས་གཞི་འོས་བསྡུའི་ལས་རིམ་འདིའི་ནང། བོད་མི་དེབ་སྐྱེལ་གནང་མཁན་གྱི་ཁ་གྲངས་ཁྲི་ལྷག་བྱུང་འདུག་པ་དང། སྐབས་སྔ་མ་དང་བསྡུར་ཚེ་དེབ་སྐྱེལ་གནང་མཁན་༨༠༠༠་ལྷག་གི་འཕར་འདུག
སྔ་ལོའི་ཕྱི་ཟླ་ ༡༠ ཚེས་ ༡༨ ཉིན་གྱི་སྔོན་འགྲོ་འོས་བསྡུའི་ནང་བོད་མི་ ༨༧༡༧༩ ནས་འོས་བསྡུ་དེབ་སྐྱེལ་གནང་ཡོད་ཅིང་། དབུས་འོས་བསྡུ་ལས་ཁང་ནས་དེབ་སྐྱེལ་དུས་ཡུན་འཕར་སྣོན་གོ་སྐབས་འཕར་མ་གནང་རྗེས་མང་ཚོགས་༢༨༠༠ལྷག་ཙམ་འཕར་ཆ་སོང་འདུག དེའི་ཁྲོད་ནས་དེབ་སྐྱེལ་གནང་མཁན་གྱི་༢༠༠༠ལྷག་ནི་བྱང་ཨ་རི་ཁུལ་རེད་འདུག
གཞི་རྩའི་དེ་སྔ་ཕྱི་ལོ་༢༠༡༡ལོའི་བཙན་བྱོལ་བོད་མིའི་འོས་བསྡུ་སྐབས་ཁྱོན་བོད་མི་༨༢༨༠༠ལྷག་དེབ་སྐྱེལ་གནང་ཡོད་པ་དང། དེའི་ཁོངས་ནས་དངོས་སུ་འོས་འཕེན་མཁན་གྱི་གྲངས་འབོར་དེ་༤༨༤༨༢ ཡིན་པ་རེད།
