ཕྱི་ཟླ་དང་པིའི་ཚེས་ ༡ ཉིན་དབྱིན་ཇིའི་ཁྲིམས་རྩོད་པ་དང་ཧོང་ཀོང་གི་སྤྱི་དམངས་ཐོབ་ཐང་རྩོད་ལེན་པ་གྲགས་ཅན་སྐུ་ཞབས་ Michael Vidler ལགས་ལ་འདི་ལོའི་ Order of the British Empire ཞེས་པའི་དབྱིན་ཡུལ་གྱི་འགྲོ་བ་མིའི་ཐོབ་ཐང་དང་འབྲེལ་བའི་ཆེས་མཐོའི་གཟེངས་རྟགས་འབུལ་བཞེས་གནང་འདུག
རྩ་བའི་དབྱིན་གཞུང་གི་གཟེངས་རྟགས་དེ་ཉིད་ཞི་བདེ་དང་རང་དབང་ཆེད་བློས་གཏོང་རྒྱ་ཆེ་གནང་མཁན་དང་། སྤྱི་ཚོགས་ལ་ལེགས་སྐྱེས་ཕུལ་བ། ཡང་ན་གཞི་རྩའི་འགྲོ་བ་མིའི་ཐོབ་ཐང་སྲུང་སྐྱོབ་སླད་ཕྱག་ལས་གནང་མཁན་རྣམ་པ་ཚོར་ཆེས་བསྟོད་དང་སྦྲགས་ནས་གཟེངས་རྟགས་དེ་གནང་སྲོལ་ཡོད་པ་རེད།
དེ་ཡང་ Hong kong Free Press ཞེས་པའི་གསར་ཁང་གིས་དེ་འབྲེལ་གནས་ཚུལ་སྤེལ་སྤེལ་བར་གཞིགས་ན། འདི་ལོའི་དབྱིན་ཇིའི་ཆེས་མཐོའི་གཟེངས་རྟགས་འདི་སྐུ་ཞབས་ Michael ལགས་ལ་འབུལ་བཞེས་གནང་དོན་གཙོ་བོ་ནི་ཁོང་གིས་རང་སྲོག་འབེན་ལ་བཙུགས་ནས་ཧོང་ཀོང་མང་ཚོགས་ཀྱི་གཞི་རྩའི་འགྲོ་བ་མིའི་ཐོབ་ཐང་སྲུང་སྐྱོབ་གནང་བ་གཙོས་ཧོང་ཀོང་ནང་མང་གཙོ་བཅོས་བསྒྱུར་དང་སྨྲ་བརྗོད་རང་དབང། དེ་བཞིན་ཁྲིམས་ཀྱི་དབང་བསྒྱུར་གོང་འཕེལ་ཐད་ཕྱག་ལས་བསྟུད་མར་གནང་ཡོད་པར་བརྟེན་ཁོང་ལ་ད་རེས་ཆེས་བསྟོད་ཞུས་ཏེ་གཟེངས་རྟགས་དེ་གནང་ཡོད་འདུག
གནད་དོན་དེ་དང་འབྲེལ་སྐུ་ཞབས་ Michael ལགས་ཀྱིས་ཁོང་ལ་ད་རེས་ཧོང་ཀོང་མང་ཚོགས་ཀྱི་ཐོབ་ཐང་རྩོད་ལན་པའི་ཚབ་མཚོན་གྱིས་ཆེས་མཐོའི་གཟེངས་རྟགས་དེ་གསོལ་སྩལ་གནང་བར་ཐུགས་རྗེ་ཆེ་ཞེས་དང་། འདི་ནི་ཧོང་ཀོང་མང་ཚོགས་ཀྱིས་རང་ཉིད་ཀྱི་རང་དབང་དང་གཞི་རྩའི་ཐོབ་ཐང་སྲུང་སྐྱོབ་སླད་ཞུམ་པ་མེད་པའི་སྙིང་སྟོབས་དང་ཆོད་སེམས་ལ་རག་ལུས་ཀྱི་ཡོད་སྟབས་ཁོང་རྣམས་ཀྱི་ཧུར་བརྩོན་དང་བློས་གཏོང་ལ་ཐུགས་རྗེ་ཆེ་ཞེས་གསུངས་འདུག
