བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་ Prayers to Chinese Pop: The Story of Larung Gar Nuns ཞེས་གསེར་རྟ་བླ་རུང་སྒར་ནས་ཕྱིར་འབུད་བཏང་པའི་བཙུན་མའི་སྐོར་ལ་སྐར་མ་ ༢ ཅན་གྱི་བརྙན་ཐུང་ཕྱོགས་སྒྲིག་ཞུས་པ་ཞིག་འདོན་སྤེལ་གནང་པའི་བརྒྱུད། རྒྱ་གཞུང་གིས་བོད་བརྒྱུད་ནང་བསྟན་གྱི་སློབ་གཉེར་བྱ་ཡུལ་བསྟི་གནས་ཁང་ཆེས་གཙོ་གྲས་གསེར་རྟ་བླ་རུང་སྒར་གྱི་གྲྭ་བ
ཙུན་རྣམས་བཙན་ཤེད་ཀྱིས་དགོན་པ་ནས་ཕྱིར་འབུད་བཏང་པའི་གནས་སྟངས་ཁག་ངོ་སྤྲོད་དང་། དེ་བཞིན་དེ་རིང་ཟླ་ ༧ ཚེས་ ༢༠ ཉིན་མོ་སྟེ་རྒྱ་གཞུང་གི་ངོས་ནས་བླ་རུང་ཆོས་སྒར་དུ་གཏོར་བཤིག་གི་ལས་དོན་འགོ་བཙུགས་ནས་ལོ་གཅིག་ཧྲིལ་པོ་འཁོར་བའི་རྗེས་དྲན་གྱི་ཉིན་མོ་སྲུང་བརྩི་ཞུས་ཡོད་པ་རེད།
རྒྱ་ནག་གཞུང་གིས་སྔ་ལོའི་ཕྱི་ཟླ་ ༧ ཚེས་ ༢༠ ཉིན་བོད་གསེར་རྟ་བླ་རུང་ཆོས་སྒར་ནང་བསྟན་སློབ་གླིང་དུ་གྲྭ་བཙུན་དང་སློབ་གཉེར་བའི་གྲངས་འབོར་ ༥༠༠༠ བར་ཚད་འཛིན་བྱ་རྒྱུ་ཡིན་ཟེར་ནས་བླ་རུང་ཆོས་སྒར་དུ་གྲྭ་ཤག་གཏོར་བཤིག་དང་གྲྭ་བཙུན་ཕྱིར་འབུད་ཀྱི་ལས་དོན་འགོ་བཙུ
གས་ནས་འདི་ལོའི་ཕྱི་ཟླ་ ༧ ཚེས་ ༢༠ ཉིན་ལོ་གཅིག་ཧྲིལ་པོ་འཁོར་བཞིན་ཡོད་པར་བརྟེན། བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་འགྲོ་བ་མིའི་ཐོབ་ཐང་དང་རྒྱལ་ཚོགས་ཚན་པའི་ངོས་ནས་སྐར་མ་ ༢ ཅན་གྱི་བརྙན་ཐུང་ཞིག་འདོན་སྤེལ་གནང་པའི་ནང་། བླ་རུང་ཆོས་སྒར་གྱི་བཙུན་མ་རྣམས་ཞི་བདེ་ངང་མི་ཚེ་སྐྱེལ་བཞིན་ཡོད་པ་དེ་ལྟར་ཡང་། སྔ་ལོ་ནང་རྒྱ་གཞུང་གིས་བླ་རུང་སྒར་དུ་གཏོར་བཤིག་གི་ལས་དོན་སྤེལ་རྒྱུ་མགོ་བཙུགས་པ་ནས་བཟུང་གྲྭ་བཙུན་གྱི་གྲྭ་ཤག་ཕོན་ཆེ་ཞིག་གཏོར་བཤིག་བཏང་པ་དང་། ཕྱིར་འབུད་བཏང་པའི་བཙུན་མ་རྣམས་ལ་རྒྱ་གཞུང་གི་དམག་ཆས་གྱོན་བཅུག་པ་དང་ཁོང་རྣམས་ལ་བོད་སྐད་ཐོག་བོད་རྒྱ་གཉིས་ཨ་མ་གཅིག་གི་ཕྲུ་གུ་ཡིན་ཅེས་པའི་གླུ་གཞས་བཏང་བཅུག་པ་མ་ཟད། བཙུན་མ་ཚོར་རྒྱལ་གཅེས་ཆོས་གཅེས་ཀྱི་སློབ་གསོ་སྤྲོད་པའི་བརྒྱུད་དམག་གི་སྦྱོང་བརྡར་གནང་བཅུག་ཡོད་པ་གཙོས་གཏོང་བཤིག་གི་ལས་དོན་སྤེལ་མུས་ཡིན་པ་སོགས་མངོན་གསལ་གནང་པ་དང་སྦྲགས། རྒྱ་གཞུང་གིས་ལག་བསྟར་བྱེད་བཞིན་པའི་གྲྭ་བཙུན་ཕྱིར་འབུད་དང་དགོན་པ་གཏོར་བཤིག་གི་ལས་དོན་དེ་དག་མཚམས་འཇོག་ཡོང་ཕྱི
ར་བརྙན་ཐུང་དེ་ཁྱབ་སྤེལ་རྒྱ་གང་ཆེ་གནང་སྐྱོང་ཡོང་བར་འབོད་སྐུལ་གནང་འདུག
མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་བླ་རུང་སྒར་གྱི་གནད་དོན་འདི་ནི་དེ་སྔ་བོད་ནང་ཆེས་སྡུག་རྩུབ་ཆེ་བའི་རིག་གནས་གསར་བརྗེའི་དོན་རྐྱེན་དང་གཅིག་མཚུངས་ཡིན་པ་གསུངས་པ་དང་སྦྲགས། བོད་ནང་རིག་གནས་གསར་བརྗེ་བསྐྱར་ལོག་བྱེད་བཞིན་པའི་ཉེན་ཁ་ཡོད་པས་དེར་དངངས་སྐྲག་ཧ་ཅང་སྐྱེ་བཞིན་འདུག་ཅེས་གསུངས་འདུག
དེ་བཞིན་བོད་མིའི་སྒྲིག་འཛུགས་ཀྱི་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་དང་དྲིལ་བསྒྲགས་དྲུང་ཆེ་ཤར་གླིང་བསྟན་འཛིན་ཟླ་སྒྲོན་ལགས་རྣམ་གཉིས་ཀྱིས་བླ་རུང་སྒར་གྱི་གནད་དོན་ཐོག་འདས་ལོའི་ཕྱི་ཟླ་ ༡༢ ནང་ཡུ་རོབ་གྲོས་ཚོགས་ནང་བོད་དོན་རྒྱབ་སྐྱོར་ཆེད་གྲོས་ཆོད་བཞག་པ་བརྒྱུད་བོད་ནང་གི་ཛ་དྲག་གནས་སྟངས་མགྱོགས་མྱུར་གསལ་ཐབས་དགོས་པའི་རེ་འདུན་ཤུགས་ཆེ་བཏོན་པ་དང་། དེ་བཞིན་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༣༤ འཚོག་ལ་ཉེ་སྐབས
་འགྲོ་བ་མིའི་ཐོབ་ཐང་གི་གནས་སྟངས་ཐོག་རྒྱལ་སྤྱིའི་ཆེད་ལས་མཁས་པ་དྲུག་གིས་གསེར་རྟ་བླ་རུང་སྒར་གཏོར་བཤིག་གཏོང་བཞིན་པའི་གནས་སྟངས་ཐད་རྒྱ་ནག་གཞུང་ལ་ཛ་དྲག་འབོད་སྐུལ་གནང་ཡོད་པ་མ་ཟད། མཁས་པ་དྲུག་གིས་རྒྱ་ནག་གཞུང་ལ་ཞུ་ཡིག་གཅིག་ཕུལ་བ་དེའི་ནང་གསེར་རྟ་བླ་རུང་སྒར་ནི་རྒྱ་ནག་རྒྱལ་ཡོངས་ཙམ་མ་ཟད། འཛམ་གླིང་ཡོངས་སུ་བོད་བརྒྱུད་ནང་བསྟན་སློབ་གཉེར་གནང་ཡུལ་གྱི་བསྟི་གནས་ཁང་ཧ་ཅང་གལ་གནད་ཅན་ཞིག་ཆགས་ཡོད་པ་དང་། ལྷག་དོན་བོད་ཀྱི་སྐད་ཡིག་དང་རིག་གཞུང་། ཆོས་སོགས་འཛིན་སྐྱོང་སྤེལ་གསུམ་གནང་སའི་བསྟི་གནས་ཁང་གྲགས་ཆེ་ཤོས་ཤིག་ཡིན་པའི་ཁར། རྒྱ་རིགས་ནང་ཆོས་དོན་གཉེར་བ་དང་གནས་སྐོར་བ་སོགས་ལ་བསྟི་གནས་ཁང་དེ་ཆེས་གལ་འགངས་ཆེ་བ་ཞིག་ཆགས་ཡོད་པ་སོགས་མངོན་གསལ་དང་སྦྲགས་ཏེ་འབོད་སྐུལ་ཞུས་འདུག
རྩ་བའི་སྔ་ལོའི་ཕྱི་ཟླ་ ༧ ཚེས་ ༢༠ ནས་འགོ་བཙུགས་ཏེ་ད་བར་བཙུན་མ་ ༡༠༠༠ ལྷག་ཙམ་ཞིག་ཕྱིར་འབུད་བཏང་ཟིན་ཡོད་པ་དང་། བླ་རུང་སྒར་ནས་གྲྭ་བཙུན་ཁྱོན་ ༤༦༠༠ ཙམ་ཕྱིར་འབུད་བཏང་ཡོད། གྲྭ་ཤག་ ༡༥༠༠ ཙམ་གཏོར་བཤིག་བཏང་པ་མ་ཟད། འདི་ལོའི་ཕྱི་ཟླ་ ༣ པའི་ནང་དུ་རྒྱ་གཞུང་གིས་བླ་རུང་སྒར་དུ་གྲྭ་ཤག་ ༣༢༢༥ ཙམ་ད་དུང་གཏོར་བཤིག་གཏང་རྒྱུར་གསལ་བསྒྲགས་སྤེལ་བ་བཞིན་ གཏོར་བཤིག་གི་ལས་དོན་སྤེལ་མུས་ཡིན་པ་རེད།
ལས་དོན་དེའི་རྐྱེན་པས་ཆོས་སྒར་དེའི་བཙུན་མ་གསུམ་གྱིས་རང་སྲོག་བཅད་པའི་གནས་ཚུལ་བྱུང་ཡོད་པ་རེད། དེ་བཞིན་འདི་ལོའི་ཕྱི་ཟླ་ ༤ ནང་ཨིན་ཡུལ་ནང་དུ་རྟེན་གཞི་བྱས་པའི་ Free Tibet བོད་དོན་རྒྱ
བ་སྐྱོར་ཚོགས་པས་ཁུངས་ལྡན་གནས་ཚུལ་སྤེལ་བར་བླ་རུང་སྒར་དུ་གནས་བཞུགས་ཚོའི་ངོས་ནས་མ་འོངས་པའི་འཚོ་གནས་ལ་བློ་འཚབས་ཆེན་པོ་ཡོད་པ་དང་འབྲེལ། རྒྱ་གཞུང་གིས་མེ་སྐྱོན་དགོག་ཐབས་དང་སྒར་མང་ཚོགས་ཀྱི་བདེ་འཇགས་ཆེད་དུ་ལས་གཞི་དེ་དག་སྤེལ་ཀྱི་ཡོད་སྐོར་བརྗོད་ཡོད་ཀྱང་། ལས་གཞི་དེར་ཕན་ཐོགས་གང་ཡང་བྱུང་མེད་པ་རེད། ཉེ་ཆར་ཟླ་བ་འདིའི་ཟླ་མགོར་སིངྒ་པུ་ཡུལ་སྐོར་སྤྲོ་འཆམ་པ་ཞིག་གིས་ལྐོག་ལ་བླ་རུང་སྒར་ནང་གི་པར་ལེན་གནང་པ་ཁག་ཅིག་ Free Tibet ཚོགས་པར་ལག་སོན་བྱུང་བའི་ནང་བླ་རུང་སྒར་གྱི་གཡས་ཡོན་དུ་མགྲོན་ཁང་སོགས་ཀྱི་འཛུགས་སྐྲུན་རྒྱ་ཆེ་འགྲོ་བཞིན་ཡོད་པ་དང་། དེ་དག་ལས་སྒར་མང་ཚོགས་ཀྱི་ངོས་ནས་བློ་འཚབས་ཆེན་པོ་གནང་བཞིན་་ཡོད་པ་དང་ཡོངས་སུ་མཐུན་གྱི་ཡོད་པ་ཆེས་གསལ་སྟོན་གནང་ཡོད་པ་རེད།
རྒྱ་གཞུང་གིས་བླ་རུང་སྒར་ནས་ཕྱིར་འབུད་བཏང་པའི་བཙུན་མའི་གནས་སྟངས་ངོ་སྤྲོད་གནང་དང་འབྲེལ་གཏོར་བཤིག་གི་ལས་དོན་འགོ་བཙུགས་ནས་ལོ་གཅིག་འཁོར་བར་རྗེས་དྲན་ཞུས་པ།
Tibetan News Headlines
- French president urged to put human rights, Tibet at heart of Xi Jinping talks
- Tibetan media marks World Press Freedom Day with call for access to Tibet
- Dalai Lama grants audience to devotees from Nepal’s Tsum and Nubri
- A Tibetan monks mission to help the blind see lights in a remote Himalayan village: Feature
- Tibet to provide financial aid to Nepal’s northern border districts for five years
རེས་གཟའ་པ་སངས། ༢༠༢༤།༠༥།༠༣
- ཧྥ་རན་སི་དང་རྒྱ་ནག་གི་སྲིད་འཛིན་གྲོས་མོལ་སྐབས་བོད་ཀྱི་གནད་དོན་གཙོ་གྲས་སུ་གླེང་དགོས་པའི་ནན་སྐུལ།
- འཛམ་གླིང་གསར་འགོད་རང་དབང་གི་ཉིན་མོ་སྲུང་བརྩི།
- ༸གོང་ས་མཆོག་གིས་བཙུམ་དང་ནུབ་རིའི་དད་ལྡན་པ་ཁག་གཅིག་ལ་མཇལ་ཁ་བསྩལ་བ།
- བོད་རང་སྐྱོང་ལྗོངས་ཟེར་བས་ལོ་ལྔའི་རིང་བྱང་བལ་ཡུལ་ས་མཚམས་ཁུལ་དུ་དཔལ་འབྱོར་རོགས་རམ་སྤྲོད་འཆར།
