ཟླ་བ་འདིའི་ཕྱི་ཚེས་ ༣༠ ཉིན་སུད་སི་དང་ལིག་ཏེན་སིཊཡན་བོད་རིགས་མི་མང་སྒྲིག་འཛུགས་ཀྱི་སྐབས་བཅོ་བརྒྱད་པའི་སྤྱི་ཁྱབ་ཤེས་ཡོན་འགན་འཛིན་གྱིས་གོ་སྒྲིག་གནང་བའི་འོག་ཁྱབ་ཁོངས་ཀྱི་བོད་པའི་གཟའ་མཇུག་སློབ་ཁག་གི་འགན་འཛིན་ལྷན་འཛོམས་ཐོག་འབྱུང་འགྱུར་བོད་ཀྱི་སྐད་ཡིག་དང་རིག་གཞུང་སྲུང་སྐྱོབ། ས་གནས་སུ་ཡོད་པའི་བོད་སློབ་ཁག་ཡར་རྒྱས་གོང་འཕེལ་གཏོང་ཕྱོགས་སོགས་དང་འབྲེལ་བའི་ཚོགས་ཆེན་ཐེངས་དང་པོ་དེ་ཚོགས་པ་ཡོད་པ་རེད།རླུང་འཕྲིན་ཁང་གི་གསར་འགོད་པས་སུད་སི་དང་ལིག་ཏེན་སིཊཡན་བོད་རིགས་མི་མང་སྒྲིག་འཛུགས་ཀྱི་སྐབས་བཅོ་བརྒྱད་པའི་སྤྱི་ཁྱབ་ཤེས་ཡོན་འགན་འཛིན་ཚེ་དབང་མུན་སེལ་ལགས་སུ་བོད་སློབ་ཁག་གི་མ་འོངས་ལས་འཆར་དང་གདོང་ལེན་གནང་ཕྱོགས་སྐོར་ལ་དམིགས་བསལ་བཅར་འདྲི་ཞུས་ཡོད།