འཛམ་གླིིང་འདིའི་ཐོག་གི་ས་ཁྱོན་ཆེ་ཤོས་གཉིས་པ་དང་མི་འབོར་མང་ཤོས་གཉིས་པར་གྲགས་པའི་གླིང་ཆེན་ཨ་ཕི་རི་ཀ་ནང་ལ་ཁྱོན་རྒྱ་ཁབ་ ༥༤ ཡོད་པ་དང་། གླིང་ཆེན་དེའི་ནུབ་ཕྱོགས་ཀྱི་མཚམས་སུ་Gambia དང་ Senegal Ghana དེ་བཞིན་ Nigeria སོགས་ཁྱོན་རྒྱལ་ཁབ་ ༡༦ ཙམ་ཡོད་པ་རེད།
དེ་རིང་ང་ཚོའི་ལས་རིམ་ནང་། བོད་མི་མང་སྤྱི་འཐུས་ཐུབ་བསྟན་དབང་ཆེན་ལགས་ཉེ་ཆར་ཟླ་ ༡ ཕྱི་ཚེས་ ༡༨ ནས་ཟླ་ ༢ ཕྱི་ཚེས་ ༢ བར་ཁྱོན་ཉིན་གྲངས་ ༡༥ རིང་ལ་ཆོས་དང་ཤེས་ཡོན་གྱི་འབྲེལ་བ་གཙོ་བཟུང་ཐོག་གླིང་ཆེན་ཨ་ཕི་རི་ཀའི་ནུབ་ཕྱོགས་ཁུལ་གྱི་རྒྱལ་ཁབ་ Gambia དང་ Senegal གཉིས་ཀྱི་ནང་ལ་ཕེབས་ཏེ། ཆོས་ལུགས་མཐུན་སྒྲིལ་ལ་དམིགས་ཏེ་གོ་རྟོགས་ཀྱི་ལས་གཞི་སྤེལ་བ་དང་སློབ་གྲྭ་ཁག་ཏུ་བཟང་སྤྱོད་དང་ཞི་བདེ་སོགས་ཀྱི་ཐོག་གསུང་བཤད་གནང་བའི་སྐོར་ལ་བཀའ་འདྲི་ཞུས་ཡོད།