སྤྱི་འཐུས་ཐུབ་བསྟན་དབང་ཆེན

འཛམ་གླིིང་འདིའི་ཐོག་གི་ས་ཁྱོན་ཆེ་ཤོས་གཉིས་པ་དང་མི་འབོར་མང་ཤོས་གཉིས་པར་གྲགས་པའི་གླིང་ཆེན་ཨ་ཕི་རི་ཀ་ནང་ལ་ཁྱོན་རྒྱ་ཁབ་ ༥༤ ཡོད་པ་དང་། གླིང་ཆེན་དེའི་ནུབ་ཕྱོགས་ཀྱི་མཚམས་སུ་Gambia དང་ Senegal Ghana དེ་བཞིན་ Nigeria སོགས་ཁྱོན་རྒྱལ་ཁབ་ ༡༦ ཙམ་ཡོད་པ་རེད། དེ་རིང་ང་ཚོའི་ལས་རིམ་ནང་། བོད་མི་མང་སྤྱི་འཐུས་ཐུབ་བསྟན་དབང་ཆེན་ལགས་ཉེ་ཆར་ཟླ་ ༡ ཕྱི་ཚེས་ ༡༨ ནས་ཟླ་ ༢ ཕྱི་ཚེས་ ༢ བར་ཁྱོན་ཉིན་གྲངས་ ༡༥ རིང་ལ་ཆོས་དང་ཤེས་ཡོན་གྱི་འབྲེལ་བ་གཙོ་བཟུང་ཐོག་གླིང་ཆེན་ཨ་ཕི་རི་ཀའི་ནུབ་ཕྱོགས་ཁུལ་གྱི་རྒྱལ་ཁབ་ Gambia དང་ Senegal...

སྐབས་ ༡༦ པའི་ཡོ་རོབ་དང་ལྷོ་ཨ་ཕི་རི་ཀ་ཁུལ་གྱི་སྤྱི་འཐུས་ཐུབ་བསྟན་དབང་ཆེན་ལགས་ཀྱི་ཚབ་ཏུ་སུད་སིར་གནས་བཞུགས་བཀྲས་མཐོང་བསྟན་འཛིན་དབང་པོ་ལགས་སྤྱི་འཐུས་སུ་བསྐོ་གཞག་གནང་འདུགབོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞིའི་དོན་ཚན་ ༧༨ པའི་ནང་གསེས་ ༣ པར་ཚོགས་དུས་གཉིས་བསྟུད་མར་ཚོགས་བཅར་མ་ཞུས་ཚེ་ཚོགས་དུས་གཉིས་པ་གྲོལ་རྗེས་སྤྱི་འཐུས་ནས་འཕོས་པར་ངོས་འཛིན་བྱ་རྒྱུ་ཞེས་འཁོད་པ་ལྟར་དབུས་འོས་བསྡུ་ལས་ཁང་གིས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༡ པའི་ནང་གསེས་ ༢ པར་སྤྱི་འཐུས་དུས་ཡུན་ནང་ས་མིག་སྟོང་པ་འཐོན་ཚེ་བར་མའི་འོས་བསྡུ་མ་དགོས་པར་སྒུག་ཐོའི་ཨང་རིམ་གཞིར་བཟུང་ད་ལན་སྤྱི་འཐུས་ཐུབ་བསྟན་དབང་ཆེན་ལགས་ཀྱི་ས་མིག་ཐོག་དེ་སྔ་ཕྱི་ ༢༠༡༦ ལོའི་སྐབས་ ༡༦ པའི་ཡོ་རོབ་དང་ལྷོ་ཨ་ཕ་རི་ཀ་ཁུལ་གྱི་སྤྱི་འཐུས་འོས་བསྡུའི་སྐབས་ཨང་རིམ་གསུམ་པ་དང་སྒུག་ཐོ་ཨང་དང་པོ་ཡིན་པ་སུད་སི་གནས་བཞུགས་བཀྲས་མཐོང་བསྟན་འཛིན་དབང་པོ་ལགས་སྐབས་ ༡༦ པའི་ཡོ་རོབ་དང་ལྷོ་ཨ་ཕི་རི་ཀ་ཁུལ་གྱི་སྤྱི་འཐུས་སུ་བསྐོ་གཞག་གནང་འདུགརླུང་འཕྲིན་ཁང་གིས་གནད་དོན་འདིའི་ཐོག་སྤྱི་འཐུས་ཐུབ་བསྟན་དབང་ཆེན་ལགས་སུ་བཀའ་འདྲི་ཞུས་པར་ཁོང་སྒེར་ལ་དབུས་འོས་བསྡུ་ལས་ཁང་དང་ཚོགས་དྲུང་ལས་ཁུངས་གཉིས་ནས་སྤྱི་འཐུས་ནས་འཕོས་སྐོར་གཞུང་འབྲེལ་གྱི་གསལ་བརྡ་གང་ཡང་གནང་འབྱོར་མ་བྱུང་ཞེས་གསུངས་སོང་བ་དེ་ལྟར་ཡང་། ད་ལན་གྲོས་ཚོགས་ཀྱིས་ཐུགས་ཐག་དེ་ལྟར་བཅད་དོན་བཞིན་ངོས་བཞེས་ཞུ་རྒྱུ་ཡིན་ཞེས་གསུངས་པ་དང་འབྲེལ། གང་ལྟར་རང་ཉིད་སྤྱི་འཐུས་ཡིན་མིན་ལ་མ་ལྟོས་མེད་མ་འོངས་པར་བོད་ཀྱི་རྩ་དོན་ཐོག་ཞབས་ཕྱི་མུ་མཐུད་བསྒྲུབ་རྒྱུ་ཡིན་གསུངས་སོང་།བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་པདྨ་འབྱུང་གནས་མཆོག་གིས་བཙན་བྱོལ་བོད་མིའི་བརྒྱུད་ལམ་ཁག་ཏུ་འགྲེལ་བརྗོད་གནང་བར་སྤྱི་འཐུས་ཐུབ་བསྟན་དབང་ཆེན་ལགས་ཚོགས་དུས་ ༨ པར་བཅར་མ་ཐུབ་པ་དེ་བོད་སྤྱིའི་རྩ་དོན་ཐོག་དུས་ཚོད་བཏང་བ་དང་ཚོགས་དུས་ ༩ པར་སླར་འཛམ་གླིང་སྤྱི་ཡོངས་ལ་རྒྱ་ནག་ཝུ་ཧན་ནས་ཁྱབ་གདལ་སོང་བའི་ཏོག་དབྱིབས་རིམས་ནད་རྐྱེན་པས་བཅར་མ་ཐུབ་པ་རེད་མ་གཏོགས་ཆེད་མངགས་མ་བཅར་བ་དེ་འདྲ་མིན་པར་འགྲེལ་བརྗོད་གནང་འདུག་པར་མ་ཟད་སྒྲིག་གཞི་ལྟར་ཚོགས་དུས་གཉིས་བསྟུད་མར་མ་བཅར་བ་ཡིན་ན་ཚོགས་དུས་གཉིས་པ་གྲོལ་བའི་ཉིན་མོ་ནས་རང་བཞིན་གྱིས་སྤྱི་འཐུས་ནས་འཕོས་པར་ངོས་འཛིན་གནང་གི་ཡོད་སྐོར་གསུངས་འདུགདེ་བཞིན་དབུས་འོས་བསྡུས་ལས་ཁང་གི་སྤྱི་ཁྱབ་འགན་འཛིན་དཔེ་ཟུར་དབང་འདུས་ཚེ་རིང་ལགས་ཀྱིས་ཚོགས་དྲུང་ལས་ཁུངས་ནས་དབུས་འོས་བསྡུ་ལས་ཁང་ལ་གནང་བའི་ཕྱག་བྲིས་དང་དེ་མཚུངས་འོས་བསྡུའི་སྒྲིག་གཞི་དགོངས་དོན་གཞིར་བཟུང་བཀྲས་མཐོང་བསྟན་འཛིན་དབང་པོ་ལགས་ཡོ་རོབ་དང་ལྷོ་ཨ་ཕི་རི་ཀའི་སྤྱི་འཐུས་སུ་བསྐོ་གཞག་གནང་བ་ཡིན་སྐོར་གསུངས་འདུགསུད་སི་གནས་སྡོད་བཀྲས་མཐོང་བསྟན་འཛིན་དབང་པོ་ལགས་སུ་གནད་དོན་དེ་འབྲེལ་བཀའ་འདྲི་ཞུས་སྐབས་ཁོང་གིས་ད་ལན་སྤྱི་འཐུས་ཐུབ་བསྟན་དབང་ཆེན་ལགས་སྤྱི་འཐུས་ནས་འཕོས་པའི་གནད་དོན་དེའི་ཐོག་ཁོང་སྒེར་ལ་བློ་ཕམ་བྱུང་སོང་ཞེས་གསུངས་པ་དང་སྦྲགས། ཁོང་གིས་གནད་དོན་དེ་དང་འབྲེལ་བའི་ཐོག་རིང་མིན་གྲོས་ཚོགས་ནང་གླེང་སློང་གནང་སྟེ་སྒྲིག་གཞི་དེར་བསྐྱར་བཅོས་ཡོང་ཐབས་གནང་རྒྱུ་ཡིན་སྐོར་གསུངས་ཡོད།རྩ་བའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞིའི་དོན་ཚན་...