Monthly Archives: September, 2015

ཉན་པ།: Listen ཕབ་ལེན། Download གྲོས་ཚོགས་ཚོགས་དུས་བཅུ་པའི་གལ་ཆེའི་གནད་དོན་ཐོག་བཅར་འདྲི། Saturday 26/09/2015 10th session of TPiE : Panel Discussion

ཉན་པ།: Listen ཕབ་ལེན། Download སྤྱི་འཐུས་གྲོས་ཚོགས་ཚོགས་དུས་བཅུ་པ་མཇུག་སྒྲིལ་གནང་བ། མཉམ་འབྲེལ་རྒྱལ་ཚོགས་ནང་བོད་དོན་དང་འབྲེལ་བའི་ཟུར་ཚོགས་བསྐོང་ཚོགས་གནང་འདུག ཆོས་དད་རང་དབང་གི་གླེང་སྟེགས་ཐོག་བོད་ཀྱི་གནད་དོན་བཞི་འབོད་སྐུལ། སྲིད་སྐྱོང་འོས་མི་བཀྲ་ཤིས་དབང་འདུས་ལགས་སུ་དྲི་བ་ལྔ། Friday 25/09/2015 10th Session of the 15th TPiE concludes Special session for Tibet held at the ongoing UNHRC Panel discussion in DC on ‘Worsening Religious Freedom Abuse in China Under Xi Administration’ Five questions to Sikyong candidate: Tashi Wangdue

  བཞུགས་སྒར་རྡ་རམ་ས་ལར་ཟླ་འདིའི་ཕྱི་ཚེས་ ༡༥ ནས་དབུ་འཛུགས་ཀྱིས་དེ་རིང་བར་ཉིན་གྲངས་བཅུའི་རིང་སྐབས་ ༡༥ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་དུས་བཅུ་པ་སྟེ་ལས་བསྡོམས་གྲོས་ཚོགས་ཚོགས་ཡོད་པ་ལྟར། དེ་རིང་ལས་རིམ་ཡོངས་སུ་མཇུག་སྒྲིལ་གནང་སོང་བ་དང་། དེ་རིང་ལས་ཉིན་མཐའ་མའི་སྔ་དྲོའི་ཚོགས་ཐུན་དང་པོའི་སྐབས་འོས་བསྡུའི་སྒྲིག་གཞི་དང་སྤྱི་འཐུས་རྣམ་པའི་ཐོབ་ཐང་སྐོར་སོགས་གནད་དོན་ཁག་ཅིག་གི་ཐོག་ལ་བརྗོད་པ་གསུམ་པ་གཏན་འབེབས་གནང་ཡོད་པ་རེད།  དེའི་རྗེས་སུ་ཁ་སང་ཉིན་རྒྱབ་ཀྱི་ལས་རིམ་ཐོག་སྤྱི་འཐུས་ཁག་ཅིག་ནས་སྲིད་སྐྱོང་མཆོག་ལ་བཀའ་ཤག་གི་གསལ་བཤད་ཟིན་པ་དེའི་ཐོག་ལ་བོད་རྒྱ་འབྲེལ་མོལ་གནང་ཐུབ་མེད་པ་དང། སྲིད་འཛིན་ཞི་ཅིང་ཕིང་གི་དབུ་མའི་ལམ་གྱི་ཐ་སྙད་ཙམ་ཡང་བཤད་ཡོད་མེད། དེ་བཞིན་རྒྱབ་ཤ་དཀར་པོ་དེ་ཕྱི་དྲགས་ཡོད་པ་སོགས་བཀའ་འདྲི་ཞུས་པའི་དྲི་བ་ཁག་ཅིག་ལ་ལན་འདེབས་གནང་ཡོད་པ་རེད། གཞན་ཡང་སྲིད་སྐྱོང་མཆོག་ལ་སྤྱི་འཐུས་འགས་མ་འོངས་ལས་འཆར་ཇི་ཡོད་ཐད་དྲི་བ་ཞུས་ཡོད་སྟབས། སྲིད་སྐྱོང་མཆོག་གིས་དབྱིན་སྐད་ཐོག་ 4 S ཞེས་དོན་ཚན་བཞིའི་སྟེང་ནས་གྲ་སྒྲིག་ཡོད་སྐོར་སོགས་གསུངས་སོང་། སྤྱི་འཐུས་ལྷན་ཚོགས་ཀྱི་གྲོས་ཚོགས་དུས་བཅུ་པའི་ལས་རིམ་མཐའ་མ་དང་འབྲེལ། ཚོགས་གཙོའི་མཇུག་བསྡོམས་གསུང་བཤད་ཆེས་ཐོག་མར། གྲོས་ཚོགས་ཀྱི་ལས་ཉིན་དང་པོའི་དེའི་ཐོག་ནས་བོད་མི་རང་ལུས་མེར་སྲེག་གནང་མཁན་དབུས་པའི་རྒྱལ་གཅེས་དཔའ་དཔའ་མོ་ཚོའི་ཆེད་དུ་གཞུང་འབྲེལ་མྱ་ངན་རྗེས་དྲན་གྱི་གྲོས་ཆོད་དང་དེ་བཞིན་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་སྤྱི་མོས་སྒོ་ནས་གཏན་ལ་ཕབ་པའི་ཐོག་གྲོས་ཆོད་གྲོས་ཆོད་དེའི་ཐོག་ལ་གྲོས་ཚོགས་འཐུས་མི་རྣམ་པས་ཚོར་ཤུགས་ཆེན་པོས་དགོངས་ཚུལ་ལྷུག་པོ་དང་བགྲོ་གླེང་ཞིབ་ཚགས་གནང་ཡོད་པ་དེས་རྒྱ་ནག་ལ་བརྡ་ལན་ཞིག་ཡིན་པ་གསུངས་སོང། ལྷག་དོན་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་ཁྲོད་རྒྱ་གཞུང་གི་རྒྱབ་ཤ་དཀར་པོ་དེ་བཞིན་འཁྱོག་བཤད་ཅིག་ཆགས་ཡོད་པས་ངོས་ལེན་གནང་ཐབས་མེད་ཅེས་འཁོད་ཡོད་པའི་སྐོར་དང་འབྲེལ། དེ་ལ་བོད་མིའི་སྒྲིག་འཛུགས་ཀྱི་ལན་འདེབས་གནང་ཡོད་རུང། འོན་ཀྱང་བཀའ་ཤག་གི་ལན་འདེབས་དེ་རྒྱལ་སྤྱིའི་གཞུང་དམངས་ཁྲོད་རྒྱ་ཆེ་སར་ཁྱབ་ཐུབ་པ་གནང་དགོས་གལ་ཆགས་ཀྱི་ཡོད་པ་གསུངས་སོང་། ཚོགས་གཙོ་མཆོག་གིས་མཇུག་བསྡོམས་གསུང་བཤད་འདིའི་ཐོག་ནས་ད་ལན་གྱི་གྲོས་ཚོགས་ལས་ཡུན་དེའི་རིང་ལ་ཇོ་ནང་ལས་འགུལ་བའི་གནད་དོན་དེ་མཐའ་མ་ཞི་འཇགས་བྱུང་ཡོད་སྐོར་གསུངས་པ་དང་སྦྲགས། སྤྱི་འཐུས་ལྷན་ཚོགས་ནས་ཁོང་རྣམ་པར་བདག་པོ་མ་རྒྱག་པ་ཞིག་མ་ཡིན་ཞིང། བདག་པོ་རྒྱག་པ་ལ་བརྟེན་ནས་རྒྱུན་ལས་ཚོགས་འདུ་ཐེངས་གསུམ་ཡོད་པ་དང་བཀའ་ཤག་ལྷན་རྒྱས་དང་ལྷན་དུའང་བཀའ་བསྡུར་སྔ་རྗེས་གནང་ཡོད་པའི་གསལ་བཤད་དང་། ཆབས་ཅིག་འབྱུང་འགྱུར་ཡང་རྒྱབ་སྐྱོར་འཚོལ་ཕྱོགས་ཐད་ལམ་སྟོན་གང་ཐུབ་གནང་ཡོད་པ་གསུངས་སོང། འོན་ཀྱང་ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ་ལགས་ནས་དེ་རིང་ཇོ་པ་ནང་པ་ཚོའི་ངོས་ནས། ལས་འགུལ་དེ་རེ་ཞིག་མཚམས་འཇོག་བྱ་དགོས་དོན་ནི། ཁ་སང་དགོང་དྲོ་བོད་པའི་ཇོ་ནང་བསྟན་བདག་འཇིགས་མེད་རྡོ་རྗེ་མཆོག་གི་བཀའ་ཡིག་གཙོས། བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ཀྱི་ཁྱབ་ཁོངས་སུ་ཡོད་པའི་སློབ་གྲྭ་ཁག་གི་སློབ་དེབ་ནང་དུ། ཇོ་ནང་པ་ཅེས་བོད་ཀྱི་ཆོས་བརྒྱུད་ཆེན་པོའི་ཁོངས་སུ་འཇོག་རྒྱུ་དང། དེ་མིན་བོད་རྒྱལ་ཡོངས་ཛ་དྲག་ཚོགས་ཆེན་དང་བཞུགས་མོལ་ཚོགས་འདུ་ཐོག་ཆོས་བརྒྱུད་གཞན་ལྟར། ཞབས་སྟེགས་ཕུལ་རྒྱུ་དང་།  དེ་བཞིན་ཆོས་རིག་ལས་ཁུངས་ནས་དེ་སྔ་ཇོ་ནང་པའི་ཆོས་བརྒྱུད་ལ་རིག་གཅིག་རྐང་འཛིན་ཐོག་ཆོས་བརྒྱུད་གཞན་ལྟར། སློབ་མ་གཉིས་ལ་སློབ་ཡོན་གནང་རྒྱུ་སོགས་ལ་བརྟེན་ནས་རེ་ཞིག་ལས་འགུལ་དེ་མཚམས་འཇོག་བྱས་པ་ཡིན་ཀྱང་ཇོ་ནང་པ་ཚོའི་ངོས་ནས་མ་འོངས་པའི་ཇོ་ནང་པར་ཆོས་བརྒྱུད་གཅིག་མཚུངས་ཀྱི་ཐོབ་ཐང་མ་སྤྲོད་པའི་བར་དུ། གྲོས་ཚོགས་རིམ་པའི་ཐོག་ལས་འགུལ་མུ་མཐུད་ནས་སྤེལ་རྒྱུ་ཡིན་ཅེས་གསུངས་ཡོད་པ་རེད།  

རྒྱ་ནག་གི་སྲིད་འཛིན་ཞི་ཅིང་ཕིང་ཨ་རིར་གཞུང་འབྲེལ་འཚམས་གཟིགས་བསྐྱོད་པ་དང་བསྟུན། ཞི་ཅིང་ཕིང་གི་འཛིན་སྐྱོང་འོག་རྒྱ་ནག་ནང་ཆོས་དད་རང་དབང་བརྩི་མེད་རྡོག་རོལ་བཏང་བཞིན་པའི་གནད་དོན་ཐོག་བགྲོ་གླེང་ཚོགས་འདུ་ཞིག་ཚོགས་འདུག ཟླ་ ༩ ཚེས་ ༢༣ ཉིན་རྒྱབ་ཏུ་རྒྱ་རིགས་ཡི་ཤུ་པའི་རང་དབང་དང་ཐོབ་ཐང་ཆེད་ཕྱག་ལས་གནང་མཁན་ཚོགས་པ་ China Aid ཞེས་པའི་གོ་སྒྲིག་འོག་ཨ་རིའི་གྲོས་ཚོགས་ཀྱི་ཚོགས་ཁང་ཞིག་ཏུ་ལས་རིམ་དེ་ཚོགས་འདུག་པ་དང་། དེའི་ཐོག་ཡུ་གུར་ལས་འགུལ་བ་གྲགས་ཆེན་ Rabiya Kadeer ལགས་དང་། རྒྱ་ནག་གི་དམ་དྲག་སྲིད་བྱུས་འོག་དཀའ་སྡུག་དངོས་སུ་མྱོང་མཁན་རྒྱ་ནག་ཡི་ཤུ་པ་གཉིས། དེ་བཞིན་བོད་ནང་བོད་མིའི་ཆོས་དད་རང་དབང་གི་གནས་སྟངས་སྐོར་གསུངས་བཤད་གནང་མཁན་རྒྱལ་སྤྱི་བོད་དོན་ལས་འགུལ་ཁང་གི་ཚོགས་གཞོན་སྐུ་ཞབས་བུ་ཆུང་ཀེ་ཚེ་རིང་ལགས་ནས་མཉམ་ཞུགས་གནང་འདུག སྐབས་དེར་བུ་ཆུང་ཚེ་རིང་ལགས་ནས་ཞི་ཅིང་ཕིང་གི་གཞུང་ནས་བོད་བརྒྱུད་ནང་བསྟན་གྱི་ངོ་བོ་ཡང་བསྒྱུར་བཅོས་བཏང་ཐབས་བྱེད་བཞིན་པའི་ཛ་དྲག་གནས་སྟངས་དང་། ལྷག་དོན་༸གོང་ས་མཆོག་གི་༸སྐུའི་ཡང་སྲིད་དབུས་པའི་བོད་ཀྱི་བླ་སྤྲུལ་རྣམ་པའི་ཡང་སྲིད་ངོས་འཛིན་ཞུ་ཕྱོགས་ཐད་སྟངས་འཛིན་ཤུགས་ཆེ་བྱེད་བཞིན་པ་མངོན་གསལ་གནང་བ་མ་ཟད། ད་ལན་ཨ་རིའི་སྲིད་འཛིན་ཨོ་བྷ་མ་དང་ཞི་ཅིང་ཕིང་གཉིས་མཇལ་འཕྲད་སྐབས། ཨ་རིའི་གཞུང་ངོས་ནས་ཆོས་དད་རང་དབང་གལ་ཆེར་ངོས་འཛིན་ཞུ་བཞིན་པ་དེ་ར་ཁྲོད་གསལ་པོའི་ཐོག་ནས་ཞི་ཅིང་ཕིང་གིས་བོད་ནང་གི་ཆོས་དད་རང་དབང་ཡར་རྒྱས་བཏང་དགོས་པ་བཟོ་དགོས་ཀྱི་འདུག་ཅེས་དོན་གནད་བཞིའི་ཐད་ཞུ་འབོད་གནང་འདུག

ཁ་སང་ཟླ་ ༩ ཕྱི་ཚེས་ ༢༤ ཉིན་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཐེངས་བཅུ་པ་ཚོགས་བཞིན་པ་དང་བསྟུན། རྒྱལ་ཚོགས་ནང་བོད་དོན་དང་འབྲེལ་བའི་ཟུར་ཚོགས་ཤིག་བསྐོང་ཚོགས་གནང་འདུག ཟུར་ཚོགས་དེ་རྒྱལ་ཚོགས་ནང་ཨི་ཊ་ལིའི་ Radical ཚོགས་པའི་མིང་ཐོག་ནས་ཚོགས་པ་གཅིག་དང་། ཨ་རི་ནང་དུ་རྟེན་གཞི་བྱས་པའི་ Tibet Justice Center བོད་དོན་རྒྱབ་སྐྱོར་ཚོགས་པ་གཙོས་པའི་རྒྱལ་སྤྱིའི་འགྲོ་བ་མིའི་ཐོབ་ཐང་ཞབས་ཞུ་ཚོགས་པ་དང། རྒྱལ་སྤྱིའི་བོད་དོན་ལས་འགུལ་ཁང་། དེ་བཞིན་བོད་རང་བཙན་སློབ་ཕྲུག་ཚོགས་པ་བཅས་ཟུང་འབྲེལ་ཐོག་གོ་སྒྲིག་གནང་པ་ཞི་ཡིན་འདུག སྐབས་དེར་བོད་མི་ཆབ་སྲིད་བཙོན་ཟུར་སྐུ་ཞབས་མགོ་ལོག་འཇིགས་མེད་ལགས་ཀྱིས་བོད་ནང་རྒྱ་གཞུང་གིས་སྡུག་རྩུབ་དང་བཙོན་ཁང་ནང་བོད་མི་ཆབ་སྲིད་བཙོན་པ་རྣམས་ལ་མི་སྤྱོད་ལས་འདས་པའི་སྡུག་སྦྱོང་མནར་སྤྱོད་བཏང་ལུགས་བཅས་ཀྱི་ཐོག་རང་ཉིད་ཀྱི་མྱོང་ཚོར་དང་སྦྲགས་ཏེ་གསུངས་པ་མ་ཟད། རྒྱ་ནག་གཞུང་གིས་རྒྱལ་ཚོགས་ནས་གཏན་འབེབསགནང་པའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་རྩ་ཁྲིམས་ལ་བརྩི་བཀུར་མེད་པ་མངོན་འགྱུར་བྱེད་མུས་ཡིན་སྟབས། དེས་རྒྱ་གཞུང་གིས་རྒྱལ་ཚོགས་ལ་ངོས་ལེན་མེད་པ་མཚོན་གྱི་ཡོད་སྐོར་སོགས་གསུངས་འདུག དེ་བཞིན་ཟུར་ཚོགས་དེའི་ཐོག་རྒྱལ་སྤྱིའི་བོད་དོན་ལས་འགུལ་ཁང་གི་སྐུ་ཚབ་ Vincent Metten ལགས་དང་བོད་རང་བཙན་སློབ་ཕྲུག་ཚོགས་པའི་སྐུ་ཚབ་པདྨ་སྒྲོལ་མ་ལགས་རྣམ་པ་གཉིས་ནས་ཉེ་ཆར་རྒྱ་གཞུང་གི་བཙོན་ཁང་ནང་སྤྲུལ་སྐུ་བསྟན་འཛིན་བདེ་ལེགས་སྐུ་བཀྲོངས་པའི་གནད་དོན་སོགས་བོད་དོན་གསུང་བཤད་སྤེལ་ཡོད་པ་རེད། རྩ་བའི་ཟུར་ཚོགས་འདིའི་ཐོག་བོད་དོན་རྒྱབ་སྐྱོར་བ་དང་། ཐུགས་སྣང་གནང་མཁན། རྒྱལ་ཚོགས་ཀྱི་ལས་བྱེད་དང་རྒྱ་ནག་གཙོས་པའི་གཞུང་ཚབ་ཁང་གི་སྐུ་ཚབ་ཁག་ཅིག་བཅས་མཁྱོན་མི་གྲངས་ ༣༠ ཡས་མས་ཤིག་མཉམ་ཞུགས་གནང་འདུག

ཉན་པ།: Listen ཕབ་ལེན། Download ཞི་ཅིང་ཕིང་བསྐྱོད་སར་བོད་མིས་ངོ་རྒོལ། ༸གོང་ས་མཆོག་གིས་དབྱིན་ཡུལ་གྱི་སྲིད་བློན་ནས་བཟང་སྤྱོད་ལས་དཔལ་འབྱོར་གལ་ཆེར་འཛིན་གྱི་ཡོད་པ་གསུངས་འདུག སྲིད་སྐྱོང་མཆོག་ལ་བོད་རྒྱ་འབྲེལ་མོལ་ཐུབ་མེད་པའི་དྲི་བ། ཨོ་སི་ཊི་ཡའི་བོད་མི་ལས་འགུལ་བར་རྒྱལ་ཁ་ཐོབ་འདུག ནོ་བྷེལ་གཟེངས་རྟགས་བཞེས་མཁན་བཅིུས་ཀྱིས་སྐུ་ཞབས་ལིའུ་ཤའོ་པོ་གློད་དགོས་པ་གསུང་འདུག སྐྱབས་བཅོལ་ལག་དེབ་དུས་ཐོག་ཏུ་དུས་འགྱངས་ཞུ་དགོས་པ་གསུངས་འདུག Thursday 24/09/2015 Xi Jinping visit to Seattle marred with protestors Where is morality: Dalai Lama to British PM Tibetan MPs question Sikyong on long stalled Sino-Tibet dialogue Australian court revokes trespassing charges against Tibetan protestors 12 Nobel laureates including Dalai Lama call for Liu Xiaobo’s release CTA urges Tibetans to renew their RC on time

བོད་ཀྱི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་གིས་དབྱིན་ཡུལ་གྱི་སྲིད་བློན་ David Cameron ལགས་ཀྱིས་བཟང་སྤྱོད་དོར་ནས་དཔལ་འབྱོར་གལ་འགངས་ཆེ་བར་འཛིན་གྱི་ཡོད་པའི་སྐྱོན་བརྗོད་གནང་འདུག ཉེ་ཆར་༸གོང་ས་༸སྐྱབས་མགོན་ཆེན་པོ་མཆོག་གི་དབྱིན་ཡུལ་ནང་གི་མཛད་འཕྲིན་ཁག་མཇུག་སྒྲིལ་ཟིན་མཚམས་དེར་ཡུལ་དེའི་ Spectator གསར་ཁང་གི་གསར་འགོད་པས་༸གོང་ས་མཆོག་ལ་བཀའ་འདྲི་ཞུས་པའི་ལས་རིམ་ཞིག་གི་ཐོག་གལ་སྲིད་མ་འོངས་པར་༸གང་ཉིད་དང་སྲིད་བློན་ David Cameron ལགས་མཇལ་འཕྲད་བྱུང་ཚེ། ༸གང་ཉིད་ནས་བཀའ་མོལ་ཐོག་མར་གང་གནང་འདོད་ཡོད་དམ་ཞེས་བཀའ་འདྲི་ཞུས་པར་༸གོང་ས་མཆོག་གིས་ཟུར་ཟ་དང་སྦྲགས་དཔལ་འབྱོར་མ་གཏོགས་བཟང་སྤྱོད་གང་བྱས་པ་རེད་ཅེས་བཀའ་གནང་འདུག ༸གང་ཉིད་མཆོག་གིས་དབྱིན་ཡུལ་གྱི་སྲིད་བློན་དང་རྒྱ་ནག་གི་སྲིད་འཛིན་གཉིས་ཀར་ཞུ་རྒྱུར། རྒྱ་རིགས་མང་ཚོགས་རྣམས་རྩ་བའི་ཆ་ནས་མི་ཡག་པོ་ཞིག་ཡིན་ཀྱང་། ཁོ་ཚོས་བོད་མིའི་ཁྲོད་ནས་འགྲོ་བ་མིའི་བཟང་སྤྱོད་ཐོག་ལེགས་ཆ་བླང་རྒྱུ་མང་དག་ཞིག་ཡོད་རེད་ཅེས་བཀའ་གནང་རྒྱུ་ཡིན་པ་གསུངས་འདུག གཞི་རྩའི་དབྱིན་ཡུལ་གྱི་སྲིད་བློན་མཆོག་ནས་ ༢༠༡༢ ལོར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་གནང་པ་དེས། ཁོང་རང་ཉིད་ལ་རྒྱ་ནག་གཞུང་གིས་སྐྱོན་བརྗོད་དང་། ལྷག་པར་དུ་ཡུལ་གཉིས་ཀྱི་ཆབ་སྲིད་དང་དཔལ་འབྱོར་གྱི་འབྲེལ་ལམ་ཐད་ལ་འགོག་རྐྱེན་ཆེན་པོ་བཟོས་ཡོད་པར་རྒྱུ་མཚན་དུ་བཀོད་ནས་མ་འོངས་པར་སླར་༸གང་ཉིད་མཆོག་དང་མཇལ་འཕྲད་གནང་རྒྱུ་མིན་སྐོར་བརྗོད་ཡོད་པ་མ་ཟད། ཉེ་ཆར་༸གོང་ས་མཆོག་གིས་དབྱིན་ཡུལ་ནང་ཉིན་བཅུ་ལྷག་གི་མཛད་འཕྲིན་བསྐྱངས་པའི་ཁྲོད་དེར་དབྱིན་ཡུལ་ནང་རྟེན་གཞི་བྱས་པའི་བོད་རང་དབང་ཚོགས་པས་དབྱིན་ཡུལ་གྱི་སྲིད་བློན་སྐུ་ཞབས་ David Cameron མཆོག་དང་ལོན་ཊོན་གྲོང་ཁྱེར་སྤྱི་ཁྱབ་སྐུ་ཞབས་ Boris Johnson མཆོག་རྣམ་གཉིས་ནས་རྒྱ་ནག་གིས་གནོན་ཤུགས་ལ་མ་ལྟོས་པར་༸གོང་ས་མཆོག་དང་མཇལ་འཕྲད་ངེས་པར་དུ་གནང་དགོས་པའི་ཞུ་གཏུག་བསྟུད་མར་གནང་ཡང་མཇལ་འཕྲད་གནང་མེད་པ་རེད། དེའི་བར་ན་ཡི་ཤུའི་བླ་ཆེན་ Pope Francis མཆོག་ཟླ་འདིའི་ཕྱི་ཚེས་ ༢༣ ནས་བཟུང་སྟེ་ཨ་རིའི་ནང་འཚམས་གཟིགས་གནང་བཞིན་ཡོད་པ་མ་ཟད། སང་སྔ་ཐོག་རྒྱལ་ཚོགས་སུ་གཏམ་བཤད་གནང་རྒྱུའི་ལས་རིམ་ཁག་ཅིག་གཏན་འཁེལ་ཟིན་པ་དང་བསྟུན། ཨ་རི་ནང་རྟེན་གཞི་བྱས་པའི་ Human Rights Fundation ཚོགས་པའི་ཁྲིམས་ལས་འགན་འཛིན་སྐུ་ཞབས་Javier Hage ལགས་ཀྱིས་བླ་ཆེན་ Pope Francis མཆོག་གིས་སང་ཉིན་རྒྱལ་ཚོགས་སུ་གཏམ་བཤད་གནང་སྐབས་༸གོང་ས་༸སྐྱབས་མགོན་ཆེན་པོ་མཆོག་དང་བོད་མི་རྣམས་ཀྱི་སྐུ་ཚབ་གནང་སྟེ། བོད་ནང་གི་ཛ་དྲག་དངོས་ཡོད་གནས་སྟངས་ཐད་ལ་གསལ་བཤད་ངེས་པར་དུ་གནང་དགོས་པ་མ་ཟད། རྒྱ་གཞུང་གིས་སྟངས་འཛིན་འོག་ཡོད་པའི་མི་སེར་དཀྱུས་མ་རྣམས་ཀྱི་མགྲིན་ཚབ་ཞིག་ཀྱང་གནང་དགོས་པའི་འབོད་སྐུལ་ཞུས་གནང་འདུག

འདི་ལོའི་ཟླ་ ༧ ནང་ཨོ་སི་ཊི་ལི་ཡའི་རྒྱ་ནག་གཞུང་ཚབ་ཁང་ལ་རྒོལ་མཆོང་བྱེད་མཁན་བོད་མི་རྣམས་ལ་ཁྲིམས་ཐོག་ནས་ནག་ཉེས་བསགས་མེད་པའི་ཁྲིམས་ཐག་བཅད་འདུག ཕྱི་ཟླ་ ༧ པའི་ཚེས་ ༢༢ ཉིན་རྒོལ་མཆོང་གི་ལས་འགུལ་སྤེལ་བའི་རྗེས་སུ་རྒྱ་ནག་གཞུང་ཚབ་ཁང་དང་སྒོ་སྲུང་ཉེན་རྟོགས་པ་མཉམ་རུབ་ཐོག་ནས་བོད་མི་ལས་འགུལ་བ་རྣམས་ནས་ཆོག་མཆན་མེད་པར་གཞུང་ཚབ་ར་བའི་ནང་ཞུགས་པ་དང། འཚེ་བའི་ལས་ལ་མཇུག་པའི་གྱོད་གཞིའི་འོག་ཁོང་རྣམ་པར་ཁ་མཆུ་བཙུགས་ཡོད་ཀྱང་། དེ་རིང་སྔ་དྲོ་ཨོ་སི་ཊོ་ལི་ཡའི་ཁྲིམས་ཁང་ནས་གྱོད་གཞི་དེའི་ཐོག་ཁྲིམས་ཐག་བཅད་སྐབས། བོད་མིའི་ལས་འགུལ་དེ་ཞི་བའི་ལས་འགུལ་ཡིན་པ་དང། བོད་མི་རྣམས་ནས་ཁྲིམས་འགལ་གྱི་བྱ་སྤྱོད་གང་ཡང་སྤེལ་མེད་སྟབས། ཁོང་ཚོར་ཁྲིམས་ཐོག་ནས་ཉེས་ཆད་གང་ཡང་བཏང་རྒྱུ་མིན་པའི་ཐག་གཅོད་གནང་འདུག འོན་ཀྱང་ལས་འགུལ་དེའི་ནང་མཉམ་ཞུགས་གནང་མཁན་བོད་མི་རྣམས་སླད་མར་ལས་འགུལ་དེའི་རིགས་གནང་ཚེ་སྲིད་གཞུང་ནས་ཁྲིམས་ཆད་གནང་རྒྱུ་ཡིན་པ་གསལ་བརྗོད་གནང་ཡོད་པ་རེད། གཏུགས་བཤེར་གྱི་བརྒྱུད་རིམ་དེའི་ཁྲོད་རྒྱ་རིགས་སློབ་མ་གཉིས་ཀྱིས་ཁོང་རྣམ་པས་ལས་འགུལ་སྤེལ་བཞིན་པའི་པར་དང་སྒྲ་བཅུག་སོགས་བྱས་པར་བརྟག་ནས་དེ་རིང་བོད་རིགས་ཚོས་རྒྱ་མི་གཉིས་པོ་ཉེན་རྟོག་པར་རྩིས་སྤྲོད་བྱེད་འདུག རྩ་བའི་འདི་ལོའི་ཕྱི་ཟླ་ ༧ པའི་ཚེས་ ༡༢ ཉིན་Australia འི་གྲོང་ཁྱེར་ Sydney ནང་རྟེན་གཞི་བྱས་པའི་བོད་མི་ཆབ་སྲིད་བཙོན་ཟུར་ཁག་ཅིག་དང་བོད་དོན་རྒྱབ་སྐྱོར་བ་སྐོར་ཞིག་གྱིས་ཁུལ་དེའི་རྒྱ་ནག་གཞུང་ཚབ་ཁང་དུ་རྒོལ་མཆོང་གིས་ལས་འགུལ་སྤེལ་རྗེས་བོད་མི་བདུན་འཛིན་བཟུང་བྱས་འདུག ལས་འགུལ་དེའི་སྐབས་དང་ཐོག་ངོ་རྒོལ་བ་རྣམས་ནས་རྒྱ་ནག་གཞུང་ཚབ་ཁང་གི་མདུན་དུ་ངོ་རྒོལ་སྐད་འབོད་གནང་ཡོད་ནའང། རྗེས་སུ་རླངས་འཁོར་ཞིག་གཞུང་ཚབ་ཁང་གི་ནང་དུ་འགྲོ་བཞིན་པའི་གོ་སྐབས་དང་བསྟུན། ལས་འགུལ་བ་རྣམས་གཞུང་ཚབ་ཁང་གི་ནང་དུ་རྒོལ་མཆོང་གིས་རྒྱ་ནག་གི་རྒྱལ་དར་མཁའ་དབྱིངས་སུ་འཕྱར་བ་དེ་མར་ཕབ་ཐུབ་པ་བྱུང་བའི་གནད་དོན་དང་འབྲེལ་ཡོད་ཞིག་ཆགས་འདུག