Monthly Archives: February, 2016

ཉན་པ།: Listen ཕབ་ལེན། Download འོས་བསྡུ་ལས་ཁང་ནས་དངོས་གཞིའི་འོས་དམིགས་གསལ་བསྒྲགས་བསྐྱངས་པ། གཞོན་ནུ་ནང་ཁུལ་འགྲིག་འཇགས་བྱུང་བ་དེ་ནི་བོད་དོན་འཐབ་རྩོད་ལ་ཕན་ཐོག་ཆེན་པོ་བྱུང་ཡོད་སྐོར་གསུངས་པ། རྒྱ་མི་ཁྲིམས་འགལ་ཉ་འཛིན་མཁན་ལ་གཞུང་གིས་དམ་དྲག་བྱེད་ཀྱི་མེད་པ། ༸གོང་ས་མཆོག་འཛམ་གླིང་ནང་ཞབས་འདེགས་ཆེ་ཤོས་སྒྲུབ་མཁན་དུ་ངོས་འཛིན། བོད་སྐད་ཡིག་དང་ནང་དོན་རིག་པའི་ཟབ་སྦྱོང་མཇུག་སྒྲིལ། ངའི་སྤྱི་འཐུས་ཞེས་པའི་དམིགས་བསལ་ལེ་ཚན། བཀའ་བརྒྱུད་འོས་མི་གྲ་ཀུན་དགའ་བསོད་སྟོབས། དམིགས་བསལ་ལེ་ཚན། ༸གོང་ས་མཆོག་གིས་བོད་སྐད་ཀྱི་གལ་གནད་སྐོར་བསྩལ་བའི་བཀའ་སློབ། Wednesday 03/02/2016 Election Commission announces final candidates for 2016 TPiE and Sikyong elections NY/NJ RTYC elects new executive members Authorities giving free hand to Illegal Chinese fishers at Tibet’s sacred Kokonor Lake Dalai Lama named among refugees who changed the world Six-month long intensive course on Tibetan language and Buddhist philosophy concludes My MP: Kagyue candidate Kunga Sotop FEATURE: Dalai Lama speech on importance of Tibetan language

གྲྭ་ཀུན་དགའ་བསོད་སྟོབས། ཕབ་ལེན།

དེ་རིང་ཕྱི་ཟླ་ ༢ ཚེས་ ༣ གྱི་སྔ་དྲོ་ཚོུད་ ༡༠་༣༠ འི་ཐོག་སྤྱི་ཁྱབ་དབུས་འོས་བསྡུ་ལས་ཁང་ནས་བོད་མིའི་སྒྲིག་འཛུགས་ཀྱི་སྲིད་སྐྱོང་དང་སྐབས་ ༡༦ པའི་བོད་མི་མང་སྤྱི་འཐུས་ཀྱི་དངོས་གཞིའི་འོས་དམིགས་ཁག་གསལ་བསྒྲགས་བསྐྱངས་པ་དང་ཆབས་ཅིག འོས་འཕེན་པ་ཡོངས་ནས་དངོས་གཞི་སྐབས་འོས་མིའི་མཚན་དང་མཚོན་རྟགས་གང་རུང་སྟེང་དུ་རྟགས་རྒྱག་དགོས་པའི་རེ་བསྐུལ་གནང་སོང་། ཡོངས་ཁྱབ་གསལ་བསྒྲགས་དེ་ནི་བོད་མིའི་སྒྲིག་འཛུགས་ཕྱི་དྲིལ་ལྷག་ཚེ་རིང་དྲན་རྟེན་ཚོགས་ཁང་དུ་སྤྱི་ཁྱབ་འོས་བསྡུའི་འགན་འཛིན་ཤོ་ཟུར་བསོད་ནམས་ཆོས་འཕེལ་ལགས་ཀྱིས་དབུས་པའི། འོས་བསྡུའི་འགན་འཛིན་ལས་འཕར་གཉིས་བཅས་ནས་བསྐྱངས་གནང་སོང་བ་དང། དེ་ཡང་ཐོག་མར་འོས་བསྡུའི་སྒྲིག་གཞི་ལྟར། སྲིད་སྐྱོང་གི་དངོས་གཞིའི་འོས་དམིགས་སུ་ད་ལྟའི་སྲིད་སྐྱོང་ལས་ཐོག་བློ་བཟང་སེང་གེ་མཆོག་དང་ད་ལྟའི་སྤྱི་འཐུས་ཚོགས་གཙོ་ལས་ཐོག་སྤེན་པ་ཚེ་མཆོག་རྣམ་གཉིས་བཏོན་གནང་འདུག་པ་དང། སྐབས་ ༡༦ པའི་བོད་མི་མང་སྤྱི་འཐུས་ཀྱི་དངོས་གཞི་འོས་དམིགས་སུ་ཆོལ་ཁ་དང་ཆོས་བརྒྱུད་སོགས། ཐོབ་ཁོངས་སོ་སོའི་ཐོབ་ཆའི་གྲངས་ཚད་ཀྱི་ཉིས་ལྡབ་སྟེ། ཆོལ་ཁ་སོ་སོར་འོས་དམིགས་ཉི་ཤུ་རེ་དང་ཆོས་བརྒྱུད་ཁག་ལྔར་འོས་དམིགས་བཞི་རེ། ཡོ་རོབ་དང་ཨཕི་རི་ཀ་དང་བྱང་ཨ་རི་སོ་སོར་འོས་དམིགས་བཞི་རེ་དང་། རྒྱ་བལ་འབྲུག་གསུམ་ཕུད་པའི་ཨེ་ཤི་ཡ་དང་ཨོ་སེ་ཀྲེ་ལེ་ཤི་ཡར་འོས་དམིགས་བསལ་གཉིས་བཅས་བཏོན་གནང་འདུག ཐེངས་འདིའི་དངོས་གཞི་འོས་དམིགས་ཀྱི་གསལ་བསྒྲགས་ཁྲོད། དང་བླངས་ཞུགས་གནང་མཁན་བསྡོམས་ ༤ འདུག་པ་དེ་ལྟར་ཡང། དབུས་གཙང་ཚོལ་ཁའི་ཁོངས་སུ་གཅིག་ཡོད་པ་ཁོང་གི་མཚན་ལ་དཔལ་འབྱོར་རེད་འདུག་པ་དང། ལྷོ་བྱང་ཨ་རིའི་ཁུལ་ནས་དང་བླངས་གཉིས་ཡོད་པ་མཚན་ལ་སྐལ་བཟང་རྒྱས་རྒྱས་ཁྲི་དང་། བསྟན་འཛིན་རང་གྲོལ་བཅས་དང། རྒྱ་བལ་འབྲུག་གསུམ་ཕུད་པའི་ཨོསེ་ཀྲེ་ལེ་ཤི་ཡའི་ཁུལ་ནས་དང་བླངས་གཅིག་ཡོད་པ་ཁོང་གི་མཚན་ལ་ཐུབ་བསྟན་དོན་གྲུབ་བཅས་རེད་འདུག སྐབས་དེར་སྤྱི་ཁྱབ་འོས་བསྡུའི་འགན་འཛིན་ཤོ་ཟུར་བསོད་ནམས་ཆོས་འཕེལ་ལགས་ནས། སྲིད་སྐྱོང་དང་སྤྱི་འཐུས་གཉིས་ཀྱི་འོས་གཞི་རྣམ་པས་དངོས་གཞི་འོས་བསྡུའི་གྲུབ་འབྲས་གསལ་བསྒྲགས་མ་ཟིན་གོང་དུ་ས་གནས་སོ་སོའི་འོས་བསྡུ་ལས་ཁང་ལ་རང་གི་རྩིས་སྙན་འབུལ་དགོས་པ་དང་། ལྷག་པར་དུ་རྒྱ་ཆེའི་འོས་འཕེན་པ་ཡོངས་ནས། དངོས་གཞི་འོས་འཕེན་སྐབས་དཔེར་ན་ཆོལ་ཁ་སོ་སོར་འོས་མི་ཉི་ཤུ་དང་དེའི་སྟེང་དང་བླངས་བསྣན་ཡོད་པ་བཅས་ཀྱི་ནང་ནས་ཁྱོན་འོས་མི་བཅུའི་མཚན་དང་མཚོན་རྟགས་གང་རུང་གི་སྟེང་དུ་འོས་རྟགས་རྒྱག་དགོས་པ་ལས། བཅུ་ལས་བརྒལ་མི་ཆོག་པ་དང། ཕོ་མོ་ཁྱད་མེད་བཅུ་རེའི་ནང་དུ་བུད་མེད་གཉིས་ལ་ངེས་པར་འོས་འཕེན་དགོས་པ་སྔོན་འགྲོ་དང་གཅིག་མཚུངས་ཡིན་པ་སོགས་མང་ཚོགས་ནས་ཐུགས་སྣང་དགོས་པའི་རེ་བསྐུལ་དོན་ཚན་དྲུག་ཅན་ཞིག་ཀྱང་གནང་སོང་། སྤྱི་ཁྱབ་འོས་བསྡུ་ལས་ཁང་ནས་སྲིད་སྐྱོང་དང་སྤྱི་འཐུས་ཀྱི་དངོས་གཞི་འོས་དམིགས་ཀྱི་གསལ་བསྒྲགས་གཤམ་དུ་གཟིགས་རྒྱུ་ཡོད།། སྲིད་སྐྱོང་དང་ཆོས་བརྒྱུད་ཁག བྱང་ཨ་རི། ཨོ་སེ་ཀྲི་ལེ་ཤ་ཡའི་འོས་དམིགས།    Final-Candidates-2016-1 སྲིད་སྐྱོང་དང་། ཆོས་བརྒྱུད། དབུས་གཙང་ཆོལ་ཁའི་འོས་དམིགས།            Final-Candidates-2016-1 དབུས་གཙང་། མདོ་སྟོད་ཆོལ་ཁའི་འོས་དམིགས།               Final-Candidates-2016-1 མདོ་སྟོད། མདོ་སྨན་ཆོལ་ཁའི་འོས་དམིགས།               Final-Candidates-2016-1 མདོ་སྨད།

བོད་མདོ་སྨད་མཚོ་སྔོན་ཁུལ་དུ་ཆགས་ཤིང་བོད་མིི་ཚོས་རྩ་ཆེར་འཛིན་པའི་མཚོ་སྔོན་ཁྲི་ཤོར་རྒྱལ་མོ་ཞེས་ཡོངས་སུ་གྲགས་པའི་མཚོ་དེ་ལས་རྒྱ་རིགས་ཚོས་གསང་སྟབས་ཀྱིས་གསེར་ཉ་འཛིན་བཞིན་པར་རྒྱ་གཞུང་གིས་བཀག་སྡོམ་གང་ཡང་བྱེད་ཀྱི་མེད་པ་རེད་འདུག དེ་ཡང་བོད་མདོ་སྨད་མཚོ་སྔོན་ཁུལ་དུ་ལོ་མང་སྔོན་ནས་རྒྱ་རིགས་ཉ་འཛིན་མཁན་མང་པོ་ཞིག་གིས་མཚོ་དེ་ནས་གསེར་ཉ་མང་པོ་འཛིན་བཞིན་པར་ས་གནས་བོད་མི་ཚོས་གོང་རིམ་ལ་ཞུ་གཏུགས་ལན་མང་བྱས་ཀྱང་། གོང་རིམ་ནས་དེར་དམིགས་བསལ་གྱི་བདག་སྤྲོད་མེད་ཁར། ཉ་འཛིན་མཁན་དང་ངན་འབྲེལ་བྱས་པ་མ་ཟད། གསང་སྟབས་ཀྱིས་མཚོ་ནས་གསེར་ཉ་འཛིན་གྱི་ཡོད་པར་བརྟེན་ས་གནས་བོད་མི་ཚོས་མཚོ་སྔོན་པོའི་གསེར་ཉ་སྲུང་སྐྱོབ་ཚོགས་པ་ཞེས་པ་ཞིག་གསར་འཛུགས་ཀྱིས་གསེར་ཉ་སྲུང་སྐྱོབ་བྱ་རྒྱུའི་ལས་འགུལ་སྤེལ་དང་སྤེལ་མུས་ཡིན་པ་རེད་འདུག འདི་ག་རླུང་འཕྲིན་ཁང་དུ་བོད་ས་གནས་ཀྱི་གསེར་ཉ་སྲུང་སྐྱོབ་ཚོགས་པའི་ཚོགས་མི་ཞིག་གིས་ཁུངས་ལྡན་གནས་ཚུལ་ངོ་སྤྲོད་གནང་དོན། ཁོང་གིས་མཚོ་སྔོན་པོ་ཉེ་འདབས་རྐང་ཚ་སྡེ་བའི་ཡུལ་མི་ཐོུང་གིས་དང་བླངས་ཐོག་ནས་གསེར་ཉ་སྲུང་སྐྱོབ་བྱེད་བཞིན་ཡོད་ཀྱང། བོད་ནང་རྒྱ་རིགས་མང་དག་ཞིག་གནས་སྤོ་བྱས་པ་དང། ལྷག་དོན་རྒྱ་རིགས་མང་པོ་ཞིག་མཚོ་སྔོན་པོ་ཉེ་འགྲམ་དུ་གཞིས་ཆགས་ཡོད་སྟབས། དེང་སྐབས་དགུན་དུས་མཚོ་ལ་དར་ཆགས་པའི་སྐབས་དང་བསྟུན། ཉེ་ཆར་རྒྱ་མི་དེ་དག་ནས་གསང་སྟབས་ཀྱིས་མཚོར་ཉ་རྒྱ་བཀྲམས་ཡོད་པ་ས་གནས་བོད་རིགས་གསེར་ཉ་སྲུང་སྐྱོབ་ཚོགས་པས་ཤེས་རྟོགས་བྱུང་མ་ཐག་མི་བརྒྱ་ཙམ་ཕྱིན་ནས་ཉ་རྒྱ་རྣམས་ཕྱིར་བཏོན་གྱིས་ཉ་རྣམས་ཚེ་ཐར་བཏང་ཡོད་པ་གསུངས་ཀྱི་འདུག ད་དུང་ཁོང་གིས་གནད་དོན་དེ་བྱུང་རྗེས་ས་གནས་སྲིད་གཞུང་ལ་ཞུ་གཏུགས་ལན་མང་བྱས་རྐྱེན་བོད་མི་ཚོར་ཉེས་རྡུང་གཏོང་བ་དང་རླངས་འཁོར་གཏོར་སྐྱོན་བྱེད་པ་སོགས་ཀྱི་གནས་ཚུལ་ཐོན་ཡོད་སྐོར་སོགས་འགྲེལ་བརྗོད་གནང་ཡོད། རྩ་བའི་ས་གནས་གསེར་ཉ་སྲུང་སྐྱོབ་ཚོགས་པ་ནི་ས་གནས་རྫོང་སྲིད་གཞུང་ནས་ངོས་ལེན་ཡོད་པའི་ཚོགས་པ་ཞིག་ཡིན་པ་རེད་འདུག སྔ་ལོ་ ༢༠༡༥ ཟླ་ ༦ པའི་ནང་བོོད་ཀྱི་ན་གཞོན་རྩོམ་པ་པོ་ཁ་བའི་སྙིང་ལྕགས་ལགས་མཚོ་ནང་དུ་ཉ་འཛིན་དྲ་བ་ལེན་པར་བསྐྱོད་སྐབས་སྐུ་སྲོག་ཤོར་བའི་གནང་ཚུལ་ཡང་ཐོན་མྱོང་འདུག གཞི་རྩའི་མཚོ་སྔོན་པོའི་ལོ་རྒྱུས་ཡིག་ཚགས་ནང་གསལ་བ་ལྟར་ན་མཚོ་སྔོན་པོའམ་མཚོ་ཁྲི་ཤོར་རྒྱལ་མོར་གྲགས་པ་ནི།རྒྱ་གཞུང་གི་བརྗོད་བཞིན་པའི་མཚོ་སྔོན་ཞིང་ཆེན་མཚོ་ལྷོ་ཁུལ་དང་མཚོ་བྱང་ཁུལ་གཉིས་ཀྱི་བར་དུ་གནས་ཤིང་།མཚོའི་མཐའི་རིང་ཚད་ལ་སྤྱི་ལེ་ ༣༦༠ དང་། མཚོ་ངོས་ལ་སྤྱི་ལེ་གྲུ་བཞི་མ་ ༤༦༣༥ ཡོད་པ་མ་ཟད། ཚན་རིག་པས་ཞིབ་འཇུག་བྱས་པ་ལྟར་ན་མཚོ་དེ་ཆགས་ནས་ལོ་ངོ་ཁྲི་གཅིག་ལྷག་སོང་ཡོད་ཚུལ་བརྗོད་ཀྱི་ཡོད་པ་རེད་འདུག མཚོ་དེ་ནི་ནང་པ་གཙོས་པའི་ཧིན་དུ་དང། བོན་བཅས་ཀྱི་ཆོས་ལུགས་ཐོག་ནས་གནས་ཆེན་ཞིག་ཏུ་ངོས་འཛིན་གནང་གི་ཡོད་པ་རེད།

  རྒྱ་གཞུང་གིས་བོད་ཀྱི་ས་ཁུལ་ཁག་ཏུ་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་སྒྲིག་གཤོམ་བྱ་མི་ཆོག་པར་དམ་དྲག་ཤུགས་ཆེ་བྱེད་བཞིན་པ་དང་བསྟུན། ཉེ་ཆར་ཟླ་བ་ ༡ ཚེས་ ༤ ཉིན་རྒྱ་གཞུང་གིས་བོད་ཁམས་དཀར་མཛེས་བྲག་འགོ་རྫོང་གི་བོད་མིའི་ཚོང་ཁང་ཁག་ལ་༸གོང་ས་མཆོག་གི་༸སྐུ་པར་སྒྲིག་གཤོམ་མི་ཆོག་པ་དང་། ལྷག་དོན་༸སྐུ་པར་ཡོངས་རྫོགས་ས་གནས་སྲིད་གཞུང་ལ་རྩིས་སྤྲོད་དགོས་པའི་བཀའ་རྒྱའི་བརྡ་ཐོ་ཞིག་བཏང་འདུག དེ་ཡང་ཁམས་དཀར་མཛེས་བྲག་འགོ་རྫོང་ཡོངས་ཀྱི་ཚོང་ཁང་ཆེ་ཆུང་ཚང་མས་འབྲེལ་ཡོད་ཀྱི་རྩ་ཁྲིམས་ཀྱི་དགོངས་དོན་ལྟར། ཚོང་ཁང་ཁག་གི་ནང་དུ་༸གོང་ས་མཆོག་གི་༸སྐུ་པར་སྒྲིག་གཤོམ་བྱ་མི་ཆོག་པ་དང་ལྡེབས་རིས་སོགས་ལའང་བྲིས་བཀོད་རིགས་བྱ་མི་ཆོག་པ་མ་ཟད། ལྷག་དོན་མགོན་པོ་༸གང་ཉིད་མཆོག་གི་༸སྐུ་པར་སྒྲིག་གཤོམ་གནང་ཡོད་པའི་ཚོང་གཉེར་བ་ཚོས་དེ་རིང་ཟླ་བ་ ༢ ཚེས་ ༢ ཉིན་སྔོན་ཚུད་རང་འགུལ་གྱིས་ཕྱིར་ཕབ་ཀྱིས་རྫོང་སྲིད་གཞུང་ལ་རྩིེས་སྤྲོད་དགོས་པའི་ཉེན་བརྡའི་དུས་བཀག་བཟོས་ཡོད་པ་རེད་འདུག འདི་ག་རླུང་འཕྲིན་ཁང་དུ་ཕ་ཡུལ་བྲག་འགོ་ནས་ཡིན་པའི་བྱེས་བཞུགས་གྲྭ་ངག་དབང་མཁྱེན་རབ་ལགས་ཀྱིས་ཁུངས་ལྡན་གནས་ཚུལ་ངོ་སྤྲོད་གནང་དོན། ཁོང་གིས་དེ་སྔ་བོད་ཀྱི་ས་ཁྱོན་ཡོངས་ལ་༸གང་ཉིད་མཆོག་གི་༸སྐུ་པར་སྒྲིག་གཤོམ་བྱ་མི་ཆོག་པར་དམ་དྲག་དེ་ཙམ་བྱེད་ཀྱི་མེད་ཀྱང་། ཉེ་ལམ་ནས་འགོ་འཛུགས་ཀྱིས་བྲག་འགོ་རྫོང་ཁོངས་ནང་ཡོད་པའི་ཚོང་ཁང་ཆེ་ཆུང་ཚང་མའི་ནང་༸གོང་ས་མཆོག་གི་༸སྐུ་པར་སྒྲིག་གཤོམ་བྱ་མི་ཆོག་པ་མ་ཟད། དེ་ལྟར་གནང་མཁན་ཡོད་རིགས་ནས་རྫོང་རིག་གནས་ཁྲིམས་འཛིན་རུ་ཆེན་ལ་སྤྲོད་དགོས་པ་དང་རང་འགུལ་གྱིས་དེ་ལྟར་མ་བྱེད་ཚེ། རྫོང་རིག་ནས་ཕྱོགས་བསྡུས་ཁྲིམས་འཛིན་རུ་ཆེན་གྱིས་ཐབས་ཤེས་དྲག་པོ་སྤྱད་ནས་རྩིས་ལེན་བྱེད་པ་དང་དོ་བདག་ཚོང་གཉེར་བར་ཐག་གཅོད་ནན་པོ་བྱེད་རྒྱུ་ཡིན་ཞེས་བཀོད་ཡོད་པ་གསུངས་སོང་། ད་དུང་ཁོང་གིས་ལས་འགུལ་དེས་བོད་མི་ཚོའི་ཆོས་དད་རང་དབང་ལ་རྡོག་རོལ་བཏང་པ་དང་། མང་ཚོགས་ཀྱི་སེམས་ལ་རྨ་ཁ་བཟོས་པ་མ་ཟད། ལྷག་དོན་མི་རིགས་ཀྱི་མཐུན་སྒྲིལ་གཏོར་བཤིག་བཏང་བ་ཞིག་ཡིན་པ་སོགས་འགྲེལ་བརྗོད་གནང་གི་འདུག དེ་མཚུངས་སུ་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་བསྟི་གནས་ཁང་གི་ཉམས་ཞིབ་པ་ཚེ་རིང་རྒྱལ་ལགས་ཀྱིས་ད་ལན་འཕྲད་བཞིན་པའི་གནད་དོན་འདི་ནི་བོད་མིའི་དད་མོས་རང་དབང་དང་བསམ་བློའི་རང་དབང་བཅས་ལ་བརྩི་མེད་རྡོག་རོལ་ཤུགས་ཆེ་བཏང་པ་རྣམ་པ་གསལ་པོ་ཞིག་དང་། ལྷག་དོན་རྒྱ་གཞུང་གིས་བོད་རང་སྐྱོང་ལྗོངས་སུ་དེ་བཞིན་ལག་བསྟར་གྱིས་བོད་མི་ཚོར་དམ་དྲག་ཤུགས་ཆེ་བྱ་ངེས་ཡིན་སྐོར་གསུངས་ཀྱི་འདུག

འབའ་བ་བློ་བཟང་ཕན་བདེ། ཕབ་ལེན།

བེ་རི་བསོད་ནམས་དབང་ཕྱུག ཕབ་ལེན།

ཉན་པ།: Listen ཕབ་ལེན། Download བྲག་འགོ་ཁུལ་དུ་༸གོང་ས་མཆོག་གི་སྐུ་པར་སྒྲིག་གཤོམ་མི་ཆོག་པའི་ཉེན་བརྡ་བཏང་པ། ཨ་རི་གཞུང་གིས་རྒྱ་གཞུང་ལ་ཧོང་ཀོང་དེབ་ཚོང་ཁང་གི་ལས་བྱེད་ཚོའི་གནས་བབ་གསལ་བཤད་དགོས་པ་བརྗོད་འདུག རྒྱ་གཞུང་གིས་བོད་ནང་འགྲོ་བ་མིའི་ཐོབ་ཐང་སྲུང་སྐྱོབ་གནང་མཁན་ཚོར་དམ་དྲག་བྱ་རྒྱུ་མཚམས་འཇོག་དགོས་པའི་ཞུ་འབོད། ངའི་སྤྱི་འཐུས་ཞེས་པའི་དམིགས་བསལ་ལེ་ཚན། དགེ་ལུགས་འོས་མི་འབའ་བ་བློ་བཟང་ཕན་བདེ་དང་། བེ་རི་བསོད་ནམས་དབང་ཕྱུག Tuesday 02/02/2016 China orders Tibetan shopkeepers in Draggo to surrender Dalai Lama portraits 175 Tibet groups urge UN rights Chief to press China on Tibet US calls on China to clarify status of missing Hong Kong booksellers My MP: Gelug candidate Bawa Lobsang Phenday and Beri Sonam Wangchuk

  རིང་མིན་ཟླ་བ་འདིའི་ཟླ་མཇུག་ཙམ་ནས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་འཚོགས་གཏན་འཁེལ་བ་དང་བསྟུན།  རྒྱལ་སྤྱིའི་བོད་དོན་རྒྱབ་སྐྱོར་ཚོགས་ཁག་གིས་རྒྱ་གཞུང་གིས་བོད་ཀྱི་ས་ཁུལ་ཁག་ཏུ་འགྲོ་བ་མིའི་ཐོབ་ཐང་སྲུང་སྐྱོབ་གནང་མཁན་རྣམས་ལ་དམིགས་བཀར་གྱིས་དམ་དྲག་བྱ་རྒྱུ་མཚམས་འཇོག་དགོས་པའི་ཞུ་འབོད་གནང་འདུག དེ་ཡང་ཁ་སང་ཚེས་ ༡ ཉིན་རྒྱལ་སྤྱི་བོད་དོན་འབྲེལ་མཐུད་ལས་ཁང་གིས་སྤེལ་བའི་གནས་ཚུལ་ལ་གཞིགས་ན། རྒྱལ་སྤྱིའི་བོད་དོན་རྒྱབ་སྐྱོར་ཚོགས་པ་ ༡༧༥ མཐུན་མོང་གིས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་སྐུ་ཞབས་ Zeid Ra'ad Al Hussein ལགས་ཀྱི་མཚན་ཐོག་ཏུ་ཕྱག་བྲིས་ཤིག་ཕུལ་བའི་ནང་།  རིང་མིན་ Swiss གྱི་གྲོང་ཁྱེར་Geneva ནང་རྟེན་གཞི་བྱས་པའི་རྒྱལ་ཚོགས་སུ་འཚོགས་གཏན་འཁེལ་བའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐོག་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་གཙོས་པའི་ཛ་དྲག་གི་གནས་སྟངས་སྤྱི་དང་། ཁྱད་པར་དུ་འགྲོ་བ་མིའི་ཐོབ་ཐང་སྲུང་སྐྱོབ་གནང་མཁན་རྣམས་ལ་དམ་དྲག་བྱེད་བཞིན་པའི་གནད་དོན་ཐད་ངེས་པར་དུ་གླེང་སློང་གནང་དགོས་པ་འཁོད་འདུག དེ་བཞིན་ཚོགས་པ་དེ་དག་ནས་ཉེ་ཆར་ཨ་རིའི་རང་དབང་ཁང་པས་འདོན་སྤེལ་བྱས་པའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ལོ་འཁོར་སྙན་ཐོའི་ནང་གསལ་བཏོན་གནང་པའི་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་། སྔ་ལོའི་ནང་རྒྱལ་ཚོགས་ཀྱི་མནར་གཅོད་འགོག་པའི་ཚོགས་ཆུང་ནས་རྒྱ་ནག་གི་མནར་གཅོད་ལས་དོན་ལ་བསྐྱར་ཞིབ་ཞེས་པའི་ཚོགས་ཐུན་གྱི་སྙན་ཐོ་ནང་འཁོད་དོན་ལྟར། བོད་ནང་གི་གནས་སྟངས་སོགས་ལུང་འབྲེན་དང་སྦྲགས།  རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་མཆོག་ནས་རྒྱ་གཞུང་ལ་གནས་ཚུལ་དེའི་ཐད་ངེས་པར་དུ་འདྲི་བརྩད་གནང་དགོས་པ་མ་ཟད།  རྒྱ་གཞུང་གི་བཙོན་འཇུག་འོག་བཀག་ཉར་བྱེད་བཞིན་ཡོད་པའི་བོད་རིགས་ཞི་རྒོལ་བ་རྣམས་ངེས་པར་དུ་གློད་བཀྲོལ་ཡོང་བའི་གནོན་ཤུགས་སྤྲོད་དགོས་པའི་འབོད་སྐུལ་ཡང་ཞུས་ཡོད་པ་རེད། གཞན་ཡང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་འགན་འཛིན་ Alison Reynolds ལགས་ཀྱིས་ཐེངས་འདིའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱིས་རྒྱ་ནག་ནང་གི་འགྲོ་བ་མིའི་ཐོབ་ཐང་གནས་སྟངས་ཐད་བསྐྱར་ཞིབ་བྱེད་བཞིན་པ་དང་དུས་མཉམ་འཁེལ་གྱི་ཡོད་པ་གསལ་བཤད་དང་སྦྲགས། དེ་སྔ་རྒྱ་གཞུང་གི་སྐུ་ཚབ་ནས་རྒྱལ་ཚོགས་ལ་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐད་བསྐྱར་ཞིབ་བྱེད་སྐབས། རྒྱ་གཞུང་ནས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་སྐུ་ཞབས་ Zeid Ra'ad Al Hussein མཆོག་རྒྱ་ནག་ནང་གདན་ཞུ་བྱ་རྒྱུ་ཡིན་པ་ལས་ད་དུང་ཡང་ཚེས་གྲངས་སོགས་ཁ་གསལ་བྱེད་མེད་པར་སྐྱོན་བརྗོད་ཤུགས་ཆེ་བྱས་འདུག