Monthly Archives: August, 2016

ཉན་པ།: Listen ཕབ་ལེན། Download ༸གོང་ས་མཆོག་གིས་ནང་པའི་ལྟ་གྲུབ་ཀྱི་ཆ་ནས་ཚན་རིག་པ་ང་ཚོ་གྲོགས་པོ་ཆགས་ཡོད་ཅེས་བཀའ་བསྩལ་བ། ཨ་རིའི་གྲོས་ཚོགས་འཐུས་མི་ ༧༢ ཀྱིས་སྲིད་འཛིན་ཨོ་བྷ་མ་མཆོག་ལ་བོད་དོན་ཐོག་སྔར་ལྷག་ཐུགས་འཁུར་བཞེས་དགོས་པའི་ཞུ་འབོད། བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐོག་ཚོགས་པའི་དམིགས་ཡུལ་ཐོག་བགྲོ་གླེང་གནང་རྒྱུ་རེད་འདུག ཁུ་ནུ་ནང་དུ་དུས་འཁོར་དབང་ཆེན་བསྩལ་ཏེ་ལོ་ངོ་༢༥འཁོར་བའི་དུས་ཚིགས་སྲུང་བརྩི། བོད་མི་རྩེད་འགྲན་པ་ཆོས་དབྱིངས་སྐྱིད་ལགས་ཀྱིས་མང་ཚོགས་ནས་རྒྱབ་སྐྱོར་ཡོང་བའི་འབོད་སྐུལ། ལྟ་བ་གུ་ཡངས་ཅན་གྱི་དུས་དེབ་ཞིག་རྒྱ་གཞུང་གི་འཁྱོག་བཤད་བརྒྱུད་ལམ་ཞིག་ཏུ་གྱུར་བཞིན་པར་སྐྱོན་བརྗོད། Friday 19/08/2016 Scientists are our friends: Dalai Lama in Ladakh 72 US lawmakers call on Obama to redouble efforts on Tibet TYC to discuss amendment to aims and objectives during upcoming General Body Meeting Kinnaur Mahabodhi Society celebrates silver jubilee of Dalai Lama Kalachakra initiation I will perform my best: Tibetan Olympian Choeying Kyi posts message for fans Revamped Chinese Journal welcomes hard-line writers

ཕྱི་ལོ་ ༢༠༡༧ ལོའི་ཟླ་ ༡ ཚེས་ ༢༠ ཉིན་ད་ལྟའི་ཨ་རིའི་སྲིད་འཛིན་ཨོ་བྷ་མ་མཆོག་གི་སྲིད་འཛིན་གྱི་ལས་ཡུན་ཚང་ལ་ཉེ་བ་དང་བསྟུན། ཨ་རིའི་ Massachusetts མངའ་སྡེའི་གྲོས་ཚོགས་འཐུས་མི་དང་གྲོས་ཚོགས་ཀྱི་ Tom Lantos འགྲོ་བ་མིའི་ཐོབ་ཐང་ཚོགས་ཆུང་གི་ཚོགས་གཙོ་སྐུ་ཞབས་ Jim McGovern ལགས་ཀྱིས་སྣེ་ཁྲིད་པའི་ཁུལ་དེའི་གྲོས་ཚོགས་འཐུས་མི་ ༧༢ ཀྱིས་ཐུན་མོང་ཐོག་སྲིད་འཛིན་ཨོ་བྷ་མ་མཆོག་ལ་ཨ་རིའི་སྲིད་འཛིན་གྱི་ལས་ཡུན་ལྷག་མའི་ནང་བོད་དོན་ཐོག་ཞལ་ཙམ་མིན་པར་ཁ་ཡོད་ལག་ཡོད་ཀྱི་ཕྱག་ལས་གནང་དགོས་པའི་ཞུ་སྐུལ་ནན་པོ་གནང་འདུག དེའང་ཁ་སང་ཚེས་ ༡༨ ཉིན་སྐུ་ཞབས་ Jim McGovern ལགས་ཀྱིས་རང་ཉིད་ཀྱི་དྲ་གནས་ཐོག་གསར་འགོད་གསལ་བསྒྲགས་ཤིག་གནང་པ་དང་འབྲེལ་ཨ་རིའི་སྲིད་འཛིན་ཨོ་བྷ་མ་མཆོག་གི་མཚན་ཐོག་ཏུ་ཞུ་སྙན་གྱི་ཕྱག་བྲིས་ཤིག་ཕུལ་བ་འདོན་སྤེལ་གནང་འདུག ཞུ་སྙན་གྱི་ཕྱག་བྲིས་དེའང་གྲོས་ཚོགས་འཐུས་མི་སྐུ་ཞབས་ Jim McGovern ལགས་ཀྱིས་དབུས་པའི་ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་མི་ Eliot Engel ལགས་སོགས་ཨ་རིའི་མངའ་སྡེ་ ༢༧ ནང་གི་གྲོས་ཚོགས་འཐུས་མི་ཁྱོན་ ༧༢ ཀྱིས་ཐུན་མོང་ཐོག་སྲིད་འཛིན་ཨོ་བྷ་མ་མཆོག་ལ་ཕུལ་བ་ཞིག་ཡིན་པ་རེད། ཕྱག་བྲིས་དེའི་ནང་གྲོས་ཚོགས་འཐུས་མི་རྣམས་ཀྱིས་བོད་མི་མང་ཚོགས་ཚོས་ཨ་རི་དེ་མཛའ་གྲོགས་ཞིག་ལ་ངོས་འཛིན་ཞུ་བཞིན་ཡོད་པ་ལྟར་ཨ་རིའི་ངོས་ནས་བོད་རྒྱ་གཉིས་དབར་གྲོས་མོལ་བསྐྱར་མཐུད་གནང་རྒྱུ་གཙོས་བོད་མིའི་འགྲོ་བ་མིའི་ཐོབ་ཐང་ཁག་སྲུང་སྐྱོབ་གནང་རྒྱུ། དེ་བཞིན་བོད་ཀྱི་ཆོས་དང་རིག་གཞུང། མི་རིགས་ཀྱི་ངོ་བོ་སྲུང་སྐྱོབ་གནང་པའི་བརྒྱུད་མཛའ་གྲོགས་ཀྱི་འདུ་ཤེས་དེ་དོན་འཁྱོལ་ཡོང་བ་ཞིག་གནང་རྒྱུའི་དུས་ལ་སླེབས་ཡོད་པ་གསུངས་པ་དང་ཆབས་ཅིག Tibet Policy Act འམ་ཨ་རིའི་གཞུང་གི་བོད་ཐོག་འཛིན་པའི་སྲིད་བྱུས་ཀྱི་གྲུབ་དོན་རྣམས་ནུས་ལྡན་གྱི་དོན་འཁྱོལ་ཡོང་བར་སྲིད་འཛིན་ཨོ་བྷ་མ་མཆོག་གིས་ཨ་རིའི་སྲིད་འཛིན་གྱི་ལས་ཡུན་ལྷག་མའི་ནང་བོད་ཀྱི་གནད་དོན་སེལ་ཕྱིར་ཞལ་ཙམ་མིན་པར་ཁ་ཡོད་ལག་ཡོད་ཀྱི་ཕྱག་ལས་གནང་དགོས་པའི་དོན་ཚན་ཁག་ཅིག་གསལ་བཏོན་གྱིས་ཞུ་སྐུལ་ནན་པོ་གནང་འདུག བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་༸གང་ཉིད་ཀྱི་༸སྐུ་ཚེ་ཧྲིལ་པོའི་རིང་འཛམ་གླིང་ཞི་བདེ་དང་ཆོས་ལུག་མཐུན་སྒྲིལ་བཅས་ཀྱི་ཐོག་ལ་རླབས་ཆེན་གྱི་མཛད་རྗེས་བསྐྱངས་དང་སྐྱོང་བཞིན་པར་སྲིད་འཛིན་མཆོག་གིས་དེར་ལས་ཡུན་ཟླ་ཤས་ནང་གོ་སྐབས་དམ་འཛིན་གྱིས་༸གོང་ས་མཆོག་ཨ་རིའི་ནང་དུ་གདན་ཞུ་གནང་སྟེ། འཛམ་གླིང་འདིའི་ཐོག་གི་དཀའ་རྙོག་ཁག་སེལས་ཆེད་༸གང་ཉིད་མཆོག་གི་ལམ་སྟོན་ཞུ་དགོས་པ་དང། མགོན་པོ་མཆོག་གམ་སྐུ་ཚབ་རྣམས་ངེས་པར་དུ་ལྷན་ཞུགས་ཡོད་ཐོག་གོ་ལའི་གནམ་གཤིས་འགྱུར་ལྡོག་དང་བོད་མཐོ་སྒང་གི་ཁོར་ཡུག་གནས་སྟངས་དང་འབྲེལ་བའི་བགྲོ་གླེང་ཅི་རིགས་གནང་རྒྱུའི་མཐུན་འགྱུར་སྐྲུན་དགོས་གལ་ཡིན་པ་མ་ཟད། ལྷག་དོན་བོད་ནང་གི་བོད་མི་རྣམས་དང་། བོད་ནང་བསྐྱོད་མཁན་ཨ་རིའི་མི་སེར་ཡིན་པའི་བོད་རིགས་དང་ཨ་རིའི་མི་སེར་གཞན་རྣམས་རང་དབང་ཐོག་འགྲུལ་སྐྱོད་བྱ་རྒྱུར་འཕྲད་བཞིན་པའི་དཀའ་ངལ་རྣམས་ངོས་འཛིན་གྱིས་དེ་དག་སེལ་ཕྱིར་བོད་ཀྱི་རྒྱལ་ས་ལྷ་སར་ཨ་རིའི་གཞུང་ཚབ་ལས་ཁང་གསར་འཛུགས་གནང་རྒྱུ་འབད་སྤུངས་གནང་དགོས་གལ་ཡིན་པ་སོགས་གསུངས་འདུག ༸གོང་ས་༸སྐྱབས་མགོན་ཆེན་པོ་མཆོག་བོད་ནང་ཆིབས་བསྒྱུར་བསྐྱང་ཐུབ་པའི་མཐུན་འགྱུར་བསྐྲུན་དགོས་པ་དང་། རྒྱ་གཞུང་གི་བཙོན་ཁང་ནང་ཡོད་པའི་བོད་མི་ཆབ་སྲིད་བཙོན་པ་རྣམས་ཆ་རྐྱེན་གང་ཡང་མེད་པར་འཕྲལ་དུ་གློད་གྲོལ་ཡོང་བར་སྲིད་འཛིན་མཆོག་གིས་དུས་ནས་དུས་སུ་སྤྱི་བསྒྲགས་ཤིག་སྤེལ་གལ་ཆེ་བ་མ་ཟད། རྒྱ་གཞུང་གིས་ཨ་རིའི་གཞུང་འབྲེལ་དང་གཞུང་འབྲེལ་མིན་པའི་མི་སྣ་རྣམས་བོད་ཀྱི་ས་ཁུལ་ཁག་ཏུ་རང་དབང་ཐོག་བསྐྱོད་རྒྱུར་དམ་དྲགས་བྱས་པ་ལྟར། ཨ་རིའི་གཞུང་གིས་ཀྱང་དེ་མཚུངས་སྲིད་བྱུས་ལག་བསྟར་གྱིས་རྒྱ་ནག་དཔོན་རིག་རྣམས་ཨ་རི་ནང་ཡོང་རྒྱུའི་ཐད་དམ་གནོན་གནང་དགོས་གལ་ཡིན་པའི་ཞུ་འབོད་གནང་འདུག རྩ་བའི་ད་ལན་སྲིད་འཛིན་མཆོག་ལ་ཞུ་ཡིག་ཕུལ་བའི་ལས་འགུལ་དེ་སྣེ་ཁྲིད་གནང་མཁན་གཙོ་བོ་སྐུ་ཞབས་ Jim McGovern ལགས་ནི་སྔ་ལོའི་ཕྱི་ཟླ་ ༡༡ ནང་ཨ་རིའི་གྲོས་ཚོགས་ཚོགས་གཙོ་ཟུར་པ་ལྕམ་སྐུ་ Nancy Pelosi མཆོག་གི་ལྷན་དུ་རྒྱ་གཞུང་གིས་གོ་སྒྲིག་ཞུས་དོན་ལྟར། བོད་ནང་འཚམས་གཟིགས་ལ་བསྐྱོད་མཁན་ཨ་རིའི་གྲོས་ཚོགས་འཐུས་མིའི་རུ་ཁག་ནང་ལྷན་ཞུགས་གནང་ཡོད་པ་དང་ཡུན་རིང་ནས་བོད་དོན་ལ་རྒྱབ་སྐྱོར་གནང་མཁན་གཙོ་གྲས་ཤིག་ཡིན་པ་མ་ཟད། ༸གོང་ས་མཆོག་ལ་ཆེས་དད་གུས་ཆེ་བའི་ཨ་རིའི་གྲོས་ཚོགས་འཐུས་མི་ཞིག་ཡིན་པ་རེད།

འདི་ལོའི་སྐབས་ ༡༦ པའི་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐོག་བོད་ཀྱི་གཞོན་ནུ་ལྷན་ཚོགས་ཀྱི་དམིགས་ཡུལ་ཐད་བགྲོ་གླེང་གནང་རྒྱུ་རེད་འདུག དེ་ཡང་སྐབས་བཅུ་དྲུག་པའི་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་དེ་རྡ་རམ་ས་ལར་རིང་མིན་ཟླ་འདིའི་ཚེས་ ༢༩ ནས་དབུ་འཛུགས་ཀྱིས་ཟླ་ ༩ ཚེས་ ༣ བར་འཚོགས་རྒྱུ་ཡིན་པ་དང་། ཚོགས་ཆེན་དེའི་ཐོག་རྒྱ་བལ་འབྲུག་གསུམ་གཙོས་པའི་ཨ་རི་སོགས་སུ་ཡོད་པའི་ས་གནས་གཞོན་ནུ་ཁག་ ༤༠ ལྷག་གི་སྐུ་ཚབ་ཚོ་མཉམ་ཞུགས་གནང་གི་འདུག འདི་ག་རླུང་འཕྲིན་ཁང་གིས་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་སུ་དེ་འབྲེལ་བཅར་འདྲི་ཞུས་པར་ཁོང་གིས་ཉིན་གྲངས་དྲུག་རིང་གི་ཚོགས་ཆེན་དེའི་ཐོག་ལ་གཙོ་བོ་དབུས་རྒྱུན་ལས་གསར་འདེམས་ཞུ་རྒྱུ་མཚོན་པའི། དབུས་ས་གཉིས་ཀྱི་ལོ་གསུམ་གྱི་ལས་བསྡོམས་སྙན་སྒྲོན་དང་དེར་བགྲོ་གླེང་དང། བོད་ནང་གི་ཛ་དྲགས་གནས་སྟངས་སྐོར། བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་སོགས་ཀྱི་གྲོས་གཞི་འདྲ་མིན་ཐད་ལ་གྲོས་བསྡུར་གནང་རྒྱུ། ལྷག་པར་དུ་ཚོགས་ཆེན་དེའི་སྐབས་ལ་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་གཞི་བསྐྱར་བཅོས་དང་འབྲེལ་གཞོན་ནུ་ལྷན་ཚོགས་ཀྱི་དམིགས་ཡུལ་ཐོག་བགྲོ་གླེང་གིས་མང་མོས་ཐག་གཅོད་གནང་རྒྱུ་ཡིན་པ་གསུངས་སོང་། གཞི་རྩའི་དེ་སྔོན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་སྐབས་ ༡༥པའི་སྐབས་སུ་གཞོན་ནུའི་དམིགས་ཡུལ་ཐོག་ནང་ཁུལ་ཕན་ཚུན་བསམ་ཚུལ་མཐུན་མིན་བྱུང་སྟབས། རྒྱ་གར་ནང་གི་གཞོན་ནུའི་ཡན་ལག་ས་གནས་ཆེ་ཁག་བརྒྱད་ཀྱི་གཞོན་ནུའི་སྒྲིག་འཛུགས་དེ་དག་དབུས་སྒྲིག་འཛུགས་ནས་ཕྱིར་འཐེན་གནང་པའི་གནས་ཚུལ་བྱུང་ཡོད་པ་མ་ཟད། བོད་པའི་སྤྱི་ཚོགས་ཁྲོད་ལའང་གཞོན་ནུ་ཚོགས་པའི་དམིགས་ཡུལ་ཐད་ལབ་ལེན་ཤུགས་ཆེ་བྱུང་ཡོད་པ་རེད། དེ་རྗེས་སྔ་ལོའི་ཕྱི་ཟླ་ ༧ པའི་ནང་རྒྱ་གར་གི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༦ ཐོག་དབུས་བོད་ཀྱི་གཞོན་ནུ་ལྷན་ཚོགས་ཀྱིས་ས་གནས་ཁག་བརྒྱད་པོ་དེ་དག་དང། དེ་བཞིན་ཨ་རིའི་ནིའུ་ཡོག་དང་ནིའུ་ཇར་སིའི་གཞོན་ནུའི་སྒྲིག་འཛུགས་བཅས་ལ་བཅར་ཏེ་ཕན་ཚུལ་དབར་འདུམ་སྒྲིག་བྱ་རྒྱུའི་གྲོས་ཆོད་འཇོག་དོན་ལྟར། ད་ལྟའི་ཆར་ཨ་རིའི་ནིའུ་ཡོག་དང་ནིའུ་ཇར་སི། མོན་གྷོ་ཊ། དེ་བཞིན་སྦེང་ལོར་བཅས་ཀྱི་ས་གནས་གཞོན་ནུ་རྣམས་དབུས་གཞོན་ནུའི་སྒྲིག་འཛུགས་དབར་འདུམ་སྒྲིག་བྱས་ཐུབ་པ་བྱུང་ཡོད་ཀྱང། ད་དུང་སྦེལ་ཀོབ་དང་ཧུན་སུར། ཀོ་ལི་གྷལ། སྤོན་ཌོ། ལ་དྭགས། དེ་བཞིན་ཌ་ལོ་ཧོ་སི་བཅས་ས་གནས་གཞན་ཁག་གི་གཞོན་ནུའི་སྒྲིག་འཛུགས་དེ་དག་ལོགས་སུ་གནས་ཡོད་པ་རེད།

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོ་གིས་རྒྱུན་ཕྱག་གསུམ་པ་དང་ཤེས་རབ་སྙིང་པོ་སྔོན་དུ་འགྲོ་བའི་ཐོག་ལ་དྭགས་པ་གཙོ་བོར་གྱུར་པའི་བོད་མི་དང་། གཞན་ཡང་ཕྱི་རྒྱལ་དད་ལྡན་པ་ཆིག་ཁྲི་བརྒལ་བར་ཉིན་བཞིའི་སྤྱོད་འཇུག་ཆེན་མོའི་ཆོས་འབྲེལ་དབུ་འཛུགས་བསྐྱངས་གནང་སོང་། དེའང་ལ་དྭགས་ནང་པའི་ཚོགས་འདུས་ཇི་ལྟར་གསོལ་བ་བཏབ་པ་བཞིན་བཀའ་བཞེས་བཟང་པོ་སྨིན་སྩལ་ཐོབ་སྟེ། ༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཕྱི་ཚེས་ ༡༨ ཉིན་ནས་དབུ་འཛུགས་ཀྱིས་ཚེས་ ༢༡ བར་མང་ཚོགས་ཚོར་རྒྱལ་སྲས་ཆེན་པོ་ཞི་བ་ལྷས་མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པའི་བཀའ་ཆོས་དང་ཉིན་མཐའ་མར་ཐུགས་རྗེ་ཆེན་པོའི་བཀའ་དབང་བཀྲིན་བསྩལ་གནང་གི་ཡོད་པ་རེད། དེ་རིང་ཆོས་འབྲེལ་ཉིན་དང་པོའི་སྔ་དྲོ་ཚོུད་ ༨།༣༠ ནས་ཉིན་དགུང་ཚོུད་ ༡༢།༠༠ བར་༸གོང་ས་མཆོག་གིས་མང་ཚོགས་ལ་སྔོན་འགྲོའི་ཆོས་བཤད་སྐབས་ནང་ཆོས་ངོ་སྤྲོད་དང་ཤེས་རབ་སྙིང་པོའི་བཀའ་ཁྲིད་བཀྲིན་བསྩལ་ཏེ་རྐང་ཆོས་ཞུ་དགོས་དོན་དང་ཆོས་ཤེས་དགོས་གལ། ཀུན་སློང་བཅོས་སྟངས་དང་། ལྷག་དོན་སངས་རྒྱས་བཅོམ་ལྡན་འདས་ཀྱི་མཛད་རྣམ་སྐོར་གསུངས་ནས་ཉོན་མོངས་སྤོང་རིམ་སོགས་ཀྱི་སྐོར་ལ་བཀའ་གནང་སོང་། མགོན་པོ་༸གང་ཉིད་མཆོག་གིས་ཐོག་མར་དེ་གར་འདུས་པའི་དད་ལྡན་པ་ཡོངས་ལ་ང་ཚོ་ཆོས་ལ་དད་པ་ཡོད་མཁན་ཚོས་སངས་རྒྱས་པའི་ཆོས་ཟེར་བ་དེའི་ངོ་བོ་དང་ཁྱད་པར་གང་འདྲ་ཞིག་ཡོད་མེད་མ་ཤེས་པར་དད་པ་དེ་ལམ་ལུགས་སྲོལ་ལྟར་ཕྱིན་པ་ཡིན་ན། ང་ཚོ་དུས་རབས་ཉེར་གཅིག་པ་དང་མཐུན་པ་བྱུང་ཡོད་མ་རེད་ཅེས་བཀའ་ནན་སྩལ་ཡོད་པ་རེད།   ད་དུང་མགོན་པོ་མཆོག་གིས་སྐབས་འདིའི་འཆད་པར་བྱ་བའི་སྤྱོད་འཇུག་གི་གཞུང་དེ་ནི་བྱང་ཆུབ་སེམས་དཔའི་སྡེ་སྣོད་དང་། ལྷག་དོན་རྣམ་མཁྱེན་གྱི་གོ་འཕང་སྒྲུབ་ཡག་ཅིག་ཆགས་ཡོད་སྟབས། བླ་མ་དང་སློབ་མ་གཉིས་ཀས་ཆོས་ལ་འཇུག་པའི་སྒོ་ཀུན་སློང་རྣམ་པར་དག་པ་བཅོས་དགོས་རྒྱུ་གལ་ཆེ་བའི་སྐོར་ལམ་སྟོན་སྩལ་སོང་བ་དང། ཁྱད་པར་དུ་དེ་རིང་ང་ཚོ་འདིར་ཆོས་ཉན་འཆད་བྱེད་ཡག་གི་དམིགས་ཡུལ་དེ་སེམས་མི་སྐྱིད་པ་བཟོ་མཁན་ཉོན་མོངས་ལ་གཉེན་པོ་བསྟེན་ཡག་དེ་རེད་ཅེས་བཀའ་སྩལ་སོང་། མགོན་པོ་མཆོག་གིས་ཉོན་མོངས་ལ་གཉེན་པོ་བསྟེན་སྟངས་སྐོར་བཀའ་གནང་པའི་ཁྲོད་མང་ཚོགས་ལ་བདག་ཅག་གི་སྟོན་པ་སངས་རྒྱས་བཅོམ་ལྡན་འདས་ཀྱིས་དཀའ་སྤྱད་སྙིང་རུས་མཛད་ནས་སངས་རྒྱས་ཀྱི་གོ་འཕར་ཐོབ་ཡོད་པའི་མཛད་རྣམ་སྙིང་བསྡུས་ཤིག་ཀྱང་ངོ་སྤྲོད་གནང་ཡོད་པ་རེད། དེ་རིང་སྔ་དྲོའི་ཆོས་ཐུན་སྐབས་གཞན་ཡང་༸གོང་ས་མཆོག་གིས་མང་ཚོགས་ཚོས་བཀའ་འདྲི་ཞུས་པར་བཀའ་ལན་མཛད་པའི་ཁྲོད། ཆོས་ཁས་མི་ལེན་མཁན་ཞིག་གིས་སྙིང་རྗེ་ཉམས་ལེན་ཇི་ལྟར་བྱ་དགོས་སམ་ཞེས་བཀའ་འདྲི་ཞུས་པར་༸གང་ཉིད་མཆོག་གིས་བཀའ་ལན་སྩལ་དོན། ཚན་རིག་པ་ཚོས་མིའི་ལྷན་སྐྱེས་ཀྱི་རང་བཞིན་དེ་བྱམས་བརྩེའི་རང་བཞིན་ཡིན་པ་བཤད་ཀྱི་འདུག་སྟབས། གང་ཟག་སུ་འདྲ་ཞིག་ཡིན་རུང་དེ་ལ་རང་ཉིད་ཀྱི་དངོས་ཀྱི་མྱོང་བ་དང་འབྲེལ་ཏེ་སློབ་གསོ་ཡག་པོ་ཞིག་སྤྲོད་པ་ཡིན་ན་འཛམ་བུ་གླིང་འདི་བྱམས་བརྩེ་དང་ལྡན་པ་ཞིག་སྐྲུན་ཐུབ་ངེས་ཡིན་སྐོར་སོགས་དཔེ་དང་བཅས་བཀའ་སྩལ་ཡོད་པ་རེད། ཤེས་རྟོགས་བྱུང་བར་ཐེངས་འདིའི་ཆོས་འབྲེལ་ཐོག་རྒྱ་རིགས་གཙོས་པའི་ཕྱི་རྒྱལ་བ་ཉི་བརྒྱ་ཙམ་དང་། ཁྱད་པར་དུ་རླངས་འཁོར་ནང་ཉི་མ་གཉིས་གསུམ་འགྲུལ་བཞུད་བྱེད་དགོས་པའི་ལ་དྭགས་བྱང་ཐང་དང་ནུབ་ར། དེ་བཞིན་ཟངས་དཀར་སོགས་ལུང་ཁུག་ཁག་ཅིག་ནས་དད་ལྡན་ཆོས་ཞུ་བ་བརྒྱ་སྐོར་ལྷག་བཅར་ཡོད་པ་རེད་འདུག  

ཉན་པ།: Listen ཕབ་ལེན། Download ༸གོང་ས་མཆོག་གིས་ལ་དྭགས་སུ་སྤྱོད་འཇུག་ཆེན་མོའི་ཆོས་འབྲེལ་དབུ་འཛུགས་བསྐྱངས་པ། ཁེ་ན་ཌའི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པས་བླ་རུང་སྒར་གཏོར་བཤིག་ལས་དོན་ལ་བློ་ཕམ་ཡོད་པ་གསུངས་འདུག བོད་ཀྱི་འབྲོག་པ་ཚོས་དེང་དུས་ཀྱི་འཛུགས་སྐྲུན་ལས་གཞིར་གདོང་ལེན། Netherlands ལོ་འཁོར་སྒང་ཕུག་དུས་སྟོན་ནང་བོད་ཀྱི་ངོ་བོ་མཚོན་པ་བྱས་འདུག བོད་མི་མང་སྤྱི་འཐུས་ཚོགས་གཞོན་མཆོག་རྒྱལ་སྤྱིའི་རཀཤཱ་བྷན་དན་གྱི་དུས་སྟོན་མཛད་སྒོར་ལྷན་ཞུགས་གནང་པ། Thursday 18/08/2016 Dalai Lama begins ‘Choejug’ teachings at Shewatsel, Ladakh Chair of Canadian Tibet Parliamentary group expresses concern over Larung Gar Demolition The Tibetan nomad traditions defying the modern world Tibet balloon ‘Tashi’ flies high at Netherlands Balloon Festival TPiE Deputy Speaker attends World Rakshabandhan Festival in New Delhi HEALTH FEATURE: Dr. Rinzin Sangmo on Symptoms of Gastroenteritis

ཁེ་ན་ཌའི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Arif Virani ལགས་ཀྱིས་རྒྱ་གཞུང་གིས་བླ་རུང་སྒར་གཏོར་བཤིག་གི་ལས་གཞི་སྤེལ་བཞིན་པར་བློ་ཕམ་ཆེན་པོ་ཡོད་ཅེས་གསུངས་འདུག དེ་ཡང་ཁེ་ན་ཌའི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ངོས་ནས་ཁ་སང་ངོ་དེབ་བརྒྱུད་བསྒྲགས་གཏམ་ཞིག་འདོན་སྤེལ་གནང་པའི་ནང་། ཚོགས་གཙོ་ Arif Virani ལགས་ཀྱིས་རྒྱ་གཞུང་གིས་འཛམ་གླིང་ནང་གི་ནང་ཆོས་སློབ་གཉེར་ཁང་ཆེ་ཤོས་བོད་སེར་རྟ་བླ་རུང་ཆོས་སྒར་དུ་གཏོར་བཤིག་གི་ལས་གཞི་སྤེལ་བཞིན་པར་ཆེས་བློ་ཕམ་ཡོད་ཅེས་གསུངས་པ་སྦྲགས། ལས་གཞི་དེའི་ཁྲོད་གྲྭ་བཙུན་སློབ་གཉེར་བ་ ༥༠༠༠ ལྷག་གི་བསྡོད་ཁང་གཙོས་ཆོས་བྱ་རྒྱུའི་གོ་སྐབས་མེད་པ་ཆགས་པ་མ་ཟད། བོད་མི་དེ་དག་རྣམས་ཀྱི་བསམ་བློར་རང་ཉིད་ལུང་པ་དེའི་མི་ཡིན་བསམ་པའི་གདེང་སྤོབས་དང་བདེ་འཇགས་ལ་དོ་ཕོག་ཤུགས་ཆེ་བྱུང་སྟབས། དཀའ་ངལ་དེ་དག་ལ་མི་བཟོད་པར་བརྟེན་མཐར་དགོན་པ་དེའི་བཙུན་མ་རིག་འཛིན་སྒྲོལ་མ་ལགས་ཀྱིས་རང་སྲོག་བཅད་ཡོད་སྐོར་གསུངས་འདུག ཁོང་གིས་ད་དུང་བླ་རུང་ཆོས་སྒར་ནི་བོད་པའི་ནང་པ་སྟོང་ཕྲག་མང་པོས་ནང་ཆོས་ལ་སློབ་གཉེར་གནང་ཡུལ་གཙོ་གྲས་ཤིག་ཡིན་པ་དང་། ལྷག་དོན་བོད་ཀྱི་ཐུན་མིན་ཆོས་དང་རིག་གཞུང་། སྐད་ཡིག དེ་བཞིན་མི་རིགས་ཀྱི་ངོ་བོ་སྲུང་སྐྱོབ་བྱ་རྒྱུའི་གོ་སྐབས་ཀྱང་དེ་ནས་རག་གི་ཡོད་སྐོར་གསུངས་པ་དང་འབྲེལ། བོད་གཞིས་བྱེས་གཉིས་ཀྱི་བོད་མི་རྣམས་ལ་གདུང་སེམས་མཉམ་བསྐྱེད་ཡོད་པའང་གསུངས་འདུག   དེ་བཞིན་བླ་རུང་སྒར་གྱི་གྲྭ་བཙུན་རྣམས་དང་བོད་མི་མང་ཚོགས་ཚོའི་བསམ་བློ་བརྟན་པོའི་ཐོག་གནས་རྒྱུ་དང་། ཆོས་སྒར་དེའི་སློབ་གཉེར་བ་ཚོས་ཀྱང་མུ་མཐུད་ཆོས་ཕྱོགས་ཀྱི་བྱེད་སྒོ་སྤེལ་ཐུབ་པ་ཡོང་བའི་རེ་བ་ཡོད་པ་བཅས་འཁོད་ཡོད་པ་རེད། དེའི་བར་ན་ཁ་སང་ཧྥ་རན་སིའི་རྒྱལ་ས་པེ་རི་སི་ནང་དུ་བོད་མི་དང་བོད་དོན་རྒྱབ་སྐྱོར་བ་ ༡༥༠ ལྷག་གིས་ཁུལ་དེའི་རྒྱ་ནག་གཞུང་ཚབ་ཁང་གི་མདུན་དུ་བླ་རུང་ཆོས་སྒར་གཏོར་བཤིག་གི་ལས་གཞི་དེ་མཚམས་འཇོག་དགོས་པའི་ཞི་རྒོལ་གྱི་ལས་འགུལ་སྤེལ་འདུག ལས་འགུལ་དེའི་རྐང་འགན་འཁུར་བ་ཧྥ་རན་སི་བོད་རང་བཙན་སློབ་ཕྲུག་ཚོགས་པ་དང་། བོད་རིགས་ཚོགས་པ། ས་གནས་གཞོན་ནུ། ཆུ་བཞི་སྒང་དྲུག་བཅས་ཚོགས་པ་བཞི་ཟུང་སྦྲེལ་གྱིས་པེ་རི་སིར་རྟེན་གཞི་བྱས་པའི་རྒྱ་ནག་གཞུང་ཚབ་ཁང་དུ་ཞི་རྒོལ་གནང་འདུག་པ་དང་། དེའང་ཁ་སང་ཕྱི་དྲོ་ཚོུད་ ༣ ནས་ ༧ བར་ལས་འགུལ་སྤེལ་འདུག

ཁ་སང་ཟླ་ ༨ ཚེས་ ༡༧ ཉིན་རྒྱ་གར་གྱི་རྒྱལ་ས་ལྡི་ལི་གསར་པར་རྟེན་གཞི་བྱས་པའི་ Talkatora Stadium ཞེས་པའི་རྩེད་རར་རྒྱལ་སྤྱིའི་རཀ་ཤཱ་བྷན་དན་སྲུང་བརྩི་ཚོགས་ཆུང་གིས་གོ་སྒྲིག་འོག་ཆོས་ལུགས་འདྲ་མིན་གྱི་བླ་ཆེན་དང་། རྒྱལ་ཁབ་གཞན་གྱི་སྐུ་ཚབ། དེ་བཞིན་གནད་ཡོད་མི་སྣ་བཅས་ཆེད་བཅར་ཞུས་པའི་ཁྲོད། བོད་མི་མང་སྤྱི་འཐུས་ཚོགས་གཞོན་ཨཅཱརྱ་ཡེ་ཤེས་ཕུན་ཚོགས་མཆོག་སྐུ་མགྲོན་དུ་མགྲོན་འབོད་ལྟར་མཛད་སྒོར་ལྷན་ཞུགས་གནང་འདུག རཀཤཱ་བྷན་དན་ཞེས་པ་དེ་ནི་རྒྱ་གར་གྱི་དུས་སྟོན་གལ་ཆེ་ཞིག་ཡིན་པ་མ་ཟད། དུས་སྟོན་དེའི་ངོ་བོ་ནི་སྤུན་གཅེན་གཅུང་ལས་གཅུང་མོ་ཚོས་རང་ཉིད་ཀྱི་གཅེན་པོར་བརྩེ་དུང་ལྡན་པའི་ཐོག་མི་ཚེ་བདེ་སྐྱིད་ལྡན་པ་ཞིག་ཡོང་བར་སྨོན་འདུན་ཞུས་པ་དང་སྦྲགས། ལག་པར་བརྩེ་དུང་གི་དམ་ཚིག་མཚོན་ཆེད་དུ་མདུན་པ་བཅིང་རྒྱུ་དང་། གཅེན་པོ་ཚོས་ཀྱང་རང་གི་གཅུང་མོར་སྲུང་སྐྱོབ་བྱ་རྒྱུའི་འགན་དབང་ཁས་ལེན་གྱིས་ལག་རྟགས་སོགས་སྤྲོད་པའི་དུས་ཚིགས་ཤིག་ཡིན་པ་རེད། འཕགས་བོད་འབྲེལ་མཐུད་ལས་ཁང་གི་འགན་འཛིན་འཇིགས་མེད་ཚུལ་ཁྲིམས་ལགས་ཀྱིས་གསུངས་པར་འདི་ལོར་རྒྱལ་སྤྱིའི་རཀ་ཤཱ་བྷན་དན་ཉིན་མོ་ཞེས་སྲུང་བརྩི་ཞུ་དོན་ནི་རྒྱ་གར་གྱི་ RSS ཞེས་པའི་སྤྱི་ཚོགས་ཞབས་ཞུ་ཚོགས་པའི་འགན་འཛིན་ཨིནྡྲ་ཀུ་མཱར་མཆོག་གིས་གཙོས་དེའི་རྗེས་འཇུག་རྣམས་ནས་ཉིན་མོ་དེ་ནི་ཆོས་ལུགས་དང་རིགས་རུས། གོ་ས་མཐོ་དམའ། དཀར་ནག་སོགས་ཀྱི་དབྱེ་བ་གང་ཡང་མེད་པར་ང་ཚོ་འགྲོ་བ་མི་ཕན་ཚུལ་དབར་མི་ཡིན་པ་གཅིག་མཚུངས་ཀྱི་འདུ་ཤེས་ལྡན་ཐོག་གཅེན་གཅུང་གི་བརྩེ་དུང་དང་དམ་ཚིག་མངོན་གསལ་དང་རྒྱལ་སྤྱིའི་ཁྱོན་ཡོངས་ནས་ཉིན་མོ་དེ་སྲུང་བརྩི་ཞུ་ཆེད་དེ་ལྟར་གནང་པ་རེད་ཅེས་གསུངས་སོང་། རྩ་བའི་ཐེངས་འདིའི་རཀཤཱ་བྷན་དན་གྱི་དུས་སྟོན་དེ་རྒྱ་གར་གྱི་ RSS ཞེས་པའི་སྤྱི་ཚོགས་ཞབས་ཞུ་ཚོགས་པས་རྐང་འགན་བཞེས་ཐོག་རྒྱ་གར་གྱི་ཚོགས་པ་ ༤༠ ལྷག་ཟུང་སྦྲེལ་གྱིས་གོ་སྒྲིག་ཞུས་པ་ཞིག་ཡིན་འདུག་པ་དང་། ཚོགས་ཆུང་དེའི་ནང་སྤྱི་ཚོགས་དང་རིག་གཞུང་འདྲ་མིན་གྱི་སྒྲིག་འཛུགས་ཁག་ ༢༥ འདུག་པ་དང་། ཐེངས་འདིའི་དུས་སྟོན་གྱི་བརྗོད་གཞི་ནི་འཛམ་གླིང་ཞི་བདེ་དང་འཆམ་མཐུན་ཞེས་པ་དེ་ཡིན་འདུག མཛད་སྒོ་དེ་གོ་སྒྲིག་གནང་མཁན་ཁོངས་སུ་ཧི་མཱ་ལ་ཡ་པཱ་རི་ཝར་དང་འཕགས་བོད་མཛའ་འབྲེལ་ཚོགས་པ་སོགས་བོད་དོན་རྒྱབ་སྐྱོར་ཚོགས་པ་མང་དག་ཞིག་གིས་མཉམ་ཞུགས་གནང་ཡོད་པ་རེད། གཞན་ཡང་ལྡི་ལི་བསམ་ཡས་གླིང་གི་བེུད་ལྷན་ཚོགས་ཀྱིས་རྒྱ་གར་གྱི་དཔོན་རིགས་ཁག་ཅིག་ལ་རཀཤཱ་བྷན་དན་འམ་དམ་ཚིག་གི་མདུན་པ་དེ་བཅིངས་པ་མ་ཟད། དུས་སྟོན་དེའི་ཉིན་བོད་ཀྱི་ཐུན་མིན་རིག་གཞུང་མཚོན་པའི་རྐང་བྲོ་གླུ་སོགས་གཟིགས་འབུལ་ཞུས་ཡོད་པ་རེད།

བོད་ཀྱི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཕྱི་ཚེས་ ༡༧ ཉིན་གྱི་སྔ་ཐོག་ཚོུད་ ༡༡།༠༠ སྟེང་ལ་དྭགས་ཀྱི་རྒྱལ་ས་གླེར་རྟེན་གཞི་བྱས་པའི་ལ་དྭགས་ཆོས་མཛད་མའི་ཚོག ས་པའི་བཙུན་དགོན་ཐུབ་བསྟན་ཆོས་འཁོར་གླིང་དུ་ཆིབས་སྒྱུར་གྱིས་བཙུན་མ་རྣམས་ལ་བླང་དོར་བཀའ་སློབ་བཀྲིན་བསྩལ་ཡོད་པ་རེད། དེ་རིང་མགོན་པོ་མཆོག་བཙུན་དེར་ཆིབས་སྒྱུར་གསོལ་འདེབས་ཞུ་དགོས་དོན་ནི་ལ་དྭགས་ནང་གི་བཙུན་མའི་དཀའ་ངལ་ལ་གཟིགས་རྟོག་དང་དུས་བསྟུན་ཤེས་ཡོན་གྱི་གོ་སྐབས་སྐྲུན་གནང་མཁན་ལ་དྭགས་ཆོས་མཛད་མའི་ཚོགས་པ་དེས་ད་བར་༸གོང་ས་མཆོག་གི་བཀའ་དགོངས་ལྟར་སྤྱི་ཚོགས་ནང་ཞབས་ཏོག་ཇི་ཙམ་ཞུས་ཡོད་པ་དང་། ད་བར་ནང་པའི་གཞུང་དང་རིག་གནས་གཞན་གྱི་ཐོག་ལ་བཙུན་མ་བསླབ་པ་མཐར་སོན་ཇི་ཙམ་བྱུང་ཡོད་མེད་སོགས་ཀྱི་ལས་བསྡོམས་སྙན་གསེང་ཞུ་རྒྱུའི་སླད་ཡིན་འདུག སྐབས་དེར་ལ་དྭགས་ཆོས་མཛད་མའི་ཚོགས་པའི་སྤྱི་ཁྱབ་འགན་འཛིན་བཙུན་མ་བསྟན་འཛིན་དཔལ་མོ་ལགས་ཀྱིས་༸གོང་ས་མཆོག་དབུ་བཞུགས་གཙོས། དགའ་ལྡན་ཁྲི་རིན་པོ་ཆེ་མཆོག་དང་གཞན་ཡང་གཞུང་དང་གཞུང་འབྲེལ་མིན་པའི་སྐུ་མགྲོན་རྣམ་པར་དགའ་བསུའི་གསུང་བཤད་དང་ལས་བསྡོམས་སྤྱན་འབུལ་ཞུས་པའི་ནང་དགའ་ལྡན་ཁྲི་རིན་པོ་ཆེ་མཆོག་གིས་སྤྱི་ཁྱབ་སློབ་སྟོན་འོག་ཕྱི་ལོ་ ༡༩༩༦ ལོར་གསར་བཙུགས་གནང་པའི་ཚོགས་པ་དེས་ད་བར་གསོ་བ་རིག་པའི་ཐོག་བཙུན་མ་སློབ་མཐར་སོན་པ་ ༤  དང་། མཐོ་རིམ་རིག་གནས་སློབ་མཐར་སོན་པ་བཙུན་མ་ ༨ དང་། རྡ་ས་བཙུན་དགོན་འཇམ་དབྱངས་ཆོས་གླིང་ནས་ཕར་ཕྱིན་རབ་འབྱམས་པ་སློབ་མཐར་སོན་པ་བཙུན་མ་གཅིག་བཅས་བྱུང་ཡོད་པ་དེ་དག་གིས་ད་ཆ་བཙུན་དགོན་ཁག་དང་སྤྱི་ཚོགས་ནང་ལས་དོན་གཉེར་བཞིན་ཡོད་པ་མ་ཟད། ཁྱད་པར་དུ་ཆོས་མཛད་མ་ཚོགས་པ་དེ་ཐོག་མར་གསར་འཛུགས་སྐབས་བཙུན་དགོན་ ༨ ལས་མེད་ཀྱང་།  ད་ཆ་ས་དགེ་བཀའ་རྙིང་རིས་མེད་ཀྱི་བཙུན་དགོན་ ༢༦ ཡོད་པ་རེད་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་སྐབས་དེར་ཁྲི་རིན་པོ་མཆོག་གིས་གཟིགས་སྐྱོང་གནང་བཞིན་པའི་ཆོས་མཛད་མའི་ལས་དོན་སྤྱི་ལ་བསྔགས་བརྗོད་དང་སྦྲགས་༸གང་ཉིད་ཐུགས་དགྱེས་ཚོར་དང་བཅས་ཚང་མར་ཐུགས་རྗེ་ཆེ་ཞུས་པ་དང་། ལྷག་དོན་བཙུན་མ་རྣམས་ནས་ནང་པའི་གཞུང་དང་དེ་བཞིན་རིག་གནས་གཞན་གྱི་ཐོག་སློབ་གཉེར་གནང་ནས་ཕན་ཐོགས་ཆེན་པོ་བྱུང་ཡོད་པར་རྗེས་སུ་ཡི་རངས་ཡོད་ཅེས་བཀའ་གནང་སོང་། ད་དུང་ ༸གོང་ས་མཆོག་གིས་བར་ལམ་ཞིག་ནས་ལ་ལས་མཐོང་ཚུལ་ལ་ནང་པའི་གཞུང་ལ་སློབ་སྦྱོང་བྱེད་ཡག་དང་མཚན་ཉིད་སློབ་ཡག་དེ་ནི་དགེ་ལུགས་པའི་རེད་ཟེར་མཁན་དང་། དེ་བཞིན་ཡང་འགའ་ཞིག་གིས་མགོན་པོ་ཀླུ་སྒྲུབ་དགེ་ལུགས་པ་རེད་ཅེས་ཤོད་མཁན་ཡོད་པ་དེ་དག་ནི་མ་ཤེས་པ་དང་ལྐུག་རྟགས་བསྟན་པ་ཞིག་ཆགས་ཡོད་པ་བཀའ་གནང་སྟེ།  ས་དགེ་བཀའ་རྙིང་རིས་མེད་ཀྱི་བོད་བརྒྱུད་ནང་བསྟན་འདི་ནི་དཔལ་ནཱ་ལེནྜའི་ཆོས་བརྒྱུད་ལ་ཐུག་ཡོད་པ་རེད་ཅེས་བཀའ་སྩལ་ནན་པོ་གནང་ཡོད་པ་རེད། ཁྱད་པར་༸གོང་ས་མཆོག་གིས་སྐབས་དེར་རྙིང་དགོན་རྣམ་གྲོལ་གླིང་དགོན་གྱི་དགོན་བདག་པད་ནོར་རིན་པོ་ཆེ་མཆོག་གིས་དགོན་པར་མཚན་ཉིད་སློབ་རྒྱུའི་ཐད་ཐུགས་འཁུར་རྒྱ་ཆེ་བཞེས་ཡོད་པར་བསྔགས་བརྗོད་དང་འབྲེལ། བཙུན་མ་རྣམས་ནས་ནང་པའི་གཞུང་དང་མཚན་ཉིད་ལ་སློབ་གཉེར་གནང་སྐབས་སྤོམ་བཤད་ཙམ་མ་ཡིིན་པར་དགག་བཞག་སྤོང་གསུམ་གྱི་རྣམ་གཞག་ཡག་པོ་ཤེས་དགོས་གལ་ཡིན་པ་བཅས་ནང་པའི་གཞུང་ལུགས་དག་ལ་སློབ་གཉེར་གནང་ཕྱོགས་སྐོར་ལ་བཀའ་སློབ་གནང་སོང་། གཞན་ཡང་༸གོང་ས་མཆོག་གིས་རྒྱལ་ས་གླེ་ལ་ཡོད་པའི་ Islamia public school ཞེས་པའི་ཁ་ཆེའི་སློབ་གྲྭ་གཅིག་ཏུ་ཆིབས་སྒྱུར་བསྐྱངས་ཡོད་པ་དང་།  དེ་རྗེས་ཉིན་གུང་ཚོུད་ ༡།༠༠ ཐོག་ཁྲིག་རྩེ་ཉེ་འཁྲིས་ཆུ་ཤོད་གོང་མར་རྟེན་གཞི་བྱས་པའི་ཁ་ཆེའི་ལྷ་ཁང་ཞིག་ཏུའང་ཆིབས་སྒྱུར་བཀྲིན་བསྐྱངས་ཏེ་ཆོས་ལུགས་མཐུན་སྒྲིལ་གྱི་གལ་གནད་དང་ལ་དྭགས་ནང་གི་ཆོས་ལུགས་མཐུན་སྒྲིལ་གྱི་དཔེ་ལས་འཛམ་གླིང་མཐུན་སྒྲིལ་ཡོང་ཐུབ་རྒྱུ་ཡིན་པ་དང་། ལྷག་པར་མིའི་ལྷན་སྐྱེས་བྱམས་བརྩེ་ལྡན་པ་ཞིག་ཡིན་སྟབས་མི་རབས་གཞོན་པ་ཚོས་མ་འོངས་པར་འཛམ་གླིང་འདི་བྱམས་བརྩེ་ལྡན་པ་ཞིག་ཏུ་སྐྲུན་ཐུབ་རྒྱུའི་གོ་སྐབས་དང་རེ་བ་ཆ་ཚང་ཡོད་པ་སོགས་ལམ་སྟོན་རྒྱ་ཆེ་བསྩལ་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་རིགས་ལམ་སློབ་ཁྲིད་གནང་རྒྱུ་དེ་དགེ་ལུགས་པའི་རེད་ཟེར་བ་ནི་ལྐུག་རྟགས་རེད་ཅེས་བཀའ་སྩལ་འདུག གཅིག་ཕན་གཅིག་གྲོགས་ཀྱི་ཟབ་སྦྱོང་རྒྱུད་བེུད་ཚོར་རང་ཁ་རང་གསོའི་ལས་གཞི་སྤེལ་རྒྱུའི་ནུས་པ་གོང་འཕེལ་གཏོང་བཞིན་པ། བེུད་ལྷན་ཚོགས་ཀྱི་འགན་འཛིན་ལྷན་ཚོགས་ཐོག་འོས་བསྡུའི་སྒྲིག་གཞི་བསྐྱར་བཅོས་ཐད་གླེང་སློང་ཤུགས་ཆེ་གནང་འདུག ཧོང་ཀོང་ནང་གི་སློབ་གྲྭ་ཁག་ཏུ་རང་བཙན་སྐོར་གྲོས་བསྡུར་གནང་མི་ཆོག་པ་བཟོས་པར་སྐྱོན་བརྗོད། Wednesday 17/08/2016 Associating ‘Riglam’ with only Geluk School is sheer ignorance: Dalai Lama CTA’s Women desk forms women’s self-help group in Mundgod Doeguling Interview with TWA President on recently concluded working Committee meeting Hong Kong educators seek clarity over ban on advocating city’s independence