Monthly Archives: September, 2017

དེ་རིང་གྲོས་ཚོགས་ཚོགས་དུས་བཞི་པའི་ལས་ཉིན་དྲུག་པའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་མང་ཚོགས་རྩིས་ཁྲའི་ཚོགས་ཆུང་སྐབས་ ༨ པའི་ལས་བསྡོམས་དང་རྒྱབ་གཉེར་སྙན་ཐོ་འགོད་འབུལ་ཞུས་པའི་ཐོག་མཉམ་འབྲེལ་དང་བོད་ཕྲུག་ཁྱིམ་སྡེའི་ཁྱབ་ཁོངས་སློབ་གྲྭ་ཁག་ཅིག་ནས་རྩིས་སྙན་ལན་འདེབས་དང་དོགས་འདྲིའི་ལན་འདེབས་སོགས་ལ་ཐུགས་སྣང་ཆུང་བ་ཡོད་པར་མངོན་པ་སོགས་ཀྱི་རྒྱབ་གཉེར་ཁག་ཅིག་ཕུལ་གནང་སོང་། དེ་ཡང་དེ་རིང་གྲོས་ཚོགས་ཚོགས་དུས་བཞི་པའི་ལས་ཉིན་དྲུག་པའི་སྔ་དྲོ་ཐོག་སྐར་རྟགས་ཅན་གྱི་དྲི་བ་ཁག་ཅིག་ལ་བཀའ་ལན་དང་བགྲོ་གླེང་གནང་པ་དང་། དེ་རྗེས་ནང་སྲིད་ལས་ཁུངས་ཀྱི་ལོ་འཁོར་སྙན་ཐོ་ཐོག་བགྲོ་གླེང་གི་ལས་རིམ་མཇུག་བསྡུ་ཟིན་མཚམས་ཚོགས་ཐེངས་གཉིས་པ་དང་གསུམ་པ་གཉིས་ལ་སྤྱི་འཐུས་ལྷན་ཚོགས་ཀྱི་མང་ཚོགས་རྩིས་ཁྲའི་ཚོགས་ཆུང་སྐབས་ ༨ པའི་ལས་བསྡོམས་སྙན་ཐོ་ཚོགས་ཆུང་གི་ཚོགས་གཙོ་སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་ནས་འགོད་འབུལ་ཞུས་སོང་། མང་ཚོགས་རྩིས་ཁྲའི་ཚོགས་ཆུང་སྐབས་ ༨ པའི་ངོས་ནས་འདས་པའི་ཟླ་བ་དགུ་ཙམ་རིང་ལ་སྤྱི་ཁྱབ་རྩིས་ཞིབ་ལས་ཁང་ནས་རྩིས་ཞིབ་ཟིན་པའི་ལས་ཁུངས་སམ་སྡེ་ཚན་ཁག་ ༡༧༨ ཡོད་པ་ལས་མང་ཚོགས་རྩིས་ཁྲའི་ཚོགས་ཆུང་ལ་ལས་ཁུངས་སམ་སྡེ་ཚན་ ༡༧༢ ཀྱི་སྙན་ཐོ་འབྱོར་བ་བཞིན་དེ་དག་ཐོག་ཞིབ་འཇུག་གནང་པའི་ཁྲོད། དུས་ཚོད་རྒྱས་བཅད་ནང་རྩིས་སྙན་ཁག་ལ་ལན་འདེབས་འབྱོར་བ་གྲངས་ ༡༢༧ བྱུང་འདུག་པ་དང། ཚོགས་ཆུང་གི་ལས་ཡུན་རིང་རྩིས་སྙན་དང། རྩིས་སྙན་ལན་འདེབས། དོགས་འདྲིར་ལན་འདེབས། དེ་བཞིན་དུ་རྩིས་ཞིབ་དང་ནང་ཞིབ་བཅས་ཀྱི་མཚོན་པའི་འབྲེལ་ཡོད་ལྷན་ཁང་ཁག་གི་རྩིས་པ་སོགས་ཁྱོན་མི་གྲངས་ ༣༡ ཙམ་ལ་འདྲི་རྩད་གནང་འདུག ཚོགས་ཆུང་གི་ངོས་ནས་སྙན་ཐོའི་ནང་སྤྱི་ཡོངས་ཀྱི་གནས་སྟངས་ཆ་ནས་རྒྱབ་གཉེར་ཁག་ ༥ སྟོན་འདུག་པ་ལས་མཉམ་འབྲེལ་ཁག་དང་བོད་ཕྲུག་ཁྱིམ་སྡེའི་ཁྱབ་ཁོངས་སློབ་གྲྭ་ཁག་ཅིག་ནས་རྩིས་སྙན་ལན་འདེབས་དང་དོགས་འདྲིའི་ལན་འདེབས་སོགས་ལ་ཐུགས་སྣང་ཆུང་བ་དང་། ལྷག་པར་དུ་ཁོངས་སོ་སོའི་འགན་འཛིན་ལྷན་ཚོགས་ཐོག་རྩིས་ཀྱི་སྐྱོན་གནད་མང་དག་ཅིག་ལ་རྩིས་བསུབ་བཀའ་འཁྲོལ་བཏང་བ་དང། དོགས་འདྲིའི་ལས་འདེབས་སྐབས་ངག་ཐོག་དང་ལམ་སྲོལ་ཙམ་ལས་ཁུངས་ཕལ་ཆེར་ཞིབ་ཡུལ་གྱི་སྒྲིག་གཞི་ཚད་ལྡན་མེད་པ་སོགས་མ་འོངས་པར་རྩིས་ཞིབ་ཀྱི་ལས་དོན་ངལ་བ་འབྲས་མེད་དུ་འགྱུར་ཉན་ཡོད་པ་བཞིན་ཡིད་གཟབ་གནང་དགོས་པ་སོགས་རྒྱབ་གཉེར་ཁག་ཅིག་གསལ་བཏོན་གནང་སོང། འདི་ག་རླུང་འཕྲིན་ཁང་གིས་མང་ཚོགས་རྩིས་ཁྲའི་ཚོགས་ཆུང་སྐབས་ ༨ པའི་སྙན་ཐོ་འགོད་འབུལ་ཟིན་རྗེས་ཚོགས་ཆུང་གི་ཚོགས་གཙོ་སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་སུ་མང་ཚོགས་རྩིས་ཁྲ་ཚོགས་ཆུང་གི་ལས་དོན་གནང་ཕྱོགས་དང་ཐེངས་འདིའི་སྙན་ཐོའི་སྐོར་བཀའ་འདྲི་ཞུས་ཡོད། རྩ་བའི་སྤྱི་འཐུས་ལྷན་ཚོགས་སྐབས་ ༡༦ པའི་གྲོས་ཚོགས་ཚོགས་དུས་ ༢ གྲོས་ཆོད་ཡིག་ཆ་ཨང་ ༤༥ པ་ལྟར། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང། ལས་དོན་བྱེད་ཕྱོགས་ཀྱི་སྒྲིག་གཞི་དོན་ཚན་ ༡༢༠ དང་ ༡༢༡ དགོངས་དོན། སྤྱི་འཐུས་ཚོགས་གཙོ་སྦྲེལ་པོས་མང་ཚོགས་རྩིས་ཁྲའི་ཚོགས་ཆུང་སྐབས་ ༨ པའི་ཚོགས་མིར་བསྐོ་གཞག་གནང་སྲོལ་ཡོད་པ་ལྟར། སྔ་ལོའི་ཕྱི་ཟླ་ ༡༡ ནང་ཚོགས་གཙོ་སྦྲེལ་པོས་སྐབས་ ༨ པའི་མང་ཚོགས་རྩིས་ཁྲའི་ཚོགས་ཆུང་གི་ཚོགས་མིར་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་དང་། ཀླུ་ཚང་རྒྱ་རིགས་མཐར་ལགས། སྤྱི་འཐུས་སློབ་དཔོན་ཐུབ་བསྟན་རྒྱལ་ཚན་ལགས། སྤྱི་འཐུས་དཀོན་མཆོག་ཡར་འཕེལ་ལགས། སྤྱི་འཐུས་གེ་བ་ཚང་ངག་དབང་ཐར་པ་ལགས་བཅས་བསྐོ་གཞག་གནང་ཡོད་པ་རེད།  

དེ་རིང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་གྲོས་ཚོགས་ཀྱི་ལས་ཉིན་དྲུག་པའི་ཐོག་སྐར་རྟགས་ཅན་གྱི་དྲི་བ་ཁག་ཅིག་ལ་བཀའ་ལན་གནང་པའི་ཁྲོད། བཀའ་ཤག་གི་ངོས་ནས་ཕྱི་རྒྱལ་ཁག་ཏུ་བོད་མིའི་གཞིས་ཆགས་ཟུར་འཛུགས་དང་སློབ་གྲྭ་གསར་འཛུགས་གནང་རྒྱུའི་གནས་སྟངས་དེ་དཀའ་ལས་ཁག་པོ་ཆགས་ཡོད་པ་གསུངས་སོང་། དེ་ཡང་དེ་རིང་གྲོས་ཚོགས་ཚོགས་དུས་བཞི་པའི་ལས་ཉིན་དྲུག་པའི་སྔ་དྲོ་སྤྱི་འཐུས་མཁན་པོ་འཇམ་དཔལ་བསྟན་འཛིན་ལགས་ཀྱིས་བཀའ་ཤག་ནས་ཕྱི་རྒྱལ་ཡུལ་གྲུ་ཁག་ཏུ་གཞིས་ཆགས་ཟུར་འཛུགས་དང་སློབ་གྲྭ་གསར་འཛུགས་བྱེད་པའི་ཐབས་ནུས་ཡོད་པར་མཐོང་ངམ་ཞེས་དང་དེ་མིན་མིག་མཐོང་ལག་ཟིན་དུ་རང་མི་རིགས་འདི་མི་རིགས་གཞན་ནང་དུ་རྒྱ་མཚོར་ཁ་བ་བབ་པ་བཞིན་ཐིམ་དུ་འགྲོ་ངེས་པ་དེའི་ཐབས་ལམ་ཇི་འཚོལ་ཞེས་སྐར་རྟགས་ཅན་གྱི་དྲི་བ་གཉིས་ཕུལ་སོང་། སྐབས་དེར་སྲིད་སྐྱོང་མཆོག་གིས་དྲི་བའི་བཀའ་ལན་དུ་ད་ལྟའི་ཆར་ཕྱི་རྒྱལ་ཡུལ་གྲུ་ཁག་ཏུ་བོད་མིའི་ཆེད་གཞིས་ཆགས་དང་སློབ་གྲྭ་ཟུར་འཛུགས་བྱེད་ཐུབ་ཐབས་མ་མཐོང་ཞེས་དང་། ཕྱི་རྒྱལ་དུ་ཡོད་པའི་བོད་མི་རྣམས་མི་རིགས་གཞན་གྱི་ནང་སིམ་ཡལ་དུ་མི་འགྲོ་བའི་ཆེད་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་དུས་དང་རྣམ་པ་ཀུན་ཏུ་བོད་མི་ཚོར་བཀའ་སློབ་ལམ་སྟོན་ཕེབས་བཞིན་པའི་ཐོག་བོད་མིའི་སྒྲིག་འཛུགས་ཀྱིས་གོ་སྐབས་ནམ་བྱུང་ལ་ལམ་སྟོན་རིམ་པ་གནང་བཞིན་ཡོད་པ་མ་ཟད། ས་གནས་སོ་སོའི་བོད་རིགས་རྣམས་ནས་ཀྱང་སེམས་ཁུར་ཆེ་བཞེས་ཀྱིས་སྤྱི་ཁང་འཛུགས་སྐྲུན་དང་འབྲེལ་བོད་མིའི་ཐོུང་མ་ཡིན་པའི་ཆོས་དང་རིག་གཞུང་། སྐད་ཡིག་སོགས་མི་ཉམས་རྒྱུན་འཛིན་ཆེད་འབད་བརྩོན་ཞུ་མུས་ཡིན་པ་གསུངས་སོང་། གོང་གསལ་སྤྱི་འཐུས་ཀྱིས་བསྐྱར་དུ་སྲིད་སྐྱོང་མཆོག་ལ་སྲིད་སྐྱོང་གི་སྐབས་གཉིས་ཀྱི་ལས་ཡུན་རིང་ཕྱི་རྒྱལ་ཁག་ཏུ་བོད་པའི་སློབ་གྲྭ་ཟུར་འཛུགས་བྱ་རྒྱུ་ཐད་དགོངས་པ་བཞེས་ཡོད་མེད་དང་། དེ་འབྲེལ་ཐབས་ལམ་འཚོལ་ཞིབ་གནང་པ་རྣམས་ལམ་ལྷོང་མ་བྱུང་བ་ཞིག་ཡིན་མིན་བཅས་ཀྱི་དྲི་བ་ཕུལ་བར་སྲིད་སྐྱོང་མཆོག་གིས་ཕྱི་རྒྱལ་མང་ཚོགས་ཁྲོད་བོད་པའི་གཞིས་ཆགས་ཟུར་འཛུགས་དང་སློབ་གྲྭ་གསར་འཛུགས་གནང་རྒྱུའི་བཀའ་མོལ་ཞིག་བྱུང་ཡོད་ཀྱང་། དོན་དངོས་ཐོག་ཕྱི་རྒྱལ་ཁག་ཏུ་སློབ་གྲྭ་ གསར་འཛུགས་གནང་པར་སློབ་ཕྲུག་གདང་ངེས་དང་དགེ་རྒན་ཚད་ལྡན་དགོས་པ་བཅས་ཀྱི་གཞི་རྩའི་ཆ་རྐྱེན་ཁག་ཅིག་ངེས་པར་ཚང་དགོས་པའི་གནས་སྟངས་འོག་དེ་ལྟར་ཡོང་ཐབས་མེད་སྐོར་གསུངས་པ་དང་། ལྷག་དོན་གཞིས་ཆགས་ཟུར་འཛུགས་བྱ་རྒྱུའི་ལས་འཆར་ལྟ་བུ་ལ་ཆ་མཚོན་ན་གནས་ཡུལ་དེའི་ཁྲིམས་སྒྲིག་དང་། ས་གནས་བོད་མིའི་ངོས་ནས་འདོད་མོས་ཡོད་མེད་སོགས་ཀྱི་གནས་སྟངས་དུ་མའི་ཆ་ནས་ལག་བསྟར་ཞུ་རྒྱུ་དཀའ་བ་ཆགས་ཡོད་པ་ལུང་འདྲེན་གྱིས་ད་ཆ་ས་གནས་ཁག་གཅིག་གི་ནང་སྤྱི་ཁང་གསར་རྒྱག་ཞུས་པའི་ཉེ་འཁོར་དུ་བོད་མི་གནས་སྡོད་བྱེད་མཁན་མང་དུ་འགྲོ་མུས་ཡིན་པ་གསུངས་སོང་། ད་དུང་སློབ་གྲྭ་གསར་འཛུགས་དང་འབྲེལ་ཏེ་སྤྱི་འཐུས་ཤིག་གིས་འཕྲོས་དོན་དྲི་བའི་ཚུལ་དུ་ཕྱི་རྒྱལ་ཁག་ལ་བོད་མིའི་གཞིས་ཆགས་དང་སློབ་གྲྭ་དགོས་པའི་དངོས་ཡོད་གནས་སྟངས་ཤིག་ཆགས་ཡོད་ཀྱང་། ཕྱི་རྒྱལ་དུ་ཡོད་པའི་ཕ་མ་གཉིས་ཀ་བོད་པ་ཡིན་ནའང་བུ་ཕྲུག་བོད་སྐད་མ་རྒྱབ་པའི་དཀའ་ངལ་ཆེན་པོ་འཕྲད་བཞིན་ཡོད་སྟབས། གཞིས་ཆགས་ལས་བོད་མིའི་སློབ་གྲྭ་ཟུར་འཛུགས་ཞུ་གལ་ཆེ་བ་ཆགས་ཡོད་སྐོར་གསུངས་པ་དང་འབྲེལ། སློབ་གྲྭ་གསར་འཛུགས་ཞུ་མི་ཐུབ་པའི་རྒྱུ་མཚན་གང་ཡིན་དང་། སྒྲིག་འཛུགས་ཀྱི་ངོས་ནས་གཟའ་མཇུག་སློབ་གྲྭའི་དགེ་རྒན་ཚོར་དམིགས་བསལ་མཐུན་འགྱུར་སྦྱར་རྒྱུའི་དགོས་པ་ཡོད་མེད་བཅས་ཀྱི་དྲི་བ་ཕུལ་བར་སྲིད་སྐྱོང་མཆོག་ནས་ཕྱི་རྒྱལ་ཁག་ཏུ་ཡོད་པའི་བོད་ཕྲུག་ཚོའི་ཆེད་དུ་བོད་པའི་སློབ་གྲྭ་ལོགས་སུ་བཙུགས་པ་ལ་བོད་ཡིག་ཙམ་མིན་པར་རྒྱལ་ཁབ་དེའི་ཤེས་ཡོན་གྱི་གནས་ཚད་དང་མཐུན་པའི་སློབ་སྦྱོང་འདྲ་མཉམ་ཞིག་སྤྲོད་དགོས་པ་དང་། དེ་ལ་དཔག་པའི་སློབ་ཡོན་མཐོ་པོ་ཞིག་བཞག་དགོས་པས་བོད་མིའི་མི་འབོར་དང་དཔལ་འབྱོར་གནས་བབས་བཅས་ལ་གཞིགས་ན་བོད་པའི་སློབ་གྲྭ་གསར་འཛུགས་ཞུ་ཐབས་མེད་སྐོར་གསལ་བཤད་གནང་ཡོད། དེ་བཞིན་སྐབས་དེར་སྤྱི་འཐུས་གཞན་ཞིག་གིས་བཀའ་ཤག་གི་ངོས་ནས་ཕྱི་རྒྱལ་ཡུལ་གྲུ་ཁག་གི་གཟའ་མཇུག་སློབ་གྲྭའི་དགེ་རྒན་ཚོ་ལོ་གསུམ་རེ་མཚམས་སུ་འཁྱུར་བསྟུན་ལེགས་གསོལ་དུ་ཕྱག་འཁྱེར་ཞིག་ཕུལ་སྲོལ་ཡོད་པ་བཞིན་དེ་འདྲའི་ཕྱག་འཁྱེར་ཞིག་བོད་རིགས་ཚོགས་པའི་ཚོགས་གཙོ་ ༡༤ དང་རྒྱུན་ལས་རྣམས་ལ་འབུལ་རྒྱུ་གསར་གཏོད་གནང་སྐྱོང་ཡོང་བའི་འབོད་སྐུལ་ཞུ་དོན་ལྟར་སྲིད་སྐྱོང་མཆོག་གིས་ཁོང་རྣམ་པར་དགའ་སྤོབས་ཐོག་ནས་ཕྱག་འཁྱེར་དེ་ལྟར་གནང་རྒྱུ་ཡིན་པ་བཀའ་སོགས་གནང་སོང་། གཞི་རྩའི་དེ་རིང་གྲོས་ཚོགས་ཀྱི་ལས་ཉིན་དྲུག་པའི་སྔ་དྲོའི་ཚོགས་ཐུན་སྐབས་གྲོས་ཚོགས་ཀྱི་འཐུས་མི་རྣམ་པས་སྐྱེས་ལྡན་སོ་ནམ་གྱི་ལས་གཞི་དང་རྒྱ་གར་གྱི་མི་སེར་བཟོ་རྒྱུའི་གནད་དོན་སྐོར། དེ་བཞིན་གསར་འགྱུར་སྤྱི་མཐུན་ཚོགས་པ་དང་བོད་མི་གསར་འབྱོར་སྡོད་ཁང་། གཞན་ཡང་བལ་ཡུལ་ཚེ་རིང་རྒན་གསོ་ཁང་དང་བོད་ཀྱི་བེུད་ཀྱི་ཉིན་མོ་སོགས་གནད་དོན་མང་དག་ཅིག་གི་སྐོར་ལ་གླེང་སློང་ཤུགས་ཆེ་བྱུང་སོང་།

https://www.youtube.com/embed/WSg_7xcZVJQ

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཟླ་བ་འདིའི་ཚེས་ ༢༢ ནས་བྱང་ཡོ་རོབ་ནང་ཆགས་པའི་ Baltic རྒྱལ་ཁབ་ Latvia འི་རྒྱལ་ས་ Riga ནང་དུ་ཆོས་འབྲེལ་གྱི་མཛད་འཕྲིན་ཁག་ཅིག་སྐྱོང་མུས་ཡིན་པ་དང་བསྟུན། ཁ་སང་སྔ་ཐོག་མགོན་པོ་༸གང་ཉིད་མཆོག་གིས་དབྱིན་ཡུལ་བོད་ཀྱི་སྐུ་ཚབ་དོན་གཅོད་ནས་གོ་སྒྲིག་ཞུ་དོན་ལྟར་ཁུལ་དེར་ཆེད་བཅར་ཞུས་པའི་ Baltic རྒྱལ་ཁབ་ Latvia དང་། Estonia དེ་བཞིན་ Lithuania བཅས་ཀྱི་གྲོས་ཚོགས་འཐུས་མི་ ༡༦ ཙམ་དང་མཇལ་མོལ་མཛད་འདུག སྐབས་དེར་ལ་ཊི་ཝི་ཡའི་གྲོས་ཚོགས་འཐུས་མི་དང་བོད་དོན་རྒྱབ་སྐྱོར་བ་སྐུ་ཞབས་ Andris Buikis ལགས་ནས་ Baltic རྒྱལ་ཁབ་དེ་དག་ཀྱང་འདས་པའི་ལོ་རྒྱུས་ནང་རྒྱལ་ཁབ་གཞན་གིས་དབང་འོག་ཏུ་ ལོ་ངོ་ ༥༠ ལྷག་བསྡད་པའི་ཉམས་མྱོང་ཡོད་སྐོར་འགྲེལ་བརྗོད་དང་སྦྲགས། ད་ལྟའི་བོད་ཀྱི་གནས་སྟངས་ཐད་ལ་ Baltic States འི་རྒྱལ་ཁབ་དང་མི་མང་གི་ངོས་ནས་སེམས་འཚབ་དང་གདུང་སེམས་མཉམ་བསྐྱེད་ཡོད་ཅེས་གསུངས་པ་དང་། མགོན་པོ་༸གང་ཉིད་མཆོག་ལ་འཚམས་འདྲི་ཞུས་འདུག ༸གོང་ས་མཆོག་ནས་མགོན་པོ་༸གང་ཉིད་མཆོག་ཕྱི་ལོ་ ༡༩༥༩ ལོར་བཙན་བྱོལ་དུ་འབྱོར་རྗེས་བོད་ཀྱི་རང་དབང་བསྐྱར་གསོའི་སླད་མཉམ་འབྲེལ་རྒྱལ་ཚོགས་ལ་ཞུ་གཏུགས་དང་། ཕྱི་ལོ་ ༡༩༧༤ ལོར་རང་བཙན་མ་ཡིན་པར་གྲོས་མོལ་གྱི་ལམ་ནས་བོད་རྒྱའི་དཀའ་རྙོག་སེལ་ཐབས་འགོ་བཙུགས་ཡོད་པ་མ་ཟད། དེ་རྗེས་ཕྱི་ལོ་ ༡༩༧༩ ལོ་ནས་ཕྱོགས་གཉིས་དབར་ལ་འབྲེལ་མོལ་རིམ་པ་བྱུང་ཡོད་ཀྱང་། རྒྱ་ནག་གཞུང་གིས་ཐབས་ལམ་དེ་དག་བོད་མིའི་སྙིང་སྟོབས་མེད་པ་བཟོ་རྒྱུ་སོགས་ལ་བེད་སྤྱོད་བཏང་ཡོད་སྟབས། ཕྱི་ལོ་ ༢༠༡༠ ལོ་ནས་ཕྱོགས་གཉིས་དབར་གྱི་འབྲེལ་མོལ་དེ་ཡང་མཚམས་ཆད་ཡོད་པ་སོགས་བཀའ་བསྩལ་མཛད་པ་དང་ཆབས་ཅིག དེ་སྔ་བྷལ་ཊིག་རྒྱལ་ཁབ་དེ་དག་ཀྱང་རིམ་པས་ཨུ་རུ་སུ་ཁ་ཐོར་བྱུང་བའི་རྗེས་རང་དབང་ཅན་གྱི་རྒྱལ་ཁབ་ཞིག་ཆགས་ཡོད་པ་ལྟར། རྒྱ་གཞུང་གིས་དྲག་པོའི་ཐབས་བྱུས་འོག་བོད་མིའི་རྙིང་སྟོབས་ལ་དོ་ཕོག་གཏོང་ཐབས་བྱས་ཀྱང་དེ་ལྟར་ཡོང་ཐབས་བྲལ་བ་རེད་ཅེས་བཀའ་ནན་བསྩལ་འདུག ལྷག་པར་དུ་མགོན་པོ་༸གང་ཉིད་མཆོག་ནས་གྲོས་ཚོགས་འཐུས་མི་རྣམས་ནས་ད་བར་བོད་དོན་ཐོག་རྒྱབ་སྐྱོར་གནང་པར་ཐུགས་རྗེ་ཆེ་ཞུ་དང་སྦྲགས། གྲོས་ཚོགས་འཐུས་མི་རྣམས་ནས་མུ་མཐུད་གོ་སྐབས་ནམ་བྱུང་ལ་རྒྱ་ནག་གཞུང་ལ་བོད་ཀྱི་གནད་དོན་སྐོར ་འདྲི་རྩད་གནང་རྒྱུ་དང་། རྒྱ་གཞུང་གི་འགྲེལ་བརྗོད་བྱས་པ་ཁོ་ནར་ཡིད་ཆེས་མ་གནང་པར་བོད་ནང་བསྐྱོད་ནས་བོད་ཀྱི་སྐད་ཡིག་དང་རིག་གཞུང་གི་གནས་བབས། བོད་ཀྱི་ཁོར་ཡུག་གནས་སྟངས་སོགས་ཀྱི་ཐོག་དཔྱད་ཞིབ་གནང་དགོས་པའི་འབོད་སྐུལ་ལམ་སྟོན་མཛད་འདུག དེ་བཞིན་༸གོང་ས་མཆོག་གིས་བོད་དོན་རྒྱབ་སྐྱོར་བའི་གྲོས་ཚོགས་འཐུས་མི་ཙམ་མ་ཟད། ཆེད་དུ་བཅར་བའི་བོད་དོན་རྒྱབ་སྐྱོར་བ་ ༤༠ དང་མཇལ་འཕྲད་མཛད་དེ་བོད་མི་རྣམས་ནས་རྒྱ་ནག་དང་ཁ་བྲལ་མ་ཡིན་པར་རང་ཉིད་ཀྱི་ཐུན་མོང་མ་ཡིན་པའི་རིག་གཞུང་ཁག་སྲུང་སྐྱོབ་ཐུབ་ཐབས་བྱེད་བཞིན་ཡོད་ཀྱང་། རྒྱ་གཞུང་ནས་མུ་མཐུད་བོད་མི་རྣམས་ཁ་བྲལ་བ་རེད་ཅེས་འགྲེལ་བརྗོད་བྱེད་བཞིན་ཡོད་སྐོར་བཀའ་སྩལ་དང་འབྲེལ། བོད་ཀྱི་ཐུན་མོང་མ་ཡིན་པའི་རིག་གཞུང་དེ་དག་མ་འོངས་པར་རྒྱ་ནག་མི་མང་ལ་ཡང་ཕན་ཐོགས་ཡོད་པ་ཞིག་རེད་ཅེས་བཀའ་ནན་བསྩལ་ཡོད་པ་རེད། གཞི་རྩའི་ཁ་སང་༸གོང་ས་༸སྐྱབས་མགོན་ཆེན་པོ་མཆོག་ནས་ Baltic རྒྱལ་ཁབ་ཀྱི་གྲོས་ཚོགས་འཐུས་མི་རྣམས་དང་མཇལ་མོལ་གྲུབ་མཚམས་སུ་ཁུལ་དེའི་ Skonto ཚོགས་ཁང་ཆེན་མོའི་ནང་དབུ་འཛུགས་གནང་པའི་སློབ་དཔོན་ཀ་མ་ལ་ཤཱི་ལས་མཛད་པའི་སྒོམ་རིམ་བར་པ་དང་། ༸རྗེ་ཙོང་ཁ་པ་ཆེན་པོས་མཛད་པའི་ལམ་རིམ་བསྡུས་དོན་གྱི་བཀའ་ཆོས་འཕྲོ་སྐྱོང་མཛད་ཡོད་པ་རེད། དེ་རིང་སྔ་ཐོག་༸གོང་ས་མཆོག་ནས་ཁུལ་དེའི་ནང་གི་མཛད་འཕྲིན་མཐའ་མ་དང་འབྲེལ་ས་གནས་ཀྱི་དད་ལྡན་མང་ཚོགས་རྣམས་ལ་བཀའ་ཆོས་བཀའ་དྲིན་བསྩལ་ཡོད་པ་དང་། སྐབས་དེར་མགོན་པོ་༸གང་ཉིད་མཆོག་ནས་དེ་སྔ་ང་ཚོས་སངས་རྒྱས་ཀྱི་བསྟན་པ་ལ་ནང་གསེས་དབྱེ་བ་ཕྱེ་ཡོད་པ་དེ་དག་མི་དགོས་པ་ཞིག་ཆགས་ཡོད་པ་བཀའ་བསྩལ་ཡོད། ༸གོང་ས་མཆོག་ནས་མིའི་རྣམ་དཔྱོད་དེ་དག་ཆགས་སྡང་གི་གཞན་དབང་དུ་མ་སོང་བར་རང་གཞན་གཉིས་ཀར་ཕན་པའི་ལས་དོན་ཐོག་འབད་བརྩོན་གནང་དགོས་པའི་ལམ་སྟོན་མཛད་ཡོད། གཞན་ཡང་དེ་རིང་ཉིན་རྒྱབ་ཏུ་ཚོགས་ཁང་དེའི་ནང་ཚོགས་གཏན་འཁེལ་བའི་ཨ་རུ་སུའི་ཤེས་ལྡན་མི་སྣ་དང་གཞས་པ་ཁག་ཅིག་དབར་གྱི་བགྲོ་གླེང་ལྷན་འཛོམས་ཐོག་དབུ་བཞུགས་མཛད་ཀྱི་ཡོད་པ་མ་ཟད། ས་གནས་ཀྱི་མང་ཚོགས་རྣམས་ལ་ས་མཚམས་ལས་འདས་པའི་མཐུན་སྒྲིལ་ཞེས་པའི་བརྗོད་གཞིའི་ཐོག་ལ་བཀའ་སློབ་བཀའ་དྲིན་བསྩལ་གྱི་ཡོད་པ་དང་། སང་ཉིན་སྔ་ཐོག་མགོན་པོ་༸གང་ཉིད་མཆོག་ཡོ་རོབ་ཁུལ་གྱི་མཛད་འཕྲིན་ཁག་ལེགས་པར་གྲུབ་ནས་རྒྱལ་ས་རི་གྷ་ནས་མཁའ་ལམ་བརྒྱུད་རྒྱ་གར་ཕྱོགས་སུ་ཆིབས་ཐོན་མཛད་ཀྱི་ཡོད་པ་རེད།

ཉན་པ།: Listen ཕབ་ལེན། Download སྤྱི་འཐུས་ཀྱི་འཚམས་གཟིགས་ལས་འཕྲོས་ནས་མང་ཚོགས་ཀྱི་བདེ་དོན་དང་ཐེངས་འདིའི་གྲོས་ཚོགས་སྐོར་གླེང་མོལ། Sunday 24/09/2017 Public welfare Issues and Tibetan Parliament

ཉན་པ།: Listen ཕབ་ལེན། Download ༸གོང་ས་མཆོག་གིས་Riga ནང་ཉིན་གཉིས་ཀྱི་ཆོས་འབྲེལ་དབུ་འཛུགས་མཛད་པ། ༸གོང་ས་མཆོག་གིས་ Mexico ས་ཡོམ་ཐད་ཐུགས་གསོ་བསྩལ་འདུག སྲིད་སྐྱོང་མཆོག་གིས་བོད་ཀྱི་ཡུལ་མི་དང་བོད་མི་སྐྱབས་བཅོལ་དབར་དབྱེ་བ་ཕྱེ་དགོས་པ་གསུངས་སོང་། SBS རླུང་འཕྲིན་ལས་རིམ་ནང་བོད་སྐད་ལེ་ཚན་འགོ་འཛུགས་གནང་རྒྱུ་རེད་འདུག ལྡི་ལིར་དཔྱ་ཁྲལ་དང་རྩིས་ཁྲ་སོགས་ཀྱི་སྡེ་ཚན་ཞིག་གསར་འཛུགས། བལ་ཡུལ་གཞུང་ནས་རི་བོ་ཇོ་མོ་གླང་མའི་མཐོ་ཚད་གཞལ་རྒྱུ། Saturday 23/09/2017 Dalai Lama begins teaching in Riga, calls for religious harmony Dalai Lama expresses sympathy for victims of Mexican earthquake Sikyong responds to questions on Indian Citizenship and Women’s Day issue Top Australian radio to launch Tibetan language program Former Home Kalon inaugurates TCCR TCC inaugurates taxation/accounting help desk, announces Shopping Complex Nepal to measure Mt Everest to settle debate over tallest peak's height

དེ་རིང་གྲོས་ཚོགས་ཀྱི་ལས་ཉིན་ལྔ་པའི་ཐོག་སྲིད་སྐྱོང་བློ་བཟང་སེང་གེ་མཆོག་གིས་བོད་མི་ཚོས་རྒྱ་གར་མི་སེར་བཞེས་པའི་གནད་དོན་སྐོར་གསལ་བཤད་གནང་སྐབས། བོད་ཀྱི་ཡུལ་མི་དང་སྐྱབས་བཅོལ་བ་གཉིས་དབྱེ་བ་གསལ་པོ་ཕྱེ་དགོས་པ་དང། རྒྱ་གར་གྱི་མི་སེར་བཞེས་ན་སྐྱབས་བཅོལ་བའི་ཐོབ་ཐང་ལེན་ཆོག་གི་མེད་སྟབས། ང་ཚོའི་ངོས་ནས་རྒྱ་གར་གཞུང་གི་བཀོད་ཁྱབ་འདིར་བརྩི་བཀུར་ཞུ་དགོས་ཀྱི་རེད་ཅེས་གསུང་སོང། དེ་ཡང་འདས་པའི་ཉིན་གྲངས་གསུམ་གྱི་གྲོས་ཚོགས་ཚོགས་དུས་རིམ་པའི་ནང་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ལས་བསྡོམས་ཐོག་སྤྱི་ཡོངས་བགྲོ་གླེང་སྐོར་ལས་འཕྲོས་སྟེ་སྤྱི་འཐུས་མང་དག་ཞིག་ནས་བཀའ་ཤག་ལ་བོད་མི་ཚོས་རྒྱ་གར་མི་སེར་བཞེས་པ་དེས་བོད་ཀྱི་རྩ་དོན་ལ་དོ་ཕོག་ཇི་འདྲ་གཏོང་མིན་ཐད་ལ་འདྲི་རྩད་ནན་པོ་གནང་ཡོད་པ་རེད། དེ་རིང་སྲིད་སྐྱོང་མཆོག་ནས་གནད་དོན་དེའི་ཐད་ལན་འདེབས་གནང་སྐབས་རྒྱ་གར་གཞུང་གིས་ཡུལ་དེའི་མི་སེར་བཞེས་མཁན་ཚོས་སྐྱབས་བཅོལ་བའི་ཐོབ་ཐང་ལེན་ཆོག་གི་མེད་པ་བཟོས་ཡོད་པ་བཞིན།ང་ཚོའི་ངོས་ནས་ས་གནས་ཀྱི་ཡུལ་ཁྲིམས་འཁུར་ནས་རྒྱ་གར་གཞུང་གི་བཀོད་ཁྱབ་ལ་གུས་བཀུར་ཞུ་དགོས་ཀྱི་ཡོད་པ་དང། བོད་མིའི་གཞིས་ཆགས་ཁག་གི་ས་ཆ་དེ་དག་རྒྱ་གར་དབུས་གཞུང་གིས་སྐྱབས་བཅོལ་བར་གནང་པ་ཞིག་ཡིན་སྟབས། གནད་དོན་དེའི་ཐོག་དོ་དག་སོ་སོས་སྔོན་ཚུད་ནས་དགོངས་པ་བཞེས་དགོས་ཀྱི་རེད་ཅེས་ནན་བརྗིད་གནང་ཡོད། སྲིད་སྐྱོང་མཆོག་གིས་ད་དུང་སྐྱབས་བཅོལ་བའི་རོགས་དངུལ་ཁག་རྒྱ་གར་གྱི་མི་སེར་ཡོད་མཁན་ཞིག་ལ་ཕུལ་ན་ཁྲིམས་དང་བཟང་སྤྱོད་གཉིས་ཀྱི་ཐོག་ནས་འགལ་གྱི་ཡོད་པ་དེ་ལྟར་ཡང་། མི་སེར་ཞུ་དང་མ་ཞུ་བཅའ་ཁྲིམས་ཀྱི་ཐོབ་ཐང་ཡིན་པས་སྐྱབས་བཅོལ་བའི་སྒྲིག་འཛུགས་ཞིག་གི་ངོས་ནས་མི་སེར་བྱེད་ཅེས་ཞུ་ཐུབ་ཀྱི་མ་རེད། དེ་བཞིན་མི་སེར་མ་བྱེད་ཅེས་ཞུ་ཆོག་གི་མ་རེད་ཅེས་གསལ་བཤད་གནང་པ་དང་ཆབས་ཅིག རྒྱ་གར་གྱི་མི་སེར་ཐོབ་ཐང་ལེན་མཁན་མང་དུ་ཕྱིན་ན་བོད་མིའི་སྒྲིག་འཛུགས་ནས་རིམ་པས་མང་ཚོགས་ཁྲོད་ལམ་སྟོན་ཁ་གསལ་རུ་གནང་དགོས་པ་ཞིག་ཆགས་རྒྱུ་ཡིན་སྐོར་གསུངས་སོང་། རྩ་བའི་འདས་པའི་ལོ་ཤས་ནས་བཟུང་སྟེ་རྒྱ་གར་ནང་གི་སྐྱབས་བཅོལ་བོད་མི་ཁག་ཅིག་གིས་རྒྱ་གར་གཞུང་གི་ཁྲིམ་ནང་གསལ་བའི་ཆ་རྐྱེན་ཁག་གི་གཞིར་བཟུང་ཁྲིམས་ཁང་བརྒྱུད་རང་ཉིད་རྒྱལ་ཁབ་དེའི་མི་སེར་ཡིན་པ་ར་སྤྲོད་དང་སྦྲགས་ཏེ། རྒྱལ་ཁབ་དེའི་ཕྱིར་སྐྱོད་ལག་འཁྱེར་རྩོད་བཞིན་ཡོད་པ་ལྟར། རྒྱ་གར་ཕྱི་སྲིད་ལས་ཁུངས་ཀྱི་ངོས་ནས་ཉེ་བའི་ཆར་ས་གནས་ཕྱིར་སྐྱོད་ལག་འཁྱེར་ལས་ཁུངས་ཡོངས་ལ་ཕྱི་ལོ་ ༡༩༥༠ ནས་ ༡༩༨༧ བར་གྱི་དུས་བཀག་ཁྲོད་རྒྱ་གར་ནང་སྐྱེས་པའི་བོད་མི་རྣམས་ལ་ཡུལ་དེའི་ཕྱིར་སྐྱོད་ལག་འཁྱེར་སྤྲོད་དགོས་པའི་བཀོད་ཁྱབ་བཏང་ཡོད་ཀྱང་། ཁོང་རྣམས་ལ་རྒྱ་གར་གྱི་ཕྱིར་སྐྱོད་ལག་འཁྱེར་བཟོ་ཆེད་རྒྱ་གར་ཕྱི་སྲིད་ལས་ཁུངས་ནས་གཏན་འབེབས་གནང་པའི་དོན་ཚན་བཞི་ཅན་གྱི་ཆ་རྐྱེན་ཁག་ལེགས་གྲུབ་དགོས་པའི་ཡིག་ལན་གནང་པའི་ནང་གསལ་ལྟར་ན། བོད་མི་དེ་དག་ནས་སྐྱབས་བཅོལ་བོད་མིའི་གཞིས་ཆགས་ཐོབ་ཁུངས་ཁག་ཏུ་བཞུགས་མི་ཆོག་པ་དང་བོད་མིའི་སྒྲིག་འཛུགས་ནས་མཐུན་རྐྱེན་གནང་ཁག་ལོངས་སུ་སྤྱོད་མི་ཆོག་པ་སོགས་ཆེད་བཏོན་གནང་ཡོད་པ་རེད། དེ་རིང་གི་གྲོས་ཚོགས་ཐོག་གཞན་ཡང་སྲིད་སྐྱོང་མཆོག་ནས་སྤྱི་འཐུས་མང་ཆེ་བ་དང་དེའི་ནང་ནས་བེུད་ཚོས་ཕྱི་ཟླ་ ༣ ཚེས་ ༡༢ ཉིན་མོ་དེ་གཞུང་འབྲེལ་གྱི་བེུད་ཀྱི་ཉིན་མོར་སྲུང་བརྩི་ཞུ་བཞིན་པའི་གནད་དོན་ཐོག་འགྲིག་མིན་དང་དེའི་ཚབ་ཏུ་བེུད་སྒེར་ལངས་ཀྱི་ཉིན་མོ་ཞེས་གཞུང་འབྲེལ་སྲུང་བརྩི་ཞུ་དགོས་པ་སོགས་ཀྱི་འབོད་སྐུལ་ཞུ་མཁན་རྣམས་ལ་གསལ་བཤད་གནང་པར་བཀའ་ཤག་གི་ངོས་ནས་བེུད་ནུས་སྟོབས་དང་བེུད་སྒེར་ལངས་ལ་ཕན་ན་བསམ་པའི་ཐོག་ནས་ཉིན་མོ་དེ་བཟོས་པ་ཞིག་ཡིན་པ་དང་བོད་ཀྱི་བེུད་སྒེར་ལངས་ཉིན་མོ་དེ་གཞུང་འབྲེལ་གྱི་ཉིན་མོ་ཞིག་ཡོང་ཐབས་མེད་པ་བཀའ་ཤག་རིམ་པའི་ལངས་ཕྱོགས་ཡིན་པ་མ་ཟད། སྒེར་ལངས་གནང་པར་བརྟེན་ནས་གཞུང་འབྲེལ་གྱི་ཉིན་མོར་ངོས་འཛིན་གནང་དགོས་ན་ཚོགས་པ་གཞན་ཡང་དེ་མཚུངས་ཀྱི་ཁྱད་ཉིན་ཡོད་པ་རེད་ཅེས་གསལ་བཤད་གནང་ཡོད། གཞན་ཡང་དེ་རིང་གི་གྲོས་ཚོགས་སུ་སྲོལ་རྒྱུན་སོ་ནམ་ཡར་རྒྱས་ཀྱི་ལས་དོན་དང་སྤྱི་མཐུན་མཉམ་འབྲེལ་གྱི་སྐོར། དེ་བཞིན་སྐྱེས་ལྡན་སོ་ནམ་ཞིང་ལས་དང་ཉམ་ཐག་ནང་མ་ཚུད་པ་རྣམས་ཀྱི་ཆེད་ཛ་དྲག་མ་དངུལ་ཟུར་འཇོག་གནང་དགོས་པ་སོགས་ཀྱི་གནད་དོན་ཁག་ཅིག་གི་ཐོག་བགྲོ་གླེང་གནང་སོང་བ་དང་ཉིན་རྒྱབ་ཏུ་གྲོས་ཚོགས་བར་མཚམས་བཞག་ནས་སྤྱི་འཐུས་རྣམས་བཞུགས་མོལ་གནང་ཡོད་པ་རེད།

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་བྱང་ཡོ་རོབ་ནང་ལ་ཆགས་པའི་ Baltic རྒྱལ་ཁབ་ལ་ཊི་ཝི་ཡའི་རྒྱལ་ས་རི་གྷ་ནང་གི་ Skonto ཚོགས་ཁང་ཆེན་མོའི་ནང་ཨུ་རུ་སུ་གཙོ་འགྱུར་མང་ཚོགས་སྟོང་ཁྲག་ལྷག་ལ་སློབ་དཔོན་ཀ་མ་ལ་ཤི་ལས་མཛད་པའི་སྒོམ་རིམ་བར་པ་དང་། ༸རྗེ་ཙོང་ཁ་པ་ཆེན་པོས་མཛད་པའི་ལམ་རིམ་བསྡུས་དོན་གྱི་བཀའ་ཆོས་དབུ་འཛུགས་མཛད་སོང། ༸གོང་ས་༸སྐྱབས་མགོན་ཆེན་པོ་མཆོག་གིས་སྐབས་དེར་གསུང་ཆོས་ཀྱི་ཐོག་མར་ཆེད་དུ་བྱ་བའི་འདུལ་ཆ་གཙོ་བོ་ཨུ་རུ་སུ་ནས་ཕེབས་པའི་ཆོས་ཞུ་བ་རྣམས་ཡིན་པའི་བཀའ་འགྲེལ་དང་འབྲེལ། ཨུ་རུ་སུའི་ཁྱབ་ཁོངས་བོད་བརྒྱུད་ནང་བསྟན་གཅིག་འགྱུར་ཉམས་ལེན་གནང་མཁན་ Kalmykia དང་། Tuva དེ་བཞིན་ Buriyat བཅས་ཀྱི་སྤྱི་མཐུན་རྒྱལ་ཁབ་དང་བོད་གཉིས་དབར་ལོ་ངོ་སྟོང་ཕྲག་མང་པོ་རིང་གི་ལོ་རྒྱུས་ཡོད་སྐོར་བཀའ་བསྩལ་སོང། མགོན་པོ་༸གང་ཉིད་ནས་སྐབས་དེར་ཐེངས་འདིའི་ཆོས་འབྲེལ་ཐོག་བཅར་བའི་ནུབ་ཕྱོགས་པའི་རྒྱལ་ཁབ་ཁག་གི་ཆོས་ཞུ་བ་རྣམས་ལ་རང་ཉིད་ཀྱི་ཕ་མེས་ཀྱི་ཆོས་བརྒྱུད་ལ་ཐོས་བསམ་སྒོམ་གསུམ་བྱེད་ན་ཡག་པ་དང་བརྟན་པ་ཡོད་སྐོར་བཀའ་གནང་པ་དང་འབྲེལ། ༸གོང་ས་མཆོག་གིས་༸གང་ཉིད་མཆོག་ནས་རྒྱུན་དུ་ནུབ་ཕྱོགས་པ་ཚོར་ནང་པའི་ཆོས་ཀྱི་ལྟ་གྲུབ་དང་ལྷག་པར་ཤེས་ཡོན་གྱི་སྡེ་ཚན་ནས་ནང་སེམས་ཁམས་རིགས་པའི་སྐོར་སོགས་མ་གཏོགས་ནང་ཆོས་འགྲེལ་བརྗོད་གཙོ་འདོན་གནང་གི་མེད་སྐོར་བཀའ་ནན་མཛད་ཡོད་པ་རེད། ༸གོང་ས་མཆོག་ནས་ད་དུང་ཐེངས་འདིའི་ཆོས་འབྲེལ་དང་བསྟུན་ཆོས་ཞུ་བ་རྣམས་ལ་ཆོས་ལུགས་ཕན་ཚུན་དབར་ལྷག་བསམ་རྣམ་དག་གི་མཐུན་སྒྲིལ་དང་ཕན་ཚུན་གུས་ཞབས་དགོས་རྒྱུ་ཧ་ཅང་གལ་ཆེ་ཡིན་པའི་ལམ་སྟོན་མཛད་པ་དང་ཆབས་ཅིག ནང་པའི་ཆོས་ཉམས་སུ་བླངས་ཀྱང་རང་ཉིད་ཀྱི་ཕ་མེས་ཀྱི་ཆོས་ལུགས་ལ་ངེས་པར་གུས་བརྩི་ཞུ་དགོས་ཞེས་བཀའ་བསྩལ་ཡོད། གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་གི་ཐེངས་འདིའི་ཆོས་འབྲེལ་དེ་བཞིན་ཨུ་རུ་སུ་དང་ Latvia འི་བོད་སྐྱོབས་ཚོགས་པ་གཉིས་ནས་གོ་སྒྲིག་གནང་པ་ཞིག་ཡིན་པ་དང་། ཐེངས་འདིའི་ཆོས་འབྲེལ་ཐོག་ཨུ་རུ་སུ་དང་། Latvia ཙམ་མ་ཡིན་པར་ཉེ་འཁོར་གྱི་ Lithuania དང་། Estonia བཅས་ནས་ཀྱང་ཆོས་ཞུ་བ་མང་དག་ཞིག་ཕེབས་འདུག ༸གོང་ས་མཆོག་ནས་དེ་རིང་ཁོང་རྣམས་ལ་དངོས་གཞིའི་ཆོས་འབྲེལ་དབུ་འཛུགས་མ་བསྐྱང་གོང་དུ་ ཆོས་ཞེས་པའི་གོ་དོན་དང། ཆོས་ལ་མ་བརྟེན་པའི་བཟང་སྤྱོད་ཀྱི་གལ་གནད་སོགས་ཀྱི་སྐོར་ལ་བླང་དོར་བཀའ་སློབ་བསྩལ་ཡོད་པ་རེད།

ཨོ་སི་ཊོ་ལི་ཡ་རྒྱལ་ཁབ་ནང་གི་རླུང་འཕྲིན་ཁང་ཆེ་གྲས་ SBS རླུང་འཕྲིན་ཁང་གི་ལས་རིམ་ནང་བོད་སྐད་ལེ་ཚན་དབུ་འཛུགས་གནང་རྒྱུ་ཡིན་པ་ཡོངས་བསྒྲགས་གནང་འདུག ཨི་སི་ཊོ་ལི་ཡའི་གྲོང་ཁྱེར་ Melbourne དང་། Sydney ནང་རྟེན་གཞི་བྱས་པའི་ SBS རླུང་འཕྲིན་ཁང་དེ་ནི་འཛམ་གླིང་ནང་གི་སྐད་ཡིག་མི་འདྲ་བ་ཐོག་ལ་གསར་འགྱུར་དང་སྤྱི་ཚོགས་ཀྱི་གནས་ཚུལ། དེ་བཞིན་ཁུལ་དེའི་ནང་གི་གྲངས་ཉུང་མི་རིགས་ཀྱི་རིག་གཞུང་དང་གླུ་གཞས་ལེ་ཚན་སོགས་རྒྱང་སྲིང་ཞུ་མཁན་རླུང་འཕྲིན་ཁང་ཆེས་གྲགས་ཤིག་ཡིན་པ་དང་། ད་ལྟའི་ཆར་རླུང་འཕྲིན་ཁང་གིས་དབྱིན་ཇིའི་སྐད་ཡིག་གཙོས་པའི་སྐད་ཡིག་མི་འདྲ་ ༦༨ ནང་ལེ་ཚན་རྒྱང་སྲིང་ཞུ་གྱི་ཡོད་པ་རེད། ཁ་སང་ཨོ་སི་ཊོ་ལི་ཡའི་ SBS རླུང་འཕྲིན་ཁང་ནས་གནས་ཚུལ་སྤེལ་བ་ལྟར་ན།  རླུང་འཕྲིན་ཁང་གི་ངོས་ནས་སྐད་ཡིག་གསར་པ་བདུན་གྱི་ལེ་ཚན་གསར་འཇུག་གནང་པ་ཡོངས་བསྒྲགས་གནང་པའི་ནང་བོད་སྐད་དང་། Rohingya Telegu Karen Hakha chin སོག་སྐད། དེ་བཞིན་ Kirundi བཅས་ཀྱི་སྐད་ཡིག་གསར་པ་བདུན་གྱི་ཐིག་རླུང་འཕྲིན་རྒྱང་སྲིང་ཞུ་རྒྱུ་དབུ་འཛུགས་གནང་གི་ཡོད་པ་དང་། དེ་སྔ་རྒྱང་སྲིང་ཞུས་པའི་ Swedish Fijian ལ་སོགས་པའི་སྐད་ཡིག་མི་འདྲ་བ་ ༡༢ ཀྱི་ལེ་ཚན་ཁག་མེད་པ་བཟོས་རྒྱུ་ཡིན་པ་བཀོད་འདུག SBS རླུང་འཕྲིན་ཁང་གིས་ཉེ་ཆར་ཞིབ་འཇུག་གནང་པའི་གྲངས་ཐོ་ལ་གཞིགས་ན། ཨི་སི་ཊོ་ལི་ཡ་ནང་དུ་ད་ལྟའི་ཆར་དབྱིན་ཇིའི་སྐད་ཡིག་ཕུད་པའི་སྐད་ཡིག་གཞན་བེད་སྤྱོད་བྱེད་མཁན་མི་འབོར་ས་ཡ་ ༤ ལྷག་ཡོད་པ་དང། རླུང་འཕྲིན་ཁང་ནས་འགྲེལ་བརྗོད་གནང་པར་སྐད་ཡིག་གསར་པ་ཁག་གི་ལེ་ཚན་དབུ་འཛུགས་གནང་རྒྱུའི་དམིགས་ཡུལ་གཙོ་བོ་ནི། Australia ནང་ད་ཆ་རིག་གཞུང་མི་འདྲ་བའི་མི་རིགས་ཀྱི་གྲངས་འབོར་དང་ཁྱབ་ཚད་ཆེ་རུ་འགྲོ་བཞིན་པ་དང། སྣ་འཛོམས་རིག་གཞུང་མི་འདྲ་བའི་སྤྱི་ཚོགས་ནང་གི་མང་ཚོགས་དེ་དག་གི་དགོས་མཁོར་སྨིན་ཕྱིར་ཡིན་སྐོར་འགྲེལ་བརྗོད་གནང་འདུག རྩ་བའི་ SBS རླུང་འཕྲིན་ཁང་དུ་ཐོག་མའི་འཆར་ཁུལ་དེའི་ནང་ཡོད་པའི་སྐད་ཡིག་མི་འདྲ་བ་ ༦༨ ཀྱི་སྐུ་ཚབ་ནས་ལེ་ཚན་གསར་པའི་ནང་དུ་མཉམ་ཞུགས་བྱ་ཕྱིར་ཞུ་སྙན་ཕུལ་མཁན་བྱུང་འདུག་ཀྱང་། དེ་དག་ཁྲོད་ནས་མཐར་བོད་སྐད་དང་སོག་སྐད། དེ་བཞིན་རོ་ཧིན་གྱེ་སྐད་ཡིག་མཚོན་པའི་ཁྱོན་སྐད་ཡིག་བདུན་འདེབས་ཐོན་གྱིས་རླུང་འཕྲིན་གི་ལེ་ཚན་གསར་པ་དབུ་འཛུགས་གནང་རྒྱུར་ཐག་གཅོད་གནང་འདུག ལས་འཆར་དེ་འདི་ལོའི་ཕྱི་ཟླ་ ༡༡ ཚེས་ ༢༠ ནས་དངོས་སུ་ལག་བསྟར་གནང་རྒྱུ་རེད་འདུག