Monthly Archives: January, 2018

དེའང་ཕྱི་ལོ་ ༡༩༥༤ ལོ་ནས་བཟུང་རྒྱ་གར་གྱི་མང་གཙོ་ཉིན་མོ་དང་བསྟུན་རྒྱ་གར་དབུས་གཞུང་ནས་རྒྱ་གར་གྱི་སྲིད་འཛིན་མཆོག་གི་ཕྱག་ནས་རྒྱལ་ཁབ་འདིའི་སྒྱུ་རྩལ་བ་དང་བཟོ་རིག་པ། རྩེད་རིགས། ཚན་རིག་ཤེས་བྱ། དེ་བཞིན་རྒྱལ་ཁབ་དང་མང་ཚོགས་ཀྱི་བདེ་དོན་སླད་ཕྱག་ལས་གཟེངས་སུ་ཐོན་པ་གནང་མཁན་ཁག་ལ་ཆེ་བསྟོད་དང་སྦྲགས། ཡུལ་དེའི་ཆེས་མཐོའི་གཟེངས་རྟགས་མཐོ་ཤོས་ཨང་དང་པོ་ Bharat Ratna དང་ཨང་གཉིས་པ་ Padma Vibhushan ཨང་གསུམ་པ་ Padma Bhushan ཨང་བཞི་པ་ Padma Shri ལ་སོགས་པའི་གཟེངས་རྟགས་གནང་སྲོལ་ཡོད་པ་ལྟར། འདི་ལོའི་རྒྱ་གར་གི་ཆེས་མཐོའི་གཟེངས་རྟགས་བཞི་པར་གྲགས་པ་ Padma Shri ཞེས་པ་དེ་༸རྒྱལ་བའི་བོད་ལུགས་བླ་སྨན་ཟུར་པ་དགེ་སློང་ཡེ་ཤེས་དོན་ལྡན་ལགས་སུ་ཕུལ་ཡོད་པ་རེད། དེ་རིང་རྒྱ་གར་དབུས་གཞུང་ནས་གཟེངས་རྟགས་མཐོ་ཤོས་གཉིས་པ་ Padma Vibhushan བཞེས་མཁན་ ༤ དང་མཐོ་ཤོས་གསུམ་པ་ Padma Bhushan བཞེས་མཁན་ ༩ དེ་བཞིན་མཐོ་ཤོས་བཞི་པ་ Padma Shri བཞེས་མཁན་ ༧༣ བཅས་ཁྱོན་རྒྱ་གར་ནང་དུ་སྡེ་ཚན་ཅི་རིགས་ཐོག་གཟེངས་སུ་ཐོན་པའི་ཕྱག་ལས་གནང་མཁན་གྱི་གང་ཟག་ ༨༥ ལ་གཟེངས་རྟགས་དེ་ཕུལ་ཡོད་པ་ལྟར། བོད་མིའི་ཁྲོད་ནས་༸གོང་ས་མཆོག་གི་༸སྐུའི་བོད་ལུགས་བླ་སྨན་ཟུར་པ་ཡེ་ཤེས་དོན་ལྡན་ལགས་ལ་ པདྨ་ཤྲི་གཟེངས་རྟགས་ཕུལ་ཡོད་པ་རེད། གསར་འགོད་པས་སྨན་པ་ཡེ་ཤེས་དོན་ལྡན་ལགས་ལ་རྒྱ་གར་གྱི་ཆེས་མཐོའི་གཟེངས་རྟགས་བཞི་པ་པདྨ་ཤྲི་འབུལ་བཞེས་དང་འབྲེལ་བའི་ཐོག་བཅར་འདྲི་ཞུས་པར་ཁོག་གིས་ད་རེས་རྒྱ་གར་གཞུང་ནས་ཆེ་བསྟོད་ཀྱི་གཟེངས་རྟགས་དེ་ཁོང་ལ་གནང་དོན་གཙོ་བོ་ནི་ཁོང་ནས་ད་བར་ནད་པ་ཚོར་སྨན་བཅོས་ཞུས་པར་བརྟེན་གསོལ་བསྩལ་གནང་བ་ཞིག་ཡིན་པ་དང་། དེ་སྔ་ཡང་རྒྱ་གར་གཞུང་ནས་ཁོང་སྒེར་གྱི་སྨན་ཁང་ཆེད་འཛུགས་ཆོག་པའི་ཆོག་མཆན་དང་སྦྲགས། ནད་པ་ ༢༠ ཐམ་པའི་ཉལ་ཁྲི་ཡང་གསོལ་བསྩལ་གནང་ཡོད་པ་སོགས་དྲན་གསོ་གནང་སོང་། ཐེངས་འདིའི་གཟིེངས་རྟགས་དང་འབྲེལ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་༸སྐུའི་བོད་ལུགས་བླ་སྨན་པ་མཆོག་ནས་ད་བར་བོད་མིའི་གསོ་བ་རིག་པ་དར་སྤེལ་ཐོག་གཟེངས་སུ་ཐོན་པའི་ཞབས་འདེགས་རླབས་ཆེན་བསྒྲུབས་པར་བསྔགས་བརྗོད་ཀྱི་འཚམས་འདྲི་གནང་འདུག ལྷག་དོན་དེ་རིང་བཞུགས་སྒར་དུ་བོད་མིའི་སྒྲིག་འཛུགས་ཀྱི་གཞུང་འབྲེལ་མཛད་སྒོ་གྲུབ་བསྟུན་སྲིད་ཚབ་ཆོས་རིག་བཀའ་བློན་མཆོག་ནས་ཀྱང་འཚམས་འདྲི་དང་སྦྲགས། རིང་མིན་བཀའ་ཤག་རྣམ་པ་ངོ་བཅར་ཐོག་འཚམས་འདྲི་ཞུ་རྒྱུ་ཡིན་པ་གསུངས་ཡོད། གཞི་རྩའི་༸རྒྱལ་བའི་བོད་ལུགས་བླ་སྨན་ཟུར་པ་རྔོག་རིགས་དགེ་སློང་ཡེ་ཤེས་དོན་ལྡན་ལགས་ནི་ཕྱི་ལོ་ ༡༩༢༧ ལོར་བོད་ལྷོ་ཁ་རྫོང་ཁོངས་གནམ་རི་གྲོང་སྡེར་འཁྲུངས་ཤིང་དགུང་ལོ་ ༡༡ ཕེབས་སྐབས་ལྷ་ས་ལྕགས་པོ་རི་བོད་ཀྱི་གསོ་བ་རིག་པ་སློབ་གཉེར་ཁང་དུ་སློབ་ཞུགས་ཀྱི་སློབ་གཉེར་གནང་ཡོད་པ་དང་། རྒྱ་གར་དུ་སྐྱབས་བཅོལ་ཕེབས་རྗེས་༸གོང་ས་མཆོག་གི་༸སྐུའི་བོད་ལུགས་བླ་སྨན་པ་གནང་བ་མ་ཟད། ༡༩༦༡ ལོར་༸གོང་ས་མཆོག་གི་དགོངས་བཞེས་ལྟར་བཞུགས་སྒར་རྡ་རམ་ས་ལར་བོད་ཀྱི་སྨན་རྩིས་ཁང་དངོས་སུ་དབུ་འཛུགས་ཀྱིས་ཕྱི་ལོ་ ༡༩༧༩ བར་སྨན་རྩིས་ཁང་གི་ངེས་སྟོན་པ་དང་སློབ་སྤྱིའི་ཐུགས་འགན་བཞེས་ཡོད། ད་ལྟའི་ཆ་ལ་ཁོང་དགུང་གྲངས་ ༩༣ ལ་ཕེབས་བཞིན་ཡོད་ཀྱང་བཞུགས་སྒར་མེག་གྷན་དུ་ཆེད་འཛུགས་གནང་བའི་ཁོང་སྐུ་སྒེར་གྱི་སྨན་ཁང་དུ་བོད་ཀྱི་གསོ་བ་རིག་པའི་སྨན་བཅོས་ཐོག་ནས་ཕྱི་ནང་གི་ནད་པ་དུ་མར་སྨན་བཅོས་གནང་མུས་ཡིན་པ་མ་ཟད། ལྷག་ཏུ་ཁོང་ནས་ད་བར་ཕྱི་ནང་གི་ནད་པ་མང་དག་ལ་སྨན་བཅོས་གནང་བའི་ཁྲོད་རྒྱལ་སྤྱིའི་ཐོག་ཆེས་ཛ་དྲག་ཆེ་བའི་ནད་གཞི་འབྲས་ནད་དང་རེག་དུག་སོགས་ལ་ཕན་ཐོགས་ཆེན་པོ་བྱུང་ཡོད་པ་རེད།

དེ་རིང་ཕྱི་ཟླ་ ༡ ཚེས་ ༢༦ ཉིན་མོ་སྟེ་དེ་སྔ་ཕྱི་ལོ་ ༡༩༥༠ ལོར་རྒྱ་གར་རྒྱལ་ཁབ་ཀྱི་རྩ་ཁྲིམས་གཏན་ལ་ཕན་ནས་མང་གཙོ་དབུ་བརྙེས་ཏེ་ལོ་ངོ་ ༦༩ འཁོར་བའི་དུས་ཚིགས་ཁྱད་པར་བ་ཞིག་ཆགས་ཡོད་པ་ལྟར། དེ་རིང་རྒྱ་གར་གྱི་རྒྱལ་ས་ལྡི་ལི་གཙོས་པའི་རྒྱལ་ཁབ་ཁྱོན་ཡོངས་ལ་གཞུང་མང་གཉིས་ཀྱིས་ཉིན་མོ་འདི་བཞིན་སྲུང་བརྩི་ཞུ་བཞིན་ཡོད་པ་རེད། བཙན་བྱོལ་བོད་མིའི་བསྟི་གནས་བཞུགས་སྒར་དྷ་རྨ་ས་ལར་རྣམ་ཀུན་ལྟར་སྔ་དྲོ་ཚོུད་ ༩།༠༠ སྟེང་བོད་མིའི་སྒྲིག་འཛུགས་ཀྱི་སྲིད་ཚབ་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་གིས་དབུས་པའི་ཕྱག་སྦྲེལ་བཀའ་བློན་རྣམ་པ་དང་། ལྷན་ཁང་ཁག་གི་དྲུང་ཆེ་ཆུང་རྣམ་པ་ལྷན་འཛོམས་ཐོག་སྲིད་ཚབ་མཆོག་གིས་རྒྱ་གར་གྱི་རྒྱལ་དར་མཁའ་དབྱིངས་སུ་སྒྲེང་འཛུགས་གནང་བ་དང་འབྲེལ་རྒྱ་གར་གྱི་མང་གཙོའི་དུས་ཆེན་ཐེངས་ ༦༩ པ་སྲུང་བརྩི་གཟབ་རྒྱས་ངང་ཞུས་སོང་། སྲིད་ཚབ་ཆོས་རིག་བཀའ་བློན་མཆོག་གིས་རྒྱ་གར་གཞུང་གཉིས་ལ་དགའ་བསུའི་འཚམས་འདྲི་དང་འབྲེལ། འདས་པའི་ལོ་ངོ་ ༦༠ རིང་རྒྱ་གར་གཞུང་མང་གཉིས་ནས་བོད་མིའི་ཐོག་མཐུན་འགྱུར་རོགས་སྐྱོར་གང་ལེགས་གནང་བར་སྙིང་དབུས་ནས་ཐུགས་རྗེཆེ་ཞུས་པ་མ་ཟད་ཁྱད་པར་དུ་རྒྱལ་ཁབ་འདི་འབྱུང་འགྱུར་སྔར་ལྷག་ཡར་རྒྱས་གོང་འཕེལ་ཕྱིན་ནས་མ་འོངས་པར་འཛམ་གླིང་ནང་མིང་དོན་མཚུངས་པའི་སྟོབས་ཆེན་རྒྱལ་ཁབ་ཞིག་ཆགས་རྒྱུའི་རེ་བ་དང་ཡིད་ཆེས་ཡོད་པ་གསུངས་སོང་། སྔ་ཐོག་མཛད་སྒོ་གྲུབ་བསྟུན་སྔ་དྲོ་ཚོུད་ ༡༡།༠༠ ཐོག་སྲིད་ཚབ་ཆོས་རིག་བཀའ་བློན་མཆོག་དང་བོད་མི་མང་སྤྱི་འཐུས་ཚོགས་གཞོན་མཆོག་རྣམ་གཉིས་ས་གནས་ཀྱི་ཉེན་རྟོག་ལས་ཁུངས་སུ་རྒྱ་གར་ས་གནས་གཞུང་གིས་མཛད་སྒོར་ལྷན་བཞུགས་ཀྱིས་དཔོན་རིགས་ཁག་ཅིག་དང་མཇལ་འཕྲད་གནང་བ་མ་ཟད། འདི་ལོ་བོད་མི་རྣམ་བཙན་བྱོལ་རྒྱ་གར་དུ་འབྱོར་ནས་ལོ་ངོ་ ༦༠ འཁོར་བ་དང་བསྟུན། མཛད་སྒོའི་ཐོག་རྒྱ་གར་གཞུང་མང་གཉིས་ལ་ཐུགས་རྗེ་ཞུ་ཆེད་བོད་མིའི་སྒྲིག་འཛུགས་ནས་པར་སྐྲུན་ཞུས་པའི་ཕྱི་ལོ་ ༢༠༡༨ ལོའི་ལོ་ཐོ་རྒྱ་གར་མང་ཚོགས་རྣམས་ལ་འགྲེམས་སྤེལ་ཞུ་རྒྱུ་རེད་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་རྒྱ་གར་སློབ་མ་ཆིག་ཁྲི་བརྒལ་བར་ཤེས་ཡོན་གྱི་གལ་གནད་དང་བཟང་སྤྱོད་རིན་ཐང་སྐོར་བཀའ་སློབ་བསྩལ་འདུག New Zealandབོད་རྒྱ་མཛའ་འབྲེལ་ཚོགས་པར་གཟེངས་བརྟག་ཕུལ་འདུག བཙན་བྱོལ་བོད་མིའི་གཞིས་ཆགས་ཆེ་ཁག་ནང་གི་ཆུའི་གནས་སྟངས་རྟོག་ཞིབ། འཕྲོད་བསྟེན་ཤེས་བྱ་ངོ་སྤྲོད། བེུད་ཀྱི་ནད་གཞི་སྐོར། Thursday 25/01/2018 Dalai Lama speaks to Indian students on Universal Ethics in Education 6th award presentation for the Promotion of Sino-Tibet Folk Exchange held in NZ CTA begins water source sustainability survey in 8 major Tibetan settlements HEALTH FEATURE: Women's health issues

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སྔ་དྲོ་གནས་མཆོག་རྡོ་རྗེ་གདན་གྱི་དུས་འཁོར་ཐང་ཆེན་དུ་Alice སློབ་གྲྭ་གཙོ་བོར་གྱུར་པའི་ས་གནས་ཀྱི་སློབ་ཕྲུག་ཆིག་ཁྲི་བཞི་སྟོང་སྐོར་ཞིག་ལ་ཤེས་ཡོན་ཁོངས་སུ་བཟང་སྤྱོད་ཀྱི་རིན་ཐང་ཞེས་པའི་བརྗོད་གཞིའི་ཐོག་བླང་དོར་བཀའ་སློབ་བཀྲིན་བསྩལ་འདུག་པ་དང་། ལྷག་པར་དུ་མགོན་པོ་༸གང་ཉིད་མཆོག་གིས་མ་འོངས་པར་རྒྱ་གར་རྒྱལ་ཁབ་དེ་གང་འདྲ་ཆགས་མིན་དེ་ད་ལྟའི་མི་རབས་ཚོ་ལ་རག་ལས་ཡོད་པས་དེའི་ཐད་ཤེས་ཡོན་ནི་ལྡེ་མིག་ལྟ་བུ་ཡིན་པར་ལམ་སྟོན་བཀྲིན་བསྩལ་འདུག ༸གོང་ས་མཆོག་གི་བཀའ་སློབ་ཀྱི་མཛད་རིམ་དེ་ནི་ས་གནས་ཀྱི་ Alice སློབ་གྲྭས་གསོལ་འདེབས་ཞུས་པ་ཞིག་ཡིན་པ་དང་། དེ་རིང་དུས་འཁོར་ཐང་ཆེན་ནང་དུ་བྷི་ཧཱར་ནང་གི་སློབ་གྲྭ་ ༡༥༣ གྱི་སློབ་ཕྲུག་ཆིག་ཁྲི་བཞི་སྟོང་སྐོར་ཞིག་དང་དགེ་རྒན་ལས་བྱེད་ཉིས་སྟོང་ལྷག་བཅར་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་མཛད་སྒོའི་སྟེང་ Alice སློབ་གྲྭ་གསར་འཛུགས་གནང་མཁན་ Italy མི་རིགས་ཡིན་པ་སྐུ་ཞབས་ Valentino མཆོག་ནས་༸གོང་ས་མཆོག་གི་བཀའ་དགོངས་བཞིན་སྟོན་པ་བཅོམ་ལྡན་འདས་མངོན་པར་རྫོགས་པ་སངས་རྒྱས་ཡུལ་གནས་མཆོག་རྡོ་རྗེ་གདན་དུ་སློབ་གྲྭ་དེ་ལྟར་བཙུགས་གནང་བ་དེ་ནི་རླབས་ཆེན་གྱི་བྱ་གཞག་ཞིག་དང་ང་ཚོར་གང་དགོས་པ་དེ་ལག་ལེན་དུ་སྐྱེལ་བ་རེད་ཅེས་ཁོང་ལ་ཡི་རངས་བསྔགས་བརྗོད་མཛད་ཡོད། མགོན་པོ་མཆོག་གིས་ Universal Ethics in Education འམ་ཤེས་ཡོན་ཁོངས་སུ་བཟང་སྤྱོད་ཀྱི་རིན་ཐང་ཞེས་པའི་བརྗོད་གཞིའི་ཐོག་ལམ་སྟོན་བསྩལ་བའི་ཁྲོད། ༸གང་ཉིད་མཆོག་གིས་རྒྱ་གར་སློབ་ཕྲུག་རྣམས་ལ་དུས་ཚོུད་ནི་ག་དུས་ཡིན་ཡང་འགྲོ་གྱི་ཡོད་པ་དང་། འདས་པའི་དུས་ཚོུད་དེ་དག་ནི་འདས་པ་ཙམ་ཞིག་དང་ལོ་རྒྱུས་ནང་འཁོད་རྒྱུ་ཙམ་ལས་གཞན་གང་ཡང་བྱ་རྒྱུ་མེད་པ་རེད། འོན་ཀྱང་མ་འོངས་དེ་ཡག་པོ་ཞིག་བཟོ་ཐུབ་དང་མ་ཐུབ་གོ་སྐབས་ཆ་ཚང་ང་ཚོ་དང་ལྷག་པར་མི་རབས་གཞོན་པ་ཚོ་ལ་རག་ལས་ཡོད་ཅེས་ལམ་སྟོན་བཀའ་གནང་འདུག ཁྱད་པར་དུ་༸གོང་ས་མཆོག་གིས་སློབ་མ་རྣམས་ལ་༸གང་ཉིད་མཆོག་དང་དེ་བཞིན་དེང་གི་ཚན་རིག་པ་དང་ཤེས་ཅན་མང་པོས་དེང་གི་ཤེས་ཡོན་ལམ་ལུགས་དེ་ཕྱི་དངོས་པོ་ཡར་རྒྱས་གཙོ་བོར་དམིགས་རྐྱེན་འཛམ་གླིང་འདིའི་ནང་དུ་དཀའ་ངལ་མང་དག་ཞིག་འཕྲད་དང་འཕྲད་མུས་ཡིན་པ་ངོས་འཛིན་གནང་གི་ཡོད་སྐོར་བཀའ་གནང་བ་དང་སྦྲགས། ང་ཚོས་དེང་གི་ཤེས་ཡོན་ལམ་ལུགས་ཀྱི་ཞེན་ཆ་དེ་ཤེས་ཐོག་སློབ་གྲྭའི་ནང་དུ་མིའི་ལྷན་སྐྱེས་ཀྱི་ནང་སེམས་རྒྱུད་ཀྱི་བཟང་སྤྱོད་རིན་ཐང་སྐོར་དེ་དག་ཤེས་ཡོན་གྱི་ངོ་བོའི་ཐོག་ནས་སློབ་ཁྲིད་གནང་སྟེ་སློབ་མའི་སེམས་རྒྱུད་ལ་འཇག་ཐབས་སུ་འབད་བརྩོན་དོན་ནན་གནང་དགོས་པ་མ་ཟད། སློབ་མ་ཚོས་ཀྱང་བསམ་གཞིག་ཡག་པོ་གནང་དགོས་པར་ལམ་སྟོན་བཀྲིན་བསྩལ་གནང་ཡོད། ད་དུང་༸གོང་ས་མཆོག་གིས་སློབ་ཕྲུག་རྣམས་ལ་དེ་སྔ་དཔལ་ནཱ་ལེནྡཱའི་ཤེས་ཡོན་ལྟེ་གནས་ཁང་དེ་ནས་མཁས་པ་ཚོས་རང་ལུགས་ཁོ་ན་མ་ཡིན་པར་ཁ་ཅིག་གཞན་གྱི་འདོད་ལུགས་ཁག་ལའང་སློབ་གཉེར་གནང་གི་ཡོད་པ་དེ་དག་དཔེ་ལ་བྱེད་ནས་སློབ་གྲྭའི་ནང་དུ་སློབ་ཚན་གང་ཞིག་བསླབ་རུང་ཀླད་པར་ཤེས་ཡོན་གྱི་ལག་ཆ་སྤྲད་དེ་རྒྱུ་མཚན་ཤེས་པའི་ཐོག་ནས་རང་ཉིད་རྙེད་པ་ཞིག་བཟོ་ཐུབ་གལ་ཡིན་པ་ལམ་སྟོན་རྒྱ་ཆེ་བསྩལ་ཡོད་པ་རེད། གཞན་ཡང་༸གོང་ས་མཆོག་གིས་ད་ལྟའི་རྒྱ་གར་གྱི་མི་རབས་གཞོན་པ་ཚོས་འཚེ་བ་མེད་པ་དང་ཆོས་ལུགས་མཐུན་སྒྲིལ་སོགས་རང་གི་གནའ་བོའི་རིག་གཞུང་དང་ཤེས་བྱ་ཕྱུག་པོ་དེ་དག་ཉམས་པ་སོར་ཆུད་དང་མི་ཉམས་གོང་འཕེལ་གང་ཐུབ་གནང་ཐུབ་ཚེ་མ་འོངས་ལོ་ཉི་ཤུ་དང་སུམ་ཅུ་རྗེས་སུ་ཏན་ཏན་ཁྱིམ་ཚང་བདེ་སྐྱིད་ལྡན་པ་དང་འཛམ་གླིང་ཞི་བདེ་ལྡན་པ་ཞིག་སྐྲུན་ཐུབ་པར་ཐུགས་རེ་གནང་བཞིན་ཡོད་པ་སོགས་ཐུགས་བརྩེའི་བཀའ་སློབ་གནང་ཡོད། ༸གོང་ས་མཆོག་གི་བཀའ་སློབ་ཀྱི་མཛད་རིམ་གསོལ་འདེབས་ཞུ་མཁན་ Alice སློབ་གྲྭའི་སྤྱི་ཁྱབ་འགན་འཛིན་ཚེ་དབང་བསྟན་འཛིན་ལགས་ནས་ཤེས་ཡོན་ལྟེ་གནས་ཁང་དེའི་ངོ་སྤྲོད་སྙིང་བསྡུས་དང་སྦྲགས། དེ་རིང་གི་ལས་རིམ་གྲུབ་རྗེས་རྒྱ་གར་གྱི་དགེ་ལས་མང་པོས་སེམས་ཚོར་ཆེན་པོ་དང་བཅས་༸གོང་ས་མཆོག་གི་བཀའ་སློབ་གང་གནང་བ་དེ་དག་མཇུག་སྐྱོང་དང་ལག་ལེན་ཞུ་ཐབས་གནང་གལ་སྐོར་གསུངས་མཁན་བྱུང་འདུག

དབུས་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱིས་རྒྱ་གར་ནང་གི་བོད་མིའི་གཞིས་ཆགས་ཆེ་བ་བརྒྱད་ཀྱི་ནང་ཆུའི་གནས་བབ་རྒྱུས་ལོན་གྱི་རྟོག་ཞིབ་ལས་གཞི་སྤེལ་འགོ་བརྩམས་འདུག དེ་ཡང་འདས་པའི་ལོ་ཤས་ནང་གོ་ལའི་ཚ་དྲོད་རྒྱས་ཏེ་འཛམ་གླིང་སྤྱིའི་གནམ་གཤིས་འགྱུར་ལྡོག་འགྲོ་བཞིན་པའི་ཁྲོད་བཙན་བྱོལ་བོད་མིའི་གཞིས་ཆགས་ཆེ་ཁག་ནང་དུ་ཆར་ཆུ་དུས་སུ་མ་བབ་པ་བཅས་ལ་བརྟེན་ལོ་རེ་བཞིན་ས་སྟེང་འོག་གཉིས་ཀྱི་ཆུའི་གནས་བབ་ཇེ་ཉུང་དུ་ཕྱིན་ནས་ས་གནས་ཁག་ཏུ་ཆུའི་དཀའ་ངལ་དུ་མ་ཞིག་འཕྲད་ཡོད་སྟབས། ཉེ་ཆར་དབུས་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱིས་  རྒྱ་གར་གྲོང་ཁྱེར་སྦེང་ལོར་ནང་རྟེན་གཞི་བྱས་པའི་ Space Geo Tech ཞེས་པའི་ཁྱད་ལས་ས་ཁམས་དཔྱད་ཞིབ་པ་དང་མཉམ་དུ་བོད་མིའི་གཞིས་ཆགས་ཆེ་གྲས་བརྒྱད་ཀྱི་ནང་ཆུའི་གནས་བབ་རྒྱུས་ལོན་གྱི་རྟོག་ཞིབ་ལས་གཞི་སྤེལ་འགོ་བརྩམས་འདུག ད་ལན་རྟོག་ཞིབ་ཀྱི་ལས་གཞི་སྤེལ་ཡུལ་གཞིས་སྒར་ཁག་ནི། སྦེལ་ཀོབ་གཞི་ཆགས་གསར་རྙིང་གཉིས་དང།  ཧུན་སུར། ཀོ་ལི་སྒར།  དེ་བཞིན་མོན་གྷོ་བཅས་ལྷོ་ཁུལ་གཞིས་ཆགས་ཆེ་ཁག་ལྔ་དང། བྷན་དྷ་ར། ཨུ་རུ་ས། མན་སྤར་བཅས་ཡིན་པ་རེད། འདི་ག་རླུང་འཕྲིན་ཁང་གིས་དབུས་བོད་མིའི་སྒྲིག་འཛུགས་འཕྲོད་ལས་ཁུངས་ཀྱི་འཆར་འགོད་ཚན་པའི་འབྲེལ་ཡོད་ལས་བྱེད་ཉི་མ་རྒྱལ་མཚན་ལགས་སུ་ལས་གཞི་དེ་འབྲེལ་བཅར་འདྲི་ཞུས་པར་ཁོང་གིས་ལས་གཞི་དེའི་དམིགས་ཡུལ་གཙོ་བོ་ནི་བཙན་བྱོལ་བོད་མིའི་གཞིས་ཆགས་ཆེ་ཁག་ནང་ཆུའི་གནས་བབ་རྒྱུས་ལོན་གནང་སྟེ་འབྱུང་འགྱུར་ཆུའི་དཀའ་ངལ་འཕྲད་སྲིད་པའི་ས་ཁག་ཏུ་སྔོན་འགོག་ཐབས་ལམ་འཚོལ་ཐབས་དང། ལྷག་དོན་ས་ཁག་ཏུ་ཆུའི་འབྱུང་ཁུངས་ཁག་མ་འོངས་པར་སྲ་བརྟན་དང་རྒྱུན་གནས་ཐུབ་ཆེད་ཡིན་པ་གསུངས་ཡོད།

ཉན་པ།: Listen ཕབ་ལེན། Download སྲིད་སྐྱོང་མཆོག་ནས་ཡོ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་འདུར་དབུ་བཞུགས། ཧྤ་རན་སིའི་གྲོས་ཚོགས་འཐུས་མི་བཅུ་བཞིས་བཀྲིས་དབང་ཕྱུག་ལགས་ལ་ཕྱི་གསལ་ནང་གསལ་གྱི་ཁྲིམས་བཤེར་དགོས་པའི་ཞུ་འབོད་གནང་པ། བོད་ཁྱིམ་སློབ་ཕྲུག་ཁག་ཅིག་བལ་ཡུལ་ནང་ལ་སྐོར་བསྐྱོད་དུ་འཁྲིད་བཞིན་འདུག ༸གོང་ས་མཆོག་གི་བཀའ་སློབ་ལེ་ཚན། ༢༠༡༦ ལོར་བོད་རྒྱ་མཛའ་འབྲེལ་ཚོགས་པའི་རྒྱལ་སྤྱིའི་ལྷན་ཚོགས་ཐོག་བསྩལ་བའི་བཀའ་སློབ། Wednesday 24/01/2018 Sikyong attends Tibet Interest Group meet at European parliament French Parliamentarians call for just and equal trial for Tashi Wanchuk Feel at Home: TCV Alumni hosts winter program for destitute students FEATURE: Dalai Lama’s speech at International Chinese Tibetan Conference in Taiwan

ཕ་རན་སིའི་གྲོས་ཚོགས་གོང་མའི་འཐུས་མི་བཅུ་བཞིས་རྒྱ་གཞུང་གིས་བོད་མི་སྐད་ཡིག་སྲུང་སྐྱོབ་ལས་འགུལ་བ་བཀྲིས་དབང་ཕྱུག་ལགས་ལ་རྒྱལ་སྤྱིའི་ཁྲིམས་ཀྱི་འབྲུ་དོན་ལྟར་དྲང་བདེན་དང་ཕྱི་གསལ་ནང་གསལ་གྱི་ཁྲིམས་བཤེར་དགོས་པ་མ་ཟད། ལྷག་དོན་དུ་ཁོང་གི་ཐུགས་འདོད་ལྟར་ཁྲིམས་རྩོད་པ་གླ་རྒྱུ་དང་རང་ཉིད་ཀྱི་ནང་མི་དང་ལྷན་རྒྱུན་ལྡན་བཞིན་ཐུག་འཕྲད་གནང་བཅུག་དགོས་པའི་ཞུ་འབོད་གནང་འདུག དེའང་ཕ་རན་སིའི་གྲོས་ཚོགས་གོང་མའི་ནང་གི་བོད་དོན་ཚོགས་ཆུང་གི་ཚོགས་གཙོ་སྐུ་ཞབས་ Michel Raison ལགས་ཀྱི་མཚན་ཐོག་ཏུ་ཁ་སང་ཕྱི་ཚེས་ ༢༣ ཉིན་སྤྱི་བསྒྲགས་ཤིག་འདོན་སྤེལ་གནང་ཡོད་པ་དང། དེའི་ཐོག་སྐུ་ཞབས་ Raison ལགས་དང་ཚོགས་གཙོ་གཞོན་པ་ Annick Billon ལགས། Patricia Morhiet-Richaud ལགས། Andre Gattolin ལགས་བཅས་དབུས་པའི་ཁྱོན་གྲོས་ཚོགས་འཐུས་མི་ ༡༤ ནས་རྒྱབ་སྐྱོར་མཚན་རྟགས་བཀོད་འདུག གཞི་རྩའི་བཀྲིས་དབང་ཕྱུག་ལགས་ལ་འདི་ལོ་ཟླ་ ༡ ཚེས་ ༤ ཉིན་རྒྱ་གཞུང་གིས་དབྱེ་བའི་མཚོ་སྔོན་ཞིང་ཆེན་ཡུལ་ཤུལ་འབྲིང་རིམ་མི་དམངས་ཁྲིམས་ཁང་དུ་ཁོང་གི་ནག་ཉེས་དང་འབྲེལ་གཏུགས་བཤེར་ཚོུད་ ༤ ཙམ་གནང་ཡོད་ཀྱང་ཁྲིམས་ཁང་ནས་སྐབས་དེར་ཁོང་གི་གྱོད་གཞིའི་ཐོག་ཐག་གཅོད་གང་ཡང་བྱུང་མེད་པ་མ་ཟད། དེ་ཉིན་ཨ་རི་དང་འཇར་མ་ནི། དབྱིན་ཡུལ། ཁེ་ན་ཌ། དེ་བཞིན་ཡུ་རོབ་མཐུན་ཚོགས་བཅས་ཀྱི་གཞུང་ཚབ་ལས་ཁང་ནས་བཀྲིས་དབང་ཕྱུག་ལགས་ཀྱི་གཏུགས་བཤེར་ཐོག་བཅར་རྒྱུའི་ཆེད་དུ་ཡུལ་ཤུལ་བར་ཕེབས་ཡོད་ཀྱང་རྒྱ་གཞུང་གིས་ཁྲིམས་བཤེར་དངོས་ཀྱི་ཐོག་བཅར་བཅུག་མེད་པ་རེད། ཕ་རན་སིའི་གྲོས་ཚོགས་གོང་མའི་འཐུས་མི་ ༡༤ རྣམས་ཀྱིས་སྤེལ་བའི་སྤྱི་བསྒྲགས་དེའི་ནང་དེ་སྔོན་ཕྱི་ལོ་ ༢༠༡༦ ཟླ་ ༡༢ ཚེས་ ༡༠ ཉིན་མོ་སྟེ་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོ་དང་བསྟུན་ཡོ་རོབ་མཐུན་ཚོགས་ཚོགས་མི་རྒྱལ་ཁབ་ ༢༨ སོ་སོའི་རྒྱ་ནག་གི་གཞུང་ཚབ་རྣམས་ནས་བཀྲིས་དབང་ཕྱུག་ལགས་གློད་བཀྲོལ་དགོས་པའི་ཡོངས་ཁྱབ་སྤྱི་བསྒྲགས་སྤེལ་ཡོད་པ་མ་ཟད་སྔ་ལོའི་ཟླ་ ༢ པའི་ནང་མཉམ་འབྲེལ་རྒྱལ་ཚོགས་གྱི་དམིགས་བསལ་རྟོག་ཞིབ་པ་ལྔ་དང་གཞན་ཡང་རྒྱལ་ཚོགས་ཀྱི་གང་བྱུང་བཀག་ཉར་རྟོག་ཞིབ་ལས་དོན་ཚོགས་ཆུང་ནས་ཀྱང་ཁོང་ལ་སེམས་འཚབ་ཡོད་སྐོར་གསུངས་ཡོད་པ་ལུང་འདྲེན་དང་འབྲེལ། ཕ་རན་སི་གྲོས་ཚོགས་ནང་གི་བོད་དོན་ཚོགས་ཆུང་གིས་ཀྱང་དེ་དག་ལ་རྒྱབ་སྐྱོར་ཞུ་རྒྱུ་མ་ཟད། རྒྱ་གཞུང་གི་ངོས་ནས་ད་རེས་བཀྲིས་དབང་ཕྱུག་ལགས་སུ་རྒྱལ་སྤྱིའི་ཁྲིམས་ཀྱི་འབྲུ་དོན་བཞིན་དྲང་བདེན་དང་ཕྱི་གསལ་ནང་གསལ་གྱི་ཁྲིམས་བཤེར་བྱེད་དགོས་ཞེས་གསུངས་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་རྒྱ་ནག་རི་བོ་རྩེ་ལྔར་འཇམ་དཔལ་དབྱངས་ཀྱི་བྱིན་རླབས་དེ་འདྲ་བསྩལ་ཐུབ་པའི་ཐུགས་སྨོན་གནང་བཞིན་ཡོད་པ་བཀའ་བསྩལ་བ། རྒྱ་གར་དབུས་གསང་བའི་ལས་ཁུངས་ནས་རྡོ་རྗེ་གདན་གྱི་འབར་རྫས་གནད་དོན་ཐོག་ཞིབ་འཇུག་གནང་དགོས། བོུ་བསྟན་འཛིན་སྒྲོལ་མ་ལགས་ལ་གསེར་གྱི་གཟེངས་རྟགས་ཐོབ་འདུག ཧོང་ཀོང་ནང་གི་རྒྱ་རིགས་དཔེ་དེབ་ཚོང་འགྲེམས་པ་Gui Minhai ལགས་སླར་ཡང་འཛིན་བཟུང་བྱས་འདུག གླུ་གཞས་ལེ་ཚན། གཞས་མ་བསྟན་འཛིན་སྒྲོལ་གསལ་ལགས་ཀྱི་སྐད་འཁོར་༼ཆོལ་གསུམ།༽ Tuesday 23/01/2018 Dalai Lama concludes teaching to Chinese devotees, expresses wish to visit China Ladakhi Buddhists call for CBI probe in Bodhgaya bomb scare Baroda University Tibetan girl wins gold medal Hong Kong based publisher arrested again in front of Swedish diplomats MUSIC FEATURE: Tenzin Donsel and her album ‘Choelsum’

བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་དང་དེ་རིང་བཅས་སུ་གནས་མཆོག་རྡོ་རྗེ་གདན་དུ་ཆེད་དུ་བྱ་བའི་འདུལ་བྱ་རྒྱ་རིགས་དད་ལྡན་པ་ཁག་གཅིག་ལ་ཉིན་གཉིས་རིང་རྡོ་རྗེ་གཅོད་པའི་བཀའ་ཁྲིད་དང་ལྷ་མོ་དབྱངས་ཅན་མའི་རྗེས་གནང་བཀྲིན་བསྩལ་ཡོད་པ་རེད། དེ་རིང་སྔ་ཐོག་ཚོུད་ ༡༡ སྟེང་མགོན་པོ་མཆོག་གིས་ཆོས་འབྲེལ་ཡོངས་སུ་ལེགས་གྲུབ་ཀྱིས་ཆེད་དུ་དམིགས་ནས་ཕེབས་པའི་རྒྱ་རིགས་དད་ལྡན་ཆོས་གྲོགས་རྣམས་ལ་ཡུམ་དབྱངས་ཅན་མ་དང་ཡབ་རྗེ་བཙུན་འཇམ་དཔལ་དབྱངས་གཉིས་པོ་སྒྲུབ་ཐུབ་ཚེ་ཤེས་རབ་གོང་ནས་གོང་དུ་འཕེལ་རྒྱུའི་ཁྱད་པར་ཡོད་པ་དང་། ལྷག་པར་མགོན་པོ་མཆོག་གིས་རྒྱ་ནག་དེ་རྗེ་བཙུན་འཇམ་དཔལ་དབྱངས་དང་དམིགས་བསལ་འབྲེལ་བ་ཡོད་པ་ཞིག་ཆགས་ཀྱི་ཡོད་སྟབས་བྱིན་རླབས་ཁྱད་པར་བ་ཡོད་པ་དང་། ༸གང་ཉིད་མཆོག་ནས་ཀྱང་མ་འོངས་པ་རྒྱ་ནག་རི་བོ་རྩེ་ལྔར་འཇམ་དབྱངས་ཀྱི་བྱིན་རླབས་དེ་འདྲ་བསྩལ་ཐུབ་པའི་ཐུགས་སྨོན་མཛད་བཞིན་ཡོད་ཅེས་བཀའ་གནང་འདུག རྩ་བའི་དེ་རིང་སྔ་ཐོག་༸གང་ས་མཆོག་གིས་རྒྱ་རིགས་དད་ལྡན་པ་གཙོ་བོར་གྱུར་པའི་ཕྱི་ནང་གི་ཆོས་ཞུ་བ་ཁྲི་ཚོ་ཁ་ཤས་ལ་རྡོ་རྗེ་གཅོད་པའི་བཀའ་ཆོས་འཕྲོ་སྐྱོང་དང་དེ་གྲུབ་མཚམས་སུ་ལྷ་མོ་དབྱངས་ཅན་མའི་རྗེས་གནང་བཀྲིན་བསྩལ་ཡོད་པ་རེད། དེ་ཡང་སྐབས་དེར་༸གང་ཉིད་མཆོག་གིས་རྡོ་རྗེ་གཅོད་པ་ལས་གཏི་མུག་བདེན་འཛིན་གྱི་གཉེན་པོ་བདག་མེད་ལྟ་བའི་སྐོར་ལ་ལམ་སྟོན་བཀའ་བསྩལ་ཡོད། གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་ནས་ཟླ་བ་འདིའི་ཕྱི་ཚེས་ ༥ ནས་འགོ་འཛུགས་ཀྱི་དེ་རིང་བར་ཆོས་འབྲེལ་མི་འདྲ་བ་ཁག་བཞི་བཀྲིན་བསྩལ་ཡོད་པ་ལྟར། དེ་རིང་ཉིན་མཐའ་མའི་སྟེང་མགོན་པོ་མཆོག་གིས་ཕྱི་ནང་གི་དད་ལྡན་པ་ཀུན་ལ་ཆོས་འབྲེལ་མང་དག་ཐོབ་རྗེས་གཙོ་བོ་སྟོང་ཉིད་ཀྱི་ལྟ་བ་དང་གཞན་གཅེས་པའི་བྱང་ཆུབ་ཀྱི་སེམས་ཐོག་ལ་དོ་སྣང་ཤུགས་ཆེ་ཙམ་གནང་ནས་ཆོས་རབ་ཏུ་རྣམ་འབྱེད་ཀྱི་ཤེས་རབ་གོང་འཕེལ་དང་སེམས་བཟང་པོའི་ཀུན་སློང་གོང་དུ་འཕེལ་ཐུབ་ན་རྡོ་རྗེ་གདན་དུ་སླེབས་རིན་ཆོག་པ་རེད་ཅེས་ཐུགས་བརྩེའི་ལམ་སྟོན་རྒྱ་ཆེ་བསྩལ་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་འདས་པའི་ཉིན་གྲངས་ཉི་ཤུ་ལྷག་དེའི་ནང་གནས་མཆོག་རྡོ་རྗེ་གདན་དུ་ཐོག་མར་ནཱ་ལེནྡཱ་སློབ་གཉེར་ཁང་འམ་ Nalanda Shiksha ཞེས་པའི་རྒྱ་གར་གྱི་ཚོགས་པས་ཇི་ལྟར་གསོལ་འདེབས་ཞུས་དོན་བཞིན་༸རྒྱལ་བའི་བཀའ་འགྱུར་རིན་པོ་ཆེ་ལས་ཆོས་ཀྱི་འཁོར་ལོའི་མདོ་དང་སཱ་ལུ་ལྗང་པའི་མདོ་གཉིས་ཀྱི་ཆོས་འབྲེལ་དང་། དེའི་རྗེས་སུ་ཚེས་ ༡༤ ནས་ཉིན་གསུམ་རིང་ལ་བྱང་ཆུབ་སེམས་འགྲེལ་དང་ལག་ལེན་སོ་བདུན་མའི་བཀའ་ཆོས་དང་ལྷན་ཐུགས་རྗེ་ཆེན་པོའི་བཀའ་དབང་། ཕྱི་ཚེས་ ༡༨ ནས་ ༢༡ བར་འཇིགས་བྱེད་ལྷ་བཅུ་གསུམ་དང་། འཇིགས་བྱེད་དཔའ་བོ་གཅིག་པའི་བཀའ་དབང་བཀྲིན་བསྩལ་ཡོད་པ་རེད།