Monthly Archives: January, 2018

ཉེ་ལམ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ད་ལྟའི་ཆར་རྒྱ་གར་གྱི་གནས་མཆོག་རྡོ་རྗེ་གདན་དུ་ཕྱི་ནང་གི་དད་ལྡན་ཆོས་ཞུ་བ་ཁྲི་ཚོགས་ལྷག་ལ་བཀའ་ཆོས་བཀྲིན་སྩོལ་བཞིན་པའི་ཁྲོད། ཕྱི་ཚེས་ ༡༩ ཉིན་ཕྱི་དྲོ་ས་གནས་ཉེན་རྟོག་པས་གསུང་ཆོས་རྭ་བའི་ཉེ་འཁྲིས་ནས་འབར་རྫས་གཉིས་རྙེད་སོན་བྱུང་བའི་གནས་ཚུལ་ཐོན་ཡོད་པ་རེད། འབར་རྫས་རྙེད་སོན་གྱི་གནད་དོན་དེ་དང་འབྲེལ་ཁ་ཉིན་རེས་གཟའ་ཉི་མའི་ཉིན་ལ་དྭགས་ནང་རྟེན་གཞི་བྱས་པའི་ལ་དྭགས་ནང་པའི་ཚོགས་འདུ་ལྷན་ཚོགས་དང་ལ་དྭགས་དགོན་པ་ལྷན་ཚོགས་གཉིས་ནས་སླེ་ས་གནས་ཀྱི་རྫོང་དཔོན་ Avny Lavasa ལགས་ཀྱི་བརྒྱུད་རྒྱ་གར་སྲིད་བློན་སྐུ་ཞབས་ Narindra Modi མཆོག་དང་ནང་སྲིད་བློན་ཆེན་སྐུ་ཞབས་ Rajnath Singh མཆོག དེ་བཞིན་འབྲེལ་ཡོད་བི་ཧཱར་མངའ་སྡེའི་བློན་ཆེན་སྐུ་ཞབས་ Nitish Kumar མཆོག Jammu Kashmir མངའ་སྡེའི་བློན་ཆེན་ལྕམ་ Mehbooba Mufti Sayeed མཆོག་བཅས་ཀྱི་མཚན་ཐོག་ཏུ་ཕྱག་བྲིས་ཤིག་ཕུལ་ཡོད་པ་དང་། དེའང་རྒྱ་གར་དབུས་གཞུང་དང་མངའ་སྡེ་གཞུང་ནས་གནས་མཆོག་རྡོ་རྗེ་གདན་དུ་ཡོད་པའི་ཆོས་ཞུ་བ་སྤྱི་དང་། ལྷག་ཏུ་༸གོང་ས་༸སྐྱབས་མགོན་ཆེན་པོ་མཆོག་གིསྐུ་ཕྱྭའི་སྲུང་སྐྱོབ་ཀྱི་ཉེན་སྲུང་གི་ལས་དོན་སྔར་ལྷག་ཐུགས་འགན་བཞེས་དགོས་པ་མ་ཟད། ད་རེས་ཁུལ་དེ་ནས་རྙེད་སོན་བྱུང་བའི་འབར་རྫས་ཀྱི་གནད་དོན་དེ་སྣང་མེད་དུ་མ་བཞག་པར་རྒྱ་གར་དབུས་གསང་བའི་ལས་ཁུངས་ཀྱིས་གནད་དོན་དེའི་ཐོག་ཞིབ་འཇུག་གནང་དགོས་པའི་ཞུ་གཏུག་གནང་འདུག གསར་འགོད་པས་ལ་དྭགས་ནང་པའི་ཚོགས་འདུ་ལྷན་ཚོགས་ཀྱི་དྲུང་ཆེ་བསོད་ནམས་ཟླ་བ་ལགས་སུ་ཞལ་པར་བརྒྱུད་བཅར་འདྲི་ཁག་ཅིག་ཞུས་པར་ཁོང་གིས་གནས་མཆོག་རྡོ་རྗེ་གདན་དུ་འབར་རྫས་ཀྱི་གནད་དོན་བྱུང་བ་དེ་ཐེངས་དང་པོ་ཞིག་མིན་པར་དེ་སྔ་ཕྱི་ལོ་ ༢༠༡༣ ལོར་ཁུལ་དེར་འབར་རྫས་ཀྱི་དོན་རྐྱེན་འོག་གཏོར་སྐྱོན་དང་རྨས་སྐྱོན་རིགས་བྱུང་མྱོང་ཡོད་པ་འགྲེལ་བརྗོད་དང་སྦྲགས། རྒྱ་གར་དབུས་ས་གཉིས་ནས་ཁུལ་དེའི་བདེ་འཇགས་ཀྱི་ལས་དོན་ཐོག་སྔར་ལྷག་ཐུགས་འཁུར་བཞེས་དགོས་གནད་ཡིན་པ་སོགས་གསུངས་ཡོད། ད་དུང་ཁོང་གིས་ཐེངས་འདིའི་འབར་རྫས་ཀྱི་དོན་རྐྱེན་ལ་ངོ་རྒོལ་གྱི་རྣམ་པ་མཚོན་ཆེད་ཚེས་ ༢༡ ཉིན་ལ་དྭགས་སླེ་དང་བྱང་ཐང་། དེ་བཞིན་ནུབ་ར་སོགས་ས་གནས་ཁག་གཅིག་ཏུ་ཚོང་ཁང་ཡོངས་རྫོགས་སྒོ་བརྒྱབ་ནས་མར་མེ་ཁྲོམ་སྐོར་གྱི་ལས་འགུལ་སྤེལ་གནང་ཡོད་པ་གསུངས་སོང་། གཞི་རྩའི་འབར་རྫས་ཀྱི་གནད་དོན་དེ་བྱུང་སྐབས་ཁུལ་དེར་ཡོད་པའི་འདི་རླུང་འཕྲིན་ཁང་གི་ཆེད་གཉེར་གསར་འགོད་པས་བོད་མིའི་སྒྲིག་འཛུགས་བདེ་སྲུང་དྲུང་ཆེ་ཀརྨ་རིན་ཆེན་ལགས་སུ་བཅར་འདྲི་ཞུ་སྐབས་ཁོང་གིས་ད་ལན་འབར་རྫས་གཉིས་རྙེད་སོན་བྱུང་ཡོད་པའི་གནས་ཚུལ་དེ་དངོས་འབྲེལ་ཡིན་པ་དང་། འབར་རྫས་ཀྱི་གནད་དོན་དེ་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་ཕྱྭར་དམིགས་པ་ཞིག་མ་རེད་ཅེས་གསུངས་པ་མ་ཟད། ད་ལྟའི་ཆར་མངའ་སྡེའི་གཞུང་ནས་༸སྐུ་ཕྱྭའི་སྲུང་སྐྱོབ་ཀྱི་ཉེན་སྲུང་ཚད་མཐོ་རུ་བཏང་ཡོད་སྟབས་བོད་མི་གཙོས་པའི་ཕྱི་ནང་གི་དད་ལྡན་མང་ཚོགས་རྣམས་ནས་བློ་འཚབ་མ་གནང་རོགས་ཞེས་འབོད་སྐུལ་གནང་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་རྒྱ་རིགས་ཚོས་རང་གི་ཕ་མེས་ཀྱི་ཆོས་དེ་བདག་གཅེས་གནང་གལ་ཡིན་པའི་ལམ་སྟོན་བསྩལ་འདུག མཚོ་བྱང་ཁུལ་དུ་བོད་ཡིག་དང་རྒྱ་ཡིག་གཉིས་འདྲ་མཉམ་ལྟར་བེད་སྤྱོད་དགོས་པའི་བརྡ་ཁྱབ་བཏང་འདུག ཐུགས་རྗེ་ཆེ་ཞུའི་ལོ་འདིར་མང་ཚོགས་ནས་ཀྱང་རྒྱབ་སྐྱོར་གནང་དགོས་པའི་འབོད་སྐུལ། བཙན་བྱོལ་སྤྱི་ཚོགས་ནང་གློ་ནད་དང་མཆིན་པའི་མཉན་ཚད་དེ་བཞིན་སྨྱོ་རྫས་ངན་གོམ་གསུམ་ནི་ཁྱབ་ཆེ་བའི་ནད་གཞི་ཆགས་ཡོད་པ་གསུངས་སོང་། Monday 22/01/2018 Dalai Lama confers teaching to Chinese devotees in Bodhgaya Tibetans in Tsojang appeal for equal usage of Tibetan language Sikyong on Europe tour, urges Tibetans to support CTA’s ‘Thank You campaign’ Workshop on Comprehensive Community Outreach and Coordinated Care

ཉེ་ཆར་མཚོ་སྔོན་མཚོ་བྱང་བོད་རིགས་རང་སྐྱོང་ཁུལ་བོད་སྐད་ཡིག་བྱ་བའི་གཞུང་ལས་ཁང་ཞེས་པའི་མིང་ཐོག་ནས་མཚོ་བྱང་བོད་རིགས་རང་སྐྱོང་ཁུལ་ནང་བོད་ཡིག་དང་རྒྱ་ཡིག་གཉིས་བེད་སྤྱོད་དང་དོ་དམ་ལ་ཤུགས་སྣོན་དང་ཚད་ལྡན་བཟོ་བ།  སྤྱི་ཚོགས་ཁྲོམ་རའི་ནང་བོད་རྒྱ་སྐད་ཡིག་གཉིས་འདྲ་མཉམ་བེད་སྤྱོད་ཚད་ལྡན་ཅན་དུ་སྐུལ་འདེད་བཅས་ཀྱི་ཆེད་དུ་རྒྱ་ནག་གི་རྩ་ཁྲིམས་དང་མི་རིགས་མངའ་ཁོངས་རང་སྐྱོང་བཅའ་ཁྲིམས། མཚོ་བྱང་བོད་རིགས་རང་སྐྱོང་ཁུལ་རང་སྐྱོང་སྲོལ་ཡིག དེ་བཞིན་མཚོ་བྱང་བོད་རིགས་རང་སྐྱོང་ཁུལ་བོད་སྐད་ཡིག་བྱ་བའི་སྲོལ་ཡིག་བཅས་ཀྱི་གཏན་འབེབ་གཞིར་བཟུང་སྟེ་བོད་སྐད་ཡིག་བེད་སྤྱོད་ཚད་ལྡན་བྱེད་དགོས་པའི་སྐོར་དོན་ཚན་ ༡༣ ཡོད་པའི་བརྡ་ཁྱབ་གཅིག་བཏང་ཡོད་པ་རེད།   དོན་ཚན་ ༡༣ པོ་དེ་དག་ནང་གཞུང་དང་སྤྱི་ཚོགས། སྡེ་ཚན་ཁག་གི་མིང་ཡོད་ཚད་བོད་ཡིག་ཐོག་བྲི་དགོས་པ་འཁོད་འདུག་པ་དང་། དེ་ཡང་ལས་ཁུངས་དང་མི་དམངས། ཚོགས་པ། དྲག་ཆས་སྟོབས་ཤུགས། ཁེ་ལས་དང་ལས་དོན་ལས་ཁུངས་བཅས་ཀྱི་སྒོ་བྱང་། གཞུང་ཐམ། གཞུང་ཡིག་གི་ཁ་བྱང་། དཔང་ཡིག ཚོགས་འདུའི་རྟགས་བྱང་། རས་བྱང་། རྒྱང་སྒྲོག་བརྙན་འཕྲིན་དང་གཙོ་རྒྱུགས་དྲྭ་ཚིགས། ཚགས་པར། དུས་དེབ། དཔེ་དེབ། སྒྲ་བརྙན་ཐོན་རྫས་སོགས་པར་སྐྲུན་བྱ་བའི་རིགས། རང་བྱུང་ས་ཁམས་ཀྱི་མིང་དང་། ས་མིང་། ས་གནས་ཀྱི་མིང་། ལུས་རྩལ། གནས་སྐོར། དུས་སྟོན་སོགས་བྱ་འགུལ། གནས་སྐོར་མཚོན་རྟགས་དང་མཛེས་ལྗོངས་རྟགས། འགྲིམ་འགྲུལ་ལམ་བྱང་དང་རླངས་འཁོར་ས་ཚིགས་སོགས་ཀྱི་མཚོན་རྟགས།  འཕྲུལ་སྒུལ་འཁོར་ལོའི་སྒོ་བྱང་། དེ་བཞིན་གཞུང་སྒེར་གྱི་བཟོ་ཚོང་ཁང་ཁག་གི་མིང་། ས་གནས་ཀྱི་ཚོང་རྫས་ཀྱི་མིང་དང་ཚོང་རྟགས། ཕྱི་ཐུམ། གསལ་བཤད། ཕྱི་རོལ་གྱི་གློག་རྡུལ་འཆར་ངོས་དང་ཕྱི་རོལ་གྱི་སྤྱི་ཕན་རང་བཞིན་གྱི་འགྲེམས་བརྡ། དངུལ་འཛིན་སྣ་ཚོགས་སོགས་ཀྱི་ཐོག་བོད་ཡིག་བཀོལ་སྤྱོད་དགོས་པ་འཁོད་ཡོད་པ་རེད། ལྷག་དོན་དོན་ཚན་ ༦ པའི་ནང་་བོད་ཡིག་འབྲི་བ་དང་དཔར་བ། བརྐོ་བ། བྱུགས་པ་སོགས་ངེས་པར་དུ་ཚད་ལྡན་དང་ཡང་དག་ཡིན་དགོས་ཤིང་། བྱང་ངོས་གྲལ་དག་དང་འོས་འཚམ། མཛེས་པ་ཡིན་དགོས། ཡིག་ནོར་དང་ཡིག་ཆད། རང་སྐྱོང་ཁུལ་གྱི་སྣང་བརྙན་ལ་ངན་ཤུགས་ཐེབས་པའི་ནོར་འཁྲུལ་ཤོར་བ་གཏན་འགོག་བྱེད་དགོས་ཞེས་གསལ་འདུག ལྷག་པར་དུ་བོད་ནང་གི་ས་གནས་བོད་མི་ཞིག་གིས་དེ་ནི་དེང་སྐབས་བོད་ནང་སྤྱི་པའི་སྒོ་བྱང་དང་ཡིག་བྱང་སོགས་མང་པོ་ཞིག་གི་སྟེང་ཡི་གེ་ཆད་ལྷག་དང་དོན་ནོར། ཡང་ན་འབྲེལ་བ་རྩ་བ་ནས་མེད་པ་དེ་འདྲ་བྲིས་ཡོད་པ་ཧ་ཅང་མངོན་གསལ་དོད་པོ་མཐོང་ཆོས་ཡོད་པ་དེ་དག་དྲ་རྒྱའི་བརྒྱུད་ལམ་ཁག་གི་ནང་ཁྱབ་ཏེ་སྤྱི་ཚོགས་ཁྱོན་ཡོངས་ནས་མི་འདོད་པའི་དགོངས་འཆར་གནང་མཁན་མང་དག་བྱུང་ཡོད་པར་དམིགས་ནས་དོན་ཚན་དེ་ཆེད་དུ་གལ་ཆེ་དོན་ཆེར་བརྩི་བ་ཞིག་ཡིན་པ་གསུངས་ཡོད། གཞན་ཡང་བོད་ཡིག་དང་རྒྱ་ཡིག་མཉམ་དུ་འབྲི་དགོས་ཚེ་ཡི་གེ་གོང་འོག་དང་ཆེ་ཆུང་སོགས་ཚད་གཞི་སྒྲིག་སྟངས་ཐོག་སྒྲིག་སྲོལ་དེ་ནང་འཁོད་དོན། བོད་རྒྱ་ཡིག་རིགས་གཉིས་ཀྱི་བཟོ་བྱེད་རྒྱུ་སྤུས་གཅིག་མཚུངས་ཡིན་དགོས་པ་དང་། ཆེ་ཆུང་ཚད་གཞིའང་འོས་མཐུན་ཡིན་དགོས་པ་མ་ཟད་བོད་རྒྱ་ཡིག་རིགས་གཉིས་མཉམ་འབྲི་བྱེད་སྐབས་བོད་རྒྱ་ཡིག་རིགས་གཉིས་ཀ་སོ་སོ་ཡིག་བྱང་རེ་རེའི་སྟེང་འབྲི་ཚེ་བོད་ཡིག་ཡིག་བྱང་གཡས་སུ་འགེལ་བ་དང་རྒྱ་ཡིག་ཡིག་བྱང་གཡོན་དུ་འགེལ་བ། ཡང་ན་བོད་ཡིག་ཡིག་བྱང་གོང་དུ་འགེལ་བ་དང་རྒྱ་ཡིག་ཡིག་བྱང་ཞོལ་ཏུ་འགེལ་བ། ཡིག་རིགས་གཉིས་མཉམ་དུ་འཕྲེད་འབྲི་བྱེད་སྐབས་བོད་ཡིག་གོང་དུ་འཇོག་པ་དང་རྒྱ་ཡིག་ཞོལ་ཏུ་འཇོག་པ། བོད་ཡིག་སྔུན་དང་རྒྱ་ཡིག་གཞུག་ཏུ་འཇོག་དགོས། མཉམ་དུ་ཐུར་རུ་འབྲི་སྐབས་བོད་ཡིག་གཡས་དང་རྒྱ་ཡིག་གཡོན་དུ་འཇོག་པ།ཟླུམ་དབྱིབས་ལྟར་འབྲི་སྐབས་གཡོན་ཕྱོགས་ནས་གཡས་ཕྱོགས་སུ་བོད་ཡིག་ཕྱི་སྐོར་དུ་འཇོག་པ་དང་རྒྱ་ཡིག་ནང་སྐོར་དུ་འཇོག་པ། ཡང་ན་བོད་ཡིག་གཡས་ཕྱོགས་ཀྱི་ཟླུམ་ཕྱེད་དང་རྒྱ་ཡིག་གཡོན་ཕྱོགས་ཀྱི་ཟླུམ་ཕྱེད་དུ་འཇོག་དགོས། ཕྱི་རྒྱལ་གྱི་ཡིག་རིགས་སམ་ཡང་ན་གྲངས་ཉུང་མི་རིགས་གཞན་པའི་ཡི་གེ་དང་མཉམ་དུ་འབྲི་སྐབས།བོད་ཡིག་དང་རྒྱ་ཡིག དེ་ནས་ཕྱི་ཡིག་གམ་གྲངས་ཉུང་མི་རིགས་ཀྱི་ཡི་གེའི་གོ་རིམ་ལྟར་སྒྲིག་དགོས་པར་གཏན་འབེབ་བྱས་ཡོད་པ་རེད། ལྷག་དོན་དུ་གལ་ཏེ་དེ་ལྟར་ལག་བསྟར་མ་གནང་བའམ་ལག་བསྟར་བྱེད་པར་འགོག་རྐྱེན་བཟོ་ཚེ་ཁྲིམས་སྒྲིག་ལྟར་ཉེས་ཆད་གཅོད་རྒྱུའི་སྒྲིག་གཞི་ཁག་གཅིག་ཀྱང་གཏན་འབེབས་བྱས་འདུག ད་རེས་བོད་ཡིག་བཀོལ་སྤྱོད་གནང་སྟངས་ཀྱི་སྒྲིག་སྲོལ་གསར་པ་དེར་ས་གནས་མང་ཚོགས་དང་ལྷག་དོན་དྲ་རྒྱ་ཁག་ཐུ་ཕྱི་ནང་བོད་རིགས་མང་པོས་ཡི་རང་བསྔགས་བརྗོད་ཞུས་པ་མ་ཟད་དོན་དངོས་སུ་དེ་ལྟར་ལག་བསྟར་བྱ་ཐུབ་དགོས་པ་སོགས་ཀྱི་དགོངས་ཚུལ་ཕུལ་ནས་གླེང་སློང་གནང་བཞིན་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཟླ་ ༡ ཚེས་ ༢༢ ཉིན་གནས་མཆོག་རྡོ་རྗེ་གདན་དུ་རྒྱ་ནག་སྐམ་ས་ཆེན་པོའི་རྒྱ་རིགས་དད་ལྡན་གཙོ་གྱུར་ཐེ་ཝན། སིངྒ་པུར། མ་ལེ་ཤི་ཡའི་རྒྱ་རིགས་རྣམས་ལ་ཤེས་རབ་སྙིང་པོ་དང་རྡོ་རྗེ་གཅོད་པའི་བཀའ་ཆོས་དབུ་འཛུགས་མཛད་ཡོད་པ་རེད། ༸གོང་ས་མཆོག་གིས་ཆོས་འབྲེལ་དངོས་གཞི་དབུ་འཛུག་མ་གནང་གོང་མགོན་པོ་༸གང་ཉིད་མཆོག་ནས་ནང་ཆོས་ཀྱི་སྤྱི་བཤད་བཀྲིན་སྩལ་སྐབས་སྤྱིར་འཛམ་གླིང་ནང་མིའི་ཁམས་དང་མོས་པ་འདྲ་མིན་ཡོད་པ་ལ་དཔག་པའི་ཆོས་ལུགས་མི་འདྲ་བ་མང་པོ་ཞིག་ཡོད་ཀྱང་། ནང་པ་སངས་རྒྱས་པའི་ཆོས་ནི་ཆོས་ལུགས་གཞན་དང་མི་འདྲ་བར་རིག་པས་དཔྱད་ནས་མིའི་རྣམ་དཔྱོད་རྩལ་དུ་འདོན་རྒྱུ་ཡོད་པའི་ཆོས་ཤིག་ཡིན་སྐོར་དང་། དགོན་པ་ཞིག་མཐོང་བ་ཙམ་གྱིས་དད་པ་ཁོ་ན་མིན་པར་དེ་ཤེས་ཡོན་གྱི་ལྟེ་གནས་ཤིག་ཡིན་པར་ཚོར་སྣང་ཞིག་སླེབས་ཐུབ་པ་བཟོ་དགོས་གལ་ཡིན་པའི་ལམ་སྟོན་བཀྲིན་བསྩལ་བ་དང་འབྲེལ། མི་རབས་མང་པོ་ནས་བརྒྱུད་པའི་ཕ་མེས་ཀྱི་ཆོས་དེ་བདག་གཅེས་ལེགས་པོ་གནང་དགོས་པར་ལམ་སྟོན་བསྩལ་འདུག དེ་ཡང་༸གོང་ས་མཆོག་ནས་སངས་རྒྱས་པའི་ཆོས་སྤྱི་དང་སྒོས་སུ་དཔལ་ནཱ་ལེནྡཱ་ནས་བྱུང་པའི་ལེགས་སྦྱར་གྱི་ཆོས་བརྒྱུད་དེ་བོད་དུ་མ་དར་བའི་སྔོན་ནས་རྒྱ་ནག་ཏུ་དར་ཁྱབ་ཡོད་པ་དང་། རྒྱ་མི་རིགས་ཚོ་ཕ་མེས་ནས་ནང་པ་ཡིན་སྟབས་བསམ་བློའི་ནང་ལྷན་སྐྱེས་སུ་ནང་ཆོས་དང་སེམས་ཐག་ཉེ་པོ་ཞིག་ཡོད་པ་མ་ཟད། ལྷག་པར་བོད་དང་རྒྱ་ནག་དབར་དུས་རབས་མང་པོའི་སྔོན་ནས་ཆོས་ཀྱི་འབྲེལ་བ་ཡོད་པ་བཀའ་བསྩལ་བ་དང་ཆབས་ཅིག རྒྱ་རིགས་ཚོས་ཕ་མེས་ནས་ཡོད་པའི་ནང་པ་སངས་རྒྱས་པའི་ཆོས་དེ་གཅེར་ཉར་གནང་དགོས་གལ་ཡིན་པར་ལམ་སྟོན་རྒྱ་ཆེ་མཛད་ཡོད། ༸གང་ཉིད་མཆོག་གིས་ད་དུང་འཛམ་གླིང་ནང་ཆོས་ལུགས་ཁག་དར་ཚུལ་དང་ལྷག་པར་རྒྱ་གར་ནང་གྲངས་ཅན་པ་ནས་རིམ་བཞིན་ཆོས་ལུགས་འདྲ་མིན་དར་བ་དང་། ཁྱད་པར་དུ་ནང་པ་སངས་རྒྱས་པའི་ཆོས་དར་ཁྱབ་བྱུང་ཚུལ་སོགས་ངོ་སྤྲོད་མཛད་པ་དང་བསྟུན། རྒྱ་གར་གྱི་ཆོས་ལུགས་མཐུན་འབྲེལ་ཐོག་༸གང་ཉིད་མཆོག་ནས་རྒྱུན་དུ་ཡིད་སྨོན་ཆེན་པོ་གནང་བཞིན་སྐོར་བཀའ་བསྩལ་བ་མ་ཟད་རྒྱ་ནག་གི་ད་ལྟའི་སྲིད་འཛིན་ཞི་ཅིང་ཕིང་གིས་དེ་སྔོན་པེ་རིས་(Paris)དང་སླར་རྒྱལ་ས་ལྡིའི་ (Delhi) ནང་བཅས་སུ་ནང་པའི་ཆོས་དེ་རྒྱ་ནག་གི་རིག་གཞུང་ནང་ཆ་ཤས་གལ་ཆེ་ཞིག་ཡིན་པ་གཏམ་བཤད་བྱས་ཡོད་པ་ལྟར་མི་རིགས་གང་ཡིན་རུང་སོ་སོའི་ཕ་མེས་ནས་ཡོད་པའི་ཆོས་དང་རིག་གཞུང་གཅེས་ཉར་བྱེད་རྒྱུ་གལ་འགངས་ཆེན་པོ་ཡིན་སྐོར་སོགས་ངོ་སྤྲོད་མཛད་འདུག དེ་རིང་གི་བཀའ་ཆོས་དེའི་ཐོག་རྒྱ་ནག་སྐམ་ས་ཆེན་པོའི་རྒྱ་རིགས་དད་ལྡན་གཙོ་གྱུར་ཐེ་ཝན། སིངྒ་པུར། མ་ལེ་ཤི་ཡ་སོགས་ནས་རྒྱ་རིགས་ཆོས་ཞུ་བ་སུམ་སྟོང་ལྷག་ཆེད་བཅར་ཞུས་འདུག་པ་དང་གྲྭ་བཙུན་དང་སེར་སྐྱ་མི་མང་བཅས་ཁྱོན་ཆོས་ཞུ་བ་ཉིས་ཁྲི་ལ་ཉེ་བ་འདུ་འཛོམས་བྱུང་འདུག མཛད་འཆར་གཞིགས་ན། ༸གོང་ས་མཆོག་གིས་དེ་རིང་ནས་སང་ཉིན་བཅས་ཉིན་གྲངས་གཉིས་རིང་ལ་རྒྱ་རིགས་ཚོར་ཆོས་འབྲེལ་བཀྲིན་བསྩལ་གནང་རྒྱུ་དང་། ཕྱི་ཚེས་ ༢༥ ཉིན་ཁུལ་དེར་ཡོད་པའི་རྒྱ་གར་སློབ་གྲྭ་ཁག་གཅིག་གི་སློབ་ཕྲུག་དང་མཇལ་འཕྲད་གནང་རྒྱུ་སོགས་ཀྱི་མཛད་འཆར་ཁག་ལེགས་པར་གྲུབ་རྗེས་ཕྱི་ཚེས་ ༢༨ ཉིན་རྡོ་གདན་ནས་མཁའ་ལམ་བརྒྱུད་རྒྱལ་ས་ལྡི་དང་དེ་ནས་བཞུགས་སྒར་རྡ་རམ་ས་ལར་ཕྱིར་ཕེབས་མཛད་ཀྱི་འདུག

ཉན་པ།: Listen ཕབ་ལེན། Download སྐྱབས་བཅོལ་ལག་ཁྱེར་དེབ་སྐྱེལ་ཞུ་ཕྱོགས་སྐོར་གནད་འདྲི། Sunday 21/01/2018 Interview on Online RC Registration.

ཉན་པ།: Listen ཕབ་ལེན། Download ༸གོང་ས་མཆོག་གི་༸སྐུའི་སྲུང་ཆའི་ཐད་མང་ཚོགས་ནས་སེམས་འཚབ་མ་གནང་རོགས་ཞེས་གསུངས་སོང་། བོད་རིགས་རང་སྐྱོང་ས་ཁུལ་གྱི་མི་དམངས་ཁྲིམས་ཁང་དྲྭ་ཐོག་བོད་ཡིག་བཀོལ་སྤྱོད་བྱེད་དགོས་པའི་འབོད་སྐུལ། ཨ་རིའི་གྲོས་ཚོགས་ནང་བོད་དོན་གླེང་སློང་བྱུང་པ། Twitter དྲྭ་གནས་ཐོག་བོད་ཀྱི་རྒྱལ་དར་འཇོག་མཁན་རྒྱ་རིགས་གཅིག་གི་ནང་མིར་བསུན་བཙེར་བཟོས་འདུག བཞུགས་སྒར་དུ་ཁྲིམས་སྐོར་ཟབ་སྦྱོང་གནང་པ། མཛོད་དགེ་གླིང་བ་ཡུལ་མཚོའི་སྐྱེས་པ་ཁག་ཅིག་ནས་རྒྱན་རྩེད་སྤངས་རྒྱུའི་དམ་བཅའ། Saturday 20/01/2018 Security tightened amidst Bomb scare in Bodh Gaya, CTA calls for calm Tibet raised in US Congress’ debate on China’s Strategy to Accrue Global Power Tibetans petition China’s Supreme Court over failure to use Tibetan language Vancouver student posts Tibet flag on Twitter, police reaches parents doorstep in China Interactive session on Legal Problems faced by Tibetans living in India 967 Tibetans in Dzoege pledge to shun acts of gambling and stealing

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ད་ལྟའི་ཆར་རྒྱ་གར་གྱི་གནས་མཆོག་རྡོ་རྗེ་གདན་དུ་ཕྱི་ནང་གི་དད་ལྡན་ཆོས་ཞུ་བ་ཁྲི་ཚོགས་ལྷག་ལ་བཀའ་ཆོས་བཀྲིན་སྩོལ་བཞིན་པའི་ཁྲོད། ཁ་སང་ཕྱི་དྲོ་ས་གནས་ཉེན་རྟོག་པས་གསུང་ཆོས་རྭ་བའི་ཉེ་འཁྲིས་ནས་འབར་རྫས་གཉིས་རྙེད་སོན་བྱུང་ཡོད་པ་རེད། འདི་ག་རླུང་འཕྲིན་ཁང་གི་གསར་འགོད་པས་བོད་མིའི་སྒྲིག་འཛུགས་བདེ་སྲུང་དྲུང་ཆེ་ཀརྨ་རིན་ཆེན་ལགས་སུ་བཅར་འདྲི་ཞུས་པར་ཁོང་གིས་ད་ལན་འབར་རྫས་གཉིས་རྙེད་སོན་བྱུང་ཡོད་པའི་གནས་ཚུལ་དེ་དངོས་འབྲེལ་ཡིན་པ་རེད། འོན་ཀྱང་འབར་རྫས་ཀྱི་གནད་དོན་དེ་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་ཕྱྭར་དམིགས་པ་ཞིག་མིན་པ་དང་། ད་ལྟའི་ཆར་མངའ་སྡེའི་གཞུང་ནས་༸སྐུ་ཕྱྭའི་སྲུང་སྐྱོབ་ཀྱི་ཉེན་སྲུང་ཚད་མཐོ་རུ་བཏང་ཡོད་སྟབས་བོད་མི་གཙོས་པའི་ཕྱི་ནང་གི་དད་ལྡན་མང་ཚོགས་རྣམས་ནས་བློ་འཚབ་མ་གནང་རོགས་ཞེས་འབོད་སྐུལ་གནང་འདུག

ཉེ་ཆར་བོད་ཕྱི་ནང་གཉིས་ཀྱི་བོད་མི་ཁག་གཅིག་ནས་རྒྱ་ནག་ཆེས་མཐོའི་ཁྲིམས་ཁང་ལ་ཞུ་སྙན་ཞིག་ཕུལ་ཏེ་བོད་རིགས་རང་སྐྱོང་ས་ཁུལ་ཁག་གི་མི་དམངས་ཁྲིམས་ཁང་གི་གཞུང་འབྲེལ་དྲ་རྒྱའི་སྟེང་བོད་ཡིག་བཀོལ་སྤྱོད་མི་གནང་བའི་གནས་སྟངས་ཐོག་སེམས་འཚབ་ཀྱི་རྣམ་པ་ཤུགས་ཆེ་བཏོན་འདུག དེ་ཡང་བོད་མིའི་ཁྲིམས་གླེང་དྲ་རྒྱའི་ཐོག་གནས་ཚུལ་སྤེལ་བར་གཞིགས་ན། དྲ་རྒྱ་དེའི་རྩོམ་སྒྲིག་པ་དང་ཁྲིམས་རྩོད་པ་ཕྱི་སྡོད་བོད་མི་སྒྲོལ་མ་སྐྱབས་ལགས་ཀྱིས་གཙོས་པའི་བོད་ཕྱི་ནང་གི་བོད་མི་ ༡༡༨ ལྷག་གིས་ཉེ་ཆར་རྒྱ་ནག་གི་ཆེས་མཐོའི་ཁྲིམས་ཁང་ལ་ཞུ་སྙན་ཞིག་ཕུལ་བའི་བརྒྱུད། བོད་རང་སྐྱོང་ལྗོངས་དང་བོད་རིགས་རང་སྐྱོང་ཁུལ། དེ་ཁོངས་རྫོང་དང་གྲོང་ཁྱེར་བཅས་ཀྱི་མི་དམངས་ཁྲིམས་ཁང་གི་དྲ་རྒྱའི་ནང་བསམ་བཞིན་དུ་ཡིན་མིན་ལ་ལྟོས་མེད་བོད་ཡིག་གཏན་ནས་བཀོལ་སྤྱོད་མི་གནང་བ་དེར་སེམས་འཚབ་དང་འབྲེལ། དེ་ནི་འབྲེལ་ཡོད་ཁྲིམས་ཁང་སོ་སོའི་རྩ་ཁྲིམས་དང་སྒྲིག་སྲོལ་གྱི་དགོངས་དོན་ཁག་ལ་ཆེད་མངགས་སྣང་མེད་དུ་བཞག་པ་ཞིག་མཚོན་གྱི་ཡོད་སྐོར་སྐྱོན་བརྗོད་དང་། ལྷག་དོན་རྒྱལ་ཁབ་ཀྱི་སྲིད་བྱུས་དང་ཁྲིམས་ལུགས་ཤེས་བྱ་ཁག་ལ་རྒྱུས་ལོན་གཏན་ནས་བྱེད་ཐུབ་ཀྱི་མེད་སྟབས། རང་ཉིད་ལ་ཁྲིམས་ལུགས་ཀྱི་གནང་བའི་ཐོབ་ཐང་ཁག་ལ་སྲུང་སྐྱོབ་བྱེད་ཐུབ་ཀྱི་མེད་པ་མངོན་གསལ་གནང་འདུག ཀྲུང་ཧཱ་མི་དམངས་སྤྱི་མཐུན་རྒྱལ་ཁབ་ཀྱི་མི་དམངས་ཁྲིམས་ཁང་རྩ་འཛུགས་ཁྲིམས་ཀྱི་དོན་ཚན་ ༦ པའི་ནང་དུ་གྲངས་ཉུང་མི་རིགས་རང་སྐྱོང་ས་ཁུལ་གྱི་མི་དམངས་ཁྲིམས་ཁང་གིས་བཅད་ཁྲ་དང་གསལ་བསྒྲགས། དེ་བཞིན་གཞུང་གི་ཡིག་ཆ་གང་ཞིག་སྤེལ་སྐབས་རང་སྐྱོང་ས་ཁུལ་དེའི་སྤྱི་སྤྱོད་སྐད་ཡིག་བཀོལ་སྤྱོད་བྱེད་དགོས་ཞེས་བཀོད་ཡོད་ནའང་། དོན་དངོས་ཐོག་བོད་རིགས་རང་སྐྱོང་ས་ཁུལ་གྱི་རིམ་པ་སོ་སོའི་མི་དམངས་ཁྲིམས་ཁང་གི་དྲ་རྒྱ་ཡོངས་རྫོགས་སྟེང་དུ་བོད་ཡིག་གཏན་ནས་བཀོལ་སྤྱོད་གནང་མེད་སྟབས། ཆེས་མཐོའི་ཁྲིམས་ཁང་ལ་དེ་འབྲེལ་དྲི་བ་ཕུལ་ཁག་ལ་ལན་ཞིག་གནང་སྐྱོང་ཡོང་བའི་འབོད་སྐུལ་ཞུས་འདུག ཆེས་མཐོའི་ཁྲིམས་ཁང་ལ་ཕུལ་བའི་དྲི་བ་དེ་དག་ཁོངས་སུ་བོད་ཀྱི་སྐད་ཡིག་དེ་བོད་རིགས་རང་སྐྱོང་ས་ཁུལ་གྱི་མི་དམངས་ཁྲིམས་ཁང་གི་དྲ་རྒྱའི་སྟེང་བཀོལ་མི་རུང་བའི་ཡིག་རིགས་ཤིག་ཡིན་ན། དེ་ལ་ཁྲིམས་ལུགས་ཀྱི་རྒྱབ་རྟེན་ཅི་ཡོད་དམ་ཞེས་དང་བོད་ཀྱི་སྐད་ཡིག་དེ་བོད་རིགས་རང་སྐྱོང་ས་ཁུལ་ཁག་གི་མི་དམངས་ཁྲིམས་ཁང་ལ་དགོས་གལ་མེད་པར་གཟིགས་ཀྱི་འདུག་གམ། ཡང་ན་བོད་ཁུལ་གྱི་རྒྱ་ཡིག་བཀླག་མི་ཐུབ་མཁན་རྒྱ་ཆེའི་བོད་རིགས་འབྲོག་པ་མང་ཚོགས་ནས་རང་གི་མི་དམངས་ཁྲིམས་ཁང་གི་དྲ་རྒྱའི་ནང་དུ་ཡོད་པའི་བཅད་ཁྲ་དང་གསལ་བསྒྲགས་སོགས་བཀླག་མ་ཐུབ་རྐྱེན་ཁོང་ཚོའི་ཐོབ་ཐང་ལ་གོད་ཆག་བྱུང་ན་དེ་ནི་མང་ཚོགས་ནས་རྒྱ་ཡིག་མ་ཤེས་པའི་དབང་གིས་སོ་སོའི་གྱོང་གུད་ཡིན་ནམ། ཡང་ན་ཁྲིམས་ཁང་གི་ཁྲིམས་མ་བསྲུང་དབང་གི་ཡིན་ནམ་ཞེས་དྲི་བ་ཁག་གསུམ་བཏང་འདུག དེ་མིན་བོད་མི་སྐད་ཡིག་ལས་འགུལ་བ་བཀྲིས་དབང་ཕྱུག་ལགས་ཀྱི་གནད་དོན་གསལ་བཏོན་དང་འབྲེལ། ཁོང་གིས་དེ་སྔོན་ཡུལ་ཤུལ་མི་དམངས་ཁྲིམས་ཁང་དང་སྲིད་གཞུང་སོགས་ལ་བོད་ཡིག་བཀོལ་སྤྱོད་བྱེད་ཀྱི་མེད་པའི་ཞུ་སྐུལ་གནང་བ་ཙམ་གྱིས་ཁྲིམས་འཛིན་ལས་ཁུངས་སོགས་ཀྱིས་ཁོང་འཛིན་བཟུང་བཙོན་འཇུག་བྱས་ཏེ་ལོ་གཉིས་རིང་ཁྲིམས་ཐག་མ་བཅད་པར་བཀག་ཉར་བྱས་རྗེས་ཉེ་དུས་ཁོང་ལ་ཐག་གཅོད་ཀྱིས་དཔྱད་ཁྲ་གང་ཡང་མ་བཏང་པར་མུ་མཐུད་བཀག་ཉར་འོག་བཞག་ཡོད་པ་རེད། ཁོང་དེ་སྔ་འཛིན་བཟུང་བྱས་པའི་སྐབས་སུའང་ཡུལ་ཤུལ་མི་དམངས་ཁྲིམས་ཁང་དང་སྲིད་གཞུང་གི་དྲ་རྒྱའི་ནང་དུ་དེའི་སྐོར་བོད་ཡིག་ཡིག་འབྲུ་གཅིག་ཀྱང་བྲིས་མེད་སྐོར་འགྲེལ་བརྗོད་དང་འབྲེལ། ཆེས་མཐོའི་མི་དམངས་ཁྲིམས་ཁང་ནས་བོད་ནང་གི་གནད་དོན་དེ་འབྲེལ་ཐོག་དོ་སྣང་བྱ་རྒྱུའི་དུས་ལ་བབ་ཡོད་སྐོར་ནན་བརྗོད་གནང་འདུག