Monthly Archives: May, 2018

༸གོང་ས་མཆོག་གིས་གཞུང་ཞབས་བགྲེས་ཡོལ་བ་རྣམས་ལ་དམིགས་བསལ་མཇལ་ཁ་སྩལ་བ།

ཉན་པ།: Listen ཕབ་ལེན། Download ༸གོང་ས་མཆོག་གིས་གཞུང་ཞབས་ཟུར་པ་བགྲེས་ཡོལ་བ་ཁག་ཅིག་ལ་མཇལ་ཁ་བསྩལ་བ། བོད་མིའི་སྒྲིག་འཛུགས་ཀྱི་རྩིས་ཞིབ་སྤྱི་ཁྱབ་གསར་པ་བསྐོ་གཞག། ༸གོང་ས་མཆོག་གི་བཀའ་སློབ་ལ་བརྟེན་ནས་བདག་མེད་སེམས་ཅན་གསོ་སྐྱོང་ཁང་གསར་འཛུགས། བཀའ་ཟུར་༸རྗེ་བཙུན་པདྨ་དང་བསྟན་པ་ཚེ་རིང་མཆོག་གཉིས་ལ་བཅར་འདྲི། Wednesday 02/05/2018 You should be proud of your service: Dalai Lama tells retired CTA officials Former Secretary Arya Pema Dadul Elected as New Auditor-General Indian Actor inspired by Dalai Lama’s words, establishes shelter for stranded animals Interview with Kasur Jetsun Pema and Tempa Tsering

ཉན་པ།: Listen ཕབ་ལེན། Download བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ ༣༠ པ་དབུ་འཛུགས། ༸གོང་ས་མཆོག་གིས་ལྷོ་བྱང་ཀོ་རི་ཡའི་དབུ་ཁྲིད་རྣམ་གཉིས་ལ་འཚམས་འདྲི་མཛད་པ། ལི་ཐང་དགོན་སྡེ་ཁག་ཏུ་རྒྱ་གར་ནས་ཕེབས་པའི་དགེ་བཤེས་རྣམས་ཕྱིར་ཕུད། མོ་དཱི་མཆོག་གིས་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་ལ་མངོན་བསྟོད་ཀྱི་གཟེངས་རྟགས་གནང་བ། ཤེས་རིག་ལས་ཁུངས་ཀྱིས་བརྡ་ཆད་ཚན་པའི་དྲྭ་ཚིགས་དབུ་འབྱེད། Tuesday 01/05/2018 30th Task Force Meet on Sino-Tibet Negotiations begin in Dharamsala Dalai Lama congratulates two Korean Leaders Tibetan Geshes from India forced to leave monastery in Lithang Modi honors Central Institute of Higher Tibetan Studies on Buddha Purnima Sherig Kalon inaugurates new Tibetan Terminology Website and Glossary

དེ་རིང་ཟླ་ ༥ ཚེས་ ༡ ཉིན་བཞུགས་སྒར་དུ་རྟེན་གཞི་བྱས་པའི་ Asia Health Resorts གསོལ་མགྲོན་ཁང་གི་ཡང་སྟེང་ཚོགས་ཁང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དབུ་བཞུགས་ཐོག་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ ༣༠ པ་དབུ་འཛུགས་གནང་སོང་བ་དང་། ཚོགས་འདུ་འདི་དེ་རིང་ནས་དབུ་འཛུགས་ཀྱིས་གནངས་བར་ཉིན་གྲངས་གསུམ་རིང་ཚོགས་གནང་གི་ཡོད་པ་རེད། སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་ ༢༢ ཡོད་པ་ལས་ ༡༨ ནས་མཉམ་ཞུགས་གནང་འདུག་ཅིང། ཐེངས་འདིའི་ཚོགས་འདུ་དབུ་འབྱེད་སྐབས་སྔར་རྒྱུན་ལྟར་གཞུང་འབྲེལ་མ་གཏོགས་ཕྱིའི་གསར་འགོད་པ་ཚོགས་འདུའི་ཐོག་བཅར་བཅུག་མེད་པ་རེད། ཚོགས་འདུ་དབུ་འབྱེད་དང་འབྲེལ་བའི་གནས་ཚུལ་བོད་མིའི་སྒྲིག་འཛུགས་ཀྱི་གཞུང་འབྲེལ་དྲྭ་རྒྱའི་ཐོག་སྤེལ་བར་གཞིགས་ན། སྲིད་སྐྱོང་མཆོག་གིས་ཉེ་བའི་ཆར་ལྷོ་བྱང་ཀོ་རི་ཡའི་དབུ་ཁྲིད་རྣམ་གཉིས་དབར་མཇལ་མོལ་མཚོན། རྒྱལ་སྤྱིའི་ཆབ་སྲིད་འགྱུར་ལྡོག་ཁྲོད་མ་འོངས་པར་བོད་ཀྱི་གནད་དོན་ཐོག་བཟང་ཕྱོགས་ཀྱི་འགྱུར་བ་ཡོང་སྲིད་སྐོར་གསུངས་པ་མ་ཟད། ལྷག་པར་དུ་རྒྱ་ནག་གི་སྲིད་འཛིན་གྱི་དུས་བཀག་མེད་པ་བཟོས་པ་དང། རྒྱ་ནག་འགོ་ཁྲིད་གསར་པའི་ཁྲོད་ནས་བོད་ཀྱི་གནད་དོན་ཐོག་ལྟ་བ་མཁྲེགས་བཟུང་འཛིན་མཁན་ཁག་ཅིག་ཡོང་བཞིན་པ་བཅས་ལ་བརྟེན། ཕྱི་ལོ་ ༢༠༢༡ ལོ་ནས་རྒྱ་ནག་གི་ཆབ་སྲིད་གནས་སྟངས་ལ་འགྱུར་བ་ཕྱིན་སྲིད་པ་བཅས་ལ་གཞིར་བཞག་ཐོག་འབྱུང་འགྱུར་ལོ་གསུམ་བཞིའི་ནང་བོད་རྒྱ་ཞི་མོལ་བསྐྱར་བཟོ་དང་༸གོང་ས་མཆོག་བོད་ལ་ཕྱིར་ཕེབས་ཐུབ་དང་མི་ཐུབ་ཀྱི་ཐག་གཅོད་ཡོང་རྒྱུའི་ཆེས་གཉན་འཕྲང་གི་དུས་སྐབས་ཤིག་ཆགས་ཡོད་པ་གསུངས་འདུག གསར་འགོད་པས་བོད་མིའི་སྒྲིག་འཛུགས་ཀྱི་མགྲིན་ཚབ་པ་ཕྱི་དྲིལ་དྲུང་ཆེ་དྭགས་པོ་བསོད་ནམས་ནོར་བུ་ལགས་སུ་བཅར་འདྲི་ཞུས་པར་ད་ལྟའི་རྒྱལ་སྤྱིའི་ཆབ་སྲིད་འཕོ་འགྱུར་ཁྲོད་བོད་ཀྱི་གནད་དོན་དང་འབྱུང་འགྱུར་རྒྱ་བོད་གཉིས་དབར་ཞི་མོལ་བསྐྱར་མཐུད་གནང་རྒྱུ་སོགས་ཀྱི་ཐད་ལ་བཀའ་བསྡུར་གནང་གི་ཡོད་པ་དང། ད་བར་བོད་རྒྱ་ཞི་མོལ་བསྐྱར་མཐུད་མ་ཐུབ་པར་དེ་མུར་གནས་དགོས་པའི་འགོག་རྐྱེན་གཙོ་བོ་ཞིག་ནི་རྒྱ་གཞུང་གིས་༸གོང་ས་མཆོག་གི་དགོངས་གཞི་དང་བོད་མིའི་སྒྲིག་འཛུགས་ཀྱི་བཞེངས་ཕྱོགས་ལ་ཡིད་ཆེས་མེད་པར་བརྟེན་དེ་ལྟར་གནས་དགོས་བྱུང་ཡོད་སྐོར་གསུངས་སོང་།  གཞི་རྩའི་ཐེངས་འདིའི་ཚོགས་འདུ་དེ་སྲིད་སྐྱོང་བློ་བཟང་སེང་གེ་མཆོག་གིས་བོད་མིའི་སྒྲིག་འཛུགས་ཀྱི་ཆབ་སྲིད་ཀྱི་ཐུགས་འགན་བཞེས་པ་ནས་བཟུང་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ ༨ པ་དེ་ཆགས་ཀྱི་ཡོད་པ་དང་། ལྷག་དོན་ད་ལན་སྲིད་སྐྱོང་མཆོག་གིས་སྲིད་སྐྱོང་གི་ལས་ཡུན་གཉིས་པ་གནང་རྗེས་བོད་རྒྱ་ཞི་མོལ་དང་འབྲེལ་བའི་ཚོགས་འདུ་ཐེངས་ ༣ པ་དེ་ཆགས་ཀྱི་ཡོད་པ་རེད། རྩ་བའི་ད་བར་བོད་རྒྱ་གཉིས་དབར་འབྲེལ་མོལ་ཐེངས་ ༩ བྱུང་ཟིན་ཡོད་པ་དེ་ལྟར་ཡང། འབྲེལ་མོལ་མཐའ་མ་དེ་ཕྱི་ལོ་ ༢༠༡༠ ཟླ་ ༡ པོའི་ཟླ་མཇུག་ཏུ་གནང་རྗེས། འབྲེལ་མོལ་སྣེ་ཁྲིད་གནང་མཁན་གཉིས་ཀྱིས་ལས་གནས་ནས་དགོངས་ཞུ་གནང་བ་མ་ཟད། ད་བར་འབྲེལ་མོལ་བསྐྱར་མཐུད་གནང་མ་ཐུབ་པར་དེ་མུར་ལྷག་ཡོད་ཀྱང་། སྲིད་སྐྱོང་མཆོག་གིས་མ་འོངས་པའི་ལས་དོན་སྐོར་ལ་གསུང་བཤད་གནང་བའི་ནང་བོད་རྒྱ་འབྲེལ་མོལ་བསྐྱར་མཐུད་གནང་རྒྱུ་དེ་གནད་དོན་གཙོ་གྲས་སུ་བརྩི་བཞིན་ཡོད་པ་དང། བོད་མིའི་ཕྱོགས་ནས་༸གོང་ས་མཆོག་གམ་༸གང་ཉིད་ཀྱི་སྐུ་ཚབ་དང་ལྷན་བོད་རྒྱ་གཉིས་དབར་གྱི་འབྲེལ་མོལ་དུས་དང་ས་གནས་གང་ཞིག་ཏུ་གནང་ཡང་གྲ་སྒྲིག་ཨང་སར་ཡོད་སྐོར་གསུངས་ཡོད་པ་རེད། ལྷག་པར་དུ་སྲིད་སྐྱོང་མཆོག་གིས་ཉེ་ཆར་གྲོས་ཚོགས་ཐོག་བོད་ཀྱི་གནད་དོན་ཐད་འབྱུང་འགྱུར་གྱི་ལོ་གསུམ་བཞིའི་ནང་བཟང་ཐག་ངན་ཐག་ཞིག་ཆོད་རྒྱུར་གནད་ཆེ་ཞིག་ཆགས་ཡོད་པ་གསུངས་ཡོད།

བོད་མདོ་ཁམས་ལི་ཐང་ས་ཁུལ་དུ་དུས་རྒྱུན་༸གོང་ས་༸སྐྱབས་མགོན་ཆེན་པ་མཆོག་གི་༸སྐུ་པར་སྒྲིག་གཤོམ་དང་བཀའ་སློབ་སོགས་ཀྱང་གསན་གཟིགས་གནང་རྒྱུའི་གུ་ཡངས་ཀྱི་རྣམ་པ་ཡོད་ཀྱང་། ཉེ་ཆར་ནས་བཟུང་སྔར་དང་མི་འདྲ་བར་ཆོས་ལུགས་ཀྱི་གནང་སྒོར་དམ་དྲག་ཆེ་རུ་བཏང་ཡོད་པ་དང་། ལི་ཐང་རྫོང་ས་གནས་རྒྱ་ནག་སྲིད་གཞུང་དང་ཐད་ཀར་འབྲེལ་བ་ཡོད་མེད་ལ་མ་ལྟོས་པར་ས་གནས་དཔོན་རིགས་ཁག་ཅིག་གིས་དེ་སྔ་རྒྱ་གར་ནས་ཕེབས་པའི་དགེ་བཤེས་ལྷ་རམས་པ་ཚོས་ལི་ཐང་དགོན་ཆེན་དུ་དགེ་རྒན་གྱི་ཕྱག་ལས་གནང་བཞིན་ཡོད་པ་དེ་དག་གནང་མི་ཆོག་ཞེས་དགོན་པ་ནས་ཕྱིར་ཕུད་བཏང་བ་མ་ཟད་མི་མང་ལ་གསུང་ཆོས་ཀྱང་གནང་མི་ཆོག་པའི་བཙན་བཀའ་བཏང་འདུག དགོན་པའི་ངོས་ནས་དགུན་དུས་སུ་སློབ་གྲྭའི་གུང་གསེང་སྐབས་སློབ་ཕྲུག་རྣམས་ལ་ཟུར་དུ་བོད་ཀྱི་བརྡ་སྤྲོད་རིག་པ་དང་སྙན་ངག་སོགས་སློབ་ཁྲིད་གནང་བཞིན་ཡོད་པ་དེ་དག་གནང་མི་ཆོག་པ་བཟོས་པ་དང་། ལྷག་དོན་དགོན་པའི་གྲྭ་བཙུན་ཚོས་ཀྱང་སློབ་མི་ཆོག་པའི་བཀག་སྡོམ་བྱས་འདུག དེ་བཞིན་ཤིང་སྣ་འདེབས་འཛུགས་ལ་ཁ་གཡར་ཏེ་རྒྱ་སྒོར་ཁྲི་དགུ་བརྒྱ་ལྷག་སྤྲད་དེ་ཉོས་པའི་ས་གནས་ཡུལ་མིའི་ས་ཆ་མང་པོ་ཞིག་གུན་གསབ་གང་ཡང་མ་སྤྲད་པར་བཙན་འཕྲོག་བྱས་པ་དང་། ལི་ཐང་རྟ་རྒྱུག་འགྲན་བསྡུར་བ་རྣམས་ཀྱང་རྫོང་ཉེན་རྟོག་པས་དོན་མེད་འཛིན་བཟུང་གིས་ཉེས་རྡུང་ཚད་མེད་བཏང་བ་མ་ཟད་རྟ་རྒྱུག་འགྲན་བསྡུར་གནང་མི་ཆོག་པའི་བཀག་སྡོམ་བྱས་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལྷོ་བྱང་ཀོ་རི་ཡའི་དབུ་ཁྲིད་གཉིས་ཀྱིས་ལོ་མང་ནས་ཡོད་བཞིན་པའི་ས་ཁུལ་གཉིས་དབར་གྱི་རྩོད་རྙོག་འདུམ་འགྲིག་གནང་སྟེ་ཞི་བདེ་མཉམ་གནས་གནང་རྒྱུ་དང་། ཀོ་རི་ཡའི་ཉེ་བའི་གླིང་ཕྲན་དེ་རྡུལ་ཕྲན་མཚོན་ཆ་མེད་པའི་གླིང་ཕྲན་ཞིག་ཏུ་འགྱུར་རྒྱུའི་ལོ་རྒྱུས་ཀྱི་རང་བཞིན་ལྡན་པའི་ཞི་བདེ་དང་འཆམ་མཐུན་གྱི་གྲོས་མཐུན་བྱུང་བར་དགའ་བསུ་དང་ཡི་རང་བསྔགས་བརྗོད་མཛད་འདུག རྩ་བའི་ལྷོ་བྱང་ཀོ་རི་ཡ་གཉིས་པོ་དེ་སྔ་འཛམ་གླིང་དམག་ཆེན་གཉིས་པའི་རྗེས་སུ་ཨ་རི་དང་ཨུ་རུ་སུ་གཉིས་དབར་གྱི་གྲང་དམག་གི་ངན་ལན་ཁྲོད་ལྷོ་བྱང་ཀོ་རི་ཡ་གཉིད་དབར་དམག་འཁྲུག་དྲག་པོ་བྱུང་ཡོད་པ་ལྟར། ཕྱི་ལོ་ ༡༩༥༣ ལོར་ Korean Armistice ཞེས་པའི་ཆིངས་ཡིག་འོག་ཀོ་རི་ཡ་དེ་ལྷོ་བྱང་གཉིས་སུ་དབྱེ་རྒྱུ་དང་། མ་འོངས་པར་ཞི་འཇམ་གྱི་ཆིངས་ཡིག་ཞིག་མ་བྱུང་བར་ཕན་ཚུན་དམག་གི་ལས་དོན་རེ་ཞིག་མཚམས་འཇོག་བྱ་རྒྱུ་ཐད་ལ་མོས་མཐུན་བྱུང་ཡོད་པ་རེད། འོན་ཀྱང་འདས་པའི་ལོ་ངོ་ ༦༠ ལྷག་གི་ནང་དམར་ཤོག་གཞུང་འཛིན་ཡོད་པའི་བྱང་ཀོ་རི་ཡའི་ངོས་ནས་ ༥༣ ལོའི་ཆིངས་ཡིག་དེ་ཕྱིར་འཐེན་བྱ་རྒྱུའི་སྐོར་ཐེངས་ ༦ ཙམ་བཤད་མྱོང་ཡོད་པ་རེད། ཉེ་བའི་ཆར་ཀོ་རི་ཡ་རྒྱལ་ཁབ་གཉིས་དབར་དམག་འཁྲུག་བྱུང་སྲིད་པའི་གནས་སྟངས་ཆགས་ཡོད་པ་དེ་ལྟར་ཡང་ཉེ་ཟླ་ ༤ ཚེ་ས ༢༧ ཉིན་ལྷོ་བྱང་ཀོ་རི་ཡ་གཉིས་དབར་གྱི་ནང་མོལ་ལྷན་ཚོགས་ཐོག་དབུ་ཁྲིད་གཉིས་ནས་དེ་སྔ་ཕྱི་ལོ་ ༡༩༥༣ ལོའི་ཆིངས་ཡིག་བཞག་ཡུལ་ས་གནས་ Panmunjeom ཞེས་པ་དེར་མཇལ་འཕྲད་གནང་སྟེ་ལྷོ་བྱང་ཀོ་རི་ཡ་གཉིས་ཕན་ཚུན་འཆམ་མཐུན་དང་ཞི་བདེ་ཐོག་མཉམ་གནས་བྱ་རྒྱུ་དང་། ཀོ་རིའི་ཉེ་བའི་གླིང་ཕྲན་དེ་རྡུལ་ཕྲན་མཚོན་ཆ་མེད་པའི་གླིང་ཕྲན་ཞིག་ཏུ་འགྱུར་རྒྱུའི་གྲོས་མཐུན་གནང་ཡོད་པ་རེད། ཁ་སང་དཔལ་ལྡན་དགའ་ལྡན་ཕོ་བྲང་ཡིག་ཚང་གི་དྲྭ་གནས་ཐོག་གནས་ཚུལ་སྤེལ་བར་གཞིགས་ཚེ་༸གོང་ས་༸སྐྱབས་མགོན་ཆེན་པོ་མཆོག་ནས་དབུ་ཁྲིད་རྣམ་གཉིས་སོ་སོར་ཕྱག་ཡིག་བསྩལ་ཏེ་དབུ་ཁྲིད་རྣམ་གཉིས་ཀྱིས་འཆམ་མཐུན་ཐོག་ཞི་བདེ་མཉམ་གནས་གནང་རྒྱུ་དང་། རྡུལ་ཕྲན་མཚོན་ཆ་མེད་པ་བཟོ་རྒྱུའི་ཐག་གཅོད་གནང་བ་དེར་དགའ་བསུ་དང་ཡི་རང་བསྔགས་བརྗོད་མཛད་འདུག ༸གོང་ས་མཆོག་གིས་ཀོ་རི་ཡའི་དབུ་ཁྲིད་གཉིས་ལ་བསྩལ་བའི་ཕྱག་ཡིག་དེའི་ནང་ངོས་རང་འཛམ་གླིང་ཁྲོད་དམག་དོན་མཚམས་འཇོག་དང་ལྷག་པར་དུ་རྡུལ་ཕྲན་མཚོན་ཆ་མེད་པ་བཟོ་རྒྱུའི་ཐོག་ལས་དོན་སྤེལ་མཁན་ཞིག་ཡིན་སྟབས། ད་རེས་དབུ་ཁྲིད་རྣམ་གཉིས་ནས་ཀོ་རི་ཡའི་གླིང་ཕྲན་ཐོག་ཡུན་རིང་གནས་པའི་ཞི་བདེའི་ཆིངས་ཡིག་བཞག་པར་དགའ་བསུ་ཡོད་པ་བཀའ་བསྩལ་འདུག་པ་དང་། སྤྱིར་འཛམ་གླིང་ས་ཕྱོགས་གང་སར་དམག་འཁྲུག་དང་འཚེ་བའི་ལས་དོན་སྤེལ་རྐྱེན་འགྲོ་བ་མང་དག་ཞིག་སྡུག་བསྔལ་འོག་ཏུ་ལྷུང་བ་གཟིགས་སྐབས་ཐུགས་ཧ་ཅང་མ་མཉེས་པ་བྱུང་སྐོར་བཀའ་བསྩལ་བ་དང་འབྲེལ། ད་རེས་དབུ་ཁྲིད་རྣམ་གཉིས་ཀྱིས་གནང་སྟངས་དེས་ཞི་བདེའི་ངང་ཕན་ཚུན་གྲོས་མོལ་གནང་རྒྱུ་དེ་ནི་ཕན་ཚུན་འཆམ་མཐུན་དང་ཡིད་ཆེས། ཞི་བདེ་སྐྲུན་རྒྱུའི་ལམ་ཁ་གཅིག་པོ་དེ་ཡིན་པ་མངོན་གསལ་གནང་ཡོད་སྐོར་བཀའ་བསྩལ་འདུག ཁྱད་པར་དུ་མ་འོངས་པར་འཛམ་གླིང་ཁྱོན་ཡོངས་སུ་རྡུལ་ཕྲན་མཚོན་ཆ་མེད་པ་བཟོ་རྒྱུ་དང་ཞི་བདེ་བག་ཕེབས་ཡོང་བར་ཐུགས་རེ་གནང་བཞིན་ཡོད་པ་མ་ཟད་རྒྱལ་སྤྱིའི་སྤྱི་ཚོགས་ནས་ཀྱང་དབུ་ཁྲིད་རྣམ་གཉིས་ནས་གནང་ཕྱོགས་དེར་རྒྱབ་སྐྱོར་མཐའ་གཅིག་ཏུ་གནང་རྒྱུའི་ཡིད་ཆེས་བརྟན་པོ་ཡོད་པ་བཀའ་བསྩལ་འདུག

གནས་བརྟན་སྡེ་པའི་ལུགས་ཀྱི་ས་ག་ཟླ་བའི་ཚེས་བཅོ་ལྔ་ཉིན་བདག་ཅག་གི་སྟོན་པ་མཉམ་མེད་ཤཱཀྱ་སེང་གེ་མཆོག་ལྷུམས་སུ་ཞུགས་པ་དང་། སངས་རྒྱས་པ། མྱ་ངན་ལས་འདས་པ་བཅས་ཀྱི་དུས་ཆེན་ཁྱད་འཕགས་བ་གསུམ་འཛོམས་ Buddha Purnima ཞེས་སྲུང་བརྩི་ཞུ་སྲོལ་ཡོད་པ་ལྟར། ཁ་སང་ཕྱི་ཟླ་ ༤ ཚེས་ ༣༠ ཉིན་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ Indira Gandhi Indoor Stadium ཚོགས་ཁང་དུ་རྒྱ་གར་དབུས་གཞུང་གི་རིག་གཞུང་ལྷན་ཁང་དང་ International Buddhist Confederation ཞེས་རྒྱལ་སྤྱིའི་ནང་པའི་མཐུན་ཚོགས་གཉིས་ཟུང་འབྲེལ་ཐོག་གོ་སྒྲིག་འོག་སྐུ་མགྲོན་གཙོ་བོ་རྒྱ་གར་གྱི་སྲིད་བློན་ Narendra Modi མཆོག་དབུ་བཞུགས་གཙོས། རྒྱ་གར་གྱི་ས་གནས་འདྲ་མིན་ཁག་གི་ནང་པ་སངས་རྒྱས་པའི་རྗེས་འབྲང་ཆོས་ཚོགས་དང་དགོན་ཁག་གི་དགེ་བཙུན་ཁྲི་ལ་ཉེ་བ་དང་བོད་མི་ ༡༠༠༠ ལྷག་འདུ་འཛོམས་ཀྱིས་དུས་ཆེན་དེ་སྲུང་ཞུས་འདུག སྲིད་བློན་ན་རེནྡྲ་མོ་དཱི་མཆོག་གིས་སྐབས་དེར་རྒྱ་གར་ཡུ་པི་མངའ་སྡེ་ནང་རྟེན་གཞི་བྱས་པའི་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་དང་རྒྱ་གར་རྒྱལ་ཡོངས་དགེ་འདུན་འདུ་ཚོགས་པ་གཉིས་ནས་ནང་ཆོས་ཀྱི་བསླབ་པ་སློབ་གཉེར་འཛིན་སྐྱོང་སྤེལ་གསུམ་གནང་བར་  Vaishakh Sammaan Prashasti Patra ཞེས་ས་ག་ཟླ་བའི་མངོན་བསྟོད་ཀྱི་གཟེངས་རྟགས་ཤིག་ཀྱང་ཕུལ་འདུག སྲིད་བློན་མཆོག་གིས་དེ་རྗེས་ནང་པ་སངས་རྒྱས་པའི་ཆོས་ཀྱི་གལ་གནད་དང། ལྷག་པར་དུ་རྒྱ་གར་རང་གི་ས་སྐྱེས་རྡོ་སྐྱེས་ཀྱི་ཆོས་དམིགས་བསལ་བ་དེ་ཆོས་རྒྱལ་མྱ་ངན་མེད་ཀྱི་སྐུ་དུས་ནས་ཉམས་གསོ་དང་དར་སྤེལ་གནང་བ་ལྟར་ང་ཚོའི་ངོས་ནས་དེ་ལྟར་གནང་དགོས་གལ་ཡིན་པ་གསུངས་འདུག སྲིད་བློན་མཆོག་གིས་ཁྱད་པར་དུ་རྒྱ་གར་འདི་འཚེ་མེད་ཞི་བའི་རྒྱལ་ཁབ་ཞིག་ཡིན་པ་དང། རྒྱལ་ཁབ་འདི་དང་ལྷག་དོན་ཡུལ་འདི་ནས་དར་བའི་ནང་པའི་ཆོས་ཀྱི་ནང་སྐད་ཡིག་བཅས་ཀྱི་དབྱེ་བ་རྩ་བ་ནས་མེད་པར་ནན་གསུང་གནང་བ་དང་འབྲེལ། སྲིད་བློན་མཆོག་གིས་སྣེ་ཁྲིད་པའི་གཞུང་གི་ངོས་ནས་རྒྱ་གར་གྱི་གནའ་བོའི་རིག་གནས་སྲུང་སྐྱོབ་ཞུ་སླད་ཕུགས་རྒྱང་རིང་པོའི་ལས་གཞི་སྤེལ་བཞིན་ཡོད་སྐོར་གསུངས་པ་མ་ཟད། རྒྱ་གར་ནང་གི་ནང་པའི་གནས་ཆེན་ཁག་ཅིག་ཡར་རྒྱས་གཏང་ཆེད་དུ་རྒྱ་གར་སྒོར་མོ་འབུམ་༣༦༠ མ་དངུལ་བཀའ་འཁྲོལ་གནང་འདུག རྩ་བའི་རྒྱ་གར་གཞུང་གི་ངོས་ནས་ས་ག་ཟླ་བའི་དུས་ཆེན་གཞུང་འབྲེལ་གྱི་སྲུང་བརྩི་ཞུ་རྒྱུ་དབུ་འཛུགས་གནང་བ་ནས་བཟུང་སློབ་གཉེར་ཁང་དང་སྒྲིག་འཛུགས། དེ་བཞིན་གང་ཟག་སྒེར་བཅས་ལ་བསྟན་པའི་ཞབས་འདེགས་དང་ཤེས་ཡོན། རིག་གཞུང་སོགས་ཀྱི་ཐད་ལ་གཟེངས་སུ་ཐོན་པའི་ཕྱག་ལས་གནང་མཁན་རྣམས་ལ་ Vaishakh Sammaan Prashasti Patra ཞེས་ས་ག་ཟླ་བའི་མངོན་བསྟོད་ཀྱི་གཟེངས་རྟགས་དེ་གནང་སྲོལ་ཡོད་པ་དང། དེ་སྔོན་ཕྱི་ལོ་ ༢༠༡༦ ལོའི་ས་ཟླའི་དུས་ཆེན་ཐོག་ཝཱ་ཎ་དབུས་བོད་ཀྱི་གཙུག་ལག་སློབ་ཁང་གི་ཉེ་བའི་རིགས་བདག་དགེ་བཤེས་ངག་དབང་བསམ་གཏན་ལགས་སུ་གཟེངས་རྟགས་དེ་ཕུལ་ཡོད་པ་མ་ཟད། འདི་ལོ་སླར་ཡང་གཟེངས་རྟགས་དེ་ཝཱ་ཎ་དབུས་བོད་ཀྱི་གཙུག་ལག་སློབ་ཁང་གི་ཕྱག་ལས་ལ་མངོན་སྟོད་ཀྱི་ཚུལ་དུ་ཕུལ་ཡོད་པ་རེད། གཞི་རྩའི་ས་ག་ཟླ་བའི་དུས་ཆེན་དེ་ནི་སྟོན་པ་ཤཱཀྱ་ཐུབ་པ་མཆོག་དགའ་ལྡན་གྱི་གནས་ནས་ལྷ་མོ་སྒྱུ་འཕྲུལ་མའི་ལྷུམས་སུ་ཞུགས་ཤིང་ལུམ་བྷིའི་ཚལ་དུ་སྐུ་བལྟམས་པ་དང་། གནས་མཆོག་རྡོ་རྗེ་གདན་དུ་བྱང་ཆུབ་ཆེན་པོའི་ཤིང་གི་དྲུང་དུ་གཡོ་མེད་ཏིང་འཛིན་ལ་གནས་ཏེ་སྲོད་ལ་བདུད་འདུལ་བ་དང་ཐོ་རེངས་ལ་མངོན་པར་རྫོགས་པར་སངས་རྒྱས་པ། རྩྭ་མཆོག་གྲོང་དུ་གཤེགས་ཏེ་ས་ལའི་ཚལ་གྱི་དབུས་ཐ་མལ་གྱི་གཟིམ་ཁྲིར་བཞུགས་ཤིང་ཉན་ཐོས་འོད་སྲུང་ཆེན་པོ་ལ་བསྟན་པ་གཏད་དེ་ཟག་པ་མེད་པའི་ཆོས་ཀྱི་དབྱིངས་སུ་སྐུ་མྱ་ངན་ལས་འདས་པའི་མཛད་པ་བསྟན་པ་བཅས་དུས་ཆེན་ཁྱད་པར་བ་གསུམ་དུས་གཅིག་ཏུ་ཁེལ་བའི་དུས་ཚིགས་བྱིན་ཅན་ཞིག་ཡིན་པ་རེད། ཐེངས་འདིའི་གནས་བརྟན་སྡེ་པའི་ལུགས་ཀྱི་ས་ག་ཟླ་བའི་དུས་ཆེན་སྲུང་བརྩིའི་མཛད་སྒོ་ཐོག་རྒྱ་གར་གྱི་རིག་གཞུང་བློན་ཆེན་སྐུ་ཞབས་ Mahesh Sharma དང་ནང་སྲིད་བློན་ཆེན་གཞོན་པ་སྐུ་ཞབས་Kiren Rijiju མཆོག་བཅས་ཆེད་ཕེབས་གནང་བ་མ་ཟད། བོད་མིའི་ཕྱོགས་ནས་ཤར་བྱང་ཆོས་རྗེ་རྣམ་གཉིས་དང་། འབྲི་གུང་༸སྐྱབས་མགོན་ཆེ་ཚང་རིན་པོ་ཆེ་མཆོག ཀྭན་ཏིང་ཏཱ་ཡི་སི་ཏུ་རིན་པོ་ཆེ་མཆོག རྣམ་གྲྭ་མཁན་པོ་ཁྲོམ་ཐོག་རིན་པོ་ཆེ་མཆོག་གི་དབུས་པའི་བོད་ཀྱི་མཁན་བླ་སྤྲུལ་ཁག་ཅིག་ཆེད་ཕེབས་གནང་འདུག