ARCHIVE
Monthly Archives: July, 2018
རེས་གཟའ་ཟླ་བ། ༢༠༡༨།༠༧།༢༣
vot.org -
ཉན་པ།: Listen
ཕབ་ལེན། Download
བླ་མས་ཆབ་སྲིད་ནང་དུ་ཐེ་གཏོགས་བྱས་ནས་འགྲོ་བ་དེས་བསྟན་པར་ཕན་རྒྱུ་ཚབ་ཏུ་གནོད་རྒྱུ་ཡིན་པ་བཀའ་བསྩལ་བ།
ཅོན་ཏ་ར་ཁུལ་གྱི་སྨན་རྩིས་ཁང་གི་དཔར་སྐྲུན་སྡེ་ཚན་དབུ་འབྱེད་གནང་བ།
ཤེས་རིག་བཀའ་བློན་མཆོག་ནས་གཟའ་མཇུག་སློབ་གྲྭའི་དགེ་རྒན་རྣམས་ལ་ཟབ་སྦྱོང་གནང་བ།
རྒྱ་ནག་ནང་རྒྱ་བལ་གཉིས་ཀྱི་དམག་མི་དབར་དམག་སྦྱོང་ཐེངས་གཉིས་པ་འགོ་འཛུགས་བྱ་རྒྱུ།
དམིགས་བསལ་ལས་རིམ། ༸རྒྱལ་བ་སྐུ་ཕྲེང་ལྔ་པའི་མཛད་རྣམ།
Monday 23/07/2018
Lamas should not meddle in politics: Dalai Lama
Mentsekhang Chauntra opens new publication center
Workshop for Tibetan language teachers in North America
Nepal to hold joint military drill with China
FEATURE: 5th Dalai Lama Ngawang Lobsang Gyatso
ཅོན་ཏ་ར་སྨན་རྩིས་ཁང་གི་དཔར་སྐྲུན་སྡེ་ཚན་གསར་པ་དབུ་འབྱེད་གནང་བ།
vot.org -
རྒྱ་གར་བྱང་ཕྱོགས་བཞུགས་སྒར་དུ་རྟེན་གཞི་བྱས་པའི་དབུས་སྨན་རྩིས་ཁང་གི་ཡན་ལག་ཅོན་ཏ་ར་སྨན་རྩིས་ཁང་གི་དཔར་སྐྲུན་སྡེ་ཚན་གསར་པ་དབུ་འབྱེད་གནང་སོང་།
རྩ་བའི་ཅོན་ཏ་ར་སྨན་རྩིས་ཁང་དུ་བོད་ཀྱི་གསོ་བ་རིག་པའི་སློབ་གཉེར་ཁང་དང་ཉམས་ཞིབ་ཁང་། སྨན་རྩྭ་འདེབས་ལས་ཁང་། སྨན་རྩིས་ཁང་གི་རྒྱ་སྐད་སྡེ་ཚན་བཅས་ཡོད་པའི་ཐོག་དེ་རིང་སྨན་རྩིས་ཁང་གི་དཔར་སྐྲུན་སྡེ་ཚན་དབུ་འབྱེད་གནང་ཡོད་པ་རེད།
བླ་མས་ཆབ་སྲིད་ནང་ཐེ་གཏོགས་བྱས་ནས་འགྲོ་བ་དེས་བསྟན་པར་ཕན་རྒྱུའི་ཚབ་ཏུ་གནོད་རྒྱུ་རེད།
vot.org -
བོད་མིའི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལ་དྭགས་ ཟངས་དཀར་སེར་སྐྱ་མང་ཚོགས་རྣམས་ལ་༸རྗེ་ཙོང་ཁ་པ་ཆེན་པོས་མཛད་པའི་ལམ་རིམ་བསྡུས་དོན་གྱི་བཀའ་ཁྲིད་དབུ་འཛུགས་གནང་བ་དང་འབྲེལ། བླ་མས་ཆབ་སྲིད་ནང་ཐེ་གཏོགས་བྱས་ནས་འགྲོ་བ་དེས་བསྟན་པར་ཕན་རྒྱུའི་ཚབ་ཏུ་གནོད་རྒྱུ་ཡིན་པ་ལམ་སྟོན་མཛད་འདུག༸གོང་ས་༸སྐྱབས་མགོན་ཆེན་པོ་མཆོག་ཕྱི་ཟླ་ ༧ ཚེས་ ༡༢ ནས་ ༡༦ བར་ལ་དྭགས་ནུབ་ར་ཁུལ་གྱི་མཛད་འཕྲིན་ཁག་ལེགས་པར་གྲུབ་ནས་སླར་ལ་དྭགས་གླེ་རུ་ཕྱིར་ཆིབས་བསྒྱུར་གྱིས་ཞི་བའི་ཚལ་ཕོ་བྲང་དུ་ཟླ་ ༧ ཚེས་ ༢༠ བར་སྐུ་ངལ་གསོ་བཞུགས་མཛད་དེ་ཚེས་ ༢༡ རེས་གཟའ་སྤེན་པ་ཉིན་སྔ་དྲོ་ལ་དྭགས་རྒྱལ་ས་གླེ་ནས་རྒྱ་གར་བྱང་ཕྱོགས་ kargil རྫོང་ཁོངས་སུ་གཏོགས་པའི་ནང་པའི་མང་ཚོགས་གནས་ཡུལ་ཟངས་དཀར་ས་གནས་སུ་༸ཞབས་སོར་བདེ་བར་འཁོད་གནང་མཛད་ཡོད་པ་རེད། ཁ་སང་ཚེས་ ༢༢ ཉིན་སྔ་དྲོ་༸གོང་ས་མཆོག་གིས་ཟངས་དཀར་༸རྒྱལ་བའི་ཕོ་བྲང་དུ་ཁུལ་ཟངས་དཀར་སེར་སྐྱ་མང་ཚོགས་རྣམས་ལ་༸རྗེ་ཙོང་ཁ་པ་ཆེན་པོས་མཛད་པའི་ལམ་རིམ་བསྡུས་དོན་གྱི་བཀའ་ཁྲིད་བསྩལ་འདུག
དབུས་བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་བར་སྐབས་དེར་དངོས་གཞིའི་བཀའ་ཆོས་དབུ་འཛུགས་མ་གནང་གོང་སེར་སྐྱ་མང་ཚོགས་རྣམས་ལ་མགོན་པོ་མཆོག་གིས་ཐུགས་ཀྱི་མཛད་ཁུར་ཆེན་པོ་ཁག་རིམ་པས་ངོ་སྤྲོད་གནང་བ་དང་འབྲེལ། ༸གང་ཉིད་མཆོག་ནི་བོད་པ་ཞིག་དང། ༸རྒྱལ་དབང་གི་མཚན་ཡོད་པའི་ཆ་ནས་བོད་མི་རྒྱ་ཆེ་མང་ཚོགས་ས་ཡ་དྲུག་ལྷག་ཙམ་ནས་༸གང་ཉིད་མཆོག་ལ་རེ་བ་ཞུ་བཞིན་ཡོད། འོན་ཀྱང་ཕྱི་ལོ་ ༢༠༡༡ ནས་མགོན་པོ་མཆོག་གིས་ཆབ་སྲིད་ཀྱི་སྐུ་དབང་ཆ་ཚང་བཞག་པ་ཙམ་མ་ཟད་༸གོང་ས་ལྔ་པའི་སྐབས་ནས་བཟུང་ལོ་ངོ་ ༤༠༠ ལྷག་སོང་བའི་༸རྒྱལ་དབང་ན་རིམ་ནས་ཆོས་སྲིད་གཉིས་ཀྱི་དབུ་ཁྲིད་གནང་སྲོལ་ཡོད་པ་དེ་མ་སྐུལ་དང་བླངས་ཐོག་སྤོབས་པ་དང་བཅས་མཚམས་འཇོག་གནང་བ་ཡིན་ཞེས་བཀའ་བསྩལ་བ་དང་སྦྲགས། བླ་མས་ཆབ་སྲིད་ནང་ཐེ་གཏོགས་ལྟ་བུ་བྱས་ནས་འགྲོ་སྐབས་དེ་སྔ་ང་ཚོའི་ལོ་རྒྱུས་ལ་མཚོན་ནའང་དེས་བསྟན་པར་ཕན་རྒྱུའི་ཚབ་ཏུ་གནོད་ཀྱི་འདུག་ཅེས་བཀའ་ནན་བསྩལ་འདུག
ལྷག་པར་དུ་༸གང་ཉིད་མཆོག་གིས་དེང་སྐབས་ལ་དྭགས་ནང་དུའང་བླ་མའི་ཆབ་སྲིད་ཡོང་བཞིན་ཡོད་པ་ལྟ་བུ་འདུག དེ་དག་རིགས་མི་དགོས་པ་རེད། དེས་བསྟན་པར་ཕན་རྒྱུའི་ཚབ་ཏུ་གནོད་ངེས་རེད།
དེ་ནི་བསམ་བློ་བྱབ་ཆུང་ཞིག་དང་མིག་རྒྱང་ཐུང་ཐུང་ཡིན་པར་བརྟེན་ངོས་ཀྱིས་བླ་མའི་ཆབ་སྲིད་ལ་ངོ་རྒོལ་མཐའ་ཕྱིན་པ་ཡོད་ཅེས་བཀའ་བསྩལ་འདུག
ང་ཚོ་བོད་ལ་མཚོན་ན་གནས་སྟངས་ཧ་ཅང་ཐབས་སྐྱོ་པོ་ཞིག་གི་འོག་ལ་ཡོད། དེ་འདྲའི་སྐབས་དེར་ཉུང་ཤས་ཤིག་ལས་མེད་པ་དེ་དག་གིས་ནང་ཁུལ་ང་དང་ཁོ་ཟེར་ནས་བསྡད་པ་ཡིན་ན་བྱབ་ཆུང་རེད། དངོས་གནས་ཆོས་ལ་བརྟེན་ནས་དགེ་བ་བསག་རྒྱུའི་ཚབ་ཏུ་ཆོས་ལ་བརྟེན་ནས་སྡིག་པ་གསོག་བཞིན་པ་ཞིག་ཆགས་ཡོད། ཁྱེད་རང་ཚོ་ཚང་མས་བསམ་བློ་གཏོང་ཤེས་པར་བྱེད་དགོས་ཞེས་དང་ང་ཚོ་མ་འོངས་པར་ཐུག་རྒྱུ་དེ་འདྲ་ཡོང་སྲིད། མུ་མཐུད་ནས་ཐུག་རྒྱུ་བྱུང་ན་ངོས་ཀྱི་སྐད་ཆ་འདི་སྙིང་གཏམ་ཡིན། མ་འོངས་པར་འདི་ཁུལ་ཡོང་རྒྱུ་ཁག་པོ་ཆགས་ན་སྐད་ཆ་འདི་ཁ་ཆེམས་ཡིན་ཞེས་བཀའ་བསྩལ་འདུག
༸གོང་ས་༸སྐྱབས་མགོན་ཆེན་པོ་མཆོག་གིས་ཟངས་དཀར་སེར་སྐྱ་མང་ཚོགས་རྣམས་ལ་སངས་རྒྱས་པའི་ཆོས་པ་ཞིག་བཀའ་འགྱུར་བསྟན་འགྱུར་སློབ་སྦྱོང་བྱེད་དགོས་ན་བོད་ཡིག་མ་ཤེས་པར་ཐབས་མེད་པ་ཞིག་ཡིན་པ་དང། བོད་སྐད་དང་བོད་ཡིག་སློབ་སྦྱོང་བྱ་རྒྱུ་ནི་བོད་པ་ས་ཡ་དྲུག་པོའི་གནད་དོན་ཁོ་ན་མིན་པར་སངས་རྒྱས་པིའ་བསྟན་པ་སྤྱི་དང་ལྷག་པར་དུ་དཔལ་ནཱ་ལེནྡྲའི་ཆོས་བརྒྱུད་ཀྱི་རྣམ་གཞག་ལས་གསུངས་པའི་ནང་ཆོས་ཀྱི་སེམས་ཁམས་རིག་པ་དང་ལྟ་གྲུབ། དེ་བཞིན་ཚད་མ་རིག་པ་ལ་དོ་སྣང་བྱེད་མཁན་ཞིག་ཡིན་ན་བོད་སྐད་དང་བོད་ཡིག་ནི་མེད་ཐབས་མེད་པ་ཞིག་ཆགས་ཡོད་སྟབས། ཟངས་དཀར་བ་ཚོས་ཀྱང་བོད་ཡིག་ཐོག་སློབ་གཉེར་གནང་གལ་ཡིན་སྐོར་བཀའ་བསྩལ་འདུག
༸གོང་ས་མཆོག་གིས་བོད་ཀྱི་ཁོར་ཡུག་སྲུབ་སྐྱོབ་བྱ་རྒྱུའི་གལ་ཆེའི་རང་བཞིན་སྐོར་བཀའ་བསྩལ་བ་དང་འབྲེལ། བོད་ཀྱི་དཀའ་ངལ་དེ་རྒྱ་ནག་ཐོག་ནས་ཡོང་བ་ཞིག་ཡིན་པ་དང། བོད་རྒྱ་གཉིས་ཀྱི་དཀའ་ངལ་དེ་ཉེ་ཆར་གྱི་གནས་ཚུལ་ཞིག་མིན་པར་ལོ་ངོ་སྟོང་ཕྲག་གཅིག་གཉིས་དང་འབྲེལ་བ་ཡོད་པ་ཞིག་ཡིན་པ་སོགས་རྒྱབ་ལྗོངས་ལོ་རྒྱུས་ཁག་ལུང་འདྲེན་གནང་བ་དང་ཆབས་ཅིག ཐབས་སྐྱོ་བ་ཞིག་ལ་ད་ལྟའི་རྒྱ་ནག་དམར་པོའི་གཞུང་ངམ་གཅིག་བསྡུས་རིང་ལུགས་འོག་གསར་འགྱུར་གྱི་རང་དབང་མེད་པར་མང་ཚོགས་ལ་གནས་ཚུལ་སྒྲོ་བཏགས་རྐྱང་རྐྱང་བཤད་རྐྱེན་རྒྱ་རིགས་མང་ཚོགས་ནས་དངོས་ཡོད་གནས་ཚུལ་ཤེས་ཀྱི་མེད་སྐོར་བཀའ་བསྩལ་མ་ཟད། དེང་སྐབས་རིམ་བཞིན་རྒྱ་ནག་སྐམ་ས་ཆེན་པོ་ནས་འཛམ་གླིང་ཕྱི་ལ་ལྟ་སྐོར་འགྲོ་མཁན་མང་དུ་ཕྱིན་ཡོད་པ་དང་ཕྱོགས་མཚུངས་སློབ་ཕྲུག་ཀྱང་ཧ་ཅང་མང་པོ་འགྲོ་བཞིན་ཡོད་པར་བརྟེན་རྒྱ་ནག་རང་གི་ནང་དྲྭ་ལམ་བརྒྱུད་གནས་ཚུལ་མང་པོ་ཞིག་ཤེས་ཀྱི་ཡོད། དེར་བརྟེན་རིམ་བཞིན་གནས་ཚུལ་ཏན་ཏན་འགྱུར་བ་འགྲོ་རྒྱུ་རེད་ཅེས་ལམ་སྟོན་མཛད་འདུག
མཛད་འཆར་ལྟར་བྱས་ན། དེ་རིང་༸གོང་ས་༸སྐྱབས་མགོན་ཆེན་པོ་མཆོག་གིས་ཟངས་དཀར་དད་ལྡན་སེར་སྐྱ་མང་ཚོགས་རྣམས་ལ་འཕགས་པ་ཐུགས་རྗེ་ཆེན་པོའི་བཀའ་དབང་བཀྲིན་བསྩལ་གནང་གི་འདུག་པ་དང་། ལ་དྭགས་དགོན་ཚོགས་ནས་༸གོང་ས་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་རེད་འདུག སང་ཉིན་ཟངས་དཀར་ནང་གི་ཉིན་མཐའ་མའི་མཛད་འཆར་དང་འབྲེལ་ཁུལ་དེའི་པ་ལྡུམ་ནང་གི་སློབ་གྲྭ་དང་སྨན་རྩིས་ཁང་སོགས་སུ་གཟིགས་སྐོར་ལ་ཕེབས་གནང་གི་འདུག
ཟངས་དཀར་ཁུལ་གྱི་མཛད་འཕྲིན་ཁག་ལེགས་པར་གྲུབ་རྗེས་༸གོང་ས་མཆོག་གིས་ཀར་གྷིལ་ཁུལ་དུ་ཆིབས་བསྒྱུར་གྱིས་ས་གནས་སུ་ཉིན་གྲངས་གཉིས་ཀྱི་མཛད་འཕྲིན་བསྐྱང་རྒྱུ་དང། ཕྱི་ཚེས་ ༢༧ ཉིན་སླར་མགོན་པོ་མཆོག་གླེ་གྲོང་ཁྱེར་དུ་ཕྱིར་༸ཞབས་སོར་འཁོད་ནས་ཚེས་ ༢༨ ཉིན་སྐུ་ངལ་གསོ་བཞུགས་དང་དེ་ནས་ཕྱི་ཚེས་ ༢༩ ནས ༣༡ བར་བཅས་ཉིན་གྲངས་ ༣ རིང་གླེ་རུ་ཆོས་འབྲེལ་བཀྲིན་བསྩལ་གནང་རྒྱུ་བཅས་ཀྱི་མཛད་འཆར་ཡོད་པ་རེད།
རེས་གཟའ་ཉི་མ། ༢༠༡༨།༠༧།༢༢
vot.org -
ཉན་པ།: Listen
ཕབ་ལེན། Download
རྒྱལ་ཚོགས་ནང་རྒྱ་ནག་གི་དུས་བཀག་བསྐྱར་ཞིབ་སླེབས་ལ་རན་པ་དང་འབྲེལ། རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་སྐོར་གླེང་མོལ།
དམིགས་བསལ་ལས་རིམ། ༸གོང་ས་མཆོག་ནས་ལ་དྭགས་ནུབ་ར་ཁུལ་དུ་དད་ལྡན་མང་ཚོགས་ལ་བཀའ་སློབ་ཁྲོད་འགྲོ་བ་མིའི་གཅིག་གྱུར་གྱི་བློ་འཛིན་ཕྱོགས་སྐོར་བཀའ་སློབ་བསྩལ་བ།
Sunday 22/07/2018
Discussion on human rights situation in China as UPR draws near
FEATURE: Dalai Lama speech in Nubra valley on oneness of humanity
རེས་གཟའ་སྤེན་པ། ༢༠༡༨།༠༧།༢༡
vot.org -
ཉན་པ།: Listen
ཕབ་ལེན། Download
༸གོང་ས་མཆོག་ཞི་བདེའི་དེད་དཔོན་དང་མཐུན་སྒྲིལ་གྱི་རེ་བ་བཅོལ་སར་ངོས་འཛིན་གནང་གི་འདུག
ཆོས་རིག་བཀའ་བློན་མཆོག་དབྱིན་ཡུལ་གྱི་གྲོས་ཚོགས་འཐུས་མི་དང་མཇལ་འཕྲད།
རྒྱ་གཞུང་གིས་སླར་ཡང་བོད་ནང་དྲག་པོའི་དམག་སྦྱོང་བྱས་འདུག
རྒྱ་ནག་ཐོག་ཉམས་ཞིབ་བྱས་པའི་སྐབས་རང་གི་རང་ལ་དམ་དྲག་བྱ་རྒྱུ་མེད་སྐོར་གསུངས།
དམིགས་བསལ་ལེ་ཚན། ༸གོང་ས་མཆོག་གིས་སྤྱོད་འཛུག་ཆེན་མོའི་ཆོས་འབྲེལ།
Saturday 21/07/2018
A beacon of Peace and Harmony: Ladakhis on the Dalai Lama
Choerig Kalon meets with UK Parliamentarians on maiden visit
Chinese military conducts ground combat drills in Tibet
2018 not an auspicious year for freedom of expression in China Studies: HKFP
FEATURE: Dalai Lama teaching on Compassionate heart in Varanasi in 2013
ལ་དྭགས་ཀྱི་ནང་པ་དང་ཁ་ཆེ་ཚོས་༸གོང་ས་མཆོག་ནི་བླ་ན་མེད་པའི་སྐྱེས་བུ་ཞིག་ཏུ་ངོས་འཛིན་གནང་གི་འདུག
vot.org -
ལ་དྭགས་ཀྱི་ནང་པ་དང་ཁ་ཆེ་ཚོས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནི་བླ་ན་མེད་པའི་སྐྱེས་བུ་ཞིག་ཏུ་ངོས་འཛིན་གནང་བཞིན་ཡོད་པ་མ་ཟད། ལྷག་དོན་ཁ་ཆེ་བ་ཚོས་ཀྱང་མགོན་པོ་༸གང་ཉིད་མཆོག་ཕྱི་ནང་མཐུན་འབྲེལ་གྱི་རེ་བའི་བློ་གཏད་བཅོལ་ཡུལ་གྱི་དབུ་ཁྲིད་ཞིག་དང་། ༸གང་ཉིད་མཆོག་གི་ལམ་སྟོན་འོག་ས་གནས་སུ་མི་རིགས་དང་རིགས་རུས། དབུལ་ཕྱུག་སོགས་ཀྱི་དབྱེ་འབྱེད་མི་གནང་བར་ཤུགས་རྐྱེན་ངེས་ཅན་ཞིག་ཐེབས་ཡོད་པ་ལ་ངོས་འཛིན་ཡང་གནང་བཞིན་འདུག
༸གོང་ས་༸སྐྱབས་མགོན་ཆེན་པོ་མཆོག་གི་ལ་དྭགས་ནང་གི་མཛད་འཕྲིན་ཁག་ལས་ཤེས་རྟོགས་བྱུང་བར་གཞིགས་ན། ཟླ་ ༧ ཚེས་ ༣ ཉིན་མགོན་པོ་མཆོག་ལ་དྭགས་ཀྱི་གླེ་གྲོང་ཁྱེར་དུ་༸ཞབས་སོར་བདེ་བར་འཁོད་ཡོད་པ་དང་། ཚེས་ ༦ ཉིན་མགོན་པོ་༸གང་ཉིད་མཆོག་གིས་ལ་དྭགས་མི་མང་དང་ས་གནས་བོད་མི་བཅས་ནས་གོ་སྒྲིག་ཞུས་པའི་༸སྐུའི་འཁྲུངས་སྐར་གྱི་མཛད་སྒོར་དབུ་བཞུགས་དང་འབྲེལ་མང་ཚོགས་ལ་བླང་དོར་ལམ་སྟོན་བཀྲིན་བསྩལ་གནང་ཡོད་པ་རེད། ཕྱི་ཚེས་ ༡༢ ཉིན་མགོན་པོ་མཆོག་གིས་གླེ་གྲོང་ཁྱེར་ནས་ཀི་ལོ་མི་ཊར་ ༡༢༠ ལྷག་གི་སར་ཡོད་ལྡུམ་ར་ས་གནས་སུ་ཆིབས་བསྒྱུར་དང་འབྲེལ་ཁུལ་དེའི་མང་ཚོགས་ལ་ཆོས་འབྲེལ་དང་མི་ཚེ་དོན་དང་ལྡན་པ་ཞིག་སྐྱེལ་ཐབས་སོགས་ལམ་སྟོན་མཛད་ཡོད་པ་རེད།
༸སྐུའི་འཁྲུངས་སྐར་གྱི་མཛད་སྟོན་ཐོག་སྐུ་མགྲོན་རྣམ་པ་དང་མི་མང་ཚོ་ནང་པ་ཁོ་ཙམ་མིན་པར་ཁ་ཆེ་བ་རྣམས་ནས་ཀྱང་མཉམ་ཞུགས་གནང་ཡོད་པ་ལྟར་ཏུར་ཏུག་ཞེས་པའི་ས་གནས་ལྡུམ་ར་ནས་ཀི་ལོ་མི་ཊར་ ༧༠ ལྷག་གི་ས་གནས་ནས་ཕེབས་པའི་ཁ་ཆེ་མི་གྲངས་ ༤༠ ལྷག་གི་སྐུ་ཚབ་ Haji Abdul Khadhir མཆོག་ལ་བཅའ་འདྲི་ཞུས་པར་ང་ཚོར་ད་ལྟ་རང་༸གོང་ས་མཆོག་གི་མཇལ་ཁ་ཐོབ་སོང་། ༸གང་ཉིད་མཆོག་ནས་ངའི་ཨག་ཚོམ་ནས་འཐེན་གནང་སོང་། ད་རེས་སླར་ཡང་མགོན་པོ་མཆོག་མཇལ་རྒྱུ་བྱུང་བ་དེར་དགའ་ཚོར་ཆེན་པོ་བྱུང་བ་མ་ཟད་༸གོང་ས་མཆོག་དང་ང་ཚོའི་དབར་བློ་ཐག་ཉེ་པོ་ཡོད་ཅེས་གསུངས་པ་དང་ཆབས་ཅིག་ཏུ་༸གོང་ས་མཆོག་ལ་དྭགས་ནང་ཡང་ཡང་ཕེབས་པ་དེས་ནང་པ་དང་ཁ་ཆེ་དབར་གྱི་མཐུན་འབྲེལ་ཟབ་ཏུ་འགྲོ་བར་ཕན་པོ་འདུག་ཅེས་སོགས་གསུངས་སོང་། ཁྱད་པར་དུ་ཁོང་གིས་ང་ཚོའི་ངོས་ནས་༸གོང་ས་མཆོག་ལ་དྭགས་ནང་ཡང་ནས་ཡང་དུ་ཆིབས་བསྒྱུར་བསྐྱང་ཐུབ་པར་རེ་སྨོན་ཞུ་བཞིན་ཡོད་སྐོར་གསུངས་ཡོད།
འདི་གའི་གསར་འགོད་པས་ལྡུམ་ར་བདེ་སྐྱིད་དགོན་པའི་དགེ་བཤེས་ཚུལ་ཁྲིམས་མཐར་ཕྱིན་ལགས་སུ་བཅའ་འདྲི་ཞུས་པར་༸གོང་ས་༸སྐྱབས་མགོན་ཆེན་པོ་མཆོག་ནི་ལ་དྭགས་ཀྱི་ནང་པ་དང་ཁ་ཆེ་གཉིས་ཀས་སྤྱི་མཐུན་གྱི་ཚད་འཛིན་ཞུ་ཡུལ་སྐྱེས་བུ་ཞིག་ཏུ་ངོས་འཛིན་གནང་གི་ཡོད་པ་མ་ཟད། ༸གང་ཉིད་མཆོག་གི་ལམ་སྟོན་ལ་སྤྱི་ཚོགས་གཉིས་པོས་དང་བླངས་ཐོག་བཀའ་བརྩི་ཞུ་གི་ཡོད་སྐོར་གསུངས་སོང་།
༸གོང་ས་༸སྐྱབས་མགོན་ཆེན་པོ་མཆོག་གིས་ལྡུམ་ར་ཁུལ་གྱི་ཉིན་གྲངས་ ༦ རིང་མཛད་འཆར་སྐྱོང་སྐབས་ཏུར་ཏུག་ཁུལ་གྱི་ Shia ཁ་ཆེའི་ཆོས་ལུགས་ཀྱི་མི་སྣ་ ༤༠ ལྷག་གི་སྐུ་ཚབ་ཆེད་མངགས་མཇལ་ཁར་བཅར་བ་ལ་དམིགས་བསལ་ལམ་སྟོན་བཀྲིན་བསྩལ་བ་མ་ཟད། ༸གང་ཉིད་མཆོག་ནས་བདེ་སྐྱིད་ཁུལ་དུ་ཡོད་པའི་ Sunni ཁ་ཆེའི་ཆོས་ལུགས་པའི་ཁ་ཆེའི་ལྷ་ཁང་དུ་གནས་གཟིགས་མཛད་པ་དང་ལམ་སྟོན་བཀའ་སློབ་སོགས་བཀྲིན་བསྩལ་ཡོད་པ་རེད།
གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་ད་རེས་ལ་དྭགས་ཁུལ་དུ་ནང་པའི་ཚོགས་འདུའི་ངོས་ནས་གདན་ཞུ་གསོལ་འདེབས་ཞུས་ཡོད་པ་དང་། ཐེངས་འདིའི་ཆིབས་བསྒྱུར་སྐབས་མགོན་པོ་༸གང་ཉིད་མཆོག་ནས་ས་གནས་ཁག་བཞིའི་ནང་ཆོས་འབྲེལ་སོགས་བསྐྱང་གནང་རྒྱུའི་མཛད་འཆར་ཡོད་པ་ལྟར། ཉིན་གྲངས་ ༦ རིང་ལྡུམ་རའི་མཛད་འཆར་ཁག་ལེགས་པར་གྲུབ་ཡོད་པ་དང་། དེ་རིང་མགོན་པོ་༸གང་ཉིད་མཆོག་གླེ་གྲོང་ཁྱེར་ནས་ཟངས་དཀར་ཁུལ་དུ་ཆིབས་བསྒྱུར་བསྐྱང་གནང་གི་ཡོད་པ་རེད། ད་བར་ཐུགས་གཏན་ཁེལ་བའི་མཛད་འཆར་ལྟར་ན་ཚེས་ ༢༥ ཉིན་ཀར་གྷིལ་ཁུལ་དུ་ཆིབས་བསྒྱུར་དང་འབྲེལ་ཁུལ་དེར་ཉིན་གྲངས་གཉིས་རིང་མཛད་འཆར་བསྐྱང་རྒྱུ་དང་། ཚེས་ ༣༠ ནས་ ༡ བཅས་སུ་གླེ་གྲོང་ཁྱེར་ནང་ཉིན་གྲངས་གསུམ་རིང་བཀའ་ཆོས་བཀྲིན་བསྐྱང་རྒྱུ་བཅས་ཀྱི་མཛད་འཆར་ཡོད་པ་རེད།
རྒྱ་གཞུང་གིས་སླར་བོད་ནང་དྲག་པོའི་དམག་སྦྱོང་བྱས་པ།
vot.org -
ཁ་སང་ཟླ་ ༧ ཚེས་ ༢༠ ཉིན་རྒྱ་ནག་གཞུང་འབྲེལ་གྱི་བརྒྱུད་ལམ་ཁག་ཏུ་གནས་ཚུལ་ཐོན་པར་རྒྱ་གཞུང་གི་དྲག་པོའི་དམག་དང་རྒྱ་ནག་མི་དམངས་བཅིངས་བཀྲོལ་དམག་གཉིས་ཟུང་འབྲེལ་ཐོག་བོད་ཀྱི་ས་ཐོག་ཏུ་དྲག་པོའི་དམག་གི་སྦྱོང་བརྡར་བྱས་ཡོད་པ་དང་། དམག་སྦྱོང་ནང་ཐད་འཕུར་གནམ་གྲུའི་ཁ་ལོ་བ་རྣམས་ས་ཆ་མཐོ་སར་རང་ཉིད་ཀྱི་དམག་རྩལ་ཆེད་བཏོན་གྱིས་རྟོག་ཞིབ་བྱས་པ་མ་ཟད་ཐད་འཕུར་གནམ་གྲུ་ནས་ས་ངོས་སུ་མར་བབ་ནས་དམག་སྦྱོང་སྤྲོད་བཞིན་པའི་རྣམ་པ་མངོན་རྒྱུ་འདུག ཐེངས་འདིའི་དམག་སྦྱོང་ནི་བོད་ཀྱི་ས་ཐོག་ཏུ་འདས་པའི་གཟའ་འཁོར་གཉིས་ཀྱི་ནང་དྲག་པོའི་དམག་སྦྱོང་བྱས་པ་ཐེངས་གཉིས་པ་དེ་ཆགས་ཀྱི་ཡོད་པ་བརྗོད་འདུག
རྒྱ་ནག་དམག་དོན་ཆེད་ལས་པ་ Song Zhongping ཡིས་རྒྱ་ནག་གཞུང་འབྲེལ་གསར་ཁང་ Global Times ལ་དམག་སྦྱོང་སྤྲོད་དོན་ནི་ནམ་ཞིག་དམག་འཁྲུག་རིགས་བྱུང་ཚེ་རང་ཉིད་ཀྱི་དགྲ་བོར་གདོང་ལེན་བྱ་རྒྱུའི་གྲ་སྒྲིག་ཞིག་ཡིན་པ་དང་། ཐེངས་དེའི་དམག་སྦྱོང་སྤྲོད་ས་བོད་ཀྱི་ས་ཐོག་ཏུ་ཆགས་ཀྱི་ཡོད་སྟབས། རྒྱལ་ཁབ་སུ་ཞིག་གི་ཆེད་དུ་དམག་སྦྱོང་དེ་ལྟར་སྤྲོད་ཀྱི་ཡོད་པ་ནི་མཁྱེན་གསལ་རེད། སྤྱིར་དམག་གི་རྒྱལ་ཁ་གསོན་རྒྱུར་དམག་སྦྱོང་དེ་དག་ནི་གནད་ཆེ་ཡིན་པ་དང་། དམག་སྦྱོང་དེ་རིགས་ནི་རྒྱལ་ཁབ་རང་ཉིད་ཀྱི་དམག་མི་རྣམས་ལ་ངེས་མཁོ་དང་གལ་ཆེ་ཆགས་ཀྱི་ཡོད་པ་བཤད་ཡོད་པ་རེད།
རྩ་བའི་ཉེ་སྔོན་རྒྱ་གཞུང་གིས་དམག་དོན་གྲ་སྒྲིག་དང་། རྒྱལ་སྲུང་། ས་མཚམས་སྲུང་སྐྱོབ། གནམ་གྲུ་དང་མེ་ཤུགས་འཕུར་མདའི་བཀོལ་སྤྱོད་བྱ་ཕྱིར་རྒྱ་གར་ཨ་རུ་ནཱ་ཅལ་གྱི་ས་མཚམས་དང་ཉེ་བའི་བོད་ལྷུན་རྩེ་རྫོང་གྱི་ཡུལ་སྨད་གྲོང་སྡེར་བཀོལ་སྤྱོད་བྱེད་མི་མེད་པར་གནམ་གཤིས་བརྟག་དཔྱད་ཁང་ཞིག་འཛུགས་སྐྲུན་བྱས་ཡོད་པ་དང་། སྐབས་དེར་རྒྱ་གར་གྱི་བརྒྱུད་ལམ་ཆེ་ཁག་ནས་རྒྱ་དཀར་ནག་གཉིས་ཀྱི་ས་མཚམས་ཀྱི་ཉེ་འཁོར་དུ་གནམ་གཤིས་བརྟག་དཔྱད་ཁང་གསར་འཛུགས་བྱས་པ་དེ་ནི་དུས་ནམ་ཞིག་རྒྱ་དཀར་ནག་གཉིས་དབར་དམག་འཁྲུག་རིགས་བྱུང་ཚེ་རྒྱ་ནག་མི་དམངས་བཅིངས་བཀྲོལ་དམག་ལ་རོགས་རམ་བྱ་ཕྱིར་ཡིན་པར་སེམས་འཚབ་ཀྱི་རྣམ་པ་ཆེད་བཏོན་བྱས་ཡོད་པ་རེད།
རེས་གཟའ་པ་སངས། ༢༠༡༨།༠༧།༢༠
vot.org -
ཉན་པ།: Listen
ཕབ་ལེན། Download
བོད་ལ་ཕྱིར་ལོག་གནང་མཁན་བོད་རིགས་གཉིས་བལ་བོད་ས་མཚམས་ནས་འཛིན་བཟུང་།
རྒྱ་གཞུང་གིས་དམག་དཔུང་ཕོན་ཆེ་བཏང་ནས་བོད་མི་འཚོ་རྟེན་གནང་སའི་ཆག་ཆུ་གྲམ་པའི་ཁ་ཕྱོགས་བསྒྱུར་བ།
ལྷ་ས་སྟོད་ལུང་བདེ་ཆེན་ནང་རྒྱ་མི་དང་བོད་རིགས་དབར་འཁྲུག་རྩོད་ཤོར་ནས་བོད་མི་ཁ་ཤས་ལ་རྨས་སྐྱོན་ཕོག་པ།
རྒྱ་གཞུང་ལ་བོད་ཀྱི་རང་འབྱུང་ཁོར་ཡུག་གནས་སྟངས་ཐོག་གོ་རྟོགས་མེད་པ་གསལ་པོ་རེད།
རྒྱ་གཞུང་གིས་འགྲོ་བ་མིའི་ཐོབ་ཐང་ལྷན་ཚོགས་དེ་འཁྱོག་བཤད་དྲིལ་བསྒྲགས་ཀྱི་ལས་གཞི་ཡིན་པ་བརྗོད་འདུག
Friday 20/07/2018
Two Tibetans returning to Tibet arrested at Nepal Tibet border
China deploys security forces to prevent Tibetans from protesting water diversion project
Standoff between local Tibetans and Chinese in Toelung Dechen County, several injured
China’s ignorance evident in new white paper on Tibet’s ecological progress
China's human rights progress conference in Wuhan another publicity stunt: TCHRD
དམག་དཔུང་ཕོན་ཆེ་ཆེད་གཏོང་དང་འབྲེལ་བོད་མི་འཚོ་རྟེན་གནང་སའི་ཆག་ཆུ་གྲམ་པའི་ཁ་ཕྱོགས་སྒྱུར་བཞིན་འདུག
vot.org -
རྒྱ་ནག་གཞུང་གིས་མཚོ་སྔོན་ཞིང་ཆེན་མཚོ་ཤར་ཁུལ་བ་ཡན་ནམ་དཔའ་ལུང་ཧེ་རིགས་རང་སྐྱོང་རྫོང་ཆུ་མ་ཞང་དུ་དམག་དཔུང་ཕོན་ཆེ་འགྲེམས་འཇོག་གིས་བོད་མི་ཞིང་འབྲོག་རྣམས་ཀྱི་འཚོ་བརྟེན་གནང་ས་ཆག་ཆུ་གྲམ་པ་ཞེས་པའི་རྒྱུག་ཆུ་ཁ་བསྒྱུར་གྱི་ལས་གཞི་སྤེལ་བཞིན་འདུག
དེ་རིང་ཟླ་ ༧ ཚེས་ ༢༠ ཉིནདྷ་སར་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བརྙན་པར་དང་བཅས་གནས་ཚུལ་སྤེལ་བར་གཞིགས་ན། རྒྱ་ནག་གཞུང་གིས་ཟླ་བ་འདིའི་ཟླ་སྟོད་ནས་བཟུང་དཔའ་ལུང་རྫོང་ཆུ་མ་ཞང་གི་ཆག་ཆུ་གྲམ་པ་ཁ་བསྒྱུར་གྱི་ལས་གཞི་འགོ་འཛུགས་བྱས་པ་དང། ལས་གཞི་དེའི་རྐྱེན་པས་ཆག་ཆུ་ས་ཆའི་སྐྲ་སེང་སྡེ་བ་དང་གྲོ་སྡེ་བ། མགོན་པོ་རྒྱུ། ཨ་མཆོག་དང་ཨ་སྡེ་བཅས་ཞིང་ལས་གཉེར་མཁན་བོད་རིགས་སྡེ་བ་ལྔའི་འཚོ་རྟེན་ལ་དོ་ཕོག་ཆེན་པོ་བཟོས་འདུག
ལྟེ་གནས་ཁང་དེས་ས་གནས་བོད་མི་ཚོས་རྒྱ་གཞུང་གིས་ཆག་ཆུ་གྲམ་པ་ཁ་བསྒྱུར་བྱ་ཚེ་ཁོ་ཚོའི་ཞིང་ཁར་ཆུ་འདྲེན་དང་སྒོ་ཕྱུགས་ལ་རྩྭ་ཆུ་མི་འདང་བའི་སེམས་ཁུར་དང་། ས་གནས་ཀྱི་རང་འབྱུང་ཁོར་ཡུག་ལ་གནོད་སྐྱོན་ཐེབས་རྒྱུ་ཡིན་པར་སེམས་འཚབ་གནང་གི་ཡོད་པ་མ་ཟད། རྒྱ་གཞུང་གིས་ལས་གཞི་དེའི་ཁྲོད་ཡུར་བ་རྐོ་སྐབས་ལོ་ཏོག་སྐྱེས་པའི་ས་ཞིང་བསྔོག་ནས་ཡུལ་མི་ཚོར་ཁ་གསབ་གང་ཡང་སྤྲད་མེད་པ་རེད།
རྒྱ་ནག་གཞུང་གིས་ཁུལ་དེར་གནས་སྡོད་བོད་མི་ཞིང་འབྲོག་རྣམས་ལ་རྒྱུག་ཆུ་ཁ་ཕྱོགས་བསྒྱུར་རྒྱུའི་ལས་གཞི་དེའི་སྐོར་གང་ཡང་བརྗོད་མེད་པ་མ་ཟད་ལས་གཞི་དེ་སྤེལ་ནས་བདུན་ཕྲག་གཅིག་ཙམ་ཕྱིན་ཟིན་ཡོད་ཀྱང་། བོད་མི་ཚོས་རྒྱུག་ཆུ་དེ་རྒྱུ་མཚན་གང་གི་ཆེད་དུ་ཁ་ཕྱོགས་བསྒྱུར་བ་དང་། རྒྱུག་ཆུ་གང་གི་ཕྱོགས་སུ་འདྲེན་གྱི་ཡོད་མེད་སོགས་ཀྱི་གནད་དོན་ཐོག་ཤེས་རྟོགས་གང་ཡང་མེད་སྟབས། ད་ཆ་ས་གནས་བོད་མི་ཚོས་ཆག་ཆུ་གྲམ་པ་ཁ་བསྒྱུར་གྱི་ལས་གཞི་དེ་ནི་ས་ཁུལ་དེའི་དབང་ཆ་ཆེ་ཤོས་འཛིན་མཁན་རྒྱ་ཧེ་རིགས་སྡེ་བར་ཞིང་ཆུ་འདྲེན་པའམ་ཆུ་རགས་དང་གཏེར་ཁ་བསྔོག་འདོན་གྱི་ལས་གཞི་སོགས་ས་གནས་སྲིད་གཞུང་གི་འཛུགས་སྐྲུན་ཁེ་ལས་ཀྱི་ཆེད་དུ་སྤེལ་བཞིན་པར་དོགས་གཞི་དང་ཚོད་དཔག་གནང་གི་ཡོད་འདུག
རྩ་བའི་ཟླ་ ༧ ཚེས་ ༡༠ ཉིན་ས་གནས་བོད་མི་ཚོས་ཆག་ཆུ་གྲམ་པ་ཁ་བསྒྱུར་གྱི་ལས་གཞི་དེ་འགོག་ཐབས་བྱས་པར་ས་གནས་སྲིད་གཞུང་གིས་གསང་བའི་མི་སྣ་དང་ཉེན་རྟོག་པ་སོགས་ཆེད་གཏོང་གིས་ཡུལ་མིར་དྲག་གནོན་དང་འཇིགས་སྐུལ་བྱས་ཏེ་ད་ཆ་ལས་གཞི་དེ་བཙན་དབང་ངང་སྤེལ་མུས་ཡིན་པ་དང་། ཉེ་སྔོན་རྒྱ་གཞུང་གིས་བཙན་དབང་འོག་རྒྱུག་ཆུ་ཁ་ཕྱོགས་བསྒྱུར་བའི་བརྙན་ཐུང་དེ་སྤྱི་ཚོགས་དྲྭ་ལམ་བརྒྱུད་ཁྱབ་སྤེལ་ཆེན་པོ་བྱུང་བའི་ནང་རྒྱ་གཞུང་གི་དམག་དཔུང་རུ་སྒྲིག་ནས་ས་གཤོང་འཕྲུལ་འཁོར་གྱིས་ས་གནས་བོད་མིའི་ཞིང་ཁར་བསྔོག་འདོན་བྱས་ནས་ཆུ་ལམ་བཟོ་བཞིན་ཡོད་པ་དང་། སྐབས་དེར་འཕྲེད་དར་དམར་པོ་ཆེན་པོ་ཞིག་གི་སྟེང་རྒྱ་ཡིག་ཐོག་རྒྱ་ནག་གཞུང་གི་ཁྲིམས་ལུགས་ལྟར་ཆུ་ལ་སྟངས་འཛིན་བྱོས། སྲིད་གཞུང་ལ་རོགས་འདེགས་བྱོས་ཞེས་འབོད་ཚིག་བྲིས་པ་མངོན་རྒྱུ་འདུག
བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་རྒྱ་ནག་གི་ཆུ་བོ་བཅོས་སྐྱོང་དོ་དམ་སྲིད་བྱུས་དེ་ལྟ་བུ་ནི་རྒྱུན་གནས་བྱེད་ཐབས་མེེད་པ་ཞིག་ལ་འགྲེལ་བརྗོད་དང་འབྲེལ། རྒྱ་ནག་གཞུང་གིས་གཙང་ཆུ་ཁ་བསྒྱུར་གྱི་ལས་གཞི་ཁག་མྱུར་དུ་མཚམས་འཇོག་ནས་ས་གནས་བོད་མིའི་འཐུང་ཆུའི་ཐོབ་ཐང་ལ་བརྩི་བཀུར་དགོས་པ་དང་། ཁོར་ཡུག་ཡུན་གནས་ཐུབ་པའི་སྲིད་བྱུས་ཡར་རྒྱས་གཏོང་དགོས་པ། དེ་བཞིན་རྒྱ་གཞུང་གིས་ཆུ་བོ་བཅོས་སྐྱོང་ལས་གཞི་འཆར་འགོད་དང་ལག་བསྟར་བྱེད་སྐབས་ངེས་པར་དུ་ཁོར་ཡུག་གི་ཡུན་གནས་དང་མང་ཚོགས་ཀྱི་འཚོ་རྟེན་རྩ་ཆེར་འཛིན་དགོས་པ་བཅས་ཀྱི་འབོད་སྐུལ་གནང་འདུག