Monthly Archives: August, 2018

བཞུགས་སྒར་ཉེ་འདབས་སུ་རྟེན་གཞི་བྱས་པའི་དབུས་སྣེ་ལེན་ཁང་གི་འཛིན་སྐྱོང་སྦྱོང་བརྡར་ཁང་དུ་བོད་མིའི་གཞུང་འབྲེལ་མ་ཡིན་པའི་ཚོགས་པ་ཁག་ཅིག་གི་ཚོགས་མི་རྣམས་ལ་དབུ་མའི་ལམ་གྱི་སྲིད་བྱུས་གནས་སྟངས་དང་འབྲེལ་བའི་ཟབ་ཁྲིད་པའི་ཟབ་སྦྱོང་ཞིག་དབུ་འཛུགས་གནང་ཐོག་སྲིད་སྐྱོང་མཆོག་གིས་དབུ་མའི་ལམ་གྱི་སྲིད་བྱུས་ལ་གཟིགས་སྐབས་བོད་དང་རྒྱ་ནག རྒྱ་གར། རྒྱལ་སྤྱི་བཅས་ཁག་བཞིའི་ཐོག་ནས་གཟིགས་དགོས་གལ་ཡིན་པ་གསུངས་སོང་། དེ་རིང་སྔ་དྲོ་ཚོུད་ ༩༌༣༠ ཐོག་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་གོ་སྒྲིག་ཞུས་པའི་དབུ་མའི་ལམ་གྱི་ཟབ་ཁྲིད་པའི་ཟབ་སྦྱོང་དབུ་འཛུགས་གནང་སོང་བ་དང་། སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་དང་དྲིལ་བསྒྲགས་དྲུང་ཆེ་ཤར་གླིང་བསྟན་འཛིན་ཟླ་སྒྲོན་ལགས་ཀྱིས་གཙོས་འབྲེལ་ཡོད་ལས་བྱེད། བཞུགས་སྒར་གཙོ་གྱུར་མཚོ་པདྨ་དང་རྡེ་ར་རྡུན། སྦེལ་ཀོབ་སོགས་རྒྱ་གར་གྱི་ས་གནས་འདྲ་མིན་ནང་རྟེན་གཞི་བྱས་པའི་བོད་མིའི་གཞུང་འབྲེལ་མ་ཡིན་པའི་ཚོགས་པ་ཁག་ཅིག་གི་ཚོགས་མི་བཅས་ཁྱོན་ཚོགས་བཅར་བ་ ༣༠ ཙམ་ཆེད་བཅར་ཞུས་འདུག དབུ་མའི་ལམ་གྱི་ཟབ་ཁྲིད་པའི་ཟབ་སྦྱོང་འདི་དེ་རིང་ཟླ་ ༨ ཚེས་ ༢༧ ཉིན་འགོ་འཛུགས་ཀྱིས་ཚེས་ ༢༩ བར་ཚོགས་གནང་གི་ཡོད་པ་དང་། གཙོ་བོ་ཕྱི་འབྲེལ་འགྲོ་བ་མིའི་ཐོབ་ཐང་ཚན་པའི་འགན་འཛིན་སྐལ་ལྡན་མཚོ་མོ་ལགས་ནས་དབུ་མའི་ལམ་གྱི་སྲིད་བྱུས་མང་ཚོགས་ལ་ངོ་སྤྲོད་གནང་སྟངས་དང་རང་ངོས་ནས་སྲིད་བྱུས་དེར་ངེས་ཤེས་ཐུབ་པ་གནང་སྟངས་སོགས་ཀྱི་ཐད་ཟབ་ཁྲིད་གནང་གི་ཡོད་པ་མ་ཟད། ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་ནས་དབུ་མའི་ལམ་དང་འབྲེལ་བའི་ཚོགས་བཅར་བའི་དྲི་བ་ཁག་ལ་ལན་འདེབས་གསལ་བཤད་སོགས་གནང་གི་ཡོད་པ་རེད། སྐུ་མགྲོན་གཙོ་བོ་སྲིད་སྐྱོང་བློ་བཟང་སེང་གེ་མཆོག་གིས་དབུ་མའི་ལམ་གྱི་སྲིད་བྱུས་བརྒྱུད་བོད་མི་རྣམས་ནས་རྒྱ་ནག་གི་རྩ་ཁྲིམས་དང་མ་འགལ་བར་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཀྱི་གནས་བབ་རྩོད་བཞིན་པ་དེས་རྒྱ་གཞུང་ནས་བོད་མི་རྣམས་ཁ་བྲལ་བ་རེད་ཅེས་བརྗོད་བཞིན་པ་དེ་བདེན་པ་མིན་པ་ཞིག་ཏུ་བསྒྲུབ་ཐུབ་པ་མ་ཟད་སྲིད་བྱུས་དེའི་བརྒྱུད་ནས་བོད་རྒྱའི་དཀའ་རྙོག་ཞི་འགྲིག་བྱུང་ཚེ་བོད་རྒྱ་གཉིས་ཀར་ཕན་ཐོགས་ཆེན་པོ་ཡོད་སྐོར་གསུངས་ཡོད། མང་ཚོགས་ནས་དབུ་མའི་ལམ་གྱི་སྲིད་བྱུས་ལ་གཟིགས་སྐབས་རྒྱ་ནག་དང་རྒྱ་གར། རྒྱལ་སྤྱི་དང་བོད་བཅས་ཁག་བཞིའི་ཐོག་ནས་གཟིགས་དགོས་གནད་ཡིན་པ་དང་། རྒྱ་ནག་དང་ལྷན་དུ་བཀའ་མོལ་གནང་རྒྱུ་དེ་ ༢༠༡༠ ལོར་ཆད་པ་ནས་བཟུང་གཞུང་འབྲེལ་ཐོག་དུས་ད་ལྟའང་རྒྱ་ནག་དང་འབྲེལ་བ་བྱུང་མེད་ཀྱང་། རྒྱ་རིགས་མཁས་པ་དང་ཚོང་པ་སོགས་བརྒྱུད་ནས་འབྲེལ་བ་ཞིག་མུ་མཐུད་གནང་མུས་ཡིན་ཞེས་གསུངས་ཡོད། དེ་བཞིན་དབུ་མའི་ལམ་གྱི་སྲིད་བྱུས་འདིས་ཆབ་སྲིད་དང་རྒྱལ་སྤྱིའི་ཁྲིམས་ཀྱི་ཐོག་ནས་རྒྱ་གར་ལ་མཛད་དཀའ་བཟོ་ཡི་མེད་པ་དང་། ཨ་རིས་གཙོས་རྒྱལ་སྤྱིའི་གཞུང་དང་ཚོགས་སྐྱིད་ཁག་ནས་སྲིད་བྱུས་འདིའི་བརྒྱུད་བོད་དོན་ལ་མུ་མཐུད་རྒྱབ་སྐྱོར་གནང་བ་མ་ཟད་ལྷག་དོན་དབུ་མའི་ལམ་གྱི་སྲིད་བྱུས་འདི་རྒྱ་ནག་གི་རྩ་ཁྲིམས་དང་འགལ་མེད་ཀྱི་སྲིད་བྱུས་ཤིག་ཡིན་སྟབས་བོད་ནང་གི་བོད་མི་ཚོས་རང་ཉིད་ཀྱི་སྐད་ཡིག་སྲུང་སྐྱོབ་སོགས་ཀྱི་ལས་འགུལ་སྤེལ་སྐབས་རྒྱལ་སྤྱིའི་ཐོག་ནས་རྒྱབ་སྐྱོར་ཚད་མཐོ་པོ་ཐོབ་རྒྱུ་སོགས་ཀྱི་ཁེ་ཕན་ཡོད་པ་གསུངས་ཡོད། ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་ནས་དབུ་མའི་ལམ་གྱི་སྲིད་བྱུས་དེའི་བྱུང་རིང་དང་ཕུགས་ཀྱི་དམིགས་ཡུལ་སོགས་འགྲེལ་བརྗོད་གནང་བ་འབྲེལ་སྲིད་བྱུའི་འདིའི་ཐོག་མང་ཚོགས་ནས་དོ་སྣང་གནང་སྟེ་གོ་རྟོགས་ལེགས་པོ་ཞིག་ཡོང་བར་འབད་དགོས་གལ་ཡིན་པ་གསུངས་ཡོད།

ཁ་ཉིན་ཟླ་ ༨ ཚེས་ ༢༥ ཉིན་ཨ་རིའི་གྲོས་ཚོགས་གོང་མའི་འཐུས་མི་སྐུ་ཞབས་ John McCain མཆོག་དགུང་ལོ་ ༨༡ ཐོག་ཀླད་སྐྲན་སྙུང་གཞི་ཕོག་ནས་དགོངས་པ་རྫོགས་པའི་གནས་ཚུལ་ཐོན་པར་༸གོང་ས་༸སྐྱབས་མགོན་ཆེན་པོ་མཆོག་གིས་ཐུགས་གསོའི་གསུང་འཕྲིན་ཞིག་བསྩལ་འདུག མགོན་པོ་༸གང་ཉིད་མཆོག་གི་ཐུགས་གསོའི་གསུང་འཕྲིན་དེ་ནི་སྐུ་ཞབས་ John McCain མཆོག་དམ་པ་དེ་ཉིད་ཀྱི་སྐུ་ཟླ་ Cindy McCain ལགས་ཀྱི་མཚན་ཐོག་ཏུ་བསྩལ་ཏེ། ངོས་ཀྱིས་དམ་པ་མཆོག་ལ་ཐུགས་སྨོན་དང་དཀའ་ཚེགས་ཆེ་བའི་དུས་ཚིགས་འདིར་ཤུལ་ལུས་ནང་མི་སྐུ་འཁོར་ལྷན་རྒྱས་ཡོངས་ལ་ཐུགས་གསོ་ཡོད་ཅེས་བཀའ་བསྩལ་འདུག དེ་བཞིན་མགོན་པོ་༸གང་ཉིད་མཆོག་གིས་ཕྱི་ལོ་ ༢༠༠༨ ལོར་ Colorado མངའ་སྡེའི་ Aspen ས་གནས་སུ་སྐུ་ཞབས་ John McCain མཆོག་དམ་པ་དེ་ཉིད་དང་མཇལ་འཕྲད་བྱུང་བར་ཐུགས་དགྱེས་ཚོར་ཆེན་པོ་བྱུང་ཞེས་བཀའ་བསྩལ་བ་དང་ཆབས་ཅིག་ཏུ་དམ་པ་དེ་ཉིད་ཀྱིས་ཨ་རི་མང་ཚོགས་རྣམས་ཀྱི་ཆེད་ཕྱག་ལས་གནང་བར་ཡིད་སྨོན་མཛད་འདུག ༸གོང་ས་མཆོག་གིས་དམ་པ་ཁོང་གིས་དོན་དམ་པའི་ཐོག་ནས་མང་གཙོ་དང་འགྲོ་བ་མིའི་ཐོབ་ཐང་། དེ་བཞིན་ཁོར་ཡུག་བཅས་སྤྱི་ཡོངས་ཐད་ཐུགས་ཁུར་ཆེ་བཞེས་གནང་བ་མ་ཟད་སྒོས་སུ་བོད་ནང་གི་འགྲོ་བ་མིའི་ཐོབ་ཐང་དང་ཁོར་ཡུག་བཅས་ལ་ཐུགས་ཁུར་ཆེན་པོ་གནང་བ་བཅས་ནི་བཀྲིན་ཆེན་པོ་ཡིན་ཞེས་བཀའ་བསྩལ་འདུག གཞན་ཡང་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་སྐུ་ཞབས་ John McCain མཆོག་དམ་པ་དེ་ཉིད་སྐུ་ཚེ་གང་པོར་རང་ཉིད་ཀྱི་རྒྱལ་ཁབ་དང་རྒྱལ་སྤྱིའི་ཁྱོན་ཡོངས་ཀྱི་མང་གཙོ་དང་འགྲོ་བ་མིའི་ཐོབ་ཐང་ཐོག་ཞབས་འདེགས་ཞུས་ཡོད་པ་དང་། ལྷག་དོན་སྐབས་ཤིག་འཛམ་གླིང་གི་དབུ་ཁྲིད་ཚོས་སྲིད་སྐྱོང་མཆོག་དང་མཇལ་འཕྲད་གནང་རྒྱུར་འཛེམ་ཟོན་གནང་ཡང་ཁོང་གིས་དེ་ལས་ལྡོག་སྟེ་དགའ་ཚོར་ཆེན་པོའི་ངང་ནས་མཇལ་འཕྲད་གནང་སྐོར་མངོན་གསལ་གནང་འདུག སྲིད་སྐྱོང་མཆོག་གིས་ད་དུང་སྐུ་ཞབས་ཇོན་མེཁཱན་མཆོག་དམ་པ་དེ་ཉིད་ནི་བློ་རྒྱ་ཡངས་ཤིང་བྱམས་བརྩེ་བདག་ཉིད་ཅན་ཞིག་ཡིན་པ་གསུངས་པ་དང་ཆབས་ཅིག ད་ཆ་དམ་པ་ཁོང་བཞུགས་མེད་ཀྱང་ད་བར་བོད་དང་གཞིས་བྱེས་གཉིས་ཀྱི་བོད་མི་ཡོངས་ཀྱི་སླད་གཡོ་བ་མེད་པར་རྒྱབ་སྐྱོར་གནང་བ་དེ་དག་བོད་མི་ཚོའི་སེམས་ཁུངས་ནས་བརྗེད་མི་སྲིད་ཅེས་གསུངས་འདུག ལྷག་དོན་དམ་པ་དེ་ཉིད་དགོངས་པ་རྫོགས་པ་དེ་ནི་ཨ་རིའི་རྒྱལ་ཁབ་ཀྱི་དཔའ་བོ་ཞིག་མེད་པ་གྱུར་བ་དང་བོད་མིར་མཚོན་ན་དོན་དམ་པའི་བོད་དོན་རྒྱབ་སྐྱོར་བ་ཞིག་མེད་པ་ཆགས་པ་མ་ཟད་སྲིད་སྐྱོང་རང་ཉིད་ཀྱི་མཛའ་གྲོགས་ཤིག་མེད་པ་གྱུར་ཡོད་སྐོར་གསུངས་ནས་དམ་པ་དེ་ཉིད་ལ་ཐུགས་གསོ་གནང་འདུག གཞི་རྩའི་སྐུ་ཞབས་ John McCain མཆོག་དམ་པ་དེ་ཉིད་ནི་ཨ་རིའི་གྲོས་ཚོགས་འཐུས་མི་ནང་ནས་རྒྱ་གཞུང་གིས་བོད་ནང་འགྲོ་བ་མིའི་ཐོབ་ཐང་ཐད་བརྩི་མེད་རྡོག་རོལ་གཏོང་བཞིན་པར་སྐྱོན་བརྗོད་ཤུགས་ཆེ་གནང་མཁན་ཞིག་དང་བོད་དོན་རྒྱབ་སྐྱོར་བ་གཙོ་གྲས་ཤིག་ཀྱང་ཆགས་ཡོད་པ་རེད།

ཉན་པ།: Listen ཕབ་ལེན། Download བློ་གསར་གཞོན་ནུ། ལྔ་དང་ལྔ་བཅུའི་གཞོན་སྐྱེས་ཚོགས་བཅར་བ་ཁག་ཅིག་དང་གླེང་མོལ། Sunday 26/08/2018 Young Minds: In conversation with participants of Five Fifty Youth Forum

ཉན་པ།: Listen ཕབ་ལེན། Download བོད་རང་སྐྱོང་ལྗོངས་ཡུལ་སྐོར་ལྟེ་གནས་ཁག་ལ་བོད་པ་རྫུན་མས་ཁེངས་ཡོད་པ། བོད་ནང་འཛམ་གླིང་རིག་གནས་ཤུལ་བཞག་གཅེས་སྲུང་སྐོར་གླེང་མོལ། གཟའ་འཁོར་བསྐྱར་ཞིབ། Saturday 25/08/2018 Tourist spots in Tibet filled with fake Tibetans Kalsang Nyima on assessing ‘preservation’ of world heritage in Tibet Week Review

དེང་སྐབས་བོད་ནང་རྒྱ་ནག་ནས་རྒྱ་མི་ཧ་ཅང་མང་པོ་ཉིན་རེ་བཞིན་ཡོང་མཁན་ཇེ་མང་དུ་འགྲོ་བཞིན་པ་དང་དུས་མཚུངས་བོད་ནང་གི་བོད་མིའི་འཚོ་བའི་ཐད་ཉིན་རེ་ལས་དཀའ་ངལ་ཇེ་ཆེར་འགྲོ་བཞིན་ཡོད་པ་རེད་འདུག འདས་པའི་ལོ་བཞི་ལྔའི་གོང་ནས་བོད་རང་སྐྱོང་ལྗོངས་མངའ་ཁུལ་གྱི་ཡུལ་སྐོར་ལྟེ་གནས་ཁག་ལ་བོད་མི་འགྲོ་བསྐྱོད་ཆོག་པ་དང་ཚོང་གཉེར་བྱེད་ཐུབ་ཀྱི་ཡོད་པ་མ་ཟད་འཚོ་བའི་ཡོང་བབ་ཀྱང་གང་ཙམ་ཡག་པ་ཡོད་ཀྱང་། དེང་སྐབས་དེ་ལས་ལྡོག་པའི་ཡུལ་སྐོར་གྱི་ལྟེ་གནས་དེ་དག་ལ་བོད་མི་ཚོང་གཉེར་བྱེད་ཆོག་གི་མེད་པ་དང་དེའི་ཚབ་ཏུ་ས་གནས་དེ་དག་ལ་རྒྱ་མི་ཚོང་པ་ཤ་སྟག་གིས་ཁེངས་ཡོད་པ་ལས་བོད་མི་མཐོང་རྒྱུ་མེད་པར་གྱུར་ཡོད་པ་རེད་འདུག དཔེར་ན་ཀོང་པོ་དང་ལྷོ་ཁ། བྱང་གནམ་མཚོ་སོགས་བོད་ཀྱི་ཡུལ་སྐོར་ལྟེ་གནས་གལ་ཆེ་ཚང་མ་རྒྱ་མིས་བདག་བཟུང་བྱས་ཡོད་པ་མ་ཟད་རྒྱ་མི་ཚོང་པ་དེ་དག་གི་མིང་ལ་བོད་མིང་བཏགས་པ་དང་བོད་ཆས་གྱོན་ཏེ་བོད་མིར་བརྫུས་ཏེ་ཡུལ་སྐོར་བ་ཚོར་གཡུ་དང་བྱུ་རུ་སོགས་རྒྱན་ཆ་དང་དངོས་ཆས་རྙིང་པའི་རིགས་རྫུན་མ་ཤ་སྟག་ཚོང་གཉེར་བྱས་ནས་མགོ་སྐོར་གཏོང་མུས་ཡིན་པ་རེད་འདུག ལྷག་དོན་བོད་མི་ཚོའི་ལས་ཀ་ཤོར་བ་ཙམ་མ་ཟད་བོད་མིའི་ཆེ་མཐོང་ལ་གནོད་སྐྱོན་ཆེན་པོ་བཟོ་བཞིན་ཡོད་འདུག འདི་ལོ་ཟླ་བ་ཁ་ཤས་སྔོན་དྲ་ལམ་ཁག་ཏུ་ལྷ་ས་འམ་གཞིས་ཁ་རྩེ་གང་རུང་ཞིག་ཏུ་ལུས་ལ་ཀོང་པོའི་བོད་ཆས་གཙང་མ་སྤྲས་པའི་གཞོན་ནུ་མ་ཞིག་གིས་རྒྱ་སྐད་ཧ་ཅང་བདེ་པོའི་སྒོ་ནས་རྒྱ་མི་ཡུལ་སྐོར་བ་ཚོར་བོད་དང་བོད་མིའི་སྐོར་ལ་འགྲེལ་བཤད་རྒྱག་བཞིན་པའི་བརྙན་ཐུང་ཞིག་སྤྱི་ཚོགས་དྲ་ལམ་ནང་ཁྱབ་པ་དེར་དྲ་ལམ་ཐོག་བེུད་དེ་ནི་བོད་མིར་བརྫུས་པའི་རྒྱ་མོ་འཁྲུལ་མེད་ཞིག་ཡིན་སྐོར་གླེང་སློང་མང་པོ་བྱུང་ཡོད་པ་རེད། དེང་སྐབས་བོད་ནང་སློབ་གྲྭ་ཆེན་མོ་ཐོན་པའི་བོད་ཕྲུག་ཚོར་ལས་ཀ་མ་རག་པའི་གྲངས་འབོར་ལོ་རེ་བཞིན་འཕར་བཞིན་ཡོད་པ་དང་དེའི་རྒྱུ་མཚན་ནི་བོད་ནང་གནས་སྡོད་རྒྱ་རིགས་སློབ་ཕྲུག་གྲངས་འབོར་དེ་བོད་རིགས་ལས་མང་བ་ཡོད་པ་དང་ལོ་རེ་བཞིན་ལས་ཞུགས་ཡིག་ཚད་ཁག་པོ་གཏོང་བ། ལས་ཀའི་ས་མིག་ཀྱང་རྒྱ་རིགས་ཚོར་མང་བ་སྤྲོད་ཀྱི་ཡོད་སྟབས་ཕ་མ་ཚོས་འགྲོ་གྲོན་འབོར་ཆེན་བཏང་ཏེ་སློབ་གྲྭ་ཆེན་མོ་ཐོན་པའི་བོད་རིགས་སློབ་ཕྲུག་མང་ཆེ་བར་ལས་ཀ་མ་རག་པའི་དཀའ་ངལ་ཡང་ལོ་རེ་བཞིན་ཆེ་རུ་འགྲོ་བཞིན་པར་བརྟེན་སློབ་ཆེན་ཐོན་རྗེས་ལས་ཀ་མ་རག་པའི་བོད་སློབ་ཁྲི་ལྔ་ཡས་མས་ཤིག་ཡོད་པའི་གནས་ཚུལ་ཡང་ཐོན་འདུག དངུལ་གྱི་ཁེ་ཕན་ཡོད་པའི་ས་ཚིགས་ཁག་ཚང་མ་རྒྱ་མི་རིགས་ཀྱིས་བཟུང་ཡོད་ཅིང་ནང་མ་ཁང་དང་ཨར་སོགས་ནང་བོད་མིས་ཁེངས་ཡོད་ཀྱང་རྒྱུན་གཏན་གྱི་སྐད་ཆ་ཡང་བོད་རྒྱ་སྐད་གཉིས་ཀྱི་སྐད་འདྲེས་མའི་ཐོག་ནས་གླེང་མོལ་གནང་གི་ཡོད་སྟབས་བོད་སྐད་གཙང་མ་སྤྱོད་མཁན་དཀོན་པོ་ཆགས་ཡོད་པ་རེད་འདུག

ཉན་པ།: Listen ཕབ་ལེན། Download བཀྲིས་དབང་ཕྱུག་ལགས་ཀྱི་གནད་དོན་དེ་དྲང་བདེན་ལ་ཁྱད་གསོད་བྱས་པ་ཞིག་རེད་གསུངས། ༸སྐུའི་དབྱིན་སྐད་གསུང་སྒྱུར་བ་ཡབ་གཞིས་གཡུ་ཐོག་འཇིགས་མེད་རྡོ་རྗེ་ལགས་དགོངས་པ་རྫོགས་འདུག གུ་གྷལ་དྲ་རྒྱས་རྒྱ་ནག་ཆེད་དུ་དམ་དྲག་གི་འཚོལ་ཞིབ་མཉེན་ཆས་གོང་སྤེལ་བྱས་པར་སྐྱོན་བརྗོད། སློབ་གྲྭའི་འགན་འཛིན་རྣམས་ལ་བྱིས་པའི་ཀློག་རྩལ་གྱི་ཟབ་སྦྱོང་གནང་བ། དམིགས་བསལ་ལེ་ཚན། བོད་ཀྱི་མཛངས་པ་ཉི་མ་ལགས་དང་གླེང་མོལ། Friday 24/08/2018 Pro Tibet groups condemn rejection of Tashi Wangchuk's appeal, calls it a travesty of justice Former interpreter of Dalai Lama, Yuthok Jigmie Dorji passes away Tibet activists slam Google's plans to develop censored search engine with China Early grade reading workshop for School heads DIASPORA FEATURE: Interview with Mr. Tibet Tenzin Nyima

དེ་སྔ་༸གོང་ས་༸སྐྱབས་མགོན་ཆེན་པོ་མཆོག་དང་བོད་གཞུང་ཚོང་དོན་སྐུ་ཚབ་རྒྱ་གར་དུ་ཕེབས་སྐབས་གསུང་སྒྱུར་གྱི་ཞབས་ཞུ་གནང་མྱོང་མཁན་ཡབ་གཞིས་གཡུ་ཐོག་འཇིགས་མེད་རྡོ་རྗེ་ལགས་ཟླ་ ༨ ཚེས་ ༤ ཉིན་ཨ་རིའི་ Seattle མངའ་སྡེའི་སྨན་ཁང་ཞིག་ནང་དགུང་ལོ་ ༨༧ ཐོག་དགོངས་པ་རྫོགས་འདུག རྩ་བའི་ཡབ་གཞིས་གཡུ་ཐོག་འཇིགས་མེད་རྡོ་རྗེ་ལགས་དམ་པ་དེ་ཉིད་ཕྱི་ལོ་ ༡༩༣༡ ལོར་བོད་ཀྱི་རྒྱལ་ས་ལྷ་སར་༸རྒྱལ་བ་༸སྐུ་ཕྲེང་བཅུ་པའི་ཡབ་གཞིས་ཁྱིམ་དུ་འཁྲུངས་འདུག་པ་དང་ཆུང་དུས་རྡོར་གླིང་ཡེ་ཤུའི་སློབ་གྲྭར་ཕེབས་ནས་ཨིན་སྐད་སློབ་གཉེར་གནང་རྗེས་དགུང་ལོ་ ༡༨ ཙམ་ནས་རྒྱ་གར་ནང་བོད་གཞུང་ཚོང་དོན་སྐུ་ཚབ་ཕེབས་སྐབས་དམ་པ་ཁོང་དབྱིན་སྐད་གསུང་སྒྱུར་བར་བསྐོ་མངགས་གནང་ཡོད་པ་རེད། སྐབས་དེར་དམ་པ་ཁོང་ནས་བོད་གཞུང་ཚོང་དོན་སྐུ་ཚབ་རིམ་བཞི་ཟུར་ཁང་ལྷ་དབང་སྟོབས་རྒྱལ་མཆོག་དང་མཁན་ཆུང་བློ་བཟང་ཚེ་རིང་མཆོག་དང་ལྷན་བཅར་ཞུས་ནས་རྒྱ་གར་གྱི་སྲིད་བློན་སྐུ་ཞབས་ནེ་རུ་མཆོག་དང་མཇལ་འཕྲད་ཀྱིས་གསུང་སྒྱུར་ཞུས་པ་དང་ཕྱི་ལོ་ ༡༩༥༩ ལོར་བོད་ནང་རྒྱ་ནག་གིས་བཙན་འཛུལ་བྱེད་སྐབས་༸གོང་ས་མཆོག་རྒྱ་གར་ནང་བཙན་བྱོལ་དུ་༸ཞབས་སོར་འཁོད་མཚམས་སུའང་༸སྐུའི་ཨིན་སྐད་གསུང་སྒྱུར་ཞུས་པ་མ་ཟད། མགོན་པོ་༸གང་ཉིད་མཆོག་ཏེ་ཛི་པུར་དུ་གསར་འགོད་གསལ་བསྒྲགས་ཐོག་མ་བསྐྱང་སྐབས་དམ་པ་ཁོང་གིས་གསར་འགོད་གསལ་བསྒྲགས་དེ་ཨིན་སྐད་ཐོག་ཕབ་བསྒྱུར་གྱིས་སྒྲོག་སྦྱང་ཞུས་འདུག དེ་རྗེས་དམ་པ་ཁོང་ནས་མ་སུ་རིར་༸རྒྱལ་བའི་གཟིམ་ཆུང་དང་བོད་གཞུང་གི་འཕྲལ་སེལ་ལས་ཁུངས་འཛུགས་སྐྲུན་སྐབས་སུའང་ཨིན་དྲུང་གནང་བ་དང་ཕྱི་ལོ་ ༡༩༦༧ ལོར་སི་ཧོར་གྲོང་ཁྱེར་དུ་བོད་གཞུང་གི་ཤོག་བུའི་བཟོ་གྲྭ་ཐོག་མ་འཛུགས་སྐབས་༸གོང་ས་མཆོག་གི་བཀའ་འབྲེལ་ལྟར་དམ་པ་ཁོང་གིས་ལས་འཁུར་དང་ལེན་ཞུས་ནས་ཕྱག་ལས་གནང་འདུག ཕྱི་ལོ་ ༡༩༦༩ ལོར་ཨ་རིར་གནས་སྤོས་གནང་ཡོད་པ་དང་ཁུལ་དེར་ཝ་ཤིང་ཊིན་གཙུག་ལག་སློབ་གཉེར་ཁང་གི་བོད་རིག་པའི་མཁས་པ་ Turrell  ལགས་དང་ལྷན་བོད་རིག་པའི་ལས་འཆར་ཐོག་མ་དབུ་འཛུགས་གནང་འདུག ལྷག་དོན་ཕྱི་ལོ་ ༡༩༧༠ ལོར་༸གོང་ས་༸སྐྱབས་མགོན་ཆེན་པོ་མཆོག་ཨ་རིར་ཆིབས་བསྒྱུར་མཛད་སྐབས་ Seattle མངའ་སྡེར་གདན་འདྲེན་ཞུས་ཡོད་པ་རེད།

མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་ནས་བོད་མིའི་སྐད་ཡིག་ལས་འགུལ་བ་བཀྲ་ཤིས་དབང་ཕྱུག་ལགས་ཀྱི་ཞུ་གཏུག་ལ་ངོས་ལེན་མ་བྱས་པ་དང་འབྲེལ། ལོ་ལྔའི་ཁྲིམས་ཐག་རང་སོར་བཞག་སྟབས་བོད་མིས་གཙོས་པའི་རྒྱལ་སྤྱིའི་བོད་དོན་ལས་ཁང་ཁག་གིས་རྒྱ་ནག་གི་ཁྲིམས་ལུགས་ལ་སྐྱོན་བརྗོད་ཤུགས་ཆེ་གནང་འདུག ཁ་ཉིན་བཀྲ་ཤིས་དབང་ཕྱུག་ལགས་ཀྱི་ཁྲིམས་རྩོད་པ་སྐུ་ཞབས་ Liang Xiajun ལགས་ཀྱིས་རང་གི་ Twitter དྲ་གནས་ཐོག་བཀྲ་ཤིས་དབང་ཕྱུག་ལགས་ཀྱི་ཁྲིམས་ཐག་སྐོར་གནས་ཚུལ་བརྒྱུད་སྤེལ་བྱས་པ་དང་འབྲེལ་ཁ་སང་རྒྱལ་སྤྱིའི་བོད་དོན་ལས་འགུལ་ཁང་གིས་རྒྱ་གཞུང་ནས་བཀྲ་ཤིས་དབང་ཕྱུག་ལགས་ཀྱི་ཞུ་གཏུག་ལ་ངོས་ལེན་མི་གནང་བ་དེ་རྒྱ་ནག་གཞུང་གི་ངོས་ནས་དྲང་བདེན་ལ་ཁྱད་གསོད་བྱས་པ་དང་ཁོང་འཕྲལ་མར་གློད་བཀྲོལ་དགོས་པའི་ཞུ་འབོད་ནན་པོ་གནང་འདུག རྒྱ་གཞུང་གི་ཁྲིམས་ཁང་ནས་བཀྲ་ཤིས་དབང་ཕྱུག་ལགས་ཀྱི་ཁྲིམས་བཅད་ཐོག་ཡིག་ཆ་སྟོན་པའི་ནང་གསལ་ལྟར་ན།   ཁོང་ནས་རྒྱ་ནག་གི་གྲངས་ཉུང་མི་རིགས་ཐོག་འཛིན་པའི་སྲིད་བྱུས་ལ་སྐྱོན་བརྗོད་གནང་ཐོག་གྲངས་ཉུང་མི་རིགས་ཀྱི་མཐུན་སྒྲིལ་དང་རྒྱལ་ཁབ་ཀྱི་ཆིག་སྒྲིལ་ལ་དོ་ཕོག་བཏང་བ་མ་ཟད་རྒྱ་ནག་མི་སེར་གྱི་སྨྲ་བརྗོད་རང་དབང་གི་ཐོབ་ཐང་ལ་བརྩི་མེད་བྱས་པར་བརྟེན་ཁོང་གི་ཁྲིམས་རྩོད་པའི་ཞུ་གཏུག་དེར་ངོས་ལེན་མེད་སྐོར་འཁོད་ཡོད་པ་རེད་འདུག རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཞོན་བུ་ཆུང་ཚེ་རིང་ལགས་ཀྱིས་མཚོ་སྔོན་ཞིང་ཆེན་མཐོ་རིམ་དང་ཡུལ་ཤུལ་ཁུལ་གྱི་འབྲིང་རིམ་མི་དམངས་ཁྲིམས་ཁང་དུ་བཀྲ་ཤིས་དབང་ཕྱུག་ལགས་ཀྱི་ཞུ་གཏུག་་བྱས་པའི་རྒྱུད་རིམ་ལ་བལྟས་ན་ཁོང་ལ་ཁྲིམས་བཤེར་དྲང་བདེན་ཞིག་བྱུང་མེད་པ་གསལ་པོ་ཡིན་སྐོར་གསུངས་འདུག་པ་དང་། མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་ནས་ཁོང་གི་ཞུ་གཏུག་ལ་ངོས་ལེན་མ་བྱས་པ་དེས་རྒྱ་ནག་གཞུང་གིས་བོད་ཀྱི་གནད་དོན་ལ་ཐུག་སྐབས་རང་རྒྱལ་ཁབ་ནས་གཏན་འབེབས་བྱས་པའི་ཁྲིམས་དང་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་སྒྲིག་ལ་བརྩི་མེད་རྡོག་རོལ་བྱས་སྐོར་གསུངས་འདུག གནད་དོན་དེ་ནས་རྒྱ་གཞུང་ནས་བོད་ཀྱི་སྐད་ཡིག་སྲུང་སྐྱོབ་དང་གོང་འཕེལ་གནང་མཁན་གྱི་ཚོགས་སྒེར་ཡོངས་ལ་དྲག་གནོན་བརྒྱུད་བོད་ཀྱི་རིག་གཞུང་སྲུང་སྐྱོབ་ཀྱི་བྱ་སྤྱོད་དེ་ནག་ཉེས་ཅན་ཞིག་ཏུ་ངོས་འཛིན་པའི་སྲིད་བྱུས་ཡིན་པ་མངོན་གསལ་གནང་འདུག དེ་བཞིན་རྒྱལ་སྤྱིའི་བོད་དོན་འབྲེལ་མཐུད་ལས་ཁང་ནས་ཀྱང་རྒྱ་ནག་ནས་བཀྲ་ཤིས་དབང་ཕྱུག་ལགས་ཀྱི་ཞུ་གཏུག་ལ་ངོས་ལེན་མ་བྱས་པ་དེ་རྒྱལ་སྤྱིའི་ཚོོགས་པ་ཁག་གིས་བཀྲ་ཤིས་དབང་ཕྱུག་ལགས་ཀྱི་གནད་དོན་དེར་སེམས་ཁུར་གནང་བར་མཐོང་ཆུང་དང་བདེན་པ་ལ་འཕྱ་སྨོད་བྱས་པ་ཞིག་ཡིན་པ་དང་སྦྲགས།  ང་ཚོའི་ངོས་ནས་ཁོང་གི་བློ་སྤོབས་དང་དཀའ་ངལ་ལ་གདོང་ལེན་གྱི་གཤིས་སྤྱོད་དེར་གུས་བརྩི་དང་མགྱོགས་མྱུར་གློད་བཀྲོལ་ཡོང་སླད་འབད་རྩོན་མུ་མཐུད་ཞུ་རྒྱུ་ཡིན་ཞེས་གསུངས་འདུག བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ཀྱི་ལྟེ་གནས་ཁང་ནས་ Twitter དྲ་གནས་ཐོག་བཀྲ་ཤིས་དབང་ཕྱུག་ལགས་ཀྱི་ཁྲིམས་རྩོད་ཞུ་གཏུག་ལ་ངོས་ལེན་མ་བྱས་པར་ཧ་ལས་རྒྱུ་མེད་པ་དང།   རྒྱ་ནག་གི་ཉེས་དོན་ཁྲིམས་བཤེར་གྱི་བརྒྱུད་རིམ་ཁྲོད་དུ་ཁུལ་རིམ་པའི་ཁྲིམས་ཁང་ལ་དཔྱད་ཁྲ་མ་བཀྲམ་སྔོན་ནས་ཞིང་ཆེན་རིམ་པའི་ཁྲིམས་ཁང་གིས་ཐག་གཅོད་བྱས་ཟིན་པས་ཁྲིམས་བཤེར་ཐོབ་ཐང་ཟེར་བ་ནི་མིང་གི་ལྷག་མ་ཙམ་ལས་མེད་ཅེས་བཀོད་འདུག བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ཀྱི་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་ཀྱིས་ བཀྲ་ཤིས་དབང་ཕྱུག་ལགས་ཀྱི་ཁྲིམས་ཐག་གི་ཡིག་ཆ་དེ་ཞིང་ཆེན་རིམ་པའི་ཁྲིམས་ཁང་གིས་ཡུལ་ཤུལ་གྲོང་ཁྱེར་བཀག་ཉར་ཁང་ལ་ཕྱི་ཟླ་ ༧ ཚེས་ ༣༠ ཉིན་བཏང་ཡོད་ཀྱང་བཀྲ་ཤིས་དབང་ཕྱུག་ལགས་དང་ཁོང་གི་ཁྲིམས་རྩོད་པ།  དེ་བཞིན་ནང་མི་རྣམས་ལ་དེའི་སྐོར་ཕྱི་ཟླ་ ༨ ཚེས་ ༡༣ ཉིན་མ་གཏོགས་གསལ་བསྒྲགས་བཏང་མེད་སྟབས་དེའི་བར་ཐག་ནས་གསལ་བསྒྲགས་ཇི་ཆགས་ཀྱི་གནད་དོན་དང་འབྲེལ་བའི་རྒྱ་གཞུང་ནས་འགྲེལ་བརྗོད་གང་ཡང་བྱས་མེད་པ་དང་།   ཁྲིམས་ལུགས་ཀྱི་ཐོག་ནས་བྱ་སྤྱོད་དེ་མི་འགྲིག་ཚུལ་སོགས་གསུངས་སོང་།

ཉན་པ།: Listen ཕབ་ལེན། Download མཚོ་སྔོན་མཐོ་རིམ་མི་དམངས་ཁྲིམས་ཁང་ནས་བཀྲིས་དབང་ཕྱུག་ལགས་ཀྱི་ཞུ་གཏུག་ལ་ངོས་ལེན་བྱས་མི་འདུག ནང་སེམས་ཀྱི་ཞི་བདེ་སྐོར་གོ་རྟོགས་མེད་སྟབས་མྱོས་རྫས་རིགས་ལོངས་སྤྱོད་ཀྱི་ཡོད་སྐོར་བཀའ་བསྩལ་བ། ཆི་ལེ་ནང་བོད་དོན་སྙན་གསེང་དང་ཚུལ་སྤྱོད་ཤེས་ཡོན་སློབ་གསོའི་གོ་རྟོགས་སྤེལ་བཞིན་པ། ལྷ་ས་གྲོང་ཁྱེར་ནང་སློབ་ཕྲུག་ཚོར་དམག་གིི་ཟབ་སྦྱོང་ཞིག་སྤྲོད་བཞིན་འདུག Thursday 23/08/2018 Qinghai High Court upholds 5 year prison sentence for Tashi Wangchuk Lack of knowledge on inner peace drives youth to drugs: Dalai Lama Rangzen is a fact but middle way is the best approach: Dalai Lama Briefing on Tibet in Chilean Congress, increasing interest in Secular Ethics Tibetan schools in Lhasa forced to undergo military training