Yearly Archives: 2018

ཉན་པ།: Listen ཕབ་ལེན། Download ༸གོང་ས་མཆོག་གིས་ལག་ལེན་སོ་བདུན་མའི་གསུང་ཆོས་དང་སྤྱན་རས་གཟིགས་ཀྱི་བཀའ་དབང་གི་སྟ་གོན་བཅས་ཀྱི་ཆོས་འབྲེལ་བསྐྱངས་པ། ལྷ་ཐོག་ལུང་པའི་ཡུལ་མིའི་ས་ཆ་བཙན་འཕྲོག་དང་གཏེར་ཁ་སྔོག་འདོན་བྱེད་བཞིན་འདུག Marriott མགྲོན་ཁང་གི་གནད་དོན་དེས་རྒྱ་གཞུང་ནས་ལོ་རྒྱུས་ལ་འཁྱོག་བཤད་བྱེད་བཞིན་པའི་རྣམ་པ་མངོན་གསལ་བྱུང་ཡོད་པ་གསུངས་སོང་། བོད་ཀྱི་རྒྱལ་རབས་དང་ལོ་རྒྱུས་ངོ་སྤྲོད། རྒྱལ་མཆོག་༸སྐུ་ཕྲེང་གཉིས་པ། Sunday 14/01/2018 Dalai Lama confers Thirty-Seven Practices of a Bodhisattva teaching in Bodh Gaya Forced land grab, heavy mining in Kham Lhatok, Tibet China distorting history: Tibet activists on Marriot issue HISTORY FEATURE: The 2nd Dalai Lama Gedun Gyatso

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཟླ་ ༡ ཚེས་ ༡༥ ཉིན་སྔ་དྲོ་གནས་མཆོག་རྡོ་རྗེ་གདན་གྱི་དུས་འཁོར་དབང་ཆེན་གྱི་ཆོས་རར་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མའི་གསུང་ཆོས་བཀྲིན་བསྩལ་གནང་བ་མ་ཟད། སྤྱན་རས་གཟིགས་ཀྱི་བཀའ་དབང་གི་སྔོན་འགྲོ་སྟ་གོན་དང་། དགེ་བསྙེན་དང་བྱང་ཆུབ་སེམས་པའི་སྡོམ་པ་འབོག་ཆོག་བཅས་གནང་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་ནས་སྐབས་དེར་གནས་ཁྱད་པར་དུ་འདུས་པའི་ཆོས་ཞུ་བ་རྣམས་ལ་ཆོས་ཁས་ལེན་བྱེད་མིན་ལ་ལྟོས་མེད་རྒྱུན་དུ་སེམས་པ་བཟང་པོ་བྱེད་དགོས་གལ་ཡིན་པ་དང་། སེམས་བཟང་པོ་བྱ་ཚེ་མི་གཞན་ནས་སོ་སོར་ཡིད་ཆེས་ཐུབ་པ་མ་ཟད། གཞན་གྱི་དགའ་མོས་ཡང་བྱེད་ངེས་ཡིན་པ་སོགས་ལམ་སྟོན་བཀའ་སློབ་བསྩལ་འདུག ལྷག་དོན་རང་དོན་ཁོ་ན་དོན་དུ་གཉེར་མཁན་དེ་ལ་མི་གཞན་ནས་ཡིད་ཆེས་བྱེད་དཀའ་བ་དང་དོན་དམ་པའི་གུས་ཞབས་ཐོབ་དཀའ་བ་ཡིན་པ་སོགས་ལམ་སྟོན་དང་སྦྲགས་ཏེ་བཀའ་ཆོས་བསྩལ་ཡོད་པ་རེད། དེ་རིང་མགོན་པོ་༸གང་ཉིད་མཆོག་ནས་ལག་ལེན་སོ་བདུན་མའི་བཀའ་ཆོས་ལེགས་པར་གྲུབ་བསྟུན་སང་ཚེས་ ༡༦ ཉིན་དད་ལྡན་ཆོས་ཞུ་བ་རྣམས་ལ་སྤྱན་རས་གཟིགས་ཀྱི་བཀའ་དབང་བསྩལ་རྒྱུ་ཡིན་པ་དང་། ཐེངས་འདིའི་ཆོས་འབྲེལ་གསོལ་འདེབས་ཞུ་མཁན་སོག་པོའི་བླ་མའི་དགེ་རྒན་བསྟན་འཛིན་འཇམ་དཔལ་ཆོས་ཀྱི་བཤེས་གཉེན་རིན་པོ་ཆེ་མཆོག་དང་རྣམ་རྒྱལ་གྲྭ་ཚང་གཉིས་ནས་༸གང་ཉིད་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་བཅས་ཀྱི་མཛད་འཆར་ཡོད་པ་རེད།

བོད་ནང་ཁམས་ལྷ་ཐོག་གཡུ་ལུང་ཟངས་གཏེར་རི་བོའི་མདུན་ནས་རྒྱ་ནག་གཞུང་གི་གཏེར་འདོན་ཚན་པས་ལོ་ངོ་བཅུ་ཙམ་སྔོན་ནས་ཟངས་དང་གསེར་ཞ་ཉེ་སོགས་ཀྱི་གཏེར་ཁ་རྒྱ་ཆེ་སྔོག་འདོན་བྱས་དང་བྱེད་བཞིན་ཡོད་པ་མ་ཟད་སླར་སྔ་ལོ་ཕྱི་ལོ་ ༢༠༡༧ ལོ་འགོ་ནས་བཟུང་གཡུ་ལུང་རི་བོའི་རྒྱབ་ཕྱོགས་སུའང་གཏེར་ཁ་ཡོད་པ་ཤེས་རྟོགས་བྱུང་ནས་གཡུ་ལུང་གི་ལ་རྒྱབ་ལ་ཆགས་པའི་(རྡོག་ནོར་མའི་)འབྲོག་པ་རྣམས་ཀྱི་ས་ཆ་ཕལ་ཆེ་བ་ ༢༠༡༧ ལོ་འགོ་ནས་རྒྱ་གཞུང་གིས་བཙན་འཕྲོག་བྱས་ཏེ་ལྕགས་ར་སྐོར་བ་མ་ཚད་ཡུལ་མི་ཚོས་ས་འདིར་དབྱར་རྩྭ་དགུན་འབུ་བརྐོ་མི་ཆོག་པ་དང་རྟ་ནོར་སྒོ་ཟོག་སོགས་འབྲོག་པའི་འཚོ་བ་དོར་ནས་གཞུང་ལམ་རྒྱུད་དུ་ཁང་པ་རྒྱག་དགོས་པར་བཙན་བཀའ་བཏང་འདུག ཡུལ་མི་དེ་དག་ལ་གུན་གསབ་ཕྲན་བུ་ཞིག་ལས་སྤྲད་མེད་པར་བརྟེན་ས་གནས་ཡུལ་མི་ཚོར་དཀའ་ངལ་ཆེན་པོ་འཕྲད་བཞིན་ཡོད་པ་རེད་འདུག ཁམས་ལྷ་ཐོག་ལུང་པའི་གཡུ་ལུང་ཟངས་གཏེར་ནི། ཨེ་ཤ་ཡ་ཁྱོན་གྱི་གཏེར་ཁ་ཨང་གཉིས་པ་དང་རྒྱ་ནག་རྒྱལ་ཡོངས་ཀྱི་གཏེར་ཁ་ཨང་དང་པོ་དེ་ཡིན་པ་རྒྱ་ནག་གཞུང་འབྲེལ་དྲ་རྒྱ་ཁག་གི་ཐོག་ལ་དེ་ལྟར་བཀོད་ཡོད་པ་དང་། ལྷག་དོན་དེར་ཡོད་པ་ནི་ཟངས་གཏེར་ཡིན་ཅིང་ད་དུང་གསེར་དང་། གཡུ། ཞ་ཉེ། རྡོ་སོལ། ལྕགས་སོགས་ཕུན་སུམ་ཚོགས་པའི་གཏེར་ཁ་ཡོད་པ་རེད་འདུག ལྷ་ཐོག་བོད་མི་འབྲོག་པ་ཚོར་དེ་སྔ་འཚོ་བའི་ཡོང་ཁུངས་གཙོ་བོ་ལོ་ལྟར་དབྱར་རྩ་དགུན་འབུ་བརྐོ་ནས་ལོ་རེར་མི་ཚང་རེར་དབྱར་རྩ་དགུན་འབུ་བརྐོ་བའི་ཡོང་འབབ་རྒྱ་མིའི་སྒོར་མོ་ཁྲི་ ༥༠ ནས་བརྒྱད་ཅུ་ཙམ་རག་གི་ཡོད་པ་རེད། ད་ཆ་འབྲོག་པ་ཚོར་དབྱར་རྩ་དགུན་འབུ་བརྐོ་བའི་ཡོང་འབབ་མེད་པ་ཆགས་པའི་ཁར་མི་རབས་ནས་མི་རབས་བར་བརྒྱུད་པའི་འབྲོག་པའི་འཚོ་རྟེན་ཡང་མེད་པ་ཆགས་ཡོད་པ་རེད། དེར་བརྟེན་ས་གནས་འབྲོག་པ་ཚོ་འབྲོག་པའི་འཚོ་བ་དོར་ཏེ་གྲོང་སྡེ་ཅན་དུ་འགྱུར་རྗེས་དེ་སྔ་ཁོ་ཚོར་རང་འཚོ་ཐུབ་པའི་ཤེས་ཡོན་དང་ཚོང་ལས་ལག་རྩལ་སོགས་ཀྱི་ཆ་རྐྱེན་མེད་སྟབས་འབྱུང་འགྱུར་ལོ་གཉིས་གསུམ་རྗེས་ཁོ་ཚོའི་འཚོ་བར་དཀའ་ངལ་ཆེན་པོ་འཕྲད་ངེས་ཡིན་པ་རེད་འདུག ལྷག་པར་དུ་གཏེར་སྔོག་བྱེད་མཁན་དང་འབྲེལ་བའི་ཐོག་ནས་རྒྱ་མི་དུ་མ་ཞིག་ལུང་པ་དེར་ཡོང་ནས་ཏག་སེ་རྩེ་ས་དང་མཱ་ཅང་ཤོ་སྦག་རྒྱག་ས་སོགས་རྒྱན་རྩེད་ཁང་མང་པོ་གསར་དུ་བརྒྱབ་ནས་ཡུལ་དེའི་ན་གཞོན་རྣམས་རྒྱན་རྩེད་ཁང་ལ་བསླུ་བྲིད་བྱས་ཏེ་ཁོ་ཚོའི་ལག་ཏུ་ཡོད་པའི་སྒོར་མོ་ས་ཡ་དང་བྱེ་བ་མང་པོ་རྒྱ་ཡུལ་དུ་འཁྱེར་འགྲོ་བ་དང་། ད་དུང་གཏེར་ཁ་སྔོག་མཁན་དང་མཉམ་དུ་རྒྱ་མོ་གཞང་འཚོང་མ་མང་པོ་ཡོང་ནས་ནད་ངན་ཁྱབ་བརྡལ་གཏོང་བ་སོགས་སྣོད་བཅུད་གཉིས་ཀར་དཀའ་ངལ་ཆེན་པོ་བཟོ་བཞིན་ཡོད་པ་རེད་འདུག ས་གནས་ཡུལ་མི་ཚོས་དེ་སྔོན་རྒྱ་ནག་གིས་གཏེར་ཁ་སྔོག་འདོན་བྱས་པ་ལ་བརྟེན་ཁོར་ཡུག་ལ་གཏོར་སྐྱོན་དང་ལྷག་དོན་མི་ཕྱུགས་ལ་ནད་ཡམས་བྱུང་ཡོད་པ་སོགས་ཞུས་ནས་གཞུང་ལ་ཞུ་གཏུག་ལན་མང་བྱས་ཀྱང་མང་ཚོགས་ཀྱི་རེ་འདུན་ལ་དོན་འབྲས་གང་ཡང་སོན་མེད་པ་རེད་འདུག ཚོད་དཔག་བྱས་ན་གཏེར་ཁ་སྔོག་འདོན་བྱ་ཡུལ་ལྷ་ཐོག་གཡུ་ལུང་ཟངས་གཏེར་རི་བོའི་རྒྱབ་མདུན་གཉིས་ཁོ་ནར་ས་གནས་བོད་རིགས་འབྲོག་པ་ཁྱིམ་ཚང་ ༤༠༠ ནས་ ༥༠༠ བར་ཡོད་པ་དང་ཆ་སྙོམས་མི་གྲངས་ ༥༠༠༠ ཙམ་ཡོད་པ་རེད་འདུག ཁམས་ལྷ་ཐོག་ལུང་པའི་ཆགས་བབ་དང་དབང་བསྒྱུར་ས་ཁོངས་ཐོག་ནས་བཤད་ན་དེ་ནི་སྡེ་དགེའི་ནུབ་ཕྱོགས་དང་ཆབ་མདོའི་ཤར་ཕྱོགས། ནང་ཆེན་གྱི་ལྷོ་ནུབ་ཕྱོགས་ཤིག་ལ་ཆགས་ཡོད་ཅིང་ལོ་རྒྱུས་ཐོག་བོད་ཀྱི་རྒྱལ་ཐོག་ ༣༣ པ་བཙན་པོོ་སྲོང་བཙན་སྒམ་པོོའི་སྐབ་ནས་ ༡༩༥༩ བར་ལྷ་ཐོག་རྒྱལ་པོ་དང་རྒྱལ་བརྒྱུད་རིམ་པས་དབང་བསྒྱུར་བྱས་ཏེ་ཡུལ་དེ་ཁྲིམས་འགོ་རང་བཙན་གྱི་ཚུལ་དུ་གནས་ཡོད་པ་དང་།  ས་ཁོངས་ཀྱི་ཆ་ནས་བཤད་ན་ཕྱི་ལོ་ ༡༩༥༩ བོད་ལ་དུས་འགྱུར་མ་བྱུང་སྔོན་དགའ་ལྡན་ཕོ་བྲང་གི་དབང་བསྒྱུར་ས་ཁོངས་སུ་ཚུད་ཡོད་ཅིང་དེང་སང་རྒྱ་ནག་གི་སྲིད་འཛིན་ས་ཁོངས་ཀྱི་དབང་དུ་བྱེད་ན་ཆབ་མདོ་རྫོང་གི་ས་ཁོངས་སུ་ཚུད་ཡོད་པ་རེད་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་སྐུ་བཅར་རྣམ་རྒྱལ་གྲྭ་ཚང་ཕན་བདེ་ལེགས་བཤད་གླིང་དང་ཆེན་པོ་ཧོར་གྱི་སོག་པོའི་དད་ལྡན་རྣམས་ནས་ཇི་ལྟར་གསོལ་འདེབས་ཞུས་པ་ལྟར། དེ་རིང་སྔ་དྲོ་གནས་མཆོག་རྡོ་རྗེ་གདན་གྱི་དུས་འཁོར་དབང་ཆེན་གྱི་ཆོས་རའི་ནང་ཉིན་གྲངས་གསུམ་རིང་བཀྲིན་བསྩལ་རྒྱུའི་ཆོས་འབྲེལ་དབུ་འཛུགས་གནང་ཡོད་པ་རེད། གཞི་རྩའི་ཉིན་གྲངས་གསུམ་རིང་གི་ཆོས་འབྲེལ་འདིའི་སྐབས་མགོན་པོ་༸གང་ཉིད་མཆོག་ནས་བྱང་ཆུབ་སེམས་འགྲེལ་དང་རྒྱལ་སྲས་ལག་ལེན་སོ་བདུན་མའི་ཆོས་འབྲེལ་བསྩལ་རྒྱུ་ཡིན་ནའང་། ཆོས་འབྲེལ་དངོས་གཞི་དབུ་འཛུགས་མ་གནང་གོང་མགོན་པོ་མཆོག་ནས་ཆེད་དུ་བྱ་བའི་གདུལ་བྱ་གཙོ་བོ་སོག་རིགས་ཁག་ཆགས་ཡོད་ཀྱང་། དེར་འདུས་པའི་སེར་སྐྱ་ཀུན་ནས་སངས་རྒྱས་པའི་ཆོས་ཉན་བཤད་བྱེད་སྐབས་ཀུན་སློང་རྣམ་པར་དག་པ་ཞིག་བྱེད་དགོས་པ་ནི་ནང་ཆོས་ཀྱི་སྙིང་པོ་ཡིན་པར་ངོ་སྤྲོད་དང་། ལྷག་པར་ཆོས་ཉན་མཁན་སློབ་མ་ཚོའི་ངོས་ནས་ཆོས་ལ་རྒྱབ་མདུན་ངོ་ལྐོག་མེད་པ་ཞིག་བྱེད་དགོས་ཀྱང་དེ་མཚུངས་སུ་ཆོས་ལ་དགག་པ་བྱེད་མཁན་ཡོད་ཀྱང་དེར་དགའ་བསུ་ཞུ་རྒྱུ་ཡིན་པ་སོགས་བཀའ་བསྩལ་ཡོད། ཐེངས་འདིའི་ཆོས་འབྲེལ་ཆེད་དུ་སོག་ཡུལ་ཁུལ་ནས་དད་ལྡན་ཆོས་ཞུ་བ་མི་གྲངས་དྲུག་བརྒྱ་ལྷག་ཙམ་ཞིག་ཆེད་བཅར་གནང་ཡོད་པ་མ་ཟད། བོད་ནས་གསར་དུ་ཕེབས་མཁན་གྱི་གྲངས་འབོར་དེ་ད་ཆ་སུམ་སྟོང་ལ་ཉེ་བ་ཆགས་ཡོད་པ་དང་། ལྷག་པར་རྒྱ་རིགས་གཙོས་པའི་ཨེ་ཤ་ཡའི་ཁུལ་གྱི་ནང་པ་དང་ནུབ་ཕྱོགས་ཡུལ་གྲུ་ཁག་ནས་ཕེབས་པ་ཆོས་ཞུ་བ་ཁྱོན་བཞི་ཁྲི་ལྷག་ཙམ་འདུག དེ་བཞིན་༸གོང་ས་མཆོག་གིས་ཆེད་དུ་བྱ་བའི་གདུལ་བྱ་གཙོ་བོ་སོག་རིག་རྣམས་ཀྱིས་གཙོས་པའི་ལ་དྭགས། ཧི་མཱ་ལ་ཡའི་རི་རྒྱུད་ཀྱི་མི་མང་ཚོར་དམིགས་བསལ་བཀའ་སློབ་བསྩལ་ཡོད་པ་རེད། མཛད་འཆར་ལྟར་དེ་རིང་མགོན་པོ་༸གང་ཉིད་མཆོག་ནས་དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་བྱང་ཆུབ་སེམས་འགྲེལ་གྱི་ཆོས་འབྲེལ་ཆ་ཚང་ལེགས་གྲུབ་བཀྲིན་སྩལ་གྱི་ཡོད་པ་དང་། སང་ཉིན་མགོན་པོ་༸གང་ཉིད་ནས་ཐོག་མར་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མའི་ཆོས་འབྲེལ་བཀྲིན་བསྩལ་རྒྱུ་དང་། དེ་རྗེས་ཡོངས་རྫོགས་དགེ་བསྙེན་སྒྲུབ་རྒྱུ་དང་སྤྱན་རས་གཟིགས་ཀྱི་བཀའ་དབང་གི་སྟ་གོན་བཅས་གནང་རྒྱུ་རེད་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་རྡོ་རྗེ་གདན་དུ་ཉིན་གྲངས་གསུམ་རིང་གི་སོག་པོའི་ཆོས་འབྲེལ་དངོས་སུ་དབུ་འཛུགས་བསྐྱངས་འདུག ཕྱི་ལོ་༢༠༡༧ ལོའི་དགུན་ཚོང་གི་གནས་སྟངས་སྐོར་ཆེད་སྒྲིགས་ཞུས་པ། Sunday 14/01/2018 Dalai Lama begins 3 day teaching at Bodhgaya GST and Tibetan Sweater Sellers: Special feature

ཉན་པ།: Listen ཕབ་ལེན། Download བོད་ཀྱི་རིག་གཞུང་དང་སྒྱུ་རྩལ་གྱི་དོ་ར། ང་དགུ་སྒྱུ་རྩལ་ཁང་ཆེད་འཛུགས་གནང་མཁན་དེང་རབས་སྒྱུ་རྩལ་བ་བསྟན་འཛིན་རིག་གྲོལ་ལགས་དང་གླེང་མོལ། Saturday 13/01/2018 Tibet Art and Culture: Contemporary Tibetan artist Tenzin Rigdol and his newly launched Studio’59, a residency for Tibetan artists

ཉན་པ།: Listen ཕབ་ལེན། Download འབུམ་དྲུག་བརྒྱ་ཅན་གྱི་བོད་མིའི་འགྲེམས་སྟོན་ཁང་ཞིག་གསར་འཛུགས་གནང་རྒྱུ། Maharashtra བོད་མི་སུད་ཚོང་བ་ཚོས་ད་ཕྲུག་དང་དབང་པོ་སྐྱོན་ཅན་གྱི་སློབ་མ་ཁག་ཅིག་ལ་སྦྱིན་གཏོང་ལས་འགུལ་སྤེལ་འདུག བོད་ཀྱི་སྨན་རྩིས་ཁང་ནས་རྡོ་རྗེ་གདན་དུ་རིན་མེད་སྨན་སྦྱིན་སོགས་ཀྱི་འཕྲོད་བསྟེན་ཞབས་ཞུ་སྒྲུབ་བཞིན་པ། བཙན་བྱོལ་བོད་མིའི་གནས་སྟངས་ངོ་སྤྲོད། ཧི་མཱ་ལ་ཡ་རྒན་རབས་ལས་འཆར་སྐོར། Friday 12/01/2018 INR 60 million Museum for Tibet coming up, CTA announces special scholarship Tibetan sweater sellers in Maharashtra distribute winter relief to orphans TMAI offers free medical service in Bodh Gaya DIASPORA FEATURE: Himalayan Elders Project

རྒྱ་གར་དབུས་ Maharastra མངའ་སྡེའི་Nandi ས་གནས་སུ་སུད་ཚོང་གཉེར་བཞིན་པའི་བོད་མི་ཁྱིམ་ཚང་༡༧ ནས། ཁེ་ཉིན་ཚེས་༡༠ རེས་གཟའ་ལྷག་པ་སྟེ་༸རྒྱལ་བའི་བླ་གཟའ་ཉིན་མོ་དང་བསྟུན་ཁུལ་དེའི་ནང་གི་དྭ་ཕྲུག་དང་དབང་པོ་སྐྱོན་ཅན་གསོ་སྐྱོང་གནང་མཁན་སློབ་ཁག་གསུམ་ནང་གི་ཕྲུ་གུ་༡༧༠ ལ་དགུན་ཆས་འགྲེམས་སྤེལ་གྱི་རོགས་རམ་གནང་འདུག བོད་མི་སུད་ཚོང་པས་རྣམས་ཀྱི་སྦྱིན་གཏོང་ལས་འགུལ་འདི་ནི་གཙོ་བོ་རྒྱ་གར་གཞུང་མང་གཉིས་ཀྱི་བཀྲིན་རྗེས་དྲན་དང་བོད་མིའི་གནས་སྟངས་ངོ་སྤྲོད་ཆེད་དུ་དམིགས་པ་ཞིག་རེད་འདུག Maharastra མངའ་སྡེའི་Nandi ས་གནས་སུ་ཡོད་པའི་བོདམི་སུད་ཚོང་པ་དེ་དག་ནི་མོན་གྷོ་དང་སྦེལ་ཀོབ། ཀོ་ལེ་གྷལ་དང་ཧུན་སུར་བོད་མིའི་གཞིས་ཆགས་ཀྱི་གཞིས་མི་ཡིན་པ་རེད་འདུག