ARCHIVE
Yearly Archives: 2018
བཞུགས་སྒར་དུ་འབུམ་དྲུག་བརྒྱ་ཅན་གྱི་བོད་མིའི་འགྲེམས་སྟོན་ཁང་ཞིག་གསར་འཛུགས་གནང་རྒྱུ།
vot.org -
བོད་མིའི་སྒྲིག་འཛུགས་ཀྱི་ལྟེ་གནས་བཞུགས་སྒར་རྡ་རམ་ས་ལ་གངས་ཅན་སྐྱིད་ཤོངས་སུ་བོད་མིའི་སྒྲིག་འཛུགས་ནས་བོད་ཀྱི་ངོ་བོ་ཆ་ཚང་བ་ཞིག་མཚོན་ཐུབ་པའི་འགྲེམས་སྟོན་ཁང་ཞིག་གསར་རྒྱག་གནང་རྒྱུའི་གསལ་བསྒྲགས་སྤེལ་སོང་བ་དང་ཆབས་ཅིག འགྲེམས་སྟོན་ཁང་དེའི་ནང་དོན་བཀོད་རིས་དང་བརྗོད་གཞི་སོགས་དང་འབྲེལ་བའི་སྒྱུ་སྩལ་འགྲན་བསྡུར་དང། དེ་བཞིན་འགྲེམས་སྟོན་ཁང་དེ་དང་འབྲེལ་བའི་ཆེད་ལས་མི་སྣ་གསོ་སྐྱོང་ཆེད་དམིགས་བསལ་སློབ་ཡོན་གནང་རྒྱུ་རེད་འདུག
དེ་ཡང་དེ་རིང་ཕྱི་ཟླ་༡པོའི་ཚེས་༡༢ཉིན་བོད་མིའི་སྒྲིག་འཛུགས་ཀྱི་ཕྱི་དྲིལ་འགྲེམས་སྟོན་ཚན་པས་གོ་སྒྲིག་འོག བཞུགས་སྒར་དུ་བོད་ཀྱི་འགྲེམས་སྟོན་ཁང་ཞིག་གསར་སྐྲུན་ཞུ་བཞིན་པའི་ལས་གཞི་ངོ་སྤྲོད་ཀྱི་གསར་འགོད་ལྷན་ཚོགས་ཞིག་བསྐོང་ཚོགས་གནང་སོང་བ་དང་། སྐབས་དེར་ཕྱི་དྲིལ་བཀའ་བློན་གཅིག་ལྕོགས་སྲིད་སྐྱོང་བློ་བཟང་སེང་གེ་མཆོག་གིས་དབུས་པས་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་དང་། དྲིལ་བསྒྲགས་དྲུང་ཆེ་ཚད་མཉམ་ཤར་གླིང་བསྟན་འཛིན་ཟླ་སྒྲོན་ལགས། དེ་བཞིན་ཕྱི་དྲིལ་འགྲེམ་སྟོན་ཚན་པའི་འགན་འཛིན་བཀྲིས་ཕུན་ཚོགས་ལགས་བཅས་ཕེབས་འདུག
གསར་འགོད་ལྷན་ཚོགས་དེའི་ཐོག་ནས་བོད་མིའི་སྒྲིག་འཛུགས་ནས་བོད་ཀྱི་ངོ་བ་ཆ་ཚང་བ་ཞིག་མཚོན་ཐུབ་པའི་ཧིར་སྒོར་འབུམ༦༠༠ལྷག་འགྲོ་གྲོན་གནས་པའི་འགྲེམས་སྟོན་ཁང་ཞིག་གནང་རྒྱུ་དང་། དེ་དེ་བཞིན་མ་འོངས་འགྲེམས་སྟོན་ཁང་དེ་བཞིན་ཚད་ལྡན་ཞིག་ཡོང་སླད་ཆེད་ལས་མི་སྣ་གསོ་སྐྱོང་ཀྱི་དམིགས་བསལ་སློབ་ཡོན་ཧིན་སྒོར་འབུམ་གཉིས་ཀྱི་གསལ་བསྒྲགས་བཅས་གནང་སོང་།
འགྲེམས་སྟོན་དེའི་ནང་དུ་རྒྱ་གཞུང་གིས་བོད་བཙན་འཛུལ་མ་བྱས་སྔོན་དང་༡༩༥༩རྗེས་འབྲེལ་སོགས་བོད་ཀྱི་འདས་མ་གསུམ་གསལ་བའི་ལོ་རྒྱུས་ཀྱི་ཚན་པ་དང་། བོད་མཐོ་སྒང་གི་ཁོར་ཡུག ཁྱད་པར་༸རྒྱལ་མཆོག་༸སྐུ་ཕྲེང་༡༤ཆེན་པོ་མཆོག་གི་མཛད་རྣམ་སོགས་སྡེ་ཚན་མི་འདྲ་བ་ ༡༡་དང་། སྒྱུ་སྩལ་བའི་སྡེ་ཚན། ཁྱད་པར་དུ་དེ་སྔ་བོད་དོན་ཆེད་སྐུ་སྲོག་ཤོར་བའི་བོད་མི་ས་ཡ་གཅིག་དང་འབུམ་གཉིས་ལྷག་ཡོད་པ་རྣམས་ཀྱི་ཆེད་དུ་དམིགས་བསལ་དྲན་རྟེན་ཁང་ཞེས་པ་ཟུར་དུ་འཛུགས་གནང་རྒྱུ་རེད་འདུག ལས་གཞི་འདི་ནི་སྔ་ལོ་ནས་འོག་འཛུགས་གནང་ཡོད་པ་ལྟར་ལོ་འདིའི་ནང་དུ་ལེགས་གྲུབ་གནང་རྒྱུ་རེད་འདུག
བཙོན་པ་ཐུག་འཕྲད་སྐབས་རྒྱ་སྐད་ཁོ་ན་རྒྱག་དགོས་པ་འདི་ནི་འཆམ་མཐུན་གྱི་འགལ་ཟླར་གསུངས་འདུག
vot.org -
ཨ་རིར་རྟེན་གཞི་བྱས་པའི་Dui Hua ཐེབས་རྩ་ཁང་ནས་རྒྱ་གཞུང་གིས་བཙོན་པ་ཐུག་འཕྲད་སྐབས བཙན་དབང་གིས་རྒྱ་སྐད་ཁོ་ན་རྒྱག་བཅུག་གི་ཡོད་པ་དེས་རྒྱ་ནག་ཧན་མི་རིགས་ཀྱི་རིག་གཞུང་ལ་ཞེན་ཁོག་ཆེ་རུ་བཏང་བ་དང་དུས་མཉམ་གྲངས་ཉུང་མི་རིགས་གཞན་གྱི་ལར་ཞེན་སྐྱོ་རུ་གཏོང་ཐབས་ཤིག་ཏུ་འགྲེལ་བརྗོད་གནང་པ་མ་ཟད། དེ་ནི་རྒྱ་ནག་གི་འཆམ་མཐུན་སྤྱི་ཚོགས་ཀྱི་ལྟ་གྲུབ་དང་ཡོངས་སུ་འགལ་གྱི་ཡོད་པ་གསུངས་འདུག
དེ་ཡང་ཐེབས་རྩ་ཁང་དེ་ནས་ཁ་སང་སྙན་ཐོ་ཞིག་འདོན་སྤེལ་བརྒྱུད་རྒྱ་ནག་གཞུང་ནས་བཙོན་པ་དང་བཙོན་ཁང་གི་འགྲོ་ལུགས་སྐོར་གླེང་སློད་དང་སྦྲགས། སྤྱིར་རྒྱ་གཞུང་གི་བཙོན་འོག་ཏུ་ཡོད་པའི་བཙོན་པ་རྣམས་བཙོན་ཁང་ནང་དུ་ལུས་པའི་རིང་ལ་སྤྱི་སྐད་བྱེ་བྲག་པ་ཞིག་རྒྱག་དགོས་པའི་ཁྲིམས་ལུགས་ཤིག་མེད་ནའང་། རྒྱ་ནག་གི་བཙོན་ཁང་མང་པོའི་ནང་བཙོན་པ་ཐུག་འཕྲད་སྐབས་རྒྱ་སྐད་ཁོ་ན་མ་གཏོགས་ས་གནས་ཀྱི་ཡུལ་སྐད་དང་གྲངས་ཉུང་མི་རིགས་བྱེ་བྲག་གི་སྐད་ཡིག་བེད་སྤྱོད་བྱ་མི་ཆོག་པའི་དམ་དྲག་ཆེན་པོ་བྱེད་ཀྱི་ཡོད་པ་གསུངས་འདུག
བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་ཀྱིས་རྒྱ་གཞུང་གི་བཙོན་འཇུག་འོག་ཡོད་པའི་བོད་པའི་བཙོན་པ་ཚོར་ཡང་དེ་མཚུངས་ཀྱི་དཀའ་ངལ་འཕྲད་ཀྱི་ཡོད་པ་མ་ཟད་ཀན་སུ་ཞིང་ཆེན་ནང་གནས་ཚུལ་དེ་ལྟར་བྱུང་བའི་དཔང་རྟགས་ཀྱང་ཡོད་པའི་འགྲེལ་བརྗོད་གནང་སོང་།
༸གོང་ས་མཆོག་པུ་ནེ་ནང་གི་མཛད་འཕྲིན་ལེགས་གྲུབ་ཀྱིས་རྡོ་རྗེ་གདན་དུ་༸ཞབས་སོར་བདེ་བར་འཁོད་སོང་།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ཁ་ཉིན་ཚེས་ ༩ ཉིན་གནས་མཆོག་རྡོ་རྗེ་གདན་ནས་ Maharastra མངའ་སྡེའི་གྲོང་ཁྱེར་ Pune ཁུལ་དུ་ཆེབས་སྒྱུར་བསྐྱངས་གནང་ཡོད་པ་ལྟར། ཁ་སང་མགོན་པོ་༸གང་ཉིད་མཆོག་ཁུལ་དེའི་ནང་གི་མཛད་འཕྲིན་ཁག་ལེགས་གྲུབ་ཀྱི་ཉིན་རྒྱབ་ཆུ་ཚོད་ ༥ ཙམ་ལ་སླར་གནས་མཆོག་རྡོ་རྗེ་གདན་དུ་ཆིབས་སྒྱུར་བསྐྱངས་ཡོད་པ་རེད།
རྩ་བའི་ཁ་སང་སྔ་ཐོག་༸གང་ཉིད་མཆོག་ནས་ Pune གྲོང་ཁྱེར་གྱི་ MIT WPU གཙུག་ལག་སློབ་གྲྭར་ཚོགས་པའི་རྒྱ་གར་རྒྱལ་ཡོངས་དགེ་རྒན་ལྷན་ཚོགས་ཐེངས་གཉིས་པའི་ཚོགས་མགོན་དུ་ཆིབས་སྒྱུར་མཛད་དེ་སློབ་དཔོན་དང་དགེ་རྒན་རྣམ་པ་ཚོས་རང་གི་གནའ་བོའི་རིག་གཞུང་ཕྱུག་པོ་དེ་བསྐྱར་གསོ་བྱས་ནས་དེང་གི་སྤྱི་ཚོགས་ནང་དུ་གོང་འཕེལ་གཏང་གལ་ཡིན་པའི་ལམ་སྟོན་བསྩལ་ཡོད་པ་དང་། དེ་བཞིན་༸གོང་ས་མཆོག་ནས་དགེ་རྒན་ལྷན་ཚོགས་སུ་ཆིབས་སྒྱུར་མཛད་གོང་སྔ་ན་ཁུལ་དེའི་ས་གནས་བོད་ཕྲུག་དང་སུད་ཚོང་བ་སོགས་བོད་རིགས་བརྒྱ་སྐོར་ཞིག་ལ་བཀའ་སློབ་བཀྲིན་བསྩལ་ཡོད་པ་རེད།
མཛད་འཆར་ལྟར་ན་ཕྱི་ཚེས་ ༡༤ ནས་༸གོང་ས་སྐྱབས་མགོན་ཆེན་པོ་མཆོག་ནས་གནས་མཆོག་རྡོ་རྗེ་གདན་དུ་ཉིན་གྲངས་གསུམ་རིང་རྒྱལ་སྲས་ལག་ལེན་སོ་བདུན་མ་དང་། བྱང་ཆུབ་སེམས་འགྲེལ། སྤྱན་རས་གཟིགས་ཀྱི་བཀའ་དབང་སོགས་བསྩལ་རྒྱུ་དང་། ཕྱི་ཚེས་ ༡༨ ནས་སླར་ཡང་འཇིགས་བྱེད་ལྷ་བཅུ་གསུམ་དང་བདེ་མཆོག་བཅས་ཀྱི་བཀའ་དབང་བཀྲིན་བསྩལ་རྒྱུའི་མཛད་འཆར་འདུག
རེས་གཟའ་ཕུར་བུ། ༢༠༡༨།༠༡།༡༡
vot.org -
ཉན་པ།: Listen
ཕབ་ལེན། Download
༸གོང་ས་མཆོག་པུ་ནེ་ནང་གི་མཛད་འཕྲིན་ལེགས་གྲུབ་ཀྱིས་རྡོ་རྗེ་གདན་དུ་༸ཞབས་གསོར་འཁོད་སོང་།
བཀྲིས་དབང་ཕྱུག་ནི་མིག་དཔེ་འོས་པའི་རིག་གནས་སྲུང་སྐྱོབ་པ་ཞིག་ཏུ་གྱུར་ཡོད་གསུངས་འདུག
བཙོན་པ་ཐུག་འཕྲད་སྐབས་རྒྱ་སྐད་ཁོ་ན་རྒྱག་དགོས་བཟོས་པ་འདི་འཆམ་མཐུན་གྱི་འགལ་ཟླ་ཡིན།
སྲིད་སྐྱོང་མཆོག་གིས་རྒྱ་གར་གསར་འགོད་པ་རྣམས་དང་མཇལ་འཕྲད་གནང་སོང་།
བོད་པའི་སྒྲུང་དེ་བོད་པ་རང་གི་བཤད་ཡག་དེ་གནད་འགག་ཆེན་པོ་རེད་གསུངས་པ།
ལྷོ་ཕྱོགས་བོད་མིའི་འཕྲོད་བསྟེན་སྨན་ཞབས་པ་ཚོར་སྤྱི་ཚོགས་འཕྲོད་བསྟེན་སྐོར་ཟབ་སྦྱོང་གནང་བ།
Thursday 11/01/2018
Dalai Lama returns back to Bodh Gaya, will resume teaching on 14th
“Mandarin Only” visitation rules run counter to “harmonious society” ideal: Dui Hua
What happened to Tibet could happen to India: Sikyong to Indian journalists
Build on the Tibetan narrative: TPI head releases 3 books by LTWA
རྒྱ་གར་དགེ་རྒན་ཚོས་རང་གི་གནའ་བོའི་ཤེས་ཡོན་གོང་འཕེལ་གཏང་རྒྱུར་དགོངས་པ་བཞེས་དགོས་པའི་ལམ་སྟོན་མཛད་སོང་།
vot.org -
བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སྔ་དྲོ་ National Teachers Congress རྒྱ་གར་རྒྱལ་ཡོངས་དགེ་རྒན་ལྷན་ཚོགས་ཐེངས་གཉིས་པའི་ཐོག་ཕེབས་པའི་དགེ་རྒན་ཆིག་སྟོང་ཡས་མས་སྐོར་ཞིག་ལ། དེང་དུས་ཀྱི་རྒྱ་གར་སྤྱི་ཚོགས་འདིའི་ནང་རང་གི་གནའ་བོའི་ཤེས་ཡོན་ཕྱུག་པོ་དེ་གོང་འཕེལ་གཏང་རྒྱུར་དགོངས་པ་བཞེས་དགོས་པའི་ལམ་སྟོན་བསྩལ་སོང་།
ཚོགས་ཆེན་དེ་ནི་དེ་རིང་སྔ་ཐོག་རྒྱ་གར་Maharashtra མངའ་སྡེའི་གྲོང་ཁྱེར་Pune ནང་དུ་རྟེན་གཞི་བྱས་པའི་MIT WPU གཙུག་ལག་སློབ་གཉེར་ཁང་དུ་དབུ་འཛུགས་གནང་ཡོད་པ་དང་། དབུ་འབྱེད་མཛད་སྒའི་སྐུ་མགྲོན་གཙོ་བོར་༸གོང་ས་༸སྐྱབས་མགོན་ཆེན་པོ་མཆོག་དང་། དེ་བཞིན་ Pune གྲོང་ཁྱེར་སྤྱི་ཁྱབ་ལྕམ་ Mukta Tilak ལགས་དང་ལྷན་ཚོགས་དེ་ཐོག་མར་གསར་འཛུགས་གནང་མཁན་གྲས་སུ་ཡོད་པ་རྒྱ་གར་གྱི་ཚན་རིག་པ་གྲགས་ཅན་སྐུ་ཞབས་Dr Anil Kakodkar མཆོག་སོགས་གདན་ཞུ་ཕུལ་འདུག ལྷག་པར་དུ་ཐེངས་འདིའི་ཚོགས་ཆེན་ཐོག་ལ་རྒྱ་གར་རྒྱལ་ཡོངས་དང་རྒྱལ་སྤྱི་ཁྱོན་ནས་མཐོ་སློབ་དང་གཙུག་ལག་སློབ་གཉེར་ཁང་ཁག་ཅིག་གི་རྒྱ་གར་དགེ་རྒན་ཆིག་སྟོང་སྐོར་ཕེབས་འདུག
National Teachers Congress ཞེས་པའི་ལྷན་ཚོགས་འདིའི་དགོས་དམིགས་གཙོ་བོ་ནི་ཤེས་ཡོན་ལྡན་པའི་མ་འོངས་འགོ་ཁྲིད་གསོ་སྐྱོང་གནང་མཁན་དགེ་རྒན་ཚོའི་ཤེས་ཡོན་དང་ནུས་པ་ཇེ་མཐོར་གཏང་རྒྱུ་རེད་འདུག
དྲ་རྒྱའི་ཐོག་མཛད་སྒོ་ཐད་སྲིང་གནང་ཡོད་པ་ལྟར་༸གོང་ས་༸སྐྱབས་མགོན་ཆེན་པོ་མཆོག་གིས་སྐབས་དེར་རྒྱ་གར་བ་དགེ་རྒན་རྣམས་ལ་དེང་སང་འཛམ་གླིང་འདིའི་ནང་དུ་སེམས་འཚོར་དང་བདེ་སྐྱིད་དང་འབྲེལ་བའི་ཐོག་ལ་དཀའ་ངལ་འཕྲལ་ཇེ་སྙེད་ཅིག་འཕྲད་བཞིན་པའི་ཐོག་ལ་རྒྱ་གར་གྱི་གནའ་བོའི་རིག་གཞུང་ཕྱུག་པོ་དེས་ཞབས་འདེགས་རླབས་ཆེན་བསྒྲུབ་ཐུབ་ཡག་ཡོད་པ་དེ་ལྟར་ཡང་། ལོ་ངོ་སྟོང་ཕྲག་རིང་གི་དཔལ་ཎ་ལེནྜའི་ཤེས་ཡོན་ལྟེ་གནས་ནས་འབྱུང་བའི་ནང་སེམས་དང་སེམས་འཚོར་གྱི་རྣམ་གཞག་སོགས་དང་འབྲེལ་བའི་ཤེས་ཡོན་ཕྱུག་པོ་དེ་ལ། དེང་སང་གི་ཚན་རིག་པ་དང་ཤེས་ཡོན་ཅན་ཚོས་གདེང་འཇོག་ཆེན་པོ་ཡོད་པ་མ་ཟད། དོན་དངོས་དེང་སང་གི་དུས་ཚོུད་འདིར་ལེགས་བཤད་རིག་གཞུང་དེ་ཧ་ཅང་གི་འབྲེལ་བ་ཆེན་པོ་ཡོད་པ་བཀའ་གནང་སོང་།
ཁྱད་པར་དུ་༸གང་ཉིད་མཆོག་གིས་དགེ་རྒན་རྣམས་ལ་དེང་གི་ཤེས་ཡོན་ལམ་ལུགས་ནང་དུ་ཕྱི་དངོས་པོ་ཡར་རྒྱས་དང་དཔལ་འབྱོར། དེ་བཞིན་མིང་དང་དབང་ཆ་སོགས་ལས་ནང་སེམས་ཀྱི་བཟང་སྤྱོད་ཀྱི་རིན་ཐང་སྐོར་ལ་དོ་གལ་དེ་ཙམ་མ་མེད་པའི་རྐྱེན། འཛམ་གླིང་འདིའི་སྟེང་ལྐོག་ཟ་རུལ་སུང་དང་དྲང་བདེན་མེད་པའི་དཀའ་ངལ་ཇེ་སྙེད་ཅིག་འཕྲད་མུས་ཡིན་ཞིང་། ང་ཚོས་དཀའ་ངལ་དེ་དག་སེལ་བར་གཙོ་བོ་སློབ་གྲྭའི་ནང་དུ་བཟང་སྤྱོད་ཀྱི་རིན་ཐང་ཤེས་ཡོན་ལམ་ནས་ཡོང་དགོས་པ་དང། ད་དུང་དེ་རིང་སང་སེམས་འཚོར་གྱི་དཀའ་ངལ་མང་དག་ཅིག་འཕྲད་བཞིན་ཡོད་པ་དེའི་ཐབས་ལམ་གཙོ་བོ་ནི་རྒྱ་གར་གྱི་གནའ་བོའི་རིག་གཞུང་ནང་ཡོད་སྟབས། རྒྱ་གར་དགེ་རྒན་ཚོས་རང་གི་གནའ་བོའི་རིག་གཞུང་དེ་བསྐྱར་གསོ་བྱེད་ནས་ཐོག་མར་མི་གཅིག་དང་དེ་ནས་བཅུ དེ་ནས་བརྒྱ་དང་སྟོང་བཅས་རིམ་པ་བྱེད་ནས་སྤྱི་ཚོགས་ནང་དུ་གོང་འཕེལ་གཏང་གལ་ཡིན་པའི་ལམ་སྟོན་བཀྲིན་བསྩལ་ཡོད་པ་རེེད།
གཞན་ཡང་༸གོང་ས་མཆོག་གིས་རྒྱ་གར་གྱི་མིག་དཔེ་འོས་པའི་ཆོས་ལུགས་མཐུན་སྒྲིལ་དང་འཚེ་བ་མེད་པའི་ལྟ་གྲུབ་ལ་ཆེ་བསྟོད་དང་སྦྲགས། མགོན་པོ་༸གང་ཉིད་མཆོག་ནས་ཀྱང་འཛམ་གླིང་ཆོས་ལུགས་མཐུན་སྒྲིལ་ཐོག་ལ་ཐུགས་བསྐྱེད་མཛད་འཁུར་བཞེས་བཞིན་པ་དང་དེ་བཞིན་འཛམ་གླིང་ཞི་བདེ་དང་བདེ་སྐྱིད་ལྡན་པ་ཞིག་ཡོང་བར་བྱམས་བརྩེ་གཞི་རྩར་གྱུར་བའི་མིའི་གཅིག་གྱུར་གྱི་འདུ་ཤེས་དགོས་གལ་གྱི་རིན་ཐང་གོང་འཕེལ་གནང་བཞིན་པ་སོགས་ལམ་སྟོན་བཀའ་སློབ་རྒྱ་ཆེ་བསྩལ་ཡོད་པ་རེད། National Teachers Congress ཞེས་པའི་ལྷན་ཚོགས་འདི་ནི་རྒྱ་གར་རྒྱལ་ཡོངས་རང་བཞིན་པའི་མཐོ་རིམ་ཤེས་ཡོན་ལྟེ་གནས་ཁང་གི་སློབ་དཔོན་དང་དགེ་རྒན་མང་ཤོས་འདུས་པའི་ལྷན་ཚོགས་ཆེ་གྲས་གཅིག་ཆགས་ཀྱི་འདུག་པ་དང་། ལོ་སྔོན་མ་ཚོགས་ཆེན་ཐེངས་དང་པོའི་ཐོག་དགེ་རྒན་༥༠༠༠ཙམ་ཕེབས་འདུག
ཉིན་གསུམ་རིང་ཚོགས་རྒྱུའི་ལས་རིམ་འདིའི་ཐོག་ལ་རྒྱ་གར་དབུས་གཞུང་གི་མིའི་ནུས་ཤུགས་ཡར་རྒྱས་ལྷན་ཁང་གི་བློན་ཆེན་སྐུ་ཞབས་ Dr Satya Pal Singh མཆོག་དང་ Maharashtra མངའ་སྡེའི་ཤེས་ཡོན་སོགས་ཀྱི་བློན་ཆེན་སྐུ་ཞབས་ Vinod Tawde མཆོག་སོགས་ཆེས་མཐོའི་དཔོན་རིགས་ཁག་ཅིག་དང་གཙུག་ལག་སློབ་གཉེར་ཁང་ཁག་ཅིག་གི་ཉེ་བའི་རིགས་བདག་དང་སློབ་དཔོན་སོགས་ཆེད་ལས་ཤེས་ཡོན་མི་མང་དག་ནས་ཤེས་ཡོན་གོང་འཕེལ་ཐོག་ལ་གཏན་བཤད་ཀྱི་ལས་རིམ་མང་དག་ཅིག་འདུག
རེས་གཟའ་ལྷག་པ། ༢༠༡༨།༠༡།༡༠
vot.org -
ཉན་པ།: Listen
ཕབ་ལེན། Download
རྒྱ་གར་དགེ་རྒན་ཚོས་རང་གི་གནའ་བོའི་ཤེས་ཡོན་གོང་འཕེལ་གཏང་རྒྱུར་དགོངས་པ་བཞེས་དགོས།
ཁམས་འཇོ་མདར་ས་ཆ་བཙན་འཕྲོག་འོག་མི་མང་ལ་དྲག་གནོན།
Marriott མགྲོན་ཁང་ནས་བོད་དེ་རྒྱལ་ཁབ་ཀྱི་མིང་གཞུང་ཁོངས་ནས་ཕྱིར་འཐེན།
རྒྱ་གཞུང་གིས་དྲ་གནས་ཆིག་འབུམ་ལྷག་སྒོ་རྒྱག་འདུག
ལོ་རྒྱུས་ཡུན་རིང་ལྡན་པའི་སྐུ་རྙིང་ཞིག་བརྙེད་སོན།
Brisbane བོད་རྒྱའི་སློབ་ཕྲུག་དང་ཤེས་ལྡན་མི་སྣའི་མཛའ་འབྲེལ་ཚོགས་པ་གསར་འཛུགས།
བཀའ་སློབ་ལེ་ཚན། ༸གོང་ས་མཆོག་གིས་ཉེ་ཆར་རྡོ་རྗེ་གདན་དུ་ཆོས་ལུགས་མཐུན་སྒྲིལ་སྐོར་བསྩལ་བའི་བཀའ་སློབ།
Wednesday 10/01/2018
Dalai Lama urges Indian teachers to explore and promote ancient Indian knowledge
China seizes land, cracks down on Tibetans in Jomda, Chamdo
Marriott apologizes for listing Tibet as a country in survey
Chinese state media reports shutting down of 128000 websites in 2017
New ‘Brisbane Sino-Tibetan Students and Scholars Association’ formed
Oldest Buddhist stele found in Ngari, Tibet
FEATURE: His Holiness the Dalai Lama speaks on Inter-Religious Harmony, Bodh Gaya
རེས་གཟའ་མིག་དམར། ༢༠༡༨།༠༡།༠༩
vot.org -
ཉན་པ།: Listen
ཕབ་ལེན། Download
༸གོང་ས་མཆོག་དེ་རིང་པུ་ནེ་གྲོང་ཁྱེར་དུ་ཆིབས་སྒྱུར་བསྐྱངས་འདུག
སྲིད་སྐྱོང་མཆོག་གིས་ཧི་མ་ཅལ་སྤྱི་ཁྱབ་བློན་ཆེན་གསར་པ་མཆོག་དང་མཇལ་འཕྲད་གནང་སོང་།
བོད་སྐད་ཡིག་རང་དབང་རྩོད་ལེན་པ་བཀྲིས་དབང་ཕྱུག་ལགས་ཀྱི་ཆེད་དུ་རྒྱལ་སྤྱིའི་ཁྱོན་དུ་ལས་འགུལ་སྤེལ་འདུག
རྡོ་རྗེ་གདན་དུ་དགེ་ལུགས་སྨོན་ལམ་ཐེངས་བདུན་པ་ཚོགས་འདུག
གླུ་གཞས་ལེ་ཚན། གཞས་པ་རྡོ་རྗེ་ཚེ་རིང་ལགས་ཀྱི་སྐད་འཁོར་{ནང་།}
Tuesday 09/01/2018
Dalai Lama leaves for Pune, will address National Teachers’ Congress
Sikyong calls on new Himachal Chief Minister
Tibet activists worldwide demand release of Tashi Wangchuk
7th Gelug Monlam Chenmo convenes at Bodh Gaya
MUSIC FEATURE: Tibetan singer Dorje Tsering and his album ‘Nang’
༸གོང་ས་མཆོག་གནས་མཆོག་རྡོ་རྗེ་གདན་ནས་ Pune གྲོང་ཁྱེར་དུ་ཆིབས་སྒྱུར་བསྐྱངས་འདུག
vot.org -
བོད་མའི་བླ་ན་མེད་པའི་དབུ་ཁྲིད་༸གོང་ས་སྐྱབས་མགོན་ཆེན་པོ་མཆོག་དེ་རིང་སྔ་དྲོ་ཆུ་ཚོད་ ༡༠ དང་ཕྱེད་ཀའི་ཐོག་གནས་མཆོག་རྡོ་རྗེ་གདན་ནས་རྒྱ་གར་གྱི་ Maharastra མངའ་སྡེའི་ Pune གྲོང་ཁྱེར་ཁུལ་དུ་ཆིབས་སྒྱུར་བསྐྱངས་འདུག
མཛད་འཆར་ལྟར་ན་སང་ཉིན་ཚེས་ ༡༠ ཉིན་མགོན་པོ་༸གང་ཉིད་མཆོག་གིས་ Pune ནང་དུ་རྟེན་གཞི་བྱས་པའི་ MIT World Peace University གཙུག་ལག་གྲྭ་ཆེན་མོར་ཚོགས་རྒྱུའི་ National Teachers’ congress འམ་རྒྱལ་ཡོངས་རང་བཞིན་ལྡན་པའི་རྒྱ་གར་བ་དགེ་རྒན་ཚོགས་ཆེན་གཉིས་པའི་ཚོགས་མགོན་དུ་ཆིབས་སྒྱུར་དང་བླང་དོར་བཀའ་སློབ་བཀྲིན་བསྩལ་རྒྱུ་རེད་འདུག ཚོགས་ཆེན་དེ་ནི་རྒྱ་གར་བ་དགེ་རྒན་རྣམ་པའི་ཚོགས་ཆེན་ཆེ་ཤོས་ཤིག་ཆགས་ཀྱི་འདུག
ཐེངས་འདིའི་ཚོགས་ཆེན་ཐོག་༸གོང་ས་མཆོག་གིས་དབུས་པའི་གཞན་ཡང་རྒྱ་གར་དབུས་གཞུང་གི་མིའི་ནུས་ཤུགས་ཡར་རྒྱས་ལྷན་ཁང་གི་བློན་ཆེན་སྐུ་ཞབས་ Dr Satya Pal Singh མཆོག་དང་ Maharashtra མངའ་སྡེའི་ཤེས་ཡོན་སོགས་ཀྱི་བློན་ཆེན་སྐུ་ཞབས་Vinod Tawde མཆོག་སོགས་ཆེས་མཐོའི་དཔོན་རིགས་མང་དག་གདན་ཞུ་ཕུལ་འདུག
ཤེས་རྟོགས་བྱུང་བར་༸གོང་ས་སྐྱབས་མགོན་ཆེན་པོ་མཆོག་སང་ཉིན་ཁུལ་དེའི་ནང་གི་མཛད་འཕྲིན་གྲུབ་བསྟུན་ཕྱི་དྲོ་ཚུར་རྡོ་རྗེ་གདན་དུ་ཆིབས་སྒྱུར་བསྐྱངས་གནང་གི་འདུག་པ་དང་། དེ་ནས་ཕྱི་ཚེས་ ༡༤ ནས་སླར་ཡང་མཛད་ཆར་སྔོན་སྒྲིག་ལྟར་གནས་མཆོག་རྡོ་རྗེ་གདན་དུ་དཔལ་མགོན་འཕགས་པ་ཀླུ་སྒྲུབ་ཀྱི་མཛད་པའི་བྱང་ཆུབ་སེམས་འགྲེལ་དང་རྒྱལ་སྲས་ཐོག་མེད་བཟང་པོས་མཛད་པའི་ལག་ལེན་སོ་བདུན་མའི་གསུང་ཆོས་ཀྱི་དབུས་པའི་བཀའ་དབང་དང་དེ་བཞིན་མགོན་པོ༸་གང་ཉིད་མཆོག་ལ་བརྟན་བཞུགས་གསོལ་འདེགས་སོགས་ཀྱི་མཛད་འཆར་ཁག་ཅིག་འདུག
སྲིད་སྐྱོང་མཆོག་གིས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་གསར་པར་དང་མཇལ་འཕྲད་གནང་འདུག
vot.org -
བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་གསར་པ་སྐུ་ཞབས་Jai Ram Thakurམཆོག་ལ་འཚམས་འདྲིའི་མཇལ་འཕྲད་གནང་སོང་།
དེ་ཡང་དེ་རིང་སྔ་ཐོག་བཞུགས་སྒར་རྡ་རམ་ས་ལར་རྟེན་གཞི་བྱས་པའི་མངའ་སྡེིའི་གཞུང་འབྲེལ་Circuit Houseནང་གནང་བའི་དབུ་ཁྲིད་རྣམ་གཉིས་མཇལ་འཕྲད་དེའི་སྐབས། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་ལྷན་དཔལ་འབྱོར་བཀའ་བློན་རྐམ་ཡེ་ཤེས་མཆོག་ཆེད་བཅར་ཞུས་འདུག སྐབས་དེར་སྲིད་སྐྱོང་མཆོག་གིས་ད་ལན་གསར་དུ་འདེམས་ཐོན་བྱུང་བའི་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Jai Ram Thakur མཆོག་གིས་གཙོས་པའི་ཕྱགས་འབྲེལ་བློན་ཆེན་གསར་པ་རྣམ་ལ་འཚམས་འདྲིའི་མཇལ་དར་དང། དེ་བཞིན་སྤྱི་ཁྱབ་བློན་ཆེན་མཆོག་ལ་ཕྱག་རྟགས་སུ་སྟོན་པའི་སྐུ་བརྙན་གྱི་ཞལ་ཐང་ཞིག་ཀྱང་འབུལ་གནང་སོང་།
སྐབས་དེའི་སྔ་འདྲོ་མཇལ་འཕྲད་གྲུབ་མཚམས་སུ་སྲིད་སྐྱོང་མཆོག་གིས་གསར་འགོད་པའི་བཅར་འདྲི་དང་ལེན་གནང་སྐབས། རྩ་བའི་རྒྱ་གར་གཞུང་མང་གཉིས་ནས་ད་བར་བོད་མི་དང་བོད་དོན་ཐོག་ལ་གནང་བ་དེ་ལས་ལྷག་པ་རྒྱལ་ཁབ་གཞན་སུའི་ཀྱང་གནང་མེད་པ་མ་ཟད། ཁྱད་པར་དུ་ཧི་མཱ་ཅལ་གཞུང་གིས་བོད་མིའི་ཐོག་གནང་བ་དེ་དམིགས་བསལ་ཞིག་ཆགས་ཀྱི་ཡོད་པ་གསུངས་སྟེ། ད་ལན་འཚམས་འདྲི་མཇལ་འཕྲད་དེའི་བརྒྱུད་ཧི་མཱ་ཅལ་མངའ་སྡེའི་གཞུང་མང་གཉིས་ལ་ཐུགས་རྗེ་ཆེ་ཞུས་པ་དང་འབྲེལ། འབྱུང་འགྱུར་བོད་མིའི་ཐོག་མུ་མཐུད་རྒྱབ་སྐྱོར་གནང་སྐྱོང་ཡོང་བ་ཞུས་འདུག
རྩ་བའི་ཟླ་བ་སྔོན་མ་སྟེ་ཕྱི་ཟླ་ ༡༢ པའི་ཚེས་ ༡༨ ཉིན་ཧི་མཱ་ཅལ་མངའ་སྡེའི་གྲོས་ཚོགས་འོས་བསྡུའི་གྲུབ་འབྲས་གསལ་བསྒྲགས་བྱས་ཏེ་བྷི་ཇེ་པི་སྲིད་དོན་ཚོགས་པར་གྲོས་ཚོགས་རྐུབ་སྟེགས་ ༦༨ ནས་ ༤༤ ཐོབ་ནས་ཐེངས་ལྔ་ཡི་རིང་མངའ་སྡེའི་གྲོས་ཚོགས་འཐུས་མི་བྱེད་མྱོང་བའི་རང་ལོ་་༥༢ ཡིན་པའི་སྐུ་ཞབས་ཇཡཱ་རམ་ཐཱ་ཀུར་མཆོག་ཧི་མ་ཅལ་མངའ་སྡེའི་སྤྱི་ཁྱབ་བློན་ཆེན་གསར་པར་བསྐོ་གཞག་བྱས་ཡོད་པ་རེད། སྤྱི་ཁྱབ་བློན་ཆེན་གསར་པ་མཆོག་གི་དམ་འབུལ་མཛད་སྒོ་དེ་བཞིན་ཟླ་བ་སྔོན་མའི་ཕྱི་ཚེས་ ༢༧ ཉིན་མངའ་སྡེའི་རྒྱལ་ས་སིམ་ལར་རྒྱ་གར་གྱི་སྲིད་བློན་མཱོ་ཌི་གཙོས་པའི་རྒྱ་གར་དབུས་གཞུང་དང་མངའ་སྡེའི་བློན་ཆེན་ཁག་བཅས་འདུ་འཛོམས་ཐོག་གནང་ཡོད་པ་རེད།