Monthly Archives: January, 2019

ཉན་པ།: Listen ཕབ་ལེན། Download ༸པཎ་ཆེན་སྐུ་ཕྲེང་བཅུ་པའི་སྐུ་ཚེའི་ལོ་རྒྱུས་དང་མཛད་རྗེས་ལ་ཕྱིར་དྲན་ཞུས་པ། Saturday 26/01/2019 A look back at the life and legacy of the Xth Panchen Lama

ཉན་པ།: Listen ཕབ་ལེན། Download འཇམ་དབྱངས་ཤེས་ཡོན་ཞབས་ཞུ་ཁང་གི་བྱིས་སྒྲུང་དཔེ་དེབ་དབུ་འབྱེད། བྷལ་ཇམ་གསར་ཁང་ནས་རྒྱ་ནག་གི་འཁྱོག་བཤད་སྤེལ་རྒྱུ་མཚམས་འཇོག་བྱེད་དགོས། འཆར་ལ་ཉེ་བའི་ས་ཕག་ལོའི་ནང་རྒྱ་ནག་ཏུ་དམ་བསྒྲགས་ཇེ་ཆེར་གཏང་ངེས་རེད། དཔལ་ལྡན་རྒྱུད་སྟོད་གྲྭ་ཚང་གི་དགུ་གཏོར་ཆེན་མོའི་ངོ་སྤྲོད། དགེ་བཤེས་ཀླུ་སྒྲུབ་བསྟན་དར་ལགས་ལ་སྔགས་རམས་པའི་རྒྱུགས་སྤྲོད་ལས་ཨང་དང་པོའི་བྱ་དགའ་ཐོབ། དམིགས་བསལ་ལས་རིམ། ལཱ་ཕིང་ཚོང་གཉེར་བ་བསྟན་འཛིན་ཚེ་སྐྱིད་ལགས་ཀྱི་འཚོ་རྟེན་སྐོར་བཅར་འདྲི་ཞུས་པ། Friday 25/01/2019 Manjushri Education Services launch 25 Children’s book in Tibetan Belgian newspaper Le Soir urged to stop publishing Chinese propaganda Year of the Pig doesn’t look better for Chinese journalists and bloggers: FP Gyuto Monastery holds annual ‘Gutor Chakkhar Chenmo’ Interview with Geshe Ludrup Tendhar, topper of ‘Ngagram Gyugtroe’ DIASPORA FEATURE: Tenzin Tsekyi and her ‘Laphing’ business

བོད་པའི་སྤྱི་ཚོགས་ནང་ཚན་རིག་དང་མཐུན་པའི་བྱིས་སྒྲུང་གི་དཔེ་དེབ་རིགས་མེད་པར་བརྟེན་ད་ལན་ཚན་རིག་དང་མཐུན་པའི་བྱིས་སྒྲུང་དཔེ་དེབ་ ༢༥ པར་བསྐྲུན་གྱིས་སྤྱི་ཚོགས་ནང་གི་སྟོང་ཆ་ཁ་སྐོང་གནང་ངེས་ཡིན་པ་གསུངས་སོང་།  ཁ་སང་བཞུགས་སྒར་དུ་རྟེན་གཞི་བྱས་པའི་ལྷ་སྤྱི་ཚོགས་ཞབས་ཞུ་ཁང་གི་ཚོགས་ཁང་དུ་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཤེས་རིག་བཀའ་བློན་འབུམ་རམས་པ་པདྨ་དབྱངས་ཅན་མཆོག་དང་བོད་ཀྱི་ཐེབས་རྩ་ཁང་གི་འགན་འཛིན་གཞོན་པ་ཤེས་རབ་འོད་གསལ་ལགས་རྣམ་གཉིས་ཀྱིས་གཙོས་པའི་བོད་ཁྱིམ་དང་སཾ་བྷོ་ཊའི་ཤེས་ཡོན་འགན་འཛིན་བཅས་དབུ་བཞུགས་ཐོག་བོད་མི་དྭང་བླངས་བ་ཁག་ཅིག་ལས་གྲུབ་པའི་འཇམ་དབྱངས་ཤེས་ཡོན་ཞབས་ཞུ་ཁང་གིས་དེང་རབས་ཚན་རིག་དང་མཐུན་པའི་བྱིས་སྒྲུང་དཔེ་དེབ་ ༢༥ ཙམ་དབུ་འབྱེད་ཀྱི་གསར་འགོད་གསལ་བསྒྲགས་ཤིག་བསྐྱངས་ཏེ་མི་འགྱངས་བར་དཔེ་དེབ་དེ་དག་རྒྱ་བལ་འབྲུག་གསུམ་ནང་ཡོད་པའི་བོད་པའི་སྤྱི་ཚོགས་ཁག་ཏུ་འགྲེམས་སྤེལ་གནང་ངེས་ཡིན་པ་གསུངས་ཡོད།ཤེས་རིག་བཀའ་བློན་འབུམ་རམས་པ་པདྨ་དབྱངས་ཅན་མཆོག་གིས་ཁོང་རང་ཉིད་དེ་སྔ་དགེ་རྒན་གྱི་ཕྱག་ལས་གནང་མྱོང་ཡོད་སྟབས། བྱིས་སྒྲུང་ནི་བོད་པའི་སྤྱི་ཚོགས་ནང་མེད་དུ་མི་རུང་བའི་མཐུན་རྐྱེན་ཞིག་ཡིན་པར་ངོས་འཛིན་གནང་བཞིན་ཡོད་པ་གསུངས་སོང་བ་མ་ཟད། མིའི་རིགས་ཀྱི་ལུས་སེམས་འཚར་ལོངས་དང་བསམ་བློ། དེ་བཞིན་ཀུན་སྤྱོད་ལ་ཞབས་འདེགས་རླབས་ཆེན་ཞུ་ཐུབ་པའི་ཆ་རྐྱེན་གལ་ཆེན་ཞིག་ཡིན་ཀྱང་། བོད་ཀྱི་བྱིས་སྒྲུང་མང་ཆེ་བ་ངག་རྒྱུན་ཙམ་ལས་ཡིག་ཐོག་ཏུ་མེད་པར་བརྟེན་འཇམ་དབྱངས་ཤེས་ཡོན་ཞབས་ཞུ་ཁང་གིས་རྐང་འགན་བཞེས་ནས་བྱིས་སྒྲུང་པར་བསྐྲུན་གནང་བ་ནི་དུས་ལ་བབ་པའི་དགོས་མཁོ་ཞིག་ཡིན་སྐོར་སོགས་གསུངས་ཡོད།དེ་བཞིན་འཇམ་དབྱངས་ཤེས་ཡོན་ཞབས་ཞུ་ཁང་གི་ངོས་ནས་བོད་པའི་སྤྱི་ཚོགས་ཀྱི་ནང་སློབ་ཕྲུག་ཚོས་དཀའ་ལས་ཁག་པོར་ངོས་འཛིན་བཞིན་པའི་སློབ་ཚན་ནི་ཚན་རིག་དང་ཨང་རྩིས་ཡིན་པར་བརྟེན་བྱིས་པ་ཆུང་དུས་ནས་བསླབ་གཞི་དེ་དག་གི་རྨང་གཞིའི་ཤེས་ཡོན་ལ་སྦྱང་བརྩོན་དང་དོ་སྣང་གནང་རྒྱུའི་ཁོར་ཡུག་ཅིག་བསྐྲུན་དགོས་གལ་ཡིན་སྟབས། ད་རེས་བོད་ཀྱི་ཐེབས་རྩ་དང་རྒྱ་གར་གྱི་ Prathm དཔེ་སྐྱུན་ཁང་གི་མཐུན་འགྱུར་འོག་བྱིས་སྒྲུང་དེབ་གྲངས་ ༢༥༠༠༠ ལྷག་པར་བསྐྲུན་གནང་ཡོད་པའི་དགོས་དམིགས་གསུམ་ངོ་སྤྲོད་གནང་ཡོད་པ་རེད།རྩ་བའི་འཇམ་དབྱངས་ཡོན་ཞབས་ཞུ་ཁང་ནི་ཕྱི་ལོ་ ༢༠༡༥ ལོར་བོད་མི་དྭང་བླང་བ་ཁག་ཅིག་གིས་བཙན་བྱོལ་ནང་གི་ཤེས་ཡོན་གོང་འཕེལ་ཆེད་དུ་བཙུགས་པའི་གཞུང་འབྲེལ་མིན་པའི་ཚོགས་པ་ཞིག་ཆགས་ཡོད་པ་དང་། འདས་པའི་ལོ་གསུམ་གྱི་ནང་ཚོགས་པ་དེས་གཙོ་བོ་བྱིས་སྒྲུང་དཔེ་དེབ་པར་བསྐྲུན་གྱི་ལས་གཞི་གཉེར་བཞིན་ཡོད་པ་དང་མཉམ་དུ་ཕ་མ་ཚོར་བྱིས་པ་གསོ་སྐྱོང་གནང་ཕྱོགས་ཐོག་ཟབ་སྦྱོང་གནང་འདུག མ་འོངས་པར་ཚོགས་པ་དེས་བཞུགས་སྒར་དུ་བྱིས་སྒྲུང་གི་དཔེ་མཛོད་ཁང་ཞིག་གསར་འཛུགས་གནང་འཆར་འདུག

ཡོ་རོབ་ཀྱི་རྒྱལ་ཁབ་ Belgium ནང་རྟེན་གཞི་བྱས་པའི་ Le Soir གསར་ཁང་ནས་རྒྱ་ནག་གཞུང་འབྲེལ་གསར་ཁང་གི་དཔྱད་རྩོམ་རིགས་སྤེལ་བ་དང་སྦྲགས། རྒྱལ་སྤྱིའི་བོད་དོན་ལས་འགུལ་ཁང་གིས་གཙོས་པའི་གཞུང་འབྲེལ་མིན་པའི་ཚོགས་པ་ཁག་གཅིག་གིས་གསར་ཁང་དེས་རྒྱ་ནག་གི་འཁྱོག་བཤད་དྲིལ་བསྒྲགས་སྤེལ་རྒྱུ་འཕྲལ་མར་མཚམས་འཇོག་བྱེད་དགོས་པའི་ཞུ་སྐུལ་གནང་འདུགཁ་སང་ཡོ་རོབ་རྒྱལ་སྤྱིའི་བོད་དོན་ལས་འགུལ་ཁང་གི་དྲྭ་གནས་ཐོག་གནས་ཚུལ་སྤེལ་བར་ Le Soir ཞེས་པའི་གསར་ཁང་དེས་ཕྱི་ལོ་ ༢༠༡༨ ཟླ་ ༡༡ ཚེས་ ༢༩ ཉིན་རྒྱ་ནག་གི་གཞུང་འབྲེལ་ Xinhua གསར་ཁང་ནས་སྤེལ་བའི་ Focus Belgian- China ཞེས་བྷལ་ཇམ་དང་རྒྱ་ནག་གཉིས་ཀྱི་ཐོག་ཞེས་པའི་བརྗོད་གཞི་ཁྲོད་རྒྱ་ནག་གི་སྲིད་འཛིན་ཞི་ཅིན་ཕིང་གི་སྲིད་བྱུས་འོག་རྨང་གཞི་འཛུགས་སྐྲུན་ལ་སོགས་པ་ཡར་རྒྱས་བཏང་ཡོད་པར་ཤིས་ཚིག་ཕུལ་བའི་དཔྱད་རྩོམ་ཤོག་ལྷེ་གཉིས་ཅན་གྱི་འཁྱོག་བཤད་དྲིལ་བསྒྲགས་སྤེལ་ཡོད་པ་དང་འབྲེལ། ཡོ་རོབ་རྒྱལ་སྤྱིའི་བོད་དོན་ལས་འགུལ་ཁང་གིས་གཙོས་པའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་གནའ་འབྲེལ་ཚོགས་པ་དང་ཕ་རན་སི་ནང་རྟེན་གཞི་བྱས་པའི་འགྲོ་བ་མིའི་ཐོབ་ཐང་ཚོགས་པ། རྒྱལ་ཚོགས་སུ་སྐུ་ཚབ་མེད་པའི་རྒྱལ་ཁབ་དང་མི་མང་གི་ཚོགས་པ། རྒྱལ་སྤྱིའི་ཡུ་གུར་ཚོགས་པ། བྷལ་ཇམ་གནས་བཞུགས་མི་མང་བཅས་ཐུན་མོང་ནས་ Le Soir གསར་ཁང་གི་སྤྱི་ཁྱབ་རྩོམ་སྒྲིག་པའི་འགན་འཛིན་དང་ངེས་སྟོན་པ་ Oliver De Raeymaeker ལ་རྒྱ་གཞུང་གི་འཁྱོག་བཤད་དྲིལ་བསྒྲགས་སྤེལ་རྒྱུ་མཚམས་འཇོག་བྱེད་དགོས་པའི་ཞུ་སྐུལ་གྱི་ཕྱག་ཡིག་ཕུལ་འདུག རྒྱལ་སྤྱིའི་བོད་དོན་ལས་འགུལ་ཁང་གི་ཡོ་རོབ་མཐུན་ཚོགས་ཀྱི་ངེས་སྟོན་པ་ Vincent Metten ལགས་ཀྱིས་རང་དབང་ཅན་གྱི་རྒྱལ་ཁབ་ནང་ཡོད་པའི་གསར་ཁང་ནས་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་གཏོང་བཞིན་པའི་རྒྱ་ནག་དམར་ཤོག་གི་འཁྱོག་བཤད་དྲིལ་བསྒྲགས་སྤེལ་བར་ངོས་ལེན་གནང་རྒྱུ་མེད་པ་དང་། རང་དབང་ཅན་གྱི་གསར་ཁང་ Le Soir ཡིས་མུ་མཐུད་ནས་གསར་འགོད་ཀྱི་སྤུས་ཚད་གང་ལེགས་གནང་རྒྱུ་དང་། དེ་བཞིན་གསར་ཁང་རང་ཉིད་ཀྱི་ཁུངས་དག་རང་བཞིན་དང་མི་མང་ནས་ཡིད་ཆེས་འཕེར་བ་གནང་དགོས་ཚེ་མི་རིང་བར་རྒྱ་ནག་གཞུང་གི་ Xinhua གསར་ཁང་གི་དཔྱད་རྩོམ་རིགས་སྤེལ་རྒྱུ་མཚམས་འཇོག་གནང་གནད་ཡིན་པ་སོགས་གསུངས་འདུགརྩ་བའི་རྒྱལ་སྤྱིའི་གསར་ཁང་ཁག་ཏུ་རྒྱ་ནག་གི་འཁྱོག་བཤད་དྲིལ་བསྒྲགས་ཀྱི་དཔྱད་རྩོམ་སྤེལ་རྒྱུ་དེ་ཕྱི་ལོ་ ༡༩༩༢ ལོར་ཨ་རིའི་གསར་ཁང་ནས་སྤེལ་འགོ་བཙུགས་པ་དང། ད་ལྟའི་ཆར་དབྱིན་ཡུལ་གྱི་ Daily Telegraph དངཕ་རན་སིའི་ Li Figaro དེ་བཞིན་སི་པཱེན་གྱི་ El Pais གསར་ཁང་སོགས་ཀྱིས་ Xinhua དང་། China Daily ཡི་དཔྱད་རྩོམ་ཁག་སྤེལ་མུས་ཡིན་པ་རེད། དེའི་ཁྲོད་དེ་སྔ་འཇར་མ་ནི་གསར་ཁང་ཞིག་གིས་ China Watch ཞེས་པའི་སྡེ་ཚན་ནང་རྒྱ་གཞུང་གི་ China Daily ཞེས་པའི་དཔྱད་རྩོམ་ཁག་ཅིག་སྤེལ་ཡོད་པ་དེ་ལྟར་ཡང། རྒྱལ་སྤྱིའི་བོད་དོན་ལས་འགུལ་ཁང་གིས་དེ་འབྲེལ་མཚམས་འཇོག་དགོས་པའི་གནོན་ཤུགས་སྤྲད་རྐྱེན་ད་ཆ་དེ་ལྟར་གནང་གི་མེད་པ་རེད།

ཉན་པ།: Listen ཕབ་ལེན། Download རྒྱ་གར་གྱི་ན་གཞོན་རྣམས་ནས་ནཱ་ལེནྡཱི་རིག་གནས་ཐོག་དོ་སྣང་གནང་དགོས། བོད་ཕྲུག་ཚོ་རྒྱ་ནག་གི་སློབ་གྲྭར་གཏོང་བཞིན་པ་ནི་བོད་མིའི་ངོ་བོ་རྩ་བརླག་ལ་དམིགས་ཡོད། རྒྱ་ནག་ཏུ་གསར་འགོད་པ་བཞི་བཅུ་ཞེ་གྲངས་ཤིག་འཛིན་བཟུང་བཀག་ཉར། ཧོང་ཀོང་གཞོན་སྐྱེས་ཚོས་བོད་རང་བཙན་ལ་རྒྱབ་སྐྱོར་གནང་བ་། ཨ་རི་བོད་དོན་གྱི་ཁྲིམས་གཞི་དེ་དབུ་མའི་ལམ་གྱི་ཚོད་ལྟ་ལྟ་བུ་རེད་ཅེས་གསུངས་འདུག ༸གོང་ས་མཆོག་ལ་རིས་མོའི་བརྒྱུད་ལོ་གསར་འཚམས་འདྲི་ཞུས་པ། Thursday 24/01/2019 HHDL meets young Indian scholars, urges them to study ancient Indian knowledge Sending Tibetan students to schools in China aimed to destroy Tibetan language: Tibet rights group Dozens of underground human rights reporters arrested in China Fewer Hongkongers support Tibet’s independence: Survey RATA a litmus test for Middle Way Approach

དེ་རིང་སྔ་དྲོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་དུ་རྒྱ་གར་ན་གཞོན་བོད་དོན་ཉམས་ཞིབ་པའི་ཚོགས་འདུ་ཐོག་བཅར་བའི་རྒྱ་གར་གྱི་ན་གཞོན་ཉམས་ཞིབ་པ་རྣམས་ལ་མཇལ་ཁ་དང་བཀའ་སློབ་བཀའ་དྲིན་བསྩལ་ཡོད་པ་རེད། སྐབས་དེར་མགོན་པོ་༸གང་ཉིད་མཆོག་ནས་རྒྱ་གར་ནས་དར་བའི་དཔལ་ནཱ་ལེནྡཱི་རིག་གནས་དེ་དག་ཆོས་ཀྱི་གནད་དོན་ཙམ་མིན་པར་རིག་གནས་དེ་དག་ལས་གསུངས་པའི་སེམས་ཁམས་རིག་པའི་རྣམ་གཞག་དང་། འཚེ་བ་མེད་པའི་ལྟ་གྲུབ། དེ་བཞིན་འགྲོ་བ་མིའི་སེམས་ཚོར་དྲག་པོ་ལ་གདོང་ལེན་གནང་སྟངས་སོགས་ནི་དེང་གི་དུས་སྐབས་འདིར་ཤིན་ཏུ་གནད་ཆེ་དང་བེད་སྤྱོད་ཡོད་པ་སོགས་ངོ་སྤྲོད་མཛད་པ་དང་སྦྲགས། རྒྱ་གར་གྱི་ན་གཞོན་རྣམས་ནས་རང་ཉིད་ཀྱི་ཕ་ཡུལ་ནས་དར་བའི་རིག་གནས་དེ་དག་ཐོག་དོ་སྣང་དམིགས་བསལ་གནང་སྟེ་བེད་སྤྱོད་ཐུབ་པ་ཞིག་གནང་དགོས་ཞེས་བཀའ་བསྩལ་འདུགམགོན་པོ་༸གང་ཉིད་མཆོག་ནས་ད་ལྟའི་ཆ་ལ་ནཱ་ལེནྡཱི་རིག་གནས་དེ་དག་ཐོག་མར་དར་ཡུལ་རྒྱ་གར་གར་ཕགས་པའི་ཡུལ་དང་ནང་པ་མང་པོ་ཡོད་ས་རྒྱ་ནག་ལྟ་བུའི་རྒྱལ་ཁབ་ནས་ཀྱང་བདག་གཅེས་དེ་ཙམ་གནང་ཐུབ་མེད་ཀྱང་། བོད་པའི་ངོས་ནས་རིག་གནས་དེ་དག་བདག་གཅེས་གནང་བ་ཙམ་མ་ཟད་ལོ་ངོ་ ༣༠ ལྷག་གི་རིང་ལ་རྒྱལ་སྤྱིའི་ཚན་རིག་མཁས་པ་དང་གྲོས་མོལ་གནང་འབྲས་སུ་ཕྱོགས་གཉིས་དབར་ལ་ཕན་ཐོགས་ཆེན་པོ་བྱུང་ཡོད་ཅེས་བཀའ་བསྩལ་ཡོད། ༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་བསྩལ་གྲུབ་མཚམས་སུ་ན་གཞོན་ཉམས་ཞིབ་པ་ཁག་གཅིག་ནས་བོད་དོན་དང་འབྲེལ་བའི་གནད་དོན་གང་གི་ཐོག་ལ་ཉམས་ཞིབ་གནང་ན་དགེ་མཚན་ཆེ་བ་ཡོད་མེད་དང་། ནང་ཆོས་ཀྱི་ཐོག་ནས་མ་འོངས་པའི་འཛམ་བུ་གླིང་ལ་ཕན་ཐོགས་གང་འདྲ་བསྒྲུབ་ཐུབ་མིན་སོགས་ཀྱི་བཀའ་འདྲི་དགོངས་སྐོར་ཞུས་ཡོད་པ་རེད། སྐབས་དེར་མགོན་པོ་༸གང་ཉིད་མཆོག་གིས་བོད་ཀྱི་ཐུན་མོང་མ་ཡིན་པའི་རིག་གཞུང་དེ་དག་གིས་བོད་མི་ཚོར་དམིགས་བསལ་གྱི་གདེང་ཚོད་དང་སེམས་ཤུགས་འཕར་མ་བསྐྲུན་ཐུབ་ཡོད་སྟབས། ད་བར་བོད་མི་ཚོར་ཆབ་སྲིད་ཀྱི་དཀའ་ངལ་དང་ལྷག་པར་དུ་རྒྱ་ནག་གཞུང་ནས་དངུལ་དང་བསམ་བློའི་སློབ་གསོ་ག་ཚོད་སྤྲད་ཀྱང་བོད་མིའི་སྙིང་སྟོབས་ཞུམ་པ་མེད་པར་གནས་ཐུབ་ཡོད་ཅེས་བཀའ་བསྩལ་བ་དང་འབྲེལ་ནས་བོད་པའི་རིག་གནས་དེ་དག་གི་གཞི་རྩ་གཙོ་བོ་གཅིག་ནི་ནཱ་ལེནྡཱི་རིག་གནས་ཡིན་པས་དེའི་ཐོག་ཉམས་ཞིབ་མང་ཙམ་གནང་དགོས་པར་བཀའ་ལན་མཛད་ཡོད།༸གང་ཉིད་མཆོག་གིས་རྒྱུན་དུ་ནང་ཆོས་འདི་ནང་པའི་ཆོས་དང་ནང་པའི་ཚན་རིག དེ་བཞིན་ནང་པའི་ལྟ་གྲུབ་བཅས་དབྱེ་བ་གཙོ་བོ་གསུམ་ལ་ཕྱེ་གནང་གི་ཡོད་པ་ལྟར་ནང་པའི་ཚན་རིག་དང་ནང་པའི་ལྟ་གྲུབ་གཉིས་ཀྱི་ནང་ལ་གཙོ་བོ་སེམས་ཀྱི་རྣམ་གཞག་དང་ཚན་རིག་གི་རྣམ་གཞག་སྐོར་གསུངས་ཡོད་པར་བརྟེན་བར་སྐབས་ཤིག་ནས་བོད་པའི་དགོན་སྡེ་གྲྭ་ཚང་དང་། ཉེ་དུས་ནས་རྒྱ་གར་གྱི་ཤེས་ཡོན་ལྟེ་གནས་ཁག་གཅིག་ཏུ་སློབ་ཚན་གྱི་ངོ་བོར་གཏན་འབེབས་གནང་ཡོད་པ་སོགས་བཀའ་བསྩལ་དང་སྦྲགས། གང་ཟག་སུ་འདྲ་ཞིག་ཡིན་རུང་དེ་གཉིས་ཐོག་སློབ་གཉེར་གནང་རྒྱུ་དང་མང་ཚོགས་སྤྱི་ལ་ཕན་ཐོགས་ཡོད་པ་ཞིག་རེད་ཅེས་བཀའ་ནན་བསྩལ་ཡོད། གཞན་ཡང་སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་དུས་རབས་ཉེར་གཅིག་འདིའི་ཐོག་ང་ཚོས་ཕྱོགས་ཡོངས་ཀྱི་གནས་སྟངས་ལ་དགོངས་པ་བཞེས་དགོས་གནད་ཡིན་པ་མ་ཟད། ང་དང་ཁྱོད་ཅེས་ཕན་ཚུན་དབར་རིམ་པ་གཉིས་པའི་ཐོག་ནས་ངལ་བ་དེ་དག་འཕྲད་བཞིན་ཡོད་སྟབས་དེ་ནི་འཁྲུག་རྩོད་ཀྱི་གཞི་རྩ་ཡིན་པ་སོགས་བཀའ་བསྩལ་བ་དང་འབྲེལ། ང་ཚོ་བོད་མི་ཚོས་ཀྱང་རྒྱ་ནག་དང་བོད་གཉིས་ཀྱི་ཐུན་མོང་གི་ཁེ་ཕན་ལ་བསམ་བློ་བཏང་ནས་རྒྱ་ནག་དང་ཁ་བྲལ་རྩོད་ཀྱི་མེད་པ་དང་། ང་ཚོས་རང་སྲིད་རང་སྐྱོང་གི་གནས་བབས་རྩོད་བཞིན་པ་དེ་རྒྱ་ནག་རང་ཉིད་ཀྱི་རྩ་ཁྲིམས་ནང་ལའང་གསལ་ཡོད་པས་ཁྲིམས་འགལ་གྱི་བྱ་སྤྱོད་གང་ཡང་མིན་་སྐོར་བཀའ་བསྩལ་ཡོད།ལྷག་དོན་ད་ལྟའི་ཆར་རྒྱ་ནག་རང་གི་ནང་དུ་དཀའ་ངལ་གཙོ་བོ་འཕྲད་བཞིན་པ་ནི་དབང་ཆ་གཅིག་བསྡུས་རིང་ལུགས་ཀྱི་ལམ་ལུགས་ཡིན་པ་དང་། ལམ་ལུགས་དེ་ད་ལྟའི་རྒྱལ་སྤྱིའི་གནས་བབས་ཐོག་ནས་དུས་ཚོད་ཡོལ་ཟིན་པའི་ལམ་ལུགས་ཤིག་རེད་ཅེས་ལམ་སྟོན་མཛད་ཡོད།

ཡུ་རོབ་གྲོས་ཚོགས་སུ་རྒྱ་ནག་ནང་གི་ཆོས་དད་རང་མོས་ཀྱི་གནས་སྟངས་ཐོག་ཚོགས་འདུ་བསྡུ་སྐོང་གིས་འདས་པའི་ཟླ་བ་དྲུག་གི་ནང་རྒྱ་ནག་ནང་གི་གསར་འགོད་པ་ ༤༥ ལྷག་གསང་ཉུལ་གྱི་དོགས་གཞིའི་འོག་འཛིན་བཟུང་བཀག་ཉར་བྱས་ཏེ་འདྲི་གཅོད་ཚ་ནན་བྱས་ཡོད་པར་སེམས་འཚབ་ཆེན་པོ་ཡོད་པའི་བརྡ་ལན་གནང་འདུག ཡུ་རོབ་ནང་གི་རྒྱལ་མཚམས་མེད་པའི་འགྲོ་བ་མིའི་ཐོབ་ཐང་ཚོགས་པའི་འགན་འཛིན་སྐུ་ཞབས་ Willy Fautré ལགས་ཀྱིས་གསར་ལམ་དུ་གནས་ཚུལ་བཀོད་པར་ལྟར་ན། བདུན་ཕྲག་འདིའི་རེས་གཟའ་ལྷག་པའི་ཉིན་ཡུ་རོབ་གྲོས་ཚོགས་འཐུས་མི་ཁག་གཅིག་གིས་གོ་སྒྲིག་གནང་བའི་ཚོགས་འདུའི་ཐོག་ Bitter Winter ཞེས་རྒྱ་ནག་ནང་གི་ཆོས་དད་རང་མོས་དང་འགྲོ་བ་མིའི་ཐོབ་ཐང་གི་གནས་སྟངས་སྐོར་ལ་སྐད་ཡིག་བརྒྱད་ཀྱི་ཐོག་ནས་ཉིན་ལྟར་གནས་ཚུལ་སྤེལ་མཁན་གྱི་ཨི་ཊ་ལིའི་གསར་ཁང་གི་འགན་འཛིན་དང་གསར་འགོད་པ་གཅིག་ལྕོགས་གནང་མཁན་སྐུ་ཞབས་ Respinti ལགས་མཉམ་ཞུགས་གནང་ཡོད་པ་དང་། ཁོང་གིས་གསར་ཤོག་དེར་རྒྱུན་དུ་རྒྱ་ནག་ནང་ནས་གསང་སྟབས་ཀྱིས་གསར་འགྱུར་མཁོ་སྤྲོད་བྱེད་མཁན་གྱི་མི་བཞི་བཅུ་ཞེ་གྲངས་ཤིག་འཛིན་བཟུང་བཀག་ཉར་བྱས་ཡོད་སྐོར་བརྗོད་པ་མ་ཟད། Bitter Winter ཡིས་རྒྱ་ནག་ནང་གི་འགྲོ་བ་མིའི་ཐོབ་ཐང་དང་ཆོས་དད་རང་དབང་རྡོག་རོལ་གྱི་གནས་བབས། དེ་བཞིན་རྒྱ་ནག་གིི་གསང་བའི་ཡིག་ཆ་སོགས་ཀྱི་གནས་ཚུལ་འདོན་སྤེལ་གནང་བཞིན་པར་བརྟེན་འདས་ལོའི་ནང་རྒྱ་ནག་སྲིད་གཞུང་གིས་ Bitter Winter ནི་ཕྱི་ཕྱོགས་ཀྱི་དྲག་པོའི་གསར་གནས་ཤིག་ཡིན་པར་བསྙོན་འདོགས་ཀྱིས་གསར་གནས་དེ་གཏོར་རྒོལ་གཏོང་ཐབས་དུ་མང་བྱས་ཡོད་པར་བརྗོད་འདུག སྐུ་ཞབས་ Respinti ལགས་ཀྱིས་ད་དུང་རྒྱ་ནག་གི་སྲིད་འཛིན་ཞི་ཅིན་ཕིང་གི་འགོ་ཁྲིད་འོག་རྒྱ་ནག་ནང་གི་ཆོས་ལུགས་དད་མོས་ཀྱི་རང་དབང་དེ་ཛ་དྲག་གི་གནས་སྟངས་སུ་འགྱུར་བཞིན་ཡོད་སྟབས། ཁ་ཆེ་ཆོས་ལུགས་དང་ནང་ཆོས། ཡི་ཤུའི་ཆོས་ལུགས་དང་ཧྥ་ལུང་གོང་ཆོས་བརྒྱུད་སོགས་ཀྱི་རྗེས་འཇུག་པ་རྣམས་གང་བྱུང་འཛིན་བཟུང་བཀག་ཉར་གྱིས་རང་གིི་ཕ་མེས་ཀྱི་དད་མོས་སོགས་དོར་དུ་བཅུག་ཏེ་དམར་ཕྱོགས་སྲིད་གཞུང་ལ་ཡིད་ཆེས་དང་དགའ་མོས་བྱེད་དགོས་པའི་བཙན་བཀའ་གཏོང་བཞིན་ཡོད་པར་མ་ཟད། ཆོས་ལུགས་ཀྱི་མཚོན་བྱེད་ལྷ་སྐུ་རྟེན་གསུམ་ཕྱི་ལ་གཡུག་ནས་མའོ་ཙི་ཏུང་དང་ཞི་ཅིན་ཕིང་གི་པར་འགྲེམས་འཇོག་བྱེད་བཞིན་པའི་ལས་གཞི་སྤེལ་བཞིན་པ་ཡང་གསལ་འདོན་གནང་འདུག

ཉན་པ།: Listen ཕབ་ལེན། Download ཐེ་ཝན་ནང་བོད་དོན་དྲིལ་བསྒྲགས་ཐད་ཀྱི་རྐང་འཁོར་སྐོར་སྐྱོད་ཀྱི་ལས་འགུལ། ཧིཾ་དུ་བླ་ཆེན་ཤྲི་ཤི་ཝ་ཀུ་མཱར་སྭམཱི་མཆོག་དགོངས་པ་རྫོགས་པར་ཐུགས་གསོ་བསྩལ་བ། རྒྱ་གར་དུ་ཕྱིར་ཕེབས་ཐུབ་ཐབས་སུ་རྒྱ་གར་གཞུང་དང་འབྲེལ་བ་གནང་བཞིན་པ། Vijayawada གྲོང་ཁྱེར་ནང་རྒྱ་གར་གྱིས་བོད་དོན་ཐོག་བཟུང་བའི་སྲིད་བྱུས་སྐོར་ལྷན་ཚོགས། མོན་གྷོ་བོད་མིས་རྒྱ་གར་ཡུལ་མིའི་འཐུང་ཆུའི་དཀའ་ངལ་སེལ་བ། Wednesday 23/01/2019 Cycling for a Free Tibet 2019 kicks off in Taipei Dalai Lama condoles demise of Shree Shivakumara Swamiji I am still in talks with Indian government: Karmapa Rinpoche Panel discussion on India’s Tibet Policy at Vijayawada Mundgod Tibetans help local Indian village with water harvesting project

འདི་ལོའི་བོད་མིའི་རང་དབང་སྒེར་ལངས་གནང་བའི་གསུམ་བཅུའི་དུས་དྲན་ཐེངས་ ༦༠ པ་སྲུང་བརྩི་ཞུ་ལ་ཉེ་བ་དང་སྟབས་བསྟུན། ཐེ་ཝན་དུ་བོད་དོན་དྲིལ་བསྒྲགས་ཀྱི་རྐང་འཁོར་སྐོར་སྐྱོད་ལས་འགུལ་དབུ་འཛུགས་གནང་འདུག བོད་དང་ཐེ་ཝན་འགྲོ་བ་མིའི་ཐོབ་ཐང་འབྲེལ་མཐུད་ཁང་གིས་གོ་སྒྲིག་འོག་དེ་རིང་སྔ་དྲོ་ཐེ་ཝན་གྱི་རྒྱལ་ས་ Taipei ནང་གི་ ༢༢༨ ཞེས་པའི་དྲན་རྟེན་སྐྱེད་མོས་ཚལ་ནས་དབུ་འཛུགས་ཀྱིས་ཐེ་ཝན་གྲོས་ཚོགས་བར་བོད་རང་དབང་གི་ཆེད་དུ་རྐང་འཁོར་སྐོར་སྐྱོད་ཀྱི་ལས་འགུལ་སྤེལ་གནང་ཡོད་པ་དང། ལས་འགུལ་དེའི་ཐོག་ཐེ་ཝན་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་གྲོས་ཚོགས་འཐུས་མི་སྐུ་ཞབས་ Freddy Lim ལགས་དང་། ཐེ་ཝན་མང་གཙོ་ཡར་ཐོན་ཚོགས་པའི་གྲོས་ཚོགས་འཐུས་མི་ Mei Lin གཉིས་ནས་རྒྱབ་སྐྱོར་གྱི་གསུང་བཤད་གནང་འདུགསྐབས་དེར་ཐེ་ཝན་གྲོས་ཚོགས་འཐུས་མི་རྣམ་གཉིས་ཀྱིས་ཐེ་ཝན་གཞུང་མང་གཉིས་ནས་དུས་རྟག་ཏུ་བོད་དོན་ལ་རྒྱབ་སྐྱོར་དང་གདུང་སེམས་མཉམ་བསྐྱེད་གནང་རྒྱུ་ཡིན་པ་དང་། རྒྱ་ནག་གཞུང་གིས་བོད་ཐོག་ཆེས་སྡུག་རྩུབ་དང་བཙན་དབང་ཐོག་ནས་སྲིད་བྱུས་སྤེལ་བཞིན་པ་ཁག་ལམ་ལྷོང་ལྡན་པ་ཞིག་ཡོང་རྒྱུ་མེད་སྐོར་སོགས་གསུངས་འདུག ཐེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་ཚོགས་གཙོ་དང་རྒྱལ་སྤྱིའི་ཉེས་ཡངས་ཚོགས་པའི་ཐེ་ཝན་སྡེ་ཚན་གྱི་འཛིན་སྐྱོང་ཚོགས་མི་སྐུ་ཞབས་བཀྲིས་ཚེ་རིང་ལགས་ཀྱིས་དེ་རིང་ལས་འགུལ་སྤེལ་བ་དང་བསྟུན། ཐེ་ཝན་གཞུང་མང་གཉིས་ལ་རྒྱ་ནག་དང་ལྷན་དུ་འབྲེལ་མོལ་ནམ་གནང་སྐབས་བོད་ཀྱི་གནད་དོན་དེ་སེམས་ལ་འཇོག་དགོས་པར་འབོད་སྐུལ་ཞུས་ཡོད་པ་དང་། ཐེ་ཝན་གྱི་གཞུང་འབྲེལ་མ་ཡིན་པའི་ཚོགས་པ་འདྲ་མིན་གྱི་འགན་འཛིན་དང་བོད་མིས་གཙོས་པའི་ཁྱོན་མི་གྲངས་ ༡༥ ཙམ་གྱིས་མཉམ་ཞུགས་གནང་ཡོད་པ་མ་ཟད། ལས་འགུལ་དེར་ཐེ་ཝན་གཞོན་སྐྱེས་ཚོའི་ཁྲོད་ནས་དོ་སྣང་ཤུགས་ཆེ་གནང་བཞིན་ཡོད་པ་སོགས་འགྲེལ་བརྗོད་གནང་སོང་།ལྷག་དོན་ཁོང་གིས་བོད་མི་ཚོས་རང་དབང་སྒེར་ལངས་གནང་ནས་ད་བར་མི་ལོ་ ༦༠ འཁོར་བའི་དུས་ཚིགས་ཁྱད་པར་བ་དང་བསྟུན་འཛམ་གླིང་ས་ཕྱོགས་གང་སར་བཞུགས་པའི་བོད་མི་རྣམས་ནས་ཉིན་དེར་རང་ནུས་གང་ལྕོགས་ཀྱིས་ལས་འགུལ་སྤེལ་དགོས་པར་རེ་སྐུལ་ཡང་གནང་ཡོད། གཞི་རྩའི་བོད་དང་ཐེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ལས་ཁང་གི་ངོས་ནས་ལོ་ལྟར་བོད་མིའི་རང་དབང་སྒེར་ལངས་གནང་བའི་གསུམ་བཅུའི་དུས་དྲན་གྱི་སྔོན་ཚུད་དུ་བོད་དོན་དྲིལ་བསྒྲགས་ཀྱི་རྐང་འཁོར་སྐོར་སྐྱོད་ལས་འགུལ་དེ་སྤེལ་གནང་གི་ཡོད་པ་རེད།འདི་ལོའི་ལས་འགུལ་དེ་དེ་རིང་ཟླ་ ༡ ཚེས་ ༢༣ སྟེ་རེས་གཟའ་ལྷག་པ་ལྷག་དཀར་གྱི་ཉིན་མོ་དང་བསྟུན་ནས་དབུ་འཛུགས་ཀྱིས་ཟླ་ ༣ ཚེས་ ༡༠ བར་རེས་གཟའ་ལྷག་པ་ནམ་ཡིན་ལ་ལས་འགུལ་སྤེལ་གནང་རྒྱུ་རེད་འདུག