Monthly Archives: May, 2019

ཉན་པ།: Listen ཕབ་ལེན། Download ༸གོང་ས་མཆོག་གིས་སྲིད་བློན་མོ་དི་མཆོག་ལ་འཚམས་འདྲི་མཛད་པ། ནག་ཚོགས་གཙང་སེལ་ལས་འགུལ་ཁྲོད་མགོ་ལོག་ནས་བོད་མི་ ༡༤ འཛིན་བཟུང་། བལ་ཡུལ་གྱི་གྲོས་ཚོགས་འཐུས་མི་གཉིས་ཀྱི་གསལ་བཤད། ཨ་རིའི་གཞུང་ཚབ་མཆོག་ནས་བོད་ནང་གི་མྱོང་བ་རྣམས་འཛེམས་ཟོན་མེད་པར་གསུངས་དགོས། ཐེ་ཝན་གཞུང་ལ་༸གོང་ས་མཆོག་ཡུལ་དེར་གདན་ཞུ་མ་གནང་པའི་ཐད་འདྲི་རྩད། བཙན་བྱོལ་བོད་མིའི་གནས་སྟངས་ངོ་སྤྲོད། སུད་སི་ལྷ་ས་བུའི་མཐུན་གྲོགས་ཚོགས་པ། Friday 24/05/2019 Dalai Lama congratulates Modi on his election victory 14 arrested from Golog under war on ‘organized crime’ campaign 2 Nepali MPs express regret for attending WPCT meet Amb. Branstad urged to speak openly about his experience in Tibet Taiwanese groups demand Dalai Lama invite DIASPORA FEATURE: ‘Lhasa Boys’

པེ་ཅིང་དུ་ཡོད་པའི་ཨ་རིའི་གཞུང་ཚབ་པ་སྐུ་ཞབས་ Terry Branstad ལགས་ཟླ་བ་འདིའི་ཚེས་ ༡༩ ནས་བོད་རང་སྐྱོང་ལྗོངས་ཟེར་བ་དང་དེ་བཞིན་མཚོ་སྔོན་གཙོས་པའི་ས་ཁུལ་ཁག་གཅིག་ཏུ་གཞུང་འབྲེལ་འཚམས་གཟིགས་གནང་བཞིན་པ་དང་བསྟུན། ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་སྐུ་ཞབས་ Branstad ལགས་ནས་བོད་ནང་གི་འཚམས་གཟིགས་དང་འབྲེལ་བའི་མྱོང་བ་རྣམས་རྒྱལ་སྤྱིའི་གསར་ཁང་ཁག་ལ་འཛེམས་ཟོན་མེད་པར་ཡོངས་བསྒྲགས་གསུངས་དགོས་པར་ཞུས་འདུག ཁ་སང་རྒྱལ་སྤྱིའི་བོད་དོན་ལས་འགུལ་ཁང་གིས་སྐུ་ཞབས་ Branstad ལགས་ནས་བོད་ནང་གི་འཚམས་གཟིགས་དང་འབྲེལ་སྤྱི་བསྒྲགས་ཤིག་སྤེལ་འདུག་པ་དང་། སྤྱི་བསྒྲགས་ནང་ད་རེས་ཨ་རིའི་གཞུང་ཚབ་པས་བོད་ནང་འཚམས་གཟིགས་གནང་བ་དེ་ནི་ཨ་རིའི་གཞུང་ནས་རྒྱའི་དབང་སྒྱུར་འོག་ལྷུང་བའི་བོད་མིར་རྒྱབ་སྐྱོར་ཡོད་པ་མཚོན་པ་དང་། ལྷག་པར་དུ་ཨ་རིའི་ཕྱི་སྲིད་ལས་ཁུངས་དང་གྲོས་ཚོགས་ཀྱི་ལས་དོན་ལ་གྲུབ་འབྲས་ངེས་ཅན་ཡོད་པ་ར་འཕྲོད་ཐུབ་སྐོར་གསུངས་འདུག རྩ་བའི་ཉེ་ལམ་ཨ་རི་ཕྱི་སྲིད་ལས་ཁུངས་ནས་བོད་ནང་འདྲ་མཉམ་གྱི་འགྲུལ་བསྐྱོད་ཆོག་པའི་ཐད་སྙན་ཐོ་འདོན་སྤེལ་གནང་བའི་ནང་ཕྱི་ལོ་ ༢༠༡༨ ལོར་ཨ་རིའི་གཞུང་ཚབ་པ་བོད་ནང་སྐྱོད་ཆོག་པར་ཆོག་མཆན་ཞུས་ཀྱང་རྒྱ་གཞུང་གིས་རྒྱུ་མཚན་གང་ཡང་མེད་པར་དེ་འབྲེལ་ཆོག་མཆན་སྤྲད་མེད་པ་དེ་ལྟར་ཡང་། འདས་ལོའི་ཟླ་མཇུག་ཏུ་བོད་ནང་འདྲ་མཉམ་གྱི་འགྲུལ་སྐྱོད་ཆོག་པའི་ཁྲིམས་གཞི་གཏན་འབེབས་གནང་རྗེས་སྐུ་ཞབས་ Branstadལགས་བོད་ནང་ཕེབས་ཆོག་པའི་ཆོག་མཆན་སྤྲད་ཡོད་པ་དང་།  ད་རེས་ཁོང་གི་འཚམས་གཟིགས་དེ་ནི་ཕྱི་ལོ་ ༢༠༡༥ རྗེས་སུ་ཨ་རི་གཞུང་ཚབ་པ་ཕེབས་པ་ཐོག་མ་དེ་ཆགས་ཀྱི་ཡོད་པ་རེད། འཚམས་གཟིགས་དེ་འབྲེལ་རྒྱལ་སྤྱིའི་བོད་དོན་ལས་འགུལ་ཁང་གིས་འདས་པའི་དུས་ཡུན་ནང་བོད་ནང་གི་བོད་མི་ནས་ཕྱི་མི་དང་ལྷན་དུ་བློ་ཁོག་ལྡན་པའི་སྒོ་ནས་རང་རང་སོ་སོའི་མྱོང་ཚོར་བཤད་སྐབས་རྒྱ་གཞུང་ནས་བོད་མི་དེ་རྣམས་ལ་བཙོན་འཇུག་དང་མི་སྤྱོད་ལས་འདས་པའི་ཉེས་རྡུང་བཏང་ཡོད་སྟབས། ད་རེས་རྒྱ་གཞུང་གིས་སྐུ་ཞབས་ Branstad ལགས་དང་བོད་མི་དབར་གུ་ཡངས་ཐོག་བཀའ་མོལ་ཡོང་བར་ཆེས་དམ་དྲག་བྱེད་སྲིད་པ་ང་ཚོར་ཤེས་རྟོགས་དང་སྒོས་རྒྱ་གཞུང་གིས་བཏང་འཛིན་འོག་ཡོད་པའི་རྒྱའི་གསར་ཁང་ནས་ཀྱང་ད་རེས་ཨ་རིའི་གཞུང་ཚབ་ཀྱི་འཚམས་གཟིགས་དེ་རྒྱལ་སྤྱིའི་སྡིངས་ཆའི་ཁྲོད་རྒྱ་གཞུང་ནས་ཨ་རིའི་སྲིད་དོན་པ་དང་། གསར་འགོད་པ། དེ་བཞིན་བོད་མི་ཨ་རིའི་མི་སེར་ཡིན་པ་རྣམས་བོད་ནང་འགྲོ་འོང་གི་ཆོག་མཆན་སྤྲད་ཀྱི་མེད་པའི་གནད་དོན་ཁྱབ་སྤེལ་ཤུགས་ཆེ་བྱུང་བ་དེར་གདོང་ལེན་གྱི་ཚུལ་དུ་གནས་ཚུལ་དྲིལ་བསྒྲགས་བྱ་ཕྱིར་ཡིན་སྟབས་སྐུ་ཞབས་  Branstad ལགས་ནས་འཚམས་གཟིགས་དེའི་ཁྲོད་དམ་དྲག་བྱས་པས་དེ་འབྲེལ་མྱོང་ཚོར་རྣམས་ཕྱིའི་གསར་ཁང་ཁག་ལ་འཛེམས་ཟོན་མེད་པར་ཡོངས་བསྒྲགས་གསུངས་དགོས་གལ་ཡིན་པ་དང་། ལྷག་པར་དུ་རྒྱ་ནག་གི་གཞུང་འབྲེལ་མི་སྣ་ནས་དེ་འབྲེལ་དམ་དྲག་ཨ་རིའི་ནང་མྱོང་དགོས་ཀྱི་མེད་པ་གསུངས་འདུག དེ་བཞིན་སྐུ་ཞབས་ Branstad ལགས་སུ་བོད་ནང་འཚམས་གཟིགས་སུ་ཕེབས་པ་དེར་ཐུགས་རྗེ་ཆེ་ཞུས་པ་དང་སྦྲགས།  རྒྱལ་སྤྱིའི་བོད་དོན་ལས་འགུལ་ཁང་ནས་ལོ་འདིའི་ཟླ་མཇུག་ཏུ་བོད་ནང་འདྲ་མཉམ་འགྲུལ་སྐྱོད་ཀྱི་ཁྲིམས་གཞི་དེ་ལག་ལེན་དུ་འཁྱོལ་ཐབས་ཀྱི་ལས་འགུལ་སྤེལ་རྒྱུ་དང་། ཁྲིམས་གཞི་དེ་བརྒྱུད་རྒྱ་གཞུང་ནས་ཨ་རིའི་མི་སེར་བོད་ནང་སྐྱོད་པར་དབྱེ་འབྱེད་ཀྱི་སྲིད་བྱུས་དེ་མཚམས་འཇོག་བྱེད་དགོས་པ་ཤེས་ཐབས་བཟོ་རྒྱུ་ཡིན་པར་གསུངས་འདུག རྩ་བའི་སྐུ་ཞབས་ Branstad ལགས་ཀྱི་འཚམས་གཟིགས་དེའི་ཁྲོད་གཞུང་འབྲེལ་ཚོགས་འདུ་དང་ཆོས་ཕྱོགས་ཀྱི་ས་གནས་དང་ཕ་མེས་ནས་བརྒྱུད་པའི་གཅེས་ནོར་ལ་གཟིགས་སྐོར། དེ་བཞིན་ས་གནས་འགོ་ཁྲིད་ཚོ་དང་མཇལ་འཕྲད་གནང་བས་ཨ་རིའི་ཕྱི་སྲིད་ལས་ཁུངས་ཀྱི་མགྲིན་ཚབ་པས་འཚམས་གཟིགས་དེ་ནི་རྒྱ་གཞུང་གིས་བོད་མིའི་སྐད་དང་རིག་གཞུང་།  ཆོས་ལུགས་རང་དབང་སོགས་ལ་ཡུན་རིང་ནས་དམ་དྲག་བྱས་པའི་གནད་དོན་རྣམས་གླེང་རྒྱུའི་གོ་སྐབས་བཟང་པོ་ཞིག་ཡིན་པར་གསུངས་འདུག ཡིན་ནའང་ཉེ་ལམ་རྒྱ་ནག་གི་ཕྱི་འབྲེལ་མགྲིན་ཚབ་པ་ Lu Kang ཡིས་སྐུ་ཞབས་ Branstad ལགས་ནས་ད་རེས་འཚམས་གཟིགས་དེའི་ཁྲོད་བོད་ཞི་བའི་བཅིངས་བཀྲོལ་བཏང་ནས་ལོ་ངོ་ ༦༠ འགྲོ་བའི་བོད་ནང་གི་བོད་མིའི་འཚོ་བ་དང་། དཔལ་འབྱོར། སྤྱི་ཚོགས་སོགས་འཕེལ་རྒྱས་འགྲོ་བ་གཟིགས་རྒྱུ་དང་། ལྷག་པར་དུ་ཨ་རིའི་གཞུང་ཚབ་ནས་བོད་མིའི་རིག་གཞུང་དང་ཆོས་ལུགས། ལོ་རྒྱུས་རང་བཞིན་ལྡན་པའི་ཕ་མེས་ནས་བརྒྱུད་པའི་གཅེས་ནོར་སོགས་ཀྱི་ཐད་འཁྱོག་བཤད་ཀྱི་སྐད་ཆ་ལ་ཤུགས་རྐྱེན་མ་ཐེབས་པར་བོད་ཀྱི་དངོས་ཡོད་གནས་སྟངས་ལ་སྡོམ་ཚིག་གནང་བའི་རེ་བ་ཡོད་ཅེས་བརྗོད་ཡོད་པ་རེད།

ཁ་སང་ཟླ་ ༥ ཚེས་ ༢༣ ཉི་ཐེ་ཝན་གྱི་རྒྱལ་ས་ Taipei ནང་ཡུལ་དེའི་ National Congress organization ཆབ་སྲིད་ཚོགས་པའི་འཐུས་མི་སྐུ་ཞབས་ Ted Lau ལགས་དང་། Jerry Cheng ལགས། ཐེ་ཝན་ Jury Association ཚོགས་པའི་ངེས་སྟོན་པ་སྐུ་ཞབས་ Lin Ping-chuan ལགས་བཅས་ནས་གསར་འགོད་ལྷན་ཚོགས་ཤིག་གནང་ཐོག་ད་ལྟའི་སྲིད་འཛིན་ལས་ཐོག་ལྕམ་ Tsai Ing-wen ལགས་ཀྱིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཁུལ་དེར་གདན་ཞུ་མ་གནང་བ་ནི་རྒྱ་ནག་གཞུང་ལ་སྐྲག་པ་ཞིག་ཡིན་ནམ་ཞེས་ཟུར་ཟའི་སྐྱོན་བརྗོད་གནང་འདུག གསར་འགོད་ལྷན་ཚོགས་ཐོག་སྐུ་ཞབས་ Jerry Cheng ལགས་ཀྱིས་ད་བར་སྲིད་འཛིན་ཁག་གཅིག་ནས་༸གོང་ས་མཆོག་ཁུལ་དེར་གདན་ཞུ་གནང་ཡོད་ཀྱང་། ད་ལྟའི་སྲིད་འཛིན་ལས་ཐོག་ལྕམ་ Tsai ལགས་ནས་སྲིད་འཛིན་གྱི་ལས་འཁུར་བཞེས་ནས་ལོ་ངོ་གསུམ་ཕྱིན་ཡོད་ནའང་ད་བར་མགོན་པོ་མཆོག་ཁུལ་དེར་གདན་ཞུ་གནང་མེད་སྐོར་གསུངས་པ་དང་འབྲེལ། མ་འོངས་སྲིད་འཛིན་གྱི་འོས་མི་སྐུ་ཞབས་ William lai ལགས་སུའང་ཅི་སྟེ་སྐུ་ཉིད་ལོ་རྗེས་མར་སྲིད་འཛིན་ལ་འདེབས་ཐོན་བྱུང་ཚེ་༸གོང་ས་མཆོག་གདན་ཞུ་གནང་ཐུབ་བམ་ཞེས་བཀའ་འདྲི་གནང་འདུག་པ་མ་ཟད། Taipei གྲོང་སྡེའི་སྤྱི་ཁྱབ་སོགས་ཆེས་མཐོའི་མི་སྣ་ཁག་གཅིག་གི་མིང་གཞུང་ལུང་འདྲེན་གནང་ནས་བཀའ་འདྲི་དེ་སླར་ཡང་གནང་སྟེ་དེར་ལན་འདེབས་དགོས་པ་གསུངས་འདུག སྐུ་ཞབས་ Cheng ལགས་ཀྱིས་ཐེ་ཝན་གྱི་ངོས་ནས་གཞི་རྩའི་འགྲོ་བ་མིའི་ཐོབ་ཐང་གཙོས་པའི་གལ་གནད་ཆེ་བའི་རྒྱལ་སྤྱིའི་གནད་དོན་ཁག་ལ་ཤུགས་སྣོན་རྒྱག་དགོས་ཀྱི་ཡོད་པ་དང་། ལྷག་པར་དུ་བོད་དང་ཤིན་ཅང་གི་གནད་དོན་ཐད་གྲུབ་འབྲས་མ་སོན་གྱི་བར་དུ་རོགས་འདེགས་ཞུ་དགོས་པ། དེས་ཐེ་ཝན་རང་བཙན་རྒྱལ་ཁབ་ཅིག་ཡིན་པ་མཚོན་ཐུབ་ཀྱི་ཡོད་པར་འགྲེལ་བརྗོད་གནང་བ་དང་སྦྲགས། ༸གོང་ས་༸སྐྱབས་མགོན་ཆེན་པོ་མཆོག་དགུང་ལོ་བགྲེས་པོར་ཕེབས་ཡོད་པ་དང་། ཚོགས་སྡེ་གཞན་ཁག་ནས་ཀྱང་ཐེ་ཝན་གཞུང་ལ་༸གོང་ས་མཆོག་ཁུལ་དེར་གདན་ཞུ་ཕུལ་བར་སྐུལ་མ་གནང་དགོས་སྐོར་འགྲེལ་བརྗོད་གནང་འདུག   དེ་བཞིན་སྐུ་ཞབས་ Ted lau ལགས་ཀྱིས་རྒྱ་ནག་གཞུང་གིས་འཁྱོག་བཤད་དང་ལོག་བཤད་ཀྱི་ལོ་རྒྱུས་ཁྲོད་ཐེ་ཝན་མི་མང་ཕལ་མོ་ཆེས་བོད་ཀྱི་དངོས་ཡོད་ལོ་རྒྱུས་དེ་ཤེས་ཀྱི་མེད་སྐོར་གསུངས་པ་དང་འབྲེལ། བོད་དེ་དུས་ནམ་ཡང་རྒྱ་ནག་གི་ཆ་ཤས་ཤིག་མ་རེད་ཅེས་དང་། རྒྱ་ནག་གཞུང་ནས་བཏང་འཛིན་གྱི་དབང་ཚད་གང་ཡང་མེད་སྟབས་སྲིད་འཛིན་ Tsai ལགས་ནས་རྒྱལ་སྤྱིའི་ཁྲོད་བོད་དེ་རྒྱ་ནག་གི་ཆ་ཤས་མིན་པར་ཡོངས་བསྒྲགས་གནང་དགོས་ཞེས་གསུངས་ཡོད། ལྷག་དོན་ཁོང་གིས་སྲིད་འཛིན་ལས་ཐོག་ལྕམ་ Tsai Ing-wen ལགས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཁུལ་དེར་གདན་ཞུ་མ་གནང་བ་ནི་རྒྱ་ནག་གཞུང་ལ་སྐྲག་པ་ཞིག་ཡིན་ནམ་ཞེས་དང་། སྐུ་ཞབས་ William lai ཀྱི་དུས་ཡུན་ནང་གནད་དོན་དེ་དག་ཐོག་བཞེངས་ཕྱོགས་བརྟན་པོ་དང་། རྒྱལ་སྤྱིའི་ཁྲོད་གནད་དོན་ངོ་མ་གང་ཡིན་འགྲེལ་བརྗོད་གནང་བར་རེ་བ་ཡོད་ཅེས་གསུངས་འདུག རྩ་བའི་ད་བར་༸གོང་ས་མཆོག་ཐེ་ཝན་ནང་ཕྱི་ལོ ༡༩༩༧ ལོར་ཐོག་མ་ཆིབས་བསྒྱུར་མཛད་པ་དང་། དེ་རྗེས་ ༢༠༠༡ དང་ ༢༠༠༩ བཅས་ལ་ཆིབས་བསྒྱུར་གསོལ་འདེབས་ཞུས་དོན་ལྟར་ཆིབས་བསྒྱུར་ཐེངས་གསུམ་བསྐྱངས་ཡོད་པ་རེད།

འདི་ལོ་ ༢༠༡༩ ཕྱི་ཟླ་ལྔ་པའི་ཚེས་ཤར་ནས་བཟུང་རྒྱ་ནག་གཞུང་གིས་བོད་ནང་མཚོ་སྔོན་ཞིང་ཆེན་མགོ་ལོག་རྫོང་ཁག་དྲུག་ནང་ནག་ཚོགས་གསང་སེལ་ཟེར་བའི་ལས་འགུལ་སྤེལ་ཡོད་པ་དང་ནག་ཚོགས་གཙང་སེལ་ཟེར་བའི་ལས་འགུལ་དེའི་འོག་ནས་བོད་མི་གང་བྱུང་འཛིན་བཟུང་བྱེད་བཞིན་ཡོད་པ་དང་། ཕྱི་ཟླ་ལྔ་པའི་ནང་ལས་འགུལ་འགོ་འཛུགས་ཀྱིས་ད་བར་དངོས་སུ་ཤེས་རྟོགས་བྱུང་བར་བོད་མི་ ༡༤ ཙམ་འཛིན་བཟུང་བྱས་ཡོད་པ་ལྟར། དེ་དག་ནི་མགོ་ལོག་དགའ་བདེ་ནས་མི་༧ དང་མགོ་ལོག་དར་ལག་ནས་མི་ ༧ བཅས་འཛིན་བཟུང་བྱས་ཡོད་པ་རེད་འདུག ལས་འགུལ་དེ་སྤེལ་བ་ནས་ཁྲོམ་གཞུང་དུ་ས་གནས་བོད་མི་ཕན་ཚུན་དབར་རྒྱུན་གཏན་བཞིན་བཀའ་མོལ་གནང་ཕད་ཀྱི་མེད་པར་འཇིགས་སྣང་འོག་གནས་མུས་རེད་འདུག ནག་ཚོགསགཙང་སེལ་ཞེས་པའི་ཉེས་ཁྲིམས་ནང་ཁྲིམས་དང་མི་མཐུན་པའི་ཤོ་སྦག་རྒྱག་པ་དང་། རྒྱན་འཛུགས་བྱེད་པ། ཚོགས་པ་བཙུགས་ནས་མང་ཚོགས་ཀྱི་ལག་ནས་དངུལ་ལེན་པ་སོགས་འཛིན་བཟུང་གིས་རྡུང་རྡེག་གཏང་རྒྱུ་ཡིན་འདུག་ཀྱང་། གཙོ་བོ་ནི་རྒྱལ་ཁབ་ལ་མི་དགའ་མཁན་དང་རྒྱལ་ཁབ་ལ་ཁ་གཏད་ཀྱིས་ཆབ་སྲིད་ལས་འགུལ་ནང་ཞུགས་མྱོང་མཁན་དང་དེ་བཞིན་གནད་དོན་དེ་དག་དང་འབྲེལ་ཡོད་དོགས་གཞི་ཡོད་པ་རྣམས་གཙོ་གནད་དུ་བཟུང་ནས་རྡུང་རྡེག་གཏོང་བཞིན་ཡོད་པ་རེད།མང་ཚོགས་ནང་མི་གྲངས་བཅུ་ཡན་གྱི་ཚོགས་པ་འཛུགས་དགོས་ན་ཐོག་མར་ས་གནས་ཡུལ་ཚོ་དང་རྫོང་བཅས་སོགས་སུ་སྙན་ཞུ་ཕུལ་ནས་ཐོ་འགོད་དང་ཆོག་མཆན་ཞུ་དགོས་པ་མ་ཟད། བརྡ་འཕྲིན་བརྒྱུད་ནས་ཐེ་ཝན། ཧོང་ཀོང་། བོད་དང་རྒྱ་ནག་གི་སྐོར་གྱི་ཆབ་སྲིད་དང་འབྲེལ་བའི་གནས་ཚུལ་རིགས་སྐུར་མི་ཆོག་པ། ད་དུང་ཨ་རི་དང་ནུབ་ཕྱོགས་རྒྱལ་ཁབ་ནས་ཡོང་བའི་མི་ལ་བཀའ་མོལ་གནང་མི་ཆོག་པ། ཁོང་ཚོའི་དྲི་བར་ལན་འདེབས་གནང་མི་ཆོག་པ་སོགས་ཀྱི་བརྒྱུད་བསྒྲགས་ཀྱང་བྱེད་བཞིན་ཡོད་པ་རེད། སྤྱིར་ནག་ཚོགས་གཙང་སེལ་ཞེས་པའི་ལས་འགུལ་དེ་ནི་ཕྱི་ལོ་ ༢༠༡༨ ཕྱི་ཟླ་དང་པོར་རྒྱ་ནག་གི་རྒྱལ་ས་པེ་ཅིང་གྲོང་ཁྱེར་དུ་རྒྱ་ནག་དམར་ཤོག་ཚོགས་པའི་སྒྲིག་ཁྲིམས་ཞིབ་བཤེར་ཁང་གི་མགོ་ཁྲིད་ཚོགས་འདུ་ཚོགས་ཏེ་ཞི་ཅིན་ཕིང་གི་གཙང་སེལ་ལས་འགུལ་གཞི་རྩར་བཟུང་ནས་ ༢༠༡༨ ལོ་ནས་ཕྱི་ལོ་ ༢༠༢༡ བར་སྤྱི་ཚོགས་ཁྲོད་ཀྱི་ནག་ཚོགས་གཙང་སེལ་དགོས་སྐོར་གྱི་དོན་ཚན་བཞི་ཅན་གྱི་བསྒྲགས་གཏམ་ཞིག་སྤེལ་ཡོད་པ་མ་ཟད། ནག་ཚོགས་འབུར་འཇོམ་གྱི་ལས་འགུལ་དེར་ས་གནས་སོ་སོ་ནས་དོ་ནན་ལག་བསྟར་དགོས་པའི་བཀོད་ཁྱབ་བཏང་ཡོད་སྟབས། ལོ་དེའི་ཕྱི་ཟླ་གཉིས་པ་ཚེས་ཤར་ནས་བཟུང་ལས་འགུལ་དེ་རྒྱ་ནག་གི་གྲོང་ཁྱེར་ཁག་དང་ལྷག་པར་དུ་བོད་ཀྱིས་གཙོས་པའི་གྲངས་ཉུང་མི་རིགས་ས་ཁུལ་དུ་ཤུགས་ཆེར་སྤེལ་བཞིན་ཡོད་པ་རེད། ཕྱི་ལོ་ ༢༠༡༨ ནས་བཟུང་བོད་ཀྱི་རྒྱལ་ས་ལྷ་ས་གཙོ་གྱུར་མཚོ་སྔོན་དང་སི་ཁྲོན། ཡུན་ནན་སོགས་བོད་རིགས་གནས་སྡོད་ས་ཁུལ་ཡོངས་སུ་ལས་འགུལ་དེ་སྤེལ་སྤེལ་མུས་ཡིན་པ་མ་ཟད་ལྷ་སའི་ནག་ཚོགས་འབུར་འཇོམས་གསལ་བསྒྲགས་ནང་ནག་ཚོགས་ཀྱི་དམིགས་གཏད་གཙོ་བོ་དེ་ཏཱ་ལའི་ཁ་བྲལ་ཤོག་ཁག་དང་ཏཱ་ལའི་དབུ་མའི་ལམ་ལ་རྒྱབ་སྐྱོར་བྱེད་མཁན། དེ་བཞིན་སྐད་ཡིག་དང་ཁོར་ཡུག་སྲུང་སྐྱོབ་ཀྱི་མིང་བྱང་འོག་ནས་ལས་འགུལ་སྤེལ་མཁན་རིགས་ལ་དམིགས་པ་ཡིན་སྐོར་བརྗོད་འདུག

ཁ་སང་ཕྱི་ཚེས་ ༢༣ ཉིན་རྒྱ་གར་དབུས་འོས་བསྡུ་ལྷན་ཁང་ནས་རྒྱ་གར་གྲོས་ཚོགས་འོག་མའི་རྒྱལ་ཡོངས་འོས་བསྡུ་ཆེན་མོའི་གྲུབ་འབྲས་གསལ་བསྒྲགས་གནང་བའི་ཁྲོད། སྲིད་བློན་མོ་དི་མཆོག་གིས་སྣེ་ཁྲིད་པའི་ཆབ་སྲིད་ཚོགས་པ་ BJP ལ་རྒྱལ་ཁ་ཤུགས་ཆེ་ཐོབ་པར་བརྟེན་སྲིད་བློན་མོ་དི་མཆོག་སླར་ཡང་ལོ་ལྔའི་རིང་རྒྱ་གར་གྱི་སྲིད་བློན་གནང་གཏན་ཁེལ་བ་དང་བསྟུན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགའ་བསུའི་འཚམས་འདྲི་མཛད་འདུག འཚམས་འདྲི་ནང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཛམ་གླིང་ཐོག་གི་མང་གཙོའི་རྒྱལ་ཁབ་ཆེ་ཤོས་རྒྱ་གར་འདི་ད་ཆ་རྒྱལ་སྤྱིའི་སྤྱི་ཚོགས་སྣེ་ཁྲིད་མཁན་གྱི་རྒྱལ་ཁབ་གཙོ་གྲས་ཤིག་ཆགས་པར་ཐུགས་ལ་དགྱེས་སྤོབས་ཆེན་པོ་བྱུང་ཞེས་དང་། ལྷག་པར་དུ་རྒྱ་གར་འདི་གནའ་བོའི་སྤྱི་ཚོགས་ཀྱི་དཔལ་ཡོན་ཕུན་སུམ་ཚོགས་པ་དར་ཡུལ་ཞིག་ཡིན་པ་མ་ཟད་བྱམས་པ་དང་སྙིང་རྗེ་གཞི་རྩར་འཛིན་པའི་འཚེ་བ་མེད་པའི་ལྟ་སྤྱོད་ཉམས་ལེན་གནང་བཞིན་ཡོད་པ་དེ་ནི་རྒྱལ་ཁབ་གཞན་དང་མི་འདྲ་བའི་ཐུན་མིན་གྱི་ཁྱད་ཆོས་ཁྱད་པར་བ་ཞིག་རེད་ཅེས་བཀའ་བསྩལ་འདུགམགོན་པོ་༸གང་ཉིད་མཆོག་ནས་འགྲོ་བ་མི་གཅིག་གྱུར་དང་ཆོས་ལུགས་ཕན་ཚུན་འཆམ་མཐུན་གྱི་འདུ་ཤེས་གོང་མཐོར་གཏོང་རྒྱུའི་མཛད་འགན་ཐོག་རྒྱ་གར་གྱི་གནའ་རབས་ཀྱི་སེམས་ཁམས་རིག་པའི་རྣམ་གཞག་དང་འབྲེལ་བའི་བློའི་རྣམ་གཞག་དང་བྱེད་ལས་སོགས་ཀྱི་ལེགས་བཤད་དེ་དག་ད་ཆ་རྒྱ་གར་ནང་བསྐྱར་གསོ་ཡོང་ཐབས་མཛད་བཞིན་ཡོད་པ་དང་། དེར་རྒྱ་གར་བ་སྤྱི་དང་ལྷག་པར་དུ་གཞོན་སྐྱེས་ཁྲོད་ནས་དགའ་མོས་དང་རྒྱབ་སྐྱོར་ཆེན་པོ་ཐོབ་བཞིན་པ་དེས་མགོན་པོ་༸གང་ཉིད་མཆོག་ནས་རེ་བ་བཟང་པོ་ཞིག་གཟིགས་སྐོར་བཀའ་བསྩལ་བ་དང་སྦྲགས། དེང་སྐབས་རྒྱ་གར་འདི་བཞིན་འཛམ་གླིང་ཁྱོན་ཡོངས་སུ་གནའ་དེང་གཉིས་ཀྱི་ཤེས་ཡོན་ཟུང་འབྲེལ་ཐོག་ནས་འགྲོ་བ་མིའི་སེམས་ནང་དོན་དམ་གྱི་ཞི་བདེ་སྐྲུན་རྒྱུ་སླད་རེ་བ་རྒྱག་ས་གཅིག་པོ་དེ་ཡིན་པར་བཀའ་བསྩལ་འདུག དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་ནས་དུས་རབས་བཅུ་བཞི་པའི་ནང་བོད་ཀྱི་མཁས་པ་ཞིག་གིས་ཁ་བ་གངས་ཅན་གྱི་ལྗོངས་འདིར་སངས་རྒྱས་ཀྱི་བསྟན་པ་མ་དར་བར་དུ་སྨག་རུམ་མུན་པས་འཐིབ་ཀྱི་རེད་ཅེས་གསུངས་པ་ལུང་འདྲེན་གྱིས་བོད་མི་ཚོས་རྒྱ་གར་འཕགས་ཡུལ་འདི་ཉིད་ནང་ཆོས་ཀྱི་འབྱུང་གནས་སུ་ངོས་འཛིན་ཞུས་ཏེ་གུས་བརྩི་ཧ་ཅང་ཞུ་བཞིན་ཡོད་དང་། དུས་རབས་བརྒྱད་པའི་ནང་བོད་དུ་དཔལ་ནཱ་ལེནྡཱའི་ལེགས་བཤད་དར་འཕེལ་བྱུང་བར་བརྟེན་བོད་ཀྱི་རིག་གནས་ཡར་རྒྱས་ཐོག་ཕན་རླབས་ཤུགས་ཆེ་བྱུང་ཡོད་པར་བཀའ་བསྩལ་མཛད་འདུག ༸གོང་ས་༸སྐྱབས་མགོན་ཆེན་པོ་མཆོག་ནས་དགའ་བསུའི་འཚམས་འདྲི་དང་འབྲེལ་ཟླ་བ་སྔོན་མའི་ནང་བོད་མི་བཙན་བྱོལ་བ་རྣམས་རྒྱ་གར་དུ་འབྱོར་ནས་ལོ་ངོ་ ༦༠ འཁོར་བའི་ཉིན་མོ་སྲུང་བརྩི་ཞུས་ཡོད་པ་དང་། རྒྱ་གར་གཞུང་མང་གཉིས་ཀྱི་ཐུགས་རྗེ་བཀའ་དྲིན་ལ་བརྟེན་ནས་ད་བར་བོད་མི་ཚོས་བཙན་བྱོལ་ནང་རང་ཉིད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་རྣམས་མི་ཉམས་རྒྱུན་འཛིན་གནང་ཡོད་པ་སོགས་བཀའ་འགྲེལ་དང་སྦྲགས། རྒྱ་གར་གཞུང་མང་ཡོངས་ལ་ཐུགས་རྗེ་ཆེ་ཞེས་བཀའ་བསྩལ་དང་། སྲིད་བློན་མོ་དི་མཆོག་གི་འབྱུང་འགྱུར་ལས་དོན་རྣམས་བྱ་བ་ལམ་ལྷོངས་ཡོང་བ་དང་།  ལས་དོན་ཁྲོད་ཀྱི་ངལ་བ་ལས་རྣམ་པར་རྒྱལ་ཏེ་རྒྱ་གར་མི་མང་གི་བསམ་དོན་འགྲུབ་པའི་ཐུགས་སྨོན་མཛད་འདུག གཞི་རྩའི་རྒྱ་གར་གྲོས་ཚོགས་འོག་མའི་རྒྱལ་ཡོངས་འོས་བསྡུ་ཆེན་མོ་དེ་ཟླ་ ༤ ཚེས་ ༡༡ ནས་ཟླ་ ༥ ཚེས་ ༡༩ བར་གནང་ཡོད་པ་དང་། འོས་བསྡུའི་ཁྲོད་སྲིད་བློན་མོ་དི་མཆོག་གིས་སྣེ་ཁྲིད་པའི་ཆབ་སྲིད་ཚོགས་པ་ BJP དང་དེའི་མཐུན་ཕྱོགས་ཆབ་སྲིད་ཚོགས་པ་བཅས་ལ་གྲོས་ཚོགས་འོག་མའི་གདན་གྲངས་ ༥༤༢ ཡོད་པ་ལས་གདན་གྲངས་ ༣༥༣ ཐོབ་སྟེ་འོས་བསྡུའི་རྒྱལ་ཁ་ཐོབ་ཡོད་པ་དང་། སྲོད་བློན་མོ་དི་མཆོག་ནས་ཟླ་ ༥ ཚེས་ ༢༨ དང་ ༢༩ གང་རུང་ཞིག་ཏུ་སྐབས་གཉིས་པའི་སྲིད་བློན་གྱི་དམ་འབུལ་བཞེས་རྒྱུ་རེད་འདུག

ཉན་པ།: Listen ཕབ་ལེན། Download ཕྱི་ལོ་ ༢༠༡༢ ལོར་རང་ལུས་མེར་སྲེག་གནང་མཁན་གྱི་སྐུ་པར་ལག་སོན། ནག་ཚོགས་གཙང་སེལ་ལ་ཁ་གཡར་ཏེ་བོད་མི་འཛིན་བཟུང་བྱེད་བཞིན་པ། ས་ཞིང་བཙན་འཕྲོག་གི་གནད་དོན་འོག་བོད་མི་དགུ་བོ་གློད་བཀྲོལ་དགོས་པའི་ཞུ་སྐུལ། བཙན་བྱོལ་སློབ་གྲྭ་ཁག་གི་ཆེས་མཐོའི་འཛིན་སྐྱོང་ལྷན་ཚོགས་ཀྱི་ཚོགས་འདུ་དབུ་འཛུགས། དབྱིན་ཡུལ་དུ་༸པཎ་ཆེན་རིན་པོ་ཆེའི་གནད་དོན་གོ་རྟོགས་སྤེལ་སླད་མར་མེ་ཞི་རྒོལ། Thursday 23/05/2019 Photos of 2012 Tibetan Self-immolator emerge after 7 years Many Tibetans being arrested in Lhasa under China’s organized crime crackdown TCHRD and HIC calls on China to release Tibetan land defenders 1st High Level Management Committee Meeting of School Systems held Activists hold candle light vigil for Panchen Lama before Chinese embassy in UK

རྒྱ་ནག་གཞུང་གིས་སྤྱི་ཚོགས་བདེ་འཇགས་ལ་ཁ་གཡར་ཏེ་ནག་ཚོགས་གཙང་སེལ་དང་ཟང་ཟིང་བཅོས་སྒྲིག་ཞེས་པའི་ལས་འགུལ་ཞིག་སྔ་ལོ་ནས་བོད་རང་སྐྱོང་ལྗོངས་ཀྱི་ས་ཁུལ་གང་སར་སྤེལ་བཞིན་ཡོད་པ་དང་། དེང་སྐབས་ལས་འགུལ་དེའི་རྐྱེན་པས་ཉིན་རེ་བཞིན་དམ་དྲག་ཆེ་རུ་འགྲོ་བཞིན་ཡོད་པ་རེད་འདུགདེང་སྐབས་ལས་འགུལ་དེའི་འོག་ནས་ལྷ་ས་གྲོང་ཁྱེར་ཁུལ་ནས་བོད་མི་མང་པོ་ཞིག་གློ་བུར་དུ་བོར་བརླག་འགྲོ་བཞིན་ཡོད་པ་མ་ཟད་ཁག་གཅིག་དོགས་གཞིའི་འོག་བཀག་ཉར་བྱས་འདུགནག་ཚོགས་གཙང་སེལ་ཞེས་པའི་ལས་འགུལ་ནི་སྤྱི་ཚོགས་བདེ་འཇགས་ལ་ཁ་གཡར་བ་ཙམ་ལས་དོན་དངོས་ཐོག་བོད་མིར་དམ་དྲག་བྱེད་པའི་ལག་ཆ་ཞིག་ཡིན་པ་མ་ཟད་གང་ཟག་སུ་ཞིག་གིས་ལས་འགུལ་དེའི་ནང་མཉམ་ཞུགས་གནང་ཚེ་བྱ་དགའ་རྒྱ་སྒོར་ཁྲི་གསུམ་ཡན་སྤྲོད་རྒྱུ་ཡིན་ཚུལ་བརྗོད་བཞིན་ཡོད་པ་དང་། མི་རྩིས་སྤྲོད་ཐེར་འདོན་བྱེད་མཁན་གྱི་བདེ་འཇགས་དང་གསང་བ་འགན་སྲུང་བྱ་རྒྱུའི་ཁས་ལེན་བྱེད་བཞིན་ཡོད་སྟབས་དེང་སྐབས་དངུལ་ཁོ་ནར་དགའ་བའི་མི་ཁག་གཅིག་གིས་བོད་མི་ནང་ཁུལ་རྩིས་སྤྲོད་བྱེད་བཞིན་ཡོད་རྐྱེན་དེང་སྐབས་སོ་སོའི་གྲོགས་པོ་ཕན་ཚུལ་དབར་ལའང་ཡིད་ཆེས་གནང་དཀའ་བའི་གནས་སུ་གྱུར་ཡོད་པ་རེད་འདུགདེ་བཞིན་ནག་ཚོགས་གཙང་སེལ་གྱི་ལས་འགུལ་ནི་དུས་ཡུན་ལོ་ངོ་གསུམ་ནང་མཇུག་སྒྲིལ་བྱ་རྒྱུའི་དམིགས་ཚད་བཟུང་ཡོད་པར་འགྲེལ་བརྗོད་བྱས་འདུག ཕྱོགས་མཚུངས་ཁ་ཉིན་ཚེས་ ༢༡ ཉིན་ལྷ་ས་སྟོད་ལུང་གདོང་དཀར་ཡུལ་ཚོར་མང་ཚོགས་བསྐོངས་ནས་ནག་ཚོགས་གཙང་སེལ་དང་ཟང་ཟིང་བཅོས་སྒྲིག་ཞེས་པའི་དྲིལ་བསྒྲགས་སློབ་གསོའི་ལས་འགུལ་ཞིག་སྤེལ་འདུག་པ་དང་། དྲིལ་བསྒྲགས་ལས་འགུལ་གྱི་ཡིག་ཆའི་ནང་ཁྲིམས་འགལ་དོན་ཚན་ ༢༢ བཀོད་ཡོད་པ་ལྟར། དོན་ཚན་གང་རུང་དང་འགལ་བའི་མི་སྣ་རྩིས་སྤྲོད་གནང་ཚེ་བྱ་དགའ་གྱ་ནོམ་པ་སྤྲོད་རྒྱུ་ཡིན་པ་མ་ཟད་རྩིས་སྤྲོད་བྱེད་མཁན་གྱི་བདེ་འཇགས་དང་གསང་བ་སྲུང་རྒྱུ་ཡིན་ཚུལ་ཡང་བརྗོད་འདུགདེ་བཞིན་རང་ཉིད་ཁྲིམས་འགལ་ནག་ཚོགས་ནང་མི་ཞུགས་པ་མ་ཟད་རང་གི་ངོ་ཤེས་ཉེ་འབྲེལ་ཚོ་ལ་ཡང་དེ་དོན་སློབ་གསོ་སྤྲོད་དགོས་ཚུལ་ནན་བརྗོད་བྱས་འདུག དྲིལ་བསྒྲགས་ལས་འགུལ་དེའི་ཐོག་ད་དུང་སྟོད་ལུང་གདོང་དཀར་ཡུལ་ཚོ་དེ་ནག་ཚོགས་གཙང་སེལ་བྱས་ཏེ་མང་ཚོགས་རྣམ་པ་བདེ་བར་འཁོད་ཐུབ་པ་ཞིག་གནང་དགོས་པ་སོགས་བཤད་འདུག ནག་ཚོགས་གཙང་སེལ་ཞེས་པའི་སྐོར་སྐྱོད་དྲིལ་བསྒྲགས་སློབ་གསོ་སྤེལ་རྗེས་དྲིལ་བསྒྲགས་ནང་དོན་དེའི་མིང་བྱང་འོག་ནས་མང་ཚོགས་ཀྱི་རིག་རྩལ་འཁྲབ་སྟོན་ཞིག་ཀྱང་བྱས་ཡོད་པ་མ་ཟད། དྲིལ་བསྒྲགས་ལས་དོན་དེ་ནི་སྟོད་ལུང་གི་ས་ཁུལ་ཡོངས་སུ་སྤེལ་འཆར་ཡོད་པར་བརྗོད་འདུག

བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་དང། Habitat International Coalition ཞེས་པའི་རྒྱལ་སྤྱིའི་ཁྲོད་ས་ཆའི་བདག་དབང་གི་ཐོབ་ཐང་སྲུང་སྐྱོབ་གནང་མཁན་གྱི་ཚོགས་པ་གཉིས་མཉམ་རུབ་ཀྱིས་རེབ་གོང་ཧོར་རྒྱ་སྡེ་བའི་བོད་མི་མང་ཚོགས་ཀྱི་ས་ཆའི་བདག་དབང་རྩོད་མཁན་ཁ་འགོ་བ་ཚོགས་ཆུང་གི་བོད་མི་ ༩ ལ་རྒྱ་གཞུང་གིས་ཉེས་མིང་འདྲ་མིན་འོག་འདི་ལོ་ཕྱི་ཟླ་ ༤ པའི་ཟླ་དཀྱིལ་དུ་ཁོང་རྣམས་ལ་ལོ་ ༣ ནས་ ༧ བར་གྱི་བཙོན་འཇུག་ཁྲིམས་ཐག་བཅད་ཡོད་པ་ལྟར། ཚོགས་པ་དེ་དག་གཉིས་ཀྱི་ངོས་ནས་རྒྱ་གཞུང་གིས་ཧོར་རྒྱ་སྡེ་བའི་བོད་མི་ ༩ པོ་དེ་དག་འཛིན་བཟུང་བཀག་ཉར་དང་བཙོན་འཇུག་ཁྲིམས་ཐག་བཅད་པ་ནི་བོད་མི་མང་ཚོགས་ཀྱི་ཞི་བའི་ཡར་ལངས་གནད་དོན་ལ་ནག་ཚོགས་ཀྱི་མིང་བཏགས་ནས་དམ་གནོན་བྱེད་ཐབས་ཀྱི་རྣམ་པ་གསལ་པོ་ཡིན་པ་དང་འབྲེལ། བོད་མི་དེ་དག་གིས་རང་དང་མང་ཚོགས་ཀྱི་ས་ཆའི་བདག་དབང་རྩོད་པ་དེ་ནི་ནག་ཚོགས་ཀྱི་བྱ་སྤྱོད་གང་ཡང་མིན་པ་དང་། རང་གི་གཞི་རྩའི་འགྲོ་བ་མིའི་ཐོབ་ཐང་རྩོད་པའི་གནད་དོན་ཞིག་ཡིན་སྟབས་ཁོང་རྣམས་འཕྲལ་དུ་གློད་བཀྲོལ་དགོས་པའི་དྲྭ་ཐོག་འབོད་སྐུལ་གྱི་ལས་འགུལ་ཞིག་དབུ་འཛུགས་གནང་འདུགརྩ་བའི་དེ་སྔ་རེབ་གོང་ཧོར་རྒྱ་སྡེ་བའི་ས་གནས་སུ་སྲིད་གཞུང་གིས་མང་ཚོགས་ཀྱི་ས་ཆ་བཙན་འཕྲོག་བྱས་ནས་སོ་ཕག་བཟོ་གྲྭ་གསུམ་བཙུགས་ཡོད་པ་དང། ཕྱི་ལོ་ ༢༠༡༡ ལོར་ཁོར་ཡུག་སྲུང་སྐྱོབ་ཀྱི་མིང་ཐོག་ནས་བཟོ་གྲྭ་དེ་དག་སྒོ་བརྒྱབ་པ་དང་འབྲེལ། སྲིད་གཞུང་གིས་བཟོ་གྲྭའི་བདག་པོ་རྣམས་ལ་གུན་གསབ་འབོར་ཆེན་སྤྲད་ཡོད་ཀྱང། འདས་པའི་མི་ལོ་ ༧ རིང་ལ་ས་བདག་ས་གནས་མང་ཚོགས་རྣམས་ལ་ས་ཆ་ཕྱིར་སློག་མ་བྱེད་པའི་ཁར་ས་རིན་ཡང་སྤྲད་མེད་པ་རེད་འདུགདེའི་ཁྲོད་ཕྱི་ལོ་ ༢༠༡༧ ཟླ་ ༢ ཚེས་ ༢༡ ཉིན་ཧོར་རྒྱ་སྡེ་བའི་མི་མང་ ༥༠༠ ཙམ་གྱི་རྒྱབ་སྐྱོར་ཡོད་པའི་ཐོག་ཁ་འགོ་བ་ཞེས་པའི་ཚོགས་ཆུང་ཞིག་གསར་འཛུགས་ཀྱིས་ས་གནས་ཀྱི་ཤེས་འཇོན་གཉིས་ལྡན་གྱི་མི་སྣ་ ༢༤ བསྐོ་གཞག་དང་འབྲེལ་ཏེ་ཁ་འགོ་བའི་ཚོགས་མི་ ༢༤ ཡི་ས་ཡིག་འཁོད་པའི་ཞུ་ཡིག་ཞིག་ས་གནས་སྲིད་གཞུང་ལ་ཕུལ་འདུགཞུ་ཡིག་ནང་དེ་སྔོན་སྲིད་གཞུང་གིས་མང་ཚོགས་ཀྱི་ས་ཆ་བཙན་འཕྲོག་བྱས་ནས་སོ་ཕག་བཟོ་གྲྭ་བཙུགས་ཡོད་ཀྱང་བཟོ་གྲྭ་སྒོ་བརྒྱབ་རྗེས་ས་ཆ་དེ་དག་ཕྱིར་མང་ཚོགས་ལ་སྤྲོད་དགོས་པའི་ཞུ་སྐུལ་གནང་དོན་ལྟར། སྐབས་དེར་ཧོར་རྒྱ་སྡེ་བའི་གཞུང་གིས་རྒྱབ་སྐྱོར་དང་ཁག་ཐེག་ཡང་བྱས་ཡོད་པ་རེད། འོན་ཀྱང་སྲིད་གཞུང་གིས་བོད་མིའི་སྐུ་ཚབ་ཚོགས་ཆུང་གི་ཞུ་ཡིག་ལ་དང་ལེན་བྱེད་རྒྱུ་ལས་ལྡོག་ནས་ཞུ་གཏུག་གི་ལས་འགུལ་སྤེལ་བར་དྲག་གནོན་བྱས་པ་མ་ཟད་ཧོར་རྒྱ་སྡེ་བའི་འགོ་ཁྲིད་ཀྱི་སྟོབས་ཤུགས་མེད་པ་བཟོ་ཐབས་བྱེད་བཞིན་པའི་ཁྲོད། རྒྱ་གཞུང་གིས་ཁ་འགོ་བ་ཞེས་པའི་ཚོགས་པ་དེ་ནག་ཚོགས་ཡིན་པ་དང། བོད་མི་དེ་དག་གིས་མི་མང་དཔུང་འདེགས་ཀྱི་སྤྱི་ཚོགས་སྒྲིག་ལམ་ལ་གཏོར་བརླག་བཏང་རབས་སོགས་བཤད་དེ་ཁ་འགོ་བའི་ཚོགས་མི་ ༩ པོ་དེ་དག་སྔར་ལོའི་ཕྱི་ཟླ་ ༧ པའི་ནང་བཀག་ཉར་གྱིས་ཕྱི་ཟླ་ ༨ ནང་དངོས་སུ་འཛིན་བཟུང་གིས་ཟླ་བ་བརྒྱད་ཙམ་གྱི་རྗེས་སུ་འདི་ལོའི་ཕྱི་ཟླ་ ༤ པའི་ནང་མདོ་སྨད་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རེབ་གོང་རྫོང་མི་དམངས་ཁྲིམས་ཁང་ནས་བོད་མི་དེ་དག་ལ་ལོ་ ༣ ནས་ ༧ བར་གྱི་བཙོན་འཇུག་ཁྲིམས་ཐག་བཅད་ཡོད་པ་རེད། བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་ཉེ་ཆར་ཕྱི་ཟླ་ ༤ པའི་ནང་དེའི་སྐོར་གནས་ཚུལ་སྤེལ་བར་རྒྱ་གཞུང་གིས་ཁ་འགོ་བ་ཞེས་པའི་ཚོགས་པ་དེ་ནག་ཚོགས་ཡིན་པ་དང། བོད་མི་དེ་དག་གིས་མི་མང་དཔུང་བསྡེབས་ཀྱི་སྤྱི་ཚོགས་སྒྲིག་ལམ་ལ་གཏོར་བརླག་གནང་རབས་སོགས་བཤད་ཡོད་ཀྱང་། རྒྱ་གཞུང་གིས་འཁྱོག་བཤད་བྱས་པ་ཁོ་ན་ཡིན་སྐོར་གསུངས་ཡོད་པ་རེད།དེ་རིང་ཚོགས་པ་གཉིས་ཀྱིས་ཞུ་སྐུལ་གྱི་ལས་འགུལ་སྤེལ་བར་རེབ་གོང་ནང་དུ་བོད་མི་ ༩ པོ་དེ་དག་འཛིན་བཟུང་བྱས་པའིབརྒྱུད་རིམ་ཆ་ཚང་ངོ་སྤྲོད་དང་སྦྲགས། རྒྱ་ནག་གཞུང་གིས་སྔ་ལོ་ནས་བོད་ཀྱི་ས་ཁུལ་ཁག་ཏུ་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་ལས་འགུལ་ཞེས་པའི་ཁྲིམས་གཞི་གསར་པ་ལག་བསྟར་འོག་བོད་མི་མང་ཚོགས་ཀྱི་རང་གི་ས་ཆའི་བདག་དབང་དང། ཆོས་དད་དང་སྐད་ཡིག་རང་དབང། དེ་བཞིན་འཚོ་ཐབས་ཀྱི་རང་དབང་སོགས་ཀྱི་འཐབ་རྩོད་གནང་ཁག་ནག་ཚོགས་བྱ་སྤྱོད་ཀྱི་མིང་བཏགས་ནས་དམ་གནོན་བྱ་རྒྱུའི་སྲིད་བྱུས་ཤིག་ཡིན་པ་དང། རེབ་གོང་གི་ནང་དུ་ཁྲིམས་གཞི་དེ་ལག་བསྟར་འོག་བོད་མིར་དྲག་གནོན་བྱེད་པའི་གནད་དོན་དང་པོ་དེ་ཆགས་ཀྱི་ཡོད་པ་དེ་ལྟར་ཡང། རེབ་གོང་ཁུལ་དུ་རྒྱ་གཞུང་གིས་བོད་མིའི་ས་ཆ་བཙན་འཕྲོག་བྱེད་པའི་གནད་དོན་དེ་དྲང་པོ་རྩ་བ་ནས་མིན་པ་ལས། དེ་སྔོན་ཕྱི་ལོ་ ༢༠༡༦ ནང་དུའང་རྒྱ་གཞུང་གིས་རོང་པོ་དགོན་པའི་ས་ཆ་བཙན་འཕྲོག་བྱས་ཡོད་པ་དང། རྒྱ་གཞུང་གི་བྱ་སྤྱོད་དེ་དག་ནི་རྒྱལ་སྤྱིའི་ས་ཆ་བདག་དབང་གི་ཁྲིམས་ཙམ་མ་ཟད་རྒྱ་ནག་རང་གི་རྩ་ཁྲིམས་དང་ཡོངས་སུ་འགལ་ཡོད་སྟབས། བོད་མི་ ༩ པོ་དེ་དག་འཕྲལ་མར་གློད་བཀྲོལ་དགོས་པ་དང། རྒྱ་ནག་གཞུང་གི་མང་ཚོགས་ཐོག་དྲང་ལྡན་མིན་པའི་ཁྲིམས་རྣམས་ལ་བསྒྱུར་བཅོས་དགོས་པ་སོགས་དགོས་འདུན་དོན་ཚན་བརྒྱད་ཅན་ཞིག་ཆེད་བཏོན་གྱིས་རྒྱ་གཞུང་གི་བཙོན་འཇུག་འོག་ཡོད་པའི་བོད་ཀྱི་ས་ཁུལ་ཡོངས་ཀྱི་མགོ་ཁྲིད་རྣམས་ལ་གཏང་རྒྱུ་རེད་འདུག

དེ་རིང་ཟླ་ ༥ ཚེས་ ༢༣ ཉིན་སྔ་དྲོ་ཆུ་ཚོད་ ༩༌༣༠ ཐོག་བཞུགས་སྒར་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཚོགས་ཁང་དུ་བཙན་བྱོལ་བོད་མིའི་སློབ་གྲྭ་ཁག་གི་ཆེས་མཐོའི་འཛིན་སྐྱོང་ལྷན་ཚོགས་ཀྱི་ཚོགས་འདུ་ཆེས་ཐོག་མ་དབུ་འཛུགས་གནང་སོང་།ཆེས་མཐོའི་འཛིན་སྐྱོང་ལྷན་ཚོགས་ཀྱི་ཚོགས་འདུ་ཆེས་ཐོག་མའི་ཐོག་ཤེས་རིག་བཀའ་བློན་པདྨ་དབྱངས་ཅན་མཆོག་དང་ཤེས་རིག་དྲུང་ཆེ་ཀརྨ་སེངྒེ་ལགས། དྷ་ས་བོད་ཁྱིམ་སྤྱི་ཁྱབ་འགན་འཛིན་ཐུབ་བསྟན་རྡོ་རྗེ་ལགས། བོད་ཁྱིམ་སྤྱི་ཁྱབ་ཤེས་ཡོན་འགན་འཛིན་བསོད་ནམས་སྲིད་གཅོད་ལགས། མ་སུ་རི་བོད་ཁྱིམ་དྲུང་ཆེ་ཀརྨ་ཆུང་བདག་ལགས། སཾ་བྷོ་ཊ་བོད་སློབ་ཚོགས་པའི་སྤྱི་ཁྱབ་འགན་འཛིན་རྣམ་རྒྱལ་ཡར་འཕེལ་ལགས་བཅས་ལྷན་ཞུགས་གནང་ཡོད།ཆེས་མཐོའི་འཛིན་སྐྱོང་ལྷན་ཚོགས་ཀྱི་ཚོགས་འདུ་འདི་ཤེས་རིག་བཀའ་བློན་མཆོག་གིས་གཙོ་སྐྱོང་གནང་ཡོད་པ་དང་། ཚོགས་དུས་རིང་ལ་སློབ་སྡེ་ཁག་གི་འགན་འཛིན་རྣམས་ནས་བོད་པའི་སློབ་ཕྲུག་གི་གྲངས་འབོར་ལ་གཞིགས་ཏེ་སློབ་གྲྭ་ཁུ་བསྡུ་དང་ཟླ་སྒྲིལ་གནང་ཕྱོགས་ཇི་དགེའི་སྐོར་དང་། སློབ་སྡེ་ཁག་གི་བུད་མེད་ལས་བྱེད་རྣམས་ལ་ཕྲུ་གུ་བཙས་རྗེས་སྐྱེས་མའི་ཐོབ་ཐང་དང་ཕའི་ཐོབ་སེང་མཐུན་རྐྱེན་གཅིག་གྱུར་གནང་ཐབས་ཇི་དགེའི་སྐོར། ཕྱི་རྒྱལ་ཡུལ་གྲུ་ཁག་ལ་ཡོད་པའི་བོད་ཕྲུག་རྣམས་ལ་རྒྱ་གར་གྱི་བོད་སློབ་ཁག་ཏུ་སློབ་སྦྱོང་བྱེད་ཐུབ་པའི་མཐུན་འགྱུར་གནང་ཐབས་ཇི་དགེའི་སྐོར།  རང་རེའི་སློབ་གྲྭ་ཁག་གི་ནང་ཧི་མཱ་ལ་ཡའི་སློབ་ཕྲུག་སློབ་འཇུག་གནང་ཕྱོགས་སྐོར། དེ་བཞིན་བཙན་བྱོལ་སྤྱི་ཚོགས་དང་ལྷག་པར་དུ་གཏན་ཉིན་སློབ་གྲྭ་ཁག་ནང་ལས་རིགས་སློབ་སྦྱོང་ཡར་རྒྱས་ཚགས་ཚུད་གཏོང་ཐབས། གཏན་ཉིན་སློབ་ཁག་ནང་སློབ་ཕྲུག་གི་བདེ་འཇགས་དང་འབྲེལ་བའི་སློབ་སྡེ་སོ་སོའི་འགན་འཁུར་གནང་ཕྱོགས་བཅས་གྲོས་གཞི་གཙོ་བོ་དྲུག་ལ་བཀའ་བསྡུར་གནང་རྒྱུ་རེད་འདུགདེ་བཞིན་ཚོགས་འདུ་དབུ་འབྱེད་སྐབས་སུ་ཤེས་རིག་བཀའ་བློན་པདྨ་དབྱངས་ཅན་མཆོག་ནས་སྤྱིར་འདས་པའི་ལོ་ངོ་དྲུག་ཅུའི་ནང་ལ་༸གོང་ས་༸སྐྱབས་མགོན་ཆེན་པོ་མཆོག་གིས་དབུ་ཁྲིད་པའི་ལམ་སྟོན་དང་། འབྲེལ་ཡོད་དགེ་ལས་རྣམ་པས་ཧུར་བརྩོན་གནང་བ་སོགས་ལ་བརྟེན་ནས་ཤེས་ཡོན་ཐོག་གྲུབ་འབྲས་གཟེངས་སུ་ཐོན་ཐུབ་ཡོད་ཀྱང་། བར་སྐབས་ནས་སྐབས་དང་དུས་ཀྱི་འགྱུར་བའི་ཁྲོད་བོད་པའི་སློབ་ཁག་ཏུ་བོད་ཕྲུག་གི་གྲངས་འབོར་ཉུང་དུ་ཕྱིན་པ་དང་། བོད་པ་མ་ཡིན་པའི་གྲངས་འབོར་མང་དུ་འགྲོ་བཞིན་པ། དེ་བཞིན་བོད་ཕྲུག་མང་པོ་ཕྱིའི་རྒྱལ་ཁབ་ཁག་ཏུ་འཚར་ལོངས་འབྱུང་བཞིན་པ་སོགས་སྤྱི་ཡོངས་ནས་སློབ་གྲྭའི་གནས་སྟངས་ཐད་ལ་དགོངས་ཚུལ་མི་ཉུང་བ་ཞིག་ཡོང་བཞིན་ཡོད་སྟབས། ཚོགས་འདུའི་ཐོག་ཕེབས་པའི་སློབ་གྲྭའི་སྡེ་ཁག་གི་འགན་འཛིན་རྣམས་ནས་དགོངས་པ་རྒྱ་ཆེ་ས་ནས་བཞེས་ཏེ་བོད་ཕྲུག་སྤྱིའི་ཤེས་ཡོན་ཐོག་ལ་བཀའ་བསྡུར་གནང་རྒྱུ་ཤིན་ཏུ་ནས་གལ་ཆེན་པོ་ཡིན་པར་ལམ་སྟོན་གནང་ཡོད། གཞི་རྩའི་ཐེངས་འདིའི་བཙན་བྱོལ་བོད་མིའི་སློབ་ཁག་གི་ཆེས་མཐོའི་འཛིན་སྐྱོང་ལྷན་ཚོགས་ཀྱི་ཚོགས་འདུ་ཆེས་ཐོག་མ་འདི་ཤེས་རིལ་ཁུངས་ནས་གོ་སྒྲིག་གནང་བ་ཞིག་ཡིན་པ་དང་། ཐེངས་འདིའི་ལྷན་ཚོགས་ཐོག་བལ་ཡུལ་ནས་སྐུ་ཚབ་ཕེབས་ཐུབ་མི་འདུག