Monthly Archives: May, 2019

ཕྱི་ལོ ༢༠༡༢ ལོའི་ཕྱི་ཟླ་ ༣ ཚེས་ ༥ ཉིན་རང་ལོ་ ༡༨ ཡིན་པ་བོད་མི་རྡོ་རྗེ་ལགས་ནས་རང་ལུས་མེར་སྲེག་གནང་སྟེ་འདས་གྲོངས་སུ་གྱུར་རྗེས་རྒྱལ་གཅེས་པ་ཁོང་གི་སྐུ་པར་ད་བར་ར་འཕྲོད་བྱུང་མེད། ད་རེས་ཁོང་གི་སྐུ་པར་ཤིག་ལག་སོན་བྱུང་འདུག རྔ་པ་རྫོང་གཅའ་ཞང་གཅའ་རུ་བའི་གཤོག་སྨད་མའི་མགར་སྐྱ་ཚང་གི་བུ་རང་ལོ་ ༡༨ ཡིན་པ་རྡོ་རྗེ་ལགས་ཀྱིས་རང་ལུས་མེར་སྲེག་གིས་རྒྱ་ནག་གཞུང་ནས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་སྐད་འབོད་གནང་སྟེ་སྐབས་དེར་འདས་གྲོངས་སུ་གྱུར་ཡོད་ཀྱང་རྒྱ་ནག་གཞུང་གིས་ཆེས་དམ་དྲག་གི་སྲིད་བྱུས་རྐྱེན་པས་རྒྱལ་གཅེས་པ་ཁོང་གི་སྐུ་པར་ད་བར་ལག་སོན་བྱུང་མེད་སྟབས། བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་ལགས་དང་ཀ་ཉག་ཚེ་རིང་ལགས་རྣམ་གཉིས་ལ་སྔ་ལོར་རྒྱས་གཅེས་པ་ཁོང་གི་སྐུ་པར་དེ་ཕྱག་སོན་བྱུང་ནས་དུས་ཡུན་གང་ཙམ་ཞིག་སོང་ཟིན་ཀྱང་ད་བར་ར་འཕྲོད་གཙང་མ་ཞིག་མ་བྱུང་རྐྱེན་གྱིས་དེ་མུར་ལྷག་ཡོད་སྟབས། ད་ལན་ཁོང་གི་སྐུ་པར་གྱི་སྐོར་ལ་གནས་ཚུལ་ཞིབ་ཕྲ་ཤེས་རྟོགས་བྱུང་བ་དང་འབྲེལ་ཏེ་བརྒྱུད་ལམ་ཁག་ལ་ཡོངས་བསྒྲགས་གནང་འདུགརྩ་བའི་རྡོ་རྗེ་ལགས་ཀྱི་སྐུ་པར་དང་ལྷན་དུ་ཕྱི་ལོ་ ༢༠༡༢ ལོར་རང་ལུས་མེར་སྲེག་གནང་མཁན་གྱི་བོད་མི་བློ་བཟང་ཤེས་རབ་ལགས་དང་བློ་བཟང་དམ་ཆོས་ལགས་རྣམ་གཉིས་ཀྱི་སྐུ་པར་ཡང་ཕྱིར་བསྒྲགས་གནང་འདུག་ཀྱང་། དེ་སྔ་རང་ལུས་མེར་སྲེག་གི་གནད་དོན་བྱུང་བའི་རྗེས་སུའང་འདི་ག་རླུང་འཕྲིན་ཁང་གིས་རྡོ་རྗེ་ལགས་ཕུད་པའི་བོད་མི་གཞན་གཉིས་ཀྱི་སྐུ་པར་ཡོངས་བསྒྲགས་ཞུས་ཡོད་པ་དང་། གྲྭ་ཀ་ཉག་ཚེ་རིང་ལགས་དང་བློ་བཟང་ཡེ་ཤེས་ལགས་རྣམ་གཉིས་ཀྱིས་ད་རེས་བོད་མི་གཞན་གཉིས་ཀྱི་སྐུ་པར་ཡང་རྡོ་རྗེ་ལགས་ཀྱི་སྐུ་པར་དང་ལྷན་དུ་ཕྱིར་བསྒྲགས་གནང་བ་དེ་ནི་བོད་མི་དང་བོད་དོན་རྒྱབ་སྐྱོར་ཚོགས་པ་ཁག་གཅིག་ནས་བོད་མའི་རྩ་དོན་སླད་དུ་རང་སྲེག་གནང་མཁན་གྱི་ཐོ་གཞུང་ཕྱོགས་སྒྲིག་གནང་བའི་ནང་ཁོང་རྣམ་པ་གཉིས་ཀྱི་སྐུ་པར་མཇལ་རྒྱུ་མེད་སྟབས་ད་ལན་སྐུ་པར་གཞན་གཉིས་ཀྱང་ཡོངས་བསྒྲགས་གནང་སྐོར་གསུངས་འདུག བོད་མིའི་སྒྲིག་འཛུགས་ཀྱི་རྒྱལ་ཚོགས་དང་འགྲོ་བ་མིའི་ཐོབ་ཐང་ཚན་པའི་འགན་འཛིན་འབྲུག་ལྡན་སྐྱིད་ལགས་སུ་སྐུ་པར་ཕྱིར་བསྒྲགས་བྱུང་བར་དུས་ཡུན་འགོར་དོན་དང་འབྲེལ་བའི་བཅར་འདྲི་ཞུས་སྐབས་འབྲུག་བསྟན་སྐྱིད་ལགས་དང་གྲྭ་ཉག་ཚེ་རིང་ལགས་རྣམ་གཉིས་ཀྱིས་ཞལ་གཅིག་གྲག་གིས་རང་སྲེག་གནང་མཁན་གྱི་སྐུ་པར་དེ་ད་ལྟ་གཞི་ནས་ར་འཕྲོད་བྱུང་བ་དང་དེའང་རྒྱ་ནག་གཞུང་གིས་ཆེས་དམ་དྲག་གི་སྲིད་བྱུས་རྐྱེན་པས་དུས་ཡིན་རིང་པོར་འགོར་སྐོར་གསུངས་སོང་བ་དང་། ལྷག་དོན་དེ་འབྲེལ་ཛ་དྲག་གི་གནས་སྟངས་མང་དག་ཅིག་ང་ཚོའི་ངོས་ནས་ཤེས་ཐུབ་ཀྱི་མེད་པ་གསལ་པོ་མཚོན་སྐོར་གསུངས་ཡོད།

ཉན་པ།: Listen ཕབ་ལེན། Download ༸གོང་ས་མཆོག་གིས་ཞི་ཅིན་ཕིང་དང་མཇལ་འཕྲད་མཛད་རྒྱུའི་ཞུ་སྐུལ་གནང་ཡང་རྒྱ་ནག་ནས་ཡ་ལན་གང་ཡང་བྱུང་མེད། ས་བྱི་ཞི་རྒོལ་ཆེན་མོ་དང་འབྲེལ་བའི་ཆབ་སྲིད་བཙོན་པ་རྣམས་གློད་བཀྲོལ་དགོས། བྷེལ་འཇམ་ཆབ་སྲིད་ཚོགས་པར་བོད་དོན་དང་འབྲེལ་འདྲི་རྩད། ལྷོ་ཨ་རི་ནང་བོད་ཀྱི་གསོ་བ་རིག་པའི་གོ་རྟོགས་སྐོར་སྐྱོད། ༸དགའ་ལྡན་ཁྲི་རིན་པོ་ཆེ་མཆོག་རྫོང་ཆོས་གྲྭ་ཚང་གི་སློབ་ཐོན་མཛད་སྒོར་དབུ་བཞུགས། རྡ་ས་ས་གནས་འགོ་འཛིན་དུ་འདེམས་ཐོན་བྱུང་བ་ཀུན་དགའ་ཚེ་རིང་ལགས་སུ་བཅར་འདྲི། Wednesday 22/05/2019 HRW calls on China to free over 80 unjustly imprisoned Tibetans Dalai Lama counters book’s claim about Xi meeting in Delhi Belgian political parties pledge support for Tibet Ganden Tripa graces graduation ceremony at Dzongkar Choede Monastery Mentsekhang outreach tour in South America Kunga Tsering elected next Tibetan settlement officer of Dharamsala

ཉེ་ཆར་ཟླ་ ༥ ཚེས་ ༡༥ ཉིན་རྒྱ་གར་གྱི་ NDTV གསར་ཁང་གི་དྲྭ་གནས་ཐོག་གསར་ཁང་གི་རྩོམ་སྒྲིག་འགན་འཛིན་ Sonia Singh ལགས་ཀྱིས་རྩོམ་བྲིས་གནང་བའི་དཔེ་དེབ་གསར་པ་ Defining India: Through Their Eyes ཞེས་པ་ལས་ཟུར་འདོན་གྱིས་གནས་ཚུལ་སྤེལ་བའི་ནང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསར་འགོད་པ་ Sonia Singh ལགས་ཀྱི་བཅར་འདྲིའི་ལས་རིམ་ཞིག་གི་ཐོག་ཕྱི་ལོ་ ༢༠༡༤ ལོར་རྒྱ་ནག་གི་སྲིད་འཛིན་ཞི་ཅིན་ཕིང་རྒྱ་གར་དུ་གཞུང་འབྲེལ་འཚམས་གཟིགས་ཕེབས་སྐབས་སྲིད་འཛིན་ཞི་ཅིན་ཕིང་གིས་༸གོང་ས་༸སྐྱབས་མགོན་ཆེན་པོ་མཆོག་དང་ལྷན་དུ་རྒྱ་གར་ནང་མཇལ་འཕྲད་ཞུ་རྒྱུར་མོས་མཐུན་གནང་ཡོད་ཀྱང་། རྒྱ་གར་གཞུང་གིས་དེར་དོགས་ཟོན་གནང་སྟབས་ཕྱོགས་གཉིས་དབར་གྱི་མཇལ་འཕྲད་གནང་ཐུབ་མེད་ཅེས་བཀའ་ལན་བསྩལ་སྐོར་གསན་ཚུལ་ཐོན་བཀོད་ཡོད་པ་རེད།གནས་ཚུལ་དེ་དང་འབྲེལ་ཁ་སང་རྒྱལ་སྤྱིའི་གསར་ཁང་ཆེ་གྲས་ The Guardian ཞེས་པའི་དྲྭ་གནས་ཐོག་གསར་ཁང་གི་ལྷོ་ཨེ་ཤ་ཡ་མངའ་ཁུལ་གྱི་གསར་འགོད་པ་ Michael Safi ལགས་དང་རྒྱ་ནག་སྡེ་ཚན་གྱི་གསར་འགོད་པ་ Lily Kuo ལགས་གཉིས་ཀྱིས་ཕྱོགས་སྒྲིག་ཞུས་པའི་གནས་ཚུལ་ནང་ཕྱི་ལོ་ ༢༠༡༤ ལོར་རྒྱ་གར་དབུས་གཞུང་ལ་བོད་ཀྱི་གནད་དོན་ཐོག་སློབ་སྟོན་ཞུ་མཁན་རྒྱ་གར་གསང་བའི་ལས་ཁུངས་ཀྱི་ལས་བྱེད་ཟུར་པ་སྐུ་ཞབས་ Amitabh Mathur ལགས་ནས་སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་ནག་གི་སྲིད་འཛིན་ཞི་ཅིན་ཕིང་དང་ལྷན་དུ་རྒྱ་གར་ནང་མཇལ་འཕྲད་གནང་འདོད་ཡོད་སྐོར་གྱི་གནས་ཚུལ་གང་འཚམ་ཞིག་གོ་ཐོས་བྱུང་ཡང་། ཕྱོགས་གཉིས་དབར་གྱི་མཇལ་འཕྲད་དེ་མོས་མཐུན་བྱུང་ཡོད་མེད་དང་དེར་རྒྱ་གར་གཞུང་ནས་ཐེ་བྱུས་གནང་ཡོད་མེད་ཀྱི་ཐད་ལ་ཤེས་རྟོགས་གང་ཡང་མ་བྱུང་ཞེས་གསུངས་པ་དང་ཆབས་ཅིག གལ་སྲིད་རྒྱ་གར་གཞུང་ནས་སྐབས་དེའི་མཇལ་འཕྲད་ལ་དགག་པ་གནང་བའི་དབང་དུ་བཏང་ཚེ་རྒྱ་གར་གཞུང་གིས་དགོས་པ་རྒྱུ་མཚན་ཞིག་ལ་གཟིགས་ནས་༸གོང་ས་མཆོག་དང་ཞི་ཅིན་ཕིང་རྣམ་གཉིས་ཀྱི་མཇལ་འཕྲད་ལ་དགག་པ་གནང་ཡོད་སྲིད་པ་རེད་ཅེས་གསུངས་ཡོད་པ་དང་། རྒྱ་ནག་ཕྱི་སྲིད་ལས་ཁུངས་ནས་དབུ་ཁྲིད་རྣམ་གཉིས་ཀྱི་མཇལ་འཕྲད་གནང་རྒྱུའི་སྐོར་གྱི་གནས་ཚུལ་དེ་ནི་གཞི་རྩ་མེད་པ་ཞིག་རེད་ཅེས་ལན་འདེབས་བྱས་ཡོད།དེ་རིང་རླུང་འཕྲིན་ཁང་ནས་༸དཔལ་ལྡན་དགའ་ལྡན་ཕོ་བྲང་གི་དྲུང་ཆེ་འཆི་མེད་རིག་འཛིན་ལགས་སུ་ཞལ་པར་བརྒྱུད་འབྲེལ་བ་ཞུས་པར་བཅར་འདྲི་དང་བཞེས་གནང་མེད་ཀྱང་། ཕྱི་ཚེས་ ༢༠ ཉིན་ Sonia Singh ལགས་ཀྱི་དཔེ་དེབ་ལས་ཁྲོད་པའི་གནས་ཚུལ་ལ་བསལ་བཤད་གནང་བའི་ཕྱག་ཡིག་ཞིག་གསར་ཁང་ལ་གནང་སོན་བྱུང་སོང་། གསལ་བཤད་ཀྱི་ཕྱག་ཡིག་ནང་ཕྱི་ལོ་ ༢༠༡༤ ལོར་རྒྱ་ནག་གི་སྲིད་འཛིན་ཞི་ཅིན་ཕིང་རྒྱ་གར་དུ་གཞུང་འབྲེལ་འཚམས་གཟིགས་ཕེབས་སྐབས་༸གོང་ས་༸སྐྱབས་མགོན་ཆེན་པོ་མཆོག་གིས་སྲིད་འཛིན་ཞི་ཅིན་ཕིང་དང་མཇལ་འཕྲད་མཛད་རྒྱུའི་ཞུ་སྐུལ་གནང་ཡོད་ཀྱང་། རྒྱ་ནག་ཕྱོགས་ནས་དེར་ཡ་ལན་གང་ཡང་གནང་མེད་སྟབས་དབུ་ཁྲིད་རྣམ་གཉིས་ཀྱི་མཇལ་འཕྲད་དེ་རྒྱ་གར་གཞུང་གིས་དོགས་ཟོན་གནང་སྟབས་བྱུང་ཐུབ་མེད་པ་རེད་ཅེས་གསུངས་པ་དེ་གཞི་རྩ་མེད་པ་ཞིག་རེད་ཅེས་བཀའ་ལན་བསྩལ་འདུག སྐབས་དེའི་ཞུ་སྐུལ་དེ་ཕྱི་ལོ་ ༡༩༩༡ ལོར་རྒྱ་ནག་གི་སྲིད་འཛིན་ Jiang Zemin སྐབས་སུ་རྒྱ་ནག་གི་སྲིད་བློན་ Li Peng རྒྱ་གར་ལ་འཚམས་གཟིགས་ཕེབས་སྐབས་མཇལ་འཕྲད་གནང་རྒྱུའི་ཞུ་སྐུལ་གྱི་ཐུགས་རེ་གནང་བང་གཅིག་མཚུངས་ཡིན་ཞེས་བཀའ་ཕེབས་ཡོད་པ་རེད།

ཁ་སང་ཕྱི་ཟླ་ ༥ ཚེས་ ༢༡ ཉིན་ཨ་རི་ New York ནང་རྟེན་གཞི་བྱས་པའི་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་རྒྱ་ནག་གཞུང་གིས་བོད་ཀྱི་ནང་ཕྱི་ལོ་ ༢༠༠༨ གྱི་ས་བྱི་ཞི་རྒོལ་ཆེན་མོའི་གནད་དོན་དང་འབྲེལ་ནས་བོད་མི་འཛིན་བཟུང་བྱས་པའི་ཁ་མཆུ་ ༨༠ ཙམ་ཆེད་སྒྲིག་གནང་བའི་ཞིབ་འཇུག་སྙན་ཐོ་ཞིག་འདོན་སྤེལ་གནང་བ་དང་འབྲེལ། རྒྱ་ནག་གཞུང་གིས་ཕྱི་ལོ ༢༠༠༨ ནས་ད་བར་བོད་མི་འཛིན་བཟུང་བྱས་པ་རྣམས་འཕྲལ་དུ་གློད་བཀྲོལ་དགོས་པ་བརྗོད་འདུག ཞིབ་འཇུག་གི་སྙན་ཐོའི་ནང་རྒྱ་ནག་གཞུང་གིས་བོད་མི་བཙོན་འཇུག་བྱས་པའི་གང་ཟག་དེའི་ནང་མི་ལ་དྲག་གནོན་འདྲ་མིན་བརྒྱུད་ཐུག་འཕྲད་དང་འབྲེལ་བ་གནང་མི་ཆོག་པ་མ་ཟད། བཙོན་འཇུག་བྱས་པའི་མི་སྣ་དེའི་གནས་སྟངས་དང་གང་དུ་ཡོད་མེད་སོགས་ཀྱི་གནས་ཚུལ་སྤྲོད་ཀྱི་མེད་པ་དང་། བཙོན་ཁང་གི་ནང་བཟོད་གླགས་མེད་པའི་དྲག་པོའི་མནར་གཅོད་བཏང་རྐྱེན་འཕྲོད་བསྟེན་ལ་ཛ་དྲག་གྱི་དཀའ་ངལ་འཕྲད་ཀྱི་ཡོད་པ་སོགས་ད་བར་བོད་མི་ཆབ་སྲིད་བཙོན་པ་མང་དག་ཅིག་བཙོན་ཁང་ནས་ཛ་དྲག་འོག་སྨན་བཅོས་གནང་དགོས་པའི་གནད་དོན་ཡང་བྱུང་ཡོད་པར་འགྲེལ་བརྗོད་གནང་འདུགརྒྱ་གཞུང་གིས་འཛིན་བཟུང་བྱས་པའི་ཞི་བའི་ལས་འགུལ་སྤེལ་མཁན་བོད་མིའི་ཆབ་སྲིད་བཙོན་པ་རྣམས་འཕྲལ་དུ་གློད་བཀྲོལ་དགོས་པ་དང་ཁོང་རྣམས་ཀྱི་གནས་བབས་རྣམས་ཁ་གསལ་བཟོ་དགོས་པ་མ་ཟད། ནང་མི་དང་ཁྲིམས་རྩོད་པ། སྨན་པ་སོགས་དང་ལྷན་དུ་ཐུག་འཕྲད་དང་བསྟེན་གཏུག་གནང་འཇུག་དགོས་པར་བརྗོད་འདུག འགྲོ་བ་མིའི་ཐོབ་ཐང་ཚོགས་པའི་རྒྱ་ནག་ལྟ་ཞིབ་ཁང་གི་འགན་འཛིན་ Sophie Richardson ལགས་ཀྱིས་བོད་མི་ཚོས་གཞི་རྩའི་འགྲོ་བ་མིའི་ཐོབ་ཐང་སྲུང་སྐྱོབ་སླད་དུ་ཞི་བའི་ལས་འགུལ་ཆུང་ཚགས་ཤིག་སྤེལ་རྐྱེན་དུས་ཡུན་རིང་པོའི་རིང་ལ་བཙོན་འཇུག་ཁྲིམས་ཆད་མྱོང་དགོས་ཀྱི་ཡོད་སྟབས། རྒྱ་གཞུང་ནས་ཁྲིམས་འགལ་ཐོག་འཛིན་བཟུང་བྱས་པའི་ཆབ་སྲིད་བཙོན་པ་རྣམས་གློད་བཀྲོལ་གཏོང་དགོས་པ་མ་ཟད། ནག་ཉེས་ཡོད་མཁན་གྱི་མི་སྣ་ཚོར་ཁྲིམས་ཆད་གཏོང་དགོས་པ་སོགས་བརྗོད་འདུག  སྙན་ཐོའི་ནང་ད་དུང་འདི་ལོའི་ཕྱི་ཟླ་ ༣ པའི་ནང་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་སུ་རྒྱ་ནག་ནང་གི་འགྲོ་བ་མིའི་ཐོབ་ཐང་གི་སྐོར་ལ་དུས་བཀག་བསྐྱར་ཞིབ་ཚོགས་སྐབས་བོད་ནང་གི་གཞི་རྩའི་འགྲོ་བ་མིའི་ཐོབ་ཐང་དང་འབྲེལ་ནས་གྲངས་ཉུང་མི་རིགས་ཀྱི་ཆོས་དད་རང་དབང་དང་། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལ་བརྩི་བཀུར་ཞུ་དགོས་པ་སོགས་ཀྱི་གནད་དོན་བྱུང་ཡོད་ཀྱང་། རྒྱ་གཞུང་གིས་དུས་ད་ལྟའང་དེ་འབྲེལ་བརྩི་འཇོག་གང་ཡང་བྱས་མེད་སྟབས། རྒྱ་གཞུང་ནས་དེ་སྔ་རྒྱ་ནག་ནང་གི་འགྲོ་བ་མིའི་ཐོབ་ཐང་གི་དུས་བཀག་བསྐྱར་ཞིབ་ཀྱི་ཚོགས་ཆེན་སྐབས་ཁས་ལེན་ཞུས་པ་ལྟར་བོད་ནང་གི་དོགས་གཞི་ཅན་གྱི་གནད་དོན་ཁག་ལ་ཞིབ་འཇུག་མཐིལ་ཕྱིན་པ་གནང་སླད་རྒྱལ་ཚོགས་ཀྱི་ཁྱད་ལས་མི་སྣ་བོད་ནང་རང་དབང་ཐོག་ནས་འགྲུལ་སྐྱོད་དང་ཉམས་ཞིབ་གནང་འཇུག་དགོས་པར་བརྗོད་འདུག རྩ་བའི་རྒྱ་ནག་གཞུང་གིས་བོད་མི་འཛིན་བཟུང་བྱས་པའི་གནས་ཚུལ་ཕྱིར་གྱར་མི་ཡོང་བའི་སླད་དམ་དྲག་ཤུགས་ཆེར་བྱེད་བཞིན་པའི་ཁྲོད་འགྲོ་བ་མིའི་ཐོབ་ཐང་ལྟ་ཞིབ་ཚོགས་པའི་སྙན་ཐོ་ནང་གསལ་བར་གཞིགས་ཚེ་བོད་མི་སུ་རུང་ཞིག་གིས་དེ་འབྲེལ་གནད་དོན་ཕྱིར་གྱར་གནང་བ་ཤེས་རྟོགས་བྱུང་ཚེ་རྒྱ་ནག་གཞུང་གིས་བཙོན་འཇུག་ཁྲིམས་ཆད་ནན་པོ་བཏང་རྐྱེན་ཕྱི་ལོ ༢༠༠༨ ལོའི་ས་བྱི་ཞི་རྒོལ་ཆེན་མོ་དང་འབྲེལ་ནས་བོད་མི་གང་བྱུང་འཛིན་བཟུང་བྱས་པའི་གནད་དོན་ལ་ཞིབ་དཔྱད་གནང་དཀའ་བའི་གནས་སུ་གྱུར་ཡོད་པར་གསུངས་དང་ཆབས་ཅིག ཚོགས་པས་ད་རེས་འདོན་སྤེལ་གནང་བའི་སྙན་ཐོ་དེ་ནི་གཙོ་བོ་ས་གནས་མང་ཚོགས་ནས་རྒྱ་གཞུང་གི་འཇིགས་སྐུལ་ལ་ལྟོས་མེད་ཀྱིས་ཚོགས་པ་དེར་མཁོ་སྤྲོད་གནང་བའི་སྙན་ཐོར་གཞི་བཅོལ་བ་ཞིག་ཡིན་པ་རེད།

ཟླ་བ་འདིའི་ཚེས་ ༢༦ ཉིན་ཡོ་རོབ་རྒྱལ་ཁབ་བྷེལ་འཇམ་ནང་སྤྱི་མཐུན་སྲིད་གཞུང་དང་མངའ་ཁུལ་གྱི་འོས་བསྡུ་དང་བསྟུན་བྷེལ་འཇམ་རྒྱལ་ས་ Brussels ནང་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་ནས་ཆབ་སྲིད་ཚོགས་པ་བདུན་ལ་བོད་ཐོག་འཛིན་པའི་བཞེངས་ཕྱོགས་དང་འབྲེལ་འདྲི་རྩད་གནང་འདུག ཁ་སང་རྒྱལ་སྤྱིའི་བོད་དོན་ལས་འགུལ་ཁང་གི་དྲྭ་གནས་ཐོག་ Brussels ནང་ཡོད་པའི་རྒྱལ་སྤྱིའི་བོད་དོན་ལས་འགུལ་ཁང་ནས་ The Reformist Movement དང་།   The Socialist Party Differently དེ་བཞིན་  New Flemish Alliance སོགས་ཀྱིས་གཙོས་པའི་བྷལེ་འཇམ་གྱི་ཆབ་སྲིད་ཚོགས་པ་བདུན་ལ་ཡིག་ཐོག་ནས་༸གོང་ས་མཆོག་གི་༸སྐུའི་ཡང་སྲིད་ངོས་འཛིན་གནང་ཕྱོགས་སྐོར་དང་། བོད་ཀྱི་ཁོར་ཡུག་སྐོར།  བོད་ཀྱི་འགྲོ་བ་མིའི་ཐོབ་ཐང་། བོད་དོན་གནད་དོན་གླེང་རྒྱུ། བོད་ནང་རྒྱལ་སྤྱིའི་གསར་འགོད་པ་དང་སྲིད་དོན་པ་སོགས་རང་དབང་གི་སྒོ་ནས་འགྲུལ་སྐྱོད་ཆོག་པའི་གནད་དོན་སོགས་ཀྱི་ཐད་བཞེངས་ཕྱོགས་གང་ཡིན་པར་འདྲི་རྩད་གནང་འདུགརྒྱལ་སྤྱིའི་བོད་དོན་ལས་འགུལ་ཁང་ནས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་ངོས་འཛིན་ཞུ་ཕྱོགས་ཐད་འདྲི་རྩད་གནང་བར་ཆབ་སྲིད་ཚོགས་པ་དེ་དག་གིས་༸གོང་ས་མཆོག་གི་༸སྐུའི་ཡང་སྲིད་ཐག་གཅོད་དེ་བོད་མིར་ཡོད་པ་བརྗོད་པ་ལྟར། རྒྱ་གཞུང་ནས་བོད་མིའི་རིག་གཞུང་དང་ཆོས་ཕྱོགས་ཀྱི་རྒྱུན་སྲོལ་དེར་གུས་བརྩི་བྱེད་དགོས་པ་དང་ཆོས་ཕྱོགས་ཀྱི་གནང་སྒོར་ཆབ་སྲིད་ཀྱི་ཐེ་བྱུས་བྱེད་རྒྱུ་མེད་པར་གསུངས་འདུག དེ་བཞིན་ཆབ་སྲིད་ཚོགས་པ་རྣམས་ཀྱིས་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་འབྲེལ་ནས་རྒྱ་ནག་གཞུང་གིས་དབང་ཤུགས་དྲག་པོའི་འོག་བོད་ནང་གི་བོད་མིའི་རིག་གཞུང་དང་གཞི་རྩའི་འགྲོ་བ་མི་འི་ཐོབ་ཐང་ལ་དམ་དྲག་ཆེས་ཆེར་བྱེད་བཞིན་པར་ཐུགས་འཚབ་དང་། བོད་མི་གཙོས་ཡུ་གུར་བ་རྣམས་རང་རང་སོ་སོའི་རྒྱལ་ཁབ་ནང་གྲངས་ཉུང་མི་རིགས་ལྟ་བུར་གྱུར་བར་བརྟེན།  རྒྱ་གཞུང་ནས་ཡུལ་མི་དེ་དག་གི་རིག་གཞུང་དང་ཆོས་ལུགས་རྩ་མེད་བཟོས་པའི་སྲིད་བྱུས་ལ་སྐྱོན་བརྗོད་ཤུགས་ཆེ་ཡོད་པ་གསུངས་འདུག བོད་ཀྱི་གནད་དོན་དེ་རྒྱ་ནག་གཞུང་དང་ལྷན་དུ་རྒྱལ་ཁབ་ཕྱོགས་གཉིས་ཀྱི་གྲོས་གཞི་བརྗེ་ལེན་གྱི་དོན་ཚན་ནང་འཇོག་རྒྱུ་དང་། ལྷག་པར་དུ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་དང་རྒྱལ་སྤྱིའི་སྡིངས་ཆ་གཞན་ཁག་ནང་གོ་སྐབས་ནམ་བྱུང་ལ་བོད་དོན་གླེང་སློང་གནང་རྒྱུ་ཁས་ལེན་གནང་འདུག ཆབ་སྲིད་ཚོགས་པ་དེ་དག་ནས་བོད་ཀྱི་ཁོར་ཡུག་དང་འབྲེལ་ནས་གོ་ལའི་ཚ་དྲོད་དང་གནམ་གཤིས་འགྱུར་ལྡོག་གི་དབང་གིས་བོད་མཐོ་སྒང་གི་འཁྱགས་རོམ་གཞུར་ཚད་ཇེ་མགྱོགས་སུ་འགྲོ་བཞིན་པར་ཐུགས་འཚབ་ཀྱི་རྣམ་པ་བསྟན་པ་དང་སྦྲགས། རྒྱ་ནག་གི་བོད་ནང་འཛུགས་སྐྲུན་གསར་རྒྱག་བྱས་པ་དེ་དག་ཁྲོད་བོད་མི་ནས་ངེས་པར་དུ་མཉམ་ཞུགས་བྱེད་འཇུག་དགོས་པ་དང་། གལ་ཏེ་དེ་ལྟར་གནང་བ་ཡིན་ན་བོད་ཀྱི་ཁོར་ཡུག་སྲུང་སྐྱོབ་གནང་བར་ཐུགས་ཕན་གསོས་ངེས་ཡིན་པར་གསུངས་འདུག འདས་ལོར་ཨ་རིའི་གཞུང་གིས་བོད་ནང་འདྲ་མཉམ་གྱི་འགྲུལ་སྐྱོད་སླད་ཁྲིམས་གཞི་གཏན་འབེབས་གནང་བ་དང་འབྲེལ་འདྲི་རྩད་གནང་བར་ཚོགས་པ་དེ་དག་གིས་ང་ཚོས་འཆར་གཞི་ལྡན་པའི་སྒོ་ནས་གཞུང་གི་མི་སྣའི་གཙོས་པའི་གསར་འགོད་པ་དང་། ཡོ་རོབ་མི་སེར་རྣམས་བོད་ཀྱི་མངའ་ཁུལ་ཁག་ཏུ་སྐྱོད་ཆོག་པའི་ཐད་ཞུ་གཏུག་གནང་རྒྱུ་ཡིན་པ་མ་ཟད་དེ་འབྲེལ་གྲོས་གཞིར་རྒྱབ་སྐྱོར་གནང་རྒྱུ་ཡིན་ཞེས་གསུངས་འདུག

ཉན་པ།: Listen ཕབ་ལེན། Download ༸གོང་ས་མཆོག་ནས་ཕྱི་ཟླ་ ༦ ཚེས་ ༣ ཉིན་ནང་ཆོས་ངོ་སྤྲོད་བསྩལ་གཏན་ཁེལ་འདུག བལ་ཡུལ་ནང་རིས་མེད་དགོན་སྡེ་ཁག་གིས་༸སྐུ་ཕྱཱའི་ཞབས་རིམ་གསོག་སྒྲུབ། བཞུགས་སྒར་དུ་ས་གནས་འགོ་འཛིན་གྱི་དངོས་གཞི་འོས་བསྡུ་གནང་བ། ཤྲི་ལངྐར་རྒྱ་ནག་གི་གསང་བའི་ལས་དོན་རྒྱ་སྐྱེད་འགྲོ་བཞིན་པ། གླུ་གཞས་ལས་རིམ། ཚེ་དཔག་བཀྲིས་ཀྱི་གླུ་གཞས་ཕ་མ་བཟང་པོ། Tuesday 21/05/2019 Dalai Lama to confer teaching to Tibetan Youth on June 3 Various monasteries in Nepal hold long life prayer for Dalai Lama Dharamsala Tibetans vote for next Settlement Officer Chinese intelligence agencies operating in Sri Lanka MUSIC FEATURE: ‘Phama Sangpo’ Tsepak Tashi

འདི་ལོ་ནི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་དགུང་ཀེག་ཁེལ་ཡོད་སྟབས་འཛམ་གླིང་ཡུལ་གྲུ་གང་སར་གནས་པའི་བོད་མི་ཡོངས་ཀྱིས་མ་གྲོས་བསམ་པ་གཅིག་མཐུན་ཐོག་མགོན་པོ་༸གང་ཉིད་མཆོག་གི་༸སྐུའི་འཕྲོད་བཞེས་དང་དགུང་ཀེག་གི་མཚན་མ་ཐམས་ཅད་ཞི་ནས་བསྟན་པ་དང་འགྲོ་བའི་དོན་དུ་༸སྐུ་ཚེ་ཡུན་དུ་བརྟན་ཕྱིར་ཞབས་རིམ་རྒྱ་ཆེ་གསོག་སྒྲུབ་གནང་དང་གནང་བཞིན་ཡོད་པ་ལྟར། བལ་ཡུལ་ཀོ་པན་དགོན་པས་གཙོ་འགན་བཞེས་ཐོག་བལ་ཡུལ་དུ་ཡོད་པའི་རིས་མེད་དགོན་སྡེ་ཁག་གི་ངོས་ནས་ཀྱང་ཁ་སང་ཕྱི་ཟླ་ ༥ ཚེས་ ༢༠ ཉིན་བལ་ཡུལ་ཀོ་པན་བཙུན་མའི་དགོན་པར་གུ་རུའི་འབུམ་ཚོགས་ཀྱི་སྒོ་ནས་དམིགས་བསལ་ཞབས་རིམ་རྒྱ་ཆེ་གསོག་སྒྲུབ་གནང་འདུག དེའང་ཀོ་པན་དགོན་པའི་བླ་མ་བཟོད་པ་རིན་པོ་ཆེ་མཆོག་གིས་བཀའ་འབྲེལ་ལྟར་ཛ་དྲག་ངང་ཚོགས་ཡོད་པ་རེད་འདུག༸གོང་ས་མཆོག་གི་༸སྐུ་ཕྱཱའི་ཞབས་རིམ་དེའི་ཐད་བལ་ཡུལ་དགེ་ལུགས་དགོན་ཁག་བཅུ་དང་རྙིང་མའི་དགོན་པ་ཞེ་ཆེན་བསྟན་གཉིས་དར་རྒྱས་གླིང་དགོན་པ། འཇམ་མགོན་ཀོང་སྤྲུལ་བཀའ་བརྒྱུད་དགོན་པ་བཅས་ཀྱི་སྐུ་ཚབ་དང་དགེ་འདུན་པ་ཐོུང་ནས་ཞབས་རིམ་སྒྲུབ་གནང་ཡོད་པ་མ་ཟད། ཞབས་རིམ་གསོག་སྒྲུབ་དེའི་སྐབས་སུ་གྲྭ་བཙུན་ཞལ་གྲངས་ ༨༠༠ ལྷག་ནས་མཉམ་ཞུགས་གནང་འདུགདེ་དང་ཕྱོགས་མཚུངས་བླ་མ་བཟོད་པ་རིན་པོ་ཆེ་མཆོག་གིས་གུ་རུ་རིན་པོ་ཆེའི་གོས་སྐུ་ཆེན་པོ་ཞིག་གསར་བཞེངས་དང་འབྲེལ་ཀོ་པན་གྲྭ་བཙུན་ཐོུང་ནས་ལོ་ལྟར་ཀོ་པན་བཙུན་དགོན་དུ་བོད་བསྟན་སྲིད་དང་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་ཕྱཱའི་ཞབས་རིམ་ཆེད་དུ་གུ་རུའི་འབུམ་ཚོགས་ཤིག་ལོ་ལྟར་ཚོགས་སྲོལ་ཡོད་པ་དང་ད་བར་ལོ་ངོ་གསུམ་ཙམ་སོང་ཡོད་པ་རེད། བལ་ཡུལ་དོན་གཅོད་ལས་ཁུངས་ནས་འགན་ཁུར་འོག་ལོ་ལྟར་བལ་ཡུལ་ཞེ་ཆེན་དགོན་པའི་ནང་ཆོས་བརྒྱུད་རིས་མེད་ཀྱི་དགེ་འདུན་པ་དང་མང་ཚོགས་བཅས་སྟོང་ཕྲག་བརྒལ་བ་མཉམ་ཞུགས་ཀྱིས་དུས་ཡུན་བདུན་ཕྲག་གཅིག་ཙམ་གྱི་རིང་བོད་བསྟན་སྲིད་དང་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་རིས་མེད་བླ་ཆེན་རྣམས་ཀྱི་༸སྐུ་ཚེ་མཛད་འཕྲིན་ཕྱིར་དུ་གུ་རུའི་འབུམ་ཚོགས་ཤིག་ཀྱང་བོད་ཟླ་ལྔ་པའི་ནང་ཚོགས་སྲོལ་ཡོད་པ་རེད།

ཉན་པ།: Listen ཕབ་ལེན། Download ཝི་ཏི་ནམ་དད་ལྡན་ ༡༣༠ ལྷག་ལ་ནང་ཆོས་དང་འགྲོ་བ་མིའི་རིན་ཐང་སྐོར་ལ་བཀའ་སློབ་བསྩལ་བ། ༸གོང་ས་མཆོག་གིས་ཨོ་གླིང་གི་སྲིད་བློན་སྐུ་ཞབས་ Scott Morrison མཆོག་ལ་འཚམས་འཕྲིན་བསྩལ་བ། རྒྱ་གར་གཞུང་གིས་དགོས་པ་རྒྱུ་མཚན་ཞིག་ལ་གཟིགས་ནས་༸གོང་ས་མཆོག་དང་ཞི་ཅིན་ཕིང་རྣམ་གཉིས་ཀྱི་མཇལ་འཕྲད་ལ་དགག་པ་གནང་ཡོད་སྲིད་པ་རེད། སུད་ཌེན་ནང་འཚོགས་གཏན་ཁེལ་བའི་རྒྱལ་ཚོགས་ཀྱི་ལས་རིམ་ཞིག་ཕྱིར་འཐེན། ལྡི་ལི་དོན་གཅོད་བཀའ་ཟུར་འབྲོང་ཆུང་དངོས་གྲུབ་ལགས་ལ་སུད་སི་མདོ་སྨད་ཆོལ་ཁའི་བཀའ་དྲིན་རྗེས་དྲན་གྱི་གཟེངས་རྟགས་ཕུལ་བ། འཛུལ་ཞུགས་བ་མེད་རྐྱེན་འདི་ལོའི་བོད་ཀྱི་མཛངས་མ་འགྲན་བསྡུར་གནང་དཀའ་བ། ཨ་རིའི་གཞུང་ཚབ་པ་བོད་དུ་ཕེབས་པ་ནི་བོད་དོན་གླེང་རྒྱུའི་གོ་སྐབས་ཤིག་ཡིན། Monday 20/05/2019 Dalai Lama meets Vietnamese group, gives speech on Buddhism and Human values Dalai Lama and CTA congratulates Australian PM on his party’s win in election Delhi would have had reason to object to Xi Dalai meeting says former Intelligence officer Swedish UN conference canceled due to criticism from China No Miss Tibet Pageant 2019, no applicant says organizer US Ambassador Tibet visit, a chance to raise longstanding rights concerns in Tibet Swiss Domed Association honors Dongchung Ngodup with 3rd Gratitude Award

ཉེ་ཆར་ཟླ་ ༥ ཚེས་ ༡༥ ཉིན་རྒྱ་གར་གྱི་ NDTV གསར་ཁང་གི་དྲྭ་གནས་ཐོག་གསར་ཁང་གི་རྩོམ་སྒྲིག་འགན་འཛིན་ Sonia Singh ལགས་ཀྱིས་རྩོམ་བྲིས་གནང་བའི་དཔེ་དེབ་གསར་པ་ Defining India: Through Their Eyes ཞེས་པ་ལས་ཟུར་འདོན་གྱིས་གནས་ཚུལ་སྤེལ་བའི་ནང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསར་འགོད་པ་ Sonia Singh ལགས་ཀྱི་བཅར་འདྲིའི་ལས་རིམ་ཞིག་གི་ཐོག་རྒྱ་གར་གྱི་སྲིད་བློན་རྣམ་པ། རྒྱ་དཀར་ནག་གཉིས་དབར་གྱི་འབྲེལ་ལམ་དང་དེའི་བར་གྱི་བོད་བཅས་ཀྱི་ཐོག་བཀའ་ལན་མཛད་པའི་ཁྲོད་དུ་ཕྱི་ལོ་ ༢༠༡༤ ལོར་རྒྱ་ནག་གི་སྲིད་འཛིན་ཞི་ཅིན་ཕིང་རྒྱ་གར་དུ་གཞུང་འབྲེལ་འཚམས་གཟིགས་ཕེབས་སྐབས་སྲིད་འཛིན་ཞི་ཅིན་ཕིང་གིས་༸གོང་ས་༸སྐྱབས་མགོན་ཆེན་པོ་མཆོག་དང་ལྷན་དུ་རྒྱ་གར་ནང་མཇལ་འཕྲད་ཞུ་རྒྱུར་མོས་མཐུན་གནང་ཡོད་ཀྱང་། རྒྱ་གར་གཞུང་གིས་དེར་དོགས་ཟོན་གནང་སྟབས་ཕྱོགས་གཉིས་དབར་གྱི་མཇལ་འཕྲད་གནང་ཐུབ་མེད་ཅེས་བཀའ་ལན་བསྩལ་སྐོར་བཀོད་ཡོད་པ་རེད། གནས་ཚུལ་དེ་དང་འབྲེལ་ཁ་སང་རྒྱལ་སྤྱིའི་གསར་ཁང་ཆེ་གྲས་ The Guardian ཞེས་པའི་དྲྭ་གནས་ཐོག་གསར་ཁང་གི་ལྷོ་ཨེ་ཤ་ཡ་མངའ་ཁུལ་གྱི་གསར་འགོད་པ་ Michael Safi ལགས་དང་རྒྱ་ནག་སྡེ་ཚན་གྱི་གསར་འགོད་པ་ Lily Kuo ལགས་གཉིས་ཀྱིས་ཕྱོགས་སྒྲིག་ཞུས་པའི་གནས་ཚུལ་ནང་ཕྱི་ལོ་ ༢༠༡༤ ལོར་རྒྱ་གར་དབུས་གཞུང་ལ་བོད་ཀྱི་གནད་དོན་ཐོག་སློབ་སྟོན་ཞུ་མཁན་རྒྱ་གར་གསང་བའི་ལས་ཁུངས་ཀྱི་ལས་བྱེད་ཟུར་པ་སྐུ་ཞབས་ Amitabh Mathur ལགས་ནས་སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་ནག་གི་སྲིད་འཛིན་ཞི་ཅིན་ཕིང་དང་ལྷན་དུ་རྒྱ་གར་ནང་མཇལ་འཕྲད་གནང་འདོད་ཡོད་སྐོར་གྱི་གནས་ཚུལ་གང་འཚམ་ཞིག་གོ་ཐོས་བྱུང་ཡང་། ཕྱོགས་གཉིས་དབར་གྱི་མཇལ་འཕྲད་དེ་མོས་མཐུན་བྱུང་ཡོད་མེད་དང་དེར་རྒྱ་གར་གཞུང་ནས་ཐེ་བྱུས་གནང་ཡོད་མེད་ཀྱི་ཐད་ལ་ཤེས་རྟོགས་གང་ཡང་མ་བྱུང་ཞེས་གསུངས་པ་དང་ཆབས་ཅིག གལ་སྲིད་རྒྱ་གར་གཞུང་ནས་སྐབས་དེའི་མཇལ་འཕྲད་ལ་དགག་པ་གནང་བའི་དབང་དུ་བཏང་ཚེ་རྒྱ་གར་གཞུང་གིས་དགོས་པ་རྒྱུ་མཚན་ཞིག་ལ་གཟིགས་ནས་༸གོང་ས་མཆོག་དང་ཞི་ཅིན་ཕིང་རྣམ་གཉིས་ཀྱི་མཇལ་འཕྲད་ལ་དགག་པ་གནང་ཡོད་སྲིད་པ་རེད་ཅེས་གསུངས་འདུག ཁོང་གིས་ད་དུང་ཕྱི་ལོ་ ༢༠༡༤ ལོར་སྲིད་བློན་ Narendra Modi མཆོག་གིས་དབུ་ཁྲིད་པའི་རྒྱ་གར་གཞུང་དེ་ཡང་གཞུང་འཛིན་གསར་པ་ཞིག་ཡིན་པ་མ་ཟད། སྲིད་འཛིན་ཞི་ཅིན་ཕིང་ཡང་རྒྱ་གར་ནང་ལ་གཞུང་འབྲེལ་འཚམས་གཟིགས་ཐེངས་དང་པོ་ཕེབས་ཀྱི་ཡོད་སྟབས། རྒྱ་དཀར་ནག་གཉིས་ཀྱི་འབྲེལ་བ་ལ་དོ་ཕོག་མི་འགྲོ་བའི་སླད་དུ་རྒྱ་གར་གྱིས་དགག་པ་གནང་བ་ཞིག་ཡིན་སྲིད་པ་དང་། སྐབས་དེར་རྒྱ་ནག་ཕྱོགས་ནས་༸གོང་ས་མཆོག་དང་མཇལ་འཕྲད་གནང་རྒྱུར་མོས་མཐུན་གནང་བ་དེ་ནི་རྒྱ་ནག་གི་སྔོན་ཚུད་ནས་རྒྱ་གར་གཞུང་ནས་མཇལ་འཕྲད་དེར་དགག་པ་གནང་རྒྱུ་ཡིན་པ་ཤེས་པའི་ཐོག་ནས་མོས་མཐུན་གནང་བ་ཞིག་ཡིན་པ་མ་ཟད། ལྷག་པར་དུ་རྒྱ་ནག་རང་ཉིད་ཀྱི་ཁེ་ཕན་བསྒྲུབ་ཐབས་སུ་རྒྱ་གར་གཞུང་དང་བོད་མིའི་དབུ་ཁྲིད་དབར་གྱི་འབྲེལ་བ་ལ་དོ་ཕོག་གཏོང་རྒྱུར་དམིགས་ཡོད་སྲིད་པ་རེད་ཅེས་ཀྱང་གསུངས་འདུག དེ་བཞིན་ཨ་རིའི་ Columbia གཙུག་ལག་སློབ་གཉེར་ཁང་གི་བོད་གནས་མཁས་དབང་སྐུ་ཞབས་ Robbie Barnett ལགས་ནས་སྤྱི་ཡོངས་ནས་རྒྱ་ནག་གྱི་མགོ་འཁྲིད་ཁྲོད་ལ་༸གོང་ས་མཆོག་དང་མཇལ་འཕྲད་གནང་འདོད་ཀྱི་རྣམ་པ་དང་བཀའ་མོལ་གང་ཡང་མཐོང་ཐོས་མ་བྱུང་ཡང་། གལ་སྲིད་གསར་འགོད་པ་ Sonia Singh ལགས་ཀྱིས་ལུང་འདྲེན་གནང་བའི་བཀའ་མོལ་དེ་ངོ་མ་ཡིན་ཚེ་བོད་རྒྱའི་གནད་དོན་ཐད་ཀྱི་འགྱུར་བ་ཆེན་པོ་ཞིག་ཡིན་པ་དང་དེ་ཡང་གཙོ་བོ་ད་བར་རྒྱ་ནག་གཞུང་ནས་བོད་ཐོག་འཛིན་པའི་སྲིད་བྱུས་དང་། གོ་སྐབས་ནམ་བྱུང་ཐོག་༸གོང་ས་མཆོག་ལ་མཚན་དམད་ཞུ་བཞིན་པའི་ལས་དོན་བཅས་ལ་འགྱུར་བ་ངེས་ཅན་ཞིག་ཐེབས་རྒྱུ་རེད་ཅེས་གསུངས་འདུག༸གོང་ས་མཆོག་གིས་དབུ་ཁྲིད་རྣམ་གཉིས་དབར་གྱི་མཇལ་འཕྲད་སྐོར་གསུངས་པ་དེ་ནི་བོད་རྒྱའི་དབར་གྱི་འབྲེལ་མོལ་གྱི་བརྒྱུད་རིམ་ཆད་བཞིན་ཡོད་ཀྱང་རེ་བ་ཅིག་ད་ལྟའང་ཟད་མེད་པའི་རྣམ་པ་མངོན་གསལ་གནང་ཕྱིར་གསུངས་ཡོད་པ་ཞིག་ཡིན་སྲིད་པར་གསུངས་ཡོད།གཞི་རྩའི་རྒྱ་ནག་གི་སྲིད་འཛིན་དང་མཇལ་འཕྲད་གནང་རྒྱུའི་སྐོར་གྱི་གནས་ཚུལ་དེ་ནི་༸གོང་ས་༸སྐྱབས་མགོན་ཆེན་པོ་མཆོག་གིས་གསར་འགོད་པ་ Sonia Singh ལགས་ཀྱི་བཅར་འདྲིར་བཀའ་ལན་བསྩལ་བའི་ཆ་ཤས་ཤིག་ཞིག་ཡིན་པ་དང་། གནད་དོན་དེའི་ཐད་ད་ལྟའི་ཆར་༸དཔལ་ལྡན་དགའ་ལྡན་ཕོ་བྲང་ཡིག་ཚང་ནས་གསལ་བཤད་གང་ཡང་གནང་མེད་ཀྱང་། རྒྱ་ནག་ཕྱི་སྲིད་ལས་ཁུངས་ནས་ The Guardian གསར་ཁང་གི་བཅར་འདྲིར་ལན་འདེབས་བྱས་པར་དབུ་འཁྲིད་རྣམ་གཉིས་མཇལ་འཕྲད་གནང་རྒྱུའི་སྐོར་གྱི་གནས་ཚུལ་དེ་ནི་གཞི་རྩ་མེད་པའི་གནས་ཚུལ་ཞིག་རེད་ཅེས་ཁས་ལེན་གནང་མེད་པ་རེད། འོན་ཀྱང་གསར་འགོད་པ་ Sonia Singh ལགས་ཀྱིས་སྐབས་དེར་༸གོང་ས་མཆོག་གི་བཀའ་ལན་དེ་ལྟར་མཛད་ཡོད་པ་མ་ཟད། ད་རེས་ཁོང་གི་དཔེ་དེབ་ནང་བཀོད་པའི་བཀའ་ལན་གྱི་ཆ་ཤས་དེ་༸གོང་ས་མཆོག་གི་༸སྐུ་སྒེར་ཡིག་ཚང་ནས་བཀའ་ཁྲོལ་ཡོད་པའི་ཐོག་ནས་ཆེད་བཀོད་གནང་བ་ཞིག་ཡིན་ཞེས་གསུངས་འདུག དེ་བཞིན་དབུ་ཁྲིད་རྣམ་གཉིས་དབར་གྱི་མཇལ་འཕྲད་སྐོར་གྱི་གནས་ཚུལ་དང་འབྲེལ། འཇར་མན་གནས་ཞུགས་རྒྱ་ནག་གི་བོད་དང་ཤིན་ཅང་གཙོ་གྱུར་གྲངས་ཉུང་མི་རིགས་ཐོག་འཛིན་པའི་སྲིད་བྱུས་ལ་དཔྱད་ཞིབ་གནང་མཁན་སྐུ་ཞབས་ Adrian Zenz ལགས་ནས་སྲིད་འཛིན་ཞི་ཅིན་ཕིང་གིས་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་གནང་རྒྱུའི་མོས་མཐུན་གནང་ཡོད་ཚེ་དེ་ནི་གཙོ་བོ་རྒྱ་ནག་རང་ཉིད་ལ་༸གོང་ས་མཆོག་གི་མཚན་མཐོང་བརྒྱུད་རྒྱལ་སྤྱིའི་ཐོག་ལ་འཇམ་པོའི་སྟོབས་ཤུགས་ཐོབ་ཐབས་དང་། ལྷག་པར་དུ་ཕྱི་ལོ་ ༢༠༡༣ ལོའི་ལོ་མཇུག་ཙམ་དུ་སྲིད་འཛིན་ཞི་ཅིན་ཕིང་གིས་ཡོངས་བསྒྲགས་གནང་བའི་རྒྱུད་ཅིག་ལམ་གཅིག་གི་སྲིད་བྱུས་དེར་མང་ཚོགས་ནས་སེམས་གསོའི་རྒྱབ་སྐྱོར་ཐོབ་ཐབས་ཀྱི་དགེ་མཚན་སོགས་ལ་ཆེད་དམིགས་གནང་བ་ཞིག་རེད་ཅེས་གསུངས་འདུགསྔར་ལོ་རྒྱ་གར་གཞུང་གིས་བོད་མིའི་སྒྲིག་འཛུགས་ཀྱིས་རྒྱལ་ས་ལྡི་ལིར་གོ་སྒྲིག་ཞུས་པའི་རྒྱ་གར་གཞུང་མང་ལ་ཐུགས་རྗེ་ཆེ་ཞུའི་མཛད་སྒོའི་ཐོག་གཞུང་གྱི་གནད་ཡོད་མི་ན་མཉམ་ཞུགས་གནང་མི་ཆོག་པའི་བཀའ་རྒྱ་གནང་བ་སོགས་ལུང་འདྲེན་དང་འབྲེལ་ཏེ་སྤྱིར་རྒྱ་གར་གཞུང་ནས་༸གོང་ས་མཆོག་དང་བོད་མིར་བསྐྱབ་བཅོལ་གནང་ཡོད་ཀྱང་། བོད་ཀྱི་གནད་དོན་ཐོག་འཛེམ་ཟོན་མེད་པར་གསུང་ཕོད་མཁན་ཞིག་མིན་པ་མ་ཟད་བོད་དང་རྒྱ་ནག་གཉིས་ལས་རྒྱ་ནག་དེ་གནད་ཆེ་བར་འཛིན་མཁན་ཞིག་རེད་ཅེས་གསུངས་འདུག གཞི་རྩའི་གསར་འགོད་པ་ Sonia Singh ལགས་ཀྱིས་རྩོམ་བྲིས་གནང་བའི་དཔེ་དེབ་གསར་པ་ Defining India ཞེས་པའི་ནང་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྱི་སྲིད་བློན་ནེཧརུ་ནས་གཙོས་པའི་གཞུང་རིམ་པས་བོད་མིར་གཟིགས་རྟོག་གནང་སྐོར་བཀའ་ལན་མཛད་པ་སོགས་ཀྱང་བཀོད་ཡོད་པ་རེད།