Monthly Archives: August, 2019

ཉན་པ།: Listen ཕབ་ལེན། Download ཁ་མཆུ་ཨང་ ༢༠ ཐོག་ཞིབ་གཅོད་ཉན་ཞིབ་མཐའ་མ་ཚོགས་པ། སྤྱི་ཚོགས་འགན་སྲུང་གི་བྱང་བུ་བརྒྱུད་བོད་མིར་དམ་དྲག་སྔར་ལྷག་བྱ་འཆར། འབྲོག་རི་བོ་དགེ་ལྡན་པའི་བྱུང་བ་དང་ལྟ་སྒོམ་སྤྱོད་གསུམ་གྱི་བགྲོ་གླེང་། རྒྱ་གཞུང་གིས་དྲག་གནོན་བྱེད་རྐྱེན་ Rupert Hogg ལས་གནས་ནས་དགོངས་ཞུ། ལྔ་དང་ལྔ་བཅུའི་གཞོན་སྐྱེས་ཚོགས་འདུ་ཐེངས་གཉིས་པའི་གྲུབ་དོན། Thursday 22/08/2019 TSJC holds final hearing on case number 20 New ‘social security’ cards expand China’s control over Tibetans’ lives CIBS Ladakh hosts national seminar on history of Gelug Tradition Cathay Pacific Airlines CEO resigns after Chinese pressure over HK protests Interview with DIIR Secretary on the recently concluded 5/50 youth Forum

ཁ་སང་ཕྱི་ཟླ་ ༨ ཚེས་ ༢༡ ཉིན་ཆེས་མཐོའི་ཁྲིམས་ཞིབ་ཁང་དུ་བྱང་ཨ་རིའི་སྐུ་ཚབ་དོན་གཅོད་ཟུར་པ་ཚོགས་ཟུར་སྤེན་པ་ཚེ་རིང་ལགས་ཀྱིས་སྲིད་སྐྱོང་བློ་བཟང་སེང་གེ་མཆོག་གི་བརྒྱུད་འཛིན་སྐྱོང་བཀའ་ཤག་གིས་ཁོང་ལ་མ་ཉེས་ཁག་གཡོག་གནང་བའི་ཁ་མཆུ་ཨང་ ༢༠ ཐོག་དངོས་དོན་གྱི་གནད་དོན་བརྒྱད་པ། ཞུ་སྦྱོར་བའི་ཞུ་རྩ་ ༤་༢ ནང་བོད་མིའི་སྒྲིག་འཛུགས་ཀྱི་སྐུ་ཚབ་དོན་གཅོད་འདོད་བློ་ཁེངས་པ་ཞིག་གནང་ཐུབ་མེད་པ་མ་ཟད་ཨ་རིའི་དོན་གཅོད་སྤེན་པ་ཚེ་རིང་ལགས་ཀྱིས་བཀའ་ཤག་གི་ཐུགས་རེ་བཞིན་ལས་དོན་བསྒྲུབ་མ་ཐུབ་པ་དང་། ཡིད་ཆེས་བློས་འགེལ་མི་ཐུབ་པ། དེ་བཞིན་འཛིན་སྐྱོང་བྱ་སྤུ་གནོན་གྱི་གོ་རིམ་ལ་ལྟོས་མེད་གནང་བ་བཅས་ཀྱི་གནད་དོན་ཐོག་གྱོད་ཡ་ཕྱོགས་གཉིས་ནས་ཁུངས་སྐྱེལ་དང་གསལ་བཤད་ཀྱི་རྩོད་བཤད་གནང་ཐོག་ཞིབ་གཅོད་ཉན་ཞིབ་མཐའ་མ་ཚོགས་སོང་། ཁ་སང་སྔ་དྲོ་ཚོུད་ ༡༠ ཐོག་དབུ་འཛུགས་ཀྱིས་ཕྱི་དྲོ་ཚོུད་ ༧༌༣༠ བར་ཉིན་འཁྱོངས་རིང་ཉན་ཞིབ་མཐའ་མའི་ཐོག་གྱོད་ཡ་ཕྱོགས་གཉིས་ཀའི་ངོས་ནས་དངོས་དོན་གྱི་གནད་དོན་མཐའ་མའམ་བརྒྱད་པའི་དོན་ཚན་ཀ་པའི་ནང་གསལ་བཞིན་ཞུ་སྦྱོར་བ་བཀའ་ཤག་ནས་མུ་མཐུད་ཡིད་ཆེས་བློས་འགེལ་མི་ཐུབ་པ་དང་། བཀའ་ཤག་གི་ཐུགས་རེ་ལྟར་ལས་དོན་བསྒྲུབ་མ་ཐུབ་པ། འཛིན་སྐྱོང་བྱ་སྤུ་གནོན་གྱི་གོ་རིམ་ལ་ལྟོས་མེད་གནང་བ་བཅས་ཇི་ལྟར་གནང་མིན་ཐད་རྩོད་ལན་པས་ཁུངས་སྐྱེལ་དང་ཞུ་སྦྱོར་བའི་རྩོད་བཤད། དེ་བཞིན་དངོས་དོན་བརྒྱད་པའི་ནང་གསེས་ཁ་པ་སྟེ་བཛིན་སྐྱོང་བཀའ་ཤག་གིས་ཞུ་སྦྱོར་བའི་ལྷག་བསམ་དང་། འཇོན་ཐང་། བཟང་སྤྱོད་བཅས་པར་སྤྱི་ཡོངས་ནས་དམའ་འབེབས་བྱེད་ཐབས་ལ་དམིགས་པ་ཞིག་ཡིན་པ་ཞེས་པར་ཇི་ལྟར་ཡིན་སྐོར་ཞུ་སྦྱོར་བས་ཁུངས་སྐྱེལ་དང་རྩོད་ལན་པས་རྩོད་བཤད་གནང་ཡོད་པ་དང་། གྱོད་ཡ་ཕྱོགས་གཉིས་ཀའི་ངོས་ནས་ཁ་མཆུ་འདིའི་ནང་གཏན་འབེབས་བྱུང་བའི་དངོས་དོན་གྱི་གནད་དོན་ ༧ པ་བར་གནད་དོན་རེ་རེའི་ཐོག་ད་བར་ཕུལ་བའི་ཞུ་རྩ་དང་ཞུ་ལན། དེ་བཞིན་རྩོད་བཤད་དང་ཁུངས་སྐྱེལ་གནང་ཁག་ལུང་འདྲེན་གྱིས་ཕྱོགས་སོ་སོའི་གནད་དོན་ཁུངས་སྐྱེལ་གནང་བའི་བྱ་རིམ་ཐོག་ཕེབས་ཡོད་པ་རེད། ཉིན་རྒྱབ་ཏུ་ཁྲིམས་ཞིབ་པ་ཆེ་བ་བཀའ་བརྒྱུད་དོན་གྲུབ་མཆོག་གིས་ཁ་མཆུ་ཨང་ ༢༠ ཐོག་ཞིབ་གཅོད་ཉན་ཞིབ་ཡོངས་རྫོགས་མཇུག་སྒྲིལ་ཟིན་པའི་གསལ་བསྒྲགས་བསྐྱངས་ཡོད་པ་དང་འབྲེལ། བཙན་བྱོལ་བོད་མིའི་ཁྲིམས་ཞིབ་ཁང་གི་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་དོན་ཚན་ ༤༨ པའི་ནང་གསེས་ཀ་པ་དང་ཁ་པ་དེ་བཞིན་ག་པ་བཅས་གཞིར་བཞག་གྱོད་ཡ་ཕྱོགས་གཉིས་ཀར་དཔང་རྟགས་འདོན་འབུལ་མཐའ་བསྡོམས་ཀྱི་རྩོད་བཤད་གནང་རྒྱུའི་གོ་སྐབས་རེ་རེ་གནང་ཐོག་གྱོད་ཡ་ཕྱོགས་གཉིས་ཀྱི་ཁྲིམས་རྩོད་པའི་ངོས་ནས་ཁ་མཆུ་དེའི་དངོས་དོན་བརྒྱད་དང་ཁྲིམས་དོན་གཉིས་བཅས་སོ་སོའི་ཐོག་དཔང་རྟགས་ཕུལ་བ་དང་། ཁུངས་སྐྱེལ་ཇི་ལྟར་གནང་ཡོད་མིན་སྐོར་གསུངས་པ་དང་འབྲེལ། གྱོད་ཡ་ཕྱོགས་གཉིས་ཀའི་དགོས་འདུན་ཁག་སྒྲོག་ལྗངས་གནང་བའི་ནང་ཞུ་སྦྱོར་བས་ཆེས་མཐོའི་ཁྲིམས་ཞིག་ཁང་ནས་དཔྱད་ཁྲ་གནང་བསྒྲུབས་རྗེས་འཛིན་སྐྱོང་བཀའ་ཤག་གི་ངོས་ནས་དཔྱད་ཁྲ་བཏང་རྗེས་གཞུང་འབྲེལ་མཛད་སྒོ་དང་པོའི་ཐོག་ཡོངས་བསྒྲགས་ཀྱིས་ཞུ་སྦྱོར་བར་དགོངས་གསོལ་ཞུ་དགོས་པ་དང་། དེ་སྔ་ཡིག་ངག་གཉིས་ཐོག་ནས་གསལ་བཤད་གནང་བ་བཞིན་ཡིག་ངག་གཉིས་ཐོག་ནས་སགོངས་གསོལ་ཞུས་དགོས་པ། དེ་བཞིན་ལས་གནས་བསྐྱར་གསོ་དང་གུན་གསབ་རིགས་མི་དགོས་ཀྱང་ཁྲིམས་རྩོད་པའི་འགྲོ་གྲོན་གནང་དགོས་པ་སོགས་དགོས་འདུན་འགོད་འབུལ་ཞུས་སོང་། འོན་ཀྱང་འཛིན་སྐྱོང་བཀའ་ཤག་གི་ངོས་ནས་དཔྱད་ཁྲ་བཏང་རྗེས་སྤྱི་ཚོགས་ནང་ལྷིང་འཇགས་དང་བོད་མི་ནང་ཁུལ་ཆིག་སྒྲིལ་བཅས་ལ་གཞིགས་ཏེ་དགོས་འདུན་གང་ཡང་མེད་ཅེས་གསུངས་སོང་། རྩ་བའི་འདི་ལོའི་ཕྱི་ཟླ་ ༦ ཚེས་ ༥ ནས་དབུ་འཛུགས་ཀྱིས་ཕྱི་ཟླ་ ༨ ཚེས་ ༢༡ བར་གནད་དོན་གསལ་བཟོའི་ཉན་ཞིབ་གཅིག་དང། གནད་དོན་གཏན་འབེབས་ཀྱི་ཉན་ཞིབ་གཉིས། དེ་བཞིན་ཞིབ་གཅོད་ཉན་ཞིབ་དགུ་བཅས་ཁྱོན་ཉིན་ ༡༢ རིང་ཉན་ཞིབ་ཚོགས་ཡོད་པ་དང་། ཁ་སང་ཉན་ཞིབ་མཐའ་མ་བསྒྲུབས་རྗེས་ཁྲིམས་ཞིབ་ཁང་ནས་ཉན་ཞིབ་རིམ་པའི་ཐོག་སྒྲ་འཇུག་གནང་བའི་འཁོར་ཐག་རྣམས་ཡིག་ཐོག་ཏུ་ཕབ་དགོས་པ་དང་། དེ་དག་ལ་བསྐྱར་ཞིབ་ཡང་གནང་དགོས་པར་བརྟེན་དུས་ཚོད་གང་ཙམ་ཞིག་འགོར་རྒྱུ་རེད་འདུག མཐར་ཁྲིམས་ཞིབ་ཁང་ནས་བརྡ་ཐོ་བཏང་བ་བརྒྱུད་ནས་དཔྱད་ཁྲའི་གསལ་བསྒྲགས་ཉན་ཞིབ་ཐོག་གྱོད་ཡ་དོ་བདག་གམ་འཐུས་མི། ཡང་ན་ཁྲིམས་རྩོད་པ་གང་རུང་ཕེབས་འཐུས་ཆོག་གི་འདུག

བཞུགས་སྒར་དྷ་རྨ་ས་ལའི་ཉེ་འདབས་སུ་རྟེན་གཞི་བྱས་པའི་དེཝ་དྷར་ Devdar གསོལ་མགྲོན་ཁང་དུ་ཟླ་བ་འདིའི་ཚེས་ ༡༦ ནས་ ༡༩ བར་མ་འོངས་བོད་ཀྱི་མདུན་ལམ་ཞེས་པའི་བརྗོད་གཞིའི་ཐོག་ལྔ་དང་ལྔ་བཅུའི་གཞོན་སྐྱེས་ཚོགས་འདུ་ཐེངས་གཉིས་པ་དེ་ཚོགས་ཡོད་པ་ལྟར། ཐེངས་འདིའི་ཚོགས་འདུའི་ཐོག་རྒྱ་བལ་འབྲུག་གསུམ་གཙོས་པའི་འཛམ་གླིང་ཡུལ་གྲུ་འདྲ་མིན་ ༡༣ ནས་ཕེབས་པའི་བོད་རིགས་གཞོན་སྐྱེས་ཚོགས་བཅར་བ་མི་གྲངས་ ༡༠༠ ལྷག་མཉམ་ཞུགས་གནང་ཡོད་པ་ཚོས་དབུས་བོད་མིའི་སྒྲིག་འཛུགས་ཀྱི་ངོས་ནས་གང་གནང་དགོས་པའི་ཐོག་དགོངས་འཆར་དང་གཞོན་སྐྱེས་དོ་བདག་ནས་གནང་ཐུབ་རྒྱུའི་དགོངས་འཆར་བཅས་ལྔ་དང་ལྔ་བཅུའི་ཐབས་བྱུས་ལྡན་པའི་ལག་བསྟར་ལས་འཆར་ཁག་གཅིག་ཕུལ་འདུག ལྔ་དང་ལྔ་བཅུའི་གཞོན་སྐྱེས་ཚོགས་འདུ་ཐེངས་གཉིས་པའི་སྤྱི་ཡོངས་དང་བོད་མིའི་སྒྲིག་འཛུགས་ལ་དགོངས་འཆར་གང་ཕུལ་ཡོད་མེད་ཐོག་བོད་མིའི་སྒྲིག་འཛུགས་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་ནུ་ལགས་སུ་བཅར་འདྲི་ཞུས་ཡོད།

རྒྱ་གར་བྱང་ཕྱོགས་ལ་དྭགས་ཁུལ་དུ་རྟེན་གཞི་བྱས་པའི་རྒྱ་གར་དབུས་གཞུང་ནང་པའི་རིག་གནས་གཙུག་ལག་སློབ་གཉེར་ཁང་གིས་གོ་སྒྲིག་འོག་པེ་ཐུབ་དགོན་པའི་གནས་བརྟན་ལྷ་ཁང་དུ་འབྲོག་རི་བོ་དགེ་ལྡན་པའི་བྱུང་བ་དང་ལྟ་སྒོམ་སྤྱོད་གསུམ་གྱི་ཐོག་བགྲོ་གླེང་ཞིག་འཚོགས་བཞིན་འདུག ཁ་སང་ཟླ་ ༨ ཚེས་ ༢༡ ཉིན་དབུ་འཛུགས་ཀྱིས་རྒྱ་གར་དབུས་གཞུང་ནང་པའི་རིག་གནས་གཙུག་ལག་སློབ་གཉེར་ཁང་གིས་གོ་སྒྲིག་འོག་པེ་ཐུབ་དགོན་དུ་འཇམ་མགོན་བླ་མ་༸རྗེ་ཙོང་ཁ་པ་ཆེན་པོ་མཆོག་དགོངས་པ་ཆོས་དབྱིངས་སུ་ཐིམ་ཚུལ་བསྟན་ནས་མི་ལོ་ཧྲིལ་པོ་ ༦༠༠ འཁོར་བ་དང་བསྟུན་སྐུ་མགྲོན་གཙོ་བོ་༸དགའ་ལྡན་ཁྲི་ཐོག་ ༡༠༤ པ་༸རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་དབུ་བཞུགས་ཐོག་༸རྗེ་བདག་ཉིད་ཆེན་པོའི་བཀའ་དྲིན་རྗེས་སུ་དྲན་པའི་ཐོག་ནས་འབྲོག་རི་བོ་དགེ་ལྡན་པའི་དེ་བྱུང་དང་ལྟ་སྒོམ་སྤྱོད་གསུམ་གྱི་ཐོག་བགྲོ་གླེང་ཆེན་མོ་ཞིག་གནང་འདུག་པ་མ་ཟད། དེ་རིང་སྔ་དྲོ་པེ་ཐུབ་དགོན་པར་༸དགའ་ལྡན་ཁྲི་ཐོག་ ༡༠༤ པ་༸རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་ལ་བརྟན་བཞུགས་རྒྱས་པ་ཞིག་བསྟར་འབུལ་ཞུས་ཡོད་པ་རེད།རྩ་བའི་འཛམ་གླིང་རྒྱལ་སྤྱིའི་དགེ་ལྡན་ལྷན་ཚོགས་ནས་སྔར་ལོའི་ལོ་མཇུག་ཏུ་ཕྱི་ལོ་ ༢༠༡༩ ལོར་འཇམ་མགོན་བླ་མ་༸རྗེ་ཙོང་ཁ་པ་ཆེན་པོ་མཆོག་དགོངས་པ་ཆོས་དབྱིངས་སུ་ཐིམ་ཚུལ་བསྟན་ནས་མི་ལོ་ ༦༠༠ འཁོར་བ་བསྟུན་༸རྗེ་རིན་པོ་ཆེ་མཆོག་གི་བཀའ་དྲིན་རྗེས་སུ་དྲན་པའི་ཐོག་ཕྱི་ལོ་ ༢༠༡༩ སྟེ་བོད་རབ་གནས་ས་མོ་ཕག་གི་ལོ་ཧྲིལ་པོ་འདི་རྒྱལ་སྤྱིའི་༸རྗེ་ཙོང་ཁ་པའི་ལོ་ཞེས་སྲུང་བརྩི་ཞུ་རྒྱུ་ཡོངས་བསྒྲགས་གནང་ཡོད་པ་རེད།

ཉན་པ།: Listen ཕབ་ལེན། Download ཡུ་གུར་འགྲོ་བ་མིའི་ཐོབ་ཐང་ལས་འགུལ་བས་ ༢༠༢༢ ལོའི་པི་ཅིང་གི་དགུན་དུས་ཨོ་རྩེད་ལ་སྐྱོན་བརྗོད། ཡ་ཆེན་སྒར་གྱི་བཙུན་མ་རྣམས་བཙན་གཡེམ་གྱི་དོན་རྐྱེན་འོག་ཚུད་སྲིད་པར་བློ་འཚབ་ཡོད། ཧོང་ཀོང་མི་མང་གི་ལས་འགུལ་ལས་འཕྲོས་ཏེ་ཨིན་གཞུང་ལས་བྱེད་གཅིག་རྒྱ་ནག་ཏུ་བཀག་བསྐྱིལ། བོད་པའི་གཞོན་སྐྱེས་ཁྲོད་མྱོས་རྫས་སྤྱོད་མཁན་ཇེ་མང་དུ་འགྲོ་བཞིན་འདུག བཀའ་སློབ་ལས་རིམ། ༸གོང་ས་མཆོག་གིས་ནང་པའི་གཞུང་ལུགས་ལ་རིགས་གཅིག་རྐང་འཛིན་གནང་དགོས་སྐོར་བཀའ་བསྩལ་བ། Wednesday 21/08/2019 Campaign to end Uyghur human rights violation ahead of 2022 China Olympics Expelled Yarchen Gar nuns face violence and rape in “detention centers” Employee at UK's consulate in Hong Kong detained in China Substance abuse among Tibetan youth increasing FEATURE: HHDL on importance of professionalizing in Tibetan Buddhist philosophy

UNPO ཞེས་རྒྱལ་ཚོགས་སུ་སྐུ་ཚབ་མེད་པའི་རྒྱལ་ཁབ་དང་མི་མང་གི་ཚོགས་པའི་ཚོགས་མི་འཛམ་གླིང་ཡུ་གུར་ལྷན་ཚོགས་ཀྱིས་རྒྱ་ནག་ཏུ་འཚོགས་ལ་ཉེ་བའི་ ༢༠༢༢ ལོའི་རྒྱལ་སྤྱིའི་དགུན་དུས་ཨོ་རྩེད་འགྲན་བསྡུར་དང་བསྟུན་རྒྱ་ནག་གཞུང་གིས་ཡུ་གུར་མི་མང་གི་འགྲོ་བ་མིའི་ཐོབ་ཐང་ལ་གུས་བརྩི་དགོས་པ་དང་ཡང་ན་ཕྱི་ལོ་ ༢༠༢༢ ལོའི་རྒྱལ་སྤྱིའི་དགུན་དུས་ཨོ་རྩེད་གཙོ་གཉེར་གྱི་བདག་དབང་བཞག་དགོས་པའི་དྲྭ་ཐོག་ཞུ་གཏུག་གི་ལས་འགུལ་ཞིག་དབུ་འཛུགས་གནང་བ་དང་འབྲེལ། རྒྱལ་སྤྱིའི་ཨོ་རྩེད་ལྷན་ཚོགས་ཀྱི་ངོས་ནས་ཨོ་རྩེད་གཙོ་གཉེར་བྱེད་མཁན་རྒྱལ་ཁབ་གང་རུང་དེས་ཨོ་རྩེད་གྱི་བཅའ་ཁྲིམས་སྒྲིག་དོན་ཁས་ལེན་དང་སྒྲིག་གཞིའི་འབྲུ་དོན་དག་དང་མཐུན་པའི་ཐོག་ནས་གནང་མིན་འགན་དབང་འཐུང་ཚང་བཞེས་དགོས་གལ་ཡིན་པའི་ཞུ་སྐུལ་གནང་འདུག འཛམ་གླིང་གི་ལས་འགུལ་བ་ཚོས་མཉམ་འབྲེལ་གྱིས་སྤེལ་བའི་ #Norightsnogames2022 ཞེས་པའི་དྲྭ་ཐོག་ཞུ་གཏུག་གི་ལས་འགུལ་དེ་བརྒྱུད་རྒྱ་གཞུང་གི་ངོས་ནས་ཡུ་གུར་མང་ཚོགས་དང་ཊར་ཀིའི་ཁ་ཆེ་གྲངས་ཉུང་མི་རིགས་ས་ཡ་གཅིག་བརྒལ་བ་ཡུ་གུར་ས་གནས་སུ་བཀག་བསྐྱིལ་བྱས་པའི་ལས་དོན་འཕྲལ་མར་མཚམས་འཇོག་གིས་བཀག་བསྐྱིལ་ཁང་སྒོ་བརྒྱབ་དགོས་པ་དང་། ཡུ་གུར་མང་ཚོགས་ཀྱི་ཐོབ་ཐང་ལ་གུས་བརྩི་ཞུ་དགོས་པའི་ཞུ་སྐུལ་གནང་བ་མ་ཟད། གལ་ཏེ་རྒྱ་གཞུང་གིས་རྒྱལ་སྤྱིའི་རྩ་ཁྲིམས་དང་ཡོངས་སུ་འགལ་བའི་ལས་དོན་དེ་མཚམས་འཇོག་མ་བྱེད་ཚེ་རྒྱ་ནག་ལ་ཕྱི་ལོ་ ༢༠༢༢ ལོའི་དགུན་དུས་ཨོ་རྩེད་གོ་སྒྲིག་ཞུ་རྒྱུའི་འོས་འགན་ཚང་མེད་པར་སྐྱོན་བརྗོད་གནང་འདུག ལྷག་པར་དུ་རྒྱལ་སྤྱིའི་ཨོ་རྩེད་ལྷན་ཚོགས་ཀྱི་གཞི་རྩའི་བཅའ་ཁྲིམས་ཀྱི་དོན་གནད་ཆེ་ཤོས་གཅིག་ནི་སྤྱི་ཚོགས་སུ་ཞི་བདེ་བག་ཕེབས་ཀྱི་ཁོར་ཡུག་བསྐྲུན་པ་བརྒྱུད་ནས་འགྲོ་བ་མིའི་གཞི་རྩའི་རིན་ཐང་གོང་འཕེལ་གནང་རྒྱུ་ཞེས་བཀོད་ཡོད་ཀྱང་། རྒྱ་ནག་གཞུང་གིས་རྒྱལ་ནང་དུ་ཡུ་གུར་གྲངས་ཉུང་མི་རིགས་ཀྱི་འགྲོ་བ་མིའི་ཐོབ་ཐང་ལ་རྩིས་མེད་རྡོག་རོལ་གཏོང་བཞིན་པ་དེས་རྒྱལ་སྤྱིའི་ཨོ་རྩེད་ལྷན་ཚོགས་ཀྱི་བཅའ་ཁྲིམས་དང་དངོས་འགལ་གྱུར་ཡོད་པ་གསུངས་འདུག དེ་བཞིན་རྒྱལ་སྤྱིའི་ཨོ་རྩེད་གོ་སྒྲིག་གི་གཙོ་གཉེར་བྱེད་པར་ཉེར་བ་མཁོ་བའི་ཆ་རྐྱེན་གཙོ་བོ་ནི་རྒྱལ་ཁབ་གང་ཡིན་ལ་ལྟོས་མེད་དེ་དག་གི་ཆབ་འབངས་ཡིན་ནོ་ཅོག་གི་གཞི་རྩའི་འགྲོ་བ་མིའི་ཐོབ་ཐང་ལ་སྲུང་སྐྱོབ་ཀྱི་ལས་འགན་འཐུས་ཚང་བསྒྲུབ་དགོས་པ་དང་། གལ་ཏེ་རྒྱལ་ཁབ་གང་རུང་དེས་རྒྱ་ནག་ལྟ་བུར་འགྲོ་བ་མིའི་ཐོབ་ཐང་གདལ་བཤིག་དང་རྩིས་མེད་རྡོག་རོལ་གཏང་མཁན་ཞིག་ཡིན་ཚེ་དེར་ཨོ་རྩེད་གཙོ་གཉེར་གྱི་འོས་བབ་མེད་སྐོར་གསུངས་འདུག འཛམ་གླིང་ཡུ་གུར་ལྷན་ཚོགས་ཀྱིས་ད་དུང་ཕྱི་ལོ་ ༢༠༢༢ ལོའི་ཨོ་རྩེད་འགྲན་བསྡུར་འཚོགས་ལ་ཉེ་བའི་ཉིན་གྲངས་ ༩༠༠ ཙམ་ཡོད་པའི་དུས་འདིར་གདམ་ག་གཉིས་དེ་མུར་ལྷག་ཡོད་པ་དང་། དེའང་རྒྱ་ནག་གཞུང་གིས་ཡུ་གུར་གྲངས་ཉུང་མི་རིགས་ཀྱི་འགྲོ་བ་མིའི་ཐོབ་ཐང་ལ་གུས་བརྩི་དང་བཀག་བསྐྱིལ་ཁང་ཕྱིར་བསྡུ་བྱེད་རྒྱུ་དང་། ཡང་ན་རྒྱལ་སྤྱིའི་ཨོ་རྩེད་ལྷན་ཚོགས་ཀྱིས་དེ་གའི་གཞི་རྩའི་བཅའ་ཁྲིམས་ཀྱི་སྒྲིག་དོན་ལྟར་རྒྱ་ནག་གཞུང་ནས་ཨོ་རྩེད་གཙོ་གཉེར་གྱི་བདག་དབང་འཕྲོག་དགོས་པ་དེ་རེད་ཅེས་གསུངས་འདུག ལྷག་པར་དུ་རྒྱལ་ཚོགས་སུ་སྐུ་ཚབ་མེད་པའི་རྒྱལ་ཁབ་དང་མི་མང་གི་ཚོགས་པའི་ངོས་ནས་ཀྱང་ད་ཐེངས་ཀྱི་ལས་འགུལ་ལ་རྒྱབ་སྐྱོར་དང་སྦྲགས། རྒྱ་ནག་གཞུང་ལ་བཀག་བསྐྱིལ་ཁང་དེ་དག་སྒོ་བརྒྱབ་ཏེ་ཡུ་གུར་མང་ཚོགས་ལ་དྲག་གནོན་མཚམས་འཇོག་དགོས་པ་དང་། རྒྱལ་སྤྱིའི་ཨོ་རྩེད་ལྷན་ཚོགས་ཀྱིས་འགྲོ་བ་མིའི་ཐོབ་ཐང་གོང་འཕེལ་དང་འབྲེལ་བའི་བཅའ་ཁྲིམས་ཀྱི་འབྲུ་དོན་དག་ལ་བརྩི་བཀུར་ཞུ་དགོས་གལ་ཡིན་པ་མངོན་གསལ་གནང་བ་དང་ཆབས་ཅིག རྒྱ་ནག་གིས་ ༢༠༢༢ ནང་ཚུད་ལ་དེ་ལྟར་མ་བྱེད་ཚེ་ཨོ་རྩེད་གཙོ་གཉེར་བྱེད་དབང་མེད་པ་ནན་བརྗོད་གནང་ཡོད་པ་རེད། གཞི་རྩའི་རྒྱ་ནག་གཞུང་གིས་འདས་པའི་ལོ་ཤས་ནས་ཡུ་གུར་གྲངས་ཉུང་མི་རིགས་ཐོག་མི་སྤྱོད་ལས་འདས་པའི་དྲག་གནོན་དང་གནའ་གནོན་གྱི་སྲིད་བྱུས་སྤེལ་བཞིན་པར་རྒྱལ་སྤྱིའི་ཁྱོན་ནས་དེར་སྐྱོན་བརྗོད་དང་སྲིད་བྱུས་དེ་འཕྲལ་མར་མཚམས་འཇོག་དགོས་པའི་ཞུ་སྐུལ་དང་ལས་འགུལ་རྣམ་པ་འདྲ་མིན་སྤེལ་ཡོད་ཀྱང་། Saudi Arabia དང་། Pakistan གཙོས་པའི་ཁ་ཆེའི་རྒྱལ་ཁབ་སོ་བདུན་ལྷག་གིས་སྲིད་འཛིན་ཞི་ཅིང་ཕིང་གི་གཞུང་ལ་རྒྱབ་སྐྱོར་བྱས་ཡོད་པ་རེད། དེ་རིང་ Bloomberg གསར་ཁང་གིས་གནས་ཚུལ་སྤེལ་བར་གཞིགས་ན། དེ་སྔ་ཕྱི་ཟླ་ ༧ པའི་ནང་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚོགས་ཆུང་གི་ཚོགས་གཙོ་སྐུ་ཞབས་ Coly Seck ལགས་ཀྱི་མཚན་ཐོག་ཏུ་ཕྱག་བྲིས་ཤིག་ཕུལ་ཏེ་རྒྱ་ནག་གི་འགྲོ་བ་མིའི་ཐོབ་ཐང་ཐོག་ལ་རྒྱབ་སྐྱོར་གྱི་མིང་རྟགས་བཀོད་མཁན་ཁ་ཆེའི་ཡུལ་གྲུ་དེ་དག་ཁོངས་སུ་ཡོད་པ་ Qatar གཞུང་གི་སྐུ་ཚབ་ནས་ད་ཆ་ཕྱག་བྲིས་དེ་ནས་མཚན་རྟགས་ཕྱིར་འཐེན་གནང་འདུག རྒྱལ་ཚོགས་སུ་ཡོད་པའི་ Qatar རྒྱལ་ཁབ་ཀྱི་གཞུང་ཚབ་ Ali Al Mansouri ལགས་ཀྱིས་གསུངས་པར་ཁོང་རྣམས་ཀྱིས་དེ་སྔ་ཐག་གཅོད་གནང་བ་དེས་ Qater ཕྱི་སྲིད་ལས་དོན་ལ་དོགས་གཞི་འགྲོ་སྲིད་པ་དང་ཁོང་རྣམས་ད་ཆ་བར་གནས་བསྡད་རྒྱུ་མ་ཟད། ཁོང་རྣམ་པའི་ངོས་ནས་དགོས་ངེས་ཀྱི་རོགས་རམ་ཞུ་དགོས་ཚེ་དེ་ལྟར་ཞུ་ངེས་ཡིན་པ་གསུངས་འདུག རྩ་བའི་རྒྱལ་སྤྱིའི་བོད་དོན་འབྲེལ་མཐུད་ལས་ཁང་ངོས་ནས་ཀྱང་བོད་ནང་གི་འགྲོ་བ་མིའི་ཐོབ་ཐང་གི་དངོས་ཡོད་གནས་སྟངས་མཚོན་པའི་འགུལ་རིས་བརྙན་ཐུང་བརྒྱུད་རྒྱ་ནག་ཏུ་འཚོགས་རྒྱུའི་ ༢༠༢༢ ལོའི་རྒྱལ་སྤྱིའི་དགུན་དུས་ཨོ་རྩེད་འགྲན་བསྡུར་ལ་ཟུར་ཟ་དང་། དེ་སྔ་རྒྱ་ནག་གཞུང་གིས་ ༢༠༠༨ ལོའི་ཨོ་རྩེད་འགྲན་བསྡུར་སྐབས་ཁུལ་དེའི་ནང་གི་འགྲོ་བ་མིའི་ཐོབ་ཐང་གནས་སྟངས་ཡར་རྒྱས་འགྲོ་བར་ཁས་ལེན་བྱས་པ་དང་། དེ་བཞིན་ཨོ་རྩེད་ཀྱི་ཚོགས་མི་རྒྱལ་ཁབ་ཁག་ནས་རེ་བ་དང་ཡིད་ཆེས་གནང་བ་ལྟར་རྒྱ་ནག་ཏུ་བཟང་ཕྱོགས་ཀྱི་འགྱུར་བ་གང་ཡང་ཕྱིན་མེད་པ་མངོན་གསལ་གནང་བ་མ་ཟད། རྒྱ་ནག་ནང་འགྲོ་བ་མིའི་ཐོབ་ཐང་གི་གནས་བབས་དེ་ཆེས་ཞན་པོ་ཡོད་པ་དང་ལྷག་དོན་རྒྱལ་སྤྱིའི་ཨོ་ལམ་པིག་ཚོགས་ཆུང་ལ་དེ་སྔའི་ཚོགས་ཆུང་གི་གྲོས་ཆོད་དང་ཆ་རྐྱེན་ནང་གསལ་བཞིན་ད་བར་རྒྱ་གཞུང་ནས་དོན་འཁྱོལ་ལག་བསྟར་ཇི་བྱེད་ཁ་གསལ་དགོས་པར་རེ་འདུན་ཆེད་བཏོན་གནང་ཐོག་རྒྱ་ནག་ལ་ཨོ་རྩེད་གོ་སྒྲིག་གཙོ་གཉེར་གྱི་བདག་དབང་མེད་པར་སྐྱོན་བརྗོད་གནང་ཡོད་པ་རེད།

ཁ་སང་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བཀྲིས་ཆོས་སྒྲོན་ལགས་ཀྱིས་རྒྱ་གཞུང་ནས་བོད་པའི་བཙུན་མ་ཚོར་མནར་གཅོད་དང་བཙན་གཡེམ་བྱེད་བཞིན་ཡོད་སྐོར་དཔྱད་རྩོམ་ཞིག་སྤེལ་འདུག་པ་དང་། ཁོང་གིས་གཙོ་བོ་དེ་སྔ་རྒྱ་གཞུང་གིས་བཙན་དབང་ཐོག་ཕྱིར་འབུད་བཏང་བའི་ཡ་ཆེན་སྒར་གྱི་གྲྭ་བཙུན་ ༣༥༠༠ ཙམ་ད་ཆ་རྒྱ་གཞུང་གིས་དབྱེ་བའི་ཟི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དཔལ་ཡུལ་རྫོང་དུ་ཡོད་པའི་བཀག་བསྐྱིལ་ཁང་དུ་བཀག་ཉར་བྱས་ཡོད་པ་དང་། དེ་ནི་རྒྱ་གཞུང་གིས་བོད་མི་དང་ཡུ་གུར་གྱི་གྲངས་ཉུང་མི་རིགས་རྣམས་ལ་བཙན་གནོན་བྱེད་བཞིན་པའི་རྣམ་པ་གཞན་ཞིག་ཡིན་པར་གསལ་འདོན་གནང་བ་མ་ཟད། ལྷག་དོན་རྒྱ་ནག་དམར་ཤོག་ཚོགས་པས་དམར་ཤོག་རིང་ལུགས་དང་ལྟ་གྲུབ་ཀྱི་བློ་སྐྱེད་སྦྱོར་བརྡར་སོགས་བརྒྱུད་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་རྣམས་རྒྱ་ནག་གི་ཁྱད་ཆོད་ལྡན་པའི་ངོ་བོར་བཟོ་ཐབས་བྱེད་བཞིན་པ་ལྟར་རྒྱ་གཞུང་གིས་ཆེད་འཛུགས་བྱས་པའི་བཀག་སྐྱིལ་ཁང་དུ་ཡོད་པའི་གྲྭ་བཙུན་རྣམ་པར་རྒྱལ་གཅེས་ཆོས་གཅེས་ཀྱི་སློབ་གསོ་སྤྲོད་དེ་བཙན་གིས་དམག་སྦྱོང་སྤྲོད་བཞིན་གུང་ཁྲན་ལ་བསྟོད་གླུ་དང་རྒྱ་ནག་གི་རྒྱལ་གླུ་སོགས་སྦྱོང་དགོས་ཀྱི་ཡོད་པ་དང་། གལ་ཏེ་དེ་དག་ལ་དང་ལེན་མ་ཞུ་ཚེ་གྲྭ་བཙུན་རྣམས་གཅར་རྡུང་དང་མནར་གཅོད་མྱོང་དགོས་པ། ལྷག་དོན་ཕོ་མོའི་དབྱེ་བའི་ཐོག་ནས་བཙུན་མ་ཁག་གཅིག་ལ་རྩུབ་སྤྱོད་དང་འབྲེལ་བའི་དཀའ་ངལ་ཆེན་པོ་འཕྲད་ཡོད་པ་མངོན་གསལ་གནང་འདུག རླུང་འཕྲིན་ཁང་གིས་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བཀྲིས་ཆོས་སྒྲོན་ལགས་སུ་དེ་འབྲེལ་བཅར་འདྲི་ཞུས་པར་ཁོང་གིས་དེ་སྔ་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གོང་ཞུས་གནད་དོན་དེ་འབྲེལ་གསར་འགྱུར་ཞིག་སྤེལ་ཡོད་པར་གཞི་བཟུང་བ་ཞིག་ཡིན་པ་དང་། ནག་ཆུ་ས་ཁུལ་སོག་རྫོང་ནང་ཡོད་པའི་རྒྱ་ནག་གི་ཆབ་སྲིད་སློབ་གསོའི་ལྟེ་གནས་ཁང་དུ་བཀག་ཉར་འོག་ཡོད་པའི་བཙུན་མ་ཚོར་རྒྱ་གཞུང་གིས་བཙོན་སྲུང་མི་སྣས་བཙན་གཡེམ་བྱས་པའི་གནས་ཚུལ་ཕྱིར་འགྱར་བྱུང་ཡོད་པ་ལུང་འདྲེན་གནང་བ་དང་ཆབས་ཅིག་ཏུ་གནས་ཚུལ་དེ་རིགས་མ་འོངས་པར་ཡ་ཆེན་སྒར་གྱི་བཙུན་མ་ཚོར་འཕྲད་སྲིད་པར་བློ་འཚབ་ཡོད་ཅེས་གསུངས་སོང་།

བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱིས་གོ་སྒྲིག་འོག་བཞུགས་སྒར་དུ་རྟེན་གཞི་བྱས་པའི་ Club House དང་བོད་ཀྱི་གསོལ་མགྲོན་ཁང་དུ་ཟླ་བ་འདིའི་ཚེས་ ༢༠ ནས་ ༢༣ བར་ཉིན་གྲངས་བཞིའི་རིང་བོད་ཁྱིམ་གཙོ་གྱུར་སཾ་བྷོ་ཊ་སོགས་སློབ་གྲྭ་ཁག་ ༣༡ མན་ཙམ་གྱི་སློབ་ཕྲུག ༦༢ ལ་སྨྱོས་རྫས་ངན་གོམས་དང་ལང་ཚོ་དར་བབ་ཀྱི་ཟབ་སྦྱོང་དང་སློབ་གྲྭ་དེ་དག་གི་དགེ་རྒན་ནས་དེ་འབྲེལ་བསྐྱར་ཞིབ་ཀྱི་ཚོགས་འདུ་འཚོགས་བཞིན་འདུག  གཞི་རྩའི་བོད་མིའི་སྒྲིག་འཛུགས་ནས་སྔ་ལོ་ཕྱི་ལོ་ ༢༠༡༧ ལོར་དེ་འབྲེལ་ཟབ་སྦྱོང་སློབ་གྲྭའི་དགེ་རྒན་དང་སློབ་སྟོན་པ། སློབ་སྤྱི་སོགས་ལ་རིམ་བཞིན་གནང་ཡོད་པ་མ་ཟད། ད་རེས་ཀྱི་ཟབ་སྦྱོང་འདི་ཐེངས་ ༩ པ་ཆགས་ཀྱི་ཡོད་པ་དང་། དེ་སྔ་དགེ་རྒན་རྣམས་ལ་ཟབ་སྦྱོང་གནང་བའི་སྐབས་ཟབ་སྦྱོང་འདི་རིགས་སློབ་ཕྲུག་ལ་གནང་དགོས་གལ་གྱི་དགོངས་ཚུལ་ཕེབས་ཡོད་པ་ལྟར། འཕྲོད་བསྟེན་ལས་ཁུངས་ནས་དེ་འབྲེལ་དྷ་ཤོད་བོད་ཁྱིམ་གྱི་སློབ་ཕྲུག་ལ་གནང་སྟེ་ལས་གཞི་དེ་ཚགས་ཚུད་པོ་བྱུང་ཡོད་སྟབས་ད་རེས་ཀྱི་ཟབ་སྦྱོང་འདི་སློབ་ཕྲུག་ཚོར་དམིགས་པ་ཞིག་ཆགས་ཀྱི་འདུག     གནད་དོན་དེ་འབྲེལ་དྷ་ཤོད་བོད་ཁྱིམ་གྱི་མདུན་ལམ་སློབ་སྟོན་པ་སྐལ་བཟང་ཚེ་དབང་ལགས་ཀྱིས་ད་ལྟའི་ཆར་བོད་པའི་གཞོན་སྐྱེས་ཁྲོད་དུ་སྨྱོས་རྫས་སྤྱོད་པའི་གནད་དོན་དེ་ཧ་ཅང་གི་ཛ་དྲག་པོ་ཆགས་མེད་ཀྱང་ལོངས་སུ་སྤྱོད་མཁན་བརྒྱ་ཆ་བརྒྱ་ཐམ་པ་ཇེ་མང་དུ་འགྲོ་བཞིན་ཡོད་པ་གསུངས་སོང་།   རྩ་བའི་ཕྱི་ལོ་ ༢༠༡༧ ལོར་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ནས་སློབ་གྲྭ་ཁག་ཏུ་ལང་ཚོ་དར་བབ་དང་འབྲེལ་གོ་རྟོགས་ཞན་པོ་ཡོད་པ་ཉམས་ཞིབ་གནང་བ་ལས་མཁྱེན་རྟོགས་བྱུང་ཡོད་པ་ལྟར་དཀའ་ངལ་དེ་དག་སེལ་རྒྱུ་དང་སླད་མར་ཛ་དྲག་གི་གནས་སྟངས་མི་ཡོང་བར་ཆེད་དམིགས་ཀྱིས་ཟབ་སྦྱོང་གནང་རྒྱུ་དབུ་འཛུགས་གནང་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་དགུང་ལོ་ ༡༡༡ བར་༸སྐུ་འཚོ་བཞུགས་གནང་རྒྱུར་སེམས་ཤུགས་སྒྲིལ་ནས་བཞུགས་ཡོད་ཅེས་བཀའ་བསྩལ་བ། དྷ་སའི་བོད་མིས་ཧོང་ཀོང་མི་མང་གི་ལས་འགུལ་ལ་གདུང་སེམས་མཉམ་བསྐྱེད་ཞུས་པ། མདྷྱ་མངའ་སྡེའི་སྤྱི་ཁྱབ་བློན་ཆེན་ཟུར་པ་མཆོག་ནས་སྲིད་སྐྱོང་དང་ཚོགས་གཙོ་རྣམ་གཉིས་མཇལ་འཕྲད། རྒྱ་གཞུང་གིས་འཕྲུལ་སྒྲ་དང་ངོ་དེབ་སྤྱོད་ནས་ཧོང་ཀོང་གི་ལས་འགུལ་ལ་ལོག་འགྲེལ། ལོངས་ཤོག་མཚན་ཚོགས་བརྒྱུད་བོད་རང་བཙན་སློབ་ཕྲུག་ཚོགས་པ་ལོ་ཉེར་ལྔ་འཁོར་བར་སྲུང་བརྩི། Tuesday 20/08/2019 Dalai Lama urged to visit Mayo clinic; I am absolutely fine he says Former MP Chief Minister meets Sikyong, TPiE Chair Tibetans in Dharamsala hold solidarity vigil for Hong Kong protestors Twitter and Facebook block state-backed Chinese misinformation on HK SFT marks 25th founding anniversary with series of Longsho events