Monthly Archives: May, 2020

ཉན་པ།: Listen ཕབ་ལེན། Download ༸གོང་ས་མཆོག་གིས་དྲྭ་ལམ་ཐད་གཏོང་བརྒྱུད་ཉིན་གཉིས་རིང་བཀའ་ཆོས་བསྩལ་རྒྱུ། ༸གོང་ས་མཆོག་གིས་གནས་བརྟན་སྡེ་པའི་ལུགས་ཀྱི་ས་ཟླའི་ཉིན་མོར་གསུང་འཕྲིན་བསྩལ་བ། རྒྱ་ནག་ནས་འགྲོ་བ་མིའི་ཐོབ་ཐང་གི་གནད་དོན་ལ་གུས་བརྩི་མ་ཞུ་ཚེ་དགུན་དུས་ཨོ་རྩེད་འགྲན་ཚོགས་གནང་མི་ཆོག ཐེམ་སྤང་གི་དུས་སྐབས་སུ་བོད་མིའི་སྒྲིག་འཛུགས་ཀྱི་ཕྱག་ལས་གནང་ཕྱོགས་སྐོར། ནད་ཡམས་ཁྲོད་སྦེལ་ཇམ་ཁུལ་གྱི་བོད་མིའི་གནས་སྟངས་རྒྱུས་ལོན། Wednesday 06/05/2020 Dalai Lama to confer two days online teaching Dalai Lama sends message of ‘oneness of humanity’ for the virtual celebration of Vesak IOC urged not to let China host the 2022 Olympics without honoring human rights norms COVID 19: How CTA is functioning under lockdown COVID 19: Situation of Tibetans in Belgium amid pandemic

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་ནས་དྲྭ་ལམ་ཐད་གཏོང་བརྒྱུད་ཟླ་བ་འདིའི་ཚེས་ ༡༦ དང་ ༡༧ ཉིན་གཉིས་ཀྱི་རིང་སྔ་དྲོར་བཀའ་ཆོས་ཞིག་བསྩལ་གཏན་འཁེལ་འདུག༸དཔལ་ལྡན་དགའ་ལྡན་ཕོ་བྲང་ཡིག་ཚང་གི་དྲྭ་གནས་ཐོག་བཀའ་ཆོས་དང་འབྲེལ་བའི་བཀའ་ཁྱབ་ཅིག་སྤེལ་བར་གཞིགས་ན། གོ་ལའི་ཤར་ནུབ་ཀྱི་ཡུལ་གྲུ་གང་སར་གནས་འཁོད་དད་ལྡན་མང་ཚོགས་སྤྱི་སྒེར་དུ་མས་ཡང་ཡང་ཇི་ལྟར་གསོལ་བ་བཏབ་ཞུས་པ་བཞིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༢༠ ཕྱི་ཟླ་ ༥ ཚེས་ ༡༦ དང་ ༡༧ ཉིན་གཉིས་ཀྱི་རིང་སྔ་དྲོར་རྒྱ་གར་གྱི་ཆུ་ཚོད་ ༨ ནས་ ༩༌༣༠ བར་༸དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་དབུ་མ་རིན་ཆེན་ཕྲེང་བའི་ལེའུ་དང་པོ་དང་བཞི་པ་གཉིས་ཀྱི་བཀའ་འཁྲིད་དང་འབྲེལ་ཏེ་ད་ལྟའི་ཆར་དུས་ཀྱི་ཆེས་གཉ་འཕྲང་རྐྱེན་ངན་ལ་གདོང་ལེན་བྱེད་ཕྱོགས་ཀྱི་ལམ་སྟོན་བཀྲིན་བསྩལ་རྒྱུའི་མཛད་འཆར་ཐུགས་གཏན་འཁེལ་ཡོད་པ་རེད། རྩ་བའི་ཉིན་གྲངས་གཉིས་ཀྱི་བཀའ་ཆོས་དེ་༸སྐུ་སྒེར་གྱི་དྲྭ་རྒྱ་བརྒྱུད་དེ་སྔ་དྲོ་ཚོུད་ ༨ ནས་ ༩༌༣༠ བར་བསྩལ་རྒྱུ་ཡིན་པ་དང་བོད་སྐད། དབྱིན་སྐད་དང་རྒྱ་སྐད་སོགས་ཀྱི་སྐད་ཡིག་དུ་མའི་དྲྭ་ཚིགས་ཐོག་ནས་གསན་གཟིགས་ཞུ་ཐུབ་ཀྱི་འདུག

གནས་བརྟན་སྡེ་པའི་ལུགས་ཀྱི་ས་ག་ཟླ་བའི་ཚེས་ ༡༥ ཉིན་བདག་ཅག་གི་སྟོན་པ་མཉམ་མེད་ཤཱཀྱ་སེང་གེ་མཆོག་ལུམ་བི་ནིར་སྐུ་བལྟམས་པ་དང༌། གནས་མཆོག་རྡོ་རྗེ་གདན་དུ་སངས་རྒྱས་པ། རྩྭ་མཆོག་གྲོང་དུ་མྱ་ངན་ལས་འདས་ནས་མི་ལོ་ ༢༦༠༠ འཁོར་བའི་དུས་ཆེན་ཁྱད་འཕགས་པ་གསུམ་འཛོམས་ Buddha Purnima ཞེས་སྲུང་བརྩི་ཞུ་སྲོལ་ཡོད་པ་ལྟར། དེ་རིང་ཕྱི་ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ International Buddhist Confederation ཞེས་རྒྱལ་སྤྱིའི་ནང་པའི་མཐུན་ཚོགས་ཀྱི་ངོས་ནས་ཆོས་ཕྱོགས་ཀྱི་དུས་སྟོན་གོ་སྒྲིག་གནང་བའི་ཐོག་དགའ་བསུའི་འཚམ་འཕྲིན་ཞིག་བསྩལ་འདུགའཚམ་འཕྲིན་དེའི་ནང་དུ་མགོན་པོ་༸གང་ཉིད་མཆོག་གིས་རྒྱལ་སྤྱིའི་ནང་པའི་མཐུན་ཚོགས་ཀྱིས་གོ་སྒྲིག་ཞུས་པའི་གནས་བརྟན་སྡེ་པའི་ལུགས་ཀྱི་ས་ག་ཟླ་བའི་ཚེས་ ༡༥ ཆོས་ཕྱོགས་ཀྱི་དུས་སྟོན་ཉིན་མོར་ལྷན་ཞུགས་གནང་མཁན་འཛམ་གླིང་ཁྱོན་ལ་བཞུགས་པའི་ནང་པའི་རྗེས་འཇུག་གྲོགས་ཕོ་མོ་ཀུན་ལ་དགའ་བསུ་ཡོད་ཅེས་འཚམས་འདྲི་བསྩལ་བ་དང་སྦྲགས། ༸གང་ཉིད་མཆོག་གིས་བདག་ཅག་གི་སྟོན་པ་མཉམ་མེད་ཤཱཀྱ་སེང་གེ་མཆོག་གིས་དེ་སྔ་བསྩལ་བའི་བཀའ་ཆོས་དེ་དག་འཛམ་གླིང་སྤྱི་དང་སྒོས་དེང་སྐབས་སུ་འོས་འཚམ་ཡོད་པར་ཐུགས་རེ་ཡོད་སྐོར་དང་དེ་བཞིན་གཞན་ཕན་བསྒྲུབ་རྒྱུ་དང་བདག་ཅག་གི་སྟོན་པ་མཆོག་སྐུ་ཚེ་གང་པོ་རབ་བྱུང་གི་ཐོག་ནས་མཛད་པ་བསྐྱངས་པ་མ་ཟད། སངས་རྒྱས་ཀྱི་སྐུ་ཚེ་ནང་མྱོང་བ་གང་བྱུང་བ་དེ་རྣམས་གདུལ་བྱ་ཁམས་མོས་དང་འཚམས་པའི་གསན་འདོད་ཡོད་རིགས་ལ་གསུངས་ཡོད་སྐོར། ལྷག་དོན་རྟེན་བྱུང་དང་གཞན་ལ་གནོད་པ་བྱེད་མི་རུང་བ་དང་རང་ནུས་ལ་གཞིགས་པའི་ཕན་པ་བསྒྲུབ་དགོས་པ་བཅས་བཀའ་བསྩལ་ནས་འཚེ་བའི་ལས་སྤོང་དགོས་པར་བཀའ་ནན་བསྩལ་ཡོད་པ་ལུང་འདྲེན་དང་། ཆབས་ཅིག་ཏུ་དེང་གི་འཛམ་གླིང་ནང་ལ་ཕན་པའི་རླབས་ཆེན་གྱི་ཤུགས་རྐྱེན་ཐེབས་པའི་ལམ་སྟོན་གཅིག་པོ་དེ་དུས་ད་ལྟའང་གནས་མུས་ཡིན་པ། སྙིང་རྗེས་ཀུན་ནས་སློང་སྟེ་གཞན་ཕན་གྱི་བྱ་བར་གཞོལ་དགོས་པའི་ལམ་སྟོན་མཛད་སྐོར་བཀའ་བསྩལ་འདུག ད་དུང་༸གོང་ས་མཆོག་གིས་འཛམ་གླིང་འདིའི་འགྲོ་བ་མི་རྣམས་ཀྱི་རང་ཉིད་སོ་སོའི་བདེ་དོན་དང་བདེ་སྐྱིད་དེ་མི་མང་པོ་དང་འབྲེལ་བ་ཆགས་ཀྱི་ཡོད་སྟབས་གོ་ལ་ཧྲིལ་པོ་འདི་ཕན་ཚུན་ལྟོས་གྲུབ་ཀྱི་འབྲེལ་བ་དེའང་རང་བཞིན་གྱིས་ཇེ་འཕེལ་འགྲོ་གི་ཡོད་པ་དང་དེ་བཞིན་དེང་སྐབས་ང་ཚོས་ངལ་བར་གདོང་ལེན་བྱེད་པའི་བརྒྱུད་རིམ་ནང་འགྲོ་བ་མི་གཅིག་གྱུར་གྱི་བསམ་བློ་དེ་དགོས་ངེས་ཅན་ཞིག་ཆགས་ཡོད་པར་ལམ་སྟོན་བསྩལ་འདུགདེ་བཞིན་མགོན་པོ་༸གང་ཉིད་མཆོག་གིས་ངེད་ཅག་འགྲོ་བ་མི་རྣམས་ལ་ཆ་མཚོན་ན་ཕྱི་ཚུལ་མི་འདྲ་བའི་ཁྱད་ཡོད་ཀྱང་འགྲོ་བ་མིའི་རང་བཞིན་དེ་ནི་ཞི་བདེ་དང་བདེ་སྐྱིད་འདོད་པ་གཅིག་མཚུངས་ཡིན་པ་དང་། ནང་པ་སངས་རྒྱས་པའི་གཞུང་ནས་ཀྱང་ང་ཚོའི་བློ་དེ་སྒོམ་གྱི་ཐོག་ནས་བཅོས་དགོས་པ་དང་དེའང་བློ་དེ་ཞི་བདེ་བག་ཕེབས་དང་བྱམས་བརྩེ། སྙིང་རྗེ། གཏོང་ཕོད། བཟོད་སྲན་བཅས་གོང་འཕེལ་གཏོང་དགོས་གལ་ཡིན་པ་ལམ་སྟོན་བསྩལ་དོན་ལྟར་ང་རང་ཚོའི་ཉིན་རེའི་འཚོ་བའི་ཁྲོད་དུ་དེ་དག་གི་ཤུགས་རྐྱེན་ཐེབས་པ་ཞིག་བྱེད་དགོས་ཞེས་བཀའ་བསྩལ་འདུག ཉེ་དུས་ནང་གོ་ལ་ཁྱོན་དུ་ཡོད་པའི་ནང་པའི་ཚོགས་སྡེ་ཁག་གི་ངོས་ནས་ང་ཚོ་ཐུན་མོང་གི་ཁྱད་ཆོས་ཡོད་པ་དེ་དག་ཤེས་ཐབས་སུ་རྒྱང་ཁྱད་བཞག་པ་དང་དེ་དག་ཐུན་མོང་དུ་སྤྱོད་མཁན་ཚོར་མངོན་བསྟོད་ཀྱི་གོ་སྐབས་སོགས་མེད་པར་བཀའ་བསྩལ་དང་སྦྲགས། དེང་དུས་སུ་འཛམ་གླིང་ས་ཕྱོགས་གང་སར་གནས་བཞུགས་ནང་པའི་རིག་གནས་རྣམས་ལ་སློབ་འདོད་ཡོད་རིགས་ལ་དེ་འབྲེལ་ཤེས་ཡོན་སྤྲོད་རྒྱུའི་གོ་སྐབས་ཡོད་པ་མ་ཟད་ལྷག་དོན་ང་ཚོས་ནང་པའི་གཞུང་ལུགས་དང་ཉམས་ལེན་ཁག་གི་རྣམ་གཞག་རྣམས་ཐུག་འཕྲད་དང་བརྒྱུད་ལམ་གཞན་དུ་མའི་ཐོག་ནས་སློབ་སྦྱོང་གནང་རྒྱུ་ཡོད་སྐོར་ལམ་སྟོན་བཀྲིན་ཆེ་བ་བསྩལ་འདུག༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་༸གང་ཉིད་མཆོག་ནི་ནང་པའི་དགེ་སློང་ཞིག་ཡིན་པའི་ཆ་ནས་དཔལ་ནཱ་ལེནྡཱའི་སྲོལ་རྒྱུན་རིག་གནས་རྒྱུད་འཛིན་མཁན་ཞིག་ལ་ངོས་བཞེས་གནང་གི་ཡོད་པ་དང་། སྐབས་དེའི་རྒྱ་གར་ནང་གི་དཔལ་ནཱ་ལེནྡཱའི་སློབ་གཉེར་དེ་དག་གཏན་ཚིགས་རིགས་པའི་ཐོག་ནས་གནང་སྲོལ་ཡོད་པ་དེ་ཧ་ཅང་གི་ཚད་མཐོ་པོ་ཡོད་སྐོར་བཀའ་བསྩལ་འདུག་པ་དང་། ལྷག་དོན་༸གང་ཉིད་མཆོག་གིས་ང་ཚོས་དུས་རབས་ཉེར་གཅིག་གི་ནང་པ་ཞིག་ཡིན་ཚེ་ནང་པའི་རིག་གནས་ལ་སློབ་གཉེར་དང་སངས་རྒྱས་ཀྱི་བཀའ་ཆོས་ལ་ཉམས་ཞིབ་གནང་གལ་ཡིན་པ་མ་ཟད་སྔར་གྱི་ནཱ་ལེནདཱའི་མཁན་པ་ཚོས་གནང་བ་ལྟར་གཏན་ཚིགས་རིགས་པར་དཔྱད་གནད་ཡིན་པར་ལམ་སྟོན་མཛད་འདུག སངས་རྒྱས་ཞལ་བཞུགས་སྐབས་ནས་བཟུང་དུས་ད་ལྟ་བར་འཛམ་གླིང་འདི་འགྱུར་བ་ཕྱིན་ཡོད་པ་དེ་ནི་ཆོས་ཉིད་ཅིག་ཡིན་པ་དང་། དེང་དུས་ཀྱི་ཚན་རིག་བརྒྱུད་དེ་མགོ་རྙོག་ཆེ་བའི་རང་བྱུང་ཁམས་ཀྱི་གནས་ལུགས་དང་འབྲེལ་བའི་ཤེས་བྱའི་གོ་རྟོགས་འཕེལ་རྒྱས་སུ་ཕྱིན་པའི་ཐོག་ལ་ནང་པའི་ཚན་རིག་ཐོག་ནས་གཏིང་ཟབ་ཀྱི་གྲུབ་འབྲས་སོན་ཐུབ་ཡོད་སྐོར་བཀའ་བསྩལ་བ་དང་ཆབས་ཅིག དེང་གི་ཚན་རིག་དང་ནང་པའི་ཚན་རིག་གཉིས་ཀྱི་ཐུན་མིན་ཐོག་ནས་ཕྱི་ནང་གི་གནས་ལུགས་ལ་དཔྱད་ཐབས་ཟུང་འབྲེལ་དུ་སྤྱོད་ཚེ་ང་ཚོའི་ཕྱིའི་གཟུགས་པོ་དང་ནང་སེམས་རྒྱུད། དེ་བཞིན་སྤྱི་ཚོགས་ཀྱི་བདེ་ཐབས་ལ་ཞབས་འདེགས་རླབས་ཆེན་ཞུ་ཐུབ་པའི་ཐུགས་རེ་ཡོད་པ་བཀའ་བསྩལ་ཡོད་པ་རེད།༸གོང་ས་མཆོག་གིས་གསུང་འཕྲིན་གྱི་མཇུག་དེར་ང་ཚོ་ནང་པ་ཞིག་ཡིན་པའི་ཆ་ནས་སངས་རྒྱས་ཀྱིས་གསུང་དེ་དག་རྒྱུན་འཛིན་བྱེད་ཀྱི་ཡོད་ཀྱང་སངས་རྒྱས་ཀྱི་གསུང་དེ་རྣམས་འགྲོ་བ་མི་རྣམས་ཕན་ཚུན་ལྟོས་གྲུབ་དང་འབྲེལ་ཡོད་པ་ཞིག་ཆགས་ཡོད་པར་བཀའ་བསྩལ་བ་དང་སྦྲགས། ང་ཚོར་ཉེ་བར་མཁོ་བ་ནི་ཆོས་ལུགས་ཕན་ཚུལ་མཐུན་སྒྲིལ་གྱི་གོ་རྟོགས་སྤེལ་རྒྱུ་དང་ཆོས་ལུགས་ཚང་མའི་རྩ་བའི་ལྟ་གྲུབ་མི་འདྲ་བ་ཡོད་ཀྱང་དམིགས་ཡུལ་ནི་འགྲོ་བ་མིའི་སེམས་རྒྱུད་ལ་བདེ་སྐྱིད་བསྐྲུན་ཐབས་དེ་ཡིན་པ་དང་། ད་ལྟའི་ཆར་འཛམ་གླིང་ཐོག་དུས་ཀྱི་ཆེས་གཉན་འཕྲང་ཆེ་བའི་རྐྱེན་གྱིས་གདོང་ལེན་གནང་དགོས་པ་དང་། ལྷག་དོན་གཉན་འཕྲང་ཅན་གྱི་དུས་སྐབས་འདིར་རང་རེས་ནང་མི་གཉེན་འབྲེལ་འདས་གྲོངས་སུ་གྱུར་པའི་སྡུག་བསྔལ་དང་རང་གི་འཕྲོད་བསྟེན་གྱི་ཉེན་ཚབས་སོགས་ལ་བརྟེན་ནས་ང་ཚོ་ཚང་མ་ཁྱིམ་ཚང་གཅིག་གི་ནང་མི་ལྟར་རྡོག་རྩ་གཅིག་སྒྲིལ་དང་མཉམ་སྦྲེལ་བྱེད་དགོས་གལ་ཡིན་པར་ལམ་སྟོན་བཀྲིན་ཆེ་བ་མཛད་འདུག དེར་བསྟུན་ངེས་པར་དུ་ང་ཚོ་ཚང་མ་འགྲོ་བ་མི་གཅིག་གྱུར་ཡིན་པའི་གནས་བབ་ལ་བསམ་གཞིགས་ནན་པོ་བྱེད་དགོས་པ་མ་ཟད། འགྲོ་བ་མི་གཅིག་གྱུར་ཡིན་པའི་གཞི་རྩ་དེ་ལ་བརྟེན་ནས་བྱམས་བརྩེ་ལྡན་པའི་སྒོ་ནས་ཕན་ཚུན་གཅིག་ཕན་གཅིག་གྲོགས་བྱེད་དགོས་པ་དང་དེ་ལྟར་བྱེད་ཚེ་གོ་ལ་ཧྲིལ་པོར་སྔོན་ཆད་མ་བྱུང་བའི་གྲུབ་འབྲས་གཡུར་དུ་ཟ་བ་ཞིག་འཐོན་ངེས་ཡིན་པར་ལམ་སྟོན་བཀའ་བསྩལ་འདུག

ད་ཆ་རྒྱ་ནག་གྲོང་ཁྱེར་ཝུ་ཧན་ནས་ཐོག་མར་མཆེད་པའི་ཏོག་དབྱིབས་ནད་ཡམས་འདི་འཛམ་གླིང་རྒྱལ་ཁབ་༢༡༣ ཙམ་ནང་ཁྱབ་གདལ་ཕྱིན་ནས་མི་གྲགས་ ༣༦༤༦༨༦༧ ཙམ་ནད་ཡམས་དེ་ཕོག་འདུག་མ་ཟད། མི་གྲངས་ ༢༥༢༤༤༢ ཙམ་རྐྱེན་འདས་ཕྱིན་འདུག དེའི་ཁྲོད་ནས་ཁྱོན་མི་འབོར་ས་ཡ་ ༡༡ ལྷག་ཡོད་པའི་ཡོ་རོབ་རྒྱལ་ཁབ་སྦེལ་ཇམ་ནི་ནུབ་ཕྱོགས་རྒྱལ་ནང་ནས་བོད་མིའི་མང་ཤོས་གནས་ཡུལ་ཞིག་ཡིན་པ་དང། ད་ཆ་ཁུལ་དེའི་ནང་མི་གྲངས་ ༥༠༢༦༧ ཙམ་ལ་རྒྱ་ནག་ནད་ཡམས་དེ་ཕོག་འདུག་ཅིང། ད་བར་མི་གྲངས་ ༧༩༢༤ ཙམ་འདས་གྲོངས་ཕྱིན་པ་དང། མི་གྲངས་ ༡༢༣༧༨ ཙམ་དྲག་སྐྱེད་བྱུང་འདུགརླུང་འཕྲིན་ཁང་གིས་ནད་ཡམས་ཀྱི་དུས་སྐབས་འདིའི་ཁྲོད་སྦེལ་ཇམ་བོད་རིགས་ཚོགས་པའི་ཚོགས་གཙོ་ཕུར་བུ་དོན་གྲུབ་ལགས་སུ་ཞལ་པར་བརྒྱུད་ཁུལ་དེར་གནས་སྡོད་བོད་མིའི་གནས་སྟངས་སྐོར་རྒྱུས་ལོན་ཞུས་པ་ཡིན།

ཉན་པ།: Listen ཕབ་ལེན། Download པཎ་ཆེན་རིན་པོ་ཆེ་དང་ཨ་ཉ་སེང་སྒྲ་ལགས་གློད་བཀྲོལ་དགོས་པ་གསུངས་འདུག བོད་ཀྱི་ཆབ་སྲིད་བཙོན་ཟུར་ཚེ་རིང་བག་གྲོ་ལགས་སྐུ་གྲོངས་འདུག ཐེམ་སྤང་གི་བཀའ་རྒྱ་ཅུང་གུ་ཡངས་སུ་བཏང་འདུག ཐེམ་སྤང་གི་དུས་བཅད་གྲོལ་མ་ཐག་བྱ་བ་གང་ཞིག་གནང་འདོད་ཡོད་དམ། གླུ་གཞས་ལེ་ཚན། གཞས་པ་བུ་ཆུང་ལགས་ཀྱིས་བླངས་པའི་ ONE WORLD (Covid19) Tuesday 05/05/2020 Tibetan rights group call for release of Panchen Lama and Anya Sengdra Former political prisoner Tsering Bagdro passes away India enters third phase of lockdown with 'considerable relaxation' What is the first thing you want to do after this lockdown? MUSIC FEATURE: one world ( Covid) by Bhuchung

རྒྱ་ནག་ཝུ་ཧན་གྲོང་ཁྱེར་ནས་ཁྱབ་བརྡལ་བྱུང་བའི་ཏོག་དབྱིབས་རིམས་ནད་ཀྱི་ཛ་དྲག་གནས་སྟངས་ཁྲོད་འདས་པའི་ཉིན་གྲངས་ ༤༡ ལྷག་གི་རིང་ལ་རྒྱ་གར་རྒྱལ་ཡོངས་སུ་ཐེམ་སྤང་གི་བཀའ་རྒྱ་བཏང་པའི་ཐོག་མང་ཚོགས་རྣམས་སོ་སོའི་ནང་དུ་བཞུགས་བཞིན་ཡོད་པ་དང་། ཁ་སང་ཕྱི་ཚེས་ ༤ ཉིན་ཐེམ་སྤང་གི་བཀའ་དེ་མཇུག་སྒྲིལ་ལ་ཉེ་བའི་མཚམས་འདིར་སླར་ཡང་རྒྱ་གར་དབུས་གཞུང་གིས་རིམས་ནད་སྔོན་འགོག་ལ་དམིགས་ཏེ་ཐེམ་སྤང་གི་བཀའ་རྒྱ་རིམ་པ་གསུམ་པ་དེ་བཏང་སྟེ། ཟླ་བ་འདིའི་ཕྱི་ཚེས་ ༡༧ བར་ཁྱོན་གཟའ་འཁོར་གཉིས་ཀྱི་རིང་ལ་མུ་མཐུད་ཕྱི་ལ་གང་བྱུང་མི་འགྲོ་པར་སོ་སོའི་ནང་དུ་བཞུགས་དགོས་ཀྱི་ཡོད་པ་རེད། འོན་ཀྱང་ཐེངས་འདིའི་ཐེམ་སྤང་བཀའ་རྒྱའི་ནང་མང་ཚོགས་ཀྱི་འགྲོ་སྐྱོད་དང་། འཚོ་བའི་ལས་དོན་སོགས་ཀྱི་ཐད་ལ་ཅུང་གུ་ཡངས་སུ་བཏང་འདུག་པ་དང་། དེ་ཡང་མང་ཚོགས་རྣམས་ཉིན་ལྟར་སྔ་དྲོའི་ཆུ་ཚོད་ ༩ ནས་ཉིན་མོའི་ཆུ་ཚོད་ ༢ པའི་བར་མི་སྒེར་གྱི་ཉིན་རེའི་དགོས་མཁོ་ཉོ་རྒྱུ་སོགས་ཀྱི་སླད་དུ་ཕྱི་ལ་འགྲོ་ཆོག་པ་མ་ཟད། ཚོང་ཁང་རྣམས་ཀྱང་དེ་མཚུངས་ཀྱི་ཉིན་མོའི་ཆུ་ཚོད་ ༢ བར་སྒོ་ཕྱེ་ཆོག་གི་ཡོད་པ་རེད། དེ་བཞིན་ཟ་ཁང་དང་ཇ་ཁང་རྣམས་ཀྱང་དེ་མཚུངས་ཀྱི་སྒོ་ཕྱེ་ཆོག་གི་འདུག་ཀྱང་ཞལ་ལག་མངགས་ཉོ་བྱས་ནས་ནང་དུ་ཁྱེར་ཆོག་པ་ལས་ཟ་ཁང་དུ་བཟའ་མི་ཆོག་གི་མི་འདུག  དེ་བཞིན་དངུལ་ཁང་དང་གཞུང་སྒེར་གྱི་ལས་ཁུངས་ཁག་ཏུ་ཡང་ལས་བྱེད་གྲངས་ཚད་ངེས་ཅན་ཞིག་གིས་ལས་ཞུགས་བྱེད་ཆོག་པ་བཟོས་འདུག དེ་བཞིན་བཞུགས་སྒར་ཀཱང་རཱ་རྫོང་ཁོངས་སུ་སྔ་དྲོའི་ཆུ་ཚོད་ ༥།༣༠ ནས་ ༧ བར་ལུས་སྦྱོང་ཆེད་ཕྱི་ལ་ཕེབས་ཆོག་གི་འདུག་པ་དང་། གུ་ཡངས་དུས་ཚོད་དེའི་སྐབས་སུ་ཚོང་བདག་དང་མང་ཚོགས་རྣམས་ཀྱིས་ཕྱི་བསྐྱོད་སྐབས་ཁ་རས་ངེས་པར་དུ་བཞེས་དགོས་ཀྱི་ཡོད་པར་འཁོད་འདུག རྩ་བའི་ཐེངས་འདིའི་རྒྱ་གར་རྒྱལ་ཡོངས་ཐེམ་སྤང་གི་བཀའ་རྒྱ་རིམ་པ་གསུམ་འདི་ཟླ་བ་འདིའི་ཕྱི་ཚེས་ ༡༧ བར་གནས་ཀྱི་ཡོད་པ་དང་། རྒྱ་གར་ནང་ལ་ད་ལྟའི་ཆ་ལ་ཏོག་དབྱིབས་རིམས་ནད་ཕོགས་པ་མི་གྲངས་ ༤༦༤༣༣ ལྷག་དང་། འདས་གྲོངས་སུ་ཕྱིན་པའི་མི་གྲངས་ ༡༥༠༠ ལྷག་ཆགས་ཀྱི་ཡོད་པ་རེད།

ཁ་སང་རྡ་སར་རྟེན་གཞི་བྱས་པའི་དགུ་བཅུ་གསུམ་ལས་འགུལ་ཚོགས་པས་གནས་ཚུལ་སྤེལ་བ་ལྟར་ན། བོད་ཀྱི་ཆབ་སྲིད་བཙོན་ཟུར་རྒྱལ་གཅེས་བ་ཚེ་རིང་བག་གྲོ་ལགས་རྒྱ་ནག་གིས་བཙོན་འཇུག་གི་སྐབས་སུ་མནར་གཅོད་གང་པོ་བཏང་ཡོད་སྟབས། བཙོན་གྲོལ་ཐོབ་རྗེས་ནད་གཅོང་དུ་གྱུར་ཏེ། ཟླ་སྔོན་མའི་ཚེས་ ༢༦ ཉིན་སྐུ་གྲོངས་ཡོད་པའི་གནས་ཚུལ་ཐོན་འདུག རྒྱལ་གཅེས་པ་ཚེ་རིང་བག་གྲོ་ལགས་ནི་ལྷ་ས་གྲོང་ཁྱེར་མལ་གྲོང་གུང་དཀར་རྒྱ་མ་ཤང་ནས་ཡིིན་པ་དང་། ཆུང་དུས་སུ་ལྷ་སའི་ཤར་ཕྱོགས་དགའ་ལྡན་དགོན་དུ་ཆོས་ཞུགས་ཀྱིས་ནང་བསྟན་གཞུང་ལུགས་ལ་ཐོས་བསམ་སློབ་གཉེར་གནང་འགོ་ཚུགས་ནའང་། ལོ་རབས་དགུ་བཅུ་པའི་ནང་རྒྱ་ནག་གཞུང་གིས་བོད་ནང་རྒྱལ་གཅེས་ཆོས་གཅེས་དང་སྤྱི་ཚོགས་རིང་ལུགས་ཀྱི་བསམ་བློའི་སློབ་གསོ་ཟེར་བའི་ཆབ་སྲིད་ཀྱི་ལས་འགུལ་རྒྱ་ཆེར་སྤེལ་ཏེ། བོད་ཀྱི་རིས་མེད་དགོན་སྡེ་ཁག་གི་ནང་༸གོང་ས་མཆོག་གི་སྐུ་པར་བཤམས་མི་ཆོག་པ་སོགས་ཀྱི་གནས་སྟངས་ཛ་དྲག་གི་འོག་ཁོང་དང་རོགས་པ་འགའ་ཤས་ཀྱིས་སྤྱི་ལོ་༡༩༩༢ ལོའི་ཟླ་ ༦ ཚེས་ ༡༠ ཉིན་བོད་ཀྱི་རྒྱལ་ས་ལྷ་སར་ཞི་བའི་ངོ་རྒོལ་ཀྱི་ལས་འགུལ་སྤེལ་ནས་ལག་ཏུ་བོད་ཀྱི་རྒྱལ་དར་འཕྱར་བཞིན། བོད་རང་བཙན་ཡིན། རྒྱ་མི་བོད་ནས་ཕྱིར་འབུད་བྱེད་དགོས། བོད་ཀྱི་བདག་པོ་བོད་མི་ཡིན། ༸རྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག་ཅེས་ངོ་རྒོལ་སྐད་འབོད་བྱས་པ་དང་ དེ་མ་ཉིད་དུ་རྒྱ་ནག་གཞུང་གིས་སྤྱི་བདེ་ཉེན་རྟོག་པ་མངགས་གཏོང་གིས་འཇུ་བཟུང་བཙན་འཁྲིད་བྱས་ཏེ་ལམ་བར་ཉེས་རྡུང་སྣ་ཚོགས་གཏོང་བཞིན་ལྷ་སའི་དགུ་ཚ་བཙོན་ཁང་དུ་བཙོན་འཇུག་བཀག་ཉར་བྱས་ཡོད་པ་རེད། སྐབས་དེར་བཙོན་ཁང་གི་ཁོར་ཡུག་དང་ཆ་རྐྱེན་ཧ་ཅང་ཞན་པོ་ཡིན་པའི་ཁར། ཁ་ལག་གི་ཟས་བཅུད་མི་འདང་བ་དང་། རྟག་པར་ཞི་དྲག་གང་རུང་གི་རྣམ་པའི་ཐོག་ནས་དྲི་རྩད་བྱས་ཏེ་ལུས་སེམས་གཉིས་ལ་མནར་གཅོད་ཚད་ལས་འདས་བ་བཏང་ མཐར་ལྷ་ས་གྲོང་ ཁྱེར་འབྲིང་རིམ་མི་མང་ཁྲིམས་ཁང་ཟེར་བས་མི་ལོ་ ༨ ཀྱི་བཙོན་འཇུག་ཁྲིམས་ཐག་བཅད་པ་ཡོད་པ་རེད། གཞི་རྩའི་སྐབས་དེ་ནས་བཟུང་ཁོང་གི་ཆབ་སྲིད་ཀྱི་དབང་ཆ་ལོ་གཉིས་བཙན་འཕྲོགས་བྱས་ཏེ་སྤྱི་ལོ་ ༡༩༩༢ ལོའི་ཟླ་ ༡༡ ནང་ལྷ་སའི་གྲྭ་བཞི་བཙོན་ཁང་དུ་བཙོན་འཇུག་བྱས། སྤྱི་ལོ་ ༢༠༠༠ ལོའི་ཟླ་ ༦ ཚེས་ ༩ ཉིན་དུས་བཀག་བཙོན་འཇུག་གི་ལོ་དུས་རྫོགས་ཏེ་བཙོན་ནས་གློད་བཀྲོལ་ཐོབ་ཡོད་ནའང་། ཁོང་ད་དུང་རྒྱ་གཞུང་གི་འབྲེལ་ཡོད་མི་སྣས་དུས་རྟག་ཏུ་ལྟ་སྲུང་འོག་གནས་ཡོད་པ་རེད། མཐར་སྤྱི་ལོ་ ༢༠༢༠ ལོའི་ཟླ་༤ ཚེས་ ༢༦ ཉིན་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་ཡོད་པར་འཁོད་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་ནད་ཡམས་དང་འབྲེལ་བའི་གསུང་འཕྲིན་བསྩལ་བ། མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་གཏོད་པའི་སྲོལ་ཡིག་སྒྲིག་ཁྲིམས་ལག་བསྟར། བོད་མི་ཞི་རྒོལ་བའི་ཐོབ་ཐང་སྲུང་སྐྱོབ་སླད་དྲྭ་ཐོག་ལས་འགུལ་དབུ་འཛུགས། གཉན་རིམས་རྐྱེན་པས་ཚེ་སྲོག་ཤོར་བ་དང་ནད་མནར་ཕྱིར་དུ་ཞབས་རིམ་གསོག་སྒྲུབ་གནང་རྒྱུ། དབྱིན་ཡུལ་གྱིས་རྒྱ་ནག་གི་འཕྲུལ་ཆས་རྫུན་མ་ཕྱིར་བསྒྲགས། གཉན་རིམས་ཁྱབ་བརྡལ་ཁྲོད་གྱོང་གུད་གང་ཕོག་པའི་འགན་ཆ་ཚང་རྒྱ་ནག་ནས་འཁུར་དགོས། དམིགས་བསལ་ལེ་ཚན། བོད་དང་མན་ཇུ་རྒྱལ་རབས་ཀྱི་འབྲེལ་བའི་སྐོར། Monday 04/05/2020 World Should Unite for a Coordinated Global Response to COVID-19: Dalai Lama New Ethnic Unity regulations to come into effect in Tibet, rights group express concern Tibetans Defend #RightToProtest: TCHRD launches #WhyProtest digital campaign CTA. to organize prayer service for Tibetans affected by COVID19 Entire UK order of 250 Chinese ventilators ditched over danger to lives Feature: Tibet and Manchu Dynasty

རྒྱ་ནག་གཞུང་ནས་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་གཏོད་པའི་སྲོལ་ཡིག་ཞེས་པའི་སྒྲིག་ཁྲིམས་དེ་བོད་རང་སྐྱོང་ལྗོངས་ཟེར་བའི་ནང་ཉེ་ལམ་ཟླ་བ་ ༥ ཚེས་ ༡ ཉིན་ནས་ལག་བསྟར་འགོ་བཙུགས་འདུག གཞི་རྩའི་འདི་ལོའི་ཟླ་བ་ ༡ པོའི་ནང་བོད་རང་སྐྱོང་ལྗོངས་ཟེར་བའི་མི་དམངས་འཐུས་མི་ཚོགས་ཆེན་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་ཚང་འཛོམས་གྲོས་ཚོགས་ཐེངས་ལྔ་པར་བོད་རང་སྐྱོང་ལྗོངས་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་གཏོད་པའི་སྲོལ་ཡིག་ཞེས་པའི་ཁྲིམས་འཆར་ཞིག་གཏན་འབེབས་བྱས་ཡོད་པ་དང་།  སྲོལ་ཡིག་དེའི་ནང་རྒྱ་ནག་གི་སྲིད་འཛིན་ཞི་ཅིན་ཕིང་གི་དུས་རབས་གསར་པའི་རྒྱ་ནག་གི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ཞེས་པ་དེ་མཛུབ་ཁྲིད་བྱས་པ་དང་རྒྱལ་ཁབ་ཀྱི་ཐབས་བྱུས་བཀོད་སྒྲིག་གལ་ཆེན་དང་བླང་བྱར་བརྩི་སྲུང་ཞུས་ནས་རང་སྐྱོང་ལྗོངས་ཀྱི་མི་རིགས་མཐུན་སྒྲིལ་ཡར་ཐོན་ལས་དོན་གྱི་ཉམས་མྱོང་གྲུབ་འབྲས་དང་ཟུང་འབྲེལ་བྱས་ཏེ་རྒྱལ་ཁབ་ལས་ཁུངས་དང་། སྤྱི་ཚོགས་རྩ་འཛུགས། སྤྱི་དམངས་མི་སྒེར་བཅས་ཀྱིས་མི་རིགས་མཐུན་སྒྲིལ་ཡར་ཐོན་ཐད་སྐུལ་འདེད་གཏོང་བའི་འགན་འཁྲི་དང་འོས་འགན་ཡོད་པ་སོགས་འཁོད་ཡོད་པ་རེད། རྒྱལ་སྤྱིའི་བོད་དོན་ལས་འགུལ་ཁང་གིས་ཕྱི་ཟླ་ ༤ ཚེས་ ༣༠ ཉིན་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་གཏོད་པའི་སྲོལ་ཡིག་ཞེས་པ་དེས་བོད་མི་རྣམས་ནས་རང་ཉིད་ཀྱི་རིག་གཞུང་དང་ཡུལ་སྲོལ་གོམས་གཤིས་སོགས་བདག་གཅེས་བྱེད་ཆོག་པའི་རྩ་འཛིན་ལས་འགལ་གྱི་ཡོད་པ་དང་། ལྷག་པར་དུ་སྒྲིག་ཁྲིམས་གསར་པ་དེའི་བརྒྱུད་རྒྱ་ནག་གཞུང་ལ་བོད་རང་སྐྱོང་ལྗོངས་ཟེར་བའི་ནང་རྒྱ་ནག་གི་ཁྱད་ཆོད་ལྡན་པའི་སྤྱི་ཚོགས་རིང་ལུགས་ལག་བསྟར་བྱེད་རྒྱུར་དབང་ཆ་སྤྲད་རྒྱུ་ཡིན་པ་མ་ཟད། སྒྲིག་ཁྲིམས་དེ་ལག་བསྟར་གྱིས་བོད་མི་ཚོར་དེ་སྔ་ལས་ལྷག་པའི་མི་རིགས་དབྱེ་འབྱེད་བྱེད་སྲིད་པས་དེ་ནི་ཐུགས་འཚབ་ཀྱི་གནད་དོན་ཞིག་ཡིན་པ་གསུངས་འདུགདེ་བཞིན་བོད་མི་རྣམས་ཀྱི་ཡུལ་སྲོལ་གོམས་གཤིས་རྩ་མེད་གཏོང་རྒྱུར་དམིགས་པའི་སྒྲིག་ཁྲིམས་དེས་མི་རིགས་དབྱེ་འབྱེད་རྩ་གཏོར་གྱི་གྲོས་མཐུན་དང་། བྱིས་པའི་ཐོབ་ཐང་གི་གྲོས་མཐུན། དེ་བཞིན་དཔལ་འབྱོར་དང་སྤྱི་ཚོགས། རིག་གཞུང་སྲུང་སྐྱོབ་ཀྱི་གྲོས་མཐུན་བཅས་རྒྱལ་སྤྱིའི་འགྲོ་བ་མིའི་ཐོབ་ཐང་སྲུང་སྐྱོབ་ཀྱི་སྒྲིག་གཞི་ལས་འགལ་ཡོད་པ་གསུངས་འདུག ཕྱོགས་མཚུངས་བོད་གནས་དཔྱད་ཞིབ་པས་རྒྱ་གཞུང་གིས་སྒྲིག་ཁྲིམས་དེ་བརྒྱུད་དེ་ཡུ་གུར་ཁ་ཆེ་མི་རིགས་ཚོར་དྲག་གནོན་བྱེད་པ་བཞིན་བོད་མི་ཚོར་སྔར་ལྷག་དྲག་གནོན་བྱེད་རྒྱུ་ཡིན་པའི་ཐུགས་འཚབ་གནང་གི་འདུག རྒྱལ་སྤྱིའི་བོད་དོན་ལས་འགུལ་ཁང་གིས་གཞུང་དང་རྒྱལ་སྤྱིའི་ཚོགས་སྡེ་ཁག་ནས་རྒྱ་གཞུང་གི་བྱ་སྤྱོད་ལ་ནན་པོའི་ཐོག་ནས་གཟིགས་ཞིབ་གནང་རྒྱུ་དང་དེ་བཞིན་རྒྱ་གཞུང་གི་བྱ་སྤྱོད་དག་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚད་གཞི་དང་ངེས་པར་དུ་མཐུན་ཐུབ་པ་བཟོ་དགོས་པའི་འབོད་སྐུལ་གནང་འདུག