ཉན་པ།: Listen
ཕབ་ལེན། Download
ཚེ་རབས་ནས་ཚེ་རབས་བར་དུ་གཞན་དོན་མཛད་རྒྱུའི་དགོངས་པ་ཡོད་པ་བཀའ་སྩལ་བ།
སིམ་ལ་རུ་ཁག་ལོ་ལྔའི་རིང་༸རྒྱལ་ཡུམ་ཆེན་མོའི་རྩེད་འགྲན་ནང་མཉམ་ཞུགས་མི་ཆོག་པའི་ཉེས་ཆད།
ལོ་ངོ་ ༢༥ རྗེས་སུ་ཧོང་ཀོང་གི་སྤྱི་ཁྱབ་གསར་པའི་དམ་འབུལ་མཛད་སྒོ་ཚོགས་འདུག
ངོ་དེབ་ཀྱི་ Messenger Chatbot བརྒྱུད་འཇབ་རྒོལ་གྱིས་གསང་རྐུ་བྱས་པར་དོགས་ཟོན།
ནཱ་ཊོ་སྒྲིག་འཛུགས་ཀྱིས་ཆེས་ཐོག་མར་རྒྱ་ནག་དེ་གདོང་ལེན་བྱེད་དགོས་པའི་རྒྱལ་ཁབ་ལ་མིང་འབོད།
Friday 01/07/2022
Dalai Lama congratulates Philippines new President Marco Jr.
Shimla United FC handed 5 years ban from GCM
Xi attends Hong Kong 25th handover anniversary, John Lee sworn in as new Chief
Malicious Messenger chatbot are being used to steal credential
NATO identifies China as a major systemic challenge
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྐུ་ཞབས་ Ferdinand Marcos Jr ལགས་ Philippines ཡི་རྒྱལ་ཡོངས་འོས་བསྡུ་ཆེན་མོའི་ནང་རྒྱལ་ཁ་ཐོབ་ནས་ཡུལ་དེའི་སྲིད་འཛིན་སྐབས་ ༡༧ པར་བསྐོ་གཞག་བྱུང་བར་དགའ་བསུའི་འཚམས་འདྲི་སྩལ་བ་དང་སྦྲགས། མ་འོངས་ལས་དོན་དང་མི་མང་གི་མངོན་འདོད་ཁག་གང་ལེགས་གྲུབ་ཐུབ་པའི་ཐུགས་སྨོན་མཛད་འདུགསྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་དགའ་བསུའི་འཚམས་འདྲི་ཞིག་སྩལ་བའི་ནང་དུ་མགོན་པོ་༸གང་ཉིད་མཆོག་གིས་སྲིད་འཛིན་མཆོག་གི་ལས་ཡུན་ནང་གདོང་ལེན་གནང་དགོས་པའི་ལས་དོན་རྣམས་ལམ་ལྷོངས་ལྡན་པ་དང་། དཔལ་འབྱོར་ཞན་པའི་ཧྥི་ལི་པི་ནོའི་མང་ཚོགས་ཚོའི་མངོན་འདོད་དང་རེ་འདོད་ཁག་གང་ལེགས་གྲུབ་ཐུབ་པར་ཐུགས་སྨོན་མཛད་འདུགམགོན་པོ་༸གང་ཉིད་མཆོག་གིས་སྐུ་ཉིད་ཀྱི་མཁྱེན་གསལ་ལྟར། ངོས་དང་ཧྥི་ལི་པི་ནོའི་མང་ཚོགས་དབར་མཛའ་འབྲེལ་དམ་ཟབ་ཡོད་ཅེས་བཀའ་སྩལ་བ་དང་འབྲེལ། མགོན་པོ་༸གང་ཉིད་མཆོག་ཕྱི་ལོ་ ༡༩༥༩ ལོར་བཙན་བྱོལ་དུ་ཕེབས་མ་ཐག་ཧྥི་ལི་པི་ནོའི་མང་ཚོགས་ཀྱིས་གདུང་སེམས་མཉམ་བསྐྱེད་ཀྱི་རྒྱབ་སྐྱོར་མཚོན་ཕྱིར་ Ramon Magsaysay Award ཞེས་པའི་གཟེངས་རྟགས་ཕུལ་བ་དེས་༸གོང་ས་མཆོག་ལ་ཐུགས་འགུལ་ཆེན་པོ་ཐེབས་བྱུང་ཞེས་བཀའ་སྩལ་བ་དང་ཆབས་ཅིག ལྷག་དོན་སྙན་གྲགས་ཆེ་བའི་དབུ་ཁྲིད་ཀྱི་མཚན་གནས་ཡོད་པའི་གཟེངས་རྟགས་འབུལ་བཞེས་ཀྱི་དགོས་དམིགས་ལྟར་མགོན་པོ་༸གང་ཉིད་མཆོག་གིས་མུ་མཐུད་ནས་ཆིག་སྒྲིལ་དང་གཞན་དོན་བསྒྲུབ་རྒྱུའི་སྙིང་སྟོབས་དང་དམ་བཅའ་བརྟན་པོ་བཟུང་ཡོད་ཅེས་སོགས་བཀའ་སྩལ་འདུགགསུང་འཕྲིན་གྱི་མཇུག་ཏུ་༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་༸གང་ཉིད་མཆོག་ནས་ང་ཚོའི་མི་ཚེ་དང་རིག་གཞུང་གི་དོན་སྙིང་འཚེ་མེད་ཞི་བ་དང་བྱམས་སྙིང་རྗེའི་བསླབ་བྱ་རྣམས་ཉམས་བཞེས་གནང་དགོས་པའི་སྐུལ་ལྕག་མཛད་ཀྱི་ཡོད་སྐོར་བཀའ་སྩལ་བ་དང་ལྷན་གཅིག་ཏུ་བསླབ་བྱ་དེ་དག་སྐྱེ་འགྲོའི་བདེ་སྡུག་ལ་སྨན་ཕྱིར་ཞབས་འདེབས་ཞུ་འདོད་ཡོད་རིགས་ཀུན་ནས་ཉམས་བཞེས་གནང་ཐུབ་པར་ཡིད་ཆེས་ཡོད་ཅེས་ལམ་སྟོན་མཛད་འདུག།
གཞི་རྩའི་སྐུ་ཞབས་ Ferdinand Marcos Jr ལགས་ནི་ཕྱི་ལོ་ ༡༩༥༧ ལོར་ Philippines རྒྱལ་ས་ Manila ནང་དུ་སྐུ་འཁྲུངས་ཤིང་། ཁོང་གི་ཡབ་དམ་པ་ Ferdinand Marcos Sr Philippines ཡིས་སྲིད་འཛིན་སྐབས་ ༡༠ པའི་ཐུགས་འགན་བཞེས་མྱོང་ཡོད་པ་རེད། དེ་བཞིན་ ༡༩༨༠ ལོར་ llocos Norte ཡི་གཞུང་འཛིན་པ་སྐུ་གཞོན་གྱི་ཐུགས་འགན་བཞེས་པ་དང་དེ་རྗེས་ ༡༩༨༦ ལོར་ Hawaii ལ་སྐྱབས་བཅོལ་དུ་ཕེབས་དགོས་བྱུང་ཡོད་ཀྱང་སླར་རང་ཡུལ་དུ་ཕྱིར་ལོག་གནང་ཡོད་པ་རེད། འབྲེལ་ཡོད་པར་གྱི་བདག་དབང་། nbcnews དང་།The star དེ་བཞིན་ Bangkok Post