ARCHIVE
Monthly Archives: October, 2022
རེས་གཟའ་པ་སངས། ༢༠༢༢།༡༠།༢༨
vot.org -
ཉན་པ།: Listen
ཕབ་ལེན། Download
བོད་ཕྲུག་ཚོ་རྒྱ་གཞུང་གི་ཤེས་ཡོན་སྲིད་བྱུས་ལས་སྲུང་སྐྱོབ་དགོས་པའི་ཞུ་གཏུག་གནང་བ།
བོད་ཀྱི་རྒྱལ་ས་ལྷ་ས་ནས་རྒྱ་རིགས་ལས་མི་ཚོ་ཕྱིར་ལོག་འགོ་འཛུགས།
ཨ་རིས་རྒྱ་ནག་ལ་གདོང་ལེན་ཆེད་རྒྱ་གར་དང་བདེ་འཇགས་དམག་དོན་གྱི་ལས་གཞི་རྒྱ་སྐྱེད།
བཙུན་དགོན་ཤུག་གསེབ་ཨོ་རྒྱན་རྫོང་དུ་སློབ་དཔོན་མ་དང་དབུ་ཕར་གྱི་ཕྱག་འཁྱེར་འབུལ་བཞེས་མཛད་སྒོ།
བཙན་བྱོལ་བོད་མི་གནས་སྟངས་ངོ་སྤྲོད། བྱེས་གཙང་དགེ་བཤེས་ངག་དབང་ཆོས་བཟང་ལགས་ཀྱི་ལོ་རྒྱུས།
Friday 28/10/2022
Tibet rights group urges UK government to help protect Tibet’s children
Chinese migrant workers who staged protest in Lhasa permitted to leave
US plan to “advance its defence ties with India to deter China: Pentagon
Ngagyur Shugsheb Nunnery Institute celebrates the graduation ceremony of ‘Lobpon Ma’
Tibetans in Diaspora: Former Buxar monk Geshe Ngawang Choesang
བོད་ཕྲུག་ཚོ་རྒྱ་གཞུང་གི་ཤེས་ཡོན་སྲིད་བྱུས་ལས་སྲུང་སྐྱོབ་དགོས་པའི་ཞུ་གཏུག་ལས་འགུལ་སྤེལ་བ།
vot.org -
དབྱིན་ཡུལ་ནང་རྟེན་གཞི་བྱས་པའི་བོད་རང་དབང་ཚོགས་པ་དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་། དབྱིན་ཡུལ་བོད་རིགས་སྤྱི་མཐུན་ཚོགས་པ་བཅས་ཐོུང་གིས་དབྱིན་ཡུལ་གཞུང་གི་ངོས་ནས་བོད་ནང་གི་བོད་ཕྲུག་ཚོ་རྒྱ་ནག་གཞུང་གི་བཙན་གནོད་ལམ་ལུགས་འོག་བཅའ་སྡོད་སློབ་གྲྭའི་སྲིད་བྱུས་ལས་སྲུང་སྐྱོབ་དགོས་ཞེས་མང་ཚོགས་ཆིག་ཁྲི་ལྷག་གི་རྒྱབ་སྐྱོར་ཡོད་པའི་མཚན་བརྟགས་བསྡུ་རུབ་ཞུས་པའི་ཞུ་སྙན་ཞིག་དབྱིན་ཡུལ་གྱི་ཕྱི་སྲིད་བློན་ཆེན་སྐུ་ཞབས་ James Cleverly མཆོག་གི་མཚན་ཐོག་ལ་ཕུལ་འདུགམཚན་བརྟགས་བསྡུ་རུབ་ཀྱི་ཞུ་གཏུག་ལས་འགུལ་དེ་ཟླ་གཉིས་ལྷག་གི་སྔོན་ནས་དྲ་ཐོག་བརྒྱུད་སྤེལ་ཡོད་པ་དང་། དབྱིན་ཡུལ་གྱི་ཕྱི་སྲིད་བློན་མཆོག་ལ་ཕུལ་བའི་ཞུ་སྙན་ནང་གཙོ་བོ་ཉེ་བའི་ལོ་ཤས་ནས་བཟུང་སྟེ་རྒྱ་གཞུང་གིས་བོད་ཀྱི་ས་ཁུལ་ཁག་ཏུ་དབང་བསྒྱུར་ལམ་ལུགས་འོག་བཅའ་སྡོད་སློབ་གྲྭ་ཆེད་འཛུགས་ཀྱིས་བོད་ཕྲུག་རྣམས་བཅའ་སྡོད་སློབ་གྲྭ་དེ་དག་ནང་དུ་བཙན་དབང་ཐོག་སློབ་འཇུག་བྱེད་བཅུག་པ་མ་ཚད་པར་བོད་ཕྲུག་ཚོར་རྒྱ་ཡིག་ཁོ་ནའི་སློབ་ཚན་ཆེད་ཁྲིད་བྱས་ཏེ་མ་འོངས་པར་བོད་མི་རིགས་ཀྱི་ངོ་བོ་རྩ་མེད་བཟོ་རྒྱུའི་ཛ་དྲག་ཅན་གྱི་གནད་དོན་ཆགས་ཡོད་པ་སོགས་འཁོད་ཡོད་པ་རེད། དབྱིན་ཡུལ་བོད་རིགས་ཚོགས་པའི་ཚོགས་གཙོ་དང་བོད་རང་དབང་ཚོགས་པའི་ལས་འགུལ་འགན་འཛིན་གཅིག་ལྕོགས་བསྟན་འཛིན་ཀུན་དགའ་ལགས་ཀྱིས་གོ་གསལ་ཞུ་སྙན་དེ་ཁ་སང་དབྱིན་ཡུལ་གྱི་ཕྱི་སྲིད་བློན་མཆོག་གི་མཚན་ཐོག་ལ་ཕུལ་ནས་རིང་མིན་ཕྱི་ཟླ་ ༡༡ ཚེས་ ༣ དང་ ༤ བཅས་ལ་ཡོ་རོབ་རྒྱལ་ཁབ་འཇར་མི་ནི་ནང་འཚོགས་རྒྱུའི་ G7 སྟོབས་ཆེན་རྒྱལ་ཁབ་ཁག་གི་ཕྱི་སྲིད་བློན་ཆེན་རྣམས་འདུ་འཛོམས་ཀྱི་ལྷན་ཚོགས་ཐོག་གླེང་སློང་གནང་སྐྱོང་ཡོང་བའི་འབོད་སྐུལ་ཞུ་ཆེད་ཡིན་པར་འགྲེལ་བརྗོད་གནང་སོང་།སྔ་ལོར་ཨ་རི་ནང་རྟེན་གཞི་བྱས་པའི་བོད་དོན་ལས་འགུལ་བསྟི་གནས་ཁང་གིས་སྙན་ཐོ་ཞིག་འདོན་སྤེལ་གནང་སྟེ་སྲིད་འཛིན་ཞི་ཅིན་ཕིང་གི་སྲིད་གཞུང་གིས་མི་རིགས་མཉམ་བསྲེས་ཀྱི་སྲིད་བྱུས་འོག་བོད་ཁུལ་དུ་ལོ་དྲུག་ནས་བཅོ་བརྒྱད་བར་གྱི་སློབ་ཕྲུག་འབུམ་ ༨ ནས་ ༩ བར་སློབ་ཕྲུག་གྲངས་འབོར་ཁྱོན་བརྒྱ་ཆ་ ༧༨ ཙམ་རྒྱ་ནག་གཞུང་གིས་བཙན་ཤེད་འོག་བཅའ་སྡོད་སློབ་གྲྭ་ཁག་ཏུ་གཏན་སྡོད་བྱེད་བཞིན་པའི་བོད་ཕྲུག་དེ་དག་སོ་སོའི་ཕ་མ་དང་སྤྱི་ཚོགས་ནས་རྒྱང་རིང་བཞག་པ་དང་། སློབ་གྲྭ་ནང་དུ་སློབ་ཁྲིད་ཆ་ཚང་རྒྱ་ཡིག་དང་རྒྱ་སྐད་ཐོག་ནས་བྱེད་བཞིན་པར་མ་ཟད་ཆབ་སྲིད་རང་བཞིན་གྱི་སློབ་གསོ་ཤུགས་ཆེར་སྤྲོད་བཞིན་པའི་འོག་བོད་པའི་སློབ་ཕྲུག་ཚོར་བོད་ཀྱི་ཆོས་རིག་དང་ལེགས་བྱང་སོགས་དང་འབྲེལ་བ་སྤུ་ཙམ་ཡང་མེད་པའི་ཁར་བོད་མི་རིགས་ཀྱི་ངོ་བོ་གང་ཡིན་མི་ཤེས་པ་བཟོ་བཞིན་ཡོད་པ་སོགས་ཀྱི་སྲིད་བྱུས་སྤེལ་ཏེ་རྒྱ་ནག་གཞུང་དང་གུང་ཁྲན་ཏང་ལ་དགའ་མོས་བྱེད་མཁན་གྱི་མི་རབས་ཤིག་བསྐྲུན་ཐབས་བྱེད་བཞིན་ཡོད་པར་མངོན་གསལ་གནང་ཡོད།
བོད་ཀྱི་རྒྱལ་ས་ལྷ་ས་ནས་རྒྱ་རིགས་ལས་མི་ཚོ་ཕྱིར་ལོག་འགོ་འཛུགས།
vot.org -
ཁ་སྔོན་ཕྱི་ཚེས་ ༢༦ ཉིན་བོད་ཀྱི་རྒྱལ་ས་ལྷ་སའི་ཁྲེང་ཀོན་ཆུས་ལྕགས་རོང་སྡེ་ཁུལ་ནང་རྒྱ་རིགས་ལས་མི་ཚོས་རང་སར་ཕྱིར་ལོག་བཅུག་དགོས་པའི་ངོ་རྒོལ་སྐད་འབོད་བྱེད་མཁན་རྣམས་ད་ཆ་རང་གནས་སུ་ཕྱིར་ལོག་འགོ་འཛུགས་བྱས་འདུགཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་ཁ་སང་དྲ་ཐོག་གསར་དུ་སྤེལ་བའི་བརྙན་པར་ལ་གཞིགས་ན། ཁུལ་དེའི་རྒྱ་རིགས་ལས་མི་ཚོ་རུ་སྒྲིག་ཏེ་རྒྱ་ནག་ལ་ཕྱིར་ལོག་པའི་ཡིག་ཆ་མཁོ་སྒྲུབ་བྱེད་བཞིན་ཡོད་པ་མངོན་རྒྱུ་འདུག
རྩ་བའི་ཁ་སྔོན་གྱི་ངོ་རྒོལ་ལས་འགུལ་དེ་ནི་ལྷ་སར་གནས་སྡོད་རྒྱ་རིགས་ཚོས་འདས་པའི་བདུན་ཕྲག་མང་པོའི་རིང་ས་གནས་སྲིད་གཞུང་ལ་རང་གནས་སུ་ཕྱིར་ལོག་འཐུས་ཀྱི་འབོད་སྐུལ་ལན་མང་ཞུས་ཀྱང་དེ་ཕྱོགས་ནས་དོན་འབྲས་སོན་པའི་ཡ་ལན་གང་ཡང་བྱུང་མེད་རྐྱེན་ལས་མི་ཚང་མ་མཉམ་རུབ་ཀྱིས་ངོ་རྒོལ་གྱི་ལས་འགུལ་སྤེལ་བ་ཞིག་ཆགས་ཡོད་པ་དང་འབྲེལ། ལས་འགུལ་ནང་ས་གནས་བོད་མི་མི་ཉུང་བ་ཞིག་མཉམ་ཞུགས་གནང་ཡོད། སྤྱི་ཚོགས་དྲ་ལམ་ཁག་ཏུ་གནས་ཚུལ་དེ་བརྒྱུད་སྤེལ་བྱེད་མཁན་མང་པོ་བྱུང་ཡོད་པའི་ཁྲོད། ཐེངས་འདིའི་ངོ་རྒོལ་གྱི་ལས་འགུལ་དེ་ཁུལ་དེར་གནས་སྡོད་རྒྱ་རིགས་ལས་མི་ཚོས་སྣེ་ཁྲིད་པ་ཞིག་ཡིན་པ་དང་། གལ་ཏེ་དེ་ལྟ་བུའི་ལས་འགུལ་དེ་བོད་རིགས་ཚོས་སྤེལ་ཚེ་དེར་དྲག་གནོད་བྱ་རྒྱུ་གཏན་ཁེལ་བ་རེད་ཅེས་འགྲེལ་བརྗོད་གནང་མཁན་འདུགགཞི་རྩའི་བོད་ཀྱི་རྒྱལ་ས་ལྷ་སར་རྒྱ་གཞུང་གི་གཉན་རིམས་ཀླད་ཀོར་གྱི་སྲིད་བྱུས་ལག་བསྟར་འོག་ཐེམ་སྤང་བཀའ་རྒྱ་བསྡམས་ནས་ད་ཆ་ཉིན་གྲངས་ ༧༥ ལྷག་འགྲོ་བཞིན་ཡོད་ཀྱང་གནས་སྟངས་ལ་བཟང་ཕྱོགས་ཀྱི་འགྱུར་བ་ཕྱིན་མེད་པར་མ་ཟད། བོད་མི་མང་པོ་ལྟོགས་བཀྲེས་ཀྱི་གནས་སུ་གྱར་བའི་ངལ་བ་འཕྲད་བཞིན་ཡོད་པ་དང་། ལྷག་པར་རིམས་ནད་འགོག་ཐབས་ཁྲོད་མི་མང་ཚོ་མཐུན་རྐྱེན་ཞན་པའི་འགོག་དབྱེ་ཟུར་འཇོག་ཁང་དུ་བཞག་ཡོད་སྟབས་དཀའ་ངལ་མུ་མཐུད་འཕྲད་བཞིན་ཡོད་པ་རེད་འདུག
སྤྱི་ཚོགས་དྲ་ལམ་ཁག་ཏུ་བོད་ཀྱི་རྒྱལ་ས་ལྷ་ས་ནས་ཁུལ་དེའི་གནས་སྟངས་དང་འབྲེལ་བའི་བརྙན་པར་འགའ་མུ་མཐུད་ཕྱིར་འགྱར་འབྱུང་བཞིན་ཡོད་པ་ལྟར་བརྙན་པར་གཞན་ཞིག་གི་ནང་དུ་ཟུར་བཀག་ཁང་ནང་ཡར་འཛུལ་བར་ཆུ་ཚོད་ ༤ ལྷག་འགོར་ཡོད་པ་དང་། མི་བརྒྱ་ཕྲག་མང་པོ་ཟུར་བཀག་ཏུ་བཅུག་ཡོད་པ་དེ་དག་གི་གནས་སྟངས་ཆེས་ཞན་པོ་ཡོད་པ་ཐེར་འདོན་གནང་འདུགཕྱོགས་མཚུངས་བརྙན་པར་གཞན་ཞིག་གི་ནང་རྒྱ་གཞུང་གི་ལས་བྱེད་དང་ཉེན་རྟོག་པ་རྣམས་རིམས་ནད་འགོག་སྲུང་གི་ཆས་སྤྲས་ཏེ་ལྷ་ས་ཁུལ་དུ་བོད་མི་རྣམས་ཟུར་བཀག་ཁང་དུ་ཆེད་ཁྲིད་རྗེས་ཅི་བྱ་གཏོལ་མེད་ཀྱི་གནས་སྟངས་འོག་ལུས་ནས་ངལ་བ་འཕྲད་མུས་ཡིན་པ་མཐོང་རྒྱུ་འདུག
རིམས་ནད་འགོག་སྲུང་གི་ཆས་གོས་སྤྲས་ཏེ་སྒོའི་འཁྲིས་སུ་གང་ཟག་ཞིག་ལངས་ཡོད་པའི་བརྙན་པར་ཞིག་ཕྱིར་འགྱར་བྱུང་བའི་ནང་གང་ཟག་དེས་ང་ཚོ་ཐེམ་སྤང་བཀའ་རྒྱའི་འོག་ཉི་གྲངས་ ༧༠ ལྷག་ཕྱིན་ཚར་སོང་། ང་རང་ཕྱིར་སོང་མེད། ང་ཚོ་སེམས་པ་སྐྱིད་པོ་མེད་པ་མ་ཚད་རང་སྲོག་དོར་བའི་བསམ་བློ་འཁོར་གྱི་འདུག དེ་སྔོན་གནས་སྟངས་ཚང་མ་ཡག་པོ་ཡོད་པ་དང་། ད་ཆ་མི་རྣམས་སྨྱོན་པ་ལྟ་བུ་ཆགས་གྲབས་བྱེད་ཀྱི་འདུག ཁྱེད་རང་ཚོ་རིམས་ནད་འགོག་སྲུང་གི་ཆས་སྤྲས་ནས་སྒོའི་འཁྲིས་སུ་གློ་བུར་དུ་མཐོང་ཚེ་ཞེད་སྣང་དང་དངངས་སྐྲག་ཡོང་གི་འདུག ད་དུང་བརྟག་དཔྱད་བྱེད་མཁན་རྣམས་ཚུལ་མཐུན་ཐོག་ནས་བརྟག་དཔྱད་བྱེད་ཀྱི་མི་འདུག་ཅེས་སྐྱོན་བརྗོད་གནང་བ་མཐོང་རྒྱུ་འདུག
ཨ་རིས་རྒྱ་ནག་ལ་གདོང་ལེན་ཆེད་རྒྱ་གར་དང་བདེ་འཇགས་དམག་དོན་གྱི་ལས་གཞི་རྒྱ་སྐྱེད་གཏོང་འཆར།
vot.org -
ཨ་རིའི་རྒྱལ་ཁབ་བདེ་འཇགས་ཐབས་བྱུས་ལས་ཁུངས་ཀྱིས་ཕྱི་ལོ་ ༢༠༢༢ ལོའི་ཨ་རིའི་བདེ་འཇགས་ཐབས་བྱུས་དང་འབྲེལ་བའི་འཆར་གཞི་ཁག་གཅིག་ཡོངས་གྲགས་གནང་བར་ཨ་རིའི་ངོས་ནས་རྒྱ་ནག་འདི་མུ་མཐུད་གདོང་ལེན་བྱ་ཡུལ་གྱི་རྒྱལ་ཁབ་གཙོ་བོར་ངོས་འཛིན་གྱི་ཡོད་པར་འགྲེལ་བརྗོད་དང་སྦྲགས་ཏེ་རྒྱ་ནག་ལ་གདོང་ལེན་ཆེད་དུ་རྒྱ་གར་དང་ལྷན་དུ་བདེ་འཇགས་དམག་དོན་གྱི་ལས་གཞི་རྒྱ་སྐྱེད་གཏོང་འཆར་ཡོད་པ་གསུངས་འདུགཁ་སང་ཕྱི་ཚེས་ ༢༧ ཉིན་ཨ་རིའི་རྒྱལ་ཁབ་བདེ་འཇགས་ཐབས་བྱུས་ལས་ཁུངས་ཀྱི་དྲུང་ཆེ་སྐུ་ཞབས་ Lloyd Austin ལགས་ཀྱིས་གྲོས་ཚོགས་ཀྱིས་གཏན་འབེབས་གནང་བའི་ཁྲིམས་སྒྲིག་དགོངས་དོན་ལྟར་སྲིད་འཛིན་སྐུ་ཞབས་ Joe Biden མཆོག་གིས་སྣེ་ཁྲིད་པའི་སྲིད་གཞུང་གིས་ཕྱག་བསྟར་གནང་རྒྱུའི་རྒྱལ་ཁབ་བདེ་འཇགས་ཀྱི་འཆར་གཞི་ཁག་གཅིག་ངོ་སྤྲོད་གནང་སྐབས་རྒྱ་ནག་གཞུང་གིས་རྒྱ་གར་རྒྱ་མཚོའི་མངའ་ཁུལ་དུ་དྲག་ཤུགས་ཆེན་པོའི་ཐོག་ནས་རང་ཉིད་ཀྱི་དབང་ཐང་རྒྱ་སྐྱེད་གཏོང་བཞིན་ཡོད་པར་མ་ཟད། ཨ་རི་གཙོས་ཕྱིའི་རྒྱལ་ཁབ་ཁག་ཏུ་རྒྱ་ནག་རང་ཉིད་ཀྱི་བསམ་སྤྱོད་དང་མཐུད་པའི་དབང་ཐང་རྒྱ་སྐྱེད་གཏོང་བཞིན་ཡོད་པ་སོགས་ཐེར་འདོན་གནང་བ་དང་ཆབས་ཅིག་ཨ་རིའི་ངོས་ནས་བདེ་འཇགས་ཀྱི་གནད་དོན་གྱི་ཐོག་ནས་གདོང་ལེན་བྱ་ཡུལ་གྱི་རྒྱལ་ཁབ་གཙོ་བོ་དེ་རྒྱ་ནག་ཆགས་ཡོད་པ་གསུངས་འདུགལྷག་པར་དུ་སྲིད་འཛིན་སྐུ་ཞབས་བྷ་ཌན་མཆོག་གིས་སྣེ་ཁྲིད་པའི་ཨ་རིའི་བདེ་འཇགས་ཐབས་བྱུས་ལས་ཁུངས་ནས་རྒྱ་ནག་ལ་གདོང་ལེན་གནང་བར་དམིགས་ཏེ་རྒྱ་གར་དང་ལྷན་དུ་བདེ་འཇགས་དམག་དོན་གྱི་ལས་གཞི་རྒྱ་སྐྱེད་གཏོང་འཆར་ཡོད་སྐོར་གསུངས་འདུག ཨ་རིའི་ངོས་ནས་ཨ་རི་དང་རྒྱལ་སྤྱིའི་ཁྲིམས་སྒྲིག་ཁག་ལ་བརྩི་སྲུང་ཞུས་ཏེ་རྒྱ་གར་རྒྱ་མཚོའི་མངའ་ཁུལ་གྱི་བདེ་འཇགས་དང་རང་དབང་སྲུང་སྐྱོབ། དེ་བཞིན་རྒྱ་ནག་དང་རྒྱ་གར་དབར་འཕྲད་བཞིན་པའི་མཐའ་མཚམས་ཀྱི་གནད་དོན་སོགས་ཀྱི་ཐད་མཐུན་ཕྱོགས་རྒྱལ་ཁབ་ཁག་དང་མཉམ་རུབ་ཀྱིས་རྒྱ་ནག་ལ་གདོང་ལེན་གནང་རྒྱུ་ཡིན་ཞེས་གསུངས་འདུག
དེ་བཞིན་སྐབས་དེར་ཨ་རིའི་ངོས་ནས་རྒྱ་ནག་དེ་ཉིད་ཨ་རིའི་ཁེ་ཕན་ལ་དོ་ཕོག་གཏང་མཁན་གྱི་རྒྱལ་ཁབ་ཅིག་ལ་ངོས་འཛིན་གནང་གི་ཡོད་པ་སོགས་འགྲེལ་བརྗོད་དང་སྦྲགས། ཨ་རིའི་རྒྱལ་ཁབ་བདེ་འཇགས་ཐབས་བྱུས་ལས་ཁུངས་དང་འབྲེལ་ཡོད་དམག་གི་སྡེ་ཚན་ཁག་གིས་ཨ་རིའི་དམག་གི་ལས་དོན་སྔར་ལྷག་ཡར་རྒྱས་གཏོང་རྒྱུ་དང་ཨ་རིའི་དམག་དོན་དང་འབྲེལ་བའི་གོ་མཚོན་གྱི་སྤུས་ཚད་ཁག་ཀྱང་རིམ་བཞིན་བསྐྱར་ཞིབ་གནང་ངེས་ཡིན་པ་གསུངས་འདུགཁ་ཉིན་ཞི་ཅིན་ཕིང་གིས་རྒྱ་ནག་གི་སྲིད་འཛིན་ལས་ཡུན་གསུམ་པ་བླངས་ཏེ་ཨ་རི་དང་རྒྱ་ནག་གཉིས་ཀྱི་འབྲེལ་བའི་སྐོར་ཚོགས་པའི་ཚོགས་འདུའི་སྐུ་ཚབ་རྣམས་ལ་གཏམ་བཤད་སྤེལ་བར་རྒྱ་ནག་གཞུང་གིས་ཨ་རི་དང་ལྷན་དུ་མཉམ་ལས་བྱ་རྒྱུའི་འདོད་པ་ཡོད་པ་མ་ཟད་ཨ་རྒྱ་གཉིས་མཐུན་ཕྱོགས་ཀྱི་ལམ་བུར་མཉམ་སྐྱོད་ཐུབ་ཚེ་རྒྱལ་སྤྱིའི་བདེ་འཇགས་ལའང་ཕན་ཐོགས་ཆེན་པོ་ཡོང་ངེས་ཡིན་པ་སོགས་བཤད་ཡོད།
རྒྱལ་སྤྱིའི་དཔྱད་ཞིབ་པ་ཁག་གཅིག་གིས་ཞི་ཅིན་ཕིང་གི་གཏམ་བཤད་ལ་དཔྱད་དོན་ཉེ་ཆར་རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་ཉི་ཤུར་བདེ་འཇགས་སོགས་ཀྱི་གནད་དོན་ལས་འཕྲོས་ཏེ་རྒྱ་ནག་རྒྱལ་ནང་གི་གནད་དོན་ལ་ཐེ་བྱུས་བྱེད་མཁན་ཚོར་གདོང་ལེན་ནན་པོ་བྱེད་ཀྱི་ཡིན་ཞེས་པའི་གཏམ་བཤད་དང་འགལ་ཟླ་ཆགས་ཀྱི་འདུག་ཅེས་དང་ཡང་ལ་ལས་རྒྱ་ནག་གི་ཚོང་དང་དཔལ་འབྱོར་གནས་བབ་ལ་གྱོང་གུད་ཆེན་པོ་ཐེབས་བཞིན་ཡོད་སྟབས་ཞི་ཅིན་ཕིང་གིས་ཨ་རི་དང་འབྲེལ་བ་མ་བྱེད་ཐབས་མེད་ཆགས་ཡོད་ཅེས་བཤད་མཁན་འདུགརིང་མིན་ཟླ་བ་རྗེས་མའི་ཟླ་དཀྱིལ་དུ་ Indonesia ནང་འཚོགས་གཏན་འཁེལ་བའི་རྒྱལ་སྤྱིའི་སྟོབས་ཆེན་རྒྱལ་ཁབ་ཉི་ཤུ་ལྷན་ཚོགས་སྐབས་སུ་ཞི་ཅིན་ཕིང་དང་སྐུ་ཞབས་བྷ་ཌན་གཉིས་སྲིད་འཛིན་གྱི་ངོ་བོའི་ཐོག་ནས་ཆེས་ཐོག་མ་ཐུག་འཕྲད་ཀྱིས་རྒྱལ་ཁབ་ཕྱོགས་གཉིས་ཀྱི་འབྲེལ་ལམ་སྐོར་གྲོས་བསྡུར་གནང་འཆར་ཡོད་པ་རེད། པར་ཁག་སྤྱི་ཚོགས་དྲ་རྒྱ་ལས་བཏུས།
སློབ་དཔོན་མ་དང་དབུ་ཕར་གྱི་ཕྱག་འཁྱེར་འབུལ་བཞེས་ཀྱི་མཛད་སྒོ་ཚོགས་པ།
vot.org -
དེ་རིང་ཕྱི་ཟླ་ ༡༠ ཚེས་ ༢༨ ཉིན་གྱི་སྔ་དྲོ་ཆུ་ཚོད་ ༩ པ་ཡོལ་ཙམ་ལ་བཞུགས་སྒར་ཉེ་འཁྲིས་སུ་རྟེན་གཞི་བྱས་པའི་སྔ་འགྱུར་རྙིང་མའི་ཆོས་སྡེ་སྔ་འགྱུར་མཐོ་སློབ་བཙུན་དགོན་ཤུག་གསེབ་ཨོ་རྒྱན་རྫོང་དུ་སྔ་འགྱུར་བསྟན་པའི་ཤིང་རྟ་ཆེན་མོ་ཀུན་མཁྱེན་རིག་འཛིན་འཇིགས་མེད་གླིང་པ་གང་ཉིད་དགོངས་པ་ཆོས་དབྱིངས་སུ་ཐིམ་ཚུལ་བསྟན་པའི་དུས་ཚིགས་ཁྱད་པར་ཅན་གྱི་ཉིན་མོ་དང་བསྟུན་སློབ་དཔོན་མའི་ཕྱག་འཁྱེར་ལ་ངེས་གསང་ལེགས་བཤད་མཛོད་འཆང་དང་། ལོ་རིམ་དྲུག་པ་དང་བཞི་པ་གཉིས་ལ་ཕར་ཕྱིན་རབ་འབྱམས། མཐའ་བྲལ་སྨྲ་བའི་དབང་ཕྱུག་བཅས་ཀྱི་ཕྱག་འཁྱེར་འབུལ་བཞེས་ཀྱི་མཛད་སྒོ་ཚོགས་སོང་། དེ་རིང་སྔ་དྲོ་ཕྱག་འཁྱེར་འབུལ་བཞེས་ཀྱི་མཛད་སྒོ་དབུ་འཛུགས་དང་འབྲེལ་ཏེ་མཁན་ཆེན་པདྨ་ཤེས་རབ་མཆོག་གིས་ཕྱི་ལོ་ ༢༠༡༠ ནས་ ༢༠༢༢ བར་ཐོན་པའི་བཙུན་མ་རྣམས་ལ་ཕྱག་འཁྱེར་གསོལ་སྩལ་དང་དེ་བཞིན་སློབ་དཔོན་མའི་ཕྱག་འཁྱེར་བཞེས་མཁན་བཙུན་མ་རྣམས་ཀྱིས་མཁན་ཆེན་པདྨ་ཤེས་རབ་མཆོག་གི་དྲུང་ནས་དམ་བཅའ་ཕུལ་སོང་།རྩ་བའི་ཐེངས་འདིར་སློབ་དཔོན་མའི་ཕྱག་འཁྱེར་བཞེས་མཁན་ཁྱོན་བཙུན་མ་ ༡༦ བྱུང་ཡོད་པ་རེད། གཞི་རྩའི་དེ་རིང་གི་མཛད་སྒོ་ཐོག་མཁན་ཆེན་པདྨ་ཤེས་རབ་མཆོག་དང་བོད་ཀྱི་བཙུན་མའི་ལས་འཆར་གྱི་དམིགས་བསལ་སློབ་སྟོན་པ་བཀའ་ཟུར་རིན་ཆེན་མཁའ་འགྲོ་མཆོག བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ཀྱི་དྲུང་འཕར་བྱམས་པ་ཕུན་ཚོགས་ལགས། ཆོས་རིག་ལས་ཁུངས་ཀྱི་དྲུང་འཕར་བདུད་འདུལ་རྡོ་རྗེ་ལགས། བོད་ཀྱི་བཙུན་མའི་ལས་འཆར་གྱི་ངེས་སྟོན་པ་སྣང་ས་ཆོས་སྒྲོན་ལགས། དེ་བཞིན་གཞུང་འབྲེལ་མིན་པའི་ཚོགས་སྐྱིད་ཁག་གི་སྐུ་ཚབ་སོགས་ལྷན་ཞུགས་གནང་ཡོད།གཞི་རྩའི་ཤུག་གསེབ་བཙུན་དགོན་ནི་བོད་ནང་ཕྱི་ལོ་ ༡༡༨༡ ལོར་ཕྱག་བཏབ་པ་དང་ད་ཆ་བཙན་བྱོལ་ནང་གི་ཤུག་གསེབ་བཙུན་དགོན་དུ་བཙུན་མ་ ༡༠༠ མན་ཙམ་ཡོད་པ་རེད།
བོད་ཀྱི་རྒྱལ་ས་ལྷ་སར་ཐེམ་སྤང་བཀའ་རྒྱ་མུ་མཐུད་བསྡམས་པར་ངོ་རྒོལ།
vot.org -
བོད་ཀྱི་རྒྱལ་ས་ལྷ་ས་ནང་དུ་གཉན་རིམས་ཀླད་ཀོར་གྱི་སྲིད་བྱུས་འོག་མང་ཚོགས་རྣམས་སྒོ་རྒྱ་བསྡམས་ནས་ད་ཆ་ཉིན་གྲངས་ ༧༠ ལྷག་འགྲོ་བཞིན་པའི་མཚམས་ཁ་སང་ཕྱི་ཟླ་ ༡༠ ཚེས་ ༢༦ ཉིན་བོད་ཀྱི་རྒྱལ་ས་ལྷ་སའི་ཁྲེང་ཀོན་ཆུས་ལྕགས་རོང་སྡེ་ཁུལ་གྱི་མང་ཚོགས་ཚོས་ངོ་རྒོལ་གནང་སྟེ་འབྲེལ་ཡོད་ས་གནས་སྲིད་གཞུང་གི་ངོས་ནས་ཁོང་རྣམས་རང་སར་ཕྱིར་ལོག་ཆོག་པའི་ཆོག་མཆན་སྤྲོད་དགོས་པ་སོགས་ཀྱི་སྐད་འབོད་བྱས་འདུགསྤྱི་ཚོགས་དྲ་ལམ་ཁག་ཏུ་ལྷ་ས་ནང་གི་བརྙན་པར་ཁག་གཅིག་ཕྱིར་འགྱར་བྱུང་བའི་ནང་མང་ཚོགས་མང་དག་ཅིག་ཕྱིར་ཐོན་ནས་རྒྱ་ནག་གཞུང་གི་གཉན་རིམས་ཀླད་ཀོར་གྱི་སྲིད་བྱུས་ལ་ངོ་རྒོལ་སྐད་འབོད་བྱེད་བཞིན་པ་མངོན་རྒྱུ་འདུག་པ་དང་། གནས་ཚུལ་ཡོང་ཁུངས་ཁག་གཅིག་གིས་ལས་འགུལ་དེ་གཙོ་བོ་ལྷ་སའི་ཕྱི་ཕྱོགས་ནས་ཡིན་པའི་རྒྱ་རིགས་ལས་མི་རྣམས་ཀྱིས་སྣེ་ཁྲིད་པ་ཞིག་ཡིན་པ་དང་ལས་འགུལ་ནང་ས་གནས་བོད་མི་རྣམས་ནས་ཀྱང་མཉམ་ཞུགས་གནང་ཡོད་སྐོར་བཤད་མཁན་འདུག འོན་ཀྱང་ད་ལྟའི་ཆར་མི་སྣ་དེ་དག་གི་གནས་སྟངས་ཇི་ཆགས་སོགས་ཁ་གསལ་མི་འདུག
བརྙན་པར་ཁག་གཅིག་གི་ནང་རྒྱ་གཞུང་ལས་བྱེད་པ་དང་ཉེན་རྟོག་པ་རྣམས་རིམས་ནད་འགོག་སྲུང་གི་ཆས་སྤྲད་ཡོད་པ་དང་། མི་མང་མང་པོ་ཕྱི་ལ་འདུ་འཛོམས་ཀྱིས་ཉེན་རྟོག་པ་དང་གདོང་ཐུག་བྱུང་བ་མངོན་རྒྱུ་འདུག་ལ། བརྙན་གཞན་ཞིག་གི་ནང་ལས་འགུལ་སྣེ་ཁྲིད་གནང་མཁན་ཞིག་གིས་རྒྱང་བསྒྲགས་བརྒྱུད་ཁོང་རྣམས་ཟླ་བ་མང་པོར་དཔལ་འབྱོར་གྱི་ཡོང་འབབ་གང་ཡང་མེད་པའི་གནས་སུ་གྱར་ཞིང་ལུས་སེམས་གཉིས་ཀར་ངལ་བ་ཆེས་ཆེར་འཕྲད་བཞིན་འདུག་ཅེས་བཤད་འདུག
དེ་རིང་སྤྱི་ཚོགས་དྲ་ལམ་ཁག་ཏུ་ལྷ་ས་ནང་གི་ངོ་རྒོལ་སྐོར་ལ་གནས་ཚུལ་བརྒྱུད་སྤེལ་བྱེད་མཁན་མང་དག་ཅིག་ཡོད་པའི་ཁྲོད་ལ་ལས་ཐེངས་འདིའི་ངོ་རྒོལ་གྱི་ལས་འགུལ་དེ་རྒྱ་རིགས་ལས་མི་ཚོས་སྣེ་ཁྲིད་པ་ཞིག་ཡིན་པར་འགྲེལ་བརྗོད་དང་འབྲེལ། གལ་ཏེ་དེ་ལྟ་བུའི་ལས་འགུལ་དེ་བོད་མི་ཚོས་སྤེལ་ཡོད་ཚེ་དེར་དྲག་གནོན་ནན་པོ་བྱེད་ངེས་རེད་ཅེས་འགྲེལ་བརྗོད་གནང་གི་འདུག
རྩ་བའི་རྒྱ་ནག་གཞུང་གིས་དམར་ཤོག་ཚོགས་པའི་ཚོགས་ཆེན་ཚོགས་ཟིན་པའི་རྗེས་སུ་ལྷ་ས་ཁུལ་དུ་གཉན་རིམས་ཀྱི་དམ་བསྒྲགས་ཅུང་ལྷོད་ཡང་གཏོང་རྒྱུ་ཡིན་པའི་བརྡ་ཁྱབ་བཏང་ཡོད་ཀྱང་། ས་གནས་ཀྱི་བརྙན་དང་གནས་ཚུལ་ཕྱིར་འགྱར་འབྱུང་བཞིན་པར་གཞིགས་ཚེ་དུས་ད་ལྟའང་ལྷ་ས་ཁུལ་དུ་སྒོ་རྒྱ་བསྡམས་ནས་རིམས་ནད་འགོག་ཐབས་ཁྲོད་མི་མང་ཚོ་མཐུན་རྐྱེན་ཞན་པའི་འགོག་དབྱེ་ཟུར་འཇོག་ཁང་དུ་བཞག་ཡོད་པ་སོགས་ཀྱི་གནས་ཚུལ་མཐོང་རྒྱུ་འདུག
བརྙན་གཞན་ཞིག་གི་ནང་བོད་མི་ཞིག་གིས་འུ་ཐུག་ཐབས་ཟད་པའི་རྣམ་པ་ཆེད་བཏོན་གྱིས་ལྷ་ས་ནང་དུ་མི་མང་པོ་ལྟོགས་བཀྲེས་ཀྱི་གནས་སུ་གྱར་བའི་ངལ་བ་འཕྲད་བཞིན་པའི་སྐོར་དང་འབྲེལ། སྲིད་གཞུང་ནས་ས་གནས་སུ་དངོས་སུ་ཕེབས་ཏེ་གནས་སྟངས་རྒྱུས་ལོན་དང་ཡོ་བསྲང་བྱེད་དགོས་པ། དེ་བཞིན་ས་ཕྱོགས་གཞན་ནས་སླེབས་པའི་ལས་མི་རྣམས་རང་ཡུལ་དུ་ཕྱིར་ལོག་བྱེད་བཅུག་དགོས་པ་སོགས་ཀྱི་དགོས་འདུན་བཏོན་འདུག
གནས་ཚུལ་ཡོང་ཁུངས་ཁག་གཅིག་ལ་གཞིགས་ཚེ་ཁ་སང་བོད་ཀྱི་རྒྱལ་ས་ལྷ་སའི་ཁྲེང་ཀོན་ཆུས་ལྕགས་རོང་སྡེ་ཁུལ་དུ་ངོ་རྒོལ་གྱི་ལས་འགུལ་སྤེལ་བའི་གནས་ཚུལ་བྱུང་རྗེས་སྡོད་ཁུལ་གཞན་ཞིག་ནས་དེ་མཚུངས་ངོ་རྒོལ་བྱས་ཡོད་སྐོར་གསུངས་འདུག་པ་དེ་ལྟར་ནའང་། ད་ལྟའི་ཆར་གནས་ཚུལ་དེ་ཁུངས་ལྡན་ཇི་ཙམ་ཡིན་མིན་གསལ་རྟོགས་ཐུབ་ཀྱི་མི་འདུག
རེས་གཟའ་ཕུར་བུ། ༢༠༢༢།༡༠།༢༧
vot.org -
ཉན་པ།: Listen
ཕབ་ལེན། Download
བོད་ཀྱི་རྒྱལ་ས་ལྷ་སར་ཐེམ་སྤང་བཀའ་རྒྱ་མུ་མཐུད་བསྡམས་པར་ངོ་རྒོལ།
བྱང་ཨ་རི་ཁུལ་གྱི་བོད་མི་རྣམས་ལ་དང་བླངས་དཔྱ་དངུལ་དྲ་ཐོག་ནས་འབུལ་འཐུས།
བོད་ཀྱི་འབྲོག་པའི་སྐོར་དུས་ཐུང་འགྲེམས་སྟོན་ཞིག་དབུ་འབྱེད།
དགེ་བཤེས་བསྟན་འཛིན་ཤེས་རབ་ལགས་དང་གླེང་མོལ།
Thursday 27/10/2022
Hundreds demonstrate against China’s covid measures in Lhasa
Tibetans in US and Canada can now make ‘chatrel’ contribution online
DIIR Kalon opens exhibition on Tibetan nomads
In conversation with Deer Park's resident teachers, Geshe Tenzin Sherab
བོད་ཀྱི་འབྲོག་པའི་སྐོར་དུས་ཐུང་འགྲེམས་སྟོན་ཞིག་དབུ་འབྱེད།
vot.org -
དེ་རིང་ཞོགས་པ་ཕྱག་ཚོད་ ༡༠ ཐོག་བོད་མིའི་སྒྲིག་འཛུགས་ཀྱི་ཕྱི་དྲིལ་བོད་ཀྱི་འགྲེམས་སྟོན་ཁང་དུ་བོད་ཀྱི་འབྲོག་པའི་སྐོར་དུས་ཐུང་འགྲེམས་སྟོན་ཞིག་དབུ་འབྱེད་གནང་སོང་།བོད་ཀྱི་འབྲོག་པའི་སྐོར་ཀྱི་དུས་ཐུང་འགྲེམས་སྟོན་གྱི་དབུ་འབྱེད་མཛད་སྒོ་དེའི་ཐོག་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་དང་། དམིགས་བསལ་སྐུ་མགྲོན་ལ་དྭགས་བོད་ཁྱིམ་སློབ་གྲྭའི་འགན་འཛིན་བསྟན་འཛིན་རབ་བརྟན་ལགས། དེ་བཞིན་གཞུང་འབྲེལ་དང་གཞུང་འབྲེལ་མ་ཡིན་པའི་སྐུ་ཚབ་རྣམ་པ། མི་མང་བཅས་མཉམ་ཞུགས་གནང་ཡོད།འགྲེམས་སྟོན་ཁྲོད་དུ་ལ་དྭགས་བོད་ཁྱིམ་སློབ་ཕྲུག་ཁག་ཅིག་གིས་འབྲོག་པའི་ཆས་གོས་སྤྲས་ཏེ་རྩམ་པ་བསྔོས་སྟངས་དང་། ཐགས་ལས། དེ་བཞིན་འབྲོག་པའི་དཀར་ལས་དང་སྒོ་ཕྱུགས་སེམས་ཅན་གྱི་སྤུ་བལ་བྲེག་པ་སོགས་གནང་སྟེ་འབྲོག་པའི་འཚོ་བ་སྐྱེལ་སྟངས་ཀྱི་རྣམ་པ་གསལ་བཏོན་གནང་ཡོད།སྐབས་དེར་སྐུ་མགྲོན་གཙོ་བོ་ཕྱི་དྲིལ་བཀའ་བློན་མཆོག་གིས་ལ་དྭགས་བོད་ཁྱིམ་སློབ་གྲྭའི་དགེ་ལས་སློབ་ཕྲུག་རྣམས་ནས་དེ་ལྟ་བུའི་འགྲེམས་སྟོན་གྱི་འགན་འཁུར་བླངས་པ་དེ་ལ་ཡི་རངས་བསྔགས་བརྗོད་དང་འབྲེལ། འགྲེམས་སྟོན་དེ་དག་གི་བརྒྱུད་ནས་བོད་ཀྱི་རྒྱལ་རབས་ལོ་རྒྱུས་དང་གོམས་གཤིས། ཁོར་ཡུག ད་ལྟའི་ཆར་བོད་ནང་རྒྱ་དམར་གཞུང་གིས་སྲིད་བྱུས་ངན་པ་འདྲ་མིན་ལག་བསྟར་འོག་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་། རིག་གཞུང་རྩ་མེད་བཟོ་བཞིན་ཡོད་པ་རྣམས་འཛམ་གླིང་ལ་དྲིལ་བསྒྲགས་དང་ལྷག་པར་དུ་རང་རིགས་གཞོན་སྐྱེས་རྣམས་ལ་དེ་འབྲེལ་གོ་རྟོགས་སྤེལ་གལ་ཡིན་པ་གསུངས་སོང་།
དེ་བཞིན་ཁོང་གིས་དེང་གི་ཆར་འབྲོག་པའི་གནས་སྟངས་དེ་ཉམས་དམས་སུ་འགྲོ་བཞིན་ཡོད་སྟབས་གནད་དོན་དེ་ནི་གལ་འགངས་ཆེན་པོ་ཞིག་ཏུ་ངོས་འཛིན་ནས་དེ་ལྟ་བུའི་འགྲེམས་སྟོན་གནང་བ་ནི་དུས་དང་རན་པ་ཞིག་དང་མཉམ་ཞུགས་གནང་མཁན་གཞོན་སྐྱེས་རྣམ་པས་དོ་དབྱིངས་དང་སྤོབས་པ་ལྡན་པའི་ཐོག་ནས་རང་ཉིད་ཀྱི་རིག་གཞུང་འགྲེམས་སྟོན་གནང་བར་དགའ་ཚོར་ཆེན་པོ་བྱུང་ཞེས་གསུངས་པ་དང་ཆབས་ཅིག་རྒྱལ་ཁབ་ཀྱི་ཁ་ཕྱོགས་གང་དུ་བསྒྱུར་མིན་ནི་གཞོན་སྐྱེས་ལ་རག་ལས་ཀྱི་ཡོད་པས་གཞོན་སྐྱེས་རྣམས་ཧ་ཅང་གལ་ཆེན་པོ་ཆགས་ཀྱི་ཡོད་པར་གསུངས་ཡོད།འདི་ག་རླུང་འཕྲིན་ཁང་ནས་བོད་ཀྱི་འགྲེམས་སྟོན་ཁང་གི་འགན་འཛིན་བསྟན་འཛིན་སྟོབས་ལྡན་ལགས་སུ་དེ་འབྲེལ་བཅར་འདྲི་ཞུས་སྐབས་ཁོང་གིས་ཐེངས་འདིའི་དུས་ཐུང་གི་འགྲེམས་སྟོན་གྱི་དམིགས་ཡུལ་གཙོ་བོ་ནི་ད་ལྟའི་ཆར་ཉམས་དམས་སུ་འགྲོ་མུས་ཡིན་པའི་བོད་ཀྱི་འབྲོག་པའི་ཁྱད་ཆོས་དེ་དག་གལ་འགངས་ཆེན་པོ་ཞིག་ལ་ངོས་འཛིན་ཏེ་གོ་སྒྲིག་གནང་བ་ཡིན་སྐོར་གསུངས་སོང་། བོད་ནང་རྒྱ་དམར་གྱིས་འབྲོག་པ་རྣམས་གྲོང་ཁྱེར་དུ་གནས་སྤོ་བྱེད་བཅུག་པའི་ལས་གཞི་དེ་ནི་བོད་རྒྱ་སྒྱུར་གྱི་སྲིད་བྱུས་ཤིག་ཡིན་པར་འགྲེལ་བརྗོད་གནང་བ་མ་ཟད་ཁོང་གིས་དུས་ཐུང་གི་འགྲེམས་སྟོན་དེའི་ཐོག་ཅ་དངོས་སྒྲིག་གཤོམ་བྱས་པ་ཕལ་ཆེ་བ་བྱང་ཐང་གི་འབྲོག་ས་ཁག་དྲུག་ནས་མཁོ་སྒྲུབ་གནང་བ་ཞིག་ཆགས་ཀྱི་ཡོད་སྐོར་གསུངས་ཡོད།རླུང་འཕྲིན་ཁང་གིས་དུས་ཐུང་འགྲེམས་སྟོན་གོ་སྒྲིག་པ་ལ་དྭགས་བོད་ཁྱིམ་སློབ་གྲྭའི་འགན་འཛིན་བསྟན་འཛིན་རབ་བརྟན་ལགས་སུ་དེ་འབྲེལ་བཅར་འདྲི་ཞུས་སྐབས་ཁོང་གིས་འགྲེམས་སྟོན་དེ་ནི་བོད་ཕྲུག་ཁྱིམ་སྡེ་སྤྱི་ཁྱབ་ཡིག་ཚང་ནས་ཇི་ལྟར་བཀའ་ཕེབས་དོན་ལྟར་ཉེ་ལམ་ལེགས་གྲུབ་ཟིན་པའི་བོད་ཕྲུག་ཁྱིམ་སྡེ་དབུ་བརྙེས་ནས་ལོ་ངོ་ ༦༢ འཁོར་བའི་དུས་སྟོན་དང་༸རྒྱལ་བའི་བརྟན་བཞུགས་དང་སྟབས་བསྟུན་ལོ་གཉིས་གོང་ནས་གྲ་སྒྲིག་གནང་བ་ཞིག་ཡིན་སྐོར་གསུངས་སོང་། ཁོང་གིས་ད་ལྟའི་ཆར་འབྲོག་པའི་གནས་སྟངས་འདི་ཉམས་དམས་སུ་འགྲོ་བཞིན་ཡོད་སྐོར་བོད་རིགས་གཞོན་སྐྱེས་རྣམས་ལ་གོ་རྟོགས་སྤེལ་འགངས་ཡིན་པ་གསུངས་པ་དང་འབྲེལ། འབྲོག་པའི་འཚོ་བ་ནི་རང་སྐྱོང་གི་འཚོ་བ་ཡིན་སྟབས་དེང་གི་ཆར་དེ་ལྟ་བུའི་འཚོ་བ་སྐྱེལ་རྒྱུ་ནི་ཤིན་ཏུ་ནས་ཁག་པོ་ཆགས་ཡོད་པར་སོང་དེ་ལྟར་ངོ་སྤྲོད་གནང་ཆེད་དུ་བོད་ཀྱི་འབྲོག་པའི་སྐོར་གྱི་དུས་ཐུང་འགྲེམས་སྟོན་གནང་བ་ཡིན་སྐོར་གསུངས་ཡོད།
རེས་གཟའ་ལྷག་པ། ༢༠༢༢།༡༠།༢༦
vot.org -
ཉན་པ།: Listen
ཕབ་ལེན། Download
༸གོང་ས་སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ།
ཨ་རི་ནང་རྒྱ་རིགས་བཅུ་གསུམ་ལ་གསང་ཉུལ་བའི་ཉེས་དོན་བཙུགས་པ་ལས་གཉིས་འཛིན་བཟུང་།
ནི་ཐར་ལན་ཌིར་རྒྱ་ནག་གི་ཉེན་རྟོག་ལས་ཁང་གཉིས་གསར་རྒྱག་ལ་སྐྱོན་བརྗོད།
བོད་མི་གློག་བརྙན་བཟོ་བསྐྲུན་པ་དགེ་ལེགས་དཔལ་བཟང་ལགས་དང་གླེང་མོལ།
Wednesday 26/10/2022
TCV alumni and NATA offer ‘Tenshug’ to Dalai Lama
13 PRC Nationals charged with alleged espionage and coercion in US, two arrested
Illegal Chinese ‘police stations’ uncovered in the Netherlands, reports say
In conversation with Geleck Palsang on his new movie ‘Amala’