Monthly Archives: October, 2022

ཉེ་ལམ་༸དཔལ་ལྡན་དགའ་ལྡན་ཕོ་བྲང་ཡིག་ཚང་གིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་བི་ཧཱར་མངའ་སྡེ་ནང་ཆགས་པའི་གནས་མཆོག་རྡོ་རྗེ་གདན་དུ་ཉིན་གསུམ་རིང་གི་བཀའ་ཆོས་བཀའ་དྲིན་སྩལ་གཏན་ཁེལ་བའི་གསལ་བསྒྲགས་ཤིག་གནང་བ་ལྟར་དེ་རིང་བོད་ཡིག་དྲ་རྒྱར་བཀའ་ཆོས་ཀྱི་དུས་ཚེས་ཁ་གསལ་བཀོད་གནང་འདུག༸གོང་ས་མཆོག་གི་མཛད་འཆར་ལ་གཞིགས་ན། ༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་འདི་ལོའི་ཕྱི་ཟླ་ ༡༢ ཚེས་ ༢༩ དང་ ༣༠ ཉིན་གཉིས་རིང་གི་སྔ་དྲོ་བྱང་ཆུབ་སེམས་འགྲེལ་གྱི་བཀའ་ཆོས་དང་། དེ་བཞིན་ཚེས་ ༣༡ ཉིན་གྱི་སྔ་དྲོ་སྒྲོལ་མ་ཉེར་གཅིག་གི་རྗེས་གནང་བཀའ་དྲིན་སྩལ་རྒྱུ། ཕྱི་ལོ་ ༢༠༢༣ ཕྱི་ཟླ་ ༡ ཚེས་ ༡ སྟེ་ཕྱི་ལོ་གསར་ཚེས་ཉིན་དགེ་ལུགས་ཆོས་བརྒྱུད་འཛིན་པ་ཡོངས་ནས་ཇི་ལྟར་གསོལ་བ་བཏབ་པ་ལྟར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་བཅས་ཀྱི་མཛད་འཆར་ཐུགས་གཏན་ཁེལ་འདུག ཐེངས་འདིའི་གནས་མཆོག་རྡོ་རྗེས་གདན་གྱི་ཆིབས་བསྒྱུར་དང་ཆོས་འབྲེལ་དེ་ནི་ཏོག་དབྱིབས་གཉན་རིམས་ཁྱབ་གདལ་གྱི་གནས་སྟངས་རྗེས་མགོན་པོ་༸གང་ཉིད་མཆོག་ནས་གནས་མཆོག་དེའི་ནང་ཆིབས་བསྒྱུར་ཆེས་ཐོག་མ་དེ་ཆགས་ཀྱི་ཡོད་པ་རེད།

ཉེ་ལམ་སྤྱི་ཚོགས་དྲྭ་རྒྱའི་ཐོག་རྒྱ་རིགས་བེུད་ཅིག་གིས་བོད་ནང་གི་བོད་མི་རྣམས་རྩ་མེད་གཏོང་དགོས་པའི་སྐད་ཆ་བཤད་པར་བོད་མི་རྣམས་ཀྱིས་ཚོར་ཤུགས་ཆེན་པོས་སྐྱོན་བརྗོད་ཁྲོད་ལ་ཁོ་མོས་དེར་དགོངས་སེལ་ཞུས་དགོས་བྱུང་ཡོད་ནའང་། རྒྱལ་སྤྱིའི་བོད་དོན་ལས་འགུལ་ཁང་གིས་རྒྱ་རིགས་བེུད་དེས་རྒྱ་གཞུང་དང་སྤྱི་དམངས་ལ་དགོངས་སེལ་ཞུས་པ་མ་གཏོགས་བོད་མིར་ཐད་ཀར་དགོངས་སེལ་ཞུས་མེད་པ་འགྲེལ་བརྗོད་དང་སྦྲགས།  རྒྱ་གཞུང་གིས་བོད་མིར་དབྱེ་འབྱེད་བྱ་རྒྱུ་ལས་ལྡོག་སྟེ་རང་མི་རིགས་ཀྱི་སྤྱི་ཚོགས་རང་གི་སྐྱོང་ཆོག་པའི་ཐོབ་ཐང་ཆ་ཚང་སྤྲོད་དགོས་པའི་འབོད་སྐུལ་ཞུས་འདུག དེ་ཡང་རྒྱལ་ས་ལྷ་ས་གཙོས་བོད་ཀྱི་ས་ཁུལ་གང་སར་ཏོག་དབྱིབས་ནད་ཡམས་འགོས་ཁྱབ་ཀྱི་གྲངས་འབོར་མུ་མཐུད་དུ་འཕར་བཞིན་པའི་ཁྲོད་འདིར་ཟླ་བ་འདིའི་ཚེས་ ༨ ཉིན་རྒྱ་རིགས་བེུད་ཅིག་གིས་རང་གི་སྐད་འཕྲིན་ཐོག་རྒྱ་ནག་གཞུང་ངོས་ནས་ལྷ་ས་ནང་གི་བོད་རིགས་ཡོངས་རྫོགས་ངེས་པར་རྩ་མེད་བཏང་ནས་ལྷ་ས་དེ་བཞིན་རྒྱ་ནག་ཧན་མི་རིགས་ལ་བཙན་བཟུང་བྱེད་བཅུག་དགོས་པའི་སྐད་ཆ་བཤད་པ་ཞིག་སྤྱི་ཚོགས་དྲྭ་ལམ་ཐོག་ཁྱབ་གདལ་ཤུགས་ཆེ་འགྲོ་བར་བརྟེན་བོད་ནང་གི་བོད་མི་རྣམས་ཀྱིས་དེར་ཚོར་ཤུགས་དྲག་པོས་སྐྱོན་བརྗོད་དང་ཁོང་ཁྲོའི་རྣམ་པ་ཤུགས་ཆེ་བཏོན་ཡོད་པ་དང་དེའི་ཁོངས་ནས་བོད་མི་ཞིག་གིས་ད་རེས་རྒྱ་རིགས་བེུད་ཅིག་གིས་བོད་མིར་མི་རིགས་དབྱེ་འབྱེད་ཐོག་ནས་རྩ་མེད་གཏོང་དགོས་པའི་སྐད་ཆ་བཤད་ཡོད་པར་བརྟེན་ནས་ཁོང་གིས་གནད་དོན་དེའི་སྐོར་མ་བཤད་ཀ་མེད་བྱུང་སོང་ཞེས་དང་ཁོ་མོས་སྐད་ཆ་དེས་ནི་ཁོང་གི་སྙིང་ལ་གྲི་སྣུན་པ་ལྟ་བུའི་ཚོར་བ་ཞིག་སྤྲད་ཡོད་པ་འགྲེལ་བརྗོད་དང་སྦྲགས། ཁོང་གིས་རེ་འདུན་ལ་བོད་མི་གཞན་ཚང་མས་གནད་དོན་འདིའི་ཐུགས་སྣང་གནང་སྟེ་རྒྱ་ནག་གི་གོང་རིམ་སྲིད་གཞུང་ལ་རྒྱ་རིགས་བེུད་དེའི་བྱ་སྤྱོད་ཐོག་དོ་དན་གྱིས་ཁྲིམས་གཅོད་བྱ་དགོས་པའི་ཐད་ལ་སྐུལ་མ་གནང་དགོས་པའི་འབོད་སྐུལ་ཞུས་འདུག གོང་ཞུས་གནད་དོན་དེ་དང་འབྲེལ་ནས་ཟླ་བ་འདིའི་ཚེས་ ༨ ཉིན་ལྷ་ས་སྤྱི་བདེ་ལས་ཁུངས་ཀྱིས་གོང་ཞུས་རྒྱ་རིགས་བེུད་དེའི་མིང་ལ་Liu ཞུས་ཀྱི་ཡོད་པ་གསལ་བཏོན་གནང་བ་དང་འབྲེལ་ཏེ་ཡོངས་གྲགས་ཀྱི་གསལ་བསྒྲགས་ཤིག་སྤེལ་བའི་ནང་དུ། ཉེ་ཆར་ལྷ་ས་ནང་གི་རྒྱ་རིགས་བེུད་ Liu ཞུས་མཁན་ཞིག་གིས་སྤྱི་ཚོགས་དྲྭ་ལམ་ཐོག་ཚུལ་མིན་གྱི་སྐད་ཆ་བཤད་ཡོད་པ་དེས་རྒྱལ་ཁབ་ཀྱི་ཆིག་སྒྲིལ་ལ་ཁྱད་གསོད་བྱེད་པ་མཚོན་གྱི་ཡོད་པས་ཁོང་གི་ཐོག་ལ་རྟོག་ཞིབ་བྱས་བཞིན་པ་ཆབས་ཅིག  གནད་དོན་འདིའི་ཐད་ཁོང་རང་ཉིད་ཀྱིས་འགན་ཁུར་ཐབས་ཤིག་བཟོ་རྒྱུ་ཡིན་ཚུལ་བཤད་པའི་རྗེས་སུ་ཉིན་དེའི་ཉིན་རྒྱབ་ཚོུད་ ༣ ཙམ་ལ་རྒྱ་རིགས་བེུད་དེས་བསྐྱར་དུ་རང་ཉིད་ཀྱི་སྐད་འཕྲིན་ཐོག་ཁོ་མོས་རྒྱལ་ཁབ་ཀྱི་ཆིག་སྒྲིལ་ལ་གནོད་པའི་སྐད་ཆ་བཤད་པ་དེས་སྤྱི་ཚོགས་ལ་ཤུགས་རྐྱེན་ཆེན་པོ་སྤྲད་ཡོད་པ་འགྲེལ་བརྗོད་དང་འབྲེལ་ནས་རྒྱ་ནག་གཞུང་དང་མང་མང་ཡོངས་ལ་དགོངས་སེལ་ཞུས་ཀྱི་ཡོད་ཅེས་བརྗོད་དེ་མ་འོངས་པར་དེ་ལྟ་བུའི་བྱ་སྤྱོད་སྤེལ་རྒྱུ་མིན་ཞེས་བཤད་འདུག ད་རེས་རྒྱ་རིགས་བེུད་ Liu ཡིས་བོད་མིར་མི་རིགས་དབྱེ་འབྱེད་ཀྱིས་རྩ་མེད་གཏོང་དགོས་པའི་སྐད་ཆ་བཤད་ཡོད་པ་དེར་བོད་ཕྱི་ནང་གཉིས་སུ་སྐྱོན་བརྗོད་ཤུགས་ཆེ་གནང་བཞིན་པའི་ཁྲོད་འདིར། རྒྱལ་སྤྱིའི་བོད་དོན་ལས་འགུལ་ཁང་གིས་ཀྱང་གོང་ཞུས་གནད་དོན་དེར་ལྷ་ས་སྤྱི་བདེ་ལས་ཁུངས་ཀྱིས་མི་རིགས་དབྱེ་འབྱེད་ཀྱི་འགྲེལ་བརྗོད་དེ་ཚུལ་མིན་གྱི་འགྲེལ་བརྗོད་ཙམ་ཞིག་དང་དེས་རྒྱ་ནག་ཆིག་སྒྲིལ་གྱི་སྲིད་བྱུས་ལ་གནོད་ཀྱི་ཡོད་པའི་ཡོངས་གྲགས་གསལ་བསྒྲགས་ཤིག་སྤེལ་བ་ཙམ་མ་གཏོགས་དོན་དངོས་ཐོག་རྒྱ་མི་རིགས་ཀྱི་བོད་མིར་མི་རིགས་དབྱེ་འབྱེད་བྱས་བཞིན་པའི་གནད་དོན་ལ་གླེང་སློང་བྱས་མེད་པར་རྒྱ་གཞུང་ལ་སྐྱོན་བརྗོད་གནང་བ་མ་ཟད། རྒྱ་རིགས་བེུད་དེས་དགོངས་སེལ་ཞུས་པ་དེའང་འཁྲབ་སྟོན་གྱི་ངོ་བོ་ཙམ་ཞིག་དང་དགོངས་སེལ་ཞུས་ཡུལ་དེའང་རྒྱ་གཞུང་དང་སྤྱི་མང་ལ་ཞུས་པ་མ་གཏོགས་བོད་མིར་ཐད་ཀར་ཞུས་མེད་པ་དང་ཆབས་ཅིག དགོངས་སེལ་གྱི་བསྒྲགས་གཏམ་དེ་བཞིན་བོད་ཡིག་ནང་བསྒྱུར་མེད་སྐོར་མངོན་གསལ་གནང་འདུག དེ་བཞིན་རྒྱལ་སྤྱིའི་བོད་དོན་ལས་འགུལ་ཁང་གིས་བོད་ནང་གི་མི་རིགས་དབྱེ་འབྱེད་ཀྱི་གནད་དོན་དང་འབྲེལ་ཏེ་བོད་དེ་བཞིན་ད་ལྟའི་འཛམ་གླིང་ནང་ལ་མི་རིགས་དབྱེ་འབྱེད་ཀྱི་སྲིད་བྱུས་ལག་བསྟར་ཤུགས་ཆེ་བྱས་ཡུལ་གྱི་རྒྱལ་ཁབ་མངོན་གསལ་ཆེ་ཤོས་ཤིག་ཆགས་ཀྱི་ཡོད་ནའང་། རྒྱ་གཞུང་གིས་བོད་དེ་བཞིན་དེ་སྔ་ཞིང་བྲན་ལམ་ལུགས་ཀྱི་སྤྱི་ཚོགས་ཤིག་ཡིན་པས་ད་ཆ་རྒྱ་ནག་གི་དབང་བསྒྱུར་གྱི་འོག་ཏུ་སྤྱི་ཚོགས་རིང་ལུགས་དང་ཡར་རྒྱས་ཕྱོགས་སུ་བསྐྱོད་ཡོད་ཚུལ་བརྗོད་དེ་བོད་ནང་འབྲོག་པ་གཞིས་སྤོས་སོགས་ཀྱི་མི་རིགས་དབྱེ་འབྱེད་ཀྱི་སྲིད་བྱུས་ལག་བསྟར་བརྒྱུད་བོད་མི་རྣམས་རང་རྒྱལ་ཁབ་ནང་མི་སེར་གཉིས་པའི་ངོ་བོའི་ཐོག་ནས་འཚོ་བཞིན་པ་མ་ཟད། ཁོང་རྣམས་ཀྱི་ཉིན་རེའི་ལས་དོན་ཐོག་ལྟ་སྲུང་དང་སུན་གཙེར་སོགས་བྱས་ཏེ་གཞི་རྩའི་འགྲོ་བ་མིའི་ཐོབ་ཐང་ཁག་ལོངས་སུ་སྤྱོད་རྒྱུར་འགོག་རྐྱེན་སྣ་ཚོགས་བཟོ་བཞིན་ཡོད་པ་སོགས་ཐེར་འདོན་གནང་འདུག ལྷག་དོན་རྒྱ་གཞུང་གིས་དབང་བསྒྱུར་འོག་བོད་ནང་གི་བོད་མི་རྣམས་ལ་ལས་ཀ་དང་ཁང་ལས། དེ་བཞིན་འགྲུལ་བཞུད་སོགས་ཀྱི་ཐད་ནས་དབྱེ་འབྱེད་ཀྱི་ངལ་བ་མང་དག་ཞིག་འཕྲད་བཞིན་པའི་ཁོངས་སུ། མང་པོ་ཞིག་བོད་སྐད་ཡིག་སྲུང་སྐྱོབ་གོང་སྤེལ་དང་འབྲེལ་ནས་འཛིན་བཟུང་བཙོན་འཇུག་བྱས་པ་དང་ཆོས་ཕྱོགས་ཀྱི་གནང་སྒོ་ཁག་ལ་དམ་དྲག འབྲོག་པ་རྣམས་བཙན་དབང་གིས་གཞི་སྤོས་བཅུག་བཞིན་པའི་གནས་སྟངས་ཁག་ལ་བརྟེན་ནས་བོད་མི་རང་ལུས་མེར་བསྲེགས་ཀྱི་གནད་དོན་བྱུང་གི་ཡོད་པ་འགྲེལ་བརྗོད་གནང་སྟེ་རྒྱ་གཞུང་གིས་བོད་མིར་དབྱེ་འབྱེད་བྱ་རྒྱུ་ལས་ལྡོག་སྟེ་རང་མི་རིགས་ཀྱི་སྤྱི་ཚོགས་དེ་རང་ཉིད་ཀྱི་སྐྱོང་ཆོག་པའི་ཐོབ་ཐང་ཆ་ཚང་སྤྲོད་དགོས་པ་དང་ཆབས་ཅིག རྒྱལ་སྤྱིའི་སྤྱི་ཚོགས་ངོས་ནས་ཀྱང་རྒྱ་གཞུང་གིས་བོད་མིའི་ཐོག་མི་རིགས་དབྱེ་འབྱེད་བྱས་བཞིན་པ་མཚམས་འཇོག་ཡོང་སླད་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་འདུག

རིང་མིན་ཟླ་བ་རྗེས་མའི་ཚེས་ ༣ དང་ ༤ བཅས་གཉིས་རིང་འཇར་མི་ནིར་འཛམ་གླིང་ཁྲོད་སྟོབས་ཆེན་རྒྱལ་ཁབ་ ༧ དང་ཡུ་རོབ་མཐུན་ཚོགས་ལས་གྲུབ་པའི་ G7 ལྷན་ཚོགས་ཀྱི་ཕྱི་སྲིད་བློན་ཆེན་རིམ་པའི་ཚོགས་འདུ་འཚོགས་གཏན་ཁེལ་བ་དང་བསྟུན། དེ་རིང་བཞུགས་སྒར་དུ་ G7 འགོ་ཁྲིད་རྣམས་ལ་བོད་ནང་རྒྱ་ནག་གཞུང་གིས་དབང་བསྒྱུར་ལམ་ལུགས་ཀྱི་བཅའ་སྡོད་སློབ་གྲྭ་མང་དག་ཅིག་གསར་རྒྱག་བརྒྱུད་བོད་མི་རིགས་རྩ་མེད་བཟོ་རྒྱུའི་བྱ་སྤྱོད་སྤེལ་བཞིན་པ་དེ་འཕྲལ་མར་མཚམས་འཇོག་ཐད་ལ་གནོན་ཤུགས་སྤྲོད་དགོས་ཞེས་དང་དེ་འབྲེལ་མཚན་རྟགས་བསྡུ་རུབ་ཀྱི་ལས་འགུལ་ཞིག་དབུ་འཛུགས་གནང་སོང་། བཞུགས་སྒར་དྷརྨ་སཱ་ལཱར་རྟེན་གཞི་བྱས་པའི་བོད་རྒྱལ་ཡོངས་མང་གཙོ་ཚོགས་པ་དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གཉིས་མཉམ་འབྲེལ་ཐོག་དེ་རིང་སྔ་དྲོ་ཚོུད་  ༡༠ སྟེང་མེག་གྷན་བཞི་མདོར་ G7 འགོ་ཁྲིད་རྣམས་ལ་བོད་དོན་ཞུ་གཏུག་ཐོག་མཚན་རྟགས་བསྡུ་རུབ་གནང་རྒྱུའི་བདུན་ཕྲག་གསུམ་གྱི་ལས་འགུལ་དབུ་འཛུགས་གནང་སོང་།ལས་འགུལ་འདིའི་ཁྲོད་ G7 འགོ་ཁྲིད་རྣམས་ལ་འབུལ་ལམ་ཞུ་རྒྱུའི་ཞུ་ཡིག་ནང་ད་ལྟའི་ཆར་བོད་ནང་བོད་ཕྲུག་ས་ཡ་གཅིག་ལ་ཉེ་བ་རྣམས་རང་ཉིད་ཀྱི་ནང་མི་དང་སྤྱི་ཚོགས་སོགས་དང་ཁ་བྲལ་གཏོང་བཞིན་པ་དེས་རྒྱ་ནག་གི་གཞི་རྒྱ་ཆེ་བའི་དབང་བསྒྱུར་ལམ་ལུགས་ཀྱི་བཅའ་སྡོད་སློབ་གྲྭ་དང་སྔོན་འགྲོའི་སློབ་གྲྭ་ཁག་གི་ནང་བོད་ཀྱི་ཆོས་དང་རིག་གཞུང་། སྐད་ཡིག་དང་བཅས་པ་མི་རིགས་ཀྱི་ངོ་བོ་རྩ་མེད་བཟོས་ཏེ་རྒྱ་སྒྱུར་སློབ་གསོའི་སྲིད་བྱུས་ལག་བསྟར་བྱེད་བཞིན་པ་དང་། ཕྱོགས་གཞན་ཞིག་ནས་བོད་ནང་བོད་ཡིག་སློབ་ཁྲིད་གཙོ་བོ་བྱེད་མཁན་གྱི་སློབ་གྲྭ་མང་དག་ཅིག་བཙན་དབང་གིས་སྒོ་བརྒྱབ་པ་སོགས་བོད་ནང་གི་བོད་མི་དང་དམིགས་བསལ་བོད་པའི་བུ་ཕྲུག་ཚོར་ལུས་སེམས་གཉིས་ཀར་མནར་གཅོད་ཆེས་ཆེར་གཏོང་བཞིན་ཡོད་པ། རྒྱ་ནག་གི་ཤེས་ཡོན་སྲིད་བྱུས་དེ་དག་གིས་མ་འོངས་པར་སོ་སོའི་སྐད་ཡིག་དང་རིག་གནས། སྤྱི་ཚོགས་སོགས་གང་ལའང་ཆ་རྒྱུས་མེད་པའི་བོད་པའི་མི་རབས་གསར་པ་ཞིག་སྐྱེད་སྲིང་ཐོག་ནས་མཐར་བོད་མི་རིགས་ཀྱི་ངོ་བོ་རྩ་བརླག་གཏང་རྒྱུ་དང་། བོད་ནང་རྒྱ་གཞུང་གི་དབང་བསྒྱུར་སྲ་བརྟན་བཟོ་ཐབས་སོགས་ཀྱི་སྲིད་བྱུས་སྤེལ་དང་སྤེལ་བཞིན་པ་བཅས་མངོན་གསལ་གནང་ཡོད། རྒྱ་ནག་གཞུང་ལ་བོད་ཁུལ་དུ་མི་སེར་སྤེལ་ཡུལ་གྱི་བྱ་སྤྱོད་དང་སྲིད་བྱུས་དེ་དག་མཚམས་འཇོག་དགོས་པའི་གནོན་ཤུགས་སྤྲོད་དགོས་ཞེས་འབོད་སྐུལ་བསྐྱར་ནན་གནང་འདུགརྩ་བའི་འདི་ལོའི་ཕྱི་ཟླ་ ༥ ཚེས་ ༣ ནས་ ༥ བར་ཨིན་ཡུལ་གྱི་རྒྱལ་ས་ལོན་ཌོན་དུ་ཚོགས་པའི་ G7 ལྷན་ཚོགས་ཐོག་རྒྱ་ནག་ནང་གི་ཆེས་ཞན་པའི་འགྲོ་བ་མིའི་ཐོབ་ཐང་གི་གནས་སྟངས་དང་ལྷག་པར་དུ་རྒྱ་གཞུང་གིས་ཤིན་ཅང་ཡུ་གུར་དང་བོད་མི་བཅས་གྲངས་ཉུང་མི་རིགས་ཀྱི་འགྲོ་བ་མིའི་ཐོབ་ཐང་བརྩི་མེད་རྡོག་རོལ་གཏོང་བཞིན་པར་སྐྱོན་བརྗོད་ཤུགས་ཆེ་གནང་ཡོད། G7 ལྷན་ཚོགས་ཀྱི་ཕྱི་སྲིད་བློན་ཆེན་རྣམ་པས་རྒྱ་ནག་གཞུང་ནས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་གཙོ་འཛིན་གཙོས་རང་དབང་ཅན་གྱི་རྟོག་ཞིབ་པ་རྣམས་འཕྲལ་མར་ཁུལ་དེ་དག་ཏུ་བཀག་སྡོམ་གང་ཡང་མེད་པར་ཕེབས་འཐུས་ཆོག་མཆན་སྤྲོད་དགོས་པའི་རེ་སྐུལ་གནང་མྱོང་ཡོད་པ་ལྟར་སྐབས་དེར་རྒྱ་ནག་གཞུང་གིས་སྐྱོན་བརྗོད་དེ་དག་ལ་ངོས་ལེན་མེད་སྐོར་དང་སྦྲགས་ཏེ་ G7 ལྷན་ཚོགས་ལ་རྒྱ་ནག་གི་ནང་སྲིད་གནད་དོན་ལ་ཐེ་བྱུས་གནང་རྒྱུ་མེད་པའི་ཉེན་བརྡ་བཏང་ཡོད།

བལ་ཡུལ་ནང་དུ་རྟེན་གཞི་བྱས་པའི་ཤྲི་ཆུ་བཟང་གྲྭ་ཚང་དུ་བལ་ཡུལ་དགེ་ལྡན་ལྷན་ཚོགས་ཀྱི་གོ་སྒྲིག་འོག་ཆོས་བརྒྱུད་རིས་མེད་ཀྱི་དགོས་སྡེ་ཁག་གི་གྲྭ་བཙུན་རྣམས་ལྷན་ཞུགས་ཐོག་འཇང་དགུན་ཆོས་ཆོས་ཐོག་ཆེན་མོ་ཐེངས་ ༡༢ པ་དེ་ཁ་ཉིན་ཕྱི་ཚེས་ ༩ ཉིན་དབུ་འཛུགས་གནང་ཡོད་པ་ལྟར་སྤྱི་ནོར་༸གང་ས་༸སྐྱབས་མགོན་ཆེན་པོ་མཆོག་གིས་ཐེངས་འདིའི་ཆོས་ཐོག་ཐོག་བཀའ་ཡིག་སྩལ་བའི་ནང་ཆོས་ཐོག་ལ་ཡི་རང་བསྔགས་བརྗོད་མཛད་པ་དང་ཆབས་ཅིག་ཆོས་བརྒྱུད་ལུང་ཚན་ནང་ཁུལ་དམ་ཚིག་གཙང་མ་ཞིག་བྱུང་ན། མགོན་པོ་༸གང་ཉིད་མཆོག་ནས་ཀྱང་བསྟན་འགྲོའི་ཕན་བདེར་དམིགས་ཏེ་སྐུ་ཚེ་ཡུན་རིང་མཛད་པའི་འཕེན་པ་ཤུགས་དྲག་མཛད་ཀྱི་ཡོད་ཅེས་བཀའ་བཞེས་བཟང་པོ་སྨིན་སྩལ་མཛད་འདུགབལ་ཡུལ་དགེ་ལྡན་ལྷན་ཚོགས་ནི། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགོན་པའི་ནང་བསླབ་པ་སློབ་གཉེར་གནང་རྒྱུ་གལ་ཆེན་པོ་ཡིན་པ་སོགས་ཀྱི་བཀའ་སློབ་ལམ་སྟོན་མཛད་པའི་འོག་དབུ་འཛུགས་གནང་བ་ཞིག་ཡིན་པ་དང་། བལ་ཡུལ་དགེ་ལྡན་ལྷན་ཚོགས་ཀྱི་གོ་སྒྲིག་འོག་ཁུལ་དེའི་ནང་ལྷན་ཚོགས་དེའི་ཁྱབ་ཁོངས་དགོན་སྡེ་ཁག་གི་སློབ་གཉེར་བ་རྣམས་འདུ་འཛོམས་ཀྱིས་ཚད་མའི་གཞུང་ལ་སློབ་གཉེར་གནང་ཕྱིར་འཇང་དགུན་ཆོས་ཀྱི་ཆོས་ཐོག་ཆེན་མོ་དེ་ལོ་ལྟར་ཚོགས་སྲོལ་ཡོད་པ་ལྟར་འདི་ལོའི་ཆོས་ཐོག་འདི་ཕྱི་ཚེས་ ༩ ནས་དབུ་འཛུགས་ཀྱིས་ཚེས་ ༢༣ བར་འཚོགས་རྒྱུ་ཡིན་པ་རེད།སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྩལ་བའི་བཀའ་ཡིག་ནང་བལ་ཡུལ་དགེ་ལྡན་ཤེས་ཡོན་ལྷན་ཚོགས་དངོས་སུ་བཙུགས་པ་ནས་བཟུང་དགེ་བཤེས་རབ་འབྱམས་པའི་བར་སློབ་གཉེར་བྱ་རྒྱུའི་གོ་སྐབས་བསྐྲུན་ཏེ་ལོ་རེ་བཞིན་ཡར་རྒྱས་ཀྱི་རྣམ་པ་གསལ་ཐོན་ཐོག རྣམ་འགྲེལ་དགུན་ཆོས་རིང་ཆོས་བརྒྱུད་གཞན་ནས་ཀྱང་མཉམ་ཞུགས་གནང་མུས་བཅས་ཀྱི་གཏམ་བཟང་ལ་མགོན་པོ་༸གང་ཉིད་མཆོག་གིས་བསྔགས་བརྗོད་མཛད་བཞིན་ཡོད་སྐོར་བཀའ་གནང་བ་དང་འབྲེལ། རྒྱལ་བའི་གསུང་རབ་ལ་ཐོས་བསམ་སློབ་གཉེར་གྱིས་ཐོས་དོན་རྣམས་རང་ཉིད་ཀྱི་རྒྱུད་ལ་སྦྱར་ཏེ་སྒོ་གསུམ་གྱི་སྤྱོད་ཚུལ་ཐོག་ཉམས་རྟོགས་ཀྱི་མཚན་མ་ཐོན་པ་ཞིག་ཡོང་ཐབས་འབད་འབུངས་ཧུར་བསྐྱེད་གནང་དགོས་གལ་ཡིན་པའི་ལམ་སྟོན་སྩལ་ཡོད། གཙོ་ཆེ་ཆོས་བརྒྱུད་ལུང་ཚན་ཐོག་ཅོལ་ཆུང་རྨོངས་ཞེན་གྱི་ཕྱོགས་རིས་ཕྱི་བའི་གཏམ་གླེང་རིགས་མངོན་ལྐོག་གང་ལའང་མེད་པར། ནང་ཁུལ་དམ་ཚིག་གཙང་མ་ཞིག་བྱུང་ན། ངོས་ནས་ཀྱང་བསྟན་འགྲོའི་ཕན་བདེར་དམིགས་ཏེ་རིང་དུ་འཚོ་བའི་འཕེན་པ་ཤུགས་དྲག་བྱེད་ཅེས་བཀའ་བཞེས་བཟང་པོ་སྨིན་སྩལ་མཛད་འདུག བལ་ཡུལ་ཤྲི་ཆུ་བཟང་གྲྭ་ཚང་དུ་ཕྱི་ཚེས་ ༩ ཉིན་ཚོགས་པའི་འཇང་དགུན་ཆོས་ཀྱི་དབུ་འབྱེད་མཛད་སྒོ་ཐོག་སྐུ་མགྲོན་གྱི་གཙོ་བོ་བལ་ཡུལ་སྐུ་ཚབ་དོན་གཅོད་རྩིབས་རི་ལོ་པཎ་སྤྲུལ་སྐུ་ངག་དབང་མཆོག་གྲུབ་མཆོག་དང་། ༸སྐྱབས་རྗེ་ཆུ་བཟང་རིན་པོ་ཆེ་མཆོག བལ་ཡུལ་ནང་པའི་ཚོགས་ཆེན། བལ་ཡུལ་གཞུང་གི་དགོན་པ་ཡར་རྒྱས་ཚོགས་པ་བཅས་ཀྱི་ལས་ཀྱི་སྣེ་མོ་བ་གཙོས་དགོན་སྡེ་ཁག་གི་མཁན་བླ་སྤྲུལ་རྣམ་པ། གཞུང་འབྲེལ་དང་གཞུང་འབྲེལ་མིན་པའི་ཚོགས་སྒེར་ཁག་གི་སྐུ་ཚབ། དེ་བཞིན་མི་མང་བཅས་ཁྱོན་མི་གྲངས་སྟོང་ཕྲག་གཅིག་ལྷག་ལྷན་འཛོམས་གནང་ཡོད།    

ཉན་པ།: Listen ཕབ་ལེན། Download ཆོས་བརྒྱུད་ལུང་ཚན་ནང་ཁུལ་དམ་ཚིག་གཙང་མ་ཞིག་བྱུང་ན། ངོས་ནས་ཀྱང་རིང་དུ་འཚོ་བའི་འཕེན་པ་ཤུགས་དྲག་བྱེད་ཅེས་བཀའ་སྩལ་འདུག བཀའ་སྤྱི་གཉིས་ཀྱིས་སྐུ་ཞབས་ Mulayam Singh Yadav ལགས་དགོངས་པ་རྫོགས་པར་ཐུགས་གསོ་གནང་བ། ཞི་ཅིན་ཕིང་གི་ལས་ཡུན་གསུམ་པ་ནི་རྒྱ་ནག་དང་རྒྱལ་སྤྱིའི་ཁྲོད་ཉེན་ཚབས་ཆགས་པར་གསུངས་འདུག རྒྱ་གར་བྱང་ཕྱོགས་ཁུལ་གྱི་བོད་མིའི་གཞིས་སྒར་ཁག་ཏུ་བོད་ཀྱི་སྐད་ཡིག་ཆེད་སྐོར་སྐྱོད་ཀྱི་ལས་འགུལ་སྤེལ་རྒྱུ། གླུ་གཞས་ལས་རིམ། མཛེས་པའི་རིག་འཛིན་དབང་མོ། Tuesday 11/10/2022 If all the schools of Buddhism live in harmony, I shall also enhance my motivation to live long: HHDL Exile Tibetan leadership condoles demise of Mulayam Singh Yadav, former Indian defence minister Third term for Xi threatens rights: HRW Tibetan language advocates announce North India tour MUSIC FEATURE: Zepai Rigzin Wangmo by Thupten Samdup    

རྒྱ་གར་གྱི་བདེ་སྲུང་བློན་ཆེན་ཟུར་པ་སྐུ་ཞབས་ Mulayam Singh Yadav མཆོག་ཁ་སང་སྙུང་གཞིའི་རྐྱེན་གྱིས་དགུང་གྲངས་ ༨༢ ཐོག་དགོངས་པ་རྫོགས་པར་བོད་མིའི་སྒྲིག་འཛུགས་ཀྱི་སྲིད་ཚབ་མཆོག་དང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཆོག་རྣམ་གཉིས་ཀྱིས་དམ་པ་ཁོང་གི་བུའི་མཚན་ཐོག་ཏུ་ཤུལ་ལུས་སྐུ་འཁོར་ཡོངས་ལ་ཐུགས་གསོའི་གསུང་འཕྲིན་སྩལ་འདུགབོད་མིའི་སྒྲིག་འཛུགས་ཀྱི་སྲིད་ཚབ་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས་དམ་པ་ཁོང་གི་བུ་རྒྱ་གར་གྲོས་ཚོགས་འོག་མའི་འཐུས་མི་སྐུ་ཞབས་ Akhilesh Yadav ལགས་ཀྱི་མཚན་ཐོག་ཏུ་ཕུལ་བའི་གསུང་འཕྲིན་ནང་དམ་པ་ཁོང་ནི་དུས་རྒྱུན་ནས་ཁྱད་དུ་འཕགས་པའི་རྒྱ་གར་གྱི་སྲིད་དོན་པ་དང་བོད་མིའི་བློ་ཐུབ་ཀྱི་གྲོགས་པོ་ཞིག་ཡིན་པར་མ་ཟད། དེ་སྔ་སྐུ་འཚོ་བཞུགས་སྐབས་བོད་དོན་ལ་རྒྱབ་སྐྱོར་དང་རྒྱ་གར་གྱི་གྲོས་ཚོགས་ནང་བོད་དོན་ཆེད་གསུང་བཤད་ཤུགས་ཆེར་གནང་ཡོད་སྟབས་དམ་པ་ཁོང་ནི་བོད་མིར་ཆེས་བཀའ་དྲིན་ཆེན་པོ་ཆགས་ཡོད་སྐོར་གསུངས་ཏེ་བོད་མིའི་སྒྲིག་འཛུགས་དང་བོད་མི་སྤྱི་ཡོངས་ཀྱི་ཚབ་ཞུས་ནས་དམ་པ་དེ་ཉིད་ཀྱི་བུ་གཙོས་ཤུལ་ལུས་ནང་མི་སྐུ་འཁོར་ལ་ཐུགས་གསོ་སྩལ་བ་དང་སྦྲགས། ང་ཚོས་གདུང་ཤུགས་དྲག་པོས་བསྔོ་སྨོན་གསོལ་འདེབས་ཞུ་བཞིན་ཡོད་ཅེས་གསུངས་འདུགདེ་བཞིན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་དམ་པ་དེ་ཉིད་སྐུ་ཚེ་མ་ཟིན་པའི་གནས་ཚུལ་ཐོས་འཕྲལ་བློ་ཕམ་ཆེན་པོ་བྱུང་ཞེས་དང་དམ་པ་ཁོང་སྐུ་འཚོ་བཞུགས་སྐབས་རྒྱ་གར་གྲོས་ཚོགས་ནང་བོད་དོན་སྐོར་གླེང་སློང་གནང་བ་སོགས་བོད་ཀྱི་བདེན་པའི་འཐབ་རྩོད་ཐོག་རྟག་ཏུ་རྒྱབ་སྐྱོར་དང་གདུང་སེམས་མཉམ་བསྐྱེད་གནང་མཁན་ཞིག་ཡིན་པར་མ་ཟད། ༢༠༡༧ ལོར་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་ལ་དམ་པ་ཁོང་དང་ལྷན་མཇལ་མོལ་གནང་རྒྱུའི་གོ་སྐབས་བྱུང་ཡོད་པ་གསུངས་ཏེ། དམ་པ་ཁོང་གི་ལྟ་གྲུབ་དང་མཛད་རྗེས་རྣམས་ཚང་མས་རྒྱུན་འཁྱོངས་གནང་རྒྱུ་ནི་གལ་ཆེ་ཤོས་ཆགས་ཡོད་ཅེས་ནན་སྐུལ་གནང་འདུག སྐུ་ཞབས་ Mulayam Singh Yadav མཆོག་གིས་རྒྱ་གར་གྱི་བདེ་སྲུང་བློན་ཆེན་ཟུར་པ་དང་། UttarPradesh མངའ་སྡེའི་སྤྱི་ཁྱབ་བློན་ཆེན། དེ་བཞིན་རྒྱ་གར་གྱི་  Samajwadi ཆབ་སྲིད་ཚོགས་པ་ཐོག་མ་གསར་འཛུགས་གནང་མཁན་གྱི་དབུ་ཁྲིད་ཡིན་པ་རེད། པར་གྱི་བདག་དབང་ CTA དང་། abplive

བོད་ཀྱི་སྐད་ཡིག་ཞབས་ཞུ་ཁང་གིས་རྒྱ་གར་བྱང་ཕྱོགས་ཁུལ་དུ་ཡོད་པའི་བོད་མིའི་གཞིས་སྒར་དང་སློབ་གྲྭ་ཁག་ཏུ་ཕྱི་ཟླ་ ༡༠ དང་ ༡༡ ལ་བོད་ཀྱི་སྐད་ཡིག་ཆེད་སྐོར་སྐྱོད་ཀྱི་ལས་འགུལ་སྤེལ་རྒྱུ་རེད་འདུག བོད་ཀྱི་སྐད་ཡིག་ཞབས་ཞུ་ཁང་ནས་དེ་རིང་ཕྱག་ཚོད་ ༡༢ ཐོག་བཞུགས་སྒར་གངས་སྐྱིད་དུ་རྟེན་གཞི་བྱས་པའི་བོད་ཀྱི་དཔེ་མཛོད་ཁང་དུ་བོད་ཀྱི་སྐད་ཡིག་ཆེད་སྐོར་སྐྱོད་ཀྱི་ལས་འགུལ་སྤེལ་རྒྱུའི་གསར་འགོད་གསལ་བསྒྲགས་ཤིག་གནང་སོང་བ་དང་། སྐབས་དེར་ཚོགས་པའི་ཚོགས་གཙོ་ཐུབ་བསྟན་རབ་བརྟན་ལགས་ཀྱིས་ལས་འགུལ་གྱི་དམིགས་ཡུལ་གཙོ་བོ་ནི། བཙན་བྱོལ་སྤྱི་ཚོགས་ནང་སྐད་ཡིག་ཉམས་ཆག་གི་གནས་སྟངས་དེ་དཀའ་ངལ་ཆེན་པོ་ཆགས་ཡོད་པ་དང་། ལྷག་པར་དུ་བོད་ནང་ལ་མཚོན་ན་རྒྱ་ནག་གཞུང་གིས་ཆེད་མངགས་བོད་ཀྱི་སྐད་ཡིག་རྩ་མེད་བཟོས་དང་བཟོ་བཞིན་ཡོད་སྟབས་ང་ཚོའི་བཙན་བྱོལ་སྤྱི་ཚོགས་ཀྱི་ངོས་ནས་དེར་གདོང་ལེན་གནང་ཕྱིར་ལས་འགུལ་འདི་ལྟར་སྤེལ་གལ་གཟིགས་ཀྱི་ཡོད་སྐོར་གསུངས་སོང་། གསར་འགོད་པས་བཅར་འདྲི་ཞུས་སྐབས་ཚོགས་གཙོ་ཐུབ་བསྟན་རབ་བརྟན་ལགས་ཀྱིས་སྐད་ཡིག་སྲུང་སྐྱོབ་ཐོག་ང་ཚོ་ཚང་མས་ཤུགས་རྒྱག་དགོས་པ་དང་ལྷག་པར་ཁྱིམ་ཚང་ནང་ཕ་མ་ཚོས་གང་ཐུབ་ཅི་ཐུབ་ཀྱིས་བོད་སྐད་རྒྱག་རྒྱུ་དེ་གལ་ཆེན་པོ་ཆགས་ཀྱི་ཡོད་པ་དང་། ཁྱད་པར་དུ་བོད་མི་ཕན་ཚུན་དབར་ཕྱག་བྲིས་གནང་སྐབས་ངེས་པར་དུ་བོད་ཡིག་བཀོད་སྤྱོད་གནང་གནད་ཡིན་སྟབས་དེར་འབད་རྩོན་གནང་རོགས་ཞེས་གཞེན་སྐུལ་གནང་སོང་།  དེ་བཞིན་ཚོགས་པའི་དངུལ་གཉེར་ལོ་ཡག་བཀྲ་ཤིས་ལགས་ཀྱིས་ད་ཆ་ང་ཚོ་བོད་མིའི་སྤྱི་ཚོགས་ཁྱོན་ཡོངས་ཀྱི་ངོས་ནས་བོད་ཀྱི་སྐད་ཡིག་ལ་ཐུགས་སྣང་ཞིག་གནང་གི་ཡོད་པ་རེད་ལ། བོད་ཀྱི་སྐད་ཡིག་བཀོལ་སྤྱོད་གནང་བ་ཙམ་གྱིས་ཡག་པོ་རེད་བསམ་གྱི་འདུག་ཀྱང་། དྲ་ཐོག་ལ་བོད་ཡིག་བྲིས་ནས་ནོར་མཁན་ཚོར་སྐྱོན་བརྗོད་མ་གནང་བར་ཕ་རོལ་པོ་ལ་ཐབས་མཁས་པོའི་ཐོག་ནས་ཞུ་གལ་ཡིན་པས་དེ་ལྟར་གནང་རོགས་ཞེས་འབོད་སྐུལ་ཞུས་ཡོད། རྩ་བའི་ཕྱི་ལོ་ ༢༠༡༩ འདི་ལོ་ནས་བཟུང་བོད་པའི་སློབ་གྲྭ་ཁག་ཏུ་རྒྱལ་ཡོངས་འཛིན་གྲྭ་བཅུ་གཉིས་ཀྱི་ཡིག་རྒྱུགས་ཁྲོད་བོད་ཡིག་ལ་བརྒྱ་ཆ་ ༩༥ སོན་མཁན་ཚང་མར་ཆེ་བསྟོད་ཀྱི་ཕྱག་འཁྱེར་དང་ཧིན་སྒོར་ལྔ་སྟོང་རེ་གནང་བཞིན་ཡོད་པ་རེད། གཞི་རྩའི་བོད་ཀྱི་སྐད་ཡིག་ཞབས་ཞུ་ཁང་ནི་ཕྱི་ལོ་ ༢༠༡༣ ལོར་གསར་འཛུགས་བྱས་ཤིང་། འདས་པའི་ལོ་ངོ་དགུའི་རིང་བོད་ཀྱི་སྐད་ཡིག་སྲུང་སྐྱོབ་ཀྱི་ཆེད་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་དུས་འཁོར་དབང་ཆེན་སྩལ་སྐབས་དང་བོད་ཀྱི་མཐོ་སློབ་ཁག སློབ་གྲྭ གཞིས་ཆགས། དེ་བཞིན་ཕྱི་རྒྱལ་སོགས་ས་གནས་དུ་མར་ཚོགས་མི་ཚོས་གོ་སྐབས་ནམ་བྱུང་ལ་བོད་ཀྱི་སྐད་ཡིག་འཛིན་སྐྱོང་སྤེལ་གསུམ་ཆེད་ལས་འགུལ་སྣ་མང་སྤེལ་དང་སྤེལ་མུས་ཡིན་པ་མ་ཟད། ཚོགས་པའི་དམིགས་ཡུལ་གཙོ་བོ་ནི་སྦྲགས་སྐད་རྒྱག་རྒྱུ་ཉུང་དུ་གཏོང་ཐབས་དང་བོད་སྐད་གཙང་མ་རྒྱག་ཐབས། བོད་ཡིག་གང་ཐུབ་ཀྱིས་བཀོད་སྤྱོད་གནང་ཐབས་བཅས་ཡིན་པ་རེད། ད་ལྟའི་ཆར་ཚོགས་པ་དེར་ཚོགས་མི་ ༤༠ ཙམ་ཞིག་ཡོད་པ་རེད། ཚོགས་པའི་ངོས་ནས་བོད་ཀྱི་སྐད་ཡིག་ཆེད་སྐོར་སྐྱོད་དང་པོ་དེ་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གྱ་སྟོན་དང་འབྲེལ་རྒྱ་གར་ལྷོ་ཕྱོགས་ཁུལ་དུ་གནང་ཡོད་པ་དང་གཉིས་པ་ཕྱི་ལོ་ ༢༠༡༩ ལོར་༸ཀུན་གཟིགས་༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་སྐུ་གཤེགས་ནས་མི་ལོ་ ༣༠ འཁོར་བའི་རྗེས་དྲན་དང་བསྟུན་རྒྱ་གར་བྱང་ཕྱོགས་ཀ་རྡོར་སྒང་གསུམ་གྱི་བོད་མིའི་གཞིས་ཁག་ཏུ་ཕྱོགས་སྐྱོད་གནང་ཡོད།

ཉན་པ།: Listen ཕབ་ལེན། Download རྒྱ་རིགས་ཚོང་པས་ལྷ་སའི་གནས་སྟངས་ལ་རྟོག་ཞིབ་དགོས་པའི་འབོད་སྐུལ་ཞུས་པ། སློབ་དཔོན་ཐུགས་རྗེ་ཆེན་པོའི་བཀའ་དྲིན་རྗེས་སུ་དྲན་པའི་ཐོག་ནས་ཉིན་རེ་བཞིན་སེམས་པ་བཟང་པོ་བྱེད་དགོས། ༸གོང་ས་མཆོག་གིས་ནོ་སྦེལ་ཞི་བདེའི་གཟེངས་རྟགས་ཐོབ་མཁན་ཚོགས་སྒེར་ཁག་ལ་འཚམས་འདྲི་མཛད་པ། བོད་མིའི་སྒྲིག་འཛུགས་ཀྱི་མཛད་གཙོ་རྣམས་ཀྱི་ཚད་མཐོའི་ཕྱི་འབྲེལ་ལས་རིམ། གླིང་རིན་པོ་ཆེ་དབུ་བཞུགས་ཐོག་སོག་པོ་གཞུང་ལ་༸རྒྱལ་བའི་བཀའ་འགྱུར་པར་བསྐྲུན་གྱིས་ཕྱག་རྟགས་གནང་བ། བཞུགས་སྒར་དུ་བོད་ཀྱི་གློག་བརྙན་དུས་སྟོན་ཐེངས་ ༡༡ པ་དབུ་འཛུགས། བོད་ཀྱི་རྒྱལ་རབས་ལོ་རྒྱུས་ཀྱི་ལེ་ཚན། དམག་སྤྱི་ཚ་རོང་ཟླ་བཟང་དགྲ་འདུལ་ལགས་ཀྱི་སྐོར། Monday 10/10/2022 Chinese business man calls for investigation into mishandling of Covid HHDL attends annual offering to Guru Padmasambhava, reiterates message of compassion HHDL congratulates winners of 2022 Nobel Peace Prize winners Sikyong led delegation begins official engagements in Germany Ling Rinpoche visits Mongolia, presides over handing ceremony of Mongolian ‘Ka-gyur’ Dharamsala hosts 11th Tibet Film Festival HISTORY FEATURE: Tsarong Dasang Damdul  

ཁ་སང་ཕྱི་ཚེས་ ༩ ཉིན་གྱི་སྔ་དྲོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་དང་སློབ་ནས་རྒྱུ་སྦྱོར་ཞུས་པའི་མ་ཧཱ་གུ་རུའི་འབུམ་ཚོགས་ཀྱི་ཉིན་མཐའ་མའི་ཚོགས་མགོན་དུ་ཆིབས་བསྒྱུར་བཀའ་དྲིན་བསྐྱངས་གནང་མཛད་པ་དང་འབྲེལ། སློབ་དཔོན་ཐུགས་རྗེ་ཆེན་པོའི་བཀའ་དྲིན་རྗེས་སུ་དྲན་པའི་ཐོག་ནས་ཉིན་རེ་བཞིན་སེམས་པ་བཟང་པོ་བྱེད་དགོས་གལ་ཡིན་པ་ལམ་སྟོན་མཛད་ཡོད། མགོན་པོ་༸གང་ཉིད་མཆོག་གིས་སྐབས་དེར་མ་ཧཱ་གུ་རུའི་འབུམ་ཚོགས་དང་འབྲེལ། སློབ་དཔོན་པདྨ་འབྱུང་གནས་ནི་སྔར་ཆོས་རྒྱལ་ཁྲི་སྲོང་སྡེ་བཙན་གྱི་སྐུ་དུས་ནས་བཟུང་དམིགས་བསལ་གྱི་འབྲེལ་བ་ཞིག་ཆགས་ཀྱི་ཡོད་པའི་བཀའ་སྩལ་དང་འབྲེལ། མཁས་སློབ་ཆོས་གསུམ་དང་བོད་གངས་ཅན་པའི་དབར་ལ་ཐུན་མོང་མ་ཡིན་པའི་འབྲེལ་བ་ཞིག་ཡོད་པར་བརྟེན། གངས་ཅན་པ་ཡོངས་ནས་མཁས་སློབ་ཆོས་གསུམ་གྱི་ཐུགས་བསྐྱེད་དམ་བཅའ་མ་དོར་བའི་ཐོག་ཞེ་ཐག་པ་ནས་སྨོན་ལམ་བསྐྱོན་དགོས་སྐོར་དང་། དེ་བཞིན་བོད་གངས་ཅན་ལྗོངས་ཀྱི་ཆོས་དང་རིག་གཞུང་གཏིང་ཟབ་ཡོད་པ་དེའི་སྙིང་དོན་གཙོ་བོ་ནི་བྱང་ཆུབ་ཀྱི་སེམས་འདི་ཉིད་ཡིན་པར་དེ་ནི་འཛམ་གླིང་ཡོངས་ལ་དགོས་མཁོ་ཅན་ཞིག་ཡིན་པ་མ་ཟད། ལྷག་པར་དུ་རྒྱ་ནག་གུང་ཕྲན་ཏང་ལ་ཡང་དགོས་ཅན་ཞིག་ཡིན་པ་བཀའ་སྩལ་མཛད་འདུགམ་ཟད་༸གོང་ས་༸སྐྱབས་མགོན་ཆེན་པོ་མཆོག་གིས། ང་ཚོ་འདིར་སློབ་དཔོན་ཐུགས་རྗེ་ཆེན་པོའི་བྱིན་རླབས་ལས་འབུམ་ཚོགས་ཚོགས་ཀྱི་ཡོད་སྐོར་བཀའ་སྩལ་དང་སྦྲགས། ༸གང་ཉིད་མཆོག་ལ་མོས་པ་ཡོད་པ་རྣམས་ནས་རྒྱུན་དུ་སེམས་པ་བཟང་པོ་བྱ་དགོས། དེ་བཞིན་ཆོས་ཁས་བླང་མིན་ལ་མ་ལྟོས་པར་སེམས་པ་བཟང་པོ་བྱ་དགོས་རྒྱུ་གལ་ཆེན་པོ་ཡིན་པ་དང་། ལྷག་པར་དུ་སློབ་དཔོན་ཐུགས་རྗེ་ཆེན་པོའི་བཀའ་དྲིན་རྗེས་སུ་དྲན་པའི་ཐོག་ནས་ཉིན་རེ་བཞིན་སེམས་པ་བཟང་པོ་བྱ་དགོས་རྒྱུ་གལ་ཆེན་པོ་ཡིན་པ་བཀའ་སྩལ་སོང་།རྩ་བའི་ཁ་སང་མ་ཧཱ་གུ་རུའི་འབུམ་ཚོགས་ཀྱི་ཉིན་མཐའ་མར་༸སྐུ་བཅར་རྣམ་རྒྱལ་གྲྭ་ཚང་གི་མཁན་རིན་པོ་ཆེ་མཆོག་དབུས་པའི་དགེ་འདུན་པ་རྣམ་པ་དང་། ཀིརྟི་བྱེས་པ་གྲྭ་ཚང་གི་དགེ་འདུན་པ་རྣམ་པ་། སྒྲོལ་མ་གླིང་བཙུན་དགོན་གྱི་བཙུན་མ་རྣམ་པ་སོགས་བཞུགས་སྒར་ཁུལ་གྱི་རིས་མེད་ཆོས་སྡེ་ཁག་གི་དགེ་བཙུན་སྔགས་གསུམ་དང་་མི་མང་རྣམས་ལྷན་བཞུགས་ཐོག་མཧཱ་གུ་རུའི་ཚོགས་མཆོད་འབུམ་ཐེར་སྨིན་སྒྲུབ་ཞུས་ཡོད་པ་རེད།