Tibetan Royal Year of 2151 | Year of the Wood Dragon

ཡུ་གུར།

རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གཙོ་འཛིན་གྱིས་བོད་དང་ཤིན་ཅང་གི་གནས་སྟངས་ཐད་རྒྱ་ནག་ལ་སྐྱོན་བརྗོད།

རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གཙོ་འཛིན་གྱིས་བོད་དང་ཤིན་ཅང་གི་གནས་སྟངས་ཐད་རྒྱ་ནག་ལ་སྐྱོན་བརྗོད།

རྒྱ་གཞུང་གིས་ཕྱིའི་གསར་འགོད་པ་གདན་ཞུས་བྱས་པ་དེ་ནི་འཁྱོགས་བཤད་དྲིལ་བསྒྲགས་བྱ་རྒྱུའི་ཆེད་ཡིན་པ་གསུངས་འདུག

རྒྱ་གཞུང་གིས་ཕྱི་རྒྱལ་གྱི་ཆབ་སྲིད་གནད་ཡོད་མི་སྣ་དང་རྒྱལ་སྤྱིའི་གསར་འགོད་པ་རྣམས་བོད་དང་གྲངས་ཉུང་མི་རིགས

ཨ་རིས་རྒྱ་ནག་གི་ཚོང་ལས་ཁང་གཉིས་ཀྱི་ཚོང་ཟོག་བཀག་སྡོམ།

ཨ་རིས་རྒྱ་ནག་གི་ཚོང་ལས་ཁང་གཉིས་ཀྱི་ཚོང་ཟོག་བཀག་སྡོམ།

ཡུ་གུར་མང་ཚོགས་ཀྱི་གནད་དོན་དང་འབྲེལ་རྒྱ་ནག་གི་ཚོང་ལས་ཁང་གཉིས་ལ་སྲིད་དོན་ཉེས་ཆད།

ཡུ་གུར་མང་ཚོགས་ཀྱི་གནད་དོན་དང་འབྲེལ་རྒྱ་ནག་གི་ཚོང་ལས་ཁང་གཉིས་ལ་སྲིད་དོན་ཉེས་ཆད།

ཨ་རིའི་གྲོས་ཚོགས་ངོས་ནས་རྒྱ་གཞུང་ལ་ཡ་ལན་ནན་པོ་སྤྲད་དགོས་པའི་དགོས་འདུན།

ཨ་རི་གྲོས་ཚོགས་ངོས་ནས་རྒྱ་གཞུང་ལ་ཡ་ལན་ནན་པོ་སྤྲད་དགོས་པའི་དགོས་འདུན།

ཤིན་ཅང་ནང་བསྐྱོད་མཁན་གྱི་ཕྱིའི་གསར་འགོད་པར་དམ་བསྒྲགས།

ཤིན་ཅང་ནང་བསྐྱོད་མཁན་གྱི་ཕྱིའི་གསར་འགོད་པར་དམ་བསྒྲགས།

ཡུ་གུར་ངལ་རྩོལ་འགོག་ཐབས་ཀྱི་ཁྲིམས་ཡིག་ལག་བསྟར་ཐད་ཀྱི་ཉན་ཞིབ་ཚོགས་པ།

ཡུ་གུར་ངལ་རྩོལ་འགོག་ཐབས་ཀྱི་ཁྲིམས་ཡིག་ལག་བསྟར་ཐད་ཀྱི་ཉན་ཞིབ་ཚོགས་པ།

རྒྱལ་ཁབ་ལྔ་བཅུས་རྒྱ་གཞུང་ལ་ཤིན་ཅང་ནང་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པར་སྐྱོན་བརྗོད།

རྒྱལ་ཚོགས་ཀྱི་བགྲོ་གླེང་ཐོག་ཏུ་ཨ་རིས་གཙོས་པའི་རྒྱལ་ཁབ་ལྔ་བཅུའི་སྐུན་ཚབ་རྣམ་པ་ཟུང་འབྲེལ་གྱིས་རྒྱ་ནག་གཞུང་གིས་ད་ཆ་ཤིན་ཅང་ནང་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནས་སྟངས་ལ་ཚོར་ཤུགས་ཆེན་པོས་སྐྱོན་བརྗོད་དང་སྦྲགས་རྒྱ་གཞུང་ནས་རང་ཉིད་ཀྱིས་ཁ་དན་བཞག་པའི་རྒྱལ་སྤྱིའི་འགྲོ་བ་མིའི་ཐོབ་ཐང་ལ་བརྩི་སྲུང་བྱེད་དགོས་པའི་རེ་འདུན་བཏོན་འདུག ཁ་སང་ཨ་རིའི་ནིའུ་ཡོག་གྲོང་ཁྱེར་ནང་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་ཨ་མའི་ནང་ཚོགས་པའི་རྒྱ་གཞུང་གིས་ཡུ་གུར་མི་རིགས་རྣམས་ལ་སྡུག་སྦྱོང་མནར་གཅོད་ཚབས་ཆེན་གཏོང་བཞིན་པར་ཛ་དྲག་གི་བགྲོ་གླེང་ཞིག་གི་ཐོག་རྒྱལ་ཚོགས་ཀྱི་ཁེ་ན་ཌའི་སྐུ་ཚབ་ Bob Rae ལགས་ཀྱིས་སྐབས་དེར་ཨ་རི་དང་དབྱིན་ཡུལ། ནོར་ཝེ། ཁེ་ན་ཌ། དེ་བཞིན་ཨོ་སི་ཊི་ལི་ཡ་སོགས་མང་གཙོའི་རྒྱལ་ཁབ་ལྔ་བཅུས་སྐུ་ཚབ་ཞུས་ཏེ་ཐུན་མོང་གིས་འདོན་སྤེལ་གནང་བའི་བསྒྲགས་གཏམ་ཞིག་སྒྲོག་སྦྱང་གནང་བའི་ནང་ད་རེས་རྒྱལ་ཁབ་དེ་དག་ཐུན་མོང་གིས་གོང་ཞུས་བསྒྲགས་གཏམ་དེ་ནི་གཙོ་བོ་ཉེ་ལམ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གཙོ་འཛིན་ལས་ཁང་གིས་ཤིན་ཅང་ནང་གི་གནས་སྟངས་དང་འབྲེལ་བའི་སྙན་ཐོ་འདོན་སྤེལ་གནང་བར་རྒྱ་ནག་གཞུང་གི་ངོས་ནས་ཤིན་ཅང་ནང་ཡུ་གུར་གཙོ་བོར་གྱུར་པའི་ཁ་ཆེའི་མི་རིགས་རྣམས་ཀྱི་འགྲོ་བ་མིའི་ཐོབ་ཐང་རྡོག་རོལ་ཚབས་ཆེན་བཏང་ཡོད་པ་དང་ཡུ་གུར་མི་རིགས་རྣམས་ཁྲིམས་མེད་ལུང་མེད་སྒོ་ནས་འཛིན་བཟུང་བཀག་ཉར་དང་ཁོང་རྣམ་པར་མི་རིགས་དབྱེ་འབྱེད་ཀྱི་སྲིད་བྱུས་ལག་བསྟར་བྱེད་བཞིན་པ་དེ་ནི་འགྲོ་བ་མིའི་རིགས་ལ་རྒོལ་རྡུང་གི་ནག་ཉེས་ཚབས་ཆེན་ཞིག་ཆགས་ཡོད་པར་འགྲེལ་བརྗོད་ཀྱིས་སེམས་འཚབ་ཀྱིས་སྤེལ་བ་ཞིག་ཡིན་སྐོར་གསུངས་འདུག བསྒྲགས་གཏམ་ནང་རྒྱལ་ཁབ་ཀྱི་ངོས་ནས་རྒྱ་གཞུང་གིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གིས་འདོན་སྤེལ་གནང་བའི་ཤིན་ཅང་གི་སྙན་ཐོར་ཁས་ལེན་བྱས་མེད་པར་ཐུགས་འཚབ་ཡོད་སྐོར་གསུངས་པ་དང་སྦྲགས། རྒྱ་གཞུང་ནས་རང་ཉིད་ཀྱིས་ཁ་དན་ཟིན་པའི་རྒྱལ་སྤྱིའི་འགྲོ་བ་མིའི་ཐོབ་ཐང་ལ་བརྩི་སྲུང་བྱས་ཏེ་རྒྱའི་བཀག་ཉར་འོག་ཡོད་པའི་ཡུ་གུར་མི་རིགས་རྣམས་ལ་ཆ་རྐྱེན་གང་ཡང་མེད་པར་གློད་བཀྲོལ་དང་། ཁོང་རྣམས་ཀྱི་གནས་སྟངས་ཇི་ཆགས་སོགས་གསལ་བཤད་ཡོང་བའི་འབོད་སྐུལ་ཞུས་ཏེ་རྒྱ་གཞུང་ནས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གིས་བཏོན་པའི་དགོངས་འཆར་ཁག་ལ་ངོས་ལེན་གྱིས་ལག་བསྟར་བྱེད་དགོས་སྐོར་གསུངས་ཡོད། རྒྱལ་ཚོགས་ཀྱི་ཁེ་ན་ཌའི་སྐུ་ཚབ་ Bob Rae ལགས་ཀྱིས་ཁོང་རྣམས་ནས་འགྲོ་བ་མིའི་ཐོབ་ཐང་རྡོག་རོལ་གྱི་གནད་དོན་ཐོག་གླེང་སློང་གནང་སྟེ་ཡ་ང་བའི་གནས་སྟངས་དེ་དག་འཕྲལ་མར་མཚམས་འཇོག་ཡོང་སླད་ཐུན་མོང་ཐོག་ནས་ཕྱག་ལས་གནང་རྒྱུ་ནི་མང་ཚོགས་ཀྱི་ངོས་ནས་རང་ཉིད་ཀྱི་གཞི་རྩའི་འགྲོ་བ་མིའི་ཐོབ་ཐང་ཁག་ལོངས་སུ་སྤྱོད་ཐུབ་རྒྱུའི་ཡོངས་སྒྲིལ་གྱི་སྤྱི་ཚོགས་ཤིག་བསྐྲུན་རྒྱུའི་གཞི་རྩ་ཆགས་ཀྱི་ཡོད་པར་འགྲེལ་བརྗོད་གནང་བ་དང་ཆབས་ཅིག་ཚང་མས་ཐབས་ལམ་དེ་ཕྱག་བསྟར་གནང་སྐྱོང་ཡོང་བའི་སྐུལ་མ་གནང་འདུག

 རྒྱལ་ཚོགས་ཐོག་ཤིན་ཅང་གི་གནད་དོན་ལ་བགྲོ་གླེང་དགོས་པའི་གྲོས་འཆར་ལ་རྒྱབ་སྐྱོར་ཐོབ་མི་འདུག

ཁ་སང་ཕྱི་ཟླ་ ༡༠ ཚེས་ ༦ ཉིན་འདི་ག་ཇི་ནི་ཝ་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༥༡ སྟེང་ཨ་རི་དང་དབྱིན་ཡུལ། ནོར་ཝེ། ཁེ་ན་ཌ། དེ་བཞིན་ཨོ་སི་ཊི་ལི་ཡ་སོགས་ནུབ་ཕྱོགས་མང་གཙོའི་རྒྱལ་ཁབ་མང་ཆེ་བས་རྒྱ་ནག་གཞུང་གིས་ཤིན་ཅང་ནང་འགྲོ་བ་མིའི་ཐོབ་ཐང་རྡོག་རོལ་ཤུགས་ཆེ་བཏང་བའི་སྙན་ཐོ་དང་འབྲེལ་ཏེ་རྗེས་མའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༥༢ སྐབས་རྒྱ་ནག་ཐོག་བགྲོ་གླེང་དགོས་པའི་གྲོས་འཆར་ཞིག་གནང་ཡོད་པ་རེད།ལྷན་ཚོགས་ཀྱི་ཚོགས་མི་རྒྱལ་ཁབ་ཁག་གིས་གྲོས་འཆར་ལ་དེར་རྒྱབ་སྐྱོར་དང་དགག་པ་ཡོད་པའི་རྒྱུ་མཚན་འགྲེལ་བརྗོད་གནང་རྗེས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་མི་རྒྱལ་ཁབ་ ༤༧ ཡོད་པ་ལས་ལྷན་ཁང་གི་ཚོགས་མི་རྒྱལ་ཁབ་ ༡༧ གྱིས་གྲོས་འཆར་འདིར་རྒྱབ་སྐྱོར་གནང་བ་དང་ཚོགས་མི་རྒྱལ་ཁབ་ ༡༩ ཡིས་དགག་པ་གནང་བ། དེ་བཞིན་རྒྱ་གར་གཙོས་ཚོགས་མི་རྒྱལ་ཁབ་ ༡༡ བར་གནས་བཞུགས་ཏེ་ཤིན་ཅང་ནང་གི་འགྲོ་བ་མིའི་ཐོབ་ཐང་གི་སྙན་ཐོ་དང་འབྲེལ་ནས་རྒྱ་ནག་ཐོག་བགྲོ་གླེང་དགོས་པའི་གྲོས་འཆར་ལ་མང་མོས་ཀྱི་རྒྱབ་སྐྱོར་ཐོབ་མེད་པ་རེད། གྲོས་འཆར་ཐོག་འཛམ་གླིང་ནང་ཁ་ཆེའི་རྒྱལ་ཁབ་ཆེ་ཁག་ཨིན་ཌོ་ནེ་ཤ་ཡ་དང་ཁཱ་ཏར། དེ་བཞིན་པ་ཀིས་ཏན་སོགས་ཀྱིས་གྲོས་འཆར་འདིར་དགག་པ་བྱས་འདུག ཐེངས་འདིའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐོག་རྒྱ་ནག་གི་འགྲོ་བ་མིའི་ཐོབ་ཐང་གནད་དོན་རང་གི་ཐོག་ལ་དམིགས་ནས་བགྲོ་གླེང་དགོས་པའི་གྲོས་འཆར་འདོན་པ་འདི་ནི་ཕྱི་ལོ་ ༢༠༠༦ རྗེས་ཀྱི་ཐེངས་དང་པོ་ཆགས་ཀྱི་ཡོད་པ་རེད། ཤིན་ཅང་ནང་གི་འགྲོ་བ་མིའ་ཐོབ་ཐང་དང་འབྲེལ་བའི་སྙན་ཐོ་འདི་ནི། དེ་སྔོན་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་གཙོ་འཛིན་ལྕམ་སྐུ་ Michelle Bachelet མཆོག་གིས་ཁོ་མོ་ལས་གནས་ནས་འཁྱུར་བར་དུས་ཡུན་སྐར་མ་ཁ་ཤས་ལས་མེད་པའི་མཚམས་འདི་ལོའི་ཕྱི་ཚེས་ ༨ ཚེས་ ༣༡ ཉིན་འདོན་སྤེལ་གནང་ཡོད་པ་དང། སྙན་ཐོ་ནང་གཙོ་བོ་རྒྱ་ནག་གཞུང་གི་ངོས་ནས་ཤིན་ཅང་ནང་ཡུ་གུར་གཙོ་བོར་གྱུར་པའི་ཏུར་ཀི་ཁ་ཆེའི་མི་རིགས་རྣམས་ཀྱི་འགྲོ་བ་མིའི་ཐོབ་ཐང་རྡོག་རོལ་ཤུགས་ཆེ་བཏང་ཡོད་པ་ར་སྤྲོད་གནང་བ་དང་འབྲེལ། ཡུ་གུར་མི་རིགས་རྣམས་ཁྲིམས་མེད་ལུང་མེད་སྒོ་ནས་འཇིན་བཟུང་བཀག་ཉར་དང་ཁོང་ཚོའི་ཐོག་མི་རིགས་དབྱེ་འབྱེད་ཀྱི་སྲིད་བྱུས་ལག་བསྟར་བྱེད་བཞིན་པ་ནི་ཁྲིམས་འགལ་ཡིན་པར་ར་སྤྲོད་གནང་ཡོད། ལྷན་ཚོགས་སྟེང་གོང་གསལ་སྙན་ཐོ་དེ་དང་འབྲེལ་ནས་ཨ་རི་གཙོས་མང་གཙོའི་རྒྱལ་ཁབ་ཁག་ནས་རྒྱ་ནག་དེ་ལྷན་ཚོགས་ཐོག་འགན་འཁུར་ལན་འདེབས་བྱེད་དུ་བཅུག་རྒྱུའི་གྲོས་འཆར་ཞིག་འདོན་ཡོད་ཀྱང་སྐབས་དེར་ལྷན་ཚོགས་ནང་གྲོས་འཆར་ཐོག་ཚོགས་མི་རྒྱལ་ཁབ་ཀྱི་མང་མོས་རྒྱབ་སྐྱོར་ཐོབ་མེད་པ་རེད། ཕྱི་དྲོར་འཛམ་གླིང་ཡུ་གུར་མཐུན་ཚོགས་ཀྱིས་གསར་འགོད་སྤྱིར་བསྒྲགས་ཤིག་སྤེལ་ཏེ་ལྷན་ཚོགས་ཐོག་ལོ་རྒྱུས་ཀྱི་རང་བཞིན་ལྡན་པའི་གྲོས་འཆར་ལ་དགག་པ་གནང་མཁན་གྱི་ཚོགས་མི་རྒྱལ་ཁབ་ཁག་ནི། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་འགྲོ་བ་མིའི་ཐོབ་ཐང་དང་མི་རིགས་དབྱེ་འབྱེད། འགན་འཁུར་ལན་འདེབས་ཞེས་པའི་གཞི་རྩའི་ལྟ་གྲུབ་ལ་རྒྱབ་གཏོད་བྱས་པ་ཞིག་རེད་ཅེས་སྐྱོན་བརྗོད་བྱས་པར་མ་ཟད། ལྷན་ཚོགས་ཐོག་གྲོས་འཆར་དེ་ལམ་ལྷོང་བྱུང་མེད་པར་ལྟོས་མེད་ང་ཚོ་ཡུ་གུར་མང་ཚོགས་དང་འགྲོ་བ་མིའི་ཐོབ་ཐང་རྩོད་ལེན་པ་ཚོས་སེམས་ཤུགས་མ་ཆག་པར་མུ་མཐུད་དྲང་བདེན་ཐོག་འབད་རྩོན་བྱས་ཏེ་རྒྱ་ནག་གཞུང་དེ་རྒྱལ་ཚོགས་ཀྱི་ལྷན་ཚོགས་ཐོག་འགན་འཁུར་ལན་འདེབས་བྱེད་དགོས་པ་ཞིག་བཟོ་རྒྱུ་ཡིན་ཞེས་བཤད་འདུག དེ་བཞིན་འཛམ་གླིང་ཡུ་གུར་མཐུན་ཚོགས་ཀྱི་ཚོགས་གཙོ་ Dolkun Isa ལགས་ཀྱིས་འདི་ནི་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་མི་རྒྱལ་ཁབ་ཁག་ནས་རྒྱལ་ཚོགས་ལ་རྒྱ་ནག་གི་ངོས་ནས་འགན་འཁུར་ལན་འདེབས་བྱེད་དུ་བཅུག་རྒྱུའི་གོ་སྐབས་ཆེན་པོ་ཞིག་ཤོར་བ་རེད་ཅེས་དང་། རྒྱལ་སྤྱིའི་ཚོགས་སྡེ་ཁག་ནས་ཉེས་མེད་གནོད་འཚེ་ཕོག་པའི་ཡུ་གུར་མང་ཚོགས་རྣམས་ཕམ་ཉེས་གཏོང་ཐུབ་ཀྱི་མ་རེད་ཅེས་བརྗོད་འདུག འགྲོ་བ་མིའི་ཐོབ་ཐང་ལྟ་ཞིབ་ཚོགས་པའི་རྒྱ་ནག་མཚན་པའི་འགན་འཛིན་ Sophie Richardson ལགས་ཀྱིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ནས་རང་ཉིད་ཀྱི་འགན་འཁུར་དོར་ནས་ཉེས་མེད་གནོད་འཚེ་ཕོག་པའི་ཡུ་གུར་མང་ཚོགས་ལ་རྒྱབ་གཏོད་བྱས་པ་ཞིག་པ་དང། རྒྱ་ནག་གཞུང་གིས་འགྲོ་བ་མིའི་རིགས་ལ་ཁྲིམས་འགལ་ཐོག་ནས་ནག་ཉེས་ཇི་བསགས་སུབ་ཐུབ་ཀྱི་མ་རེད་ཅེས་བརྒྱུད་ལམ་ལ་འགྲེལ་བརྗོད་གནང་འདུག ཁ་སང་འཛམ་གླིང་རྒྱལ་ཁབ་ཉི་ཤུ་ལྷག་ནང་གནས་པའི་ཡུ་གུར་ཚོགས་སྐྱིད་ཁག་ ༦༦ ནས་ད་རེས་རྒྱལ་ཚོགས་ཀྱི་ལྷན་ཚོགས་སྟེང་ཤིན་ཅང་ནང་གི་འགྲོ་བ་མིའི་ཐོབ་ཐང་སྙན་ཐོ་དང་འབྲེལ་ནས་རྒྱ་ནག་ཐོག་བགྲོ་གླེང་དགོས་པའི་གྲོས་འཆར་ལ་དོན་འབྲས་མ་སོན་པའི་གནད་དོན་དང་འབྲེལ་ཏེ་རྒྱལ་ཚོགས་ཀྱི་འབྲེལ་ཡོད་སྡེ་ཚན་ཁག་དང་དམིགས་བསལ་ཁེ་ལས་རྟོག་ཞིབ་སྡེ་ཁག་གིས་དགོས་ངེས་དང་མཐུན་པའི་བྱ་སྤྱོད་ཅིག་ངེས་པར་དུ་སྤེལ་རོགས་ཞེས་ཞུ་སྙན་ཞིག་ཀྱང་ཕུལ་འདུག

Latest news