དེ་རིང་ཕྱི་ཟླ་༨ཚེས༡༢ཉིན་འདི་ག་བཞུགས་སྒར་དུ་རྟེན་གཞི་བྱས་པའི་བོད་མིའི་སྒྲིག་འཛུགས་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་དབུ་མའི་ལམ་སྐོར་གྱི་ཆེད་སྒྲིག་གློག་བརྙན་དང་བོད་ཀྱི་བརྙན་འཕྲིན་ཞེས་པའི་སྟབས་བདེའི་མཉེན་ཆས་ Tibet TV apps དབུ་འབྱེད་ཀྱི་གསར་འགོད་ལྷན་ཚོགས་ཐོག་སྲིད་སྐྱོང་བློ་བཟང་སེང་གེ་མཆོག་གིས་གསར་འགོད་པའི་དྲི་བར་བཀའ་ལན་དང་སྦྲགས། ཁོང་སླར་ཡང་བོད་མིའི་སྒྲིག་འཛུགས་ཀྱི་སྲིད་སྐྱོང་དུ་བཞེངས་རྒྱུ་གཏན་འཁེལ་ཡིན་པ་གསུངས་གནང་སོང། འོན་ཀྱང་དངོས་གཞི་གསལ་བསྒྲགས་དེ་བོད་མིའི་མང་གཙོའི་དུས་ཆེན་གྱི་རྗེས་སུ་གནང་རྒྱུ་ཡིན་པ་གསུངས་ཡོད་པ་རེད།