Tibetan Royal Year of 2151 | Year of the Wood Dragon

ཚན་རིག་པ་ཚོས་སེམས་ཀྱི་ཞི་བདེ་བསྐྲུན་ཐབས་སུ་ནང་པའི་ལྟ་གྲུབ་ལ་དོ་སྣང་བྱེད་ཀྱི་ཡོད།

Tibetan News Headlines

  • Tibet and the Himalayas: revisiting cross border trade through Uttarkashi
  • Feature : His Holiness the Dalai Lama’s speech to devotees from Himalayas

རེས་གཟའ་སྤེན་པ། ༢༠༢༤།༠༧།༢༠

  • བོད་དང་ཧི་མཱ་ལ་ཡ། བོད་དང་ཚོང་ས་རོང་པ།
  • ཕྱི་ལོ་ ༢༠༡༢ ལོར་༸གོང་ས་མཆོག་གིས་ཧི་མ་ལ་ཡའི་ཆོས་ཞུ་བར་སྩལ་བའི་བཀའ་སློབ།

དེ་རིང་ཕྱི་ཟླ་ ༡༡ ཚེས་ ༢༨ ཉིན་གྱི་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སོག་ཡུལ་ནས་དྷ་སར་ནང་པའི་སེམས་ཁམས་རིག་པའི་ཟབ་སྦྱོང་དུ་བཅར་བའི་སོག་རིགས་མཇལ་བཅར་བ་གྲངས་ ༦༦ ལ་མཇལ་ཁ་སྩལ་སྐབས་དེང་སང་ཚན་རིག་པ་ཚོས་སེམས་ཀྱི་ཞི་བདེ་བསྐྲུན་ཐབས་སུ་ནང་པའི་ལྟ་གྲུབ་ལ་དོ་སྣང་བྱེད་ཀྱི་ཡོད་ཅེས་བཀའ་སྩལ་འདུགསྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མཇལ་བཅར་བ་རྣམས་ལ་ཆོས་དད་རང་མོས་ཡིན་པར་བཀའ་སྩལ་དང་འབྲེལ་ཏེ་༸དཔལ་ནཱ་ལེནྡཱ་ནས་མཆེད་པའི་བོད་ཀྱི་ནང་ཆོས་འདི་རིགས་པ་ཡང་དག་གི་སྒོ་ནས་བསྒྲུབ་རྒྱུ་ཡོད་སྟབས། སེམས་ཁམས་རིག་པ་དང་ཧ་ཅང་འབྲེལ་བ་ཡོད་པར་བཀའ་སྩལ་འདུག༸གོང་ས་༸སྐྱབས་མགོན་ཆེན་པོ་མཆོག་གིས་ནང་པ་ཚོས་ཚེ་རབས་མང་པོ་འདོད་ཀྱི་ཡོད། དེང་དུས་ཚན་རིག་པ་རྣམས་ཀྱིས་ཚེ་རབས་མང་པོ་འདོད་ཀྱི་མེད་ཀྱང་། ཚེ་འདི་ནང་དུ་སེམས་ཞི་བདེ་བསྐྲུན་ཐབས་སླད་དུ་ནང་པའི་ལྟ་གྲུབ་དེ་དག་ལ་དོ་སྣང་བྱེད་ཀྱི་ཡོད་སྐོར་བཀའ་སྩལ་མཛད་པ་དང་འབྲེལ། ལྷག་པར་དུ་རང་ཅག་རྣམས་ནང་པ་ཡིན་པའི་ཆ་ནས་ནང་པའི་གཞུང་ནས་གསུང་བའི་སེམས་ཀྱི་ཞི་བདེ་བསྐྲུན་ཐབས་སོགས་ཀྱི་ཐོག་ལ་སློབ་སྦྱོང་བྱ་དགོས་རྒྱུ་གལ་ཆེན་པོ་ཡིན་པ་ལམ་སྟོན་མཛད་འདུག༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་༸གང་ཉིད་མཆོག་༸སྐུ་ན་གཞོན་དུས་ནས་བློ་རིག་རྟགས་རིག་སོགས་ལ་སློབ་གཉེར་མཛད་པའི་དགེ་མཚན་དུ་ཐུགས་ཞི་བ་མཛད་ཐུབ་ཀྱི་ཡོད་པ་དང་། བདག་གཞན་མཉམ་བརྗེའི་བློ་སྦྱོང་ལ་གཙོ་བོ་དགོངས་བཞེས་མཛད་ཀྱི་ཡོད་སྐོར་བཀའ་སྩལ་བ་དང་ཆབས་ཅིག་སེམས་ཞི་བར་གནས་ཐབས་སུ་བྱང་ཆུབ་ཀྱི་སེམས་སྒོམ་དགོས་གལ་ཡིན་པ་ལམ་སྟོན་བཀའ་དྲིན་ཆེ་བ་སྩལ་ཡོད། གཞི་རྩའི་ཕྱི་ཟླ་ ༡༡ ཚེས་ ༣༠ ཉིན་ལྷ་ལྡན་ཆོ་འཕྲུལ་སྨོན་ལམ་ཆེན་མོ་དང་༸དཔལ་ལྡན་འབྲས་སྤུངས་བཀྲ་ཤིས་སྒོ་མང་གྲྭ་ཚང་གཉིས་ཀྱིས་ཇི་ལྟར་གསོལ་འདེབས་ཞུས་དོན་བཞིན་༸རྒྱལ་བའི་བཞུགས་སྒར་དྷརྨ་སཱ་ལཱའི་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་༸སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟན་ཕྱིར་སྒྲོལ་དཀར་ཡིད་བཞིན་འཁོར་ལོའི་ཆོ་གའི་ཐོག་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུ་གཏན་ཁེལ་ཡོད།

འབྲེལ་ཡོད་གསར་གནས།

གསར་གནས།