བོད་མིའི་སྒྲིག་འཛུགས་ཀྱིས་བདག་ཉིད་ཆེན་པོ་གྷན་དྷིའི་འཁྲུངས་སྐར་སྲུང་བརྩི་གཟབ་རྒྱས་ཞུས་པ།

དེ་རིང་ཞོགས་པ་ཚོུད་ ༡༠ ཐོག་བོད་མིའི་སྒྲིག་འཛུགས་ཀྱི་ལྟེ་གནས་གངས་ཅན་སྐྱིད་གཤོངས་དུ་ཆགས་པའི་སྲིད་སྐྱོང་ཚོགས་ཁང་གི་འོག་ཏུ་ཕྱི་ལོ་ ༢༠༡༧ ལོར་ལས་གཞི་དབུ་འཛུགས་གནང་སྟེ་གསར་རྒྱག་གནང་བའི་བོད་མིའི་སྒྲིག་འཛུགས་ཀྱི་བོད་ཀྱི་འགྲེམས་སྟོན་ཁང་གསར་པ་དངོས་སུ་དབུ་འབྱེད་གནང་སོང་།བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དབུས། མང་གཙོའི་ཀ་བ་གསུམ་གྱི་མཛད་གཙོ་རྣམ་པ། ཕྱི་ནང་གི་གསར་འགོད་པ་རྣམས་ཆེད་ཕེབས་ཐོག་སྲིད་སྐྱོང་མཆོག་གིས་བོད་ཀྱི་འགྲེམས་སྟོན་ཁང་གསར་པ་དབུ་འབྱེད་དང་འབྲེལ་འགྲེམས་སྟོན་ཁང་ལ་གཟིགས་ཞིབ་གནང་གྲུབ་པའི་རྗེས་སུ་སྲིད་སྐྱོང་ཚོགས་ཁང་དུ་དབུ་འབྱེད་ཀྱི་མཛད་སྒོ་ཚོགས་ཡོད།མཛད་སྒོའི་གོང་དུ་སྲིད་སྐྱོང་མཆོག་གིས་ཕྱི་ནང་གི་གསར་འགོད་པ་རྣམས་ཀྱི་བཅར་འདྲི་དང་ལེན་གནང་སྐབས་བོད་དོན་དྲིལ་བསྒྲགས་ཞེས་གསུང་སྐབས་ངག་ཐོག་ནས་མུ་མཐུད་ནས་གནང་རྒྱུ་ཡོད་པ་མ་ཟད་བརྙན་དང་གློག་བརྙན་སོགས་བརྒྱུད་ལམ་སྣ་ཚོགས་ཀྱི་ཐོག་ནས་དྲིལ་བསྒྲགས་གནང་རྒྱུ་ཡོད་སྟབས། འགྲེམས་སྟོན་ཁང་འདི་བརྒྱུད་ནས་བོད་དེ་རྒྱ་ནག་གིས་བཙན་འཛུལ་བྱས་པ་ནས་བཟུང་སྟེ་གནས་སྟངས་གང་འདྲ་ཞིག་ཆགས་ཡོད་མེད་སོགས་མངོན་གསལ་གནང་རྒྱུའི་བརྒྱུད་ལམ་ཞིག་ཏུ་གྱུར་ཡོད་སྟབས། ད་ལྟ་ཡོད་བཞིན་པའི་མཐུན་རྐྱེན་ཐོག་མ་འོངས་པར་ཡར་རྒྱས་གཏང་ངེས་ཡིན་པར་གསུངས་སོང་།སྲིད་སྐྱོང་མཆོག་གིས་བོད་ཀྱི་འགྲེམས་སྟོན་ཁང་གི་ནང་དུ་བརྒྱ་ཆ་མང་ཆེ་བ་ཞིག་བོད་མིའི་ཆབ་སྲིད་ཀྱི་གནད་དོན་དང་འབྲེལ་བའི་སྐོར་ལ་ཤེས་རྟོགས་གནང་ཡུལ་ཞིག་ཆགས་ཡོད་པ་དང་། འགྲེམས་སྟོན་ཁང་གི་ཉེ་འཁྲིས་བོད་ཀྱི་དཔེ་མཛོད་ཁང་ནས་བོད་ཀྱི་ཆོས་རིག་དང་། ཅ་དངོས། ཕྱག་དཔེ་སོགས་མང་པོ་ཞིག་ཤེས་རྟོགས་ཐུབ་རྒྱུ་ཡོད་པ་མ་ཟད་ལོ་གསར་གྱི་གོང་དུ་གཙུག་ལག་ཁང་གི་རྒྱབ་ངོས་སུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་པ་འཕྲིན་ལས་དང་འབྲེལ་བའི་ཕྱག་དེབ་དང་གཟེངས་རྟགས། གཟེངས་བསྟོད་ཅི་བཞེས་སོགས་ཀྱི་འགྲེམས་སྟོན་ཁང་ཞིག་སྒོ་འབྱེད་གནང་གི་ཡོད་སྟབས། མང་འོངས་པར་དྷ་ས་ཁུལ་དུ་གང་ཟག་སུ་འདྲ་ཞིག་ཡོང་གི་ཡོད་ཀྱང་བོད་མིའི་གནད་དོན་ཐོག་ཆ་ཚང་བ་ཞིག་ཤེས་རྟོགས་ཐུབ་རྒྱུར་ཆ་རྐྱེན་གལ་ཆེན་ཞིག་ལ་ངོས་འཛིན་གནང་གི་ཡོད་པར་གསུངས་ཡོད།དེ་རྗེས་སྲིད་སྐྱོང་ཚོགས་ཁང་དུ་ཚོགས་པའི་བོད་ཀྱི་འགྲེམས་སྟོན་ཁང་དབུ་འབྱེད་ཀྱི་མཛད་སྒོ་ཐོག་སྲིད་སྐྱོང་མཆོག་གིས་བཀའ་ཤག་སྐབས་གོང་མས་ལམ་སྟོན་དང་བཀོད་བྱུས་ཀྱི་ཐོག་ནས་འགྲེམས་སྟོན་ཁང་གི་ལས་དོན་ཆ་ཚང་ལེགས་གྲུབ་བྱུང་ཡོད་པར་ཡི་རང་བསྔགས་བརྗོད་གནང་བ་དང་སྦྲགས། ང་ཚོས་ལས་དོན་གང་ཞིག་བསྒྲུབས་ནས་གྲུབ་འབྲས་ཐོབ་པ་དེ་ནི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་ཉག་གཅིག་ཡིན་པར་འགྲེལ་བརྗོད་གནང་བ་དང་ཆབས་ཅིག ཉེ་ལམ་བཙན་བྱོལ་བོད་མིའི་སྤྱི་ཚོགས་ཁྲོད་དུ་རེ་ཟུང་གིས་དཀྲོག་གཏམ་འདྲ་མིན་སྤེལ་བའི་དབང་གིས་གཞིས་བཞུགས་བོད་མི་རྣམས་ནས་༸གོང་ས་མཆོག་གི་༸སྐུའི་འཕྲོད་བཞེས་ཀྱི་ཐོག་ལ་ཐུགས་འཚབ་གནང་བཞིན་འདུག་སྟབས། སྲིད་སྐྱོང་མཆོག་གིས་ཁོང་ཉིད་བོད་མིའི་སྒྲིག་འཛུགས་བཀའ་ཤག་གི་སྲིད་སྐྱོང་ཡིན་པའི་ཆ་ནས་ཐུགས་འགན་ཆ་ཚང་བཞེས་པའི་ཐོག་ནས་ད་ལྟའི་ཆར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་༸སྐུའི་འཕྲོད་བཞེས་སྔར་བཞིན་གསལ་ཐང་ཡིན་པས་གཞིས་བྱེས་གཉིས་ཀྱི་བོད་མི་ཚོས་ཐུགས་ཁྲལ་གནང་མི་དགོས་པར་ཐུགས་བློ་བདེ་པོ་གནང་རོགས་ཞེས་གསུངས་པ་མ་ཟད། བཙན་བྱོལ་ནང་གི་བོད་མི་ཚོས་ང་ཚོའི་འཐབ་རྩོད་ལ་འབད་བརྩོད་གནང་དགོས་པ་ལས་ཞབས་འདྲེན་པའི་ཕྱག་ལས་གནང་ཚེ་དགེ་མཚན་གང་ཡང་མེད་ཅེས་གསུངས་སོང་།མཛད་སྒོའི་ཐོག་༸གོང་ས་༸སྐྱབས་མགོན་ཆེན་པོ་ཆོག་གི་༸སྐུ་ཚེའི་མཛད་རྣམ་དང་འབྲེལ་བའི་༸སྐུ་པར་ཕྱོགས་སྒྲིག་གི་ཕྱག་དེབ་དབུ་འབྱེད་གནང་བ་མ་ཟད། བོད་མིའི་སྒྲིག་འཛུགས་ཀྱི་ཕྱི་དྲིལ་བཀའ་བློན་མཆོག་གིས་གསུང་བཤད་གནང་བ་དང་། དེ་བཞིན་བོད་ཀྱི་འགྲེམས་སྟོན་ཁང་གི་འགན་འཛིན་ནས་བོད་ཀྱི་འགྲེམས་སྟོན་ཁང་གི་ངོ་སྤྲོད་གསུང་བཤད་གནང་ཡོད།ཕྱི་ནང་གཉིས་ནས་མཐུན་འགྱུར་དང་རམ་འདེགས་གནང་མཁན་ཀུན་ལ་ཐུགས་རྗེ་ལེགས་འབུལ་དང་ཕྱག་རྟགས་བཅས་གསོལ་སྩལ་གནང་སོང་ལ། ༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་འཚོལ་ཞིབ་མཛད་སྟངས་སྐོར་གྱི་བརྙན་ཐུང་ཞིག་དང་བོད་ནང་དངོས་དོན་རྟོག་ཞིབ་སླད་བཙན་བྱོལ་ནས་གཟིགས་སྐོར་ཐེངས་བཞི་ཕེབས་པའི་སྐོར་གྱི་བརྙན་ཐུང་བཅས་གཟིགས་འབུལ་གནང་ཡོད།

བོད་མིའི་སྒྲིག་འཛུགས་བཀའ་ཤག་གིས་དེ་སྔ་བཀའ་ཤག་སྐབས་ ༡༥ སྐབས་གཏན་འབེབས་གནང་བའི་བོད་ཀྱི་བེུད་ཉིན་མོ་ཞེས་པ་དེ་ཕྱིར་བསྡུ་གནང་འདུགཉེ་ཆར་ཟླ་ ༢ ཚེས་ ༥ ཉིན་བོད་མིའི་སྒྲིག་འཛུགས་བཀའ་ཤག་གིས་རྩ་འཛིན་བཀོད་ཁྱབ་ཅིག་ཡོངས་གྲགས་སུ་འདོན་སྤེལ་གནང་བར་ཕྱི་ལོ་ ༡༩༥༩ ཟླ་ ༣ ཚེས་ ༡༢ ཉིན་ཆོལ་གསུམ་བོད་ཀྱི་བེུད་ཚོས་མ་བགྲོས་བསམ་པ་གཅིག་མཐུན་གྱིས་བོད་ཀྱི་རྒྱལ་ས་ལྷ་སར་རྒྱ་ནག་གཞུང་ལ་སྙིང་སྟོབས་ཆེན་པོས་ཞི་བའི་ངོ་རྒོལ་གནང་བའི་བོད་ཀྱི་བེུད་སྒེར་ལངས་ཉིན་མོ་ཞེས་ལོ་ལྟར་རྗེས་དྲན་བརྩི་སྲུང་ཞུ་བཞིན་པའི་ཁར་བཀའ་ཤག་གིས་ཕྱི་ལོ་ ༢༠༡༧ ལོར་བེུད་ཉིན་མོ་མཉམ་བསྒྲིལ་ངོས་འཛིན་ཞུ་རྒྱུའི་རྩ་འཛིན་བཀོད་ཁྱབ་སོང་བར་དགོངས་ཚོར་བྱུང་བཞིན་པར་བརྟེན་བཀོད་ཁྱབ་དེ་ཕྱིར་བསྡུ་བྱས་པར་རྩ་འཛིན་དགོས་རྒྱུ་བཅས་འཁོད་འདུགགཞི་རྩའི་བཀའ་ཤག་སྐབས་ ༡༥ པའི་ངོས་ནས་བེུད་ཀྱི་ནུས་སྟོབས་གོང་འཕེལ་གྱི་ལྷན་ཚོགས་ཐེངས་དང་པོ་དེ་ཚོགས་གནང་བ་དང་འབྲེལ་ལོ་ལྟར་ཕྱི་ཟླ་ ༣ ཚེས་ ༡༢ དེ་བཞིན་བོད་ཀྱི་བེུད་ཉིན་མོ་ཞེས་སྲུང་བརྩི་གནང་རྒྱུའི་ཐག་གཅོད་གནང་ཡོད་སྟབས། ཕྱི་ལོ་ ༢༠༡༧ ཟླ་...

རྒྱ་གར་ནང་ཏོག་དབྱིབས་གཉན་རིམས་ཀྱི་ནད་པའི་གྲངས་འབོར་ཤུགས་ཆེར་འཕར་བཞིན་པའི་མཚམས་སུ་ཧི་མཱ་ཅལ་མངའ་གཞུང་གིས་གཉན་རིམས་སྔོན་འགོག་དང་འབྲེལ་བའི་ཛ་དྲག་གི་བཀོད་ཁྱབ་ལམ་སྟོན་གསར་པ་ཞིག་ཕེབས་པ་མ་ཟད། བོད་མིའི་སྒྲིག་འཛུགས་ཀྱི་ལས་ཁུངས་ཁག་ཉིན་གཉིས་རིང་ལས་མཚམས་བཞག་ནས་ཏོག་དབྱིབས་གཉན་རིམས་ཀྱི་བརྟག་དཔྱད་གནང་འགོ་བཙུགས་འདུགད་ཆ་རྒྱ་གར་ནང་ཏོག་དབྱིབས་ནད་པའི་གྲངས་འབོར་ཤུགས་ཆེར་འཕར་བཞིན་པ་དང་ཁ་སང་འདས་པའི་ཚོུད་ ༢༤ ནང་དུ་རིམས་ནད་འགོས་པའི་ནད་པ་གསར་པ་གྲངས་ ༡༨༠༤༣༨ ལྷག་ཙམ་ཞིག་བྱུང་པ་མ་ཟད། ཧི་མཱ་ཅལ་མངའ་སྡེ་ནང་ཁ་སང་ཉིན་གཅིག་ནང་རིམས་ནད་འགོས་པའི་ནད་པ་གྲངས་ ༤༩༨ ཙམ་བྱུང་ཡོད་པ་ལྟར། ཁ་སང་ཧི་མཱ་ཅལ་མངའ་སྡེ་གཞུང་གིས་དེ་སྔ་མངའ་སྡེ་དེའི་ནང་མཚན་གྱི་ཕྱག་ཚོད་ ༡༠ ནས་སྔ་དྲོ་ཕྱག་ཚོད་ ༥ བར་ཕྱིར་སྐྱོད་མི་ཆོག་པ་སོགས་ཀྱི་བཀའ་རྒྱ་ཁག་ཅིག་བཏང་ཡོད་པའི་ཐོག་ཏུ་ད་ལན་གཉན་རིམས་ལ་དམིགས་ནས་སྒྲིག་གཞི་ཁག་ཅིག་བསྐྱར་དུ་ཡོངས་ཁྱབ་གསལ་བསྒྲགས་གནང་ཡོད་པའི་ནང་དུ། ད་ཆ་མངའ་སྡེ་དེའི་ནང་ཏོག་དབྱིབས་གཉན་རིམས་དང་སྒོས་སུ་ཨོ་མི་ཀི་རོན་ཞེས་པའི་ནད་དུག་གསར་པ་འདི་འགོས་ཁྱབ་ཤུགས་ཆེར་བྱུང་པར་བརྟེན་དེ་རིང་ནས་ཟླ་བ་འདིའི་ཚེས་ ༢༤ བར་ཧི་མཱ་ཅལ་མངའ་སྡེ་ནང་གི་རྒྱ་གར་དབུས་གཞུང་དང་ས་གནས་གཞུང་། དེ་བཞིན་རྫོང་ཁག་གི་ལས་ཁུངས་སུ་ལས་བྱེད་ལྔ་བཅུ་ལས་ཉུང་བ་ལས་བཅར་ཞུ་དགོས་པའི་ཐག་གཅོད་གནང་ཡོད་པ་དང་དེ་བཞིན་སྤྱི་ཚོགས་དང་ཆོས་ཕྱོགས་ཀྱི་འདུ་འཛོམས་རིགས་ཡོངས་རྫོགས་གནང་ཆོག་གི་མེད་པ་མ་ཟད། མངའ་སྡེ་སོ་སོའི་ནང་གི་ཚོང་ཁང་དང་ཁྲོམ་ར་སོགས་དེ་གའི་རྫོང་དཔོན་ལས་ཁུངས་ཀྱི་བཀོད་ཁྱབ་ལམ་སྟོན་འོག་སྒོ་འབྱེད་བྱ་རྒྱུ་ཡིན་པར་བསྒྲགས་འདུག ཡང་སྒོས་བོད་མིའི་སྒྲིག་འཛུགས་ཀྱི་ལྟེ་གནས་བཞུགས་སྒར་རྡ་སར་མཚོན་ན་འདས་པའི་གཟའ་འཁོར་གཅིག་ནང་རྒྱ་གར་ནང་བོད་མི་ནད་གཞི་ཕོག་མཁན་ ༨༠ ལྷག་ཙམ་བྱུང་ཡོད་པའི་ཁོངས་སུ་མང་ཆེ་བ་རྡ་རམ་ས་ལ་ཆགས་ཡོད་པ་དང་དེའི་ཁོངས་ནས་བོད་མི་གྲངས་ ༦༠ ཡས་མས་ཤིག་ད་ཆ་དབུས་སྣེ་ལེན་ཁང་གི་གཉན་རིམས་གསོ་བཅོས་ཁང་དུ་བཞུགས་ཡོད་སྟབས། དེ་རིང་བོད་མིའི་སྒྲིག་འཛུགས་ཀྱི་ལས་ཁུངས་ཁག་ཉིན་གཉིས་རིང་ལས་མཚམས་བཞག་ནས་ལས་བྱེད་ཡོངས་ལ་ཏོག་དབྱིབས་གཉན་རིམས་ཕོག་ཡོད་མེད་ཀྱི་བརྟག་དཔྱད་གནང་འགོ་བཙུགས་ཡོད་པ་དང་དེ་རིང་བར་དུ་ཁྱོན་ལས་བྱེད་གྲངས་...

དེ་རིང་སྔ་དྲོ་ཕྱག་ཚོད་ ༩༌༣༠ ཐོག་བཀའ་ཤག་གི་ཚོགས་ཁང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དབུས་པའི་ལས་ཀྱི་སྣེ་མོ་བ་རྣམས་ཀྱིས་བདག་ཉིད་ཆེན་པོ་གྷཱཾདཱི་མཆོག་སྐུ་འཁྲུངས་ནས་མི་ལོ་ ༡༥༢ འཁོར་བའི་འཁྲུངས་སྐར་གྱི་དུས་དྲན་ལ་གྷཱཾདཱི་མཆོག་གི་མཛད་རྗེས་ལ་གུས་བཏུད་ཞུས་སོང་།སྐབས་དེར་སྲིད་སྐྱོང་མཆོག་གིས་བདག་ཉིད་ཆེན་པོ་གྷཱཾདཱི་མཆོག་གི་སྐུ་པར་མདུན་དུ་སྣང་གསལ་མར་མེ་སྒྲོན་ཏེ་མེ་ཏོག་གི་མཆོད་པ་ཕུལ་བ་དང་ལྷན་གསར་འགོད་པ་རྣམས་ལ་མེས་པོ་དམ་པ་བདག་ཉིད་ཆེན་པོ་གྷཱཾདཱི་མཆོག་ལ་མཧཱ་ཏྨ་ཞེས་ཆེ་མཐོང་ཞུ་དོན་ནི་ཁོང་གིས་རྒྱ་གར་གྱི་རང་བཙན་འཐབ་རྩོད་ཁྲོད་རྒྱ་གར་མི་མང་སྣེ་ཁྲིད་དེ་དབྱིན་ཇིའི་གཞུང་ནས་རང་བཙན་རག་ཐུབ་པའི་གནས་བབ་དེ་འཚེ་མེད་ཞི་བའི་ཐོག་ནས་ལས་འགུལ་སྤེལ་ཏེ་འཛམ་གླིང་གི་དཀའ་རྙོག་ཅི་འདྲ་ཞིག་ཡོད་ཀྱང་། དེ་དག་འཚེ་བ་མེད་པའི་ཐོག་ནས་སེལ་ཐུབ་ཀྱི་ཡོད་པའི་རྣམ་པ་དང་མིག་དཔེ་བཟང་པོ་བཞག་ཡོད་པ་མ་ཟད་ལྷག་པར་དུ་ད་ཆ་འཛམ་གླིང་གི་དཀའ་རྙོག་གང་འདྲ་ཞིག་འཕྲད་ཀྱང་དེ་དག་འཚེ་བ་མེད་པའི་ཐོག་ནས་སེལ་ཐུབ་ཀྱི་ཡོད་པའི་གནས་བབ་དེ་མེས་པོ་དམ་པ་ཁོང་གིས་མིག་དཔེ་བཟང་པོ་བསྟན་ཡོད་སྐོར་གསུངས་སོང་། དེ་བཞིན་སྲིད་སྐྱོང་མཆོག་གིས་བོད་པ་ཚོས་ཀྱང་འཚེ་བ་མེད་པ་དང་བྱམས་བརྩེའི་ལྟ་གྲུབ་གཙོ་བཟུང་གིས་འཐབ་རྩོད་རྒྱུན་སྐྱོང་གནང་བཞིན་ཡོད་པས་ང་ཚོའི་རེ་བར་བོད་པའི་འཐབ་རྩོད་དེའང་ཞི་བའི་ཐོག་ནས་སེལ་ཐུབ་ན་འཛམ་གླིང་སྤྱིར་མིག་དཔེ་བཟང་པོ་བཞག་ཐུབ་སྐོར་དང་འཚེ་བ་མེད་པ་དང་དྲང་བདེན་གྱི་སྟོབས་ཤུགས་དེ་བརླག་རྒྱུ་མེད་པས་བོད་པའི་འཐབ་རྩོད་དེ་ཡང་མེས་པོ་དམ་པ་གྷཱཾདཱི་མཆོག་གི་རྗེས་སུ་འབྲང་སྟེ་འཐབ་རྩོད་དེ་མུ་མཐུད་སྐྱོང་གནང་གལ་ཡིན་སྐོར་གསུངས་ཡོད།གཞི་རྩའི་མེས་པོ་དམ་པ་གྷཱཾདཱི་མཆོག་གི་འཁྲུངས་སྐར་གྱི་དུས་ཚིགས་ཁྱད་པར་ཅན་འདིར་མཉམ་འབྲེལ་རྒྱལ་ཚོགས་ནས་ཕྱི་ལོ་ ༢༠༠༧ ལོར་རྒྱལ་སྤྱིའི་འཚེ་མེད་ཞི་བའི་ཉིན་མོ་ཞེས་སྲུང་བརྩི་ཞུ་རྒྱུར་གཏན་འབེབས་གནང་ཡོད་པ་རེད།

དེ་རིང་ཕྱི་ཟླ་ ༩ ཕྱི་ཚེས་ ༣༠ ཉིན་གྱི་སྔ་དྲོ་ཆུ་ཚོད་ ༡༠།༣༠ ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དབུ་བཞུགས་ཐོག་དེ་སྔ་ཕྱི་ཟླ་ ༥ པའི་ནང་ལ་རྒྱ་ནག་གཞུང་གིས་བོད་ཐོག་བཏོན་པའི་རྒྱབ་ཤ་དཀར་པོའི་ཡིག་ཆར་ལན་འདེབས་ཀྱིས་དཔེ་དེབ་ཅིག་འདོན་སྤེན་གནང་སོང་། འདི་ལོའི་ཕྱི་ཟླ་ ༥ ཕྱི་ཚེས་ ༢༡ ཉིན་རྒྱ་ནག་གཞུང་ནས་བོད་ཞི་བའི་བཅིངས་གྲོལ་ཟེར་བ་བཏང་ནས་ལོ་ངོ་ ༧༠ འཁོར་བ་ཞེས་པའི་དུས་སྐབས་དང་བསྟུན་རྒྱ་ནག་རྒྱལ་སྲིད་སྤྱི་ཁྱབ་ཁང་གི་དྲིལ་བསྒྲགས་ཚན་པས་རྒྱལ་ས་པེ་ཅིང་དུ་སླར་ཡང་རྒྱབ་ཤ་དཀར་པོའི་ཡིག་ཆ་ཞིག་འདོན་སྤེལ་བྱས་ཏེ། རྒྱ་ནག་གཞུང་གིས་འདས་པའི་ལོ་ངོ་ ༧༠ ནང་ལ་བོད་མི་གཙོ་བོར་གྱུར་བའི་རྒྱ་ནག་མི་མང་ཡོངས་ཀྱི་གཞི་རྩའི་འགྲོ་བ་མིའི་ཐོབ་ཐང་སྲུང་སྐྱོབ་དང་། བོད་མིའི་བདེ་དོན་ལ་དམིགས་ཏེ་འཛུགས་སྐྲུན་ལས་གཞི་རྒྱ་བསྐྱེད་བཏང་སྟེ་དཔལ་འབྱོར་གྱི་གནས་བབ་ཡར་རྒྱས་ཚད་མཐོར་བཏང་ཡོད་ཚུལ་སོགས་འགྲེལ་བརྗོད་བྱས་པ་མ་ཟད། ༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་ཀྱི་གནད་དོན་དེ་རྒྱ་ནག་དབུས་གཞུང་གིས་ངོས་འཛིན་བཀའ་འཁྲོལ་ཐོག་ནས་ཐག་གཅོད་བྱ་རྒྱུ་ཡིན་ཚུལ་སོགས་བཤད་ཡོད་པ་རེད། དེ་རིང་བོད་མིའི་སྒྲིག་འཛུགས་ནས་རྒྱ་ནག་གཞུང་གིས་འདོན་སྤེལ་བྱས་པའི་རྒྱབ་ཤ་དཀར་པོའི་ཡིག་ཆ་ལ་ལན་འདེབས་ཀྱིས་ Tibet 70...

བོད་མིའི་སྒྲིག་འཛུགས་ཀྱི་འཛིན་སྐྱོང་བཀའ་ཤག་གིས་ཁ་སང་ཚེས་ ༦ ཉིན་བོད་མིའི་སྒྲིག་འཛུགས་ཀྱི་ལས་ཁུངས་མ་ལག་དང་བཅས་པའི་ལས་བྱེད་ས་མིག་གཏན་འབེབས་དང་འབྲེལ་བའི་རྩ་འཛིན་བཀོད་ཁྱབ་ཅིག་ཡོངས་གྲགས་གནང་འདུག་པ་དང་དེའི་ནང་ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་ ༡༡ པའི་ནང་གསེས་ ༢ པའི་ནང་ལ་ལོ་གཉིས་རེའི་མཚམས་སུ་བཀའ་ཤག་གིས་ལས་འབོར་ཉམས་ཞིབ་ཚོགས་ཆུང་རེ་བཙུགས་ཏེ་ལས་ཁུངས་མ་ལག་དང་བཅས་པའི་ལས་བྱེད་ས་མིག་གསར་གཏོད་དང་ཕྱིར་བསྡུ། བརྗེ་སྒྱུར་བཅས་གང་དགོས་བྱ་རྒྱུ་སོགས་གསལ་ཡོད་ཀྱང་། ཕྱི་ལོ་ ༢༠༠༩ དང་ ༢༠༡༨ ལོའི་ལས་འབོར་ཉམས་ཞིབ་ཚོགས་ཆུང་གི་སྙན་ཐོར་བཀའ་ཤག་གིས་ངོས་བཞེས་གནང་མེད་སྟབས། སྒྲིག་གཞི་ནང་གསལ་ལས་འབོར་ཉམས་ཞིབ་ཀྱི་དུས་ཚད་ལོ་གཉིས་དེ་ལོ་བཅུ་རེ་ཆགས་པ་ལྟ་བུ་ཆགས་པའི་དབང་གིས་བོད་མིའི་སྒྲིག་འཛུགས་ཀྱི་ལས་ཁུངས་མ་ལག་དང་བཅས་པའི་ལས་བྱེད་ས་མིག་ཆགས་དབྱིབས་བཀོད་རིས་དེ་སྒྲིག་འཛུགས་སྤྱི་འགྲེ་ལྟར་རྩེ་སྐེད་ཞབས་གསུམ་གྱི་རིམ་པ་ཡང་ལྕི་ཏག་ཏག་ཅིག་ཡོང་མ་ཐུབ་པར་ལས་བྱེད་འདེམས་སྒྲུག་དང་བསྐོ་གཞག གནས་སྤོ། ལས་འགན་བཀོད་སྒྲིག གནས་སྤར། བགྲེས་ཡོལ་བཅས་པའི་རིམ་པ་ཡོངས་རྫོགས་ལ་དོ་ཕོག་བྱུང་འདུག་པ་རྣམས་ལམ་འཕྲལ་བཅོས་སྒྲིག་ཐུབ་ཐབས་མེད་ཀྱང་། འཛིན་སྐྱོང་རིག་པའི་འགྲོ་ལུགས་དང་། སྒྲིག་གཞིའི་ཆ་རྐྱེན་དང་མཐུན་པར་བཟོ་གང་ཐུབ་བྱ་རྒྱུ་གལ་ཆེར་མཐོང་སྟེ། ད་ལྟའི་འཛིན་སྐྱོང་གི་ངོས་ནས་ཉེ་ལམ་ཕྱི་ཟླ་ ༧ ཕྱི་ཚེས་ ༨...

ཁ་སང་ཕྱི་ཚེས་༡༥ ཉིན། བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་གི་གཙོ་བྱས་པའི་ལྷན་ཁང་ཁག་གི་དྲུང་ཆེ་སོགས་ལྷན་ཞུགས་ཐོག་རྒྱ་གར་གྱི་རྒྱལ་གླུ་དབྱངས་སུ་གྱེར་ཞིང་རྒྱལ་དར་སྒྲེང་འཛུགས་ཀྱིས་རྒྱ་གར་ལ་རང་བཙན་ཐོབ་ནས་ལོ་ ༧༥ འཁོར་བའི་དུས་དྲན་སྲུང་བརྩི་ཞུས་སོང་།སྐབས་དེར་སྲིད་སྐྱོང་མཆོག་གིས་འབྲེལ་ཡོད་ཀྱི་རྒྱ་གར་བ་དང་བོད་པའི་གསར་འགོད་པ་རྣམས་བརྒྱུད་ནས་རྒྱ་གར་གཞུང་མང་གཉིས་ལ་འཚམས་འདྲི་བཀྲ་ཤིས་བདེ་ལེགས་ཞུས་པ་དང་སྦྲགས། རྒྱ་གར་གྱིས་ལོ་ངོ་ཉིས་བརྒྱ་ལྷག་ལ་འཐབ་རྩོད་གནང་བ་བརྒྱུད་ནས་མཐར་རང་བཙན་ཐོབ་ཡོད་པ་དང་། འཐབ་རྩོད་ཀྱི་རྣམ་པ་ཡང་ཞི་དྲག་ཅི་རིགས་བྱུང་ཡོད་ནའང་གཙོ་བོ་མེས་པོ་དམ་པ་གནྡི་མཆོག་གིས་དབུ་ཁྲིད་པའི་འཚེ་མེད་ཞི་བའི་ཐོག་ནས་འཐབ་རྩོད་གནང་ནས་རང་བཙན་ཐོབ་ཡོད་པ་ལྟར། གཞིས་ལུས་བོད་མི་རྣམས་ཀྱིས་ཀྱང་གཞན་ལ་འཚེ་བ་བྱེད་མི་དགོས་བར་འུ་ཐུག་པའི་སྐབས་སུ་རང་གི་ཚེ་སྲོག་བློས་གཏོང་གིས་འཐབ་རྩོད་གནང་བཞིན་ཡོད་པར་གསུངས་སོང་།གཞན་ཡང་སྲིད་སྐྱོང་མཆོག་གིས་རྒྱ་གར་ལ་རང་བཙན་ཐོབ་པའི་དུས་སྐབས་དེར་འཛམ་གླིང་གི་ཡུལ་གྲུ་གང་སར་རྒྱལ་ཁབ་མང་པོ་ཞིག་ལ་ཡང་རང་བཙན་ཐོབ་ཡོད་ནའང་། སྟབས་མ་ལེགས་པ་ཞིག་ལ་སྐབས་དེར་རྒྱ་ནག་གིས་བོད་ལ་བཙན་འཛུལ་བྱས་ནས་བོད་མིའི་རང་དབང་འཕྲོག་ཡོད་པའི་དུས་སྐབས་ཤིག་བྱུང་ཡོད་པའི་ལོ་རྒྱུས་ངོ་སྤྲོད་དང་སྦྲགས་ནས། བོད་མི་རྣམས་ཀྱིས་ལྷག་བསམ་ཟོལ་མེད་ཀྱིས་མུ་མཐུད་དུ་བོད་མིའི་རང་དབང་འཐབ་རྩོད་རྒྱུན་སྐྱོང་གནང་རྒྱུ་གལ་ཆེན་ཡིན་པར་སྐུལ་མ་གནང་སོང་། སྐབས་དེར་གསར་འགོད་པ་ཞིག་གིས་འདི་ལོ་རྒྱ་ནག་གིས་བོད་ས་བཅིངས་གྲོལ་ཟེར་བ་བཏང་ནས་མི་ལོ་བདུན་ཅུ་འཁོར་བར་དུས་སྟོན་བྱེད་བཞིན་པ་དེར་བརྡ་ལན་ག་རེ་ཡོད་མེད་ཀྱི་ཐད་ནས་བཀའ་འདྲི་ཞུས་པར་སྲིད་སྐྱོང་མཆོག་གིས། རྒྱ་ནག་གི་ངོས་ནས་བོད་ཞི་བའི་བཅིངས་གྲོལ་ཞེས་འབོད་བཞིན་ཡོད་ནའང་བོད་མིའི་ངོས་ནས་རྒྱ་ནག་གིས་བོད་ལ་གཉའ་གནོན་བཤུ་གཞོག་བཏང་ནས་ལོ་བདུན་ཅུ་འཁོར་བ་ཞིག་ལ་ངོས་འཛིན་བྱེད་ཀྱི་ཡོད་པར་ལུང་འདྲེན་གྱིས། རྒྱལ་སྤྱིའི་སྤྱི་ཚོགས་ཀྱི་ཁྲོད་དུ་རྒྱ་ནག་གི་ནང་དུ་འགྲོ་བ་མིའི་ཐོབ་ཐང་གི་གནས་བབ་ཚད་དམའ་ཤོས་དང་གྲངས་ཉུང་མི་རིགས་ལ་གཉའ་གནོན་བཤུ་གཞོག་བྱེད་མཁན་སྡུག་ཤོས་ཤིག་ཡིན་པ་གསལ་བོ་ཆགས་ཡོད་སྟབས། རྒྱ་ནག་གིས་ཞི་བའི་བཅིངས་གྲོལ་ཟེར་བ་དེ་བོད་མི་རྣམས་ཀྱིས་དགའ་སྤྲོ་བྱེད་དགོས་བའི་གནས་བབ་ཅིག་གཏན་ནས་ཆགས་མེད་པར་གསུངས་སོང་། གཞི་རྩའི་རྒྱ་གར་ནི་དབྱིན་གཞུང་གི་བཙན་འཛུལ་གྱི་འོག་ལོ་ཉིས་བརྒྱ་ལྷག་ལ་གཉའ་གནོན་བཤུ་གཞོག་མྱངས་མཐར་ཕྱི་ལོ་ ༡༩༤༧ ལོར་རྒྱལ་སྤྱིའི་ཁྱོན་ཡོངས་ལ་མི་སེར་སྤེལ་བའི་ལམ་ལུགས་མཇུག་སྒྲིལ་བའི་དུས་སྐབས་དང་བསྟུན་ནས་རང་བཙན་སླར་གསོ་གནང་ཡོད་པ་ཞིག་ཆགས་ཡོད་དང་། ཁ་སང་གི་རང་བཙན་དུས་དྲན་དོན་ལྔའི་མཛད་སྒོའི་ཐོག  རྒྱ་གར་སྲིད་བློན་མཱོ་ཊི་མཆོག་གིས་རྒྱལ་ནང་གི་ཏོག་དབྱིབས་རིམས་ནད་ཀྱི་གནད་དོན་དང་ཞིང་པ་རྣམས་ཀྱི་སྐྱིད་སྡུག   དེ་བཞིན་རྒྱ་གར་གྱི་ཨོ་རྩལ་རྩེད་འགྲན་གྱི་བྱེད་བབ་སོགས་དང་འབྲེལ་ནས་གཏམ་བཤད་གནང་སྟེ། མ་འོངས་བའི་ལོ་ངོ་ཉེར་ལྔའི་ནང་དུ་རྒྱ་གར་གྱི་ནང་དུ་ཚང་མས་མཉམ་ལས་ཀྱི་ཐོག་ནས་བཟོ་ལས་འཛུགས་སྐྲུན་སྔར་ལྷག་ཡར་རྒྱས་གོང་འཕེལ་དུ་གཏོང་རྒྱུ་ཡིན་པར་བསྒྲགས་འདུག

ཉེ་སྔོན་བལ་ཡུལ་གྱི་ས་གནས་མཱ་ནང་དུ་ཆར་ཞོད་ཆེ་བའི་རྐྱེན་གྱིས་ཁུལ་དེར་གནས་སྡོད་བོད་མི་ཁྱིམ་ཚང་ ༧༠ འི་ས་ཞིང་དང་ཁང་པ་སོགས་ལ་གནོད་སྐྱོན་གྱི་གོད་ཆག་ཕོག་འདུག་པ་དང་དེའི་སྐོར་བལ་ཡུལ་སྤོག་ར་བཀྲ་ཤིས་གླིང་ས་གནས་འགོ་འཛིན་ལས་ཁུངས་ཀྱིས་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་ལ་སྙན་གསེང་ཞུས་དོན་ལྟར་ཁ་ཉིན་བོད་མིའི་སྒྲིག་འཛུགས་ཀྱིས་ངལ་བ་ཆེས་ཆེར་འཕྲད་པའི་བོད་མི་དེ་དག་ལ་ངལ་སེལ་སླད་རོགས་དངུལ་དང་མཁོ་ཆས་ཁག་ཅིག་དུས་ཐོག་ཁུངས་འགྲེམས་གནང་འདུགའདི་ག་རླུང་འཕྲིན་ཁང་གིས་གནད་དོན་དེ་དང་འབྲེལ་ནས་བལ་ཡུལ་སྤོག་ར་བཀྲ་ཤིས་གླིང་ས་གནས་འགོ་འཛིན་ཡེ་ཤེས་ཆོས་སྒྲོན་ལགས་སུ་ཁུལ་དེའི་བོད་མི་ཚོར་དམིགས་བསལ་གོད་ཆག་དང་ངལ་བ་ཇི་འཕྲད་སོགས་ཀྱི་སྐོར་ལ་བཀའ་འདྲི་ཁག་ཅིག་ཞུས་ཡོད་པས་གསན་གནང་ཡོང་བ་ཞུ།།

དེ་རིང་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༡༠ པའི་ལས་ཉིན་ ༥ པའི་ཐོག་ བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་ཚོས་གཙོས་པའི་དབུས་ས་ཡན་ལག་དང་བཅས་པའི་སྲི་ཞུ་བ་ཕོ་མོ་ཁྱད་མེད་ཀྱིས་ཉིན་ལྟར་ལས་ཁུངས་སུ་བཅར་སྐབས་བོད་ཆས་སྤྲས་དགོས་པ་དང་བོད་སྐད་གཙང་མ་རྒྱག་དགོས་པ། དེ་བཞིན་ལས་ཁུངས་ཁག་ལ་བཅར་མཁན་བོད་མི་སྐྱ་སེར་སུ་རུང་ལའང་དེ་དེ་བཞིན་གྱི་གཞེན་སྐུལ་གནང་དགོས་པའི་གྲོས་ཆོད་ཅིག་མང་མོས་ཀྱིས་གཏན་འབེབས་གནང་སོང་།དེ་རིང་གྲོས་ཚོགས་ཀྱི་སྔ་དྲོའི་ཚོགས་ཐེངས་དང་པོའི་ལས་རིམ་དེ་སྤྱི་འཐུས་སྒེར་གྱི་གྲོས་ཆོད་གྲོས་འཆར་ཐོག་ཕེབས་པ་དང་འབྲེལ་ནས་སྤྱི་འཐུས་མཁན་པོ་འཇམ་དཔལ་བསྟན་འཛིན་ལགས་ཀྱིས་སྒེར་གྱི་གྲོས་ཆོད་གྲོས་འཆར་བསྣམས་པར་ད་ཕན་རང་རེ་བོད་མིའི་སྒྲིག་འཛུགས་ཀྱི་དབུས་ས་ཡན་ལག་དང་བཅས་པའི་སྲི་ཞུ་བ་སུ་འདྲ་ཞིག་ཡིན་རུང་ཕོ་མོ་ཁྱད་མེད་ཀྱིས་ཉིན་ལྟར་ལས་ཁུངས་སུ་བཅར་སྐབས་བོད་ཆས་སྤྲས་དགོས་པ་དང་བོད་སྐད་གཙང་མ་རྒྱག་དགོས་པ། དེ་བཞིན་ལས་ཁུངས་ཁག་ལ་བཅར་མཁན་བོད་མི་སྐྱ་སེར་སུ་རུང་ལའང་དེ་དེ་བཞིན་གྱི་གཞེན་སྐུལ་གནང་དགོས་ཞེས་འཁོད་ཡོད་པ་ལྟར། དེའི་ཐོག་སྲིད་སྐྱོང་བློ་བཟང་སེང་གེ་མཆོག་གིས་གིས་གཙོས་པའི་སྤྱི་འཐུས་རྣམ་པས་བགྲོ་གླེང་ལྷུག་པོ་གནང་སྟེ་གྲོས་ཆོད་ཀྱི་ཚིག་བརྗོད་ལ་འགྱུར་བ་ཕྲན་བུ་གནང་མཐར་མང་མོས་ཀྱིས་གཏན་འབེབས་གནང་ཡོད། སྐབས་དེར་གྲོས་འཆར་འདོན་མཁན་དང་རྒྱབ་སྐྱོར་གནང་མཁན་སྤྱི་འཐུས་གཉིས་ཀྱི་ངོས་ནས་བོད་བཙན་པོའི་དུས་སྐབས་ནས་བཟུང་བོད་ཀྱི་ཆས་གོས་དར་སྲོལ་དང་། ཆས་གོས་ཀྱི་དཔའ་ཉམས་བཅས་ཞིབ་རྒྱས་སུ་ངོ་སྤྲོད་གནང་བ་དང་འབྲེལ། བཙན་བྱོལ་རང་དབང་ལུང་པར་བཞུགས་པའི་བོད་མི་རྣམས་ནས་བོད་ཆས་ལེགས་པོ་སྤྲད་ཀྱི་མེད་པ་དང་གཞིས་བཞུགས་བོད་མིས་བོད་ཆས་ལེགས་པོ་སྤྲས་པའི་སྐུ་པར་ལྷན་བསྒྲིགས་ཀྱིས་བློ་འཚབ་ཡོད་པའི་རྣམ་པ་ཆེད་བཏོན་གནང་བ་མཇལ་རྒྱུ་ཡོད་པ་དང་། ལྷག་དོན་བཞུགས་སྒར་དྷརྨ་ས་ལའི་བོད་མིའི་སྒྲིག་འཛུགས་ཀྱི་དཀྱིལ་འཁོར་ལྟ་བུར་མཚོན་ན་སྲི་ཞུ་བའི་ཁོངས་ནས་སྐུ་སྐྱེད་མ་ཚོས་སྔར་ནས་ད་བར་བོད་ཆས་འཐུས་ཚང་སྤྲ་བཞིན་ཡོད་ཀྱང་། སྐྱེད་པ་ཚོས་བོད་ཆས་མ་སྤྲས་པའི་གནས་སྟངས། གཞི་རིམ་མང་ཚོགས་ཀྱི་ཐུགས་རེ་དང་སྲི་ཞུ་བའི་འགན་འཁྲི། དེ་བཞིན་བོད་ཀྱི་ཆོས་དང་རིག་གཞུང་སྲུང་སྐྱོབ་བཅས་ཀྱི་གནད་དོན་མངོན་གསལ་གནང་བ་དང་སྦྲགས། བོད་མིའི་སྒྲིག་འཛུགས་ཀྱི་སྲི་ཞུ་བ་དང་དབུ་ཁྲིད་རྣམས་མང་ཚོགས་ཀྱི་མིག་དཔེ་ཡར་ལྟ་ཞུ་ཡུལ་ཞིག་ཡིན་སྟབས་གྲོས་ཆོད་དེ་ཆེད་བཏོན་གནང་བཞིན་ཡོད་པ་གསུངས་ཡོད།སྐབས་དེར་སྲིད་སྐྱོང་བློ་བཟང་སེང་གེ་མཆོག་གིས་གྲོས་འཆར་ལ་རྒྱབ་སྐྱོར་གནང་བ་དང་འབྲེལ་ནས་འཛིན་སྐྱོང་བཀའ་ཤག་གི་ངོས་ནས་གངས་སྐྱིད་ཡོངས་རྫོགས་སྲོལ་རྒྱུན་གྱི་རྣམ་པ་ཆེད་བཟོ་གནང་ཡོད་སྐོར་གསུངས་པ་དང་ཆབས་ཅིག ཕྱི་ལོ་ ༢༠༡༡ ལོ་ནས་བཟུང་རེས་གཟའ་ལྷག་པ་ནམ་ཡིན་ལ་སྲིད་སྐྱོང་སྐུ་ཉིད་ནས་བོད་ཆས་སྤྲས་པ་དང་དེ་བཞིན་སྲི་ཞུ་བ་གཞན་ཚོར་དེ་ལྟར་སྤྲས་དགོས་པའི་སྐུལ་མ་གནང་ཡོད་པར་གསུངས་སོང་།སྤྱི་འཐུས་གཞན་ཁག་གིས་རྩ་བའི་གྲོས་ཆོད་གྲོས་འཆར་ལ་རྒྱབ་སྐྱོར་ཞུས་ཡོད་ཀྱང་གྲོས་འཆར་གྱི་ཚིག་བརྗོད་ནང་དུ་ཁམས་གཙང་ཞེས་པའི་ཐ་སྙད་དེ་ཕྱག་བསྟར་གནང་སྐབས་ངལ་བ་འཕྲད་སྲིད་པར་བརྟེན་ཚིག་བརྗོད་དེ་ཕྱིར་འཐེན་གནང་དགོས་པ་དང་། སྲི་ཞུ་བ་ཙམ་མ་ཡིན་པར་མཛད་གཙོ་རྣམ་པ་ལའང་དེ་མཚུངས་ཐུགས་འགན་ཡོད་སྟབས་ཚིག་བརྗོད་ཀྱི་ནང་དུ་དེ་ལྟར་འཁོད་དགོས་པའི་སྐོར་གླེང་སློང་གནང་བ་དང་འབྲེལ་གྲོས་ཆོད་གཏན་འབེབས་སྐབས་ཚིག་བརྗོད་ལ་འགྱུར་བ་ཕྲན་བུ་གནང་ཡོད་པ་རེད།དེ་བཞིན་སྤྱི་འཐུས་ཁག་ཅིག་ནས་གྲོས་འཆར་ལ་རྒྱབ་སྐྱོར་གནང་ཡོད་པ་དེ་ལྟར་ཡང་། སྒྲིག་གཞི་ཞིག་གི་ཐོག་ནས་མ་ཡིན་པར་མ་སྐུལ་དང་བླངས་ཀྱིས་རང་མི་རིགས་ཀྱི་ཆས་གོས་ལ་སྤོབས་པ་དང་བཅས་སྤྲས་དགོས་གལ་ཡིན་པར་གཟིགས་སྐོར་གསུངས་པ་དང་རང་ཉིད་ཀྱི་ཚོར་བའི་ཐོག་ནས་དེ་ལྟར་གནང་གནད་ཡིན་པར་གསུངས་སོང་།སྤྱི་འཐུས་ཤིག་གིས་བོད་བརྒྱུད་ནང་བསྟན་གྱི་དགོན་སྡེ་ཁག་ཏུ་བཅར་སྐབས་ཕྱི་རྒྱལ་མི་སྣ་སོགས་སུ་ཡིན་རུང་གྱོན་ཆས་འཐུས་ཚང་སྤྲས་དགོས་པའི་སྐུ་མ་གནང་གལ་སྐོར་གསུངས་ཡོད།རྩ་བའི་དེ་རིང་སྔ་དྲོའི་ཚོགས་ཐེངས་གཅིག་སྤྱིར་འཐུས་སྒེར་གྱི་གྲོས་ཆོད་གྲོས་འཆར་ཐོག་ཕེབས་པའི་རྗེས་སུ་ཉིན་འཁྱོངས་རིང་བོད་མིའི་སྒྲིག་འཛུགས་ཀྱི་ལས་ཁུངས་མ་ལག་བཅས་པའི་སྔོན་རྩིས་གཏན་འབེབས་ཀྱི་ལས་རིམ་ཐོག་ཕེབས་ཡོད།