༸རྒྱལ་ཡུམ་ཆེན་མོ་དྲན་རྟེན་རྐང་རྩེད་སྤོ་ལོའི་རྩེད་འགྲན་ཐེངས་ ༢༢ དབུ་བཙུགས་པ།

ཕྱི་ལོ་ ༢༠༢༢ ལོའི་ཡོ་རོབ་བོད་ཀྱི་ཕོར་པ་ཞེས་པའི་ཡོ་རོབ་རྒྱལ་ཁབ་ཁག་ནང་གནས་སྡོད་བོད་རིགས་གཞོན་སྐྱེས་ནང་ཁུལ་དབར་རྐང་སྤོལ་རྩེད་འགྲན་ཐེངས་ ༡༢ པ་ཟླ་བ་འདིའི་ཕྱི་ཚེས་ ༡༨ ཉིན་སྦེལ་ཇམ་ནང་དབུ་འཛུགས་གནང་ཡོད་ཅིང་། འདི་ལོའི་རྩེད་འགྲན་ཐོག་ཡོ་རོབ་རྒྱལ་ཁབ་ཁག་དྲུག་ནས་བོད་མིའི་རྐང་སྤོལ་རུ་ཁག་ ༡༥ མཉམ་ཞུགས་གནང་ཡོད།རྩ་བའི་ཡོ་རོབ་བོད་ཀྱི་ཕོར་པ་ཞེས་པའི་ཡོ་རོབ་བོད་མིའི་རྐང་སྤོལ་རྩེད་འགྲན་ཆེན་མོ་དེ་བཞིན་ཐོག་མར་ཕྱི་ལོ་ ༢༠༠༩ ལོར་སྦེལ་ཇམ་ནང་དུ་སྦེལ་ཇམ་ས་གནས་བོད་ཀྱི་གཞོན་ནུ་ལྷན་ཚོགས་ནས་གོ་སྒྲིག་གིས་དབུ་འཛུགས་གནང་བ་ཞིག་ཡིན་པ་དང་།  རྩེད་འགྲན་འདིའི་དམིགས་ཡུལ་གཙོ་བོ་ནི་ཡོ་རོབ་རྒྱལ་ཁབ་ཁག་ཏུ་གནས་སྡོད་བོད་མི་སྐྱབས་བཅོལ་གཞོན་སྐྱེས་ནང་ཁུལ་དབར་གྱི་ཕན་ཚུན་ངོ་ཤེས་དང་འབྲེལ་ལམ་ཚུགས་རྒྱུ་དང་།  དེ་བཞིན་བོད་རིགས་གཞོན་སྐྱེས་ཚོས་དགའ་མོས་ཆེན་པོ་བྱེད་བཞིན་པའི་རྐང་རྩེད་སྤོ་ལོར་ཆེས་མཐོང་དང་རྩེད་འགྲན་གྱི་སྡིངས་ཆ་ཞིག་ཀྱང་བསྐྲུན་ཏེ་གཞོན་སྐྱེས་ཚོའི་རྐང་སྤོལ་ནུས་རྩལ་ཡར་རྒྱས་གོང་འཕེལ་ཡོངས་ཐབས་བཅས་ལ་དམིགས་པ་ཞིག་རེད།སྦེལ་ཇམ་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཐུབ་བསྟན་འཕེལ་རྒྱས་ལགས་ཀྱིས་མ་འོངས་པར་གོ་སྒྲིག་ཚོགས་ཆུང་ངོས་ནས་རྩེད་འགྲན་དེ་བཞིན་རྒྱ་སྐྱེད་ཐོག་ཡོ་རོབ་རྒྱལ་ཁབ་ཙམ་མིན་པར་ཨི་རི་དང་ཁེ་ན་ཌ་བཅས་ནས་བོད་མིའི་རྐང་སྤོལ་རུ་ཁག་མཉམ་ཞུགས་ཐུབ་རྒྱུའི་འཆར་གཞི་ཡོད་པ་གསུངས་ཡོད།གཞི་རྩའི་སྦེལ་ཇམ་ཁུལ་དུ་འདི་ལོའི་རྩེད་འགྲན་ནང་ཡོ་རོབ་རྒྱལ་ཁབ་སུད་སི་དང་ཇར་མི་ནི། ཕ་རན་སི། སྦེལ་ཇེམ། ནི་ལྡིར་ལེནཊ། ཨོས་ཊོལི་ཡ་བཅས་རྒྱལ་ཁབ་དྲུག་ནས་ཁྱོན་བོད་མིའི་རྐང་སྤོལ་རུ་ཁག་ ༡༥ མཉམ་ཞུགས་ཀྱིས་ཟླ་བ་འདིའི་ཕྱི་ཚེས་ ༡༨ ནས་ཕྱི་ཚེས་ ༢༣ བར་ཉིན་གྲངས་དྲུག་རིང་རྩེད་འགྲན་གནང་བཞིན་ཡོད་པ་རེད།

བོད་མིའི་སྒྲིག་འཛུགས་ཀྱི་འཕྲོད་བསྟེན་ཁྱབ་ཁོངས་སུ་དེབ་སྐྱེལ་བྱས་ཡོད་པའི་བོད་རྒྱལ་ཡོངས་རྩེད་རིགས་ཚོགས་པས་གསལ་བསྒྲགས་ཤིག་སྤེལ་བའི་ནང་དུ། འདི་ལོའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༦ པ་དེ་རྒྱ་གར་བྱང་ཕྱོགས་ལྡེ་ར་ལྡུན་ཁུལ་དུ་ཟླ་བ་རྗེས་མའི་ཚེས་ ༡ ནས་༡༢ བར་སྐོང་འཚོགས་གནང་རྒྱུ་ཡིན་པར་བསྒྲགས་འདུགཁ་སང་རྩེད་རིགས་ཚོགས་པས་སྤེལ་བའི་གསལ་བསྒྲགས་ནང་དུ། རྐང་སྤོལ་འགྲན་བསྡུར་ནང་འཛུལ་ཞུགས་བྱེད་མཁན་གྱི་རྩེད་འགྲན་པ་ཡོངས་ཀྱིས་ཏོག་དབྱིབས་གཉན་རིམས་ཀྱི་འགོག་ཁབ་དང་པོ་ངེས་བར་དུ་སྐྱོན་ཟིན་པ་ཞིག་དགོས་པ་མ་ཟད། རྩེད་འགྲན་ལ་ཞུགས་སྐབས་ཀྱང་རིམས་ནད་བརྟད་དཔྱད་ཀྱི་དཔང་ཡིག   RT-PCR ཞེས་པ་དེ་ངེས་བར་དུ་བསྣམས་ནས་ཕེབས་དགོས་བའི་རེ་འདུན་ཞུས་འདུག འདི་གའི་གསར་འགོད་པས་བོད་རྒྱལ་ཡོངས་རྩེད་རིགས་ཚོགས་པའི་འགན་འཛིན་བསྟན་འཛིན་རིན་ཆེན་ལགས་སུ་འདི་ལོའི་རྐང་སྤོལ་འགྲན་བསྡུར་དུ་འགྲན་ཞུགས་རུ་ཁག་དང་རིམས་ནད་སྔོན་འགོག་གི་གྲ་སྒྲིག་སོགས་ཀྱི་ཐད་ནས་བཀའ་འདྲི་ཁག་ཅིག་ཞུས་པར་ཁོང་གིས། གཞི་རྩའི་རིམས་ནད་ཀྱི་རྐྱེན་གྱིས་སྔར་ལོའི་ ༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༦ པ་དེ་དུས་བསྟུན་གྱིས་སྐོང་འཚོགས་མ་ཐུབ་པར་ཕྱིར་འགྱངས་བྱེད་དགོས་འཁེལ་བ་དང་འབྲེལ། ད་ཆ་རྒྱལ་སྤྱིའི་སྤྱི་ཚོགས་གང་སར་རྩེད་འགྲན་རིགས་ཡོངས་སུ་བསྐྱར་དུ་སྒོ་འབྱེད་བྱེད་བཞིན་པ་དང་འབྲེལ་ནས་འདི་ལོའི་རྩེད་འགྲན་དེ་རིམས་ནད་བརྟག་དཔྱད་ཀྱི་སྔོན་འགོག་ཆ་རྐྱེན་དུ་བཞག་པའི་ཐོག་ནས་སྐོང་འཚོགས་གནང་རྒྱུ་ཡིན་པར་འགྲེལ་བརྗོད་གནང་སོང་། དེ་བཞིན་རིན་ཆེན་ལགས་ཀྱིས་ངོ་སྤྲོད་གནང་བའི་ནང་དུ། ད་ལྟའི་ཆར་འདི་ལོའི་རྩེད་འགྲན་ལ་འཛུལ་ཞུགས་གནང་མཁན་གྱི་ཁོངས་སུ་རྒྱ་གར་ལྷོ་བྱང་གཉིས་དང་ལ་དྭགས། དེ་བཞིན་བལ་ཡུལ་ནས་རུ་ཁག་གཅིག་བཅས་ཀྱི་ཁྱོན་སྡོམ་རུ་ཁག་བཅུ་ཡོད་པ་དང་། སྔོན་ཆད་རྩེད་འགྲན་ལ་འཛུལ་ཞུགས་བྱེད་མ་མྱོང་བའི་ཇཱ་ལན་ཌ་བོད་རང་བཙན་སློབ་ཕྲུག་ཚོགས་པའི་རུ་ཁག་གསར་བ་ཞིག་ཀྱང་ཡོད་པར་འགྲེལ་བརྗོད་གནང་སོང་། གཞན་ཡང་ཁོང་གིས་བོད་རྒྱལ་ཡོངས་རྩེད་རིགས་ཚོགས་པ་དེ་འཕྲོད་བསྟེན་ལས་ཁུངས་ཀྱི་ཁྱབ་ཁོངས་སུ་དེབ་སྐྱེལ་བྱས་པ་ནས་བཟུང་སྤྱི་ཡོངས་ཀྱི་རྩེད་རིགས་ཀྱི་རྣམ་གྲངས་དང་ལས་གཞི་མང་དུ་བཏང་ཡོད་ནའང་། རིམས་ནད་ཀྱི་རྐྱེན་གྱིས་གནས་སྐབས་སུ་ལག་བསྟར་བྱེད་ཐུབ་མེད་ཀྱང་། འདི་ལོའི་རྐང་སྤོལ་རྩེད་འགྲན་གྱི་སྐབས་སུ་ཡོངས་གྲགས་ཀྱིས་ལས་འཆར་ཁག་གསལ་བསྒྲགས་གནང་རྒྱུ་ཡིན་པར་གསུངས་སོང་།གཞི་རྩ གཞི་རྩའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ནི་ཐོག་མར་ཕྱི་ལོ་ ༡༩༨༡ ལོར་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་གི་༸རྒྱལ་ཡུམ་ཆེན་མོ་བདེ་སྐྱོད་ཚེ་རིང་མཆོག་དམ་པའི་བཀའ་དྲིན་རྗེས་དྲན་ཞུ་ཕྱིར་དབུ་འཛུགས་གནང་དོན་ལྟར་ད་བར་ཁྱོན་རྩེད་འགྲན་ཐེངས་...

སང་ཉིན་ཕྱི་ཚེས་ ༣༡ ཉིན་བཞུགས་སྒར་དྷ་སྟེང་བོད་ཁྱིམ་གྱི་རྩེད་ཐང་སྟེང་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༥ པ་དངོས་སུ་དབུ་འཛུགས་གནང་གི་ཡོད་པ་ལྟར། དེ་རིང་སྔ་ཐོག་ཆུ་ཚོད་ ༩༌༣༠ ཐོག་ཐེངས་འདིའི་རྩེད་འགྲན་ནང་མཉམ་ཞུགས་གནང་མཁན་གྱི་རྩེད་མོ་བ་རྣམས་དྷ་སྟེང་བོད་ཁྱིམ་གྱི་བདེ་སྐྱིད་ཚེ་རིང་ཚོགས་ཁང་དུ་ཕེབས་ནས་མཐའ་མའི་ཐོ་འགོད་དང་རུ་ཁག་འཆར་འགོད་བཅས་ཀྱི་ལས་རིམ་ཁག་གནང་སོང་། ཐེངས་འདིའི་རྩེད་འགྲན་ནང་བོད་མི་གནས་ཡུལ་རྒྱ་གར་གྱི་ས་གནས་ཁག་མི་འདྲ་བ་ ༡༧ ལྷག་ནས་རུ་ཁག་ ༢༠ དང་། བྱང་ཨ་རི་ནས་བོད་པའི་རྐང་སྤོལ་རུ་ཁག་གཅིག དེ་བཞིན་ཡོ་རོབ་ཨིན་ཡུལ་ནས་རུ་ཁག་གཅིག བལ་ཡུལ་ Katmandu ནས་རུ་ཁག་གཅིག་བཅས་ཁྱོན་བོད་པའི་རྐང་སྤོལ་རུ་ཁག་ ༢༣ ནས་མཉམ་ཞུགས་གནང་ཡོད་སྟབས་འདི་ནི་ད་བར་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ནང་མཉམ་ཞུགས་གནང་མཁན་གྱི་རུ་ཁག་མང་ཤོས་དེ་ཆགས་ཡོད་པ་རེད།དེ་རིང་རྩེད་འགྲན་གོ་སྒྲིག་ཞུ་མཁན་བོད་རྒྱལ་ཡོངས་རྩེད་རིགས་ཚོགས་པའི་སྤྱི་ཁྱབ་ཚོགས་གཙོ་བོད་ཁྱིམ་ཤེས་ཡོན་འགན་འཛིན་བསོད་ནམས་སྲིད་གཅོད་ལགས་ཀྱིས་རྩེད་མོ་བ་རྣམ་པར་འཚམས་འདྲི་དང་འབྲེལ། དེང་སྐབས་རྩེད་མོའི་ཐོག་ནས་སོ་སོའི་རིག་གཞུང་དང་ཆབ་སྲིད་ཀྱི་གནས་དོན་རྣམས་རྒྱལ་སྤྱིའི་སྡིངས་ཆའི་ཐོག་ཁྱབ་སྤེལ་གནང་རྒྱུ་སོགས་ལ་དགེ་མཚན་ཆེན་པོ་ཆགས་ཡོད་སྟབས། གཞོན་སྐྱེས་རྣམས་ནས་རྒྱུན་དུ་སོ་སོའི་དོ་དབྱིངས་ལ་གཞིགས་པའི་རྩེད་རིགས་ཐོག་དོ་སྣང་གནང་དགོས་གལ་ཡིན་པར་ལམ་སྟོན་གནང་བ་དང་ཆབས་ཅིག རྩེད་འགྲན་དབུ་འཛུགས་གནང་བ་ནས་མཇུག་མ་སྒྲིལ་བར་དུ་རྩེད་མོ་བ་རྣམས་ནས་ཐོབ་ཤོར་གང་བྱུང་ལ་ལྟོས་མེད་མཐུན་སྒྲིལ་དང་འཆབ་མཐུན་ངང་ནས་རྩེད་འགྲན་གནང་རོགས་ཞེས་སྐུལ་མ་གནང་ཡོད།  ཕྱི་ཟླ་ ༦...

བོད་རྒྱ་ཡོངས་རྩེད་རིགས་ཚོགས་པས་གོ་སྒྲིག་འོག་འདི་ལོའི་༸རྒྱལ་ཡུམ་ཆེན་མོ་དྲན་རྟེན་རྐང་རྩེད་སྤོ་ལོ་རྩེད་འགྲན་ཐེངས་ ༢༥ པ་དེ་རྒྱ་གར་བྱང་ཕྱོགས་བཞུགས་སྒར་དྷ་རྨ་ས་ལར་རྟེན་གཞི་བྱས་པའི་དྷ་སྟེང་བོད་ཕྲུག་ཁྱིམ་སྡེའི་རྩེད་ཐང་དུ་དབུ་འཛུགས་གནང་གཏན་ཁེལ་ཡོད་པ་རེད། ཐེངས་འདིའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་རྐང་རྩེད་སྤོ་ལོ་འགྲན་བསྡུར་དེ་ཕྱི་ཟླ་ ༥ ཚེས་ ༣༡ ནས་དབུ་འཛུགས་ཀྱིས་ཉིན་གྲངས་བཅུའི་རིང་ལ་རྒྱལ་གར་དང་བལ་ཡུལ། ཨ་རི། དབྱིན་ཡུལ་བཅས་ཀྱི་བོད་པའི་རྐང་སྤོལ་རུ་ཁག་ ༢༤ ནས་མཉམ་ཞུགས་གནང་གི་འདུགགསར་འགོད་པས་བོད་རྒྱལ་ཡོངས་རྩེད་རིགས་ཚོགས་པའི་སྤྱི་ཁྱབ་དྲུང་ཆེ་པ་སངས་རྡོ་རྗེ་ལགས་སུ་འདི་ལོའི་༸རྒྱལ་ཡུམ་ཆེན་མོའི་དྲན་རྟེན་གྱི་རྐང་རྩེད་སྤོ་ལོའི་དུས་དྲན་དང་འབྲེལ་ནས་དམིགས་བསལ་གྱི་ལས་འཆར་གང་ཡོད་མེད་སྐོར་ལ་བཅར་འདྲི་ཞུས་པར་རྩེད་ཐང་བསྐྱར་གསོ་དང་གཟེངས་རྟགས་ཀྱི་རིམ་པ་ཇེ་མང་དུ་བཏང་ནས་བྱ་དགའི་དངུལ་གྲངས་སོགས་ཀྱང་སྤར་ཆ་གནང་ཡོད་པ་ངོ་སྤྲོད་གནང་སོང་བ་དང་། དེ་བཞིན་ཁོང་གིས་ད་རེས་རུ་ཁག་མང་པོ་ཡོད་པ་དང་། རྩེད་ཐང་བསྐྱར་བཟོ་དང་མི་མང་ལ་གཟིགས་མོ་གཟིགས་སའི་ཞབས་སྟེགས་སོགས་གསར་བཟོ་བྱས་ཡོད་སྟབས་མི་མང་མང་པོ་ཕེབས་ཀྱི་ཡོད་པར་འགྲེལ་བརྗོད་གནང་ཡོད། ཁོང་གིས་༸རྒྱལ་ཡུམ་ཆེན་མོའི་རྗེས་དྲན་གྱི་རྐང་རྩེད་སྤོ་ལོ་ཙམ་མ་ཡིན་པར་ ༢༠༡༥ ལོ་ནས་བཟུང་བོད་ཀྱི་བུད་མེད་རྐང་རྩེད་སྤོ་ལོ་རུ་ཁག་གསར་འཛུགས་ཀྱིས་རྒྱལ་གར་གྱི་ས་གནས་ཁག་ལ་ཕྱོགས་སྐྱོད་ཀྱིས་རྩེད་འགྲན་གནང་ཡོད་པ་ལྟར། ཟླ་བ་འདིའི་ཚེས་ ༡༥ ནས་བོད་ཀྱི་བུད་མེད་རྐང་རྩེད་སྤོ་རུ་ཁག་དང་རྒྱ་གར་གྱི་བེུད་རྐང་སྤོལ་རུ་ཁག་ལྔའི་དབར་རྩེད་འགྲན་དབུ་འཛུགས་གནང་གི་ཡོད་པར་གསུངས་སོང་། མཐར་ཁོང་གིས་རྒྱལ་ཕམ་ནི་ཆོས་ཉིད་ཀྱི་རང་བཞིན་ལས་མ་འདས་སྟབས་རྩེད་འགྲན་པ་ནང་ཁུལ་དང་། དེ་བཞིན་གཟིགས་མོ་བ་ལྷན་རྒྱས་ནས་ཕན་ཚུན་དབར་མཐུན་སྒྲིལ་གནང་ནས་ཐེངས་འདིའི་རྩེད་འགྲན་འདི་རྒྱལ་ཁའི་ངང་གྲོལ་ཐུབ་པར་རྒྱབ་སྐྱོར་གནང་རོགས་ཞེས་འབོད་སྐུལ་གནང་ཡོད།

བོད་རྒྱལ་ཡོངས་རྐང་རྩེད་སྤོ་ལོ་རུ་ཁག་འདི་ལོའི་ CONIFA འཛམ་གླིང་རྐང་རྩེད་སྤོ་ལོའི་གཟེངས་རྟགས་ཀྱི་འགྲན་བསྡུར་ནང་མཉམ་ཞུགས་གནང་ཆེད་མཐོང་མཆན་གང་མགྱོགས་ཐོབ་རྒྱུར་རེ་སྒུག་གནང་བཞིན་འདུག ཟླ་ ༥ ཚེས་ ༣༡ ནས་དབྱིན་ཡུལ་གྱི་རྒྱལ་ས་ལོན་ཊན་ནང་ཕྱི་ལོ་ ༢༠༡༨ ལོའི་ Confederation of Independent Football Associations ཞེས་འཛམ་གླིང་རྐང་སྤོལ་རྩེད་འགྲན་ཆེན་མོ་དབུ་འཛུགས་གནང་གི་ཡོད་པ་མ་ཟད།  རྩེད་འགྲན་གྱི་རུ་མིག་ལ་གཞིགས་ཚེ་ཟླ་ ༥ ཚེས་ ༣༡ ཉིན་རྩེད་འགྲན་གྱི་དབུ་འབྱེད་སྐབས་རྩེད་འགྲན་ཆེས་ཐོག་མ་དེ་བོད་རྒྱལ་ཡོངས་རྐང་རྩེད་སྤོ་ལོ་རུ་ཁག་དང་ Abkhazia རྒྱལ་ཁབ་ཀྱི་རྐང་སྤོལ་རུ་ཁག་དབར་རྩེད་འགྲན་གནང་རྒྱུ་རེད་འདུག  འོན་ཀྱང་བོད་རྒྱལ་ཡོངས་རྐང་སྤོལ་རུ་ཁག་ལ་མཐོང་མཆན་མ་རག་པའི་གནས་སྟངས་འོག་ལྷག་ཡོད་པ་རེད། འདི་ག་རླུང་འཕྲིན་ཁང་གིས་བོད་རྒྱལ་ཡོངས་རྩེད་རིགས་ཚོགས་པའི་དྲུང་ཆེ་པ་སངས་རྡོ་རྗེ་ལགས་སུ་ཐེངས་འདིའི་ CONIFA...

དེ་ཡང་འདི་ལོ་ཟླ་ ༣ ཚེས་ ༣༡ ཉིན་ནས་དེ་རིང་ཟླ་ ༤ ཚེས་ ༡༠ བར་རྒྱ་གར་ལྷོ་ཕྱོགས་བོད་མིའི་གཞིས་སྒར་སྦེལ་ཀོབ་བདེ་སྐྱིད་སླར་གསོའི་རྩེད་ཐང་གསར་པར་བོད་མིའི་རྐང་རྩེད་སྤོ་ལོ་རྩེད་འགྲན་རུ་ཁག་ཕན་ཚུན་དབར་༸རྒྱལ་ཡུམ་ཆེན་མོ་དྲན་རྟེན་རྐང་སྤོལ་རྩེད་འགྲན་ཐེངས་ ༢༤ པ་དེ་རྩེད་འགྲན་གནང་ཡོད་པ་དང་། དེ་རིང་ཟླ་ ༤ ཚེས་ ༡༠ ཉིན་མོན་གྷོ་རྐང་སྤོལ་རུ་ཁག་དང་སྒང་ཏོག་རྐང་སྤོལ་རུ་ཁག་གཉིས་དབར་རྩེད་འགྲན་མཐའ་མ་གནང་བ་ལས་མོན་གྷོ་རུ་ཁག་ལ་སྤོ་ལོ་གཉིས་དང་སྒང་ཏོག་རུ་ཁག་ལ་སྤོ་ལོ་ཀླད་ཀོར་བཅས་ ༢༠༡༨ ལོའི་རྒྱལ་ཡུམ་ཆེན་མོའི་རྐང་སྤོལ་གསེར་གྱི་གཟེངས་རྟགས་རྩེད་འགྲན་ཐེངས་ ༢༤ པའི་རྒྱལ་ཁ་མོན་གྷོ་རུ་ཁག་ལ་ཐོབ་སོང་། རྩ་བའི་ཁ་སང་ཚེས་ ༩ ཉིན་རྩེད་འགྲན་རིམ་པ་གསུམ་པ་ semi-final རྩེད་ཡོད་པ་ལྟར།...

དེ་རིང་ཟླ་ ༤ ཚེས་ ༩ ཉིན་རྒྱ་གར་ལྷོ་ཕྱོགས་སྦེལ་ཀོབ་བདེ་སྐྱིད་སླར་གསོའི་རྩེད་ཐང་གསར་པར་༸རྒྱལ་ཡུམ་ཆེན་མོ་དྲན་རྟེན་རྐང་སྤོལ་རྩེད་འགྲན་ཐེངས་ ༢༤ པའི་རྩེད་འགྲན་རིམ་པ་གསུམ་པ་ semi-final དེ་རྩེད་བཞིན་ཡོད་པ་དང་། དེའང་མོན་གྷོ་གཞིས་སྒར་གྱི་རྐང་སྤོལ་རུ་ཁག་དང་ཆོལ་གསུམ་རྐང་སྤོལ་རུ་ཁག་གཉིས་དབར་རྩེད་འགྲན་གནང་བ་ལས་སྤོ་ལོ་གཅིག་དང་ཀླད་ཀོར་ཐོག་ནས་མོན་གྷོ་བོད་མིའི་གཞིས་སྒར་གྱི་རྐང་སྤོལ་རུ་ཁག་༸རྒྱལ་ཡུལ་ཆེན་མོའི་རྐང་སྤོལ་རྩེད་འགྲན་མཐའ་མའི་ནང་ཚུད་ཐུབ་པ་བྱུང་ཡོད་པ་རེད། དེ་བཞིན་རྩེད་འགྲན་གཉིས་པ་དེ་དོན་གྲུབ་གླིང་རྐང་སྤོལ་རུ་ཁག་དང་སྒང་ཏོག་རུ་ཁག་གཉིས་དབར་མུ་མཐུད་རྩེད་འགྲན་གནང་བཞིན་ཡོད་པ་རེད། གཞི་རྩའི་རྩེད་འགྲན་དེ་ཐོག་མར་ཕྱི་ལོ་ ༡༩༨༡ ལོར་སྤྱི་ནོར་༸གོང་ས་༸སྐྱབས་མགོན་སྐུ་འཕྲེང་བཅུ་བཞི་པ་ཆེན་པོ་མཆོག་གི་༸རྒྱལ་ཡུམ་ཆེན་མོའི་བཀའ་དྲིན་རྗེས་དྲན་ཞུ་ཕྱིར་དབུ་འཛུགས་གནང་ཡོད་པ་དང་། བོད་མིའི་སྤྱི་ཚོགས་ཁྲོད་ནས་དགའ་མོས་ཆེན་པོ་ཞུ་བཞིན་ཡོད་པ་རེད།

འདི་ལོའི་རྒྱལ་ཡུམ་ཆེན་མོ་དྲན་རྟེན་རྐང་རྩེད་སྤོ་ལོ་རྩེད་འགྲན་ཐེངས་ཉི་ཤུ་རྩ་བཞི་པ་དེ་བཞིན་རྒྱ་གར་ལྷོ་ཕྱོགས་སྦེལ་ཀོབ་བདེ་སྐྱིད་སླར་གསོའི་རྩེད་ཐང་གསར་པར་དེ་རིང་ཕྱི་ཟླ་ ༣ ཚེས་ ༣༡ ཉིན་དབུ་འཛུགས་གནང་ཡོད་པ་རེད། དེ་རིང་རྩེད་འགྲན་དབུ་འབྱེད་ཀྱི་མཛད་སྒོའི་སྐུ་མགྲོན་གཙོ་གདན་ས་ཆེན་པོ་སེ་ར་ཐེག་ཆེན་གླིང་སེར་སྨད་ཐོས་བསམ་ནོར་གླིང་གྲྭ་ཚང་གི་མཁན་རིན་པོ་ཆེ་ངག་དབང་འབྱོར་ལྡན་མཆོག་ཕེབས་ཡོད་པ་དང་། དེ་བཞིན་གཟིགས་མོ་བ་སྟོང་ཕྲག་གཉིས་ཙམ་ཞིག་ཕེབས་འདུག ཐོག་མར་འཕགས་བོད་རྒྱལ་ཁབ་གཉིས་ཀྱི་རྒྱལ་གླུ་རོལ་དབྱངས་དང་བཅས་ཏེ་བླངས་རྗེས་བོད་བསྟན་སྲིད་མི་རིགས་ཀྱི་ཆེད་བོད་མི་རང་ལུས་མེར་སྲེག་གནང་མཁན་རྣམས་གཙོ་གྱུར་རྒྱལ་གཅེས་པ་འདས་སོན་ཡོངས་ཀྱི་ལྷག་བསམ་སྙིང་སྟོབས་རྗེས་སུ་དྲན་པའི་སྒོ་ནས་སྐར་མ་གཅིག་རིང་ངག་བཅད་མྱ་ངན་གུས་འདུད་ཞུས་སོང་བ་དང་། སྐུ་གྲོན་གཙོ་བོ་མཆོག་གིས་རྩེད་འགྲན་དབུ་འབྱེད་གནང་བ་དང་འབྲེལ། རྩེད་འགྲན་དེ་འདྲ་ཞིག་གནང་ཐུབ་པར་ཡི་རངས་བསྔགས་བརྗོད་གནང་ཐོག་སླད་མར་རྒྱ་གར་ཙམ་མ་ཟད། ཕྱི་རྒྱལ་ཁག་ཏུ་ཁྱབ་ཐུབ་ཐབས་སུ་ཡར་རྒྱས་གཏོང་ཕྱོགས་ཀྱི་བླང་དོར་གསུང་བཤད་གནང་ཡོད་པ་རེད། བོད་རྒྱལ་ཡོངས་རྩེད་རིགས་ཚོགས་པའི་འགན་འཛིན་པ་སངས་ལགས་ཀྱིས་མཛད་སྒོ་དང་འབྲེལ་བའི་ངོ་སྤྲོད་གསུང་བཤད་གནང་བ་དང་། བོད་རྒྱལ་ཡོངས་རྐང་སྤོལ་རྩེད་འགྲན་གྱི་བྱུང་རིམ་དང་རྩེད་འགྲན་དེའི་དགོས་དམིགས། དེ་བཞིན་རྩེད་འགྲན་དེ་ཚགས་ཚུད་ལམ་ལྷོང་ཡོང་བར་སྒྲིག་གཞི་ཁག་བརྩི་སྲུང་ཞུ་གལ་ཡིན་པར་འབོད་སྐུལ་གནང་སོང་། དེ་རིང་ཉིན་དང་པོའི་རྩེད་འགྲན་ལས་ཐོག་མ་སྦེལ་ཀོབ་བོད་མིའི་གཞིས་ཆགས་གྷོ་ལ་ཐ་ལ་རུ་ཁག་དང་སྦེལ་ཀོབ་བདེ་སྐྱིད་སླར་གསོའི་རུ་ཁག་ཀ་པ་གཉིས་དབར་རྩེད་འགྲན་གནང་ཡོད། རྩེད་འགྲན་དེ་རིང་ཟླ་ ༣ ཚེས་ ༣༡ ཉིན་ནས་ཕྱི་ཟླ་ ༤ ཚེས་ ༡༠ བར་ཚོགས་གནང་གི་ཡོད་པ་དང་། ཐེངས་འདིའི་འགྲན་སྡུར་ནང་རྒྱ་གར་དང་བལ་ཡུལ། ཁེ་ན་ཌ་བཅས་ནས་ཁྱོན་རྩེད་འགྲན་རུ་ཁག་ ༡༩ ཐོ་འགོད་དེབ་སྐྱེལ་བྱས་འདུག འགྲན་སྡུར་སྐབས་རྩེད་འགྲན་གྱི་འགྲོ་ལུགས་ལྟར་ (League...

འདི་ལོའི་རྒྱལ་ཡུམ་ཆེན་མོ་དྲན་རྟེན་རྐང་རྩེད་སྤོ་ལོ་རྩེད་འགྲན་ཐེངས་ཉི་ཤུ་རྩ་གཉིས་པ་དེ་བཞིན་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་བོད་མི་གཞིས་སྒར་ན་གཞོན་རྩེད་ཐང་དུ་དེ་རིང་ཕྱི་ཟླ་ ༤ པའི་ཚེས་ ༢ ནས་དབུ་འཛུགས་ཀྱིས་ཚེས་ ༡༤ བར་རྩེད་འགྲན་གནང་གི་ཡོད་པ་རེད། དེ་ཡང་རྒྱ་གར་ལྷོ་ཕྱོགས་བོད་མིའི་གཞིས་སྒར་མོན་གྷོ་འདོད་རྒུ་གླིང་གཞིས་སྒར་གསར་འཛུགས་ཞུས་ཏེ་ལོ་ངོ་ ༥༠ འཁོར་བའི་དུས་དྲན་དང་བསྟུན། བོད་རྒྱལ་ཡོངས་རྩེད་རིགས་ཚོགས་པ་དང་མོན་གྷོན་ན་གཞོན་རྩེད་རིགས་ཚོགས་པ་གཉིས་ཟུང་སྦྲེལ་གྱིས་གོ་སྒྲིག་འོག རྒྱལ་ཡུམ་ཆེན་མོ་དྲན་རྟེན་རྐང་རྩེད་སྤོ་ལོའི་རྩེད་འགྲན་ཐེངས་ཉེར་གཉིས་པའི་དབུ་འབྱེད་ཀྱི་མཛད་སྒོར་སྐུ་མགྲོན་གཙོ་བོ་དགའ་ལྡན་ཁྲི་རིན་པོ་ཆེ་རི་རྫོང་སྲས་ཐུབ་བསྟན་ཉི་མ་ལུང་རྟོགས་བསྟན་འཛིན་ནོར་ནུ་མཆོག་གཙོས། དམིགས་བསལ་སྐུ་མགྲོན་ནང་སྲིད་དྲུང་འཕར་དཔལྡན་དོན་གྲུབ་མཆོག དེ་བཞིན་མོན་གྷོན་ས་གནས་ཉེན་རྟོག་པ་སྐུ་ཞབས་ཨས་སི་པ་ཊལ་མཆོག གཞུང་དང་གཞུང་འབྲེལ་མིན་པའི་ཚོགས་སྐྱིད་ཁག་གི་མཛད་གཙོ་རྣམ་པ། གཞན་ཡང་མོན་གྷོར་གཉུག་མར་གནས་པ་དང་གློ་བུར་ལྷགས་པའི་སེར་སྐྱ་མང་ཚོགས་བཅས་ཚང་ཐོག་དབུ་འཛུགས་གནང་ཡོད་པ་རེད། སྐབས་དེར་བོད་ཀྱི་རྩེད་རིག་ཚོགས་པའི་ཚོགས་གཙོ་སྐལ་བཟང་ལགས་ཀྱིས་གསུང་དོན། ༸གོང་ས་༸སྐྱབས་མགོན་ཆེན་པོ་མཆོག་གི་རྒྱལ་ཡུམ་ཆེན་མོ་བདེ་སྐྱིད་ཚེ་རིང་མཆོག་དམ་པ་དེ་ཉིད་བཀྲིན་རྗེས་དྲན་ཞུ་ཆེད་དུ་དམིགས་པ་ཞིག་ཡིན་པ་དང། བོད་ཀྱི་ན་གཞོན་ཚོའི་རྩེད་རིགས་ཡར་རྒྱས་གཏོང་ཐབས། ལྷག་དོན་བོད་ཀྱི་ན་གཞོན་ཚོ་ཆང་རག་དང་ཉེས་ཐ་སོགས་ངན་གོམས་རིགས་ཀྱི་དོར་ཐབས་གཙོས་རྩེད་འགྲན་པའི་དབར་མཐུན་འབྲེལ་གོང་མཐོར་གཏོང་ཐབས་བཅས་ཡིན་སྐོར་སོགས་གསུངས་སོང། དེ་བཞིན་ཁོང་གིས་གཟིགས་མོ་བ་མང་ཚོགས་ནས་ཕྱག་གྲུ་མཉམ་འདེགས་གནང་དགོས་པའི་འབོད་སྐུལ་ཡང་གནང་ཡོད། གཞན་ཡང་དགའ་ལྡན་ཁྲི་རིན་པོ་ཆེ་མཆོག་གིས་གསུང་བཤད་གནང་དོན། ད་ལན་གྱི་རྩེད་འགྲན་འདིའི་ཐོག་ལ་རྒྱ་ཆེ་གཟིགས་མོ་བ་གཉུག་མར་གནས་པ་དང་གློ་བུར་ལྷགས་པའི་སེར་སྐྱ་མང་ཚོགས་ཀུན་ནས་ཕྱག་གྲུ་མཉམ་འདེགས་གནང་དགོས་གལ་ཡིན་པ་སོགས་ཀྱི་བཀའ་སློབ་ཟབ་མོ་སྩལ་གནང་ཡོད་པ་རེད། གཞི་རྩའི་རྒྱལ་ཡུམ་ཆེན་མོ་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་རྩེད་འགྲན་དེ་ནི། གཙོ་བོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་རྒྱལ་ཡུམ་ཆེན་མོ་བདེ་སྐྱིད་ཚེ་རིང་མཆོག་དམ་པ་དེ་ཉིད་རྗེས་དྲན་ཞུ་ཆེད་དུ། ཕྱི་ལོ་ ༡༩༨༡ ནས་ཐོག་མར་དབུ་ཚུགས་ཡོད་པ་དང་།...