གཞོན་ནུ་རྒྱུན་ལས་གསུམ་ནས་དུས་ཚོད་ངེས་མེད་ཀྱི་མེད་ཟས་བཅད་ངོ་རྒོལ་དབུ་འཛུགས་གནང་པ།

རྒྱ་གར་གྱི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་རྒྱུན་ལས་གསུམ་ནས་དམིགས་ཡུལ་གསུམ་དང་དགོས་འདུན་དོན་ཚན་ལྔ་ཅན་ཞུ་འབུལ་ཐོག་དུས་ཚོད་ངེས་མེད་ཀྱི་ཟས་བཅད་ལས་འགུལ་སྤེལ་ནས་ཁ་ས་བར་ཉིན་ ༡༢ འཁོར་བའི་མཚམས་དེར། ལྡི་ལིར་མཐོ་སློབ་ཁག་ཏུ་བསྐྱོད་བཞིན་པའི་རོ་ཧི་ཎཱི་བོད་ཁྱིམ་སློབ་མ་ ༧༠ ལྷག་གིས་ཁོང་རྣམ་པའི་སྙིང་སྟོབས་དང་དགོས་འདོན་ཁག་ལ་གདུང་སེམས་མཉམ་སྐྱེད་མཚོན་ཕྱིར་ཉིན་གཅིག་རིང་མཉམ་ཞུགས་ཀྱིས་ཟས་བཅད་ངོ་རྒོལ་གནང་འདུག དེ་མཚུངས་གནས་ཡུལ་རྒྱ་གར་གྱི་གཞུང་སྒེར་གཉིས་ཀྱི་གནད་ཡོད་མི་སྣ་ཁག་ཅིག་དང་ཚོགས་ཁག་གི་འཐུས་མི་མི་ཉུང་བ་ཞིག་ནས་ལས་འགུལ་བ་ཚོར་བསྔགས་བརྗོད་གནང་པ་དང་སྦྲགས། རྒྱབ་སྐྱོར་ཚུལ་དུ་ཐུག་འཕྲད་ཕེབས་པ་མ་ཟད། ས་གནས་བོད་མི་གཙོས་པའི་བོད་རིགས་རྒས་གཞོན་མང་དག་ཞིག་ཆེད་ཕེབས་གནང་མུས་ཡིན་པ་རེད་འདུག ཉེ་སྔོན་ཕྱི་ཚེས་ ༡༧ ཉིན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་འཇིགས་མེད་ལགས་གཙོས་པའི་རྒྱུན་ལས་ཁག་ཅིག་ལྡི་ལི་རྒྱལ་ཚོགས་ཀྱི་ལས་ཁུངས་དང་ཡུ་རོབ་མཐུན་ཚོགས་སུ་ཆེད་བཅར་ཞུས་ཏེ་དགོས་འདོན་ལྔ་འཁོད་ཀྱི་ཞུ་སྙན་སླར་ཕུལ་ཐུབ་པ་བྱུང་ཡོད་པ་རེད། བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་འཇིགས་མེད་ལགས་ཀྱིས་གསུངས་དོན་ལ་རིང་མིན་རྒྱལ་ཚོགས་ཀྱི་ལས་ཁུངས་ཨ་མ་ཡོད་ས་ Geneva དང། New York བཅས་སུ་ས་གནས་གཞོན་ནུར་འབྲེལ་ལམ་ཞུས་ནས་ངོ་བཅར་གྱིས་ལས་འགུལ་གྱི་དགོས་འདུན་ལྟར་ཞུ་གཏུགས་གནང་འཆར་ཡོད་སྐོར་སོགས་གསུངས་སོང། རྩ་བའི་ཟླ་ ༩ ཕྱི་ཚེས་ ༡༠ ནས་འགོ་བཙུགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་འོག་རྒྱ་གར་གྱི་རྒྱལ་ས་ལྡི་ལིར་རྒྱུན་ལས་གསུམ་ནས་བོད་ཀྱི་མིག་སྔའི་ཛ་དྲག་གནས་སྟངས་དྲིལ་བསྒྲཊ་དང། རང་ལུས་མེར་སྲེག་གནང་མཁན་གྱི་རྒྱལ་གཅེས་དཔའ་བོ་དཔའ་མོ་ཚོའི་མངོན་འདོད་ལ་རྒྱབ་སྐྱོར། གཞིས་ལུས་བོད་མིར་གདུས་སེམས་མཉམ་སྐྱེལ་བཅས་ཀྱི་སླད་དམིགས་ཡུལ་གསུམ་དང་དགོས་འདུན་དོན་ཚན་ལྔ་བཅས་རྒྱལ་ཚོགས་ལ་ཞུ་སྐུལ་ཆེད་དུས་ཚོད་ངེས་མེད་ཀྱི་ཟས་བཅད་ངོ་རྒོལ་གནང་ནས་ཉིན་གྲངས་...

བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་འོག་རྒྱ་གར་གྱི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་སྤྱི་ཁྱབ་དབུས་རྒྱུན་ལས་ཁང་གི་རྒྱུན་ལས་གསུམ་ནས་དང་བླངས་ཀྱིས་་དམིགས་ཡུལ་གསུམ་དང་དགོས་འདོན་དོན་ཚན་ལྔ་བཅས་ཞུ་བསྐུལ་སྤེལ་བར་ཨ་རི་གཞུང་ཚབ་ནས་ཐུགས་སྣང་ཆེན་པོ་གནང་པ་མ་ཟད། དེ་བཞིན་བོད་མི་མང་སྤྱི་འཐུས་དང་ས་གནས་བོད་མི་མང་ཚོགས་བཅས་རིམ་བཞིན་ལས་འགུལ་བ་ཚོར་རྒྱབ་སྐྱོར་ཚུལ་དུ་ཐུག་འཕྲད་སླད་ཆེད་ཕེབས་གནང་མུས་ཡིན་པ་རེད་འདུག ལས་འགུལ་དེའི་ནང་དངོས་སུ་མཉམ་ཞུགས་གནང་མཁན་ཕྱི་འདྲིལ་འགན་འཛིན་ཚེ་དབང་སྒྲོལ་མ་ལགས་ནས་ཀྱང་བོད་རིགས་ཚོས་ངེས་པར་དུ་ལས་འགུལ་དེའི་ཐོག་རྒྱབ་སྐྱོར་གང་མང་གནང་རོགས་ཅེས་གཞེན་སྐུལ་གནང་འདུག སང་ཕྱི་ཚེས་ ༡༧ ཉིན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་འཇིགས་མེད་ལགས་གཙོས་པའི་རྒྱུན་ལས་ཁག་ཅིག་ལྡི་ལི་རྒྱལ་ཚོགས་ཀྱི་ལས་ཁུངས་དང་རྒྱལ་ཁབ་གཞན་གྱི་གཞུང་ཚབ་ཁག་ཏུ་ཆེད་བཅར་ཞུ་རྒྱུ་རེད་འདུག རྩ་བའི་ཟླ་ ༩ ཕྱི་ཚེས་ ༡༠ ནས་འགོ་བཙུགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་འོག་རྒྱ་གར་གྱི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་སྤྱི་ཁྱབ་དབུས་རྒྱུན་ལས་ཁང་གི་རྒྱུན་ལས་གསུམ་ནས་བོད་ཀྱི་མིག་སྔའི་ཛ་དྲག་གནས་སྟངས་དྲིལ་བསྒྲཊ་དང། རང་ལུས་མེར་སྲེག་གནང་མཁན་གྱི་རྒྱལ་གཅེས་དཔའ་བོ་དཔའ་མོ་ཚོའི་མངོན་འདོད་ལ་རྒྱབ་སྐྱོར། གཞིས་ལུས་བོད་མིར་གདུང་སེམས་མཉམ་སྐྱེལ་བཅས་ཀྱི་སླད་དམིགས་ཡུལ་གསུམ་དང་དགོས་འདོན་དོན་ཚན་ལྔ་བཅས་རྒྱལ་ཚོགས་ལ་ཞུ་སྐུལ་ཆེད་དུས་ཚོད་ངེས་མེད་ཀྱི་ཟས་བཅད་ངོ་རྒོལ་གནང་ནས་གཟའ་འཁོར་གཅིག་ཟིན་ཡོད་པ་རེད།

གཞིས་ལུས་བོད་མིར་གདུས་སེམས་མཉམ་སྐྱེལ་བཅས་ཀྱི་སླད་དུས་ཚོད་ངེས་མེད་ཀྱི་ཟས་བཅད་ངོ་རྒོལ་ལས་འགུལ་ཞིག་སྤེལ་འདུག དེ་རིང་ཟླ་ ༩ ཕྱི་ཚེས་ ༡༠ ཉིན་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་འོག་རྒྱ་གར་གྱི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་སྤྱི་ཁྱབ་དབུས་རྒྱུན་ལས་ཁང་གི་རྒྱུན་ལས་གསུམ་ནས་བོད་ཀྱི་མིག་སྔའི་ཛ་དྲག་གནས་སྟངས་དྲིལ་བསྒྲཊ་དང། རང་ལུས་མེར་སྲེག་གནང་མཁན་གྱི་རྒྱལ་གཅེས་དཔའ་བོ་དཔའ་མོ་ཚོའི་མངོན་འདོད་ལ་རྒྱབ་སྐྱོར། གཞིས་ལུས་བོད་མིར་གདུས་སེམས་མཉམ་སྐྱེལ་བཅས་ཀྱི་སླད་དུས་ཚོད་ངེས་མེད་ཀྱི་ཟས་བཅད་ངོ་རྒོལ་ལས་འགུལ་དབུ་འཛུགས་གནང་འདུག མཉམ་འབྲེལ་རྒྱལ་ཚོགས་དེ་ཡང་བོད་ཀྱི་གནད་དོན་དང་ཐད་ཀར་འབྲེལ་ཡོད་ལ་ངོས་འཛིན་ཞུས་ནས་རྒྱལ་ཚོགས་ཀྱི་ལྷན་ཚོགས་ཚོགས་ལ་ཉེ་བ་དང་བསྟུན་ཏེ་ཁོང་རྣམས་ནས་རྒྱལ་ཚོགས་ལ་བོད་དོན་གྱི་དགོས་འདོན་དོན་ཚན་ལྔ་ཅན་གྱི་ཞུ་བསྐུལ་སྤེལ་བ། མཉམ་འབྲེལ་རྒྱལ་ཚོགས་ཀྱི་ཚོགས་མི་ནས་རྒྱལ་ཚོགས་ཀྱི་ཚོགས་ཆེན་དང་འགྲོ་བ་མིའི་ཐོབ་ཐང་ལྷན་ཚོགས་ཐོག་བོད་དོན་གླེང་སློང་དགོས་པ་དང་། རྒྱ་ནག་སྲིད་གཞུང་ལ་རང་ལུས་མེར་བསྲེགས་ཀྱིས་ཞི་རྒོལ་གནང་མཁན་བོད་མིའི་དགོས་འདུན་ཁག་ལ་འགན་འཁུར་ཡ་ལན་དགོས་པ་ནན་བསྐུལ་མཐའ་འཁྱོལ་བྱ་དགོས་པ། རྒྱ་ནག་སྲིད་གཞུང་ལ་༸ཀུན་གཟིགས་པཎ་ཆེན་རིན་པོ་ཆེ་སྐུ་ཕྲེང་བཅིུག་པ་མཆོག་སྐུ་འཚོ་བཞུགས་ཡོད་མེད་ཀྱི་བདེན་དབང་གསལ་སྟོན་དགོས་པ་ནན་བསྐུལ་བྱ་དགོས་པ། བོད་ཀྱི་དངོས་ཡོད་གནས་ཚུལ་རྟོགས་ཞིབ་ཆེད་རྒྱལ་ཚོགས་ཀྱི་སྐུ་ཚབ་ཚོགས་ཆུང་ཞིག་བོད་ནང་ངེས་པར་དུ་གཏོང་དགོས་པ་དང་དེ་བཞིན་རྒྱ་ནག་སྲིད་གཞུང་ལ་བོད་ཀྱི་ཉེས་མེད་ཆབ་སྲིད་བཙོན་པ་རྣམས་མྱུར་དུ་གློད་གྲོལ་དགོས་པ་ནན་བསྐུལ་བྱ་དགོས་པ་བཅས་དགོས་འདུན་ལྔ་བཏོན་གནང་འདུག