གཞོན་ནུ་ལས་འགུལ།

དེ་རིང་ཟླ་ ༡༠ ཚེས་ ༢༣ ཉིན་རྒྱབ་རྒྱ་ནག་གཞུང་གི་སྤྱི་བདེ་ལས་ཁུངས་ཀྱི་བློན་ཆེན་ Zhao Kezhi གིས་སྣེ་ཁྲིད་འོག་རྒྱ་ནག་གི་ཆེས་མཐོའི་སྐུ་ཚབ་ཚོགས་ཁག་ཞིག་རྒྱ་གར་དུ་འབྱོར་ཡོད་པ་དང་བསྟུན། དབུས་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་འོག་གཞོན་ནུའི་ལས་འགུལ་བ་རྣམས་ནས་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་ནག་གཞུང་ཚབ་ལས་ཁུངས་མདུན་དུ་བོད་ཀྱི་རྒྱལ་དར་འཕྱར་ནས་རྒྱ་མི་བོད་ནས་ཕྱིར་ལོག་དགོས་པ་དང་། ང་ཚོར་རང་དབང་དགོས། ང་ཚོར་ཞི་བདེ་དགོས་པ་སོགས་ཀྱི་ཞུ་སྐུལ་གནང་སྟེ་ངོ་རྒོལ་གྱི་ལས་འགུལ་སྤེལ་སྟབས། གཞོན་ནུའི་ལས་འགུལ་བ་ ༣༥ ལྷག་ཙམ་རྒྱ་ནག་གཞུང་ཚབ་ལས་ཁུངས་མདུན་ནས་འཛིན་བཟུང་བྱས་འདུག གཞི་རྩའི་རྒྱ་ནག་སྤྱི་བདེ་ལས་ཁུངས་ཀྱི་བློན་ཆེན་ Zhao Kezhi ནས་ད་རེས་རྒྱ་ནག་གི་ཆེས་མཐོའི་དཔོན་རིགས་ཁྱོན་ ༣༠ ལྷག་ཙམ་དང་མཉམ་དུ་ཚེས་ ༢༡ ནས་ ༢༥...