གཡུང་དྲུང་བོན་གྱི་རཏྣ་སྨན་གླིང་བཙུན་དགོན་དུ་སྐབས་དང་པོའི་དགེ་བཤེས་མ་ཐོན་མཁན་ལྔ་བྱུང་བ།

ཁ་སང་ས་ག་ཟླ་བའི་ཚེས་པ་ ༡༥ དུས་ཁྱད་ཉིན་མོ་དང་བསྟུན་རྒྱ་གར་བྱང་ཕྱོགས་ལྡེ་ར་ལྡུན་ནང་དུ་ཡོད་པའི་གླིང་ཚང་བོད་མིའི་གཞིས་སྒར་དུ་རྟེན་གཞི་བྱས་པའི་བཙུན་མའི་ས་སྐྱ་མཐོ་སློབ་ཏུ་༸དཔལ་ལྡན་ས་སྐྱ་པའི་བསྟན་པའི་དེ་ལྟ་བུ་བྱུང་བའི་ཁྲོད་ཀྱི་བཙུན་མ་གསུམ་ལ་ཆེས་ཐོག་མའི་མཁན་མོའི་མཚན་གནས་གསོལ་སྩལ་གནང་འདུགཁ་སང་ས་ག་ཟླ་བའི་ཚེས་པ་ ༡༥ ཉིན་བོད་གངས་ཅན་པའི་ལྗོངས་སུ་༸དཔལ་ལྡན་ས་སྐྱ་པའི་བསྟན་པ་ཐོག་མར་དབུ་ཚུགས་པ་ནས་བཟུང་ད་བར་ལོ་ངོ་ ༩༤༩ ཡི་དེ་བྱུང་ཁྲོད་ཀྱི་བསྟན་པ་འཛིན་སྐྱོང་སྤེལ་གསུམ་གནང་བར་གཞུང་ཆེན་དག་ལ་བསླབ་པ་སློབ་གཉེར་གནང་བའི་ཐུན་མིན་སྲོལ་ལུགས་ལས་བཙུན་མ་རྣམས་ཀྱིས་གཞུང་ཆེན་ཁག་ལ་སློབ་གཉེར་གནང་མཐར་མཁན་མོའི་མཚན་གནས་དང་ཕྱག་འཁྱེར་གསོལ་སྩལ་གནང་བའི་སྲོལ་ཐོག་མ་དབུ་འཛུགས་གནང་ཡོད་པ་རེད།མཁན་མོའི་མཚན་གནས་དང་ཕྱག་འཁྱེར་གསོལ་སྩལ་གྱི་མཛད་སྒོའི་སྐུ་མགྲོན་གཙོ་བོར་༸དཔལ་ས་སྐྱའི་འཁོན་གདུང་ཨ་སངྒ་བཛྲ་རིན་པོ་ཆེ་མཆོག་ཆིབས་བསྒྱུར་བསྐྱངས་ཏེ་༸དཔལ་ས་སྐྱ་པའི་༸གོང་མ་ཁྲི་འཛིན་ ༤༣ པ་འཁོན་གདུང་ཛྙ་ན་བཛྲ་རིན་པོ་ཆེ་མཆོག་གིས་མཁན་མོ་གསུམ་པོར་སྩལ་བའི་སྐྱབས་སྨོན་བཅས་མཛད་པའི་མངོན་བསྟོད་ཀྱི་ཕྱག་འཁྱེར་གསོལ་སྩལ་གནང་འདུགརླུང་འཕྲིན་ཁང་གིས་བཙུན་མའི་ས་སྐྱ་མཐོ་སློབ་ཀྱི་མཁན་རིན་པོ་ཆེ་ཡེ་ཤེས་ཚེ་རིང་ལགས་དང་མཁན་མོའི་མཚན་གནས་བཞེས་མཁན་བཙུན་མ་ཀུན་དགའ་དཔལ་སྒྲོན་ལགས་རྣམ་གཉིས་ལ་མཁན་མོའི་མཚན་གནས་བཞེས་པ་དང་འབྲེལ་བའི་བཀའ་འདྲི་ཁག་གཅིག་ཞུས་ཡོད།གཞི་རྩའི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དུས་རབས་དང་མཐུན་པའི་ལམ་སྟོན་སྔ་རྗེས་སུ་ཡང་ཡང་ཕེབས་དོན་ལྟར་ཕྱི་ལོ་ ༢༠༡༦ ལོ་ནས་བོད་ཀྱི་ལོ་རྒྱུས་ཐོག་གི་ཆེས་ཐོག་མའི་དགེ་བཤེས་མའི་མཚན་གནས་བཞེས་རྒྱུ་དབུ་འཛུགས་གནང་ཡོད་པ་དང་། དེ་བཞིན་འདི་ལོའི་ཕྱི་ཟླ་ ༣ ཚེས་ ༡༡ ཉིན་རྡོ་ལན་ཇི་བོན་གཞིས་ནང་རྟེན་གཞི་བྱས་པའི་གཡུང་དྲུང་བོན་གྱི་རཏྣ་སྨན་གླིང་བཙུན་དགོན་གྱི་སྐབས་དང་པོའི་དགེ་བཤེས་མ་ཐོན་མཁན་བཙུན་མ་ལྔ་བྱུང་ཡོད་པ་རེད།

ཧི་མ་ཅལ་མངའ་སྡེའི་གྲོང་ཁྱེར་སོ་ལན་ཉེ་འཁྲིས་སུ་ཆགས་པའི་རྡོ་ལན་ཇི་བོན་གཞིས་ནང་རྟེན་གཞི་བྱས་པའི་གཡུང་དྲུང་བོན་གྱི་རཏྣ་སྨན་གླིང་བཙུན་དགོན་གྱི་སྐབས་དང་པོའི་དགེ་བཤེས་མ་ཐོན་མཁན་ཁོངས་སུ་བཙུན་མ་ལྔ་བྱུང་འདུག  དེ་ཡང་ཉེ་ལམ་ཕྱི་ཚེས་ ༡༡ ཉིན་གྱི་སྔ་དྲོར་རཏྣ་སྨན་གླིང་བཙུན་དགོན་དུ་ ༸ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་༸སྐྱབས་རྗེ་སྨན་རི་ཁྲི་འཛིན་ ༣༤ པ་ལུང་རྟོགས་ཟླ་བ་དར་རྒྱས་རིན་པོ་ཆེ་མཆོག་གི་དབུས་པའི་སྨན་རི་སློབ་དཔོན་རིན་པོ་ཆེ།   དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་ཆོས་རིག་དྲུང་ཆེ་འཆི་མེད་ཚེ་དབྱངས་ལགས་དང་མཁན་པོ་དགེ་བཤེས།  དགེ་བཙུན་སོགས་ནས་དགེ་བཤེས་མའི་མཛད་སྒོར་ལྷན་འཛོམགས་གནང་སྟེ་ ༸སྐྱབས་རྗེ་སྨན་རི་ཁྲི་འཛིན་ ༣༤ པ་ལུང་རྟོགས་ཟླ་བ་དར་རྒྱས་རིན་པོ་ཆེ་མཆོག་གིས་སྐབས་དང་པོའི་དགེ་བཤེས་མ་ཐོན་མཁན་ཚོར་ཕྱག་འཁྱེར་གསོལ་བསྩལ་གནང་འདུག གཞི་རྩའི་རཏྣ་སྨན་གླིང་བཙུན་དགོན་དེ་ནི་ཕྱི་ལོ་ ༢༠༠༡ ལོའི་ཕྱི་ཟླ་ ༤ ཚེས་ ༡༡ ཉིན་༧སྐྱབས་རྗེ་༧སྨན་རིའི་མཁན་ཆེན་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་དཔལ་བཟང་པོ་མཆོག་གིས་ཕྱག་བཏབ་གནང་བ་ཞིག་རེད།  བཙུན་དགོན་དེ་ནི་བོད་ཀྱི་ཕྱི་ལོགས་སུ་བོན་གྱི་བཙུན་དགོན་ཐོག་མ་དེ་ཆགས་ཀྱི་ཡོད་པ་དང་བཙུན་དགོན་དེའི་ནང་བཙུན་མ་བརྒྱད་ཅུ་ཙམ་ཡོད་པ་རེད་འདུག གཤམ་ལ་རཏྣ་སྨན་གླིང་བཙུན་དགོན་གྱི་མཚན་ཉིད་དགེ་བཤེས་བསྟན་འཛིན་ཀུན་ཁྱབ་ལགས་སུ་དེ་འབྲེལ་རྒྱབ་ལྗོངས་དང་དགེ་བཤེས་མའི་ཕྱག་འཁྱེར་བཞེས་མཁན་བཙུན་མ་ལྔ་ཡོད་པའི་ཁྲོད་དགེ་བཤེས་མ་ཕུན་ཚོགས་ཚུལ་འཛིན་ལགས་དང་།  ཆོས་འཁོར་ཚང་དྲང་སྲོང་གཡུང་དྲུང་ཚུལ་ཁྲིམས་ལགས་རྣམ་གཉིས་སུ་རང་ཉིད་ཀྱི་མྱོང་ཚོར་དང་སླད་མར་ག་རེ་གནང་འཆར་ཡོད་མེད་སོགས་དང་འབྲེལ་བཀའ་འདྲི་ཞུས་ཡོད།