གློད་བཀྲོལ།

གློད་བོད་ནང་གི་འགྲོ་བ་མིའི་ཐོབ་ཐང་གི་གནད་དོན་དག་ལོ་རེར་ཇེ་ཞན་ཇེ་སྡུག་ཏུ་འགྲོ་བཞིན་པའི་ཁྲོད་  Australia Tibet Council ཞེས་ཨོ་སི་ཊོ་ལི་ཡ་བོད་དོན་ལྷན་ཁང་གིས་ཨོ་སི་ཊོ་ལི་ཡའི་ཕྱི་སྲིད་བློན་ཆེན་ལྕམ་སྐུ་ Marise Payne མཆོག་དང་ཨོ་སི་ཊོ་ལི་ཡའི་བོད་དོན་རྒྱབ་སྐྱོར་ཚོགས་པའི་ཚོགས་མི་རྣམས་ནས་རྒྱ་ནག་གཞུང་གིས་ཁྲིམས་མེད་ལུགས་མེད་ཀྱིས་བོད་མི་འཛིན་བཟུང་བྱས་པ་རྣམས་འཕྲལ་མར་གློད་བཀྲོལ་དང་དེ་བཞིན་བཀག་ཉར་འོག་བོད་མི་འདས་གྲོངས་སུ་གྱུར་བ་སོགས་ཀྱི་གནད་དོན་ཐད་རྟོག་ཞིབ་བྱེད་དགོས་པའི་གནོན་ཤུགས་སྤྲོད་དགོས་ཞེས་གསུངས་འདུག ཉེ་ལམ་ཨོ་སི་ཊོ་ལི་ཡ་བོད་དོན་ལྷན་ཁང་གིས་རྒྱ་ནག་གཞུང་གིས་བོད་ནང་གི་བོད་མིའི་ཐོག་དམ་དྲག་སྔར་ལྷག་དང་བོད་མི་གང་བྱུང་དུ་འཛིན་བཟུང་དང་དེ་བཞིན་བོད་མིའི་ཐོག་བསམ་ཡུལ་ལས་འདས་པའི་སྡུག་སྦྱོང་མནར་གཅོད་གཏོང་བཞིན་པའི་གནད་དོན་ཁག་མངོན་གསལ་གྱིས་དཔྱད་རྩོམ་སྤེལ་འདུག་པ་དང་། དཔྱད་རྩོམ་ནང་ཉེ་ལམ་བོད་ཁམས་འབྲི་རུ་རྫོང་ནས་ཡིན་པའི་ཕྲུ་གུ་གསུམ་གྱི་ཨ་མ་ལྷ་མོ་ལགས་རྒྱ་ནག་གིས་བཙོན་ཁང་དུ་གཅར་རྡུང་བཏང་བའི་རྐྱེན་གྱིས་འདས་གྲོངས་སུ་གྱུར་བའི་གནས་ཚུལ་ལུང་འདྲེན་གྱིས་རྒྱ་གཞུང་གིས་བོད་ནང་གི་བོད་མི་རྣམས་ནས་སྲིད་གཞུང་གི་ལྟ་གྲུབ་དང་འགལ་བའི་བྱ་སྤྱོད་སྤེལ་ཁག་ལ་རྒྱལ་ཁབ་ཀྱི་བདེ་འཇགས་ལ་ཉེན་འཚབ་བཟོ་མཁན་ཞིག་ཏུ་ངོས་འཛིན་དང་བོད་མི་དེ་དག་ལ་འཇིགས་སྐུལ་བ་དང་ཁ་བྲལ་བ་ཟེར་ནས་དྲག་གནོན་དང་འཛིན་བཟུང་གིས་མནར་གཅོད་གཏོང་གི་ཡོད་པ་མངོན་གསལ་གནང་འདུག དཔྱད་རྩོམ་ནང་ལྷ་མོ་ལགས་དམ་པ་ཙམ་མིན་པར་ཕྱི་ལོ་ ༢༠༡༩ ལོའི་ཟླ་ ༤ པ་ནས་བཟུང་རྒྱ་གཞུང་གིས་བཙོན་ཁང་ནང་གཅར་རྡུང་རྐྱེན་གྱིས་གཟུགས་གཞི་གནས་བབ་ཧ་ཅང་ཞན་པོར་གྱུར་བའི་ཆབ་སྲིད་བཙོན་ཟུར་ཚེ་མགོན་རྒྱལ་ལགས་ཀྱིས་གཙོས་པའི་དེ་སྔ་ཕྱི་ལོ་ ༡༩༩༢ ཟླ་ ༥ ཚེས་ ༡༢ ཉིན་ལྷ་སར་དགེ་འདུན་པ་ ༡༦ དང་ལྷན་དུ་ཞི་རྒོལ་གནང་རྐྱེན་ལོ་ངོ་བདུན་རིང་བཙོན་ཁང་དུ་བཞུགས་མྱོང་ཡོད་པ་ཆབ་སྲིད་བཙོན་ཟུར་བསམ་གྲུབ་བམ་ཆོས་མིང་དུ་འཕྲིན་ལས་ཆོས་ལྡན་ལགས་གཅིན་སྙི་ཟ་ཁུའི་ནད་གཞི་ཕོག་པར་འདི་ལོ་མགོ་སྟོད་དུ་སྐུ་འདས་གྲོངས་སུ་གྱུར་སྐོར། དེ་བཞིན་ལོ་ངོ་གཅིག་ལྷག་འཛིན་བཟུང་བཀག་ཉར་རྗེས་མཐར་ཕྱི་ལོ་ ༢༠༡༩...

ཟླ་བ་འདིའི་ཚེས་ ༦ ཉིན་རྫ་སྨད་དབོན་པོ་དགོན་གྱི་དགེ་འདུན་པ་ཆོས་མཆོག་ལགས་སེར་ཤུལ་རྫོང་ཐོག་ནས་བཙོན་གྲོལ་བཏང་འདུག རྒྱ་གར་ལྷོ་ཕྱོགས་སེར་བྱེས་གྲྭ་ཚང་བྱ་བྲལ་ཁང་ཚན་དབོན་པོ་དགོན་གྱི་དགེ་འདུན་པ་བྱམས་པ་ཡོན་ཏན་ལགས་ཀྱིས་འདི་གར་གནས་ཚུལ་ངོ་སྤྲོད་གནང་བར་གྲྭ་ཆོས་མཆོག་ལགས་དེ་སྔ་ ༢༠༡༧ ཟླ་ ༡༢ མཇུག་ཏུ་དར་ལག་རྫོང་ཐོག་ནས་འཛིན་བཟུང་བྱས་ཡོད་པ་དང་ཁོང་འཛིན་བཟུང་མ་གནང་བའི་སྔོན་དུ་ཟླ་ ༡༢ ཚེས་ ༢༣ ཉིན་རྒྱལ་གཅེས་དཔའ་བོ་དཀོན་པེ་ལགས་ཀྱིས་རྔ་བ་ནས་རང་ལུས་མེར་བསྲེགས་གནང་བའི་སྐུ་པར་ཞིག་ཁོང་གི་སྐད་འཕྲིན་རྒྱབ་ལྗོངས་སུ་བཞག་ཡོད་སྟབས་དེ་ཉིན་མཚོན་མོར་ཁོང་འཛིན་བཟུང་བཙན་ཁྲིད་ཀྱིས་ད་བར་ར་རྔ་རྫོང་མི་དམངས་བཙོན་ཁང་དུ་བཙོན་འཇུག་བྱས་ཡོད་པ་རེད། འོན་ཀྱང་ཉེ་ཆར་ཟླ་ ༢ ཚེས་ ༦ ཉིན་བཙོན་གྲོལ་ཐོབ་ཡོད་པ་ཤེས་པ་ཙམ་ལས་དེ་མིན་ཁོང་འཛིན་བཟུང་བྱེད་དོན་དང་ད་ལྟའི་ཆར་གཟུགས་གཞིའི་གནས་སྟངས་གང་འདྲ་ཡོད་མེད་སོགས་ཞིབ་ཕྲའི་གནས་ཚུལ་གང་ཡང་ཤེས་རྟོགས་ཐུབ་ཀྱི་མེད་པ་རེད། རྩ་བའི་དགེ་འདུན་པ་ཆོས་མཆོག་ལགས་ནི་རྒྱ་གཞུང་གིས་དབྱེ་བའི་ཟི་ཁྲོན་ཞིང་ཆེན་དཀར་མཛེས་ཁུལ་བོད་རིགས་རང་སྐྱོང་ཁུལ་སེར་ཤུལ་རྫོང་རྫ་ཆུ་ཁ་རྫ་སྨད་དབོན་པོ་དགོན་པ་ནས་ཡིན་པ་རེད།

འདི་ལོ་ཕྱི་ཟླ་ ༣ ཚེས་ ༧ ཉིན་བོད་རང་སྐྱོང་ལྗོངས་ཀྱི་ཁོངས་ནག་ཆུ་ས་ཁུལ་དུ་ཡོད་པའི་ཤག་རོང་པོ་དགོན་གྱི་གྲྭ་ཆབ་སྲིད་བཙོན་པ་ངག་དབང་རྒྱལ་མཚན་ལགས་ལྷ་ས་ཉེ་ཁུལ་གྲྭ་བཞི་བཙོན་ཁང་ནས་ལོ་གསུམ་གྱི་བཙོན་འཇུག་དུས་ཡུན་རྫོགས་ཡོད་པ་ལྟར་ཁོང་བཙོན་གྲོལ་བཏང་འདུག རྒྱ་གཞུང་ཉེན་རྟོག་པས་ཁོང་གི་ནང་མིར་བརྡ་ལན་གང་ཡང་མ་སྤྲད་པར་ཁོང་དང་མཉམ་དུ་ཉེན་རྟོག་པ་ཡོང་ནས་གསང་བའི་ངང་ཁོང་གི་ཁྱིིམ་དུ་བསྐྱལ་འདུག་པ་དང་། ཡུལ་མི་ཚོས་ཁོང་གློད་བཀྲོལ་བཏང་བ་ཤེས་རྗེས་རིམ་བཞིན་ཉེ་འབྲེལ་དང་གྲོགས་པོ། དེ་བཞིན་ཡུལ་མི་མང་པོས་ཁོང་ལ་གདུང་སེམས་བསྐྱེད་དང་དགའ་བསུ་ཞུ་ཕྱིར་ཁྱིམ་དུ་ཆེད་བཅར་གྱིས་མཇལ་དར་ཕུལ་བ་ཙམ་ལས་ཁོང་གི་སྐུ་གཟུགས་ཀྱི་གནས་སྟངས་དང་། བཙོན་ལ་བཞུགས་ཚེ་མནར་གཅོད་ཇི་ལྟར་གཏང་ཡོད་མེད་སྐོར་ཁ་གསལ་གང་ཡང་ཤེས་རྟོགས་ཐུབ་མེད་པ་རེད། ཁོང་གློད་བཀྲོལ་ཐོབ་ནས་ཟླ་བ་གསུམ་ལྷག་སོང་ཡོད་ཀྱང་ཕྱི་ལ་གནས་ཚུལ་འབྱོར་མི་ཐོབ་པའི་རྒྱུ་མཚན་ནི་ཡུལ་དེར་རྒྱ་གཞུང་གིས་དམ་བསྒྲགས་ཆེ་བ་དང་འཕྲིན་ལམ་ཡང་བཀག་སྡོམ་ཤུགས་ཆེན་པོ་བྱེད་བཞིན་ཡོད་པ་མ་ཟད། ལྷག་པར་དུ་རྒྱ་གཞུང་གིས་ཆེད་གཏོང་བྱས་པའི་ནག་ཚོགས་གཙང་སེལ་ཟེར་བའི་ལས་འགུལ་འོག་ཡུལ་མི་ཀུན་གྱི་འཕྲིན་ལམ་དང་ཁ་པར་སྔོག་གཤེར་དང་། ཉེས་མིང་སྣ་ཚོགས་བཀལ་ནས་དཀའ་ངལ་ཧ་ཅང་སྤྲོད་བཞིན་ཡོད་རྐྱེན་ སྐབས་འཕྲལ་ཕྱི་ཕྱོགས་ལ་ཁོང་གློད་བཀྲོལ་བཏང་བའི་གནས་ཚུལ་ཐོན་ཐུབ་མེད་པ་རེད་འདུགགྲྭ་ངག་དབང་རྒྱལ་མཚན་ལགས་ནི་ནག་ཆུ་རྫོང་རྟར་ཆེན་ཡུལ་ཚོའི་གོང་གསུམ་ཟེར་བའི་གྲོང་པ་ཞིག་ནང་ ༡༩༧༥ ལོར་སྐྱེས་ཡོད་པ་དང་། ཆུང་དུས་ནས་ཤག་རོང་པོ་དགོན་དགའ་ལྡན་དར་རྒྱས་གླིང་དུ་ཆོས་ཞུགས་གནང་ནས་དགོན་པའི་འདོན་རྟ་དབྱངས་ཐིག་རྡུལ་མཚོན་གར་འཆམ་སོགས་ལ་སློབ་གཉེར་ཡག་པོ་གནང་བ་དང་། དགོན་པའི་དགེ་སྐོས་གནང་མྱོང་ཡོད་པ་དང་། རྗེས་སུ་དགོན་པའི་ལམ་སྟོན་འོག་གྲྭ་རྒྱུན་ཁ་ཤས་མཉམ་དུ་བོད་ཀྱི་རྒྱལ་ས་ལྷ་ས་རུ་ལོ་མང་རིང་ལྷ་བྲིས་སྦྱང་བརྩོན་མཐར་ཕྱིན་གནང་པ་མ་ཟད་ཁོང་གིས་རོང་པོ་དགོན་པའི་འདུ་ཁང་གསར་ཞིང་གི་མཚོན་རིས་དང་ལྡེབས་རིས་བྲིས་པ་སོགས་ཕྱག་ལས་མང་པོ་གནང་མྱོང་འདུག དགོན་པའི་སྒྲིག་ཁོངས་སུ་ཡོད་དུས་རྒྱ་གཞུང་གིས་དགོན་པར་ཆབ་སྲིད་སློབ་གསོ་སྤྲོད་སྐབས་ཁོང་དང་རྒྱ་གཞུང་ལས་བྱེད་དབར་ཁ་རྩོད་ཐེངས་མང་ཤོར་ཡོད་སྟབས། ཤག་རོང་པོ་དགོན་ལ་ ༢༠༡༠ ལོ་ལྔ་ཉི་ཤུའི་དོན་རྐྱེན་ཟེར་བར་བསྙད་ནས་དགོན་པའི་གྲྭ་པ་ཀུན་ཉེས་མིང་སྣ་ཚོགས་དང་། ལྷག་པར་དུ་༸གོང་ས་མཆོག་དང་དགོན་པའི་བླ་མ་རྣམས་ལ་དགག་པ་གནང་དགོས་པ་དང་། ཁོ་ཚོ་དང་འབྲེལ་བ་བྱེད་མི་ཆོག་ཟེར་ནས་བསུན་གཙེར་ཚད་མེད་པར་བཟོས་པར་བརྟེན་གྲྭ་པ་མང་པོ་ཞིག་དགོན་པ་དང་ཁ་བྲལ་དགོས་བྱུང་བའི་ཁོངས་སུ་ངག་དབང་རྒྱལ་མཚན་ལགས་ཀྱང་ཚུད་ཡོད་པ་རེད། ཁོང་དེ་སྔོན་ ༢༠༡༥ ཟླ་ ༢...

བོད་ཀྱི་ཆབ་སྲིད་བཙོན་པ་གྲྭ་ཆོས་ཀྱིས་ལགས་གློད་བཀྲོལ་ཐོབ་ཡོད་ནའང་ཁོང་གི་འཕྲོད་བསྟེན་གྱི་གནས་བབས་ཛ་དྲག་ཆགས་ཡོད་པར་བརྟེན་ཁོང་གི་གནས་བབས་དེར་བློ་འཚབ་གནང་མཁན་མང་དུ་འགྲོ་བཞིན་ཡོད་པ་རེད། གྲྭ་ཆོས་ཀྱིས་ལགས་ནི་རྒྱ་ནག་དམར་ཤོག་ཚོགས་པར་ངོ་ལོག་གནང་མཁན་གྱི་ཕྱོགས་གཏོགས་ཡིན་པར་བསྙད་ནས་ཕྱི་ལོ་ ༢༠༡༥ ལོར་ལོ་བཞིའི་བཙོན་འཇུག་ཁྲིམས་ཐག་བཅད་ཡོད་པ་དང་། ཁོང་འདི་ལོའི་ཟླ་ ༡ ཚེས་ ༡༨ དགུང་མོར་ཉེན་རྟོག་རུ་ཁག་གི་ལྟ་སྲུང་ནན་པོའི་ངང་བཙོན་གྲོལ་བཏང་ཡོད་པ་རེད། ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་རྒྱ་ནག་གཞུང་གིས་ཁོང་གི་འཕྲོད་བསྟེན་གྱི་གནས་སྟངས་ཤིན་ཏུ་ཞན་པོ་ཆགས་ཡོད་སྟབས་བཙོན་ཁང་དུ་འཆི་མ་དགོས་པར་ཟླ་བ་ལྔ་ཙམ་གོང་སྔ་སྣུར་གྱིས་བཙོན་གྲོལ་བཏང་ཡོད་པ་རེད་ཅེས་བཀོད་འདུག གྲྭ་ཆོས་ཀྱིས་ལགས་འཛིན་བཟུང་མ་གནང་སྔོན་ནས་མཁལ་མའི་ནད་གཞི་ཡོད་པ་དང་། འཛིན་བཟུང་བྱས་རྗེས་ཁོང་ཁེར་རྐྱང་བཙོན་འཇུག་གི་གནས་བབས་སུ་བསྐྱལ་ནས་མནར་གཅོད་བཏང་ཡོད་པ་མ་ཟད། ཕྱིས་སུ་ས་རྐོ་རྡོ་སློག་སོགས་ཀྱིས་མཚོན་པའི་ལམ་བཟོའི་ངལ་རྩོལ་ཤུགས་ཆེན་པོ་གནང་བཅུག་ཡོད་སྟབས།  ནད་གཞི་ཇེ་སྡུག་ཏུ་ཕྱིན་ནས་ད་ཆ་སྐུ་གཟུགས་ཧ་ཅང་ཞན་པས་འཕྲོད་བསྟེན་གྱི་གནས་བབས་ཛ་དྲག་ཆགས་ཡོད་པ་རེད།རླུང་འཕྲིན་ཁང་ནས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་སུ་བོད་ཀྱི་ཆབ་སྲིད་བཙོན་པ་ཆོས་ཀྱིས་ལགས་ཀྱིས་གཙོས་པའི་བཙོན་ཁང་དུ་མནར་གཅོད་རིགས་དུ་མ་མྱོང་བཞིན་པའི་གནད་དོན་དང་འབྲེལ་བའི་ཐོག་བཀའ་འདྲི་ཞུས་པར་འདྲི་གཅོད་ཀྱི་གོ་རིམ་བརྒྱུད་ནས་ཚད་ལས་བརྒལ་བའི་མནར་གཅོད་གཏོང་བཞིན་པ་མ་ཟད་ངལ་རྩོལ་གྱི་ལས་ཀ་ཤིན་ཏུ་ལྗིད་པའི་ཁར་བཙོན་ཁང་དུ་སྨན་བཅོས་སོགས་ཀྱི་མཐུན་རྐྱེན་མེད་སྐོར་ངོ་སྤྲོད་གནང་ཡོད། ཆོས་ཀྱིས་ལགས་གནས་སྐབས་སུ་ཁོང་གི་ཡུལ་ཚོ་གསེར་རྟར་བཞུགས་ཡོད་ནའང་། འཕྲོད་བསྟེན་གྱི་གནས་བབས་ཛ་དྲག་ཆགས་ཏེ་སྒལ་གཞུང་དང་རྐང་པ་སོགས་ན་ནས་དཀའ་ངལ་ཆེན་པོ་འཕྲད་བཞིན་ཡོད་སྟབས། ཁོང་གིས་སྨན་བཅོས་གནང་ཐབས་ལ་འབད་བརྩོན་གནང་བཞིན་ཡོད་ཀྱང་། རྒྱལ་ནག་གཞུང་གིས་གོང་རིམ་ནས་ཆོག་མཆན་མེད་པར་སྨན་ཁང་དུ་སྨན་བཅོས་གནང་བཅུག་མེད་པ་མ་ཟད་ཐ་ན་ཁོང་གི་དགོན་པ་རུ་ཕེབས་མ་བཅུག་པར་བརྙན་མིག་གི་ལྟ་སྲུང་འོག་བཀག་ཉར་བྱས་ཡོད་པ་རེད།

ཕྱི་ལོ་ ༢༠༡༥ ལོར་རྒྱ་གཞུང་གིས་འཛིན་བཟུང་བཙོན་བཅུག་བྱས་པའི་བོད་གསེར་རྟ་ཕུ་གུ་དགོན་པའི་ཆབ་སྲིད་བཙོན་པ་གྲྭ་ཆོས་ཀྱིས་ལགས་ད་ལྟའི་ཆར་རྒྱ་གཞུང་གི་བཙོན་ཁང་དུ་གཟུགས་གཞིའི་གནས་སྟངས་ཧ་ཅང་ཞན་པོ་ཆགས་ཡོད་པ་རེད་འདུག དེ་སྔ་ཕྱི་ལོ་ ༢༠༡༥ ལོའི་ཕྱི་ཟླ་ ༦ པའི་ནང་བོད་མི་གྲྭ་ཆོས་ཀྱིས་ལགས་གློ་བུར་དུ་རྒྱ་ནག་གཞུང་གིས་བཙན་བཟུང་བྱས་པའི་གནས་ཚུལ་ཐོན་ཡོད་ཀྱང། སྐབས་དེར་ཁོང་འཛིན་བཟུང་བྱེད་དགོས་པའི་ནག་ཉེས་གང་བསགས་ཡོད་པ་ཁ་གསལ་ཤེ་རྟོགས་བྱུང་མེད་པ་མ་ཟད། ས་གནས་སུ་རྒྱ་གཞུང་གིས་ཁ་པར་དང་དྲ་ལམ་ཁག་ཏུ་དམ་དྲག་བྱེད་རྐྱེན་ད་བར་ཕྱི་ཕྱོགས་སུ་ཁོང་དང་འབྲེལ་བའི་ཞིབ་ཕྲའི་གནས་ཚུལ་གང་ཡང་ཤེས་རྟོགས་མེད་པར་ལུས་ཡོད་པ་རེད། དེ་རིང་འདི་ག་རླུང་འཕྲིན་ཁང་ལ་མཚན་བརྗོད་འདོད་མེད་པའི་བོད་མི་ཞིག་གིས་ཆབ་སྲིད་བཙོན་པ་གྲྭ་ཆོས་ཀྱིས་ལགས་ཀྱི་སྐོར་གནས་ཚུལ་མཁོ་སྤྲོད་གནང་བར་གྲྭ་ཆོས་ཀྱིས་ལགས་ཀྱིས་ཕྱི་ལོ་ ༢༠༡༥ ལོར་༸སྐུའི་གྱ་སྟོན་དང་འབྲེལ་བའི་སྟོད་གོས་བཟོས་པ་དང། སྐད་འཕྲིན་ཐོག་ཆབ་སྲིད་དང་འབྲེལ་བའི་པར་རིས་བཞག་པ་བཅས་ལ་བརྟེན། ཕྱི་ལོ་ ༢༠༡༥ ལོ་དེ་རང་དུ་རྒྱ་གཞུང་གིས་གྲྭ་ཆོས་ལགས་ལ་རྒྱལ་ཁབ་ཁ་བྲལ་གྱི་ཉེས་མིང་འོག་ལོ་བཞིའི་རིང་བཙོན་བཅུག་ཁྲིམས་ཐག་བཅད་ནས་མི་ཉག་ར་རྔ་སྒང་བཙོན་ཁང་དུ་བཙོན་འཇུག་བྱས་ཡོད་པ་རེད་འདུག དེ་བཞིན་གནས་ཚུལ་མཁོ་སྤྲོད་པས་ཁོང་འཛིན་བཟུང་མ་གནང་སྔོན་ནས་ནད་གཞི་མང་པོ་ཕོག་རྐྱེན་སྐུ་གཟུགས་ཧ་ཅང་སྐྱོ་པོ་ཆགས་ཡོད་པ་དང་། བཙོན་ཁང་དུ་བཙོན་པ་གཞན་ལྟར་མི་འདྲ་བ་ཁོང་ལ་ལྟ་རྟོག་ནན་པོ་བྱེད་ཀྱི་ཡོད་པ་་མ་ཟད། གཟུགས་གཞིའི་གནས་སྟངས་ཞན་པའི་འོག་བཙན་དབང་གིས་ལས་ཀ་མང་པོར་བྱེད་བཅུག་པར་བརྟེན་ད་ལྟའི་ཆར་ཉིན་རེ་བཞིན་གཟུགས་གཞིའི་གནས་སྟངས་ཇེ་ཞན་ཇེ་སྡུག་ཏུ་འགྲོ་བཞིན་ཡོད་པ་དང་། ལྷག་པར་དུ་དེ་སྔའི་ནང་མི་ཚོ་ཟླ་རེ་མཚམས་སུ་ཐུག་འཕྲད་ཀྱིས་ཟས་རིགས་དང་ཅ་དངོས་སོགས་སྐྱེལ་ཆོག་གི་ཡོད་ཀྱང་། འདི་ལོའི་ཟླ་ ༡༠ ནས་བཟུང་ཁོང་གི་ནང་མི་ཚོ་དང་ཐུག་འཕྲད་གནང་མི་ཆོག་པའི་བཙན་བཀའ་བཏང་ཡོད་སྐོར་གསུངས་སོང་། རྩ་བའི་བོད་མི་ཆབ་སྲིད་བཙོན་པ་གྲྭ་ཆོས་ལགས་ནི། རྒྱ་གཞུང་གིས་དབྱེ་བའི་ཟི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་གསེར་རྟ་རྫོང་སྙི་སྟོད་ཡུལ་ཚོ་ཞོ་སང་སྡེ་བ་ནས་ཡིན་པ་དང་། ཁོང་འཛིན་བཟུང་སྐབས་རང་ལོ་ ༣༧...