ཅེཀ་ནང་གི་གཙུག་ལག་སློབ་གཉེར་ཁང་ཁག་ཅིག་ཏུ་བོད་ཀྱི་རྒྱལ་དར་བསྒྲེངས་འཛུགས་ཀྱིས་༸གོང་ས་མཆོག་ལ་རྒྱབ་སྐྱོར་ཞུས་འདུག

ཉིན་ཤེས་སྔོན་༸གོང་ས་༸སྐྱབས་མགོན་ཆེན་པོ་མཆོག་ཅེཀ་སྤྱི་མཐུན་རྒྱལ་ཁབ་ཀྱི་རྒྱལ་ས་ Prague ནང་དུ་ཆིབས་སྒྲུར་མཛད་སྐབས། ཡུལ་དེའི་ནང་གི་གཙུག་ལག་སློབ་གཉེར་ཁང་ཁག་ཅིག་གིས་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱབ་སྐྱོར་མཚོན་ཕྱིར་སློབ་གཉེར་ཁང་དེ་དག་གི་འཛིན་སྐྱོང་ལས་ཁུངས་མདུན་དུ་བོད་ཀྱི་རྒྱལ་དར་བསྒྲེངས་འཛུགས་གནང་འདུག རྩ་བའི་ཟླ་བ་འདིའི་ཚེས་ ༡༨ ཉིན་༸གོང་ས་མཆོག་ཅེཀ་རྒྱལ་ས་ Prague ནང་དུ་ཆིབས་སྒྱུར་མཛད་པ་དང་བསྟུན་༸གང་ཉིད་མཆོག་གིས་ཅེཀ་སྤྱི་མཐུན་རྒྱལ་ཁབ་ཀྱི་རིག་གཞུང་བློན་ཆེན་སྐུ་ཞབས་ Daniel Herman མཆོག་དང་སྲིད་བློན་གཞོན་པ་ Pavel Bělobrádek དེ་བཞིན་ཡུལ་དེའི་གྲོས་ཚོགས་གོང་འོག་གཉིས་ཀྱི་ཚོགས་གཞོན་དབུས་པའི་དཔོན་རིགས་ཁག་ཅིག་དང་མཇལ་འཕྲད་མཛད་པ་མ་ཟད། ཡུལ་དེའི་གྲོས་ཚོགས་གོང་མའི་ནང་ཆིབས་སྒྱུར་གྱིས་གྲོས་ཚོགས་གོང་འོག་གཉིས་ཀྱི་འཐུས་མི་ ༤༨ ལྷག་དང་མཇལ་མོལ་གནང་ཡོད་པ་རེད། འོན་ཏང་ཡུལ་དེའི་སྲིད་འཛིན་ Milos Zeman མཆོག་དང། སྲིད་བློན་ Bohuslav Sobotka...