ཆབ་སྲིད་བཙོན་ཟུར་གྲྭ་བསྟན་འཛིན་ཆོས་གྲགས་ལགས་དགོངས་པ་རྫོགས་འདུག

མི་ལོ་ ༡༡ རིང་རྒྱ་གཞུང་གིས་ཆེས་དྲག་གནོན་འོག་བཙོན་འཇུག་ཁྲིམས་ཆད་མྱངས་པའི་བོད་ཀྱི་ཆབ་སྲིད་བཙོན་ཟུར་གྲྭ་བསྟན་འཛིན་ཆོས་གྲགས་ལགས་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་ཡོད་པ་རེད།དེའང་ཁ་ཉིན་ཟླ་ ༧ ཚེས་ ༢༦ ཉིན་བཞུགས་སྒར་དྷ་རྨ་ས་ལར་རྟེན་གཞི་བྱས་པའི་དབུས་བདེ་ལེགས་སྨན་ཁང་དུ་བོད་ཀྱི་ཆབ་སྲིད་བཙོན་ཟུར་གྲྭ་བསྟན་འཛིན་ཆོས་གྲགས་ལགས་དགུང་ལོ་ ༧༩ ཐོག་འདས་ལོའི་ནང་གནས་མཆོག་རྡོ་རྗེ་གདན་དུ་འཁྲུས་ཁང་ནང་བརྡབ་སྐྱོན་བྱུང་རྐྱེན་ཅན་རྡི་སྒར་དུ་སྨན་བཅོས་གནང་བ་མ་ཟད། དེ་བཞིན་དབུས་བདེ་ལེགས་སྨན་ཁང་དུ་ཡུན་རིང་སྨན་བཅོས་གང་དྲག་གནང་ཡང་དྲག་སྐྱེད་མ་བྱུང་བར་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་པ་དང་བསྟུན། བཙན་བྱོལ་བོད་མིའི་གནས་ཡུལ་རྒྱ་གར་གྱིས་གཙོས་པའི་རྒྱལ་ཁབ་འདྲ་མིན་ནང་གནས་བཞུགས་བོད་མི་གང་ཟག་སྒེར་དང་དེ་བཞིན་བོད་ཀྱི་དགུ་བཅུ་གསུམ་ལས་འགུལ་ཚོགས་པ་གཙོས་ཚོགས་སྐྱིད་ཁག་གིས་ཀྱང་ངོ་དེབ་སོགས་སྤྱི་ཚོགས་ཀྱི་བརྒྱུད་ལམ་ཁག་ཏུ་མྱ་ངན་གུས་བཏུད་དང་ཐུགས་གསོའི་གསུང་འཕྲིན་སོགས་ཀྱང་སྤེལ་དང་སྤེལ་མུས་རེད་འདུག ལྷག་པར་དུ་བོད་ཀྱི་དགུ་བཅུ་གསུམ་ལས་འགུལ་ཚོགས་པས་ཁོང་གློ་བུར་དུ་འདས་གྲོངས་སོང་བའི་གནས་ཚུལ་ཐོས་པ་དང་འཕྲལ་མ་ཉིད་དུ་འབྲེལ་ཡོད་མི་སྣ་བརྒྱུད་ནས་འདས་མཇུག་གི་ཕྱག་རོགས་ཞུ་འོས་ཅི་དགོས་དང། དེ་བཞིན་ཐེག་ཆེན་ཆོས་གླིང་གཙུགས་ལག་ཁང་དུ་ཆོས་འབུལ་བྱ་རྒྱུ་སོགས་ཆད་ལུས་མེད་པ་ཞུ་བཞིན་པ་དང་བཅས། དམ་པ་གང་ཉིད་གང་ཚོ་དང་དུས་གཏན་དུ་ཞལ་བྲལ་ཡང། ཁོང་གིས་ང་ཚོའི་མི་རིགས་དང་རྒྱལ་ཁབ་ཀྱི་དོན་དུ་འཐབ་རྩོད་གནང་བའི་ལོ་རྒྱུས་དེ་དུས་ནམ་ཡང་བོད་ཀྱི་རྒྱལ་རབས་ལོ་རྒྱུས་ནང་འཁོད་ངེས་རེད་ཅེས་ཁོང་གི་མཛད་རྗེས་ཁག་དྲན་གསོ་དང་མྱ་ངན་གུས་བཏུད་ཞུས་འདུགརྩ་བའི་གྲྭ་བསྟན་འཛིན་ཆོས་གྲགས་ལགས་དམ་པ་དེ་ཉིད་ཕྱི་ལོ་ ༡༩༤༡ ལོར་ནག་ཤོད་འབྲི་རུ་རྫོང་དུ་འཁྲུངས་པ་དང། དགུང་ལོ་ ༡༠ ལ་ཕེབས་སྐབས་འབྲི་རུ་རྫོང་གི་རབ་བརྟན་དགོན་དུ་ཆོས་ཞུགས་གནང་། དེ་རྗེས་ཕྱི་ལོ་ ༡༩༦༩ ལོར་འབྲི་རུ་ཁུལ་དུ་ས་གནས་རྒྱ་ནག་གཞུང་གི་དབང་སྒྱུར་ལ་བོད་མི་ཚོས་རྒྱ་གཞུང་ལ་གཞི་རྒྱ་ཆེ་བའི་ངོ་རྒོལ་གནང་རྗེས་རྒྱ་གཞུང་གིས་ཁོང་འཛིན་བཟུང་བྱས་ཡོད་པ་ལྟར། མི་ལོ་ ༡༡...