བཀའ་སྤྱི་གཉིས་ཀྱིས་༸གོང་ས་མཆོག་དགོངས་པ་མ་དྭངས་བར་དུ་བཟོད་གསོལ་ཞུ་རྒྱུ་ཡིན་ཅེས་གསུངས་སོང་།

དེ་རིང་སྔ་དྲོ་ཕྱག་ཚོད་བཅུ་དང་ཕྱེད་ཀའི་སྟེང་། གངས་སྐྱིད་སྲིད་སྐྱོང་ཚོགས་ཁང་དུ་བཀའ་སྤྱི་གཉིས་ཀྱིས་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་རིན་པོ་ཆེ་མཆོག་ལ་འཛམ་གླིང་སྙན་གྲགས་ཆེ་བའི་ནོ་སྦེལ་ཞི་བདེའི་གཟེངས་འབུལ་བཞེས་ཀྱི་རྗེས་དྲན་དགའ་སྟོན་མཛད་སྒོ་ཐེངས་ ༣༡ པ་སྲུང་བརྩི་ཞུས་སོང་།

དེ་རིང་ཟླ་ ༤ ཕྱི་ཚེས་ ༧ ཉིན་གྱི་སྔ་དྲོ་ཚོུད་ ༡༡།༠༠ ཡོལ་ཙམ་ལ་གངས་སྐྱིད་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་ལྷག་པ་ཚེ་རིང་དྲན་རྟེན་ཚོགས་ཁང་དུ་གཞུང་འབྲེལ་གྱི་གསར་འགོད་ལྷན་ཚོགས་ཐོག བཀའ་སྤྱི་གཉིས་ཀྱིས་༸གོང་ས་མཆོག་དགོངས་པ་མ་དྭངས་བར་དགོངས་སེལ་ཞུ་རྒྱུ་ཡིན་གསུངས་པ་དང་སྦྲགས། བོད་མི་མང་ཚོགས་ནས་ཆོལ་གསུམ་གཅིག་ཏུ་སྒྲིལ་རྒྱུའི་ཐོག་ནུས་མཉམ་སྤུངས་གནང་དགོས་པའི་འབོད་སྐུལ་ནན་པོ་གནང་སོང། གཞི་རྩའི་ཕྱི་ཟླ་ ༣ ཚེས་ ༢༣ བོད་ཀྱི་སྨན་རྩིས་དབུ་བརྙེས་ནས་ལོ་ ༡༠༠ འཁོར་བའི་དུས་དྲན་མཛད་སྒོའི་ཐོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་དང་སྨན་རྩིས་ཁང་གི་བོད་སྨན་སྡེ་ཚན་ངོས་ནས་ས་གནས་མང་ཚོགས་ཀྱི་འཕྲོད་བསྟེན་སྔོན་འགོག་དང་ཉམས་ཐག་ལྟ་སྐྱོང་ཐད་འཐུས་ཤོར་ཕྱིན་ཡོད་པ་མ་ཟད། སྤྱི་ཚོགས་ནང་ཡ་རབས་བཟང་སྤྱོད་ཀྱི་ཚད་གཞི་དམའ་རུ་འགྲོ་གྱི་འདུག་ཅེས་བཀའ་ནན་པོ་བསྩལ་ཡོད་པ་རེད། དེ་བཞིན་ཉེ་ཆར་སྐབས་བཅོ་ལྔ་པའི་གྲོས་ཚོགས་ཚོགས་དུས་མཐའ་མ་ལེགས་པར་གྲུབ་རྗེས། གཞུང་འབྲེལ་གྱི་སྤྱན་འདྲེན་སྐབས་སུའང་གཞུང་འབྲེལ་དགྲ་ལྷ་གནས་ཆུང་ཆོས་རྒྱལ་ཆེན་པོ་མཆོག་དང་། ལྷ་མོ་བཀྲིས་ཚེ་རིང་མ་གཉིས་ནས་ཀྱང་འདི་ལོའི་འོས་བསྡུའི་སྐབས་སུ་ཆོལ་ཁ་དང་ཆོས་བརྒྱུད་ཀྱི་འཐེན་འཁྱེར་བྱུང་བའི་རྐྱེན་གྱིས་༸གོང་ས་མཆོག་ཐུགས་ཕམ་བྱུང་ཡོད་པ་མ་ཟད། ཁ་བ་གངས་ཅན་པ་རྣམས་ཀྱི་བསོད་ནམས་དམན་པས་ནང་དུ་དམ་ཚིག་མི་ལྡན་ན་༸གང་ཉིད་ཀྱི་སྐུ་ཕྱྭར་འགན་ལེན་མི་བཟོད་པ་ཞིག་འདུག་ཅེས་སོགས་ཀྱི་བཀའ་ལུང་ལྕི་མོ་ཕེབས་པ་འབྲེལ། ༸གོང་ས་མཆོག་ལ་དགོངས་སེལ་ཞུ་དགོས་པ་བཅས་ཀྱི་བཀའ་ཕེབས་ཡོད་པ་རེད། དེ་རིང་བོད་མིའི་སྒྲིག་འཛུགས་ཀྱི་གཞུང་འབྲེལ་གསར་འགོད་ལྷན་ཚོགས་ཐོག བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་ བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྤེན་པ་ཚེ་རིང་མཆོག་རྣམ་གཉིས་དབུ་བཞུགས་ཐོག ༸གོང་ས་མཆོག་གི་བཀའ་སློབ་དང།...