བོད་ཀྱི་གནམ་གཤིས།

ཟླ་བ་འདིའི་ཕྱི་ཚེས་ ༢ ནས་ ༧ བར་ཡོ་རོབ་སུད་སི་གྲོང་ཁྱེར་ Geneva ནང་རྒྱལ་ཚོགས་ཀྱི་ IPCC ཞེས་ཁོར་ཡུག་ཐོག་རྒྱལ་སྤྱིའི་རྒྱལ་ཁབ་རྣམ་པའི་སྐུ་ཚབ་ཀྱི་བཞུགས་མོལ་ལྷན་ཚོགས་ཐེངས་ ༥༠ པ་དེ་ཚོགས་ཡོད་པ་དང་། ལྷན་ཚོགས་གྲུབ་མཚམས་སུ་རྒྱལ་ཚོགས་ཀྱི་ཚོགས་ཆུང་གིས་ Climate Change and the Land ཞེས་གནམ་གཤིས་འགྱུར་ལྡོག་དང་ས་གཞི་ཞེས་པའི་སྙན་ཐོ་ཞིག་ཡོངས་བསྒྲགས་འདོན་སྤེལ་གནང་ཡོད་པ་རེད། རྒྱལ་ཚོགས་ཀྱི་ཚོགས་ཆུང་དེའི་སྙན་ཐོ་དེ་ནི་རྒྱལ་སྤྱིའི་རྒྱལ་ཁབ་ ༥༢ ཀྱི་ཚན་རིག་མཁས་པ་ ༡༠༧ ནས་འཛམ་གླིང་གི་ས་གནས་འདྲ་མིན་ནང་གི་གནམ་གཤིས་འགྱུར་ལྡོག་དང་ས་གཞི་འགྱུར་བ། སྐྱེ་ལྡན་སྲོག་ཆག་ཀྱི་འཚོ་བ་དང་འགྱུར་གྲོས་སོགས་ཐོག་དཔྱད་ཞིབ་གནང་བའི་གྲུབ་དོན་ ༧༠༠༠...