བོད་ཀྱི་ཚབས་ཆེའི་གནམ་གཤིས་འགྱུར་ལྡོག་དང་འབྲེལ་དགོས་འདུན་གསུམ་ཆེད་འདོན།

ཕྱི་ཟླ་ ༡༠ ཚེས  ༣༡ ནས་ཕྱི་ཟླ་ ༡༡ ཀྱི་ཚེས་ ༡༢ བར་ཨིན་ཡུལ་གྱི་ཁྱབ་ཁོངས་སུ་གཏོགས་པའི་ Scotland གྲོང་ཁྱེར་ Glasgow རུ་ COP 26 ཞེས་རྒྱལ་ཚོགས་ཀྱི་གོ་ལའི་གནམ་གཤིས་འགྱུར་ལྡོག་གི་ལྷན་ཚོགས་ཤིག་སྐོང་ཚོགས་གནང་གི་ཡོད་པ་དང་བསྟུན་དེ་རིང་སྔ་དྲོར་བཞུགས་སྒར་མེག་གྷན་བཞི་མདོར་བཞུགས་སྒར་ས་གནས་འགོ་འཛིན་ལས་ཁུངས་ཀྱི་ཁོར་ཡུག་སྡེ་ཚན་དང་བོད་ཀྱི་དགུ་བཅུ་གསུམ་ལས་འགུལ་ཚོགས་པ། རྒྱལ་སྤྱིའི་བོད་དོན་འབྲེལ་མཐུད་ལས་ཁང་། ལྷ་སྤྱི་ཚོགས་ཞབས་ཞུ་ཁང་། བོད་རྒྱལ་ཡོངས་མང་གཙོ་ཚོགས་པ། བོད་རང་བཙན་སློབ་ཕྲུག་ཚོགས་པ། བོད་ཀྱི་བེུད་ལྷན་ཚོགས་བཅས་ཚོགས་པ་བདུན་གྱིས་བོད་ཀྱི་ཚབས་ཆེའི་གནམ་གཤིས་འགྱུར་ལྡོག་དང་འབྲེལ་ནས་དགོས་འདུན་དོན་ཚན་གསུམ་གྱི་ཐོག་ནས་གོ་རྟོགས་ཀྱི་ལས་འགུལ་ཞིག་སྤེལ་སོང་། སྐབས་དེར་ཚོགས་པ་བདུན་གྱིས་སྤེལ་བའི་གསལ་འགོད་བསྒྲགས་གཏམ་ནང་བོད་ཀྱི་གནམ་གཤིས་འགྱུར་ལྡོག་ལ་བརྟེན་ནས་ཆར་ཆུ་བབ་ཚད་སོགས་ལ་འགྱུར་བ་ཆེན་པོ་ཕྱིན་ཡོད་པ་དང་། གཏན་འཇགས་གངས་རིའི་འཁྱགས་རོམ་ཐེར་འབུམ་བརྒྱད་བཞུར་ཡོད་པ།...