བོད་ཀྱི་སྐད་ཡིག་ལས་འགུལ་བ།

ཁ་ཉིན་ཕྱི་ཚེས་ ༡༦ ཉིན། བོད་ཀྱི་སྐད་ཡིག་གི་ལས་འགུལ་བ་བཀྲ་ཤིས་དབང་ཕྱུག་ལགས་ཀྱི་ཁྲིམས་རྩོད་པ LiangXiao Jun ལགས་ཀྱིས་་འཕྲུལ་སྒྲ་སྟེང་གནས་ཚུལ་བཀོད་པའི་ནང་དུ།  བཀྲ་ཤིས་དབང་ཕྱུག་ལགས་ཀྱིས་ཁོང་ལ་ཁ་པར་འབྱོར་ཡོད་པ་དང་ཁོང་ད་ལྟ་བདེ་ཐང་གི་ངང་གནས་ཡོད་པར་འགྲེལ་བརྗོད་གནང་འདུགཁྲིམས་རྩོད་པས་སྤེལ་བའི་གནས་ཚུལ་ནང་དུ། བཀྲ་ཤིས་དབང་ཕྱུག་ལགས་ཀྱིས་འདས་པའི་ཟླ་བ་ཁ་ཤས་རིང་རང་ཁྱིམ་དུ་ངལ་གསོ་གནང་རྗེས་བོད་ཁུལ་གྱི་དགོན་པ་ཁ་ཤས་ལ་མཆོད་མཇལ་དུ་ཕེབས་ཡོད་ཚུལ་དང་།  ཁོང་གིས་ཉེ་ཆར་Weipo སྤྱི་ཚོགས་དྲ་རྒྱ་ཞིག་ཀྱང་གསར་བཟོ་བྱས་ཡོད་པ་དང་མ་འོངས་པར་བོད་ཀྱི་རིག་གཞུང་དང་འབྲེལ་བའི་བཟོ་ལས་ཁང་ཞིག་གཉེར་འདོད་ཡོད་པ་ཡང་འགྲེལ་བརྗོད་གནང་འདུག བཀྲ་ཤིས་དབང་ཕྱུག་ལགས་ཀྱིས་ཁྲིམས་རྩོད་པར་ཞལ་པར་བརྒྱུད་ནས་ཁོང་གི་སྐུ་གཟུགས་བདེ་བོ་ཡིན་ཚུལ་གསལ་བོར་བརྗོད་དེ་པར་རིས་ཁག་ཅིག་ཀྱང་སྐུར་ཡོད་པ་ལས། ཁྲིམས་རྩོད་པས་ཁོང་གི་ངོ་གདོང་ཡག་པོ་འདུག་ཅེས་བརྗོད་དེ་ད་ཐེངས་བཀྲ་ཤིས་དབང་ཕྱུག་ལགས་ཀྱིས་ཁ་པར་བཏང་བ་དེ་ནི་ཁོང་བཙོན་གྲོལ་ཐོབ་རྗེས་ཁྲིམས་རྩོད་པར་ཁ་པར་བཏང་བ་ཐོག་མ་དེ་ཡིན་པར་བརྗོད་དེ། མ་འོངས་བར་ཁོང་གི་གནས་སྟངས་ཇེ་བཟང་དུ་འགྱུར་རྒྱུར་སྨོན་འདུན་ཞུས་འདུགརྩ་བའི་ཁམས་ཡུལ་ཤུལ་ནས་ཡིན་པའི་བཀྲ་ཤིས་དབང་ཕྱུག་ལགས་ཀྱིས་བོད་ཡིག་བོད་སྐད་ཀྱི་ཐོབ་ཐང་དང་འབྲེལ་རྒྱ་ནག་གཞུང་ལ་ཞུ་གཏུག་ལན་མང་གནང་བ་མ་ཟད་ New York Times གསར་ཁང་ལ་གནད་དོན་དེའི་སྐོར་གསུངས་པར་བརྟེན་རྒྱ་གཞུང་གིས་ཁོང་ཐོག་མར་ཕྱི་ལོ་ ༢༠༡༦ ཟླ་ ༡ པོའི་ནང་འཛིན་བཟུང་དང་དེ་བཞིན་ཕྱི་ལོ་ ༢༠༡༨ ཟླ་ ༥...

དེ་རིང་། བཀྲ་ཤིས་དབང་ཕྱུག་ལགས་ཀྱི་ཁྲིམས་རྩོལ་བ། སྐུ་ཞབས་ལིང་ཞོ་ཅོན་ལགས་ཀྱིས་ཁོང་མི་སྒེར་གྱི་དྲ་གནས་སུ་གནས་ཚུལ་སྤེལ་བའི་ནང་དུ། བོད་ཀྱི་སྐད་ཡིག་ལས་འགུལ་བ་བཀྲ་ཤིས་དབང་ཕྱུག་ལགས་ལོ་ལྔའི་བཙོན་འཇུག་གི་དུས་ཡུན་ཚང་ནས་གློད་གྲོལ་བཏང་ཡོད་པར་འཁོད་འདུག ཁྲིམས་རྩོད་པ་ལིང་ཞོ་ཅོན་ལགས་ཀྱིས་བརྗོད་པ་ལྟར་ན། ཁོང་གིས་ཐད་ཀར་བཀྲ་ཤིས་དབང་ཕྱུག་ལགས་ཀྱི་ནང་མི་རྣམས་ལ་འབྲེལ་བ་བྱེད་ཐུབ་མེད་སྐོར་ལུང་འདྲེན་དང་སྦྲགས་ནས། བཀྲ་ཤིས་དབང་ཕྱུག་དེ་རིང་ཁོང་གི་ཕ་ཡུལ་ཡུལ་ཤུལ་དུ་ཡོད་པའི་གཅུང་མོའི་ནང་དུ་འབྱོར་ཡོད་པར་བརྗོད་དེ། ཁོང་ལ་དངོས་སུ་བཀྲ་ཤིས་དབང་ཕྱུག་གློད་གྲོལ་ཐོབ་པའི་པར་མ་རག་ནའང་། ད་ཆ་གོང་གི་གཟུགས་གཞིའི་གནས་སྟངས་ཡག་པོ་ཡོད་པར་བརྗོད་དེ། བཀྲ་ཤིས་དབང་ཕྱུག་ལགས་གློད་གྲོལ་ཐོབ་ཡོད་ནའང་རང་དབང་ཆ་ཚང་ཞིག་ཡོད་མིན་ཤེས་རྟོག་བྱེད་མ་ཐུབ་པར་འཁོད་འདུག གཞི་རྩའི་བོད་ཀྱི་ཆབ་སྲིད་བཙོན་པ། སྐད་ཡིག་གི་ལས་འགུལ་བ་བཀྲ་ཤིས་དབང་ཕྱུག་ལགས་ཁམས་ཡུལ་ཤུལ་ནས་ཡིན་པ་དང་ཁོང་གིས་བོད་ཡིག་བོད་སྐད་ཀྱི་ཐོབ་ཐང་དང་འབྲེལ་རྒྱ་ནག་གཞུང་ལ་ཞུ་གཏུག་ལན་མང་གནང་བ་མ་ཟད་ New York Times གསར་ཁང་ལ་གནད་དོན་དེའི་སྐོར་གསུངས་པར་བརྟེན་རྒྱ་གཞུང་གིས་ཁོང་ཐོག་མར་ཕྱི་ལོ་ ༢༠༡༦ ཟླ་ ༡ པོའི་ནང་འཛིན་བཟུང་དང་དེ་བཞིན་ཕྱི་ལོ་ ༢༠༡༨ ཟླ་ ༥ ཚེས་ ༢༢ ཉིན་རྒྱལ་ཁབ་ཁ་བྲལ་གཏོང་རྒྱུའི་ཀུན་སློང་སྤེལ་བའི་ཉེས་མིང་འོག་ལོ་ལྔའི་ཁྲིམས་ཐག་བཅད་ཡོད་པ་རེད།

ཁ་སང་ཞོགས་པ་བོད་ཀྱི་སྐད་ཡིག་གི་ལས་འགུལ་བ་བཀྲ་ཤིས་དབང་ཕྱུག་ལགས་ཀྱི་ཁྲིམས་རྩོད་པ་སྐུ་ཞབས་ lin Qilei ལགས་མཚོ་སྔོན་གྱི་ཏོང་ཁྲོན་ཁྲིམས་ཁང་དུ་ཕྱིན་ནས་བཀྲ་ཤིས་དབང་ཕྱུག་ལགས་སུ་ཐུག་འཕྲད་གནང་རྩིས་ཀྱིས་ཁྲིམས་ཁང་གི་འབྲེལ་ཡོད་ལ་ཆོག་མཆན་ཞུས་ཡོད་ཀྱང་། ཆུ་ཚོད་ཕྱེད་ཀའི་རྗེས་སུ་ཁྲིམས་ཁང་གི་འབྲེལ་ཡོད་སྡེ་ཁག་གིས་པེ་ཅིན་གྱི་ཁྲིམས་འཛིན་ལས་ཁུངས་ཀྱི་བཀའ་ཡིག་མེད་ཚེ་ཁོང་དང་ཐུག་འཕྲད་གནང་མི་ཆོག་པའི་བཀའ་རྒྱ་བཏང་བར་བརྟེན་ཁོང་གིས་དེ་ནི་ཁྲིམས་འགལ་རེད་ཅེས་བརྗོད་དེ་མཚོ་སྔོན་ཞིང་ཆེན་གྱི་བཙོན་ཁང་དོ་དམ་ཁང་ལ་བཅར་ནས་ཞུ་གཏུག་གནང་འདུག སྐབས་དེར་དོ་དམ་ཁང་གི་འགན་འཛིན་གཞོན་པས་ཁོང་ལ་བཀྲ་ཤིས་དབང་ཕྱུག་གི་གདན་དོན་དེ་ནི་ཚོར་བ་རྣོ་བའི་དམིགས་བསལ་གནད་དོན་ཞིག་ཡིན་སྐོར་བརྗོད་པ་དང་འབྲེལ། བཀྲིས་དབང་ཕྱུགས་ལགས་ཀྱིས་རང་ཉིད་ཀྱི་ཁྲིམས་ཆད་ལ་དང་ལེན་མ་ཞུས་པ་མ་ཟད་བཙོན་ཁང་ནང་གི་ལས་དོན་ལ་འདོད་བློ་མེད་པའི་རྣམ་འགྱུར་བསྟན་ཡོད་སྐོར་བརྗོད་དེ་ཁོང་ལ་ཐུག་འཕྲད་གནང་རྒྱུའི་གོ་སྐབས་གནང་མི་འདུག    གནས་ཚུལ་འདི་དང་འབྲེལ་ནས་གསར་འགོད་པས་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་བོད་གནས་ཉམས་ཞིབ་པ་པདྨ་རྒྱལ་ལགས་སུ་རྒྱ་ནག་གི་ཉེས་དོན་གཏུག་བཤེར་གྱི་བཅའ་ཁྲིམས་ནང་བཀྲ་ཤིས་དབང་ཕྱུག་ལགས་དང་ཁོང་གི་ཁྲིམས་རྩོད་པ་གཉིས་ཐུག་འཕྲད་གནང་རྒྱུར་སྲུང་སྐྱོབ་ཀྱི་ཁྲིམས་དོན་གང་ཡོད་མེད་བཅས་ཀྱི་ཐོག་བཅར་འདྲི་ཞུས་པར་ཁོང་གིས་རྒྱ་ནག་གི་ཉེས་དོན་གཏུག་བཤེར་གྱི་བཅའ་ཁྲིམས་དོན་ཚན་ ༡༠༨ ནང་ཉེས་ཅན་པ་སུ་ཞིག་ཡིན་ཡང་རང་ཉིད་ཀྱི་ཉེས་པ་དག་འབུད་གནང་རྒྱུའི་ཁྲིམས་རྩོད་པ་གླ་རྒྱུ་དང་། དེ་བཞིན་རྫོང་དང་ཁུལ་རིམ་པ་ནས་དབུས་གཞུང་གི་ཁྲིམས་ཁང་ལ་གཏུག་བཤེར་གནང་རྒྱུའི་ཐོབ་ཐང་ཡོད་ཀྱང་། རྒྱ་ནག་གི་ནང་ཁྲིམས་ཡིག་གི་བཅའ་ཁྲིམས་དང་ལག་ལེན་གཉིས་འགལ་ཟླ་ཡིན་སྟབས་ཏང་གིས་བཀའ་གསུང་ལྟར་ཐག་གཅོད་བྱེད་རྒྱུ་ལས་རང་དབང་གི་ཁྲིམས་ཁང་དང་ཁྲིམས་རྩོད་པ་གཅིག་ཀྱང་མེད་པར་ངོ་སྤྲོད་གནང་སོང་། སྤྱིར་རྒྱ་གཞུང་ནས་འདས་ལོའི་ཟླ་བ་ ༡༡ ནང་བཀྲ་ཤིས་དབང་ཕྱུག་ལགས་དང་ཁོང་ཉིད་ཀྱི་སྤུན་ཉེ་འབྲེལ་ཕན་ཚུན་དབར་ཐུག་འཕྲད་གནང་བཅུག་ཀྱང་ཁྲིམས་རྩོད་པ་སྐུ་ཞབས་ Lin Qilei ལགས་ཀྱིས་རྒྱ་གཞུང་གིས་གནོན་ཤུགས་དང་དམ་དྲག་བྱེད་བཞིན་པར་བརྟེན་སྤུན་ཉེ་འབྲེལ་རྣམས་ཀྱིས་བཀྲ་ཤིས་དབང་ཕྱུག་ལགས་ཀྱི་གནས་བབ་སྐོར་ཡོངས་གྲགས་ཀྱི་ཐོག་ནས་གསུང་ཕོད་ཀྱི་མེད་པར་བརྗོད་དེ་ད་ཆ་རྒྱ་གཞུང་གིས་ཁོང་ལ་ཁྲིམས་ཐག་བཅད་ནས་ལོ་གཅིག་འགྲོ་བཞིན་ཡོད་ཀྱང་ང་ཚོའི་ངོས་ནས་ཁོང་གི་འཕྲོད་བསྟེན་གྱི་བབ་ཅི་འདྲ་ཞིག་གི་འོག་ཏུ་གནས་ཡོད་པ་སོགས་ཤེས་རྟོགས་གང་ཡང་མེད་པར་བརྗོད་ཡོད་མ་ཟད། བཀྲ་ཤིས་དབང་ཕྱུག་ལགས་ལ་ཁྲིམས་ཐག་བཅད་པ་ད་ནི་ཁྲིམས་མེད་ལུགས་མེད་ཀྱི་བྱ་སྤྱོད་ཅིག་ཡིན་པར་གསུངས་ཡོད། གཞི་རྩའི་བཀྲ་ཤིས་དབང་ཕྱུག་ལགས་ནི་ཁམས་ཡུལ་ཤུལ་ནས་ཡིན་པ་དང་། ཁོང་གིས་དེ་སྔ་རང་གནས་ས་ཁུལ་དུ་རྒྱ་གཞུང་གིས་སློབ་གྲྭ་ཁག་ཏུ་བོད་ཡིག་སློབ་ཁྲིད་བྱེད་རྒྱུ་དེ་མེད་པ་བཟོས་པར་བརྟེན། ཁོང་གིས་ས་གནས་སྲིད་གཞུང་དང་རྒྱ་ནག་གི་རྒྱལ་ས་པེ་ཅིང་དུ་ཕྱིན་ནས་ཁྲིམས་ཁང་དང། དབུས་བརྙན་འཕྲིན་ལས་ཁང་བཅས་ལ་དེ་འབྲེལ་ཞུ་གཏུག་ལན་མང་གནང་བ་མ་ཟད་རྗེས་སུ་ཁོང་གིས་ New York Times གསར་ཁང་ལ་གནད་དོན་དེའི་སྐོར་གསུངས་པར་བརྟེན་རྒྱ་གཞུང་གིས་ཕྱི་ལོ་...