བོད་ནང་གི་མཚན་གཅིག་ཅེས་པའི་རིག་གཞུང་གཞུང་འཁྲབ་སྟོན་བརྒྱུད་༸སྐུའི་འཁྲུངས་སྐར་སྲུང་བརྩི།

བཞུགས་སྒར་དུ་རྟེན་གཞི་བྱས་པའི་བོད་ཀྱི་ཟློས་གར་ཚོགས་པའི་འཁྲབ་སྟོན་རུ་ཁག་ཅིག་ཟླ་བ་འདིའི་ཕྱི་ཚེས་ ༩ ནས་འགོ་འཛུགས་ཀྱིས་བྱང་ཨ་རིའི་ས་གནས་ཁག་ཏུ་བོད་ཀྱི་རིག་གཞུང་འཁྲབ་སྟོན་སྐོར་སྐྱོད་གནང་བཞིན་པ་དང་bསྟུན། ཁ་སང་ཕྱི་ཚེས་ ༢༣ ཉིན་ཨ་རིའི་རྒྱལ་ས་ Washington DC ནང་ཡོད་པའི་ George Washington གཙུག་ལག་སློབ་གཉེར་ཁང་དུ་ An Evening in Tibet ཞེས་བོད་ནང་གི་མཚན་གཅིག་ཅེས་པའི་བོད་ཀྱི་རིག་གཞུང་འཁྲབ་སྟོན་འདུ་འཛོམས་ཤིག་གནང་འདུག བོད་ནང་གི་མཚན་གཅིག་ཅེས་པའི་བོད་ཀྱི་རིག་གཞུང་གཞུང་འཁྲབ་སྟོན་འདུ་འཛོམས་དེ་ཨ་རི་བོད་ཀྱི་སྐུ་ཚབ་དོན་གཅོད་ཁང་དང་། George Washington གཙུག་ལག་སློབ་གཉེར་ཁང་གི་ཤར་ཨེ་ཤ་ཡའི་རྒྱལ་ཡོངས་བསྟི་གནས་ཁང་། དེ་བཞིན་ USAID ཞེས་ཨ་རིའི་ཐེབས་རྩ་ཁང་བཅས་ཟུང་འབྲེལ་གྱིས་གོ་སྒྲིག་ཞུས་པ་ཞིག་ཡིན་པ་དང་། དེ་ནི་གཙོ་བོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་...